رواية بوادر عشق الفصل الأول 1 بقلم ريتاج محمد
رواية بوادر عشق الجزء الأول
رواية بوادر عشق البارت الأول
رواية بوادر عشق الحلقة الأولى
:يعني ايه يعني المرتبات موصلتلهمش
يافريدة احنا هنستعبط دا اكل عيشهم
فريدة بتوتر:والله يتمني شكل حصل عطل ف الحسابات
تمنى بنرفزة:ناديلي الزفت ولا الزفته المسولين عن الحسابات بسرعة احنا جايين نلعب ولا ايه
فريدة:حاضر
وراحت نادت البنت المسؤولة عن الحسابات
شهد :أستاذة تمنى حضرت طلبتيني؟
تمنى بنرفزة:انا سمعت من الموظفين ان مرتباتهم موصلتلهمش ف معادها ومتأخرة بقالها اسبوعين افهم ليه ان شاء
شهد بهدوء:حضرتك حصل عطل بسيط وان شاء الله بكرة مرتبات الكل هتبقى موجودة ف الفيّز بتاعتهم
تمنى:اما نشوف ، انا لو اكتشفت ان المرتبات موصلتش للكل بكرة انتي وكل الي شغالين ف الحسابات هتبقوا مرفودين فاهمة ؟..يلا على مكتبك وياريت نركز بعد كدة عشان اي غلط المرة الجاية هيبقى برفدكم
خرجت شهد
وكلمتها فريدة وهي بتقول:تمنى
تمنى بضيق:يانعم عايزة اي من زفته
فريدة:عندك اجتماع كمان ربع ساعه
تمنى:هووووف هي ناقصة انا دمي محروق بسبب ام المرتبات دي
انتي عارفة ان اكتر حاجة بتاضايقني ان حد يجي على حقوق الناس او ميوصلهاش ف معادها
فريدة:معلش والله آسفة حقك عليا وبعدين شهد قالتلك انها مشكلة بسيطة وهتتحل
يلا ظبطي نفسك
عشان الاجتماع وانا هجهز الملف والورق الي هنحتاجة
اماءت لها تمنى وهي بتفك شعرها الي كانت ربطاه على شكل كحكة فوضوية لفوق :طيب
ومتنسيش بكرة عندي محاضرة هخلصها ونروح سوا عالمستشفى نطمن عليكي
فريدة :يستي فكك مفيش حاجة
مجرد صداع
تمنى وهي بتقوم وبتعدل هدومها:معلش عشان اتطمن
عليكي
ومسكت المراية وبدأت تظبط شكلها
وفريدة جهزت الورق الي هيحتاجوة
وبعد وقت كانوا خلصوا الاجتماع
وكانوا مروحين
تمنى بتعب :امك عاملة اكل ايه عالغدا
فريدة بتفكير:اعتقد كانت قايلالي قولقاس
تمنى :قولقاس؟
قدامي قدامي يختي قال قولقاس قال
وركبوا العربية وتمنى ساقت ولفوا شوية وبعدين كملت لحد ما وصلوا للفيلا
ونزلوا دخلوا الفيلا وكانت عزيزة مستنياهم :اهلا بالهوانم ما لسه بدري
كنتوا اتأخروا شوية كمان
تمنى باست خدها وهي بتقول:والله ياخالتوا مافايقين خالص للكلام بتاع كل يوم
عزيزة:طب اغرفلكوا تاكلوا؟
فريدة بسرعة:ايو..اااه قالتها لما تمني مسكتها من ايدها جامد وقالت ببسمة مصتنعه: اكلنا ياخالتوا تسلم ايدك
يلا يافريدة هنطلع عشان نشتغل
عزيزة بتذمر:تشتغلوا دا ايه انتوا لسة جايين ..هو انتوا ياحبة عيني كل حياتكوا شغل كدة؟
تمنى:معلش ياخالتو لازم نخلصه اول بأول
يلا يافريدة وشدتها وطلعوا
فريدة بهمس وغضب:دنتي عيلة باردة وغتته ياستي مالي انا بأم الشغل
انا بشتغل ف الشركة وبس
لكن هنا حد الله بيني وبين الشغل
تمنى:طب اخرسي طب
وطلعوا ودخلوا اوضة تمنى
فقالت وهي بتخلع الجاكت بتاعها وبتحطة ف الدولاب وتجيب هدوم :خمس دقايق هدخل اخد شاور سريع تكوني طلبتيلنا أكل دليفري وياريت مكان حلو ها
فريدة بغباء:طب والشغ…لا ايدة استني لحظة معنى كدة اننا مش هنشتغل وكملت بفرحة:الله عليكي ياتمني ياقمر دا ثانية واكون طالبالك اجمد اكل
تمنى ببسمه: طب بسرعة
عدا الوقت واكلوا وناموا
صباح تاني يوم صحيت تمنى الصبح بدري
ولبست بنطلون زيتي واسع علية كنزة بيضة وقميص ابيض مفتوح شمرت اكمامة
وعملت شعرها ديل حصان لتحت
مش فوق وحطت ميكب خفيف مع كوتش ابيض
واخدت الكروس بتاعتها وراحت اوضة فريدة
وصحتها وهي بتقول :بت انجزي هنزل افطر تكوني لبستي
فريدة بنوم: سيبيني نايمة شوية يتمنى بقى الله
تمنى وهي خارجة:طيب ،حلو اوي ابقى قابليني لو دخلتك المحاضرة ونزلت
فريدة قامت بسرعة وخضة ولبست
ونزلت عالسلم وهي بتلبس الكوتشي وبصوت عالي:تمني اوعي تكوني مشيتي وربنا هعيط
تمنى بضحك وصوت عالى:تعالى ياهبلة احنا تحت بناكل
فريدة بأرتياح:هووف ..حاااااضر جاية
ونزلت واكلوا وسلموا على عزيزة وخرجوا
ركبوا العربية وراحوا عالجامعه
ركبوا العربية ف الباركينج
ونزلوا
تمنى بجدية:عارفة لو عملتي اي حركة ف المحاضرة اي الي هيحصل
فريدة بتذمر:عارفة،هووف هو لي أصبح بيكي ف البيت اول وش
واجي اصطبح بيكي هنا اول محاضرة …قالتها بهمس
تمنى وهي بتسبقهاا:قدرك ياحببتي
ودخلت المدرج
وقعدت على المكتب من فوق وهي حاطة رجل على رجل وبتبص على الشباب والبنات وهما داخلين
بصت على الساعة الي فأيديها
وقالت بصوت عالي وصل للكل من غير مايك:انت اخر واحد اقفلي الباب دا خلاص محدش هيدخل تأني
واحد كان قاعد ورا :وهو مين سعتك معلش عشان تقولي مين يدخل ومين لا
تمنى :انا الدكتور يحبيبي
عايز اي بقى
الواد اتكسف وقعد ساكت
بعد وقت كانت خلصت المحاضرة
واخدت فريدة وقالت :يلا انتي السكشن الي جاي مش مهم هنروح بسرعة نكشف وارجعك
فريدة:طب ونتي معندكش محاضرات تاني؟
تمنى:لا هخلي دكتور سلطان يكمل مكاني
بجد مش هينفع لازم اعمل مشوار مهم
فريدة باستغراب:مشوار ايه ده؟
تمنى:لما ارجع هبقى اقولك يلا
وركبوا العربية وراحوا على المستشفى
وقطعوا تذكرة دخول عشان الكشف
واستنوا دورهم ودخلوا
الدكتور بعملية: حاسة بأيه؟
فريدة بتوتر:صداع جامد بيجيلي كذا مرة ف اليوم اكتر
بيجيلي بوجع جامد اوي سعات بصحى من النوم بسببة
الدكتور بعملية:سمعك كويس ولا في ضعف ؟
فريدة:لية يعني؟..هو يعني لا كويس ولا وحش بس سعات ممكن مسمعش كويس
الدكتور :امم..طيب هطلب منك شوية
اشاعات تعمليها
وتجيلي تمام الاشاعات هي ……….؟
فريدة بخوف:لي هو في حاجه ؟
الدكتور : حاليا لا ..بس زيادة تأكيد عايزك تعملي الإشاعات دي عشان في حاجة شاكك فيها
تمنى:وايه هي
الدكتور:مش مهم ..المهم تعملوا الإشاعات دي ف أقرب وقت وان شاء الله شكي يطلع غلط
تمنى :تمام. يلا يافري
وخرجوا وركبوا العربية
فريدة:تمنى هو انا ممكن يطلع عندي حاجة؟
تمنى وهي بتطمنها:لا يحببتي اتطمني ..هو قال زيادة تأكيد على سلامتك ياروحي
فريدة:تمام
ساقت تمنى العربية لحد ماوصلوا الجامعة ونزلتها وشغلت اغاني
وكملت هي
كانت سايقة واتطرت تمشي من طريق صحراوي
فكان في كمين
تمنى:اه ما هي ناقصة هي
وطتّ الاغاني وكانت مستنية العربية الي قدامها تعدي فسمعت الظابط بيزعق مع شخص وكان هيضربة وأمر العساكر يفتشوا العربية
تمنى وقفت العربية ورفعت الازاز المتفيم وربعت رجلها وقعدت عالفون
وبعد شوية كانت العربية الي قدامها مشيت والناس كانوا بيكلكسولها عشان تتقدم وهي مكنتش ملاحظة بس الصوت على فدورت العربية وطلعت قدام
عند الكمين لقت الي بيخبط عالازاز جامد فنزلت الازاز وهي بيتبصلة فقال بصوت جهوري: هنستنى السنيورة احنا حاضر مهو دا الي ناقص
رفعت حاجتها ليه باستغراب
فقال بصوت حاد: الرخص !
كانت بتدور عليهم فقال بصوت عالى:متخلصي الناس عايزة تمشي
تمنى بحدة بصتلة وقالت باتفهام:هو انت بتكلمي كدة ليه مش فاهمة؟
:انت!!
قالها هو بقرف وصوت حاد
تمنى بعند:اة انت بعدين لحظة بدور عليهم
نفخ بغضب:يارب نخلص
تمنى مدت ايدها لية برخصة العربية وهي بتقول:هي دي الي لقيتها
قال بسخرية وهو بياخدها منها :اة وفين بقى رخصه سواقة البرنسيسة؟
تمنى ببرود:نسيتها فالبيت
الظابط :نسيتيها ااااه ..طب اركنيلي على جنب ياقمورة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بوادر عشق)
