رواية بن أسود الفصل الخامس 5 بقلم رويدا القاضي
رواية بن أسود الجزء الخامس
رواية بن أسود البارت الخامس
رواية بن أسود الحلقة الخامسة
“تموت قصص لتولد أخرى ”
مروى: شن رأيك انتي فيه بصدق.
مرام: كاشكل حلو والف بنت تتمناه لكن مش موضوعي المظهر الخارجي المهم الجوهر الداخلي…..
كريمة: اسمعي للي نقولك عليه ونفديه رح تكسبي قلب وعقل وحب خالي…
مرام: 😏ياخطيرة انتي شن مخططة بالزبط.
كريمة: انا قتله البنت ثقيلة وماعندهاش في جو العلاقات وهذا المهم رقمه لكن ردي بالك تكلميه توا فوتي ايام وبعدها كلميه….
مروى: تعلمي من صاحبتك شفتي الناس للي تعرف تفكر.
مرام: وتمام كيف ماقالت من يوم وليت في أسبوعين وانا مثقلة روحي كيف ماقالت كريمة وهو كل يوم يكلم فيها عليا وكل مرة متسبل انه بيروح بيها باش يشوفني لعند ماتم أسبوعين….
كريمة:ياسرك خالي كليتي كبده قلنا اثقلي مش اهبلي كلميه اليوم مرام راهو صدعني بيك .
مرام: بعد ضحكت عليها وهيا توصف في خالها كيف قعد معنكش فيها قولها تكلمني وينها ومن الكلام هذا…
روحت للحوش وجت الساعة 9 شديت الهاتف وبعتثله رسالة قتله انا صاحبة كريمة…
وهو ماصدق طول اتصل.
فاضل: اخيرا والله قلبك حن علينا واتصلتي .
مرام:ولقيته اجتماعي زي كريمة بالزبط ويوم يجر يوم ومع الوقت ولا فاضل محور حياتي في وقت قصير مانبيش نقول نحبه زي علي ولكن حبيته كانت فيه تصرفات تخلي فيا نحس انه علي مازال معاي…
وقررت يوم اتجينا عمتي نحكي لكيان ع القصة كلها…
كيان:😳قصدك حبيتي حد بعد علي نسيتي شن كان ايدير ع خاطرك كان يخاف عليك اكثر من بوك وامك كيف هان عليك وحبيتي غيره…
مرام:😳😳 انا من الصدمة بردة فعلها معاش قدرت نتكلم حسيت لساني انعقد لكن الحمدلله مروى كانت جنبي…
مروى:شن الكلام هذا اولا الحزن حرام ثانيا ماكانش راجلها باش تقعد فانية شبابها حزن عليه وبعدين حتى الارملة ترمي عدتها ومن حقها شرعا تتزوج ثاني شن كفرت لو قررت تعيش…
كيان: والله كبرتي وبديتي عندك لسان ولا استقويتي بعد عرفتي انه معتصم يبيك ومكلم اختك المصون عليك.
مرام:😱انا في خاطري كنت في قصة وليت في اثنين طبعا قررت انا موضوع معتصم نأجله كنت نشوف في التغيير للي صاير لمعتصم للي كان هادئ وفي حاله ويخاف من ظله من يوم مات علي وكأنه طبع علي وصفاته انتقلوا لمعتصم ….
مروى: امتا صار الكلام هذا يامرام…
مرام: بلعت ريقي وانا متحشمة نحط عيني في عينها من فترة لكن ماقتلكش…
مروى: طبعا كيان هنيا حست بالإنجاز للي دارته وع اساس بتتفرج ع الخوات وهما يتعاركو لكن 😏 كان غيرها أشطر قررت نأجل النقاش بيني وبين مرام لين نبدو بروحنا…
وحتى لو خوك يبيني حاجة الله كبيرة ريت هالمعجزة للي صارت باش تخليني نسكت وماندافعش ع اختي ساد سنة فاتت من عمرها وهيا في الدار والظلام وخسرت عام من عمرها رسبت في قرايتها وصار وصار فيها وانتم كنتوا تاكلوا وتشربوا وتطلعوا حياتكم طبيعية وجاي توا بكل صحة وجه تحاسبي فيها….
كيان: طلعتوا ع حقيقتكم اصلا الحمدلله وطلعت وخليتهم.
مروى: توا احكيلي ع قصة معتصم علاش خبيتي عليا شئ زي هذا.
مرام: مانبيش ايصيرلك زي ماصار معاي مانبيش تحبيه وتتعلقي بيه ويموت ويخليك تعاني…
مروى: خيرك هبلتي طول قررتي انه بيموت الأعمار بيد الله ومايعلم بالغيب غير الله.
مرام: ونعمة بالله لكن تعرفي انه معتصم يدور في قاتل علي يبي ياخد بثاره منه.
مروى: حقه خوه مات ظلم طبيعة الحال يدور القاتل لو سكت راني قتلك هذا مش راجل من الأساس.
مرام: اهو عندك علم وهو اصلا يستنى في ردك .
مروى: قوليله موافقة وخلي الباقي عليا.
مرام: تمام شن ناويه بديري.
مروى: الكلام للي قالتها كيان عقل نملة مش جاي من دماغها الفارغ للي يالله يحمل المخ المتقلص للي فيه.
مرام: شن مخططة.
مروى: اموري مش هو يبيني انا حرة نشرط للي نبيه وتوا خليك ساكتة كل شئ في وقته حلو…
كيان:بعد وصلنا للحوش قررت نحكي لمعتصم كل شئ مرات يفوت مروى ونرتاحووا .
معتصم: خيرك شن فيك من وقت روحنا من حوش خالي وجهك مقلوب.
كيان: مقلوب ونحس في روحي بنتفجر توا نحكيلك.
معتصم: خيرك .
كيان: الست مرام تحب وتتمعشق وجت تحكيلي تحساب بنقولها مبارك .
معتصم:مرام😳 متأكدة قبل فترة ناقشتها قتلي تبي تركز ع قرايتها ومستقبلها….
كيان: ضحكت عليك بكلمتين زي ماضحكت علينا بمسرحية الحزن للي عاشتها بعد علي والله يعلم كم ليها في العلاقة هاذي ….
ومش هكي وبس تنوض العقرب مروى تحل عليا فمها وتقولي من حقها تحب بكل عين وقحة .
معتصم:😏 وفعلا من حقها تحب.
كيان: حتى انا في من نكلم نسيت انك مضروب فيها تقول ساحرينكم كان نعرف الخلطة بس…
معتصم: اعقلي وحطي عقلك في راسك ابكل من حقنا انعيشو هاذي حياة وبتمشي مركب مستحيل توقف لو خسرنا حد غالي علينا علي في عقولنا وقلوبنا لكن في الواقع معاش موجود ومايقدر حد يعيش مع خيال مستحيل….
كيان: مشيتلهم مرتين هكي ولا تفكيرك وكان تقعد معاهم شهر شن ايصير فيك.
معتصم: مستحيل تقتنعي من يومك غبية وتوا زاد بيك الحال.
كيان: نضت وسيبته وانا طالعة تلاقيت مع محمد .
محمد: خيرك تقربعي في الباب تقول اعصار شن فيك.
كيان: برا اسأل خوك معتصم توا يقولك.
محمد: باهي باهي ديرلي قهوة …
خشيت لقيت معتصم ساند ظهره للحيط واظح انه متكنطي سالته خيرك.
معتصم: تعالى قعمز باش نحكيلك .
محمد: شكله موضوع طووويل ومهم .
معتصم: اختك بتهبل راهي شوفلها حل معاش طول هاذي.
محمد:شن فيها .
معتصم:ع خاطر مرام بنت خالك متعرفة ع واحد دارتها خاينة وقلبت الدنيا مش حقها بالله عليك يامحمد خليك حقاني واحكم ع الموضوع حكم انسان عاقل.
محمد: حقها والله مايقدر واحد يقولها كلمة وان شاء الله يطلع ولد عيلة وناس.
في الوقت هذا كانت كيان جايبة القهوة وواقفة بيها قدام الباب تسمع في خوتها شن يحكوا.
معتصم: اسمع المدة للي فاتت كلمني خوك قيس قلي علي موصيه ياخد مرام.
محمد: امتا وخيرك ماحكيتش .
معتصم: شن بنحكي هو واحد مريض مايفيقش من السم للي ياخد فيه وبياخد بنت خالك .
محمد: معناها لصقته ع الحيط ….
معتصم: ماخبلته وقتله أجل الموضوع الا بطلوع الروح ..
محمد: اسمع اهو نقولك انا راي كويس خلي نفوت فترة ونكلم مرام تعرفني ع الولد للي تعرفه لو طلع ولد عيلة وناس اكيدة بيجها بالحلال.
معتصم :باهي والخز هذا للي معشش فيها.
محمد: نقعدو مسكتين لين يخطبها ويكمل فيها وبعدين نقولوله نصيبات البنت يخطبوها الف وتقسم لواحد وانت ياخوي ماعندكش فيها نصيب.
معتصم: للي قاهرني ومخليني مش عارف نربط الأحداث في دماغي علاش معشش في مرام وهو مش شايفها اصلا.
محمد: في حلقة مفقودة في القصة لكن ماتخافش المتغطي بالأيام عريان.
كيان:😏 جتني لعندي وتوا نعرف انا كيف نقلب عليك الطاولة يامرام الخاينة.
خشيت اعطيتهم القهوة….
محمد: خيرها باردة زي دمك.
كيان: هذا الموجود خود ولا خلي.
معتصم: تكلمي مع خوك باهي خير مانعطيك كفين نقلبلك بيهم وجهك.
محمد:فوتها مش وقتها توا.
كيان: في حكمة وأو شخص ذكي يعرف يستغل الفرص تقول ” عدو عدوي صديقي”.
الأسباب متعددة والهدف واحد.
وطول اتصلت بي سندس للي من يوم مابدت تعرف وكبرت وهيا تكره مرام وتغار منهاااا.
سندس: ألو.
كيان: اهلين بي مرت خوي وبنت عمي الغالية.
سندس: اه بالك غالطة في الرقم الكلام هذا ليا انا نسيتي اخر مرة كيف طلعت من حوشكم…..
كيان: للي فات ماتت ياحبي واحنا بنات اليوم تعالي بعدين نشربوا قهوة العشية ونهدرزوا .
سندس: تمام حبيبتي.
عند مرام….
فاضل: انا مانبيش نضيعك مني وخصوصا بعد ماعرفت للي صار معاك نوعدك نكون معاك راجل وين تحتاجيني تلقيني جنبك …
مرام: ماتوعدنيش وعد مرات الأيام تجبرك تخلفه .
فاضل: والله طول ماأنا حي ونتنفس مستحيل نسيبك ولانفرط فيك .
مرام: راك تمشي وتخليني.
فاضل: مستحيل وانا ماصدقت لقيتك.
كبر مع الأيام حبي لي فاضل وطبيعتي قبل ماندس شئ ع أمي لكن المرة هاذي فضلت نقعد ساكتة لعند ماليلة رن عليا فاضل والهاتف في يد أمي….
فاضل: الو حبي.
صالحة:ساكتة ….لازم نعرف من طالب.
فاضل: مرام تسمعي فيا …خيرك ساكتة تكلمي.
صالحة: ماهو انا امها مش هيا…عرفت علاش ساكتة من انت وشن تبي من بنتي تتصل بيها في الليل…
فاضل: انا خال كريمة صاحبتها وراني نبيها بالحلال والله نيتي صافية وشاريها…
صالحة: وشن يعرفني نيتك صافية ولا خايبة.
فاضل: انا مستعد انجئ نطلبها حتى غدوا ياعمتي ماعنديش مشكلة هيا مازال ماتبيش .
صالحة: تمام شوية ونكلمك.
ضبحت ع مرام .
مرام: اه نعم ماما.
صالحة: قعمزي بملامح غضب من هذا خال كريمة للي يتصل بيك ولا يقول ياحبي من امتا انتي متعلمة دسي عليا شئ وانا للي شايلة همك وانت طلعتلي تكذبي عليا.
مرام: اول مرة ماما تكلمني هكي ماقدرتش نشد دموعي بديت نحكيلها ونبيكي .
صالحة: تمام بما انه مانكرش معرفتك وماكذبش عليا معناها ولد عيلة وناس وللي مطمني انه خال كريمة لذلك في النهار الهاتف عندك وفي الليل يبدأ عندي.
مرام:سامحيني ياماما لانه دسيت عليك مش قصدي لكن قلت لما نعرف نيته معاي شن توا نحكيلك ..
صالحة:حصل خير مش مشكلة.
فات على علاقتنا شهر بدت تحمل نوع من الجدية اهله الكل يعرفوا وأمي تعرف لكن في الوقت للي تغير فيه مجرى علاقتي مع فاضل تغيرت فيه هلبا امور في صحبتي مع كريمة بدت تبعد وتتغير وكأنه علاقتي بي خالها ندمت عليها….
كل يوم الفراغ بيني وبينها ايزيد لكن للي كان ماليه عليا وجود فاضل في حياتي معاش مخليني وجود حد غيره.
معتصم ومروى دخلوا في علاقة رسمية لانه معتصم مجرد ماسمع موافقتها جاء طول لي بابا….
في الوقت للي فات كانت كيان تجهز للخطة للي ترسملها مع سندس ….
سندس: اهلا كيان حبيبتي كيف الحال وكيف حال عمتي خديجة.
كيان: حالها باهي اسألي ع حالي انا هيا طالعة في حوش بنتها ….
سندس : وانتي خيرك قعدا.
كيان:تعالى انديروا قهوة ونقعمزوا نهدرزوا موااال طويل ويبي قهوة باش نكيف دماغي ونغنيه .
سندس: تمام تعالي نديرلك قهوة مش رح ادوقي زيها.
كيان: هيا تعالي للمطبخ.
سندس: توا عقلك وكيفتيه احكيلي راني من بكري مشغولة ع نار.
كيان: مش زي النار للي فيا الست مرام تحب وتتمعشق من بعد علي …
سندس: 😱 اه كيف ادير هكي وهوغير ايجف ترابه ومعروفة البقرة لما اطيح يكثروا سكاكينها وسندس دور فيها سبلة وجتها جاهزة ع طبق من ذهب.
كيان: وانا نفكر في حل لين سمعت حوار بين معتصم ومحمد.
سندس: شن رايه محمد مستحيل يقبل.
كيان: اسكتي بالله وريحي روحك قال من حقها لكن ترا قولي من للي يبي يخطبها وفكنا منها.
سندس: من
كيان:قيس خوي مكلم عليها معتصم .
سندس: مش طبيعية البنت هاذي الكل يبوها باهي جت في قيس انا كنت خايفة من معتصم عليها عقرب عقرب.
كيان: هيا عقرب ايه لكن احنا عندنا دماغ شن فايدته لو ماستخدمانش …
سندس: هاتي الدبارة توا كان لقيتي حلها.
كيان: من دخل الشيطان في شيشة غير المرأة مانقدروش نحكموا العقل ونمسحوا تافهة زي هاذي.
تقول الناس الأولى تقول كلمة في الصبح وكلمة في الليل تخلي المسلمة يهودية….
سندس: والكلمة للي بتخلي المسلمة يهودية في وذن من بتكون .
كيان: ايوه هنيا بيت القصيد في وذن قيس لما قيس يعرف انه للي باني عليها احلامه بياخدها منه واحد ولد امه توا طول يتصرف وخصوصا لما يلقى من يفكرله
في الدبارة.
سندس: وانا شن المطلوب مني ونقدر نساعد بيه.
كيان: الليلة بتروحي تكلمي قيس وبتقوليله انك سمعتي معتصم هوا ومحمد انه في واحد يبي يخطب مرام وهما مش قادرين يقولو لقيس لانه مازال مش واتي ويبوش يحطوه في موقف بايخ….
سندس: باهي وبعثالي.
كيان: وقوليله انا وكيان عندنا علم بالموضوع ومش مصدق اتصل بيها …..
سندس: تم .
وفعلا يومين وجاء قيس لكيان باش يتأكد من كلام سندس حق ولا كذب.
قيس: شن الكلام للي قالته سندس حق ولا تجري بيا ومن امتا انتم صحبة.
كيان: حق من قبليومين ولينا صحبة .
قيس: من هذا للي جاي يخطب فيها.
كيان: واحد طرابلسي ولد مدينة ياكبدي بتاخدك انت وتسيبه هوا.
قيس: وشن ناقصني انا.
محمد:شن سيارة قيس برا وينه منا مش باين .
خديجة: قال نبي نرقى نشوف كيان الفوق.
محمد: قيس ويسأل ع كيان هذا موضوع يخليني نشك انه فيه حاجةوفعلا ركبت فوق وسمعت كيان وهيا تحكي لقيس كل شى صار ولا تحرض فيه يكلم امه طول باش تكلم امي.
معاش تحملت خشيت اعطيتها طريحة باهيةةةة لانها معاش لاقية من يردها وكمل الباقي معتصم.
خديجة: شن فيه اختكم شن دارت بتقتلوها.
معتصم: نوض روح ياقيس لما تبدأ راجل وكلامك مع التريس تعالى وانت بالوضع هذا وماد وذنك للبنات ماتجيش بكل .
قيس: وانت للي تتكلم ع التريس وين وعدك ليا نوقف معاك ومش عارف شن.
معتصم: هذا الكلام لما تحط عقلك في رأسك وانت بالشكل اهو لا مش سادك انه علي خوك مات بسببك من تحت رأسك قاعد عندك وجه وتقابل لما انت دايخ ملوح تحت واحد من الحيوط انا ندور في قاتل علي للي فداك بروحه وتوا جاي طمعت في الإنسانة للي كان يحبها ..
محمد: نعرفك ندل لكن لدرجة هاذي لا.
قيس: انا ماعنديش علاقة بموت علي والبنت هو وصاني ناخدها وصية علي وانا بنفدها …
معتصم: البنت ماتبيكش شن هوا غصب.
خديجة: عاود ياقيس شن قلك علي وشن وصاك .
قيس: يامرت بوي علي في اخر لحظاته قلي لو متت تزوج مرام واعتبرها امانة في رقبتك .
خديجة:😥 انا نطلبها من خوي .
محمد:😳 يما عارفة روحك شن تقولي.
خديجة: نعرف اكيد .
معتصم: والله كذاب ونبصم عليها بالعشرة كله كلام زايد وماهناك منه …
كيان: حتى الطريحة بردت بعد الخبر العسل اهوووو
في الوقت للي كانت فيه مرام عايشة الحب مع فاضل وتخطط لحياتها معاه كانت كيان وقيس مجهزين الضربة المرتدة باش يقضوا عليهااا.
صالحة: فيقو عمتكم جاي في الطريق وقالت في موضوع جاية ع خاطره….
مروى: فقت وجيت واقفة طول ربي يستر شن تبي هاذي عمتي لو مش موضوع مهم راهو مستحيل تعب روحها واتجى من غادي….
مرام: باهي باهي جو التوتر الزايد اكيد تبي بابا يتملها إجراءات ولا ابصر شن.
واحنا نستنوا فيها امتا اتجي لعند شفنا سيارة للوهلة الأولى شفتها غريبة لعند ماركزت شن 😳هذا قيس هو للي جايب عمتي واظح كارثة جايتني انا…..
مروى: ربي يفوت اليوم ع خير وخلاص.
حاتم:اهلين بأختي هيا تفضلي انتي وللي معاك .
صالحة: وصلت اهو .
حاتم: شن شكلك فمك معبئ كلام.
صالحة: وهلبا.
حاتم: قعمزي توا تغدي وبعدها لاحقين ع الكلام والهدرزة كلها… …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بن أسود)
