رواية بيان الزين الجزء الثاني الفصل الثالث 3 بقلم هاجر الغريب
رواية بيان الزين الجزء الثاني الجزء الثالث
رواية بيان الزين الجزء الثاني البارت الثالث
رواية بيان الزين الجزء الثاني الحلقة الثالثة
فى الجزيرة
لالا يازين مش بعرف اعوم انا خايفه
متخافيش مش هسيبك انا ماسكك اهو
لالا طلعنى
امال لو كنا فى بحر بقا دا حمام سباحه عادى امسكى فيا براحه كدا هنغرق
لالا يامامااا طلعنى هنغرق
ههههه هو انتى بتصدقى اي حاجه هنغرق اية انا بعرف اعوم ودا حمام سباحه عادى بيانى بصيلى وخليكى مركزة معايا انا
(بيان بصت فى عينيه وسرحت معاه وهو استغل الفرصة دى وبدا يفك ايديها من حولين رقبته براحه وينزلها الماية حس بيها بدأت تخاف)
بيانى حبيبتى مفيش حاجه تخوف سيبى نفسك متخافيش
اية دا انا لامسة الارض برجلى
اهو شفتى محصلش حاجه اقفى متخافيش
بيان فرحت وقعدو فى الماية شوية يهزرو ويضحكو
…………………………..
مجهول: عملتى اللى قولتلك عليه ياروضة
روضة: ايوة يابيه بس هو انت مين
مجهول:مش مهم فلوسك هتوصلك مع الراجل اللى هيجى ياخد منك الملفات فاهمه
روضة: فاهمه يابيه
احمد: انسة روضة
ايوة يااستاذ احمد فى حاجه
لا مفيش كنت بطمن عليكى بس
انا كويسه شكرا عن اذنك
عمار كان شايف كل دا من الكاميرات اللى فى مكتب زين وبيراقب روضة زى مازين قاله بس اللى يعرفة ان روضة كانت بتتعامل مع على وهو دلوقتي فى السجن يبقا بتتعامل مع مين دلوقتي
…………………………………..
فى الجامعه
رولا: ريم ازيك
ريم: الحمدلله ازيك يارولا
انا تمام اية بقالنا كتير مش بنشوفك فى الشله اختفيتى فجأه
اه الامتحانات قربت وانا بدرس كويس علشان الامتحانات
اااه الامتحانات طيب اسيبك انا علشان معطلكيش
تمام
جاسر: ها عملتى اية
رولا: هعمل اية يعنى قالت انها بتذاكر علشان الامتحانات
جاسر: ماشى روحى انتى
هاى ريم ازيك
الحمدلله ياجاسر انت تمام
انا تمام انتى مختفية بقالك فترة عن الشله قولت اكيد فى حاجه كويس انى شوفتك
لا انا تمام انا بس مشغوله بالمذاكرة
لو محتاجه حاجه انا ممكن اساعدك انا عامل مكان عندى بنتجمع فى كلنا قبل الامتحانات ونساعد بعض ممكن تيجى لو حابة
فكرة حلوة امتى
بتبقا الساعه 5 كل يوم فى ******** هنستناكى
اه تمام عرفت المكان شكرا
العفو
نقف نعرفكو على جاسر(جاسر اليمانى عنده 22سنه اكبر من ريم بس هو بيسقط كل سنه ابوة صاحب شركات اليمانى للحديد)
……………………………..
فى الجزيرة
زين: مين اللى بيرن يابيانى
دى هنا انا مبردش عليها من وقت ما سافرنا وهى دلوقتى اكيد مضايقة
طب ردى عليها
حاضر يلا بسم الله واحد اتنين تلاته
انتى يا****************ه كل دا مبترديش عليا
والله يا هنا زين مكنش مخلينى ارد على حد خالص
ياسلام وانا اقلق عليكى بقا عادى
خلاص يا ستى متزعليش نفسك هانت و هاجى و هتشوفينى
اه قاعدة انتى بقا هناك وسايبة الامتحانات
ههههه لا زين اجلى الامتحانت بتاعتى همتحنها بعدكو
ومين بقا هيشرحلك المحاضرات اللى فاتتك يافالحه
زين برضو ماهو مهندس
اية دا كل حاجه زين امال انا كنت بسجل المحاضرات لمين
ما انا هاخدها و هسمعها اكيد
ماشى المهم يعنى انا هستفاد منك اية بقيتى حامل
هههههه يابنتى حامل اية انا لسة مكملتش شهر
وحشتيني اوى بجد الكلية من غيرك وحشة
انتى كمان وحشتيني ياقلبي كفاية بقا لحسن نعيط يلا روحى دلوقتي بقا
ماشى سلام
زين: فى ايه مالك زعلتى لية
اصلها وحشتنى اوى
قربنا ننزل وهتشوفيها انتى زهقتى منى ولا اية
لا طبعا مقدرش ازهق منك هى بس وحشتنى
طب قوليلى بقا اية موضوع الحمل دا مين اللى حامل
دى هنا بتقولى بقيتى حامل ولا لسة
فكره برضو طب اية بقا مش لازم ننفذ طلب هنا دى صحبتك الانتيم يعنى يلا تعالى وشالها وطلع بيها اوضتهم فى وسط ضحكاتها وخجلها.
……………………………………
ازاى يعنى الورق دا راح فين
روضة بتوتر: اكيد موجود فى حته ياعمار بيه
عمار بزعيق: ازاى يعنى الورق دا مطلعش من الخزنه والمفتاح مش مع حد غيرى انا وزين وانا مفتاحى كان معايا ولما رجعت لاقيته على المكتب يبقا ازاى بقا روحى خلى الامن يفرغ كاميرات الدور والمكتب بسرعه
قولتلهم وقالو ان الكاميرات اتعطلت امبارح ياعمار بية
ازاى يعنى ومين اللى عطلها روحى انتى دلوقتى وانا هتصرف
………..
يترى عمار هيعمل اية
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بيان الزين الجزء الثاني)
