رواية بوادر عشق الفصل الثالث 3 بقلم ريتاج محمد

رواية بوادر عشق الجزء الثالث

رواية بوادر عشق البارت الثالث

رواية بوادر عشق الحلقة الثالثة

تمنى:يعني هيطلع مين معايا يعني
لؤى: فاكرة الظابط الي هزقك انهاردة عشان الرخصة؟
تمنى :ونبي متفكرنيش دنا كنا نفسي اثبت وشه كدة وانزل تلطيش عليه الغبي الحيوان الي بيزعقلي الي …
ثانية كدة… انت عرفت منين ان انا فيه ظابط هزقني ا اقصد كلمني بطريقة مش حلوة
لؤى:منا الحيوان الغبي
تمنى :لا متقولش ..
وراحت عملتله بلوك
ونامت على ضهرها وهي بتبص
للسقف وهي بتقول:ماهي ناقصة بقى يدخل يكلمنى
انا هتخمد احسن
وحاولت تنام لحد ما نامت
_______________
عند لؤى كان بيكتب بس لاحظ ان الصورة اختفت
فقال بصدمه:دي بلكتني !
اه يابنت الللل
يعني شتماني ومبلكاني
هوصلك عادي هتروحي مني فين
وكمل بضحك : بس قمر يخربيتها
هييح اما اقوم اشوف حاجة أكُلها
وقام مكنش لابس تيشرت فلبس واحد ونزل
كان الجو هادي فدخل المطبخ
وهو بيبص علية وبيقول:استعنى عالشقى بالله
ولبس المريلة
وبدأ يقطع الخضار وبدأ يعمل اكل وهو بيغني
لقى الي واقفة على باب المطبخ وهي بتبصله بهيام وبتقول:عقبال التاني ميقفلي كدة في بيتي يلولي
التفت بضيق وهو بيقول بحدة:انتي اي الي منزلك من اوضتك دلوقت وفي شباب..وبعدين اييدة
اي الي انتي نازلة بية دا ؟؟؟
بصت على لبسها الي كان ديق وهي بتقول:ايه في ايه ..ما حلو اهو
لؤى بعصبية:مراااام خمس ثواني والاقيكي اختفيتي من وشي بالقرف الي انتي لبساه دا
وحزاري حد يشوفك كدة
مراام بقرف :ولا اتكلم عدل ياض ..مش عايزة اتعصب عليك !
لؤى ساب الاكل وهو بيقرب منها وبيقول:تتعصبي على
مين ياروح قلبي؟
مرام بتوتر:مش قصدي انت ..اااا قصدي هو هو الي هو انت بس مش انت …فاهم حاجة؟
لؤى:غوري من وشي يمرام ..
غورري اطعلى برة
خرجت وهي بتتمايل وببتغني:قولولوا مخرجتش يعني من الجنه ااااااااااااااه قالتها بوجع لما لقت عبد الرحمن أداها بالقفى
حطت ايدها على قفاها بوجع وهي بتقول بغضب:يوووووة بقى هو انت واخوك .
مترحموني بقى الله
عبد الرحمن:بت انتي بتزعقى لمين يبتتتتتتت
مرام:يعم غور بقى
عبد الرحمن مسكها من قفاها وهو بيقول وهو بيبص على لبسها:افهم انا اي الي منزلك بأم المنظر دة وفي ناس عندنا
مرام:يووووه انت تقول وهو يقول ناس فين الناس دي انا ليه مش شايفاها
عبد الرحمن:نقصد معتصم ياروح امك
مرام بعين بتطلع قلوب:احلف عصعص فوق
عبد الرحمن بقرف :عصعص يابيئة ياسوفاج
مرام بتناحه:امممم
عبد الرحمن وهو بيزقها ناحية السلم :طب غوري بقى على اوضتك والبسي حاجة واسعه بعد كدة
مرام :هو في أيه يابودي مش كاتبين الكتاب انا وهو الله يبقى عادي اقعد كدة قدامة بعدين دا ابن خالتي
عبد الرحمن:ان شاء الله بصى يكون مين ..اطلعي اتزفتي البسي حاجة محترمه
لما تبقى ف بيتة ابقى اقعدي قدامه براحتك
مرام بحب:دة كدة كدة يمتغلظ
عبد الرحمن :يبت متستفزنيش بقورتك دي الي قد الطبق
مرام بغضب:يكداب قورة مين الي زي الطبق مانت مناخيرك اكبر من الكوباية ومتكلمناش
لؤى من المطبخ بزعيق:بت انتي وهو كل واحد على اوضته يلا مش عايز اشوف وشوشكم
مرام :ماشي يالولي
انا طالعة تصبح على خيرر
وانت بقى خليك كدة متكاد
حدفها بالمخدة الي كانت ف ايدة وهو بيقول:طب وربنا لأجلكوا معاد الفرح
جريت بضحك وهي بتقول:مش انت الي تقرر لولي بس هو الي يقرر اما انت نوو
وجريت
عبد الرحمن ضحك عليها وراح المطبخ وهو بيسند عالرخامه وبيقول ل لؤي:اعمل حسابي معاك ربنا يسترك لحسن الجحشه الي فوق دي طول منت مش هنا بتأكلنا دليفري لحد ما استويت
لؤي بضحك:ماشي
عامل اي ف دراستك
عبدة بمشاكسه:فل الفل يحب
لؤي :اة بأمارة سارة ها الي بتكُت من محاضراتك عشانها
عبدة:اة ياسوسة مبيفوتكش حاجة انت ،عمتا والله بسلى نفسي
لؤي بدهشة:بتسلي نفسك ببنات الناس؟
انت بتهزر ياعبرحمن
عبدة :ياعم متبقاش قفوش كدة
عادي يعني بسلى وقتي
لؤي: غور يعبد الرحمن من وشي بدل ما ارزعك بحاجه فوشك قال بتتسلى قال دنت عيل ***
معندكش مسؤولية
عبد الرحمن:انا طالع يعم ومش عايز اكل
وبعدين فيها أي ما الكل بيرتبط جت عليا انا يعني
لؤي:يعم غور يعم قال جت عليا قال
امال انا بقى اعمل ايه
عبد الرحمن:اعمل اكل وكُل ونام يحبيبي تصبح على خير
لؤي:اطلع فوق يلا
عبد الرحمن طلع
ونام
ولؤي عمل الاكل وشال نصيب عبدة هو ومرام ومعتصم
وأكل وطلع نام
_______________
تاني يوم .
عند تمنى كانت قامت وفطرت شوفان باللبن
ولبست بنطلون ابيض على تيشرت كت ابيض
وبليزر روز ولبست هيلز بيضه
ورفعت شعرها ديل حصان على فوق مع خصلتين من قدام راحت على اوضة فريدة وهي بتصحيها وبتقول:انا رايحة الشركه متجيش انهاردة عشان المحاضرات الي عندك تمام
وهبقى اعدي عليكي عشان نعمل الاشعه
فريدة بنوم وهي دافنه وشها ف المخدة: ماشي
تمنى بجدية :بس لو اكتشفت انك مروحتيش الجامعه انهاردة ياويلك يافريدة ياويلك
فريدة:ياستي هروح والله يلا امشي انتي
تمنى:ماشي يفريدة
وخرجت برة البيت ركبت العربية
وطلعت عالشركه .
دخلت وقالت لموظف الاستقبال :ابعتلي اي حد ف الحسابات يا محمد
محمد باحترام:تمام خمس دقايق
طلعت ف الاسانسير ودخلت مكتبها وهي بتفتح اللاب توب وبتشوف حاجة فالباب خبط
تمنى:ادخل
مؤمن :في حاجة يافندم طلبتيني
تمنى:محتاجة اراجع حسابات الشركة
مؤمن:لي يافندم في حاجه حصلت
تمنى:لا مفيش وبعدين هو لازم حاجة تحصل عشان اراجع الحسابات ؟
مؤمن:لا طبعا
وراجعوا حسابات الشركة مع بعض
مؤمن:في حاجة تاني يافندم
تمنى:لا تقدر تتفضل
ونزل هو وهي اتصلت على فريدة:الو يافريدة انتي فين
فريدة بنوم:فالجامعة بعمل الاشعه
تمنى بزعيق:فررررررريدة انتي نايمة
فريدة انتفضت من عالسرير وهي بتقول:ابدا
انا بلبس اهو يلا سلام وكانت هتقفل
تمنى:استني استني بعيدا عن انك هتتعاقبي يافريدة عشان فوتي محاضرة كاملة
بس بصي انا انهاردة كان عليا ايه
فريدة وهي بتفتكر:عندك مقابلة عمل ف مطعم(****) عشان تتممي الصفقة الجديدة
تمنى :حاجة تاني؟
فريدة:كان عندك ميتنج بس لغيته
تمنى:نعم. انتي عبيطة يافريدة ليه تلغية؟
فريدة:والله صدقيني مش مهم خالص
تمنى:والله لولا اني واثقة فيكي لكنت نفختك ياحيوانة
فريدة:شكرا
تمنى:القابلة هتبقى مع مين
فريدة:مع استاذ معتصم السايح
تمنى بضحك:نعم ،ايه سايح دي متحترمي نفسك
فريدة بضحك:استني انتي فهمتي ايه لا هو اسم ابوة السايح
انا مالي انا
تمنى بضحك:طيب ماشي سلام لا استني
فريدة بدراما:اي بقى انا والله عارفة انكم من غيري مش هتعرفوا تعيشوا بس مش كدة بردوا يجدعان
تمنى:ماشي ياست المهمة المقابلة الساعه كام؟
فريدة:٥ العصر
تمنى وهي بتبص عالشاعة ف ايدها:يعني كمان ساعتين طيب
ماشي سلام
______________
عند معتصم كان لسة صاحي
ونزل وهو بيفرد دراعاته ف الهوا وبيقول:يخربيت النومه عندكم ايييي تسطل
يبني دنا نمت محستش بنفسي
لؤى:نوم الهنا يحبيب اخوك
معتصم:بس غريبة مش فالشغل انهاردة انت يعني؟
لؤي:واخد اجازة يومين اريح فيهم شوية
ونت لية صاحي متأخر مش عندك شغل انت؟
معتصم:عندي يعم عندي ..بقولك اي هو فين الواد بودة؟
لؤى؛ف الجامعه
معتصم:ومرام؟
لؤى:ونت مالك يعم
معتصم بضحك:مراتي ياعم خف غيرة شوية
لؤي:طب خف انت بدل ما أاجلكوا ام الفرح
معتصم ضحك :بقولك ايه متيجي معايا المقابلة بتاعت الشغل
لؤي:مش قادر والله
معتصم:متبقاش بارد بقى انا كدة هروح لوحدي
منظري مش هيبقى لطيف
تعالى بقى خليك جدع
لؤي بتفكير:طيب
معتصم:طب قوم البس بقى عشان يدوب نلبس ونروح هتكون الساعه جت خمسه
لؤي:ماشي
وطلعوا لبسوا ونزلوا ركبوا العربية وراحوا عالمطعم
وكذلك تمنى بس. كانت لوحدها
وصلوا لقوا تمنى قاعدة مستنياهم
معتصم وهو بيمد ايدة :اهلا انسه تمنى
سلمت علية وهي على لؤي وبصاله بغضب طفيف بتقول :مش تعرفنا يا مستر معتصم
معتصم :اة صح نسيت
انسة تمنى دا يبقى الظابط لؤي عز الدين
ابن خالتي
لؤي دي تبقى الآنسة تمنى العسيلي
لؤي بضحك:العسيلي اسود ولا ابيض
معتصم نكتة فجنبة جامد
تمنى ابتسمت بسماجه:ههههه عسل بس انا شايفة ان الي عندة ابن خالتة اسم عيلتة السايح ميتريقش على اسم عيلة الناس
معتصم بصلها بصدمه