رواية بنت الشيطان الفصل الحادي عشر 11 بقلم رحمة نبيل
رواية بنت الشيطان الجزء الحادي عشر
رواية بنت الشيطان البارت الحادي عشر
رواية بنت الشيطان الحلقة الحادية عشر
سامحني حين أسجد وبالي مُنشغل وسامحني حين أتوب وأعود للذنب فليس لي ملجأ غيرك يالله ♥️🌍
🌿🌿🌿🌿🌿🌿🌿🌿🌿
يقول الرسول ﷺ
“أنا في روضتي حي .. أسمع كل من صلى علي ”
– صلوا عليه 💛
开始吧
💜💜💜💜💜💜💜💜💜💜💜💜
في الصباح دخل أدهم علي نور وجدها نائمه في الأرض في وضع الجنين أشفق عليها كثيرا فهي بريئه بدرجه كبيره ولكن هنا فقط نأخذ بالدلائل لا بالمظهر اقترب منها وهزها بلطف
أدهم / نور نور فوقي نور
فتحت نور عينيها بصعوبه والم كانت حمراء بشده بسبب البكاء.
نظرت نور الي أدهم وقامت سريعا / ايه هخرج دلوقتي
أدهم بحزن / قومي يانور فوقي عشان تتعرضي علي اللجنه
نور بدموع / معملتش حاجه دي ميار
ادهم بتعجب / ميار مالها ميار
نور ودموعها تسقط بشده / ميار هي اللي…
قاطعها صوت فتح الباب ودخول بعض العساكر
احد العساكر / اتفضلي معانا ياسياده الرائد
نظرت نور لهم بحزن ونهضت لتذهب معهم
بعد خروجهم نظر أدهم امامه بشرود ماذا كانت تريد نور لن تقول وما علاقه ميار بها هل يعقل ان لها يد فيما حدث لنور ولما لا الجميع يعرف ان ميار لاتحب نور ثم تذكر عندما كان يسير وسمعها تتحدث بصوت منخفض هل يعقل انها كانت تدبر لكل ذلك لكن كيف سيثبت هذا
…………. ♥️ 🌏
خرج عمر مبكرا من منزله وركب سيارته وانطلق لعمله وفي طريقه رأي رجل يمسك فتاه من يدها بشده ويصرخ بها وهي تصرخ من الألم هبط من سيارته بسرعه وركض لهم عندما اقترب اتضحت صورتها انها هي الاميره الجميله التي رأها من قبل ولكن من هذا ولماذا يصرخ بها تدخل بسرعه وجذبها خلفه ووقف أمام هذا الشاب النحيف الهزيل صاحب شكل غير مرتب وثياب متسخه
عمر بحده / انت بتزعق فيها كده ليه
الشاب / وانت مالك انت خطيبتي وبعلمها الأدب
جنه من خلف عمر وهي تتمسك في ثيابه بخوف / كداب مش خطيبي
حسنا لن ينكر ان قلبه ارتاح من كلمتها
الشاب /كده ياجنه طب الكلام ده هيوصل للمعلم وشوفي هيعمل فيكي ايه
عمر بحده / انت بتهددها ياحيوان
وانقض يلكمه ويضربه وجنه تصرخ / لا سيبه ابوس ايدك هيموت في ايدك
قام عمر من عليه / اشوفك بس مقرب منها هقتلك
قام الشاب وهو يعرج / ماشي ياجنه انا هقول للمعلم وهتشوفي هيعمل فيكي ايه
بعد ذهابه صرخ بها عمر / هو مين المعلم ده اللي بيهددك بيه وازاي اهلك ساكتين عن كده
نظرت له بدموع شديده وشهقات
عمر وهو يمسح علي وجهه /طب ممكن تهدي
اخرج هاتفه واتصل علي رقم
عمر / الو يامحمد معلش استأذنلي انهارده… م هعرف اجي……. هقولك بعدين……. تمام سلام
نظر لها وأشار لسيارته بهدوء
ركبت معه بخوف
عمر نظر إليها بحزن علي خوفها هذا توقف امام البحر في مكان هادئ جدا وهبط واستند علي مقدمه السياره هبطت هي بهدوء وخوف / جايبني هنا ليه
نظر لها / انتي اللي هتقوليلي
نظرت له بتعجب وتساؤل
عمر / مين الشاب اللي كان بيزعق وليه كان بيزعق ومين المعلم اللي بيهددك بيه ده وفين اهلك من ده كله
نظرت له بملامح معذبه سرعان ما ارتفعت شهقاتها
اقترب منها وهو يحاول تهدئتها / اهدي طيب براحتك مش هجبرك علي حاجه
اخذت تبكي عذابها وحرمانها من أهلها
جنه بنبره ذاقت الوان العذاب /…………
……………. ♥️ 🌏
استيقظ سراج وهبط للاسفل وجد مالك في مكانه منذ البارحه نظر له بتعجب
سراج / انت صحيت ولا منمتش اصلا
نظر له مالك ببروده المخيف / عرفت هتعمل ايه
سراج بنظره تحمل الكثير / اها متقلقش بس انت ارتاح
مالك / خليني علي اطلاع بكل اللي بيحصل هتصل عليك تسيب المكالمه مفتوحه عشان اسمع كل حاجه
سراج/ متعجبا من اهتمام صديقه الكبير / تمام مش هنفطر ولا ايه
نظر له مالك بحده
سراج / احم حاضر هخلص وهخليك علي اطلاع حاجه تانيه يا استاذ هولاكو
خرج سراج من القصر متوجها للمديرية التي تعمل بها نور
……….. ♥️ 🌏
استيقظت سمر وارتدت ثيابها نظرت للساعه وجدت نفسها تأخرت علي الأطفال انطلقت سريعا وجدت عاطف في طريقها
عاطف بسماجه / ابله سمر امال نور مرجعتش ليه من امبارح وباتت فين هي مش خايفه علي سمعتها تخاف علي سمعتكم انتم ابوكى الله يرحمه كانت كل الحاره بتشهد بأخلاقه
سمر بحده / وانت مال اهلك جات ولا لا
ثم أضافت بسخريه/ بس واضح انك مراقب كويس اوي وعارف رجعت ولا لا
عاطف بتوتر / اصل هي
سمر مقاطعه بحده / اسمع بقي عشان مراتك اللي بتقول اننا بنرمي نفسنا عليك بكرشك وصلعتك دي قسما بالله تقرب من نور تانى هخلي امه لا اله الا الله تعرف اصلك الوسخ يامعفن اوعي من خلقتي كده ياخي جاتك البلي
انطلقت سمر للمدرسه ودخلت الفصل وجدت الجميع هادئ في مكانه نظرت لهم ببسمه كبيره / صباح الخير ياكتاكيتي
التلاميذ ببسمه / صباح النور ياميس سمر
سمر / انهارده عندي فكره حلوه
التلاميذ / ايه هي
سمر وهي تنظر لعامر / استاذ سومه العاشق ركز معايا الله يكرمك فكرت ليه مننقلش الكراسي في الجنينه بره وناخد الدرس في الهواء الطلق
التلاميذ بفرحه لهذه المغامره من وجهه نظرهم / موافقين
سمر بحركه تمثيليه وهي تمسك القلم مثل السيف / اذا الي الجهاد.
هرج ومرج عم ارجاء المدرسه بسبب نقل الكراسي فمنهم لا يستطيع حملها فيكتفون بجرها وأصوات ضحكاتهم تعم الارجاء خرج المدير بفزع بسبب الأصوات وجد سمر تضع سامر (طفل مقعد عنده اعاقه منذ الولاده) علي كرسها ذو العجلات وتدفعه بسرعه كبيره وهي تصرخ بمرح والصبي ضحكته ولأول مره تصدح في المدرسه
سمر بصراخ / وسعوا الطريق
صرخ المدير وركض من أمامها وهي تركض وراءه بالكرسي والطفل يضحك بشده والمدير يصرخ / انا كان قلبي حاسس ان الهرجله دي انتي السبب فيها
نظرت له سمر وهي تتخطاه بالكرسي / اسفين علي الازعاج يا حضره المدير.
نظر المدير بضحكه هذا الصبي الذي كان دائما منعزل ولا يتحدث ابدا ثم نظر لسمر /ربنا يسعدك يابنتي زي مابتسعدي غيرك
………. ♥️ 🌏
*لاوعاوزين تخشو الجروب الروايات علي الواتساب كلموني علي الرقم ده*
*https://wa.me/+201288715026?text=ممكن-ادخل-جروب-الروايات-
نظر اللواء لنور بحزن بدأت التحقيقات
نظر الجميع لنور التي تقف وتنظر أرضا بعيون حمراء
المحقق / سياده الرائد نور سيد حسين ما ردك في الأقوال المنسوبه إليك من تعاون مع عصابه الفتوه واتجارك في المخدرات
نظرت لهم نور / كذب انا معملتش كده ومليش استفاده اني اعمل حتي اني مكنتش اعرف عصابه الفتوه غير من سياده اللواء والمهم غير كده عمري ما سمعت عنهم حاجه ولا عمري اتعاملت معاهم
المحقق والتسجيلات اللي متسجله ليكي وانتي بتتفقي معاهم
نور بهدوء لا تعرف من أين استمدته / مش يمكن حد مقلد نبره الصوت ايه صعب اذا كان احنا هنا بنعمل كده لما نعوز نوقع جد ما اظنش صعب يعني
المحقق بتركيز في كلامها / وامضتك تزوير برضو
نور ببرود وهدوء شديد / بالضبط يافندم
نظر لها اللواء بتعجب علي هدوئها فنور ليست هكذا بل هي متهورة
بينما نور تبتسم بثقه وهي تتذكر مكالمته في الصباح
المحقق / يعني حضرتك ه…..
قاطع كلامك دخول العسكري
المحقق بحده / انت اتجننت انت مش عارف ان في لجنه تحقيقات هنا
العسكري / اسف يافندم بس الصقر موجود بره
نظر الجميع بدهشه ماذا الصقر ماذا يفعل هنا صقر المخابرات هنا!!!!!
دخل هو بكل هيبه وكانت طلته طاغيه علي الجميع
نظرت له نور بصدمه وقالت بصوت منخفض / سراج
نظر سراج لها ببسمه مشجعه ثم غمز لها
نظرت هي له باعين مفتوحه هذا اذا ما كان مالك يقصده بكلامه صباحا
نهض المحققون جميعهم واللواء الترحيب فمن لا يعرف صقر المخابرات
المحقق / الصقر بنفسه منورنا هنا
ياتري ايه سبب الزياره دي
سراج بسخريته التي كان معروف بها / جاي اساعدكم في شغلكم اللي واضح انكم مش عارفين تمشوه
نظر له الجميع بتعجب من حديثه
اللواء / قصد حضرتك ايه
نظر سراج بسخريه / حضراتكم اتهمتوا سياده الرائد نور انها مرتشيه وتاجره مخدرات ونسيتوا هي عملت ايه عشانكم طب بلاش هي عملت ايه ممسكتوش دليل قوي عليها بل مجرد ادعاءات ودلائل واهيه
المحقق بدفاع /حضرتك عارف ان احنا شغلنا نشوف الدلائل ونحقق فيها شغل المشاعر ده ملناش فيه مهما كان الشخص ده مين وعمل ايه احنا عندنا دليل يدينه بنمشي عليه
سراج بسخريه لاذعه / بالضبط نلغي انسانيتنا ولو شخص مظلوم ندخله السجن وندمر حياته عشان الادله
ثم نظر له بحده / امال حضرتك شغلتك ايه مش انك تحاول توصل للحقيقه وننصر المظلوم ولا حضرتك بتاخد دليل اتحط ليك عشان يضللك وانت بتستسهل في شغلك فناخد الدليل ونقفل القضيه بقي علي كده
بهت المحقق من هجوم سراج
سراج /عموما انا هنا انهارده عشان حاجه معينه وهي الرائد نور
اللواء بتعجب / وحضرتك تعرف نور منين
سراج / معرفه خاصه
نظر له اللواء بتعجب اكثر
اخرج سراج فلاشه ووضعها علي المكتب
سراج / الفلاشه دي فيها دليل برائه نور
المحقق / فيها ايه
سراج / فيها تسجيل للحقيقه
المحقق وقد مسك شئ علي سراج / ايوه بس حضرتك عارف كويس ان التسجيل ده غير قانوني حضرتك نسيت انك استقلت من الخدمه ده معناه ان التسجيل ملهوش اي قيمه لانه غير قانوني
سراج ببسمه ساخره من محاوله احراجه / ايوه بس مش انا اللي مسجله
نظر الجميع بتعجب
سراج / انتم عارفين اني الصوره الظاهره للشيطان يعني اللي سجله هو الشيطان مش انا واظن الشيطان لسه في الخدمه
قال آخر جمله وهو ينظر بسخريه للمحقق
اللواء بتعجب / الشيطان بنفسه وايه دخل الشيطان في موضوع زي ده
سراج وهو ينظر لهم بتحدي / نور تخص الشيطان……..
………… ♥️ 🌏
جنه وهي تري الماضي يعرض أمام عيناها/
كل اللي فكراه لما كان عندي خمس سنين كان عيد ميلادي كنت انا وبابا وماما واخويا الكبير بنحتفل في مطعم شويه لقينا الجو قلب والدنيا بدأت تمطر بابا قال لازم نرجع ونكمل في البيت خرجنا كلنا بس لما خرجنا علي باب المطعم افتكرت اني نسيت هديه اخويا فاخويا مسك ايدي وهو بيعاتبني اني نسيت هديته ودخلنا نجبها من جوا جبناها وخرجنا لكن لما خرجنا اتصدمنا كان……
قطعت كلامها وهي تشهق بشده وتتذكر ماحدث / كان فيه رجاله بيضربوا بابا وماما بتحاول تدافع عنه اخويا اول ماشاف كده اخدني وخباني ورا العربيه وجري عليهم عشان ينقذهم كان عنده ١٥ سنه وقتها
وانا كنت ورا العربيه بترعش ببص لقيت واحد منهم طلع سكينه وضرب بيها بابا اكتر من مره وماما مسكت اخويا وزقيته بعيد
وقتها اخويا وقع في جنينه جنب المطعم وشوفت ماما بتجري علي بابا لكن واحد منهم شافها ومسكها ضربها هي كمان وقتلها بعدين سمعت واحد منهم بيقول لبابا وهو بيطلع في الروح ده جزاء اللي يلعب مع حميد الشرقاوي
نظر لها عمر بصدمه كبيره ماذا حميد الشرقاوي
اكملت كلامها ولم تنتبه لملامحه التي تغيرت كليا / بعدها انا من كتر الخوف اغمي عليا فقت لقيت نفسي في خرابه كبيره وفيها واحد اسمه الضو هو الكبير اللي هناك وقتها قعدت اعيط على بابا وماما واخويا عيلتي اتدمرت قدام عيني في يوم وليله دمروني والضو اخدني وبدأ يضربني لما لقاني مش ببطل عياط وبنادي لأهلي وشويه شويه بدأت استسلم واتعود علي الوضع وبدأ يخرجني اشحت وابيع فل ومناديل دمرني
ودمر حياتي وكمل علي اللي عمله حميد الشرقاوي فيا
نظر لها عمر وامتلئت عيونه دموع عليها ذهب وجذبها لحضنه / اششش اهدي مش هخليكي ترجعيله تاني ابدا
ابتعدت عنه جنه / لامينفعش ده ممكن يبعت حد يقتلني او يسجني ده ممضي كل اللي عنده علي وصولات بآلاف عشان يضمن محدش يخرج عن طوعه انا حكتبك حكايتي عشان كنت تعبانه محتاجه احكي لحد لا زم امشي دلوقتي
ركبت السياره صعد عمر خلفها واصلها حيث تريد كانت علي وشك النزول ولكن
مسك عمر يدها ووضع فيها كارت به أرقام هاتفه وعنوانه
عمر بنظره جانيه / اي وقت متتردديش انا موجود دايما
نظرت له بدموع امتنان / شكرا ليك جدا
هبطت من السياره وابتعدت عنه وهي تبكي بشده علي حالها
رن هاتف عمر /الو ياسمر في ايه
عمر بفزع / ايه……..
……….. ♥️ 🌏
استمع الجميع للتسجيل الذي احضره سراج ونظروا بصدمه ميار هي من فعلت كل هذا
اللواء بغضب جحيمي / يا عسكري
دخل العسكري بسرعه
اللواء / استدعيلي النقيب ميار بسرعه
ذهب العسكري ليحضر ميار
بينما نظر سراج لنور ببسمه تطمئنها
دخل العسكري ومعه ميار التي تنظر بحقد وشماته لنور
اللواء بغضب شديد/تقدري تفهميني ياسياده النقيب ايه علاقتك باللي حصل للرائد نور
ميار بتوتر / علاقه ايه يافندم انا مليش اي علاقه بيها ولا باللي حصلها
اللواء فتح الريكورد استمعت ميار له باعين مفتوحه بشده كيف سجلته هي تم سحب هاتفها منها كيف ذلك
ميار بدفاع وخوف شديد /ده كدب يافندم ده حد مقلد صوتي و
قاطعها سراج بسخريه / زي مانفس الحد قلد صوت نور برضو سبحان الله
نظر سراج لهم مره آخره / انا عندي دليل غير ده
المحقق / دليل ايه
سراج / المكتب اللي كانت فيه نور اكيد فيه كاميرات ممكن نشوف التسجيلات
توترت ميار كثيرا فهي لم تضع هذا في حسابها رغبتها في الشماته والسخريه من نور اعمتها
ميار /صدقني يافندم مش عملت حاجه هي عايزه تلبسها لأي حد عشان تطلع هي منها
اللواء دلوقتي هنعرف الحقيقه
اتصل اللواء بادهم وطلب منه الذهاب لغرفه المراقبه وإحضار شريط مراقبه الليله الماضيه في مكتبه بعد قليل طرق أدهم الباب ودخل وضع الشرائط امام اللواء علي المكتب نظر اللواء للمحقق بمعني ان يشغله ثواني وكانت الصوره تظهر نظرت ميار برعب وقلبها يكاد يتوقق من الخوف
ميار / ده ده مش انا مش انا
نظر لها اللواء بقرف بعد كل هذا تكذب اي نوع من البشر هذه
اللواء بحزم / سياده النقيب سلمي سلاحك وشارتك انتي تم تسريحك من الخدمه للأبد وهيتم مسح اسمك من اي سجل يخص الشرطه وهتبقي نقطه سوده في ملفك
ميار بجنون وهي تنظر لنور / انتي السبب انتي السبب كنت هخلص منك بس لا انا اللي اتأذيت بسببك انتي هقتلك يانور لو اخر يوم في عمري هقتلك
خرجت ميار تركض مالمجنون وهي تنوي في سراها الانتقام ولكن عذرا عزيزتي فهي ليست مجرد فتاه فهي بنت الشيطان
………… ♥️ 🌏
ركض كلا من سمر وعمر في ممر في المديريه وقد تحدثت سمر لمريم واخبرتها ما حدث فهاتفت عمر وجاءت فورا
عند نور
اللواء وهو ينظر لها بخجل اسف يابنتي علي ظلمك واللي اتعرضتيله الفتره دي
نور ببسمه لطيفه / ولا يهمك يافندم حضرتك كنت بتأدي واجبك
كان كل هذا يدور تحت مسامع هذا الشيطان الذي يبتسم بخبث علي ما سيحدث لميار فقد فتحت أبواب الجحيم عليها
………….. ♥️ 🌏
كانت جنه تجلس بحزن وهي تتذكر كلام عمر بأنه معها دائما للحق شعرت وقتها بفرحه كبيره وأمان كبير ولكن ماذا تفعل ماباليد حيله شعرت جنه بالجوع الشديد فذهبت للبحث ان اي شئ يمكن اكله حينما كانت تسير سمعت صوت شوقي وهو يتحدث في الهاتف لم تعره انتباه ولكن سمعت اسمها يذكر
اقتربت اكثر من الباب وسمعت ماجعلها كادت تسقط وانصدمت مما يقوله هذا الرجل / اسمها جنه وهي صغيره وجميله هتلاقي رجاله كتير صدقيني هتعملك فلوس رز البت جسمها كويس جدا وهتخليكي تتنغني ايه رأيك تاخديها بكره تظبطلك السهره ومش هنختلف في السعر برضو يامعلمه ده انتي اكبر معلمه دعاره في الكار كله اعتبري البنت ليكي والمتعه زباينك يامعلمه…………..
🌏♥️………………………. ♥️ 🌏
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)