رواية بنت عمي طلعت رقاصه الفصل الأول 1 بقلم نور ناصر
رواية بنت عمي طلعت رقاصه الجزء الأول
رواية بنت عمي طلعت رقاصه البارت الأول
رواية بنت عمي طلعت رقاصه الحلقة الأولى
ادهم: هي كلمه ومش هتتكرر هتتزفتي تعيشي هنا تنسي الرقص خالص..
كامليا: ناااعااام ي سوووكر شالله عني معشت فيه المخروب ده ،محدش يمشي كلامه علي كوكي لا عاش ولا كان..
ادهم: انا بقي همشي كلامي عليكي..
كامليا: ده بامارة اي ي عنيا؟..
مازن: بامارة اي افضل هنا حتي دقيقتين بحبها الاغنيه دي..
زعقو فيه هما الاتنين: بس يا تافه..
شدها ادهم من دراعها جامد وزعق فيها: عايزه تعرفي بامارة اي؟…
شدت ايدها منه وحطتها فنصها: بس اوعي كده بدل مايدك توحشك وقول اللي عندك..
حط ايديه فجيوبه وقالها بثقه: بامارة انك بنت عمي وقريب اووي هتبقي مراتي..
وقف مازن وحلا اخوات ادهم وهما فرحانين وزغرتوو…
اعرفكم بالبطل «ادهم السيوفي» راجل أعمال ماسك شركة باباه عصبي وعنيد ومبيحبش غيؤ عيلته وشغله وبيعشق النظام والهدوء..
دخل عزت ابو ادهم وقال وهو فرحان: ي جماعه واخيرا عرفت مكان كامليا بنت اخويا..
ردت علين مراته سعاد. بفرحه: بحد ي عزت واخيرا هنريح كمال اخوك فتربته..
نزل ادهم من فوق وباباه قاله الخبر..
ادهم: طيب مجيبتهاش لي؟..
عزت: مش هقدر اجيبها لوحدي لازم تيجي معايا..
دخل مازن اخو ادهم الصغير اللي فاولي جامعه وقال بحماس: انا هروح معاكم..
ادهم: انت اي طالعه وخلاص، هووانت عارف رايحين فين اصلاً..
عزت: رايحين نجيب بنت عمك ي مازن..
مازن: طيب مده حلو بنت عمي اللي انا وهي فسن بعض وهشوفها احبها من ازل نظره واتجوزها..
سعاد: يشيخ اتنيل خلص جامعتك الاول وبعدين فكر فالجواز..
ادهم: هي عنوانها اي ي بابا عشان منتاخرش؟..
اتوتر عزت ورد عليه: هي فمكان شغلها دلوقتي..
مازن.: فين شغلها ده بقي؟..
عزت: فكباريه شخلعها ودلعها..
اتصدم ادهم: نعمم كباريه؟! …
مازن: يبركة دعاكي ي ست الكل والله ده طلع فيها شخلعها ودلعها،دول اكيد قصدهم نفسيتي المتدشمله..
نزلت حلا من فزق وقالت: مين دي اللي شغاله فكباريه ي بابا؟..
ادهم: بنت عمك يختي افرحي..
حلا: اروح معاكم انا كمان والنبي..
مازن: اترزعي ي بت انتي المكان ده للرجال فقد..
حلا: يسلام يخويا م بنت عمك هناك..
بصلها ادهم بعصبيه فسكتت وسال هو عزت: هي بتتزفت اي هناك المصيبه دي..
طلع عزت بره وردعليه: هات اخوك وتعالي وهناك هتعرفو..
_بعد. شويه وصلو المكان اللي اسمه «شخلعها ودلعها» ودخلو هما التلاته وكان مازن مبسوط جدا وهي بيرقص مع اي حد يقابله..
زعق ادهم فيه: بتنيل اي انت؟..
مازن: بفجر طاقة الانحراف اللي جوايا..
زقه ادهم بعيد عنه وقال لباباه بزعيق وهو قرفان من المكان ده: بابا ارجوك تقولي ان بنت عني ماسكه الحسابات هنا وانها مش من الاشكال دي..
عزت: اطمن كامليا بنت عمك هي اساس الحسابات هنا..
ادهم: طيب كويس جدا فين مكتبها بقي عشان نروحلها وناخدها ونمشي من هنا؟..
عزت: هي ملهاش مكتب هي مكتبها المسرح..
ادهم: قصد. حضرتك اي ي بابا؟..
عزت: كامليا بنت عمك هي اللي بترقص هناك دي، الرقاصه كوكي..
زعق ادهم بصوت عالي وصدمه: ايييي بنت عني انا ادهم السيوفي رقاااصه…
مازن: اروح بس البيت وانا هصيم شهرين لله، ده اي الهنا اللي دخل حياتي فجأه يبقي عندي بنت عم ورقاصه..
مسك ايد ادهم وقال بفرحه: اكيد هتعرفنا ع صحباتها الرقصات..
عزت: اتلم ي صايع ي فاشل، افلح الاول فجامعتك وبعدين بص للحريم..
مازن: لا هي حاجه وحده بس اللي هفلح فيها واكيد الحريم طبعاً..
عزت:تعالو هندخلها جوه ونفهما الموضوع وناخدها ونمشي..
ادهم: ي بابا احنا كده هنفضح نفسنا اي بالظبط اللي هناخدها..
عوت: تعالي بس وناخدها والباقي سهل اختك وامك يظبطوها ونقول امها كانت فسريسرا…
مازن: سيبوهالي انا هظبطها..
_خلصت كامليا رقص واختفت من ع المسرح، فراح عزت وادهم ومازن وسالو عنها وطلبو يقابلوها..
_عند كامليا كانت غيرت بدلت الرقص اللي كانت لابسه تحتها بدي كارينا بكم ولبست عبايه سمرا ، وقلعت الباروكا بتاعت شعرها الحمرا وفكت شعرها الاسود الطويل ع ضهرها..
دخلت البنت اللي شغاله معاها وقالت: ي كوكي في تلات بهوات بره عايزينك..
كامليا: يادي النيله هو لؤي ده مش هيتلم غير لما افتح دماغه، مقولتله مليون مره مليش فجو الزباين ده انا اخري ارقص وامشي،روحي ي بسمه قوليلو كوكي بتقولك حل عن دماغها عشان متقلبش المكان فوق دماعك..
نسمه: بس دول مش من زباين المحل دول ناس جديده وبقولو عايزينك فحاجه شخصيه..
كامليا: ي نصيبتي ليكون المحروق جوز امي عامل مشكله مع حد، روحي ي بت دخليهم..
_طلعت نسمه عشان تدخل عزت واولاده وبدأت كامليا تشيل المكياج من ع وشها بالمناديل..
دخل عزت وعنيه دمعت وهو بيقول: نفس عيون ابوكي الخضرا تعالي فحضني ي حبيبتي..
وقفت كامليا وزعقت فيه: جاتك نيله طيب احترم شعرك الابيض ده ي. حج، وبعدين انت فاكرني اي انا ااه رقاصه بس بشرفي..
مازن: واضح جدا والله من البادي الكارينا..
كامليا: انا لو عليا اقلعه ي اخويا بس دي وصية امي امشي ع نهجها وارقص باحترامي..
عزت: ناهد كانت بتقولك ترقصي باحترامك،ناهد اللي كانت مبتفوتش فرض ؟..
كامليا: ناهد مين ي حج، انا بتكلم عن فوزيه امي اللي اتبنتني من الملجي وربتني هي والمحروق جوزها فاروق،كانت رقاصه بس بأحترامها..
بصلها ادهم بقرف وقال: لا ونعم الاحترام بصراحه..
وبعدين شاور لباباه وقال: المهم عشان انا مش طايق المكان ده، الراجل ده يبقي يبقي عمك عزت السيوفي وانتي اسمك كامليا كمال السيوفي وانا والزفت ده ولاد عمك..
كامليا: وانا اي اللي يثبتلي كلامكم ده، ولو كلامكم صح جايين تدورو عليا بعد اي، بعد مانتو بقيتو بهوات وانا بقيت رقاصه..
عزت: يبنتي اللي حصل ده بسبب جدك مكنش بيحب امك ولما انتي اتولدتي ابوكي مات وجدك اخدك ورماكي فالشارع وطرد امك من البيت وامك حصلتلها حدثه وماتت وانا قلبت الدنيا عليكي من ورا جدك اللي هو ابويا ولما مات بدىو فضلت ادور لحد مروحت الملجئ اللي عملاه عيلت السيوفي وبالصدفه عرفت ان من غشرين سنه ابويا ودا بنت صغيره هناك وكان اسمها كامليا واتبنتك وحده اسمها فوزيه..
دمعت عيون كامليا وهي بتسمع اللي حصل لابوها وامها وقالت: وانت برضو اي اللي يخليك تدور عليا مانا ابويا وامي ماتو؟…
عزت: عشان وصيت اخويا ليا قبل ميموت اني اخلي بالي منك، غير ان ليكي ورث حق ابوكي ولازم تاخديه..
ادهم: دلوقتي هنروح نعمل التحليل ونتاكد بس الاول البسي حاجه غير القرف ده..
زعقت فيه كامليا: جرا اي ي يالااا انا سكتالك وانت عمال تتكلم من طرف مناخيرك من الصبح، فابلع ريقك كده واتلم بدل مفرشك فالارض انت والاصفر اللي جنبك ده..
ضحك مازن وقالها: انا اصفر الله يكرم اصلك..
ادهم بصدمه: انتي بتكلميني انا كده ي بت انتي..
كامليا بعصبيه _بت اما تبتك واكلمك زي مانا عايزه براحتي لتكون المحافظ او الوزير وانا مش عارفه..
ادهم وهو بيخرج بره _لا كده كتير انا هستناكم تحت عشان نعمل التحليل وان شاء الله متطلعش من العيله مش ناقصين فضايح..
قالت كامليا لعزت بعد ممشي ادهم: ابنك مش طالعلك ي حج انت حتت سكره وهو حتت فسيخ…
ضحك عزت _معلش ي بنتي بس ادهم ابني عصبي شويه..
_بعد شويه راحو مكتب التحاليل وعنلو تحليل مستعجل وفعلا طلعت كامليا بنت كمال السيوفي..
حضنها عزت بحنان وقالها من بين دموعه: حمد لله ع سلامتك ي بنت الغالي متتخيليش فرحتي بيكي اد اي..
كان نفسها ترد عليه وتقوله انها زيه فرحانه بس كان من حواها خايفه وقلقانه من ان وحده كانت من غير اهل واتربت فملجي وبعد كده اتربت عن ناس غريبه فكلمة اهل وقرايب غريبه عليها..
فتح مازن ايديه وقال بفرحه: تعالي فحضن ابن عمك ي بنت عمي..
شده ادهم جامد من لورا وقاله بعصبيه: لم نفسك احسنلك وعيب اللي بتعمله ده..
وبعدين بصلها وقال بزعيق: وانتي يلا بينا عشان هتروحي معانا ع بيت السيوفي..
عزت بفرحه: ايوه ي بنتي انتي لازم تيجي بقي وتعدي وسطينا وسط اهلك..
كامليا: معلش ي عمي الحج بس انا لازم ارجع البيت اجيب حاجتي الاول..
عزت: احنا هنجيبلك كل حاجه من فلوسك وورثك تعالي ده سعاد مرات عمك هتموت وتشوفك..
كامليا: مانا هاجي بس اجيب شوية حاجات خاصه بيا وكمان اودع اهل منطقتي اللي اتربيت وسطيهم..
ضحك ادهم بسخريه وقال: غريبه هو انتي اتربيتي اصلا؟..
ردت عليه بعصبيه: اللهم طولك ي ي روح، واكتم ي عسل ولم لسانك عشان مخلهوش يدلدل فحجرك..
اتغاظ ادهم وقال وهو ناشي: روحو معاها وخلوها تجيب الدلاديل بتوعها انا مروح..
كامليا: دم ياخدك ميرجعك..
رجع وقالها ببرود: انا مش هرد ع وحده زيك..
_مشي وكانت عايزه تجري وراه عشان تتخانق معاه بس مسكها غزت ومازن..
مازن بخوف: حقك عليا هو عيل بومه حد يزعل القمر..
بغدت عنه وقالتله بعصبيه: امر بالستر ي عسل وسع كده..
مازن: اتفضل ي غزال..
طلعت هي بره ومسك عزت مازن من دراعه جامد وزعق فيه: انت يالا تلم نفسك مش كل الهزار، دي زيها زي حلا..
مازن بخوف: عارف وربنا انا بس بلطف الجو اللي عكننه ابنك…
_رجع ادهم البيت وحكي لمامته واخته ع اللي حصل….
حلا: انت اتحمست اشوفها اووي..
سعاد: ي عيني ي بنتي اهي لو كانت اتربت وسطينا كان زمانها هانم، ملعونها الدنيا الغداره دي..
ادهم بجديه: ماما نصيحه ابعدي مازن عنها وخلي بالك منه الواد طلع عنده ميول كبير للانحراف..
حلا بصوت واطي: مش لوحده..
زعق فيها ادهم: بتقولي اي كده انتي كمان سمعيني..
حلا بخوف _مقولتش حاجه، اي صوت الدوشه ده؟..
_كان في صوت اغاني عالي جاي من بره فقامو عشان يشوفو في اي..
وفجأه دخل مازن وهو بيرقص وبيقول: خشي ي رضا خشي ي قلب امك وريهم السمن البلدي بيقول اي واي واي..
_دخلت بعد منه ع طول كامليا وهي بتزغرت وبتاكل لبان بشكل عشوائي، فبص ادهم ليهم بغضب وعصبيه و…
ينبع….
لقراءة الفصل التالي : اضغط هنا
لقراءة الرواية كاملة اضغط على : (رواية بنت عمي طلعت رقاصه)
