رواية بنت الشيطان الفصل الخامس والثلاثون 35 بقلم رحمة نبيل
رواية بنت الشيطان الجزء الخامس والثلاثون
رواية بنت الشيطان البارت الخامس والثلاثون
رواية بنت الشيطان الحلقة الخامسة والثلاثون
#عشقتك_مجنونتي
#بنت_الشيطان2
#رحمة_نبيل
#الفصل_الثامن

يا رب مُعجزة من عندك تُغير الأقدار و تحقق الأماني..))”♥️🌍
🌸🎀قالَ العلاّمــةُ صالح الفوزان حفظه اللهُ :
*أَيُّهَا الْمُسْلِمُ : لَا تَحرِمْ نَفْسَك مِنْ قِيَامِ اللَّيْلِ وَلَوْ بِشَيْءٍ قَليلٍ تداومُ عَلَيْه ؛ لِتَنَالَ مِنْ ثَوَابِ الْقَائِمِينَ الْمُسْتَغْفِرِينَ بِالْأَسْحَار ، وَرُبَّمَا يَدْفَع بِك الْقَلِيلُ إِلَى الْكَثِير ، وَاَللَّهُ لَا يُضِيعُ أَجْرَ المحسنينَ”.*
📮 الملخص الفقهي ( ١٣٦ )]
صلوا على من جلس علي ركبيته يواسي طفل مات عصفوره
صلوا على الحبيب المصطفى صلى الله عليه وسلم
الفصل الثامن
دخل مالك بملامح غامضه ونظر في الجميع نهضت نور بسرعه وهي تنظر خلفه خوفا علي ابنها
وجدته يدخل خلف مالك وهو يبتسم لوالده ركضت له وهي تنظر / انت كويس يا عبده
مالك بضيق /انتي خايفة علي ابني مني يا نور هو انا ممكن اأذيه يعني
نور وهي تنظر له بحزن من نفسها / مش قصدي يا مالك والله بس خوفت تكون متعصب بس وتعمل حاجة من غير ما تحس
هز مالك رأسه باقتضاب ونظر جهه بسمه التي تنظر بشر لهم لاحظت بسمه نظرات مالك فاصطنعت ملامح الألم ابتسم مالك بسخريه ثم نظر لهم / االي حصل خلص خلاص واللي غلط اتعاقب والغلطه دي لو اتكررت تاني انا اللي هتصرف بنفسي
كان يتحدث وهو ينظر لبسمه بينما هي ابتلعت ريقها بتوتر
بسمة / احم طب يا جماعه استأذن انا عشان ارتاح شويه معلش اصلي تعبانه
ثم رحلت بسرعه وهي تكاد تحترق منهم
نظر مازن لساره وأشار لتلحقه ثم صعد للأعلي
اقترب عمر من ادم وقبله ثم نظر لجنه / هاتي ياجنه العيال ندخل نعمل كلنا كيكة في المطبخ مع بعض يلا ايه رأيكم
نظر جميع الأطفال له ببسمه كبيره
بينما تحدث أسد وهو ينظر لجميله / يلا يا جيمي وريهم الكيكه بتاعتك
جميله وهي تضحك / موافقه يلا كلنا
ذهب جميع الأطفال برفقه أسد وجميله وجنة وعمر للمطبخ لكي يصنعوا الكعك
بينما نظر مالك لنور وهز رأس بيأس ثم تركها وتوجه للاعلي
نظرت نور في اثره بحزن يبدو أنه غضب منها بسبب شكها انه اذي ابنه اه ياالله ماذا تفعل الان هي تحترق من مجرد فكره انه حزين نظرت أمامها ونفخت بضيق
وجدت من يجلس بجانبها / جرا ايه يا نور انتي هتسيبي الراجل زعلان كده
نظرت نور بجانبها لدانه / اعمل ايه يا حجه دانة يعني اراضيه ازاي
شعرت بشخص يجلس بجانبها
عبدالرحمن بغمزه / واحنا برضو اللي هنقلك تدلعيه ازاي يانونو
نور وهي تنظر له بتعجب / ولا انت بتتكلم زي أسد كده ليه
ضحك عبدالرحمن وسحب اخته وتوجه للمطبخ / الحق علينا بننصحك قبل ما الراجل يطير منك
نور وهي تنظر لاثرهم / يطير مني
انتفضت بفزع / لا يطير ايه بس انا هتصرف واصالحه
صرخت سمر ووضعت يدها علي وجهها برعب شديد بينما تيبست أقدام سراج في الأرض فهو لم يقترب منها حتي كان فقط يريد أن يوضح له أمرا ولكن هي صرخت ووضعت يدها علي وجهها هل أصبحت تخافه الان دق قلبه بعنف كأنه يصرخ من الألم وهو ينظر لها شعر بانفاسه تختفي حبيبته تخشاه يقسم انه حينما صفعها لم يقصد شئ ولم يكن يدري وقتها بنفسه ولكن بسبب هذه الغلطة فقد ثقتها
رفعت سمر يدها من علي وجهها ونظرت له برعب بينما هو فزع كثيرا لرؤية دموعها ماهذا يالله لهذه الدرجه وصلت بهم الحال
تحدث بصوت جاهد ليستحضره / سمر انا مكنتش هعملك…
قاطعته سمر وهي تنطلق له وأخذت تضرب علي صدره بكل ألم / هتعمل ايه يعني اكتر من اللي عملته ها هتعمل ايه هنتني قدام العمال عشان خاطر واحده غريبه ضربتني قدام الكل وذلتني ياسراج هتعمل ايه اكثر ها انطق ولا خلاص دلوقتي
قاطعها سراج بصرحه هزت ارجاء البيت / العمال كانوا بيبصوا عليكي
نظرت له بدموع وهي مصدومة عن ماذا يتحدث هذا واي عمال
سراج وهو يبتعد عنها ويضع يدة في شعره بغيظ كبير /حضرتك كنت موطيه عليها والعمال قعدوا يبصوا عليكي ونظرات….
صرخ وهو يشد شعره ويتذكر نظراتهم لها قام بتكسير فازة أمامه وهو يصرخ / غصب عني اعمل ايه حاولت اخليكي تقومي بس انتي……
سمر وهي تنظر له باعين مفتوحه قالت بخفوت / انت بتقول ايه
اقترب سراج منها بسرعه ومسكها من كتفها وهزها بعنف / كفايه بقي كفايه انا قلبي وجعني ياسمر تعبت من البعد مش بعرف انام وانتي بعيده نظراتك ليا بتحرقني حرام عليكي قلبي وجعني ياسمر والله قلبي وجعني ولما قولتي .. قولتي انك هتطلقي قلبي انكسر للدرجه دي هانت عليكي حياتنا مع بعض للدرجه دي هانت ياسمر
نظرت له سمر وهي تبكي بشده اقترب منها سراج وشدها لاحضان بشده وهو يعانقها وهي فقط تبكي بصوت عالي قطع قلبه بعد مرور دقائق هدأ به صوتها ابتعد عنها سراج ببطئ ونظر لها بحب شديد ومسح دموعها وقبل جبينها بحنان وتحدث وهو نظر لعيونها /لو عايزة نتطلق اول ما نرجع هبعتلك ورقه طلاقك ياسمر والبيت اللي انتي فيه ده بيتك انتي وبناتك انا اللي هطلع منه وانتي متطلعيش
تركها سراج ورحل تحت نظراتها المصدومه هل بهذه السهولة تكون نهايه قصتهم هل وضع نقطه النهايه في صفحتهم
بينما سراج كان يهبط الدرجه وهو لا يستطيع التنفس كيف قال لها ذلك كان علية ان يجبرها علي البقاء معه لماذا قال ذلك هبط ولم يجد احد شكر الله فهو الان ليس في حاله تسمح له بالتحدث مع احد تحرك وخرج للحديقة لعله يريح نيران قلبه المشتعله بهذا الهواء اللطيف
كان مالك متسطح علي الفراش ويضع يده علي عينه يفكر في مشاكله في الأيام الاخيره زادت المشاكل في عائلته حقا تعب فقط يود ان يرتاح من اي مشاكل يود فقط أن يعيش يوم واحد بسلام اخرج تنهيده بألم وتعب شعر بانفاس شخص في الغرفه رفع يده ليجد نور تقف بجانب الباب وهي تنظر له بعيون مليئه بالدموع وخدود حمراء
كانت نور تخطط لكي تجعله يسامحها باي طريقه ولكن عندما دخلت للغرفة ورأته بهذا التعب والإرهاق وجعها قلبها كثيرا عليه هي تعلم انه يعاني كثيرا وجميع المشاكل علي كتفه هو
نظر لها مالك ولدموعها بألم شديد ثم مد يده لها بحنان كبير فركضت هي له كالطفله التي تركض لوالدها ذهبت وتوسدت احضانه وضمته بشده وهي تبكي / اسفه يا مالك عارفه انك تعبت اوي بسببنا وانا بزود عليك اسفه والله انا بس كنت خايفه تتعصب علي عبده والله ما قصدي ازعلك وازود تعبك يامالك
ضمها مالك وقبل رأسها بحب شديد / اششششش خلاص يا نور اهدي انا مش زعلان انتي عارفه عمري ما ازعل منك انا بس تعبت يا نور من المشاكل دي غير الشغل
نهضت نور من احضانه ونظرت له بحب / عارفه يا مالك انك بتتعب اوي واحنا بقينا حمل تقيل عليك بس اوعدك بعد كده مش هعمل حاجه تزعلك ولا هعمل مشاكل خالص
نظر لها مالك بعشق كبير فهذه زوجته وطفلته الأولي جلست نور علي الفراش ونظرت له ببسمه بينما هو لم يفهم ما تريده أشارت نور أقدمها واستندت بظهرها علي الفراش علم هو ما تقصد فوضع رأسه علي قدمها وضم بطنها اليه واغمض عينه براحه شديده فرغم اي تعب يمر به يكفيه ان ينهي يومه بين زراع حبيبته نظرت نور إليه وهو يسقط في النوم وأخذت تلعب في شعره اقتربت منه وقبلت رأسه ثم اخذت تمسد عليه بحنان حتي سقطت هي الاخري في نوم عميق
كان المطبخ يعمه الفوضي والصوت العالي صعد أسد علي الطاوله ومسك غطاء حله ومغرفه واخذ يضربهم في بعضهم فصمت الجميع بانزعاج ونظروا له
أسد بحاجب مرفوع / احنا قلنا ايه نلعب من بعضينا صح ليه بقي الدوشة دي
عبدالرحمن / ياعمو شوف ابنك عمال يضايق دانه
أسد وهو ينظر لخالد / جرا اية يا حج خالد خف شويه مش كده ده مالك يعلقك والله وسعتها محدش يقدر ينجدك منه ده لو قلت من عبده الأول
خالد / انا معملتش حاجه يا أسد
جميله بصراخ / اسمه بابا يا قليل الادب
أسد / براحه يا جيمي مش قصده
ثواني وارتفع الصوت مجددا وعلت الضوضاء في المكان ولكن صمت الجميع عندما رأوا مراد يتقدم منهم بكل برود ويحمل روجي ويخرج تحت تتبع أعين الجميع والهدوء منتشر
أسد / احيه البت اتشقطت من وسطنا
عمر بتمثيل / ياشرفك اللي ضاع ياختي
جنه بضحك / سمر لو شافته هتعمله بطاطس مقليه
عبدالرحمن / جرا ايه يا جدعان الواد بيحب الله
دانه وهي تتنهد بتمثيل /عقبالنا يارب
ضربها عبدالرحمن / لمي نفسك يابت ايه مش مالي عينك ولا اي
دانه وهي تفرك رقبتها / عاش ياسيد المعلمين
أسد وهو ينظر لهم / مش ممكن تكونوا عيال مالك ابدا انتم خليط من عبط وهبل نور وبلطجيه سمر
وعبده مرشوش عليه عصبيه مالك
ناري بتذمر / ماما مش بلطجيه علي فكره
جميله بسخريه / علي يدي
عمر / لاحظوا ان اخوها معاكم
جنه / خلاص بقي يا جماعه مكانتش كيكه اللي بقالنا سنه بنعملها دي الله
أسد وهو يضرب المغرفه بالعطاء / هدوء انا هرتب الدنيا يا جماعه اهدوا بس شويه احم احم نبدأ اليوم عمل كيكه الفراولة
ثم نظر لجميله / يافرواله انت يافرواله
عمر بقرف / اخلص ياعم النحنوح
اسد وهو ينظر له بغيظ / ولد احترم نفسك انا اكبر منك بكتير
عمر بسخريه / هو واضح فعلا
أسد لجميله / بحق هو واضح يا جيمي
جميله وهي تضحك / جدا ياقلب جيمي
جنه /انتم بجد مش معقولين ده الواد مراد اعقل منكم
أسد / ابن مازن عايزاه يبقي عامل ازاي ده ابوه في صغره كان مرعب اكتر منه
عمر /يا ستير يارب
أسد بضحك وهو يهبط / طب يلا نبدأ بقي طبختنا اليوم
دانه / اشطا نبدأ يا زميل
ساره وهي تنظر بتعجب لمازن / انت تقصد ايه يا مازن بنت عمتي هي اللي اتأذت مش العكس
مازن وهو يزفر بملل /والله اكيد مش من فراغ انتي عارفه كويس اوي ان دانه وعبده عمرهم ما بيحبوا يأذوا اي حد وخلاص الا لو الحد ده جه عليهم
ساره بحده / سمر هي اللى قالتلهم يعملوا كده انا عارفه من اول الرحله وهي مش طيقاها
مازن بتبرم / والله مش هي لوحدها
ساره بحنق /تقصد ايه يا مازن
مازن وهو يخرج / اقصد تعقلي بنت عمتك عشان انتي مشوفتيش نظره مالك ليها انا لو مكانها اخاف علي نفسي
نظرت ساره لخروجه وتحدثت بغيظ / هو كله جاي عليها ليه كده اوووف
أدم وهو يدخل لغرفتهم وجد زينة تربت علي رأس ابنهما اقترب منهما وقبلها قبله لطيفه / متي نام غيث
نظرت له ببسمه /نام للتو ولم يتوقف عن اللعب والقفز من هنا لهنا مع عبده ودانه
ضحك ادم كثيرا /هذان الطفلان غير معقولان حقا ارأيتي ما فعلاه في هذه المرأه اشفقت عليها حقا هههههههههههه
زينه بضحكه / لا اعرف هؤلاء الأطفال مما هم مصنوعون
ادم وهو يقترب منها ويغمز بمشاكسه / دعكي منهم لنتحدث بموضوع اهم
زينه وهي تبتسم له / صحيح لنتحدث بالاهم كيف حال ليث الان
ابتعد عنها ادم واظلمت عينه بحزن علي أخيه الصغير
ادم بتنهيده حزن / كما هو انتي تعرفين ليث لايظهر اي مشاعر او اي شئ فقط البرود هو ما يطغي عليه
زينه وهي تربت عليه / لا بأس يا عزيزي قريبا جدا سيتحسن اثق في ذلك
عانقها ادم / اتمني ذلك حقا
نظرت سمر أمامها بقوه وتحدثت بحده / هان عليك يا سراج تقول طلاق في وشي كده
صمتت قليلا ثم تحدثت بغباء / منا قلتله كده برضو
قامت بتذمر وهي تقول / برضو انا اقول هو ميقولش ابدا
ثم هبطت للبحث عنه ولكن لم تجده سمعت صوت خلفها / هو في كوخ اللي بره
نظرت سمر للخلف وجدت مازن يبتسم عليها بخبث
سمر / هو مين ده انا بس كنت نازله أشم هوا
مازن بسخريه وهو يرحل /منا عارف ما هو برضو بيشم هوا نصيحه بطلوا عناد شويه عشان نهايته وحشه
نظرت سمر له وهو يرحل ونفخت خدها بضيق هو محق ولكنها لن تعترف بذلك
ذهبت سمر واتجهت للحديقة ولكن في طريقها سمعت صوت يأتي من خلف احدي الشجر اقتربت سمر بتوجس وهي تخشي ان يكون اي حيوان من المزرعه وعندما اقتربت صدمت مما تري
عمر وهو ينظر بفخر لما قاموا به / عفارم عليكم يا رجاله هي دي ولا بلاش
جنه بفخر / الله علينا بجد ده احنا هنموت من أكل الكيكه
دانه وهي تنظر الكيكه ذات الاربعه أدوار / انا جوعت اوي يلا بقي
سمعوا صوت من خلفهم / انداااااال تورته من غيري
نظر الجميع بفزع لنور التي تصرخ بهم وخلفها مالك الذي يبدو عليه أثر النوم وهو يغلق اذنه من صراخها
مالك بملل / حد يديها كيكه لأحسن تاكلنا كلنا
دخلت ساره بملامح واجمه بسبب حديثها الأخير من مازن / وانا كمان عايزه حته عشان انا out of the mood خالص
دخل مازن وعانقها من الخلف / والجميل out of the mood ليه بس
ساره وهي تلوي فمها / عشان حد كده
ضحك مازن / ده انت اللي في القلب يا جميل
خالد وهو يصفر / لا برنس والله غلبت بابا وهو بياكل بعقل ماما حلاوه
نظر له مازن بشر / مش هرد عليك ما هو ابن أسد هتوقع ايه غير كده
عبدالرحمن / عيب كده يا خالد ميصحش
نور بفخر / تربيتي
عبدالرحمن بنظره خبث / سيبهم ياخدوا راحتهم ياجدع امال هما جايين الاجازه ليه
نور / ولا اعرفه
ادم / عمو كخ
عمر / حبيب بابا والله يا أدوم كلامك دهب يابني
حسام / يعني هو حضرتك يابابا فهمت حاجه
عمر بغباء / لا بس بحس بيه
مازن بملل وهو يتقدم من الكيكه / وسع كده عشان ما اقتلكش انت وهو
واخذ طبق وبدأ بقطع الكيكه
نور وهي تنظر لمالك / وانا يا مالك عايزة
مالك وهو يغمز / عنيا ياباشا
نور / تسلم عينك
عبدالرحمن وهو يقف في المنتصف / مش كده يا والدي صلي علي النبي انت. معاك اندر ايدج هنا
مالك وهو يدفعه بيده / امشي يلا بأم رخامتك دي عامل زي أسد وسراج يا ستير عيل فصيل
دانه وهي تنادي عليه / تعالي يا عبده دول هجموا علي الشيكولاته
ركض عبدالرحمن لها / جاي اهو
نظرت نور لهم وانفجرت ضحكا عليهم
بينما مالك مسك يدها واتجه ليحضر لهم كيك
أسد وهو يقترب من جميله بحب / ياه ياجميله لو تعرفي بعشقك قد اية
جميله / وانا ايضا يا حبيبي اعشقك كثيرا يا مالك روحي
أسد / جميلة انا انا
سمر وهي تقف بجوارهم / انا مش عارفني انا تهت مني انا مش انا
نظر كل من أسد وجميلة لها بجهل متي اتت هنا
نظرت سمر لاسد وجميله / يخربيتكم ورا الشجره يا جذم
فزع أسد وابتعد عن جميله التي اختبأت خلفه
سمر / انا قلت عشق ممنوع محدش سمع كلامي
أسد / احم لا بس كنت كنت
سمر وهي تغمز له / كنت بتحطلها قطره صح
أسد / ايه ده بسم الله ماشاء الله عليكي لا نبيها وبتلقطيها وهي طايره
سمر وهي تبتسم / طب حتي خدها للمقطم وعيش يابرنس
أسد بضحك / صدقي فكره
سمر وهي تغمز له بمزاح وهي تذهب / اي خدمه وخف شويه يا عم مهند الله يكرمك
أسد بعدما ذهبت انفجر ضحكا عليها
جميله وهي تضربه علي كتفه / بتضحك علي ايه اتفضحنا
زاد ضحك أسد / سمر دي مصيبه الله يكون في عونك يا سراج
كان مالك يضحك علي شكل الجميع فقد تلوثوا جميعا بالطعام سمع صوت رساله تصل له فتحها ونظر لها ببسمه توحي بعوده الشيطان / انت اللي جبته لنفسك
وصلت سمر للكوخ اخذت نفس عميق قبل أن تدخل ومدت يدها وفتحت الباب وجدت المكان مظلم الا من بعض الاضاءه القادمه من الحديقه اخذت تبحث بيدها عن زر الاضاءه واخيرا وجدته وياليتها لم تجده نظرت لما يحدث أمامها بقلب مدمي وهزت رأسها بعنف شديد وهي تري سراج باحضان بسمه……………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
