رواية بنت الشيطان الفصل الثاني والخمسون 52 بقلم رحمة نبيل

رواية بنت الشيطان الجزء الثاني والخمسون

رواية بنت الشيطان البارت الثاني والخمسون

رواية بنت الشيطان الحلقة الثانية والخمسون

الفصل الخامس والعشرين
نظر مراد لروجى واعصابه كلها تحترق من هذه النظره في عينها بكت روجى بشده وهي تلقي له نظره اخيره وتركض للخارج نظر لها مراد بفزع واخذ قميصه وارتداه بسرعه ليلحق بها
نجلاء بدلع / ايه يا ميرو هتسيبني عشانها ولا ايه
أدار مراد رأسه لها وابتسم بشر ونظره مجنونه مختله جعلتها تتراجع بخوف / متخافيش هرجعلك
ثم تركها وركض خلف روجي وهو يرتدي قميصه وجدها علي وشك الخروج من العماره ركض إليها وامسك يدها وسحبها للداخل ونظر في عينها نظره ثابته قويه وتحدث بصوت واثق قوي كعادته / انا مش هلومك دلوقتي علي نظرتك اللي شوفتها فوق دي بس عايز اعرف انتي للدرجه دي مش بتحبيني
رفعت نظرها له ويا ليتها لم تفعل فنظرتها قطعته اشلاء تحدثت بألم شديد وكأنها تحدث نفسها / كانت في حضنك ده مكاني انا هي اخدت مكاني ده مكاني من وقت ما كنت صغيره ده مكاني
نظر لها بألم وأغلق عينه واقترب منها ولكنها ابتعدت عنه للخلف
نظر لها نظره جامده وضغط علي يده حتي لا يخيفها / انتي عايزه ايه دلوقتي اطلقك؟؟؟
رفعت عينها له برعب شديد وهزت رأسها بسرعه وخوف ان ينفذ ما قاله بينما هو ضرب الحائط خلفها بقبضته وصرخ بحده / امال ايه ليه بتبصيلي البصه دي طالما فارق معاكي اوي ومش عايزه تطلقي
ارتفعت أصوات بكائها وهي تهز رأسها بحده وخوف ثم انطلقت وعانقته بشده / لا بالله عليك يا مراد متسبنيش انا مش هعرف اكمل حياتي من غيرك انا عيشت طول حياتي وعارفه انك معايا دائما لو سبتني هحس اني تايهه يا مراد
أغلق مراد عينه بشده ثم ابعدها عنه ونظر في عينها ثم تحدث ببسمه متألمه / نظرتك مش بتقول كده يا روجينا نظرتك بترمي ليا اتهام علي حاجه محصلتش
نظرت له وهي تبكي / روجينا؟ انت للدرجه دي زعلان مني انت مش بتقولي كده غير لما تزعل مني
تجاهلها وادار وجهه للجهه الاخري ليزفر باختناق
روجي ببكاء/ غصب عني يا مراد مشهد وانت في حضنها اتحفر في راسي مش عارفه امسحه غصب عني
نظر لها نظره متألمه من كلامها وزفر بتعب شديد / طب يا روجى انتي عايزه اعمل ايه دلوقتي
روجى بصوت ذكره بصغيرته ايام طفولتها / احضني يا مراد
نظر لها مراد بعشق شديد
بينما اكملت هي / احضني واوعي ابدا تسبني امشي حتي لو قولتلك سبني اوعي يا مراد ضمني ليك وامسح اي لمسه منها يا مراد
إشارة لقلبها / ده بيوجعني لما اتخيل انها كانت في مكاني يا مرام عا……..
قاطعها مراد وهو يحذبها بقوه لاحضانه ويدفن وجهها في صدره ويزيد من ضمته قال بصوت مثقل بحبها / المكان ده بتاعك وبس يا روجي محدش خده ولا حد عمره هياخده انا قولتلك قبل كده وهكرر تاني انتي مش بس مراتي لا وحبيبتي وبنتي كمان روجي انا عايش حياتي بفكره واحده بس روجي ملك مراد ومراد ملك روجى وعمري في يوم ما هتخلي عن الفكرة دي ابدا يا روجي فاهمه يعني انتي مسجونه في قلبي يا روجي ومش هتعرفي تخرجي ولا تسبيني حتي لو انتي طلبتي كده
لم تتحدث هي بل اكتفت بضمه بشده لها وهي تحاول مسح ما رأته منذ قليل ثواني وابتعدت عنه بسبب هاتفها
نظرت له بخجل واجابت بخفوت / الو
……….
روجي بفزع / امتي ده حصل
………
انا مع مراد وهنيجي اهو
نظر مراد لها بخوف فيه ايه يا روجي
روجي بدموع وخوف / ناري اتصلت وبتقول عبدالرحمن عمل حادثه وهو في المستشفي وبيقولوا حالته خطيره جدا
نظر لها بفزع أخيه ورفيقه في المشفي وهو لا يعلم
نظر لها وركض للاعلي ليحضر مفاتيحه ليرحلوا بسرعه دخل المنزل ولم يجد أثر لتلك الحيه لك يهتم الان وركض للأسفل بسرعة واخذ يد روجي وركض لسيارته حتي يصل إليهم
كانت ناري تسير بسرعه في ممر المشفي الي جانب خالد الذي كان وجهه شاحب كأن من اصيب هو والده وليس ابن عمه وصديقه
ركض خالد تجاه والده وقال بقلب مجروح / عبده يابابا هو كويس
أسد بحزن / لسه في العمليات ادعيله يا خالد الدكتور بيقول حالته صعبه
نظر خالد للباب بحزن وهو يدعو الله أن يكون صديقه بخير
كانت سما لا تشعر باي شئ حولها فقد أصبحت رأسها ثقيله جدا فهي لم تأخذ جرعتها منذ فتره كل تحركاتها كانت تحت اعين حسام الذي يراقبها بدقه كبيره
عندما لاحظ ان أفعالها بدأت تخرج عن السيطره اقترب منها تحت انشغال الجميع وجذب يدها وتحدث حتي لا يشك به احد / قومي ياسما انتي كنتي تعبانه تعالي اجبلك اكل ونجيب للكل
ذهب واخذها معه حتي خرج من ممر غرفه العمليات فجذبها بقوه داخل مخزن واغلق الباب وجعلها تستند عليه واقترب منها وتحدث بجديه / ما اخدتيهاش من امتي
نظرت له برعب ماذا هل علم كيف ذلك
تحدث هو بسخريه / انتي مفكراني اني مش عارف يا سما انك
اقترب من اذنها اكثر / شمامه
تيبس جسدها عن الحركه وكم الخجل والذل الذي تشعر به الآن
سما وهي تحاول الدفاع عن نفسها / انا لا مش كده انا بس
قاطعها وهو ينظر إليها جيدا ثم تحدث /انا شوفت الصور يا سما
نظرت له بعيون مكسوره وانزل رأسها في الأرض و دموعها تسيل علي خدها بشدة
رفع وجهها برقه ومسح دموعها
اخرج هو حبوب من جيبه ومد يده بها / خدي دي
نظرت له بتعجب / ايه ده
حسام / ده برشام مهدئ تأثيره مشابه لتأثير القرف اللي بتاخديه ده بس مش مضر هيخلي جسم يبقي خامل أعراضه اشبه بالمنوم وبعد ساعه من اخذه هتنامي علي طول الوضع ده مؤقت لحد ما نتجوز ونسافر ووقتها هعرف ازاي اخليكي تبطلي القرف ده
نظرت له بخجل شديد علي كلامه / نسافر فين
حسام وهو يهمس في اذنها / أستراليا يا…….. يا مراتي المستقبلية
ثم ابتعد عنها وهو ينظر لها / تعالي يلا عشان اجبلك اكل ومايه عشان تاخدي البرشامه
خرج حسام وتابعته وهي تدرك انها ستعاني معه كثيرا
ذهب حسام وسما واحضروا الماء والطعام وأخذت سما الحبوب حسب أوامر حسام ثم عادوا حيث الجميع وجدوا مالك يحمل نور بفزع وهو يصرخ بالطبيب
والجميع يبكي بحده والأجواء متوتره ركض حسام تجاه خالد في نفس الوقت الذي جاء كلا من مراد وروجى
حسام بفزع / فيه ايه يا خالد
خالد بدموع مثل الأطفال وشهقات كثيره / عبده…….
كانت رحمة تجلس في غرفتها لا تعرف لماذا ولكن تشعر بالخوف قلبها ينبض بشدة هو يؤلمها كثيرا
منال وهي تنظر لها بحزن / لسه برضو يا رحمة تعبانه
رحمة وهي تنظر له بدموع لاتعرف من أين أتت / مش عارفه يا ماما فيه ايه قلبي وجعني اوي حاسه اني بتخنق وكمان مش عارفه ابطل عياط مش عارفه فيه ايه حاسه اني خايفه اوي يا ماما
اقتربت منال منها بحب وربتت علي كتفها وهي تبتسم / اهدي يا حبيبتي واستعيذي من الشيطان وصلي ركعتين كده لله وانتي تستريحي واقرأي شويه قرأن (الا بذكر الله تطمئن القلوب)
نظرت لها رحمه بحزن شديد فهي حقا مهمله في حق ربها ودينها خرجت رحمه من شرودها علي صوت صراخ احمد الذي يبدو أنه يصرخ بشخص ما
خرجت وهي تركض مع منال في نفس وقت خروج ايمن وهو يصيح بانزعاج / ايه هو انتم مش بتعرفوا تسكتوا خالص ولا ايه
صمت حينما رأي باحة المنزل مليئه برجال مسلحين يبدو عليهم الشر
أنور بحده / انت مين انت وهو وازاي تدخلوا بيوت الناس كده
أجاب صوت من خلفهم / لينا امانه عندكم وجايين ناخدها
نظرت رحمة لهذا الشخص الذي خرج من خلف الرجال وتحدثت بغضب / انت بتعمل ايه هنا
الرجل بخبث / فيه ايه اهدي كده بقي دة استقبال تستقبليه لابن عمك بعد طول غياب
فتحت عينها بصدمه شديده وهي تسمع كلامه ماذا ابن عمها؟؟؟
كان بلاك يقف بعيدا عنهم ويراقب الأجواء المشحونه وهو يخطط في رأسه لما سيفعله
حسام بفزع / غيبوبه
مراد وهو ينظر لخالد بدقه /قولي الدكتور قالك ايه بالضبط
مازن وهو ينظر لابنه بجديه فمراد رغم سنه الصغير فهو دكتور مشهور ومتميز في جراحه المخ والأعصاب وحصل علي جوائز كثيرا /انت يا مراد تقدر تساعده تعالي هنروح للدكتور نطلب الملف بتاعه
هز مراد رأسه لوالده ثم نظر لروجى التي تمسك بيده ولا تفلتها وقبل رأسها بحنان / ثواني وهرجعلك روحي لطنط سمر عشان شكلها تعبانه
نظرت روجى لسمر التي يبدو عليها الحزن الشديد يسبب ما حدث لنور
فقد سقطت مغشي عليها
كان مراد ينظر للأشعة أمامه بجديه ثم تحدث يخوف / عنده نزيف داخلي وكسر في الجمجمة الظاهر الخبطة كانت قويه عليه
مازن / يعني ده هيصعب الموضوع اكثر مفيش اي امل
مراد وهو يتنهد بتعب شديد وحزن / فيه امل بس مش هينفع يتعمل دلوقتي اي عمليه لانه لسه خارج من عمليه خطيره واحتماليه عمليه تاني ممكن تضعف فرصه نجاته
مازن / يعني بعد قد ايه
مراد / شهر ان ما كنش اكتر ده بيعتمد علي ارادته ومقاومته
نظر مازن له بحزن كيف سيخبر مالك بذلك الخبر
رحمه بصدمه كبيره / ب… بنت عمك ازاي انت كداب
معتز بضحكه صدحت في الأجواء / عيب عليكي انتي نسيتي ولا اية لما كنتي عايشه معانا في فيلتنا وانتي صغيره وبابا كان……
صمت ليجعل سيل من الذكريات يضرب عقلها بشدة ضرب عمها لها علي اتفه الأسباب وغضب زوجه عمها منها اذا حدثت احد أبنائها وأولاد عمها نعم هي تتذكرهم اولاد مدللين فاسدين مثل والديهم
نظرت له بقرف وسخريه / اه انت بقي الصغنن ننوس عين ماما ولا الكبير المجنون اللي عامل زي عمي
نظر لها بغضب شديد وقام بصفعها وهو يصرخ /اخرسي اوعي سيره ابويا تيجي علي لسانك انا اة مجنون بيكي بس ابويا خط أحمر انتي فاهمه
نظرت رحمة له وفي ثواني كانت تصفعه علي خده وتليها بصفعه اخري ركض رجالة لها وامسكوها من يدها
صرخت رحمة / بتتحامي في تيران يا عره الرجاله ما انت لو راجل كنت جيت لوحدك بس نقول ايه كلب وهتفضل طول عمرك كلب
نظر لها بغضب وهو مازال يضع يده علي خده
ثم نظر لمنال التي تحتضن الأطفال بخوف وأشار لاحد الرجال الذي ذهب وجذب ماني
كانت ماني تصرخ بشده / يا ماما الحقيني يا ماما
ترك حمدي منال وركض تجاه معتزالذي يمسك ماني وامسك قدمه ليعرقله ولكن معتز ترك ماني وامسك بحمدي وقام بضربه بشده ثم اخرج مسدسه وصوبه له
صدح في الأجواء صوت رصاصه
وصرخت منال والأطفال
رحمة بصراخ شديده ودموع / احمدددددددددددددددددد
فتحت نور اعينها ونظرت حولها بتعجب فوقع نظرها علي مالك وتذكرت جميع ما حدث فبكت بشده
وصل لمالك صوت شهقاتها استيقظ بفزع ونظر لها وامسك يدها بحنان واقترب منها / مالك يا نور بتعيطي ليه الدكتور طمنا عليه وقال فتره وهيبقي كويس ليه العياط دة
تور بقلب امك مفطور / أولادي يا مالك هيضيعوا مني عبده لو حصله حاجه دانه هتحصله يا مالك
مالك وهو يجلس بجانبها ويضمها / اششش اهدي بإذن الله هيكون بخير ياقلبي متقلقيش الموضوع هيعدي ويخلص هي بس فتره وهتخلص
نظرت نور له بتعجب / قصدك ايه مالك انت تعرف حاجه احنا مش نعرفها
مالك ببسمه وهو يضمها ويبتسم ببسمه تدل علي عوده الشيطان / قريب اوي يا نوري كل ده هيخلص ونرجع زي الاول وزياده كمان
كان يقف بجانب فراشها ويتأملها بحب شديد هذه الحوريه الخاصه به هو فقط يعشقها بشده بل مهووس به ثواني وشعر بهاتفه يرن فاخرجه ووضعه ونطق كلمه واحده / راقبه
نظر لها مره اخيره وقبل رأسها وخرج من الغرفه ووضع قبعه الجاكت الذي يرتديه علي رأسه وسار وهو يبتسم بخبث شديد نعم يا عزيزي فقد لعبت مع الشخص الخطأ
كانت رحمة تجلس في هذا المخزن منذ ثلاث ساعات بكت بشده وهي تتذكر مشهد احمد وهو غارق بدمائه وسحب الرجال لها تحت مقاومتها وتخديرها وعند استيقاظها وجدت نفسها هنا
كان معتز يجلس في الغرفه المعتادة وهو ينظر للصور بنصر / واخيرا بقيتي بين ايدي مش مجرد صوره يا رحمة
ثم اقترب من الصور / من صغرنا وانا مجنون بيكي ولما كبرت دورت عليكي في كل حته لغايه ما لقيتك ومش بعد ده كله عبدالرحمن يخدك مني بس خلاص يا حبيبتي خلصت منه وهو قرب يموت خالص وهنكون مع بعض
سمع صوت صراخ بالخارج وصوت ضرب نار خرج بفزع وهو يصرخ / في ايه
نظر وجد شخص يضع قبعه علي رأسه ويقتل رجاله بطريقه شرسه جدا ومرعبه
نظر له برعب وركض للغرفة مجددا واحضر مسدسه وخرج وصوب المسدس تجاهه وكان علي وشك الضغط علي الزناد ولكن منعه سكين وهي تغرز في يده القي المسدس وصرخ بألم كبير وهو يمسك بيده وينظر للرجل الذي يقترب منه ويبتسم بسمه مختله وتحدث بفحيح / غلطت غلطت عمرك لما لعبت مع حد يخص بلاك
كانت رحمة تنظر للباب برعب شديد وهي تسمع أصوات صراخ شديده في الخارج ثواني وتوقفت جميع الأصوات سمعت صوت أقدام تقترب من الباب
نظرت برعب للباب حين فتحه شخص يضع قباعه جاكته علي رأسه سمعت صوته المرعب وهو يقول / تعالي معايا قبل ما حد تاني يجي
بعد مرور ساعتان كانت رحمة تجلس في أحضان منال التي تربت علي ضهرها وهي نائمه علي قدمها في غرفه احمد الذي اصيب في زراعه بطلق ناري تذكرت رحمه كلمات هذا الشخص الذي انفذها
/متخافيش انا جاي من طرف عبدالرحمن
رحمه برعب / وهو ميجيش بنفسه ليه
بلاك / هو عنده ظروف وبيبلغك انه قريب جدا هينفذ وعده ليكي هو مش ناسيه وبيقولك انتظريه
خرجت رحمه من شرودها علي حديث منال / مش هتاكلي يارحمه
رحمه وهي تغمض عينها حتي تنسي ما حدث اليوم / لا ياماما عايزة ارتاح بس
ثم اغمضت عينها وقالت في رأسها/ يا تري يا عبدالرحمن ايه اللي حصلك
دخل بلاك قصره الذي لا يعرف عنه احد شئ ابدا وكان يصفر ببرود سمع صوت بجانبه/
يا برودك يا اخي عامل مجزره دمويه وماشي تصفر بروقان ده انت غلبت الجزار يا جدع
ضحك بلاك / لا ماكس ده محدش يغلبه بعدين هي مش المجزره دي عشان سياتك
مين اللي قعد يقولي والنبي يا بلاك روح انقذ رحمة طب سيبني انا انقذها
عبدالرحمن بضحكة سخيفه / ايوه حصل فعلا
بلاك وهو يجلس بجانبه وينظر للطعام / شايفك واخد راحتك اوي يعني ولا كأنه بيت اهلك
عبدالرحمن بسماجه / منتا لما كنت بتقعد في شقتي في إيطاليا كنت معتبرها شقه اهلك برضو
بلاك ببسمه بارده / انا ممكن امسكك دلوقتي اعلقك ومحدش هيحوش عنك فخف كلام عشان مزعلكش.
عبدالرحمن ببسمه خبيثه / كده برضو ده انا حتي اخو مراتك ياشيخ
تذكر بلاك دانه عشقه الوحيد وابتسم بعشق وتحدث بهيام / يمكن دي الحاجه الوحيده اللي شفعت ليك عندي
نهض بلاك وتوجه ناحيه الأعلي
ولكن توقف علي كلمه عبدالرحمن / ليث
ابتسم ليث دون أن يستدير فعبدالرحمن لا يناديه باسمه الحقيقي الا عندما يريد قول شئ مهم
ليث وهو ينظر له/ نعم يا عبده
عبدالرحمن / انت هتعرف دانه أمتي كل حاجه
ليث وهو ينظر له ببسمه بارده / قصدك اني بشوف ولا قصدك عن بلاك
عبدالرحمن ببسمه / انك بتشوف
ليث وهو يصعد / قريب اوي لما تكون في بيتي وفي حضني يا نمر وقتها هقولها بطريقتي
قال آخر كلامه بغمزه مشاغبه
عبدالرحمن وهو يمسك تفاحة ويلقيها عليه ولكنه التفت بسرعه وامسكها
عبدالرحمن بغضب / قولتلك ميت مره متقولش عليها كده قدامي
ليث وهو يأكل التفاحة ببرود / اتعود يانمر لان دانه من يوم ما عيني وقعت عليها من 10 سنين وهي بتاعتي وملكي وبس وبقت مراتي وقريب اوي هتنور قصري…… قصر بلاك
خرج مالك وذهب لمكتب مراد وجده ينظر في الملف أمامه وابتسم بامتنان / تسلم يا مراد لولاك مكنتش عارف هنطلع عبدالرحمن ازاي
ابتسم مراد وهو يتذكر ما حدث
flashback
بعد أن اقنع مراد والده بوجهه نظره ان عبدالرحمن لن يخضع لأي عمليه الا بعد شهر وفي هذا الوقت ينهي عبدالرحمن مهمته
بعد خروج مازن خرج مراد خلفه واستطاع هو ومالك وسراج ان يجعلوا الجميع يذهبون من ممر العمليات حتي يخلوا الطريق لليث لإخراج عبدالرحمن دون علم احد وبعد اخراجهم لعبدالرحمن احضر ليث احد العملاء التابعين له والذي يرتدي قناع يشبه عبدالرحمن ونام مكانه كما منع مراد اي زياره لعبدالرحمن حتي لا يكتشف احد الخدعه
Back
مالك وهو يخرج / اي جديد بلغني يا مراد
مراد ببسمه / تمام باشا
ابتسم مراد وخرج وجد سراج يتجه ناحيته وهو يقول بضحكة / بلاك قلبها مجزره
مالك بضحك / ده المتوقع
سراج / كده خلصنا من خطر معتز
مالك وهو ينظر له بشرود / معتز اساسا مش خطر من الاول الخطر الحقيقي هو ماهر اخو معتز الكبير شخص دموي بمعني الكلمة وكمان ليه يد في العمليات الإرهابية اللي بتم علي الكماين اللي علي الحدود يعني الانتقام بقي اتنين
سراج وهو يتنهد / سلاله حميد الشرقاوي مش هتخلص الأول ابن اخته ايمن الدمنهوري بعدين عياله معتز وماهر الدمنهوري
مالك بشرود / ايمن انتهي زمان وحط نهايه ليه ولعيلته كلها اما خطف اولا زمان للأسف بندم اني اعتبرته في يوم صديق ليا
سراج وهو يرتب علي كتفه / مش ذنبك ان أصله وسخ وباعنا كلنا بس دلوقتي الخطر قل بموت معتز باقي ماهر وخطره
مالك / واكبر خطر فيهم هو ماهر بي قريب هنخلص منه
سراج وهو يضربه بكتفه بمزاح / هترجعني لأيام الشقاوة يا شيطان وايه تشكيله رجال مخابرات ولا في الأحلام
مالك ببسمه / النمر (عبده) والصقر (سراج) بلاك (ليث)
ثم تحدث بفحيح في الاخير / والشيطان (طبعا مالك)
سراج /الحرب علي ماهر قامت يا شيطان خلينا نخلص من سلاله حميد
الشيطان ببسمه مرعبه / قريب اوي نهايه ماهر قريب اوي
كان يجلس في قصره المهيب في بريطانيا كان يحطم في الغرفه بغضب جحيمي وهو يصرخ / شيطااااااااااااان هنتقم منكم كلكم هنتقم منكم كلكم الأول قتلتوا خالي بعدين ابويا و دلوقتي اخويا بس انا هوريكم مين هو ماهر الدمنهوري انا هوريييييييييييييييكم
مفاجأة مش كدة 🙈🙈