رواية اتجوزني عشان اربيله ابنه بس الفصل السابع والعشرون 27 بقلم رحاب القاضي
رواية اتجوزني عشان اربيله ابنه بس الجزء السابع والعشرون
رواية اتجوزني عشان اربيله ابنه بس البارت السابع والعشرون
مدونة كامو
رواية اتجوزني عشان اربيله ابنه بس الحلقة السابعة والعشرون
_طلع سيف بسرعه وهو خايف عليها وهي بصتله بخبث وقالت..
مريم
ان ما عملتك الادب يا ابن الهام العبشه ما ابقاش انا…
_رجع سيف بعد شويه وقال بخوف وهو بيمسك ايدها..
سيف
يلا بينا بينا يا حبيبتي ما تخافيش ابننا مش هتحصله حاجه..
بصتله مريم بخوف وسحبت ايدها منه وقالت
نو تاتش لو سمحت انا هقوم لوحدي..
سيف
طيب علي مهلك يا مريم..
وركبو العربيه ومريم بصتله بخبث وهي عامله نفسها تعبانه وضربته بالقلم وقالت وهي بتصرخ..
مريم
عاااااااا بطناااااااااي..
سيف بغيظ
ما تلمي ابنك يا مريم، وبعدين هو مال وشي بتعبك..
مريم وهي بتعمل نفسها بتعيط
بقي انت مش متحملني في تعبي اكيد هتخوني تاني يا سيييف..
سيف بسرعه قال
لا الله متحملك اعملي اللي انتي عايزاه، انا مس هخونك تاني والله العظيم انتي نسيتي كنت بحبك اد ايه..
مريم بغيظ
انا نفسي افتكر يوم ما وافقت عليك كان دماغي فيها ايه..
سيف
بتقولي حاجه يا حبيبتي..
ضربته برجلها في جنبه وهي بتنام علي الكرسي وقالت وهي بتصرخ….
مريم
عاااااا هولد شكلي هولللللللللد..
سيف بغيظ
مش حامل في ابن ظابط شرطه لازم تبقي دي النتيجه..
_ورن موبيل سيف ورد علي الفون وكان خالد..
سيف
ايوه يا خالد في ايه؟..
خالد
مصيبتين يا باشا تحب اقولك اللي تخص الظابط ولا اللي تخص عمر..
سيف وقف العربيه وقال بخوف
اي زفت يا خالد حصل ايه اتكلم…
خالد
عمر اتقبض عليه زي الخطه بس ما قتلش اخته..
مسح سيف علي وشه بغيظ وقال
والظابط ماله…
خالد
ما حصلتش ليه ايه حاجه وعايش وامه كمان، ابوه بس اللي مات..
مريم بقلق
في ايه معتز حصله ايه تاني هو مات مش كده…
قفل سيف الموبيل وبصلها وقال
طبعا مات وبقيتي ارمله يا حبيبتي، احنا هنروح المستشفي ونطلع من هنا نسافر علي طول…
مريم وهي بتمثل التعب
اكيد طبعا لازم بس نروح المستشفي وبعد كده نروح مكان ما انت عايز…
_وبعدين بصت من الشباك وافتكرت معتز وفضلت تعيط وقلبها كان واجعها اووي وهي فاكره انه مات..
ــــــــــ #بقلم_الكاتبه_رحاب_القاضي ــــــــــ
في المستشفي عند معتز كانت علا وحازم قاعدين وعلا قالتله اللي حصل..
معتز بجمود
ابوكي متفق معاهم عشان يدمر حياتي يا علا..
حازم
معتز تفتكر الواد سيف يعرف اننا علي علاقه ببعض وان مريم تعرف نيره..
معتز بجمود
اكيد طبعا احتمال كبير، بس احنا لازم نفكر كويس فبل اي حاجه..
حازم قام وقال
طيب انا همشي عشان اللواء طالب مني تسجيل كاميرات الطريق و…
معتز
سيبك منه وروح شوف البنت مرات يوسف وخلي في مراقبه علي اوصتها من بعيد اكيد يوسف مدام ظهر هيروحلها..
حازم
تصدق صح انا كانت رايحه عن بالي فين الفكره دي..
علاء بهدوء
حازم هاتلي معاك قهوه بلييز وتكون باللبن..
حازم
حاضر، هي فين طنط فريده با معتز..
معتز
راحت عند ماما تطمن عليها.. خلص بس اللي قولتلك عليه وتعالي عشان هخرج..
حازم
تخرج فين اندي بس كده وكل حاجه اا..
معتز بعصبيه
ما تقوليش اهدي عشان انا لو هذحف علي بطني هقوم انا مراتي وابني مخطوفين..
_ومشي حازم وعلا فضلت قاعده مع معتز اللي كان باصص قدامه بتفكير وقالت هي..
علا
هو ممكن يكون بابا شغال معاهم ولو ده كان بجد هيحصل ايه؟..
معتز
ادعي ما يكونش معاهم، المهم انا عايزك تعرفي بس اذا كان اياد مع باباكي ولا لا تمام..
علا بقلق
طط طيب وانا هعرف حاجه زي دي ازاي..
معتز بجمود
انا هقولك..
ــــــــــ #بقلم_الكاتبه_رحاب_القاضي ــــــــــ
_في اوضة ندي كانت قاعده بتاكل ودخل عندها يوسف وقفل الباب وهي اول ما شافته اتنفضت وقالت..
ندي بخوف
يوسف انت ازاي جيت هنا..
قرب منها وقال
ما كانش ينفع اعرف انك تعباانه وما اجيش، كنت ناوي اخدك معايا ونمشي بس اا..
ندي ببكاء وخوف
لو اتحركت من هنا والله هموت انا وبناتك…
يوسف بدموع
عارف وعشان كده هسيبك بس هي كلمه الواد الملزق اللي كل شويه ناطط هنا ده لو عرفت انك ضحكتي معاه زي اللي حصل من شويه هشرب من دمه قدامك..
_خافت ندي اووي وقبل ما ترد عليه دخل بهاء وهو ماسك شوكلاته وورده وقال..
بهاء
ندوش انا حيبتلك شوكليت وورده من. الجنينه تحت حسيت انك ادايقتي وقولت اصالحك و.. مين ده..
شده يوسف ودخله وقف الباب، وقال بهاء بغيظ
انت جاي ل معزه يا كابتن وبعدين مين حضرتك… اخوكي ده يا ندي..
طلع يوسف المسدس بتاعه وقال
لا مش اخوها يا روح انا جوزهاا اللي هيخلص عليك دلوقتي..
بهاء بصدمه بص للمسدس وقال
ددد ده مسدس بيضرب ناار؟…
يوسف بحده
اومال هيكون بيرش مايه يا روح امك..
_ضحك بهاء ببلاهه ووقع واغمي عليه.. وندي خافت عليه وقالت..
ندي
بهاااء يا نهار اسود امشي يا يوسف بقي وما تعملوش حاجه..
يوسف بعصبيه
خايفه عليه اووي يا روح امك كده ليه؟..
ندي بصت لبهاء وقالت
عشان حبيته واكتر منك حد بجد يستاهل حبي طيب ونضيف مش وسخ زيك..
قام بهاء ومسك ايدها وقال
انا ما كنتش بحلم صح انتي بتحبيني مش كده قولي تاني..
_اتعصب يوسف وكان هيضربه بالنار بس حازم دخل ومسك ايديت الاتنين وهو واقف وراه وقال لبهاء..
حازم
بهااء قوم امسك معايا انت يا زفت..
بهاء لندي
سيبك منهم انتي بنحبيني صح..
_ما اتحملتش ندي اللي بيحصل ده زاغمي عليها، ويوسف ضرب حازم براسه في مناخيره وزقه وجري بره، بس حازم قام بسرعه وراح ورااه بس ما قدرش يلحقه لان كانت في عربيه مستنيااه وركب فيها بسرعه ومشيت…
ــــــــــ #بقلم_الكاتبه_رحاب_القاضي ــــــــــ
_وفي المستشفي اللي سيف اخد فيها مريم كانت عامله نفسها تعبانه اووي وهو قال..
سيف
معلش يا حبيبتي اتحملي خلاص هنوصل..
مريم
عايزه اروح الحمام..
سيف
طيب نروح للدكتور الاول و…
مريم بحده
يعني انت عبيط هي هتستني اروح للدكتور واجي، اتنيل وديني الحمام انا تعبانه اووي..
سيف بغيظ
خلااص يا مريم هوديكي اتنيلي قداامي…
_ودخلت مريم الحمام وسيف قعد من بره استناها، وهي اول ما دخلت قالت لعاملة النظافه االي بتمسح.
مريم
لو سمحتي انا عايزه اخرج من هنا بس في واحد خاطفني واقف بره..
العامله بقلق
طيب وانا اعمل لو سمحتي انا مش ناقصه مشاكل وحلي عني..
مريم بدموع
لو سمحتي الله العظيم انا حامل وهو عايز يخدني ويسافر غصب عني بعد ما قتل جوزي..
العامله
بقولك ايه انا مش ناقصه مشاكل انا اصلا بجري علي يتامي ولو حصلت ليا حاجه من هلاقي اللي يقف جنبيهم..
_وقفت مريم قدام المرايه وفضلت تعيط، وطلعت واحده من الحمام وقالتلها..
البنت
خدي ده موبيلي اعملي اي مكالمه انتي عايزاها وخلي اي حد يجي يساعدك..
مريم مسحت. دموعها وقالت
انا بجد. مش عارفه اشكرك ازاي..
_ومسكت موبيلها وفتحت النت ودورت علي حساب الفيس بتاع حازم عشان تطلع الرقم بتاعه من هناك لانها مش حفظااه..
_وفي اوضة معتز دخل حازم وهو ماسك في ايده كوباية القهوه باللبن اللي طلبتها علا وقال..
حازم
وعندك احلي واحد قهوه باللبن لاحلي علا و…
_سكت واتفاجئ لما لقي نيره ومامته وفريده قاعدين، وعلا قاعده الناحيه التانيه ومعتز قاعد علي السرير، وبسرعه مسك القهوه ورماها في البسكت وقال..
حازم
ماما وحشتيني يا حبيبتي..
ناهد بغيظ
جاتك وحش اما يلهفك بقي سايب عروستك والبيت وجاي تجيب قهوه باللبن…
نيره بغيظ
سيبيه يا طنط تلاقيه نسي انه ظابط وفاكر نفسه قهوجي..
قامت علا وقالت
انا. ماشيه يا جماعه بعد اذنكم، ياحازم ممكن توصلني يا حازم..
نيره وفريده وهما بيقلدو علا
حازم ممكن توصلها يا حازم..
قال معتز
معلش يا علا روحي امشي لوحدك عشان انا محتاج حازم معايا ضروري..
ادايقت علا وقالت
اوكي لاي يا ميزو وانا هعمل اللي اتفقنا عليه..
قامت نيره وقالت
الحمد لله انك كويس يا معتز والبقاء لله في باباك، بعد اذنك انا همشي بقي..
معتز
ماشي يا نيره وشكرا اووي انك جيتي..
حازم
نيرو استني هوصلك انتي وماما..
نيره بغيظ
اكتم ياد انت انا علي اخري منك، يلت يا خالتو..
مشيت نيره وناهد، وفريده قالت
انا هروح انا كمان اقعد عند الفت، معتز لو خرجت من المستشفي هزعل منك انا هموت من القلق علي بنتي بس مش عايزه ابني تحصله حاجه وحشه..
معتز بجمود
خير ان شاء الله يا طنط فريده، خليكي انتي بس جنب ماما ومتسيبهاش خالص..
حازم
طيب مدام انت قادر تتحرك اهو روح اطمن عليها..
معتز بضيق
لما اخد تار ابويا واجيبلها حقها وارجع مراتي وابني هبقي اشوفها انما دلوقتي ماليش عين..
طلعت فريده وقال حازم
اسكت نسيت اقولك روحت عند الاوصه بتاعت نرات يوسف ولقيته هناك بس هرب مني وطلعت مرات يوسف بتحب بهاء وو..
مسكه معتز من لياقته وقال
بتقول ايه يا روح امك؟..
حازم
اما اتصدمت زيك كده بس انت ماسكني كده ليه هو انا اللي قولت للبنت تحب بهاء..
معتز بعصبيه
يوسف كان هناك وهرب منك يا حازم، انت غبي انت لو كنت مسكته انا كنت ممكن اوصل لمراتي وابني..
حازم بتوتر
ما هو ضرلني بطريقه غير متزقعه وبعد ما نفسي اتقطع وانا بجري وراه كانت في عربيه مستنيااه..
معتز بضيق
اووف بتتعقد في وشي كل شويه، اوعي انا قايم..
حازم
يا ابني انت لسه تعبان..
معتز بدموع
ولو فضلت كده هموت يا حازم، بقولك ايه انت لازم تقابل ابن خالتك وتعرف مين اللي كان بيوصله الكلام اللي علي مراتك ده..
حازم
وايه علاقة ده بسيف، اصلا تلاقي حد ضحك علي عمر..
معتز بسخريه
سيف ده مريض واقسم يالله هو اللي ورا الموضزع ده، وانا لازم اخلص مريم منه بسرعه..
_وموبيل حازم رن برقم غريب بس كنسل وقال لمعتز..
حازم
طيب بص انا هروح عمر و… المزبيل رن تاني..
معتز
يا عم رد وخلص…
رد حازم علي الموبايل وقال
مين بيكلمنس مش فاضي عندي مشوار مهم..
مريم ببكاء
انا مريم يا حيوان تعالي والحقني..
بص حازم لمعتز وابتسم وقال
مريم انتي مريم الدبش ولا مريم غيرهاا..
مسك منه معتز الموبيل وقال
مىيم انتي فين يا حبيبتي ردي..
نزلت دموعها وابتسمت وقالت
مم معتز انت عايش صح، انا اكيد مش بيتهيألي ده صوتك..
معتز بدموع
انا قولتلك اني عمري ما اسيبك ولا اسيب الحاجات الحلوه اللي عشتها معاكي..
حازم
كفايه محن مش وقته اسألها هي فين؟..
معتز
انتي فين سيف الكلب ده عملك حاجه؟..
مريم مسحت دموعها وقالت
عيب عليك ابقي مرات معتز والزفت ده يعرف يعملي حاجه، انا ضحكت عليه وعملت نفسي تعبانه وهو جابني المستشفي وانا عملت نفسي تعبانه ودخلت الحمام وبكلمك من موبيل واحده هنا..
معتز ابتسم وقال
عااش يا قلب معتز لا عرفت اربي بجد، المهم قوليلي انتي عارفه العنوان اللي هو خاطفك فيه..
مريم
ايوه عارفاه ده الفيلا القديمه بتاعت اهل سيف انا فاكراها كويس..
معتز
طيب انا جايلك حاالا المهم انتي اتعاملي عادي..
حازم
مريم انتي بعد ما ترجعي علميني اللي علمهولك معتز ينوبك ثواب انا مستقبلي بيضيع..
مريم بخوف
معتز انت لقيت اياد صح قولي انك لقيته يوسف اخده قدامي..
نزلت دموع معتز وقال
هلاقيه يا مريم وغلاوتكم عندي هلاقيه…
_وقفل معاها وقام غير هدومه وراح مع حازم برغم تعبه والحاح حازم عليه انه يفضل في المستشفي بس هو رفض..
ـ وطلعت مريم بره الحمام وقالت لسيف اللي مستنيها…
مريم
يلا بينا هنمشي..
سيف
ده ازاي بس انتي تعبانه تعالي نروح للدكتور و..
مريم
لا ما انا لما دخلت الحمام التعب خف اووي..
سيف بغيظ
يعني هو ما كانش في حمام في البيت يا مريم..
مربم بعصبيه
انت ما تزعقش فيا والا والله هعيط واخلي اللي ما يشتري يتفرح عليا وانت علرف اني لما بعيط الناس بتتلم عليا..
سيف
فكري بس تعلي صوتك او تخلي حد ياخد باله والطلقه هتطلع مسدسي في بطنك علي النونو…
مريم بدموع
عمري ما كرهت ولا هكره حد قدك…
_مسكها من دراعها جامد وخلاها طلعت في العربيه ومشيو…
ــــــــــ #بقلم_الكاتبه_رحاب_القاضي ــــــــــ
_في المستشفي في اوضة ندي صحيت من نومها ولقيت بهاء قاعد قدامها، ابتسمت وقالت..
ندي
والله انا بقيت لما بصحي وما اشوفكش قدامي بترعب..
بهاء
انا حاسس انك بتتريقي، انا شكلي يكسف قدام جوزك لما جه بس بصراحه ده مجرم وانا عمري ما اتعاملت مع مجرمين…
ندي
عارفه اصلا يوسف ده مش مجرم وبس ده سفاح، المهم انا عايزه اطلق منه من المحكمه ينفع صح..
بهاء
انا كلمت المحامي من غير ما تقولي وقالي ينفع وتقدري تطلقي مدام هو مجرم وهربان، المهم بعد الطلاق وشهور العده ما تخلص انا هتجوزك انا بحبك يا ندي وعايز اكمل حياتي معاكي انتي والبنات وبس..
ندي بدموع
انا مش هعيش يا بهاء، انت لو عايز تعمل فيا جميل اكتب بناتي باسمك المستشفي دي بتاعتك وانت تقدر تعمل كده، مش عايزاهم يكبرو ويشيلو اسم مجرم..
بهاء مسحلها دموعها وقال
انتي باذن الله مش هتحصلك حاجه وهتخفي البنات هيبقو باسمي واسمك انتي وهنجيب غيرهم كمان هو في حد. لاقي واحده دلوقتي بتجيب بالتلاته اومال انا سايب شغلي وقاعد جنبك ليه..
ابتسمت ندي وقالت
ياريت كل اللي كانو في حياتي ياريتهم كانو ربع طيبتك دي ما كنتش هتعب يا بهاء..
ــــــــــ بقلم#الكاتبه_رحاب_القاضي ــــــــــ
_وفي عربية سيف وقف بالعربيه وفضل يضحك اوووي..قلقت مريم منه جدا وقالت..
مريم
انت بتضحك كده ليه، وليه وقفت اصلا.؟..
مسكها من شعرها وقال
هو انتي فاكراني مغفل، عشان تستغلي خوفي عليكي وتدخلي الخمام تكلمي حبيب القلب..
مريم ببكاء وخوف
كفايه بقي يا سيف سيبني ارجع لجوزي وحياتي وانساني بقي..
سيف بسخريه
كان زمان احنا هنسافر والنهارده وحبيب. القلب هيبقي عارف كده ومش هيجيلك هيرةح لابنه عارفه ليه، عشان هو مش بيحبك واتجوزك بس عشان ابنه..
مريم بدموع وخوف
انت قصدك ايه بالكلام ده اصلا..
سيف طلع موبيله وقال
صوتك كان عالي وانتس بتكلميه بس عرفت كل حاجه وان كلامي صح..
_خلص كلامه واتصل علي معتز اللي رد عليه وهو راكب جنب حازم في عربيته وقال..
معتز
ايوه مين؟..
سيف
قالتلك علي العنوان صح طيب يلا انا هستناك هنا اهو، بس لو في خلال نص ساعه ما جيتش هنكون سافرنا تركيا..
معتز بعصبيه
وحياة امك ما هتلحق عشان هقتلك واريح الكل من شرك..
سيف بخبث
انت بقي قررت خلاص هتيجي هنا وهتسيب ابنك اللي زين الشنازي واخده ومسافر وهتتحرم منه للابد..
معتز بعصبيه
انت بتقووول ايه، وربنا يا سيف لاقتلك..
ضخك سيف وقال
اوكي بس الكوره بقيت في ملعبك شوف بقي هتختار ايه..
_قفل سيف معاه وبص لمريم وقال..
سيف
والله العظيم مش هيعبرك يا مريم لانه بكل بساطه مش بيحبك يا مريم، واتجوزك عشان ابنه انتي اخرك فتره في حياة اي حد وبس…
_نزلت دموع مريم وقدر سيف يلعب في دماغها علي نقطه حساسه، وفضلت تفكر هو معتز هيختار ايه…
_تفتكرو انتو معتز هيختار يروح ينقذ مين.؟…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزني عشان اربيله ابنه بس)
