رواية بن أسود الفصل الرابع 4 بقلم رويدا القاضي

رواية بن أسود الجزء الرابع

رواية بن أسود البارت الرابع

رواية بن أسود الحلقة الرابعة

فاتت الايام مافيش فرق بينهم اليوم يشبه غدوا وغدوا زي للي بعده وهكي ….
كيان: خلاص بتروحي وبتخلينا…
مرام: معاش نقدر نقعد هنيا أكثر من هكي تعبت نفسيا في كل مكان يخطر عليا موقف معاه ماعرفتش نتخطاه لازم نروح باش نرضى بالأمر الواقع وعقلي يقبل فكرة علي معاش موجود….
معتصم: تعالي مرة مرة حتى ع خاطر عمتك تشوفي في وضعها كيف.
مرام: لفيت بعيوني لقيتها حاضنة ملابس علي وتبكي وكأنها تستنى امتا يرجع…
محمد: هذا من حقك انتي 🥺 تليفونه علي اخر حاجة قالها قبل مايموت ” قولها ترد بالها ع روحها وماتصدق بكل “….
معتصم: خليه عندك لما توصلي للحوش افتحيه …
يارا:راك تطولي علينا يامرام بالله عليك..
مرام: استودعتكم لله ” طلعت من الحوش للي فيه ريحة علي وخيال علي وصوت علي كنت نتوقع مجرد مانروح ننسى مش يقولو الأيام تقسي وتنسي لكن انا الأيام مازادتني كان حب وشوق ولهفة كل موقف يمر بحياتي لعند اليوم نحس فيه اني فقدت السند”
مروى: اختي حبيبتي الحمدلله ع سلامتك كلنا نستنوا في رجعتك…
مرام: بإبتسامة صفراء حتى انا اشتقتلكم.
صالحة: خشي دوشي وتعالي تعشي..
حاتم: اليوم ع خاطر انتي تحبي الحوت المشوي جبته وبنشويهولك انا.
مرام: شفتله وكأنه قال حاجة عيب ولا حرام لكن هذا بابا مانبيش نجرحه في خاطري كيف هكي ياكلوا ويشربوا وعلي ماليش شهر ميت…..
خشيت دوشت وخشيت ضميت داري وجهزت ملابسي لانه القراية مازال عليها اسبوعين وتبدأ …..
حطيت هاتف علي يشحن..قعدت نستنى امتا يفتح باش نعرف شن فيه …
مروى: شن ماتبيش اتجئ تاكلي بابا مداير هذا كله ع خاطرك انتي.
مرام: نجفف شعري وجاية تعرفوا شعور فقدان الإحساس بكل شئ حولك هذا شعوري انا توا….
مروى: نعرف انه للي صار معاك صاعب لكن الحياة مازالت قدامك وانتي ماشفتي منها شى لو كان علي مازال عايش مستحيل يرضى ولا يقبل ايصير هكي…
مرام:طلعت قعمزت كليت معاهم وبلا نية مجاملة وخلاص لي بابا وماما….
…………………………………………….
قيس: ألو معتصم نبيك اتجيني..
معتصم: وين انت .
قيس: في الحوش نبيك في موضوع مهم.
معتصم: تمام نشطب اموري وانجيك .
قيس: نستنى فيك .
معتصم: سلام في حفظ الله….
مرت الايام وجت القرايةةةة وبديت مقعمزة في الكرسي بلا عقل…
كيف بنقرأ وانا كل يوم وين ايجئ الليل نفتح نقاله نتفرج ع صوره ….ياريته طلع كذاب ولا خاين اقلها نلقى سبب باش ننساه خشيت للملاحظات متعه بالصدفة…..
وشفت للي يخلي القلب يدمع.
يوم الأحد 5\7 اميرتي نجحت وطلعت من ثالث إعدادي….
يوم الجمعة 4\3 كان اول يوم نتأكد من حبي ليها.
وانا نتفرج وتتوالى التورايخ والمناسبات وكأنه جودي كان محور حياته لعند ماوصلت لباقي التورايخ وكانت قائمة طووويلة.
9\8 يوم اعترافي بحبي …
يوم12/24 رح يكون بإذن الله يكون فضانيتي انا ونصي الثاني ….
طيحت الهاتف وبديت نبكي بصوت كان يفكر يخليهالي مفجأة لكن الموت اخداته قبل مايتم للي يبيه…
صالحة: بسم الله ع بنتي خيرك شن فيك يامرام ارحمي روحك حرام عليك عليك اهو للي اديري فيه…
مرام: وانا خانقتني العبرة شوفي ياماما شن كان ناوي ايدير علي شدت ماما الهاتف وشافت وين انا اشرتلها..على الملاحظة….
صالحة: معاش فيا حيل للحزن يامرام تربحي يابنتي انسيه ربي يعوظك بعلي ثاني …
القصة بدت من قيس بداية لأعصيار جديدة..
معتصم: اه نعم شغلتني شن فيه.
قيس: انا علي قبل مايموت وصاني ناخد مرام …
معتصم:😳 اه علي قلك خود مرام.
قيس: ايه قلي مش رح نطمن عليها الا لو ياخدها خوي خودها ياقيس ….
معتصم: اسمع توا علي ماليش شهرين متوفي ومش وقته الموضوع هذا…
قيس: باهي ولو البنت خطبوها.
معتصم: اطمن البنت مستحيل تاخد حد وحتى لو كنت انت توا هيا مجروحة ومنهارة ع خاطر علي.
قيس:المهم اهو عندك علم.
معتصم: تمام خلي الموضوع بينا توا.
روحت ومانعرفش علاش حسيت في كلام قيس كذب لكن شن المعنى مرام هو مش شايفها….
بعد مرور سنة من موت علي
كيان: يتربي في عزك يارب شن تبي تسميه.
يارا: 😔 علي اكيد بنسميه علي.
خديجة: ربي يجعله طويل عمر….
سميرة: جاء لىي بيعوظك ع علي..
مرام: عمره ماايجئ حد في مكان حد …
سميرة: وانتي يامرام ماتعرفيش النصيب شن مخبيلك ..
صالحة: بنتي قعدا صغيرة توا تركز ع قرايتها اهم من كل شئ.
طلعت انا وكيان ع جنب بروحنا …
كيان: نبي نفهم هاذي بي اما وجه جاية وقعدا تناقش فينا ولدها الحشاش سبب موت خوه .
مرام: تعرفي شادة اعصابي غصب داخل قريب ضربتها كف باش تعرف النصيب وغيره.
كيان: ماتزعليش مني انتي اختي مش بنت خالي لكن انسيه علي ع خاطرنا كلنا امي طول مانتي هكي مدايرة في روحك رح تقعد تحس انه علي ليه ذنب …
مرام: نزلو دموعي طول انا مسامحته ع كل لحظة تمر من عمري وانا نستنى فيه.
كيان: في شن تستنى راك قريب تهبلي هذا كفر للي تقولي مافيش حد مات ورجع حي ثاني ….
بعد شهرين …..
حاتم: لازم نغيرلها المدرسة القديمة مشكلة رسبت في جميع المواد.
صالحة: وانت تشوف في للي صار فيها العام للي فات شوية.
حاتم: ندمت لانه كنت نخلي فيها في حوش عمتها وندمت ع السنين للي عاشتهم مرام معاهم ماكنتش نتوقع انها رح تتدمر بشكل اهو .
صالحة: ربي هكي كاتبلها شن بتعاصي ربي مثلا.
حاتم: استغفر الله لكن لازم ننقلها لمكان ثاني تغير البيئة المحيطة بيها وتشوف ناش جدد.
صالحة: فعلا مرات هذا حل شديت راسي حاسة بصداع غريب .
حاتم: نرفعك تعايني.
صالحة: لالا. ماليش لزمة تعرف انت من بعد هذيكا المرضة هركت روحي وهركت المستشفيات.
حاتم: ماهو لازم منه الفحص كل فترة.
صالحة: مافيا الا كل خيرماتشغلش بالك انت بكل.
حاتم: انتي رفيقة عمري ومرتي لو ماشغلتش بالي بيك بمن بنشغله….
مروى: مرام مش حاسة بالشئ للي انتي فيه راك رسبتي في جميع المواد.
مرام: مش أول مرة نرسب…
مروى: لا. اول مرة من يومك تنجحي ممتاز امتا رسبتي قبل.
مرام: رسبت في امتحان الدنيا لما مات علي…
مروى:😡 ربي يهديك وخلاص قرفتينا راك.
مرام: بدون أي ردة فعل بدت اياميباردة خالية من الألوان نحس في روحي عايشة بلا هدف في حياتي ناكل ونشرب وخلاص لعند ماصار معاي شئ غريب عمري ماننساه….
كنت نصلي في الفجر الشى الوحيد للي تغير في حياتي بعد موت علي محافظتي ع صلاتي بعد سلمت ومقعمزة نقرأ في اذكار الصباح وانا نقرأ غفيت…
اكيد الكل عايشينها لقطة غفوة بين نومة وصحوة وهذا للي صار معاي حطيت راسي وغفيت شفته قدامي جيت نجري حظنته علي اشتقتلك كنت عارفه انك بتجيني.
علي: جاي باش نقولك لو تحبيني انسيني مانبيش نتعذب بدموعك الهاتف رديه لمعتصم خوي.
مرام: فتحت عيوني مالقيت شى فتحت الشباك هبت نسمة خفيفة شميت فيها ريحته ….طار النوم من عيوني كان هذاك اليوم للي غير مجرى حياتي للأبد…
صالحة: الله ريحة قهوة قداش ليا معاش فقت ع ريحتها.
حاتم: هذا أكيد مروى ورتث حب القهوة من اختها مرام.
صالحة: خلي نفيق نشوف من …
حاتم: باهي بري شوفي.
صالحة: مجرد ماخشيت المطبخ جيت طايحة ع اركابي
لقيتها مرام .
مرام: بسم الله ماما خيرك شن فيك.
صالحة: وانا نبكي الحمدلله ياربي هاذي دعواتي في كل صلاة ربي يقويك ويمدك بالعزم من عنده…
حاتم: شن الدوشة هادي.
مروى:🤫 مرام رجعت لطبيعتهاا.
حاتم: الحمدلله.
مرام: شن عائلة تامة فاقت علاش شن الغريب فيه للي صاير ولا حرام نشرب قهوة…
حاتم: انتي أمري بس للي تبيها تحضرلك….
مروى: بعد طلع بابا وماما مرام بنسألك سؤال لو حد قلك اعطينا اسم للأيام للي عشتيها.
مرام: بكل تأكيد بن أسود 😉.
شربت قهوتي واتصلت بي معتصم .
معتصم: اهلين مرام كيف الحال.
مرام: الحمدلله تعالى نبيك عندك امانة لازم نعطيهالك.
معتصم: باهي غدوا ماشي لطرابلس نفوت عليك طول.
مرام: تمام نستنى فيك .
سكرت منه ومشيت لي بابا هيا نمشوا نغيروا الثانوية معاش عندي نية فيها هاذي.
حاتم:😁ماهو ياانتي سمعتيني وانا نكلم في امك يا تفكيرك زي تفكيري.
مرام:تصدق لو نقولك يابابا هذا لما كيف بديت نسمع راني كنت سنة لانسمع ولانشوف…
حاتم: ربي ايزيل الغمامة ع عيونك وينور دربك.
فاتت الليلة وانا نتخايل في مدرستي الجديدة والابلات ولازم نجدد حتى في صاحباتي .
لعند ماجاء ثاني يوم طلعت مع بابا وحطينا الملف وانا في الطريق رن تليفوني ..🤷🏼‍♂️ عليك نسوة وخلاص هذا معتصم ….
معتصم: وين ياصاحبة الكلمة في حوشكم راهو ليا ربع ساعة ….
مرام:هههه شى عاد انت ع الدقيقة تموت شوية ونوصلك .
حاتم: شن خير تبي منه حاجة
مرام: بابا راني كبرت معاش مرام الصغيرة.
حاتم: ع اساس عندك اسرار وخصوصيات 🤣 باهي ياستي حاضر حقك عليا نحترمك.
معتصم:اهلين بصاحبة الموعد العبيط.
مرام: باهي باهي وانت ماصدقت حصلت كلمة وبديت تجري بيها….
معتصم:اهو في الاخير كسبنا شوفت مرت خالي والشريرة مروى.
مرام: الشريرة مروى صااار 😏.
مروى: مبردك رجعتي لبرادتك القديمة.
مرام: تعالى معتصم نبيك بروحك .
صالحة: بطبيعتنا نحترموا في رأيهم واظح انه في كلام ماتبيش حد يسمعه جاء حاتم بيلحقها شديته من يده رجع وفهمني.
معتصم: شن فيه راك شغلتيني حكم ماقدرتش نرقد وانا نفكر.
مرام: قعمز هذا تليفون علي معاش نبيه خليه معاك.
معتصم: لكن علي وصاني نخليهولك .
مرام: وعلي نفسه البارح وصاني نرد النقال .
معتصم: شكله اخر فيوزات انضربوا هبلتي رسمي.
مرام: قعمز انا حاليا اعقل من أي وقت فات امس بعد صليت الفجر حلمت بي علي وصاني نعطيك التليفون ونرجع لحياتي القديمة.
معتصم: مدامه هكي تمام هاتيه اه نسيت قبل سنة كلمني قيس وقلي انه علي حمله امانة انه ياخدك ومايخليكش لحد .
مرام: 😏 وانت صدقته يامعتصم.
معتصم: تبي الحق ماشكيتش انه يكذب لانه شن مصلحته.
مرام: للي نعرفه انه كذاب ومتأكدة انه يكذب.
مش لحقته عليه انت قبل مايمووت وحكيت معاه علاش ماوصاكش انت اولى من انه يوصي قيس .
معتصم: تمام اعتبري الموضوع مات في ارضه خلاص توا نقعد نوزع فيه لين يناسك من باله بكل.
مرام: انا مانبيش نورط نفسي في علاقة جديدة نبي نركز ع مستقبلي يكفي سنة ضاعت من عمري بدون فايدة .
معتصم: موفقة وعندك حق لكن نبي منك خدمة بس.
مرام: لو نقدر عليها حاضر ادلل.
معتصم: نبي مروى نبيك تكلميهابالله عليك.
مرام: اعتبره تم .
وفاتت الأيام وجاء وقت القراية ومشيت زي الغراب الحزين مكان مانعرف فيه حد غربية فات اليوم الاول والثاني والاسبوع الأول وانا بروحي ….
لعند ماجاء اليوم للي قعدت ندور فيه ع الإدارة وبالصدفة لقيت بنت مقعمزة بروحها….
معليشي لو سمحتي ندور ع الإدارة ممكن تدليني عليهااا
كريمة:🤣🤣🤣 بالله شن جديدة ياحبي زيك لكن تعالي نمشو انا وياك ندور عليهاااا.
مرام: حصلت حد رايح زيني معناها.
كريمة: ايه اطمني .
مرام: فاش تقرئ انتي.
كريمة:سنة ثالثة وانتي.
مرام : زيك متحولة جديد .
كريمة: معناها من اليوم انتي صديقتي هذا طبعا لو ماعندكش مانع…
مرام: اكيدماعنديش مانع نتشرف
وبدت كريمة تحكيلي ع سكنتها وحياتها وعيلتها لدرجة انها جبدتلي تاريخ جدهم الأول في الربع ساعة للي نستنووا فيهم باش نروحوا.
كريمة: حكتلي ع قصتها وقداش وجعتني وللي صار فيها مش شوية بديت كل مانروح مافيه في فمي شئ خاطي مرام.
مرام: ماما فرحت طبعا لما عرفت انه بدت عندي صديقة وزادت فرحتها أكثر يوم جتني للحوش وتعرفوا عليها ….
مروى: الحمدلله ربي عوظك ماشدتش معاك الدنيا في الحب شدت معاك في صاحبة زي الأخت….
صالحة: قولي ماشاء …
مروى: هيا بحبحبو حتى امي خايفة عليكم شفتو كيف.
ومجرد ماتضحكلك الدنيا وتتعدل ضروري اتجئ كارثة وقصة تقلب الموازيين وبدت سلسلة الخسائر تلف عليا في دائرة اللانهاية….
في يوم كنت واقفة نستنى في بابا تأخر عليا لين سمعت صوت غريب جاي من ورايا ..
فاضل: انتي يامغولية عام نستنى فيك وانا واقف حرقتني الشمس …
مرام: لفيت معليشي شن تقول ومن انت اصلا…
فاضل: اه 😳😳 اسف راني نحسابك كريمة بنت اختي ..
مرام: لالا . انا صاحبتها حصل خير شوية ونضبحلك عليها.
مشيت لكريمة وحكيتلها شن صار طبعا ماتت بالضحك
عليا…
مرام:مبردك عرفت لمن طالعة …
كريمة: خالي الكذاب الممثل شاطر تطورت من اساليبك وعرفت تغير من الطريقة القديمة ….
فاضل: تحشمي ع وجهك واطلعي قدامي .
مرام: شوية وجاني بابا حتى انا وروحت لكن كنت واثقة من انه كريمة رح تكلمني ع خالها وفعلا صار زي ماتوقعت ….
كريمة : اسمعي ياعسل خالي معجب بيك ومن الاخير وانا نشكر ونشكر ونشكرر.
مرام: ههههه مجنونة راك رسمي …..