رواية بنت فوق الثلاثين الفصل السادس 6 بقلم ميرفت السيد
رواية بنت فوق الثلاثين الجزء السادس
رواية بنت فوق الثلاثين البارت السادس
رواية بنت فوق الثلاثين الحلقة السادسة
التليفون اللي جالي كان من بنت ما اعرفهاش بتقول لي انا ايمان مرات الدكتور صلاح اللي كنتي في المستشفى عنده وابقى بنت خالته قلت لها اهلا بيكي
: انا كان نفسي ازورك بس الاولاد واخدين وقتي كله فلو تسمحي نفسي اشوفك ونتعرف شوفي اي كافيه قريب ونزل نتكلم مع بعض شويه انا عاوزاكي في موضوع
قلت لها تمام طبعا دي حاجه تشرفني انا يمكن اخرج بكرة ان شاء الله هاشوف هاروح فين وهاكلمك ويشرفني طبعا اننا نتقابل و نتعرف بس🙄😐
وقفلت معاها وبدأت احتار اكتر😒🤔
كان لازم اختار بنفسي وافهم عشان اعرف افكر كويس نمت والصبح صحيت امي فطرتها واستأذنت منها انزل اتمشى شويه قالت لي انا حاسه ان فيكي حاجه و انك مشغول بالك ياحببيتي😔
#M_s قلت لها ست الكل ما تقلقيش موضوع كده و بافكر فيه طبعا انتي شايفه الي بيحصل في الايام الاخيره كثير على اني استوعبه
وانا في حاجه كده بس مش هاقدر احكيها لك دلوقتي لازم افكر فيها كثير ابتسمت وضمتني في حضنها😍😘
وقالت لي لازم تعرفي ان تدبير ربنا ما فيش حد يقدر يقف قدامه
قلت لها ونعم بالله 😇😍
نزلت من البيت مشيت في المنطقه قد اي مختلفة عن شارعنا الشعبي القديم 😀 فضلت ماشية لحد ما لقيت كافيه قدامي دخلت طلبت مشروبيالمفضل لاتيه وقعدت افكر في التليفون اللي جالي مسكت التليفون طلبت الرقم ووصفتلها المكان نص ساعة لقيتها قدامي
اتعرفنا ببعض وكانت حامل قعدت معايا طلعت انسانه لذيذه جدا وذوق جدا وبنت ناس وبعد كده قالت لي انا لما كلمتك في التليفون عشان عرفت من صلاح ان عمار ناوي يطلب ايدك ويتجوزك وطبعا اكيد اكيد هو ماقالش اي حاجه عن وضعه او جوازاته اللي فاتت واكيد لقيتي الموضوع مبهم بالنسبه لك انا جايه عشان شايفه ان انتي اخت والي صلاح بيقولوا عنك وعن اخلاقك وعن وضعك انتي واهلك شجعني وقررت ان انا حتى لو عمار هيزعل مني لازم اصارحك بشوية حاجات عشان تعرفي تاخدي قرارك اعتبريني اخت وربنا شاهد على كلامي ولو خايفه وشاكة في اي نية سيئه من ناحيتي عايزه اقول لك على حاجه قبل ما أبدأ كلامي عمار مش هتلاقي زيه لافي حنيته ولا في اخلاقه بيخاف على الناس اكثر ما بيخاف على نفسه و طيب وكريم وحنين وبيعمل خير وكل الصفات الكويسه فيه عشان ما تفكريش ان انا جاية اكرهك فيه او ابعدك عنه بس ارجوكي الكلام اللي هاقوله ليكي ميطلعش بره🤫
ابتسمت وقلت : خليكي واثقه ان انا مقدره خوفك عليا كأخت ومفيش كلمه من اللي هيحصل بينا هتطلع بره وانا ناضجة كفايه و اقدر اعرف اللي قدامي بيفكر في مصلحتي ولا لا وانا من عينيكي و طريقة كلامك و احساسي بيكي يقول انك انسانه كويسه وان شاء الله احنا هنبقى اصحاب وكونك تيجي لحد هنا وتتكلمي معي وتوعيني عشان انتي واثقه ان عمار ما حكاش فعلا اي حاجه وسابني حيرانه والموضوع كله غموض انا يمكن اكون قبل ما انتي تيجي كنت بافكر اقول له لا خلي العلاقه اللي بينا شغل بس انا عاوزه اسمع كلامك جدا انا في حيرة عايزه اعرف في ايه انا مستجدعاه وشايفه انه انسان كويس وقف جنبي كثير مش عشان الحادثه بس هو زي ما انتي قلتي واضح ان هو انسان كريم و طيب وخيير ويهمني اعرف ابعاد الموضوع ده ايه وبعدين انا مش قادرة اتكلم مع احد في الموضوع ده
كويس لقيت حد فاهم وهيشرح لي وينورني وعد مني انا لا شفتك ولا اتكلمنا مع بعض
ابتسمت بارتياح ومسكت ايدي وقالت لي طمنتيني وبدأت تحكي اللي ما كنتش متخيلة اني ممكن اسمعه😳😯
اول حاجه قالت لي باختصار عمار عنده مرض نفسي واتجوز مرتين وطبعا رافض العلاج تماما وما فيش زوجه فيهم كملت شهرين انا ما كنتش فاهمه في ايه بس صلاح جوزي فاهم ان اخوه تعبان 🥺#M_s
والد عمار وصلاح قبل ما يتوفى الله يرحمه كان بيحب عمار جدا وكان شايف ان هو هيبقى مكانه في الشغل وفي السوق وهايعلي اسم العيله ويكبره عمل المستحيل عشان يخليه يتجوز ويستقر ويبقى عنده عيله وطبعا ده كان صعب انا ما اعرفش عمار كان بيتعامل ازاي مع زوجاته كل اللي اعرفه ان اكثر واحده فيهم قعدت معه شهرين هربت من البيت في نصف الليل جت عندنا وهي منهارة وقالت انا مستعده ان انا امشي زي ما انا حتى هدومي مش عايزاها والد عمار لما لقى وضع ابنه صعب وانه رافض العلاج حاول يخلي صلاح يعالجه ويحط له حتى العلاج في الاكل بس هو كان رافض يقعد مع حد عشان يفهم هو عنده ايه فوالد عمار عمل وصيه عشان يجبر عمار انه يتعالج ويبقى عنده بيت واسره ان لو في زوجه كملت سنه واحده بس جواز مع عمار ساعتها يقدر ياخذ ورثه زي اخواته لان لحد اللحظه اللي باكلمك فيها عمار ما يقدرش ياخذ ورثه الا لما ينفذ الوصيه وطبعا عمار عايش حاليا بمرتب شهري بياخدو زي اي احد شغال و الفلوس اللي والدته كانت سايبهاله هو واخواته وهو شغل فلوس والدته لحسابه هو جايب اچانص عربيات بخلاف شغل والده
هو ده الوضع باختصار يمكن اختارك انتي عشان شايف ظروفك هتخليكي تستحملي
و صلاح قال له بلاش دي بنت كويسه وما تستاهلش ان هي تتبهدل معك وخصوصا ان احنا مش عارفين انت عندك ايه وما فيش واحده من زوجاتك وافقت تحكي او تتكلم عن وضعك لانهم كان الوالد كان بيسكتهم بمبلغ كبير جدا وينضو انهم لو فكروا يتكلموا هايبهدلوا المحامي كان بيكتفهم بالتنازل بعد ما يطلقوا فمفيش واحده فيهم قالت عننا او على عمار كلمه وحشة ما فيش حد في العالم يعرف ان عمر تعبان واخوه ما يعرفش هو عنده ايه بالضبط بس اكيد عمار عارف هو عنده ايه انا صارحتك لكل حاجه واتمنى ان تقرري على هذا الأساس ولو وقفتي جنبه واتجوزتيه ارجوكي تقنعيه يتعالج واديكي عرفتي عشان تقدري تاخذي احتياطاتك لو وافقتي و انا اسفه لو ضايقتك بأي كلمة عمار مش مجنون عمار عاقل جدا بس في حاجه من ناحيه الستات ما حدش قادر يفهمها عمار عاش فتره كبيره قوي في امريكا يمكن يكون حصل حاجه هناك🧐
شكرتها استاذنت ومشيت وسابتني في حيره اكثر من الاول بس على الاقل دلوقتي انا اقدر افكر صح لاني فهمت وسهرت وصليت ودعيت ونمت وصحيت تاني يوم وكنت واخذه قراري ومرتاحة🤗
المفروض ان ده اول يوم شغل ليه لقيت عمار بيتصل بياالصبح وقالي في سواق بعربيه هيوصلك لحد الشركه دخلت الشركه قبل ما اقعد على المكتب الي السكرتارية وصلتني ليه وقالتلي دة مكتب حضرتك وهو المكتب الخارجي لمكتب عمار بما اني هاكون مساعدته الشخصية 🧑💻
خبطت علي عمار واول ما دخلت قلت له ان انا واخذه قراري
اتصدم وبان عليه انه اتوتر ان انا اخذت قراري بالسرعه دي بس انا كنت عارفه واثقه من قراري كويس اوي
قال لي يعني مش محتاجه وقت اكثر تفكري فيه
قلت له لما باخذ قرار مش بارجع فيه عايز تعرف قراري
قراري هو……..
🙂😉
…….
توقعاتكم للقرار المستقبلي دة 🤔
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت فوق الثلاثين)
