رواية بنت الشيطان الفصل الثالث والثلاثون 33 بقلم رحمة نبيل
رواية بنت الشيطان الجزء الثالث والثلاثون
رواية بنت الشيطان البارت الثالث والثلاثون
رواية بنت الشيطان الحلقة الثالثة والثلاثون
#عشقتك_مجنونتي
#بنت_الشيطان2
#رحمة_نبيل
#الفصل_السادس
*🌸السؤال*
أحسن الله إليكم. هل هناك دعاء يقوله المسلم عند تناوله السحور، وما هو… ؟
*🌸الجواب:*
*تناول السحور كتناول غيره ، يعني ينبغي للإنسان بل يجب على الإنسان أن يسمي عند الأكل ؛ لأن النبي صلى الله عليه وعلى آله وسلم أمر بالتسمية عند الأكل ، وأخبر أن من لم يسم شاركه الشيطان في أكله ، لكن لما كان السحور مأمورًا به فإنه ينبغي لإنسان أن يستحضر عند تناول السحور بأنه إنما تسحر امتثالاً لأمر الرسول صلى الله عليه وعلى آله وسلم ، واقتداء به صلى الله عليه وعلى آله وسلم ، واستعانة بذلك على الصيام ، وإذا فرغ منه حمد الله ، فإن الله تعالى يرضى عن العبد يأكل الأكلة يحمده عليها ، ويشرب الشربة فيحمده عليها ، وليس هناك ذكر مخصوص للسحور.*
📮من فتاوى الشيخ محمد بن صالح العثيمين رحمه الله
صلوا على من جلس علي ركبتيه يواسي طفل مات عصفوره
صلوا علي الحبيب المصطفى صلى الله عليه وسلم
الفصل السادس
استيقظ عبدالرحمن ودانه مبكرا قبل الجميع
عبدالرحمن لدانه / هو البيت هادي كدة ليه
دانه بتعجب /معرفش ياخويا امك مش طالعلها صوت خالص
عبدالرحمن وهو ينظر لها ويفرك رأسه بتفكير / ايه رأيك نعمل حاجه جديده عشان زهقان
دانه وهو تنظر له / وانا كمان زهقانه اوي
عبدالرحمن وهو يفكر / عرفت هنعمل ايه
دانه بلهفه / ايه
عبدالرحمن بنظره تدل علي ان مالك علي وشك دفع أموال كثيره لتصليح ما سيفعلونه / هنعمل معسكر في الجنينه بره
استيقظ سراج بانزعاج من صوت الموسيقي الا يكفي انه لم ينم طوال الليل بسبب عناد سمر بالنوم في غرفه الضيوف
قام بتأفف ودخل للحمام وانتهي من استحمامه وخرج وهو يلف فوطه علي خصره ويضع اخري علي شعره ذهب تجاه خزانة الملابس ومد يده ليخرج ثيابه لحظة ماهذا ابعد المنشفة عن عينه ونظر للدولاب ولم يجد اي ثياب له اغمض عينه بغضب وجز علي أسنانه / سمر يا…….
هبط سراج بعصبيه شديدة وهو يلف الفوطة علي خصره واتجه ناحيه غرفه التلفاز ودخل وكان علي وشك الصراخ / سمرررر اااااايه (انخفض صوته تدريجيا) اللي انا شايفه قدامي ده
نظر بصدمه لما تفعله فكانت سمر ترتدي تيشرت اسود كات وبنطلون جلد اسود وتربط شعرها علي هيئه (ذيل حصان) وتمارس رياضه اليوجا وهي تسمع موسيقي هادئه فتح سراج فمه ببلاهه ماهذا الذي يراه أمامه
ترجم أفكاره علي هيئه ثلاث كلمات / احيه يابو سوسو
عمر وهو يطرق الباب / مش كفايه يا جنة ولا ايه من امبارح حابسين نفسكم في الاوضة يابنتي اطلعوا والله ما هعمل حاجه
جنه من الداخل بخوف / بتضحك عليا انا عارفه عشان افتح وتنتقم
عمر بحاجب مرفوع /انتقم ده ايه الهبل ده يابنتي والله ما هعمل حاجه افتحي بقي عايز استحمي يا حجه ابوس ايدك ده انهارده اجازه حتي عايز ارتاح
فتحت جنه الباب فتحه صغيره / احلف كده مش هتضرب
عمر بغيظ / والله اما فتحتي الباب لهضربك بجد يا جنة ومش هزار خلصي يابنتي افتحي بقي الله
فتحت جنه الباب وركضت للسرير ووقفت عليه دخل عمر للغرفة ونظر لها وهز رأسه بيأس / عوض عليا يارب عوض الصابرين
نظرت جنه له بتعجب لم يضربها حقا نظرت نفسها ثم تحدثت / ايه الهبل اللي بعمله دة
اما اروح اشوف العيال
خرجت جنه لكي تري أولادها ولكن توقفت قليلا وهي تفكر بشئ خبيث ابتسمت بمكر ثم صرخت بصوت مرتفع نسبيا ليسمعها الأطفال / لا ياعمر حرام عليك والله مش انا اللي بوظته
كان حسام يقف خلف الباب وسمع صوت والدته يصرخ لطم علي خده / يا صغير علي الموت يا حس هتموت وانت لسه ما اتجوزتش ياحسام
خرج عمر ركضا ليري ماذا يحدث وجد زوجته تقف وتصرخ أمام غرف أطفاله عمر وهو ينظر لها بتعجب / بتعملي ايه ياجنه هي هبت منك اوي كده
جنه وهو تنظر له / اصبر بس عشان اخوفهم ويحرموا يعملوا كدة تاني
خرج خالد مره واحده / سمعت كل حاجه بس ماشي يا جنه عايزه تعمليها فينا ولا ايه بس لا ياماما العبي غيرها بعدين انتي اوفر اوي الصراحه كلنا عارفين ان بابا عمره ما هيضربك فوسعت منك اوي يعني
جنه وهي تنظر لهم / افورت انا
عمر / جدا
جنه / حيث كدة تفطروا ايه
عمر وهو يدخل / اي حاجه يا جنتي بس بسرعه عشان جعان
خالد وهو يقف ويبتسم بسماجه / عايز بسطرمه
جنه وهي تنظر له بقرف / غور ياض شوف اختك مش ظاهره من امبارح
ضحك خالد علي والدته واتجه ليري أين ذهبت نرمين
دخل لغرفتها / نرمين….. نيرو انتي فين نرم……… يخربيتك ايه اللي بتعمليه ده
كانت نرمين تختبئ فوق الدولاب الخاص بها
نرمين / عشان بابا ميعرفش يوصلي
حسام بسخريه / طب انزلي يا ختي ابوكي مش هيعمل حاجه ويلا عشان نفطر
نرمين وهي تنظر له وهو يرحل / ايه ده عدت بالسهولة دي
اقرا ايضا
رواية احببت مجنونة الجزء 5 (عشق بالخطأ) الفصل الخامس 5بقلم نجمه براقه جديده وحصريه
روايه جنه الفهد الفصل 16بقلم فاطمه (جديده وحصريه وكامله)
روايه احلام ودموع الفصل الثالث 3بقلم ياسمين سالم(جديده وحصريه وكامله)
روايه احلام ودموع الفصل الثانى 2بقلم ياسمين سالم(جديده وحصريه وكامله)
كان كلا من دانه وعبدالرحمن يدفعون الاريكه للحديقة الخلفيه توقفوا عن الدفع وهم يتنفسون بسرعه
عبدالرحمن / اوووف ياستير تقيله اوي
دانه وهي تنظر للمعسكر / اممممم حاسه ان فيه حاجه ناقصه
عبدالرحمن / فعلا فيه حاجه ناقصه
فجأه طرقع باصابعه / المكتبه اللي في اوضتي هتبقي تحفه هنا نحطها في الركن ده
دانه وهي تضربه علي كتفه / أحسنت يا شقيق يلا بينا نجيبها
ذهب للأطفال وصعدوا ليحضروا المكتبه من غرفة عبدالرحمن كانت المكتبه كبيره لذا اخذ الأطفال يدفعوها بصعوبه كبير واخذ صوت احتكاك المكتبه يعلو ويعلو
كان مالك في الغرفه مستيقظ منذ مده وهو فقط يتأمل نور وشكلها الملائكي ولكن فجأة سمع صوت مزعج كثيرا استيقظت نور بانزعاج وهي تنظر له / ايه الصوت ده يامالك هو انت اجرت البيت ولا اية
مالك بضحكه / اجرت البيت ايه بس يا نور نامي انتي ياحبيبتي وانا هشوف فيه ايه
نور وهي تنهض وتجمع شعرها للخلف وسقطت خصله علي وجهها / استني هاجي معاك
في الخارج
دانه وهي تدفع مع عبدالرحمن / اووووق تقيله اوي
عبدالرحمن / هي بعجل بس انا قافله
دانه / افتحه ياعم مش قادره
عبدالرحمن وهو يضغط علي شئ فظهرت عجلات صغيره للمكتبة / اهو بس بالراحه عشان ما…..
نور وهي تقف خلفهم / ايه اللي بيحصل هنا دة
فزع الأطفال وتركوا المكتبه عبدالرحمن مكملا جملته / تتزحلقش
فتحركت بفعل العجل وأخذت تسير بسرعه ثم اخذت تتدحرج علي السلم حتي وصلت لنهاية السلم ثم سارت بسرعه كبيرة وهي تصطدم بكل شئ يقابلها حتي وصلت للحائط والذي كان هذا الحائط من الزجاج مثل النافذه اصتطدمت به وسقطت في حمام السباحه مباشره
نظر الأطفال لها بفم مفتوح ونور كادت ان تقع فسندها مالك وهو ينظر للمكتبة التي اخذت تطوف لانها من الخشب
مالك لنور / المسدس بتاعي في المكتب لو عايزاه
سراج وهو يقترب من سمر / معلش لو هخرجك من حاله الصفاء الذهني يا ستاذه سمر ممكن بس اعرف فين لبسي لو مفيهاش قله ادب يعني
سمر وهي تفتح عينها وتنظر له بهدوء / اتبرعت بيهم لناس محتاجتهم اكثر مننا
سراج وهو يكاد يحدث له شلل / اتبرعتي بكل لبسي للناس المحتاجه
سمر وهي تنهض / العطاء اسلوب حياة يا اخ سراج لازم تدي عشان ربنا يرزقك
سراج / ايه يابت الخير ده الي حط عليكي
سمر وهي تقوم بحركه استقبال الشمس وتفرد جسدها / بيس ان لاف لاف ان بيس
سراج وهو يكاد يجن ويتحدث بغضب / كل لبسي مسبتيش حتي فرده شراب
سمر وهي تكاد تنفجر من الضحك علي شكله / تؤ تؤ اتبرعت بيهم كلهم
سراج وهو ينظر لها بخبث وهز رأسه ببسمه ماكره / تمام اصلا الجو حر وانا همشيلك في البيت كده ياسمر ومن غير الفوطة كمان
وسحب الفوطة في نفس الوقت التي صرخت هي فيه ووضعت يدها علي عينها نزعت يدها حينما سمعت ضحكته تصدح في الأجواء فتحت يدها قليلا ونظرت وجدته يرتدي شورت يصل لركبته
سراج وهو يقترب منها ويغمز لها بمشاغبه / لا خلي قلبك جامد كده ده لسه اللعب هيبدأ يا يا سوسو
سمر وهي تنظر لاثره بغيظ / ماشي ياسراج انا هوريك مين هي سمر
سراج وهو يدخل الغرفة بكل عصبية / ماشي يابنت نوفل انتي انا هوريكي
ثم قال وهو يقلدها / اتبرعت بيها للمحتاجين بتاعت خير اوي البت ماشي ياسمر ماشي
نور وهي مازالت في صدمتها /ده ده هو وهي المكتبه ده هي
مالك وهو ينظر لها بخوف / اشششش خلاص يا نور اهدي والله دي…
نور وهي تنظر لمالك بتوهان / ده انا لسه بتعالج من اللي عملوه في المطبخ
نظر مالك لأولاده بيأس
نور وهي تنظر لهم بشر / شوفوا مين بقي هينجدكم مني يا ولاد الهبلة انتم
ركض الأطفال وهم يصرخون بشده / ااااااااااااه
ومالك يركض خلف نور / اهدي بس يا نور
اخذت نور كل ما في طريقها تلقيه عليهم وهم يصرخون برعب
ومالك يركض ليحلق بهم
خرج الأطفال ونور خلفهم يركضون
ثواني وجد مالك نور تدخل الفيلا وهي تركض وتصرخ والأطفال يركضون خلفها وخلفهم الكلب الخاص بمالك
اخذت نور تركض والأطفال خلفها وهم يصرخون شاهد مالك المشهد وسقط أرضا من الضحك عليهم كانوا يدورون حول الاريكه بصراخ والكلب خلفهم وهو فقط يضحك عليهم
نور وهي تركض وتصرخ / انت بتضحك يا مالك الحقنا
دانه بصراخ / هنمووووت
عبدالرحمن وهو يركض / اخرتك يا تورماي علي ايد كلب
مالك وهو لا يستطيع التنفس / روي توقف
توقف الكلب مكانه
مالك / اجلس
جلس الكلب ونظر لهم بهدوء
مالك وهو ينظر لهم / والله تستاهلوا اللي حصلكم يارب نهدي بقي شويه ممكن
نور وهي تنظر للاطفال / تعالولي بقي
عبدالرحمن وهو يأخذ يد دانه ويركضون للاعلي / هنبلغ منظمة حقوق الطفل علي فكره دي مش معامله
نور / طفل هو فين الطفل ده انتم يتبلغ عنكم بوليس الشغب الإصلاحيه مستشفي المجانين حاجه في الرنج ده اما طفل فده مش ماشي معاكم ده يبقي عيبه في حقكم والله
مالك وهو ينظر لها باشفاق / خلاص يا نوري انا اوعدك انهم مش هيعملوا اي حاجه تاني انا هكلمهم
نور وهي تتنهد بتعب / تعبت اوي يامالك وهما مش بيتهدوا ده احنا تقريبا بنغير اساس البيت اكتر من مرتين في السنه
مالك وهو يضمها / ياقلبي فداكم كل حاجه انتم اللي مليتو حياتي والله يانور وانا مستعد اصرف كل فلوسي مقابل سعادتكم ياعمري بس متقلقيش انا هكلمهم في الموضوع دة وبإذن الله مش هيتكرر
نور وهي تنظر له ببسمه / ربنا يديمك ليا يا مالك
مالك وهو ينظر لها ببسمه ويقبل خدها / ويديمك انتي والشياطين دول يارب
ايه رأيك يانور نروح مزرعه سراج ونجيب بقيت العيله معانا
نور بفرحه / بجد يا مالك
مالك / بجد ياروح مالك بما ان انهارده اجازة وبكره عند العيال وغير كده عيالك مفصولين وفشله احنا نروح نغير جو وبالمرة عيالك ينشغلوا بعيد عننا ايه رأيك
نور وهي تقبله في خده /موافقه طبعا هو ده فيه كلام
مازن وهو ينادي علي ساره
ساره وهي تخرج من المطبخ / نعم يا مازن
مازن / جهزي مراد واحهزي عشان هنروح المزرعه مع الكل نقضي هناك يومين
ساره بفرحه / وحيات امك
مازن بحاجب مرفوع
ساره وهي تتدارك الموقف / سوري يا ميزو اصلي فرحانه اوي اوي اوي هروح اجهز الدنيا
ثم قبلته من خده وركضت بفرحه طفل ذهب ليري ثياب العيد
مازن وهو ينظر في اثرها بتعجب / ميزو اخرتها ابقي ميزو اه لو مالك وسراج سمعوكي ولا الأهبل عمر والعبيط أسد دول يزفوني
سمع مازن جرس الباب ذهب ليري من ولكنه وجدها بسمه ابنه عمه زوجته
مازن برسميه شديدة / اهلا يا مدام بسمة اتفضلي
دخلت بسمه وهي تنظر له نظرات إشارت في نفسه حفيظه من تجاهها
بسمة / أمال فين ساره
خرجت ساره وهي تتحدث / انا جهزت اللبس يا مازن باقي بس… اهلا بسمة
بسمه ظ وهي تنظر لها بدقه / هو انا جيت في وقت مش مناسب ولا اية هو انتم كنتو خارجين
ساره بحرج / لا بس رحله كدة للمزرعه
بسمه بانبهار مصطنع / واو بجد من فتره نفسي اروح مكان زي ده اصفي فيه ذهني هو انا ممكن اجي معاكم
نظرت ساره لمازن بحرج وترجي الا يحرجها
تنهد مازن وتحدث بفتور / اكيد تنوري عن اذنكم اجهز لبسي.
نظرت بسمه له وهو يدخل لغرفته وفاقت علي صوت ساره / في ايه يابنتي بقولك جهزي نفسك وانتي مش معايا خالص
بسمه / اسفه بس كنت بفكر اخد لبس ايه وكدة
ساره / اي حاجه مريحه وخلاص هتمشي
بسمه / طب اروح انا اجهز بقي سلام
ساره وهي تنظر في اثرها / سلام
دخلت ساره لغرفه مراد وجدته يضع بعض الكتب في حقيبته تنهدت بملل فهو لا يتحرك بدون كتبه تحركت بعدها لغرفتها هي ومازن وجدته يضع بعض الملابس الخاصه به في حقيبتهم ذهبت وضمته من الخلف / مازن هو انت متضايق عشان بسمة هتيجي
مازن وهو مازال يرتب ثيابه / ليه بتقولي كده يعني
ساره وهي تقف أمامه / اصلي شيفاك متضايق يا مازن
مازن وهو يتنهد / مش مضايق يا ساره كل الموضوع اني مش مستريح لبنت عمتك دي حاسس وراها حاجه
ساره / حاجه ايه
مازن / معرفش بس مش مستريح ليها انتي بس بلاش تحتكي بيها كتير
ساره بتعجب / دي بنت عمتي ازاي محتكش بيها
مازن بملل / متحتكيش بيها يعني ابعدي عنها يا ساره انا مش مستريح ليها
ساره / بس يامازن مينفعش دي وحيده
مازن وهو ينظر لها بحاجب مرفوع / وكانت فين الوحيدة لما مرات ابوكي كانت مطلعه عينك وفين ام الوحيدة ولا فين عيلتها يعني انتي طيبه اوي ياساره وسهل ينضحك عليكي عشان كده بقولك خدي بالك لو سمحتي
ساره وهي تنظر له بشرود له وهو يبتعد وتفكر في معامله عمتها لأمها قديما فكانت دائما تسئ لها ولكن ما ذنب. ابنتها هي لن تأخذها بذنب والدتها اكيد مازن مخطئ كيف له ان يعرف وهو حتي لم يتحدث معها اكثر من خمس دقائق تنهدت ساره بضيق ثم ذهبت لتكمل ضب اشيائها
عمر وهو يجمع اولادة ويسير أمامهم ذهابا وايابا كالعادة / تسرحوا بعيد عن الكل ممنوع
نتخانق مع عيال عمامكم ممنوع
نعمل مقالب في بعض ممنوع
محن استاذه نيرو ممنوع
ادم يكون معاكم علي طول وعينكم عليه اظن الكلام واضح
حسام / دي مكانتش خروجه اللي هنتذل عليها ياوالدي
عمر وهو ينظر له بضيق / يخربيتك واخد لسان سمر المبرد اكتم ياض لما اتكلم
نظر حسام في الأرض باحترام له فهم رغم مايفعلونه الا انهم وقت الجد يحترمون آبائهم كثيرا
عمر مكملا / كلام ماما يتسمع
نرمين مكملة / ممنوع.
عمر / لا دي مش ممنوع يا روح امك
عمر وهو ينظر لادم الذي نام بملائكة ذهب اليه وحملة / يلا ياشباب عشان الكل مستني عند بيت عمتكم نور
تجمع الجميع امام منزل نور
ماعدا نور كانت تركض علي الدرج وهي تحمل حقيبة كبيره وكادت ان تقع ولكن قام مالك بامساكها تحدث مالك بتعجب / ايه ده اللي جايباه
نور بحنان كبير / دي حجات للاطفال بسكوت وكيك وشيبسي وحجات كده
مالك وهو ينظر في الحقيبه ووجد شئ ما أعاد له ذكريات قديمه رفعه أمامها بضحكه / وده برضو للكتاكيت الصغيرين
نور بضحكه وهي تخطفه من يده / لا دي للاوز الكبيره ههههههه
مالك بضحكه / طب يلا يا وزه قدامي
مالك للجميع / كله وصل كده
سراج وهو يهبط من سيارته ويخلع نظارته / لا ياخويا صاحب المزرعه لسه واصل هتمشوا ازاي من غيري يعني مش فاهم
مالك وهو يضحك عليه / عادي منا معايا نسخه من المفتاح هههههه
سراج وهو يتبعه / اقنعتني الصراحه.
نور وهي تقترب من سمر وتغمز لها / ايه الاخبار يا ريسه
سمر بخبث / هتولع يانور قلبي بس اصبري انتي علي الرز لحد ما يشيط نيهيهيهيهي
جميله وهي تقترب / هههههه يبدو أن أحدهم سيقتل اليوم ماسر هذه الضحكه ياتري
سمر وهي تنظر لنور / والنبي يانور تخلي الأخت بتاعت حريم السلطان دي تتكلم عدل
جنه وهي تقترب منهم / من غيري أخيييي عليكم
نور / ناقص ساره
ساره وهي تقترب مع بسمه / انا هنا
نور بتعجب / مين دي
ساره / دي بسمه بنت عمتي
بسمه بنظره مغروره وهي تنظر لهم برقه متكلفه / هاي
سمر بقرف / وعليكم الهاي يا قطة
كتمت نور ضحكتها بصعوبه / احم اهلا يا جميل
جميله وهي تنظر لسمر / اوووه سمر يا عزيزتي اظن ان هذه المرأه الملونه ستكون ضحيتك الجديده
سمر / عندك حق فعلا
نور / انتي فهمتيها
سمر بغباء / لا بس حسيتها
ضحك الجميع
من داخل الباص
خالد والذي معروف بعبثه الشديد رغم سنوات عمره التسعه / ايه الحلاوه دي يادانه انتي قمر انهاردة
عبدالرحمن بضحكه / لا يا بابا دي نو فاهم الا دانه عشان معلقكش علي باب الباص دانه ميت خط أحمر تحتها اشطا عشان نكون حلوين مع بعض
نظر له خالد بحاجب مرفوع رغم رعبه فهو يعرف عبدالرحمن الذي لا يختلف ابدا عن والدة في غضبه رغم مزاحه الدائم الا انه مرعب عند غضبه حتي اكثر من مراد
كان مراد يجلس في الخلف وينظر لهم بتسليه ويبتسم بسخريه وجد روجي تجلس وحدها اقترب منها وجلس بجانبها فابتسمت له وابتسم هو لها فهي الوحيده التي يخرج معها الطفل بداخله وتخرج بسمته دون ادني جهد منها يكفي فقط ان تبتسم له
صعد لتجميع للباص وجلس كل شخص بجانب زوجته ماعدا سراج جلس في مكان السائق
قامت سمر باحياء الليله فأخذت تغني والأطفال يرددون و عبدالرحمن يصفر لهم ونور تضحك
جميله وهي تردد وراء سمر / يارمان
سمر / وتعالي علي حجري.
الجميع /يارمان
سراج / فايقة اوي وتيجي عليا وتقلب خلقتها اوووف الله يحرقك يا فيرونيكا
بسمه وهي تنظر لسمر / انا اللي هغني بقي
سمر وهي تتشنج / لا ياماما انا اللي بغني هنا بس
نظر سراج بتسليه للموضوع / ليه يا سمر سبيها تغني دي شكل صوتها جميل اصلا واضح وهي بتتكلم كده امال لو غنت
نظرت سمر له بشر
نهضت جنه وشدت سمر التي كانت علي وشك الانقضاض علي سراج الذي يبتسم لها بطريقه مستفزه وهذه الفتاه الملونة كما تطلق عليها جميله
جميله بحماس وهي تصفق / يا عزيزي أحببت هذه الرحله كثيرا اوووه
مالك وهو يتحدث عن جميله / عبيطه زي جوزها ما جمع الا وفق
نظرت له جميله وانفجرت ضحكا علي حديثه
سمع الجميع صوت بوق سياره عالي بجانبهم
نظر الجميع بتعجب وجدوا أسد يقترب منهم بسيارته
مالك / لو كان ربع مخروم مكانش جه
سراج بضحك / كملت شله المجانين ناقصه هي
عمر وهو يصفر / باشا
أسد وهو يرمي قبل لهم / اووه جمهوري العزيز بيحبوني اوي الناس دي
جميله وهي تشير له من النافذه / أسد يا عزيزي سعيدة انك أتيت
أسد وهو يغمز لها / لم أكن لافوت هذه. الفرصه معكي يا جميلتي
جميله / اوووه يا عشقي الأوحد احبك كثيرا
أسد بحب / وانا ايضا يا جميلتي احبك كثيرا
سمر وهي تخرج من النافذه المجاوره لجميله / لا والله ايه مسلسل نور ومهند ده متدخلي يا ست كخه كده وانت ياسطا سراج لو سمحت أقف عشان الأخ يركب
سراج / اخرتها اسطا ياسمر الكلب بس اصبري
وقف سراج علي جانب الطريق وركن أسد سيارته وركب معهم
وانطلق سراج مجددا أسد بمجرد ما صعد للباص اخذ يغني / الدنيا طعمها سكري زي الملبن الطري والعمر قلم رصاص بيخلص كل ما بيتبري حظك بوز زغزغه تلقي المشاكل اتلغوا لو حظك بوز زغزغه تلقي المشاكل اتلغوا ياما ناس بدأت من تحت الصفر اتدلعوا واتنغنغوا ولو للظروف هتسخف
ردد الجميع / سقف سقف سقف لؤي توفق سقف اوعي توقف سقف سقف. اوعي توقف
واخذ الجميع يردد بصوت عالي وعمت البهجه في الباص وذهب عمر ووضع الاغنيه في سماعات الباص واخذوا يرددوا معها نهضت نور وهي تغني معهم وذهب مالك وجلس بجانب مازن وسراج في الإمام
مالك بصوت عالي بسبب صوت الاغاني / تعرفوا ايه اللي غايظني
نظر له كل من مازن وسراج بتساؤل
مالك بضحكه عاليه / ان أسد شبهي بعمايله دي
ضحك كل من سراج ومازن بشده وفي الخلف الجميع كان يغني بصخب وراء أسد والأطفال يصفقون
أسد / سيداتي سادتي الحفله تحت رعايه أسد ريمكس أسد حاحا
بعد مرور الوقت وصل الجميع للمزرعه وهبط الجميع واسد يلقي الحقائب لهم كان الأطفال مرتصون وهو يلقي الحقائب لهم منهم من يتمكن من التقاطها ومنهم من تأخذه ويسقط بها
سمع الجميع صوت سياره تقترب منهم نظر الجميع للسياره بتعجب
هبط طفل صغير من المقعد الخلفي كان يتصف بالشعر الاصفر مثل والدته والعيون الملونة مثل والدة وخدود حمراء بشدة مثل والدته
نظر الجميع بعجب لهذا الطفل ولكن هبط شخص من المقعد الأمامي هم يعرفونه جيدا
قال هذا للشخص وهو ينظر لاسد الذي يلقي الحقائب من فوق الباص / ابو الأسود ايه الاخبار عندك اباشاااااا
أسد بفرحه كبيرة / زينه
نور وهي تنظر لهذه الفتاه التي كانت خير صديقه لها / زينه
سراج / لا هي كملت وش…… المعلم عطوه وصل
…………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
