رواية بنت الشيطان الفصل السابع والثلاثون 37 بقلم رحمة نبيل

رواية بنت الشيطان الجزء السابع والثلاثون

رواية بنت الشيطان البارت السابع والثلاثون

رواية بنت الشيطان الحلقة السابعة والثلاثون

#عشقتك_مجنونتي
#بنت_الشيطان2
#رحمة_نبيل
#الفصل_العاشر
احم نبدأ قراءه ممتعه

– فكرة إنك عارف إنك هتتحاسب على كل صلاة بتضيعها ومازلت مصمم تقصر فانت على خطر عظيم جدا !
فكرة إنك تبقى فاهم إن أول شئ هتحاسب عليه يوم القيامة الصلاة ولسه عندك ألف مبرر علشان مكسل تصلي يبقى انت محتاج وقفه مهمة مع نفسك ..
الفكرة مش إنك مكسل تصلي ..الفكرة إنك مش مقدر حجم خطورة تضييع فرض واحد بس عند ربنا .. لسه الفرصة موجودة وتقدر تغير موازين حياتك وأولوياتك من اللحظة دي .. انوي واتغير واجتهد .. الدنيا والله خدعة كبيرة جدا
” ولا يهلك على الله إلا هالك ”
– ابدأ من انهاردة و دلوقتي حالا يلا قومي 🖤
صلوا علي من جلس علي ركبتيه يواسي طفل مات عصفوره
صلوا على الحبيب المصطفى صلى الله عليه وسلم
الفصل العاشر
كانت الفتيات تركض خلفهم والرجال تصرخ
سراج / الله يحرقك يا عمر انت واسد
عمر وهو يضحك بشده / وانا اية االي يعرفني يا عم انهم بيتحولوا بليل
أسد وهو ينفجر ضحكا / هجوم بقيادة سمر ههههههههههه
توقف مازن ونظر لهم بغضب شديد ونظر للفتيات وصرخ بالفتيات التي تصرخ وتركض تجاههم / بسسسس
كانت نور تنظر برعب شديد لهذا الذي يضع يدة علي فمها
مالك بهمس وهو يقترب منها ويهمس باذنها / اشششش اهدي يا نور ده انا مالك
نظرت نور لوجهه ولكن لم تتبين ملامحه بسبب الظلام أخذها مالك واتجه بها ناحيه الفرندا الكبيره وهناك اتضح لها وجهه تحت ضوء القمر نظرت له نور برعب كبير ودموع
مالك وهو يمسح دموعها / اسف يانور اني خوفتك بس الشباب كانوا هيعملوا مقلب في البنات وانتي بتخافي من الضلمه لوحدك فجيت بسرعة عشان الحقك قبل ما يعملوا اللي في دماغهم
نظرت له نور بخوف شديد مازال قلبها ينبض بشده ولكنه تفاجأ حينما اقتربت بسرعه منه وعنقته بشدة
نور وهي تشدد عناقه ببكاء / قلبي كان هيقف كنت عايزه اصرخ باسمك بس معرفتش يا مالك
مالك وهو يضمها ويتوعد لهم في باله علي وضعها في هذا الموقف ابعدها عنه مالك ومسح دموعها وغمز لها / قولي بقي انك بتستغلي الفرصه عشان تكلبشي فيا كده يا سيادة الرائد
ضربته نور علي كتفه وضحكت وسط دموعها
ثم صمتت فجأه / صحيح المهمه اللي قال عليها اللواء يانهاري ازاي نسيتها كده
مالك وهو يمسد علي شعرها ويغمز / عيب عليكي هو انتي متجوزه عسكري مرور
ضحكت نور بشده /لا مالك باشا يبقي عسكري مرور صدق هيليق عليك
مالك بحاجب مرفوع / لا والله
ضحكت نور بشده عليه
ثواني وسمعوا أصوات تأتي من الخارج اتجهوا للخارج وجدوا الفتيات تنظر بتذمر للشباب بينما الشباب يضحكون بشده عليهم
سمر بسخريه / هاهاها شوفوا مين اللي بيضحك دة انتم اول ما شفتونا جريتوا
أسد / يعني هي دي حاجه حلوه يعني انتم كنتم مرعبين اوي هههههههه
سمر وهي تجذب الفتيات للداخل / ابو شكلكم بوظتوا القاعده يلا يابنات ولا كأن حاجه حصلت ماسكتنا وترمسنا ومزكيتنا وهنعيش
بعد ذهاب للفتيات نظر مالك لهم ببسمه توحي بالخطر
بلع سراج ريقه / احم مالك يا مالِك يا حبيبي بتبص كدة ليه
مالك وهو يشمر عن ساعديه / لا ابدا مفيش يا حبيبي بس هنلعب شويه بقي
أسد وهو ينظر برعب له / لا اصل انا مش هينفع العب الدكتور قالي متلعبش عشان وحش علي صحتي
عمر / يا سبحان الله وانا كمان الدكتور قالي كده.
نظر مالك لمازن / مش عايز تضيف حاجه
مازن وهو ينظر له بجديه / انا الدكتور اللي قلتلهم كدة
ضحك الجميع وركضوا بسرعه من مالك بينما مالك يركض خلفهم / تعالوا يا جذم والله ما هسيبكم
سمر وهي تنظر للفتيات / عفارم عليكم يا رجاله خوفتوهم بشكلكم ده
ضحكت جنه بشده / ياختيييي كل ما افتكر شكلهم وهو بيصرخوا ويجروا
جميله / ولا أسد رفع العبايه بتاعته ويجري بالعافيه هموت بجد
نظرت سمر لنور / وانتي يا جنديه نور كنتي فين واحنا في أرض المعركه
نور وهي تضحك بغباء / كنت براقب الحدود يافندم
سمر وهي تقترب / الحدود برضو ولا الحليوه جوزك
نور وجميله في نفس الوقت / سمررررررر
سمر بضحكه شديده / طب انا بكلم نور انتي ايه دخلك بقي
جميله / الله هما مش توأم يعني نفس الشكل واي حاجه تمشي علي مالك تمشي علي أسد
ساره بضحكه خبيثه وهي تنظر خلفها / ولا اية يا سراج
نظرت سمر برعب / والله يا سراج ده انا……
لم تجد احد خلفها أعادت نظرها لساره /شكل الليله هتكون عليكي يا ساره تعاليلي بقي
ركضت سمر خلف ساره التي تضحك بشده ونور وجميله جنة يأكلن التيرمس ويشجعن الجميع
وانقضت الليله بين ضحك وسعاده لهم ولكن هل ستسمر ام ان القدر رأي آخر
في صباح اليوم التالي استعد الجميع للعودة وقاموا بحقب امتعتهم وصعدوا للباص وكالعادة كان سراج هو من يقود وبحانبه مازن ومالك والباقي في الخلف ملتف حول أسد يغنون ويحكون قصص مضحكه
كان ادم يجلس بجانب حسام ولكنه أراد الذهاب لدانه التي تستمع لاسد بانتباه نهض من مكانه وكان يحمل شوكولاته في يده وسار في الباص ليصل لدانه ولكن في طريقه كان هناك مطب ولم يتزن فاصطدم بسما وقام بتلطيخ فستانها بالشكولا
نظرت سما له بغضب اعمي ودفعته بشده / ياغبي بص عملت ايه في فستاني
وقع ادم بشده وبكي وهو يتحدث بتقطع / سما اضب ادم سما.
رأت دانه ما حصل وكأن احد أشعل بها النار نهضت بسرعه كبيره جدا وانطلقت لسما وجذبتها من شعرها بشده مكا جعلها تصرخ دانه وهي تصرخ وتحرك يدها / هو انا مش قلت قبل كدة ادم خط احمر عشان متشفوش الوش التاني ها قلت ولا مقلتششششش
نظر اسد لابنته بحده شديدة فهو لاحظ ما حدث منذ البدايه
اسد بحده / سما انا مش قلت تتعاملي كويس مع اخواتك ولا انا كلامي مش بيتسمع
في هذه اللحظه كان أسد اشبه بمالك كثيرا ثم نظر لدانه /سبيها يا دانه فكي شعرها
دانه بعناد /لا تعتذر لادم دلوقتي
سما بدموع بسبب صراخ والدها بها لأول مره بسبب دانه / لا اعتذر من مين من الواد العبيط ده
نظرت دانه بشر واشتدت يدها حتي كاد شعر سما يخرج في يدها / قسما بربي ان سمعتك تقولي كلمه عليه تاني لاكون مورياكي مقامك يا حيوانه
صدح صوت مالك بغضب شديد / دااااااانه
نظرت دانه لوالدها باعين حمراء وتحدثت بغضب ودموع تهبط بشده / هي ضربت ادم يابابا وزعلته وبتقول عليه عبيط ادم عبيط هي اللي عبيطه
ادمعت عين جنه بشده علي طفلها المسكين الذي يمسك في قدم دانه ويحتمي بها
مالك بحسم / سيبي بنت عمك
نظرت دانه لها بنظرات جحيميه ثم نفضتها بعنف
مالك بصوت حاسم / سما اعتذري حالا
سما بعناد كبير / لا انا مش غلطانه هي اللي
قاطع كلامها صفعه مدويه من أسد / لما تتكلمي مع عمك تكون عينك في الأرض وتتكلمي باحترام ولما تعاملي اخواتك تعامليهم بحب واحترام فاهمه
انطلقت جميله وعانقت ابنتها التي بكت بشدة وتحدثت بغضب / بكرهك يادانه بكرهك
دانه وهي تنحني لتحمل ادم / وانا عمري ما اكرهك لأنك اختي بس انتي اللي بتضطريني اني اتعامل معاكي بأسلوب مش هيعجبك ابعدي عن ادم يا سما
نظرت سما بحقد لها
بينما اخذت دانه ادم وذهبت به لمقعدها وأخذت تداعبه فصدحت ضحكاته في السيارة فابتسمت جنه لضحكات صغيرها ونظر عمر لها بامتنان شعر عمر بيد توضع علي كتفه نظر وجدة أسد / بعتذر يا عمر والله مش عارف اقولك ايه بس سما
عمر وهو يعانقه بحنان / ياكبير تعتذر ليه انتي الكبير مينفعش تعتذر مني ابدا بعدين دول عيال محصلش حاجه وانا مرضتش اني أتدخل عشانك انت واحتراما انك الأكبر
أسد وهو يضمه بشده فعمر أصبح من اقرب الأشخاص له ودائما رفيق المصائب رغم فرق السن بينهم فاسد اكبر من عمر بثمان سنوات
أسد وهو يبتسم / أصيل يابو رحاب
عمر بضحكه / يخربيتك بوظت اللحظه
نظر مالك لنور نظره عرفت معناها فهزت رأسها بايجاب
دقائق عدت وعادت روح المرح تستوطن الجميع وارتفعت أصوات الضحك واصبحت الأجواء صافيه بينهم ولكن ليس الجميع فهناك قلب امتلئ بالحقد والغضب الذي سوف يدمره
كان حسام يجلس وينظر لسما بغل كبير وتحول إعجابه بها لحقد وكره فقد تعدت جميع الخطوط هو يسامح باي شئ اي شي ولكن ليس باخوته هو كان علي وشك التدخل ولكن ماذا كان سيفعل فهو رغم كل شئ لا يمكنه ان يضرب فتاه سعد كثيرا بتدخل دانه ولذا تراجع شعر بأحد يجلس بجانبه نظر وجده خالد ينظر له بخجل شديد لما حدث ابتسم حسام فخالد عكس شقيقته رغم عبثه الدائم الا انه حنون وطيب القلب
خالد بتررد / اسف يا حسام سما
حسام وهو يعانقه / بطل عبط يا خالد انت اخويا يابني مفيش بينا الكلام ده
ابتسم حسام وعانقه بشدة
عبدالرحمن وهو يجلس بجانب دانه التي تحمل ادم بعدما ذهب في سبات عميق / مكنش لازم يا دانه تكون ردة فعلك عنيفه كده
نظرت لة دانه بحده / انت عارف يا عبده يعني ايه ادم
عبدالرحمن وهو يتنهد / بس مكنتش عايزك تبني عداوه بينك وبين سما
دانه بلطف /والله غصب عني هي ضايقتني يا عبدة بعدين هي اختي وانا هصالحها
عبدالرحمن وهو ينظر لسما بشرود / ما ظنش
يا دانه
في المساء بعدما عاد الجميع لمنزله وارتاح به استيقظت نور وذهبت للمطبخ لتعد شئ لياكله الأطفال ومالك دخلت المطبخ وتفاجأت بمالك يرتدي المريول ويتحرك بخبره داخل المطبخ والسفره مليئه باطعمه شهية نور وهي تصفر وتغمز / ايوه بقي ايه الرضا دة كله يا مالك بيه
مالك ببسمه وهو يقترب منها ويضع الجزر في فمها ويقبلها من خدها / ياباشا تستحق كل الرضي هو انا ليا كام نور
دخل عبدالرحمن / ايوه قول كدة بقي كل دة عشان حبيبه القلب نور واحنا فشنك
دانه وهي تدخل خلفه / اه يا اخي ان الدنيا تحملنا ما لا طاقه لنا به انظر بعينك إليهم سيدي القاضي هل رايتهم هل سمعتهم هل
نظرت لعبده بتعجب / متساعدني يا عبده مش عارفه اقول اية تاني
عبدالرحمن وهو يكمل / هل اكلتهم هل شربتهم
دانه / اسكت يا عبده مش عايزه مساعدة
ضحك مالك عليهم بشده / بس انت وهي ويلا اغسلوا أيديكم عشان تتعشوا
دانه وهي تنظر للطعام / يا مالك يا جامد انت الواحد كان متوقع يصحي يلاقي نور عامله ليه بطاطس مقليه
عبدالرحمن / ده انا بطني وجعتني منها يا شيخه
نور وهي تنظر لهم بحنق / ايه كلكم جيتوا علي بطاطسي مش دي اللي كانت معيشاكم يا جذم
مالك بضحك / ولد انت وهي عيب كدة طب ده احلي حاجه في ماما البطاطس بتاعتها والبيض الشايط
ضحك الاطفال بشده عليه
نور / هو انت كنت بتسكتهم ولا بتضحكهم اكتر مش فاهمه
ضحك مالك بشده وهو يضمها / ما عاش ياباشا اللي يضحك عليك ههههههههههههههه
في الصباح استيقظ الجميع واستعدوا للعودة مجددا للمدرسه دخلت نور غرفه عبده / عبدددددددده عم عبده باشا باشا باشا باشا قوم ياض بقي
عبدالرحمن بكسل / انا مفصول اسبوعين يا نور سيبيني انام بقي
نور / وآية ياض الفخر اللي انت فيه ده ولا كأنك متكرم قوم يلا مالك كلك المدير ورجعكم عشان ميفتكوش دروس قوم يلا
نخض عبدالرحمن بملل / انا مش عارف الراجل طردنا شر طرده ومش طايق وشنا في المدرسه انتم بترجعونا لية حد اشتكي الله
نور وهي تضربه علي رقبته / قوم ياض وبطل تلكيك لحد ما اشوف ست الحسن والجمال التانيه
نهض عبده من سريره بملل واتجه للحمام ليحضر نفسه للمدرسه
اتجهت نور لغرفة دانه / دانه حجه قومي يلا عشان تروحي المدرسة
دانه بنوم / مليش نفس
نور وهي تضربها بخفه / هو انا بعزم عليكي بسنداوتش هو اية اللي ملكيش نفس ده قومي يابت انتي
نهضت دانه بملل / اهو قمت اهو يا ماما
نور وهي تخرج / إياك ارجع الاقيكي نمتي تاني ويلا عشان هاجي انفخك انتي عارفه
دانه وهي تنهض بملل / هنفخك هنفخك خلاص يا عم المنفاخ
نور من الخارج / سمعتك يا جذمه قومي يلا
نظرت دانه برعب كيف سمعتها هذه ونهضت سريعا لتجهز نفسها بسرعه
انتهي الأطفال من الافطار
عبده / امال بابا فين يا ماما
نور وهي تضع الطعام في حقيبة كل منهما / بابا راح مهمه الفجر
نظروا لها ولارتعاش يدها فهي هكذا كلما ذهب مالك في مهمة تظل خائفه حتي يعود
دانه ببسمه/ هيرجع يا نونو خايفه ليه
نور ببسمه مهتزه قليلا / مش خايفه يا دانه بس ده عادي قلقانه بس
عبدالرحمن وهو يقبل يدها / هيرجع متقلقيش
نور وهي تقبلهم / مش قلقانة يا حبيبي يلا عشان متتأخروش علي الباص خرج الطفلان وجاء الباص صعدوا اليه وكالعاده تجلس روجي بجانب مراد وسما بجانب خالد وكان سما تنظر نظرات كره وبغض لدانه التي تجاهلت الأمر تماما وذهبت لتجلس هي وعبده في نهايه الباص بجانب حسام وآدم
بعد انطلاق الباص اخرج هاتفه وتحدث بنبره شر كبيره / الاتوبيس طلع ياباشا والعيال ركبت فيه
كان سراج يسير في شركته بكل هيبه ووسامه ولكن فجأه لمح سمر تقف مع احد الموظفين وتضحك بشده نظر لها بغضب جحيمي / معلش لو مش هقاطع ضحككم ده ممكن يا مدام سمر تتفضلي معايا
سمر قاصده اغاظته / انسه لو سمحت
سراج بتشنح / لا والله وعيالك دول كسبتيهم في كيس شيبسي
سمر وهي تحاول أن تكبت ضحكتها / انسه القلب يا استاذ
سراج بسخريه / طب يا انسه القلب اتفضلي معايا
نظرت سمر للشاب الذي تشاجرت معه في أول يوم / طب يا ماجد اشوفك في استراحه الغدا لسه قدامنا كلام كتير
نظر سراج بشر لها وضغط علي حروفه / قدامي يا انسه القلب
نظرت له سمر بترفع وذهبت أمامه وهي ترفع رأسها بكل تكبر نظر سراج لثيابها / طب اقتلها دي وايتم البنات ولا اعمل اية بس ياربي اوووف
دخلت سمر المكتب وجلست علي الاريكه ووضعت قدم علي قدم سراج بسخريه / تحبي اطلب شيشه تفاح
نظرت لة سمر بعبوث / علي فكرة بقي انت مل……
قاطعها اقتراب سراج منها بطريقه مرعبه وهو يجز علي أسنانه / اقسم بالله ياسمر اشوفك واقفه مع راجل او لابسه الزفت ده تاني هولع فيكي
فاهمه
سمر برعب / انت مش….
سراج بصوت عالي / فاهممممممه
هزت سمر رأسها بخوف وسرعه كبيره / فاهمه فاهمه
ابتعد سراج عنها ونظر لها بتسليه / طب يا انسه اتفضلي انتي بقي شوفي شغلك وياريت تبعتي ليا الاستاذه سهام من برة
سمر بشر / مين سهام دي
سراج باستمتاع / دي السكرتيرة الجديده بس ايه فظيعه
نظرت له بشر
سراج بضحك / في الشغل
اقتربت منه سمر بشده وتحدثت بنبره مرعبه / عارف ياسراج عينك تروح كده ولا كده هعمل ايه
سراج بتسليه / هتعملي اية
سمر وهي تهمس في اذنه / هسيبك تطلق لخيالك العنان كدة
ثم تحدثت بهمس أصابه في مقتل / انت بتاعي انا وبس ملكي انا وبس يا سراج
سراج وهو ينظر في عينها / عمري يا سمر ما كنت لغيرك ابدا وانتي عارفه كده
سمر وهي تقبله علي خده / عارفة يا سراج ومتأكدة بس مش قادرة انسي شكلها وهي قريبه منك
رأي سراج الحزن في عينها فامسك وجهها ووجه لها / والله ياسمر القهوة وقعت علي لبسي وهي أصرت تنضفه وقربت اوي ولسه بمنعها لقيتك دخلتي كنت هوضح الموضوع ليكي بس انتي مسمعتيش والغضب عماني لما لقيت العمال بيبصوا عليكي
سمر وهي تنظر له بدموع / جرحتني اوي ياسراج
سراج وهو يضمها بشده / اسف ياقلب سراج بعتذر عن كل حاجه يا عمري والله مش هتتكرر
سمر وهي تضربه بخفه / لا هو انت فاكر انها ممكن تتكرر
ضحك سراج بصوت وكان علي وشك ان يجيب عليها ولكن قاطعه رنين هاتفه / دي نور
سمر بتعجب / عايزة اية
سراج وهو يجيب / معرفش
الو يا نور
نور من الجانب الاخر ببكاء / عيالي اتخطفوا يا سراج
كان مالك ينظر لسور الفله ويحسب المسافه اخرج حبل والقاه واستخدمه اتسلق السور كان ارتفاع السور عالي جدا بعد أن وصل لقمه السور قفز من عليه وأخرج سلاحه واتجه ناحيه الفله اخذ يقترب منها وهو ينظر حوله سمع صوت احد الأشخاص يقترب ذهب واختبئ خلف احد الجدران نظر وجد مجموعه من الرجال عند مدخل الفله اخرج قناع وارتداه ثم القي قنبله غاز عليهم فتشوشت الرؤية ثواني وعادت الرؤية مجددا ولكن كان جثث الجميع ملقاه أرضا
دخل مالك الفله واخذ يتقدم بحذر قابله رجلان يققان بالقرب من البوابه الرئيسيه اخرج مالك سكين والقاه علي أحدهم والاخر ضربة بالرصاص
صعد مالك السلم بسرعه كبيره واذا قابله أحد كان يقتله بدون تردد وصل لاحدي الغرف وفتحها بسرعه كبيره كان يوجد بها رجل وفتاه يفعلون المحرمات فزع الرجل ونهض بسرعه وحاول ان يمسك مسدس
مالك ببرود جليدي / اذا كنت مكانك ما كنت لافعل ذلك
الرجل بحده / من انت وكيف دخلت الي هنا الاتعرف مع من تعبث
مالك ببسمه مرعبة / تؤ تؤ اهدئ يارجل قليلا انا اعرف من انت أنطوني اكبر مروج لتجاره الرقيق في العالم وكيف دخلت الي هما صدقني الأمر أسهل مما تتوقع ومن انا فأنا نهايتك انا الشيطان………..
خرج الشيطان من الفيلا وخلفه العديد والعديد من الفتيات اللاتي تم اخذهن من بيوتهم للعمل في الدعاره
جاءت العديد من السيارات وهبط منها رجال كثيرون
احد الرجال / فعلتها مجددا يا شيطان
مالك بابتسامة / هذا كان في غايه السهولة يا ديفيد اظن انكم فقط لا تقومون بواجبكم كما يجب
ديفيد بضحكه / يارجل انت متكبر حقا
الشيطان ببسمه باردة / نعم انا كذلك تأكد من وصول الفتيات لمنزلهم
ابتعد مالك عنهم واتجه لاحد السيارات بمجرد ما صعد لها فتح هاتفه وجد مكالمات عديدة من نور وسراج وقع قلبه اتصل بنور بسرعه وتحدث / الو نور
نور ببكاء حطمه لاشلاء / عيالي يا مالك
كانت دانه تبكي بشده وهي تنظر لهذا الظلام الشديد حولها نظرت بجانبها وجدت عبدالرحمن مازال ينزف من راسه وغير واعي لما يحدث فعندما قاومهم قاموا بضربة بشده اقتربت منه دانه ووضعت رأسه علي قدمها وخلعت الكرافات الخاص بيونيفورم المدرسه وربطت راسه لتقلل خروج الدماء اقتربت منه دانه وقبلته وبكت بشده / عبده اصحي بالله عليك انا خايفه اوي عبده اصحي يا عبده متسبنيش كده
سمعت دانه صوت الباب يفتح نظرت له بهلع وجدت رجل ضخم وطويل جدا يقف أمامها
الرجل بحده / اوووه مين منورنا هنا ولاد الشيطان بنفسة ده احنا هنتسلي
……..