رواية بنت الشيطان الفصل التاسع والستون 69 بقلم رحمة نبيل
رواية بنت الشيطان الجزء التاسع والستون
رواية بنت الشيطان البارت التاسع والستون
رواية بنت الشيطان الحلقة التاسعة والستون
ربي لا أملك شيئًا لدخول الجنة سوى أنى أُحبك، فلا تُعذب قلبًا يُحبك يرجو جنتك.♥️🌍
~قيام الليل ي حفيدات عائشه♥️👑~
يَا أَيُّهَا الرَاجُونَ مِنْهُ شفاعةً💖
صَلَّوْا عَلَيْهِ وَسَلَّمُوا تَسْلِيمًا💕
دخلت وهي تتسحب علي أصابعها حتي لا يشعر بها والدها ثم اقتربت من الفراش بهدوء شديد وصعدت بجانبه
فجأه وجدت اختها الصغيره تدخل خلفها وتتعرقل في مشيتها
زفرت ديما بملل وتحدثت بهمس / براحه يا ريما بابا هيصحي
ريما / بابا
ديما / آه بابا اسكتي بقي خلينا نخلص
ثم مدت يدها بجانب والدها حتي تأتي بهاتفه وتتصل بسمر لتحضر لهم الحلوي ولكن أثناء ماكانت تمد يدها تحرك خالد ونام علي جانبه الاخر واصبحت يده علي هاتفه زفرت ديما بملل ونظرت لريما بخيبه امل ثم تسحبت للجانب الاخر لكي تحصل عليه ولكن لم تستطع فجأه وجدت ريما تصعد للفراش بصعوبه شديده نظرت لها بتحذير ولكن ريما لم تفهم وهزت خالد وضعت ديما يدها علي فمها بخوف فاستيقظ خالد بانزعاج وتحدث بنعاس / إيه يا ريمو في إيه
ريما وهي تشير لهاتفه / لعبه
نظر خالد لهاتفه ثم امسكه وفتح لها كلمه السر وقبل خدها الممتلئ واعطاه لها / يلا يا حبيبي اطلعي العبي بره عشان بابا ينام
ابتسمت ريما وهزت رأسها ثم هبطت من الفراش وأعطت ديما الهاتف بينما ديما نظرت لها بغباء / بالسهوله دي وانا بقالي ساعه اخطط وعماله اتطنط زي القرود حواليه
ثم اخذت منها الهاتف واجرت اتصال بهاتف سمر ولكنه مغلق زفرت ديما بملل ثم خطرت علي بالها فكره / هروح لزياد وهو يجبلي شوكولاته.
ثم كادت تخرج ولكن توقفت بفزع ورعب وهي تسمع صراخ ليث الذي هز جدران المنزل يايقظ الجميع وهو يزأر كالاسد المجروح / دااااااااااااااااااااااااااااااااااااااااااانه
استيقظ خالد وناري بفزع ثم ركضوا ليروا ماذا يحدث بالأسفل وسبب صراخ ليث
***قبل ذلك بعده دقائق كان ليث يهبط الدرج وهو يحاول الوصول لدانه ولكن هاتفها مغلق زفر بضيق فاين اختفت هذه منذ الصباح وجد روجي ومراد وعبدالرحمن يجلسون في الأسفل ومعهم حسام وسما سألهم / حد شاف دانه
روجي / آه الصبح خرجت مع سمر قالت عندها مشوار ضروري
هز ليث رأسه بشرود فاين يمكن أن تكون دانه الان
سمع الجميع صوت إياد وهو يركض وخلفه أسد
إياد بصراخ / والله العظيم ده زياد مش انا
أسد / فاكرني هتخيل عليا كل مره تقولي مش انا ده انا اياد
إياد وهو يركض لليث / ابو الليوث قول لاسد ان انا إياد مش زياد
نظر ليث له ثم تحدث ببرود لاسد / ده إياد يا أسد مش زياد بعدين انت عايز زياد ليه
أسد وهو يرحل / لم ابنك يا ليث بيعاكس مراتي
فتح ليث فمه ببلاهه ماذا يغازل زوجته التي هي في عمر جدته اه هذا الزياد يجب وضع حد له
فجأه وجد الجميع زياد يخرج من خلف العمود وهو يتحدث ببسمه / أسد مشي
إياد بحنق وهو يجلس /آه يا خويا مشي كل مره لبسها فيا كده حسبي الله فيك يا أخي ده جراني البيت بالجنينه
ضحك زياد وربت عليه / نردهالك ياباشا قريب
كاد ليث يتحدث لولا دخول مالك العاصفي وصعوده للاعلي بسرعه كبيره جدا وملامحه مرعبه بطريقه كبيره وخلفه نور التي تبكي بشده
ليث بقلق / في إيه يا نور مالك ماله
نور ببكاء / دانه وسمر
توقف قلب ليث برعب وجاهد لسانه لينطق بالسؤال / مالها دانه هي فين
نور وهي تبكي في أحضان عمر بشده / اتخطفت هي وسمر
سمع الجميع صوت سراج الذي خرج علي بكاء نور / سمر؟؟؟
ليث بهدوء يخفي خلفه عاصفه ستخلع الأخضر واليابس / وانتم عرفتوا منين
اقتربت منه نور واعطته هاتف مالك الذي تركه معها / بعتوا الفيديو ده لمالك
اخذ ليث الهاتف واقترب منه سراج وجدوا بعض الرجال يقودون دانه وسمر لاحدي الغرف ويغلقون عليهم الباب
ضغط ليث علي الهاتف بشر واحمرت عينه وصرخ بهيااااج اخاف الأطفال حتي إياد وزياد / دااااااااااااااااااااااااااااااااااااااااااانه
دفع الرجلان كلا من دانه وسمر لداخل الحجره
ثم خرجوا وأغلقوا الباب بعنف
سمر بصراخ / إيه قله الذوق دي لا لا معجبتنيش معاملتهم أبدا يا دانه
نظرت لها دانه بملل وهي تجلس في الأرض / بكره تتعودي وتاخدي تناحه ومناعه
جلست سمر بجانبها / لما نشوف الجو كده
عم الصمت لثواني في الغرفه قاطعته سمر وهي تتحدث باهتمام / المفروض نعمل ايه دلوقتي
نظرت لها دانه بتفكير / حاجه من الاتنين ياما نستني حد يدخل وناخد منه مسدسه ونهدده وجو الأفلام الأجنبي اللي بقي مهروس يا ما نقعد معززين مهزفين ونستني حد يعبرنا سواء كان مالك او ليث او حتي سراج
صمتت سمر قليلا / لا الحل التاني حلو اوي قوليلي ليه
دانه / ليه
سمر ببسمه / عشان نعمل زي الافلام والبطله يجي ينقذ البطله بقي ويروح واخدها في حضنه ويقولها كنت هموت من الخوف عليكي ياقلبي
ضحكت دانه بشده علي سمر / اشطا يبقي نستني حد ينقذنا واهو نرتاح شويه.
نظرت سمر حولها / لا بس الخطف مش قد كده يعني فين الوجبه اللي بيقدموها للمخطوفين
نظرت لها دانه / وجبه ايه هو انتي في رحله
سمر وهي تشرح وجه نظرها / يابنتي مش بيدخلوا لينا وجبه ويرموها كده ويقولوا كلي وانا اقوله وانا بعيط مش عايزه اكل عايزه اخرج يقوم مزعق ليا ويقولي مفيش خروج ويا تاكلي لنشوف شغلنا معاكي اقوم انا افضل اعيط واقوله حرام عليك حرام عليك يقوم هو جاي ورازعني قلم معتبر ويقولي اخرسي مسمعش صوتك وتاكلي وانتي ساكته لحد ما نشوف هنعمل ايه معاكي ويقوم سايبني وماشي وانا ابص للسقف كده واعيط واقول يارب يارب
دانه وهي تصفق وتصفر / لا باشا والله برافو ايه الحلاوه دي
ثم صمتت قليلا / بس هو انتي هتقدري تنفذي اللي قولتيه يعني مثلا لو جاب الاكل وزعق فيكي انا متأكده هتقومي تجبيه من شعره وتنتفيه او لو ضربك انتي هتسكتي ده انتي كنتي تولعي
هزت سمر رأسها بتفكير / وجه نظر برضو
دانه / اييييه دنيا مين كان بصدق انه يجي اليوم ونتخطف سوا اسموره
ضحكت سمر / ادينا بنجرب ولو عجبني يبقي اتخطف كتير
نظرت سمر للباب بتحفز بينما دانه تعجبت / بتبصي للباب ليه
سمر وهي تتحدث بجديه / لا بس مستنيه حد يدخل بالتليفون ويكون سراج علي الخط ويقولي خدي اتكلمي امسك انا بقي التليفون وأفضل اعيط واقوله الحقني يا سراج تعالي خدني يقوم هو يقولي اهدي انتي مرات الصقر سمعاني متخافيش من اي حد وكده بعدين بقي اخد منه قوه وطاقه وكده يعني إيه مبتقرأيش روايات
نظرت وجدت دانه تنظر لها ببلاهه / لا مؤاخذه في البجاحه بس مين اللي هيعيط
سمر / معرفش والله أنا اخر مره عيطت كان قبل جوازي بسراج فبقولك ايه عيطي انتي
دانه وهي تهز رأسها / أنا مش فاكره أساسا اخر مره عيطت
سمر وهي تضع يدها علي خدها / مش كنا جبنا ناري معانا كانت عملت احلي شغل
دانه بضحك / في الطلعه الجايه هي العيله دي بتغلب
كان المنزل يهتز من صراخ ليث الذي كان يتخيل مائة فكرة وفكرة أين هي وماذا حدث ومن فعل هذا ثواني وكان يصرخ باسم لوسيفر وهو يهدد بالقتل
نظر زياد لما يحدث واختفاء والدته فهبطت دموعه وركض لغرفته بسرعه فلحق به إياد
بينما مالك هبط وهو يتحدث في الهاتف بثوره / ثواني عارف ثواني لو ملقتش المكان انت عارف هعمل ايه.
نظر مالك لليث وكاد يتحدث فصرخ ليث بهياج ارعب الجميع / أنا مش هستني يا مالك مش هستني دي مراتي فاهم
مالك ببرود يخفي خلفه الم وذكريات اخيه تعاد امامه /ودي بنتي يا ليث عارف يعني ايه بنتي
ليث بدون وعي فقط الخوف هو ما يسكن قلبه / وانا مش هستني لحد ما يأذيها ده لوسيفر يا شيطانة انت اكتر واحد تعرف هو مين لوسيفر
نظرت نور لمالك بألم فهي تعرف ما يفكر به الآن تعرف ما مر به قديما علي يد لوسيفر وما حدث لاخيه اغمضت عينها بألم ابنتها واختها في أسر شيطان ولا احد يعرف مايمكن ان يحدث
مالك بصراخ وقد فاض به / بلااااااك انت بتلومني ولا إيه
ليث بصراخ والم /مش بلومك يامالك مش بلومك بس دي روحي لو حصلها حاجه هموووت وانت اكتر واحد عارف اني عايش عشانها لو مش في حياتي يبقي الموت احسنلي
قال كلمته الاخير ثم صعد للأعلى ليتجهز ولكن أثناء مروره علي غرفة اطفالة سمع صوت بكاء حاد اقترب ونظر وجد زياد يبكي بشده واياد يحاول التماسك وهو يواسيه
ابتعد عن الغرفه وهو يمسح دمعه فرت منه هذه ليست اول مرة تخطف لها دانه ولكن هذا لوسيفر
إياد وهو يضم زياد ويحاول ان يمنع دموعه من الهبوط / ماما هترجع يا زياد متعيطش
زياد ببكاء وهو يزداد في شهقاته / والله مش هزعلها تآني وهكون مطيع ومحترم بس ترجع لينا انا عايز ماما
هنا وانفجر إياد في البكاء وهو يضمه اكثر / هترجع أنت عارف دانه محدش بيهزها وهي قويه انت نسيت هي بنت مين ولا مرات مين ولا اخت مين امك دي جبروت يابني
ضحك زياد بين دموعه / آيوه دانه قوية وهترجع
دخل ليث عليهم واقترب منهم ثم أخذهم في أحضانه وتحدث بحنان / في إيه بقي خايفين ليه يعني دانه راجعه متقلقوش يعني هي اول مره تتخطف يعني دي خبره في الخطف هي ونور
ضحك زياد وضم والده / ماما هترجع صح
ليث وهو يشدد زراعه حولهم وينظر امامه بشرود / هترجع ده وعد هترجع
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
خرج مالك بسرعه من المنزل وخلفه عبدالرحمن وسراج الذي التزم الصمت ولم ينطق بكلمه ولكن بداخله الف حرب خرج ليث كالاعصار ونظر لمالك / فين العنوان
نظر له مالك بهدوء / اسمعني كويس ياليث ولازم تعرف ان مراتك تبقي بنتي ومعاها اختي كمان مخطوفين
كان يقصد باخته هي سمر
اكمل مالك / اهم حاجه تهدي وكله ينفذ اللي هقوله انهارده هنحط نهاية للعبه دي
ليث وهو يتجه لسيارته / حاضر اوعدك اكون هادي
ثم اكمل ببسمه مرعبه / لغايه لما اوصل ليهم
صعد الجميع للسيارات وانطلقت تسابق الريح ثواني وكان هاتف مالك يصدح في السياره ابتسم مالك بشر /اوووووه انظروا من يتحدث انه عزيزنا ادوارد كلب لوسيفر الصغير
ادوارد بغضب وصوت عالي / أين ابنتي يا شيطان اذا لمستها اقسم انن……
مالك وهو يقاطعه ببروده / تؤ تؤ عزيزي انا هنا من أتحدث واتحكم تذكر أن صغيرتك بين يدي ويمكنني ان افعل بها ما اشاء
ادوارد في محاوله لاستخدام اخر كارت معه / وانت أيضا لا تنسي ان ابنتك وزوجه الصقر تحت يدي
ابتسم مالك بشده / لا تقلق بهذا الشأن فأنا كفيل باعاده عائلتي اما انت اذا فضيت عمرك في البحث فإن تعثرك علي صغيرتك سجي
ادوارد / ماذا تريد
مالك بشر / لوسيفر
دخل إياد لغرفه والديه يريد فقط أن يجلس هناك حتي يرتاح ولكن صدم عندما وجد زياد ينام علي الفراش بكل راحه ابتسم إياد واقترب منه وقبله وجذب الغطاء عليه احيانا يشعر انه ابنه وليس أخاه اقترب منه إياد وضمه في احضانه ذهب في نوم عميق مع اخيه بينما رحمه كانت تقف علي باب الغرفه منذ رأت إياد يذهب لها ورأت ماحدث ودعت وبها ان يعود الجميع بخير اغلقت الباب بهدوء شديد وذهبت لتري صغيرتها
دانه بدهشه / وبعدين ايه اللي حصل
سمر وهي تلوي فمها / محصلش حاجه ياختي الموضوع خلص علي كده وسراج نسيه
ضحكت دانه وهي تتحدث معها وكأنهم في المنزل / لا بس سراج بيحبك آوي
سمر وهي تغمز لها / وانا بعشقه ده العشق يا بت
ابتسمت دانه وشعرت بأحد يفتح الباب فنهضت وتبعتها سمر نظرت دانه بتركيز وجدته احد الرجال الذين احضروها
سمر بتذمر / يعني مفيش اكل وقولنا ماشي مكلمتوش حد عشان نتشحتف ونعيط ونعيش اللحظه وقولنا ماشي إنما تقاطع كلامنا ليه اتجنيت ولا إيه
نظر لها الرجل بتجاهل ثم وجه نظره لدانه واقترب منها ببسمه خبيثه وتحدث / الرجال في الخارج يشعرون بالملل
سمر / يا سلام ودي تيجي تحب اعلمك الرقص وتهزلهم عشان تسليهم
تجاهلها الرجل وامسك يد دانه فجذبت يدها منه بعنف وصفعته بشده / لا قله ادب لا فاهم
نظر لها الشاب بغضب وخبث / جميل فأنا لا احب الفريسه السهله
سمر وهي تنظر لدانه وتشير غلي الرجل / الواد ده تقريبا والله اعلم بيفكر في قله ادب
دانه بسخريه / تقريبا ده جاي ومنشن علي قله الادب
سمر / آه يا خلبوص دي شكلها ليله صباحي
دانه / أنا اعترض علي فكره سمر عندها حق انتم اتغيرتوا آوي فين زمن الخطف الجميل
اقترب منها الشاب بنظره تنطق بما ينوي
دانه / لا ولد بقولك ايه انا ايدي أطول منك فاتقي الله كده وأخرج استغفر الله وتنسي اللي ناوي عليه
ابتسم الشاب بشر /………..
في منتصف الطريق توقفت سياره مالك امام السيارات الاخري وهبط مالك فهبط الباقي وتحدث ليث / فيه إيه ليه وقفت
مالك / لوسيفر في مصر
نظر الجميع لبعضه بصدمه
عبدالرحمن / إزاي والحدود متراقبه كويس اوي
هز مالك رأسه بجهل / معرفش بس إللي اعرفه انه جه برجله وهيخرج محمول لوسيفر مش هيخرج من مصر عايش
نظر له ليث بتركيز / ناوي علي إيه
مالك وهو يعرف بما يفكر ليث / ادوارد مقابل بنته هيقولي مكان لوسيفر
ليث / والمطلوب
مالك بشر / ننسف لوسيفر
مسك ليث بجانب فمه وهو يبتسم بشر ويصعد لسيارته / اعتبر انه انفجر من دلوقتي
نظر مالك لعبدالرحمن وسراج واعطاهم ورقه / روحوا هاتوا دانه وسمر وانا وليث هنتصرف لحد ماترجعوا
هز عبدالرحمن رأسه وهو يأخذ الورقه ويعد نفسه لما هو اتي
تحرك ليث بسيارته ليقف جوارهم / عبده لو دانه رجعت بخدش واحد يبقي مترجعش انت البيت احسن
ثم انطلق بسيارته مخلفا خلفه دوامه من الغبار
نظر عبدالرحمن لسراج / الواد ده بقي عنيف آوي.
ابتسم مالك ثم صعد لسيارته
سراج واخيرا خرج عن صمته / هتروح فين دلوقتي
مالك ببسمه غامضة / هقابل ادوارد حبيبي
ثم انطلق بسيارته
بينما عبدالرحمن نظر لسراج وانطلقا حتي يحضرا الفتيات
توقف مالك بسيارته امام أحدي السيارات
وجد رجل يقف بكل شموخ امام السياره / أين هي ابنتي يا شيطان
نظر مالك له بسخريه / ليس بهذه السهوله ادوارد
بينما عند دانه وسمر
نظر الرجل بخبث لدانه وهو يتقدم / هيا لا تقاومي سوف نستمتع جميعا حتي هذه العجوز سوف تستمع
فتحت دانه عينها بصدمه من كلمته ونظرت لسمر التي تحدثت بهدوء مخيف / عجوز
نظر الرجل لها بسخريه / انتي تبدين كبيره في السن حسنا لستي لدرجه عجوز ولكنك لستي فتاه أيضا انتي سيده في عمر رائع وجسدك…….
قطع كلامه وهو ينظر لجسدها بشهوه
سمر / ولو ولو مش هتثبتني بالكلمتين دول مش قولت عجوز طب وديني لكون مخليه الصرمه معلمه علي قفا اللي خلفوك يا بن الجذمه انت
ثم انطلقت له ولم يكد يستوعب شئ إلا ضربات حذائها التي تهبط عليه بشده ودانه تحاول جذبها من عليه ولكن سمر مصره علي ضربه وبشده
بينما كان الرجل يصرخ / اتركيني أيتها المجنونه انتي اتركيني النجده ايها الأغبياء النجدددددددده
دخل رجلان علي صراخ هذا الضخم فرغم قوته الا انه سمر لم تعطي له فرصه للدفاع ركض احد الرجلين وحمل سمر من علي رفيقه بينما هي تصرخ / مين ياض اللي عجوز ياض قوم قوم وقولي مين سيبني انت التاني والله لكون مخليه خلقتك من عجائب الدنيا يا…….. انت
بينما دانه ركضت وقفزت علي ظهر الرجل الذي يمسك سمر وامسكت رقبته بشده وفي ثواني كانت تكسر عظام رقبته فسقط أرضا بينما جاء الرجل الاخر وحاول ان يقيدهم ونعض الذي كان في الأرض وانطلقا لدانه وسمر بينما دانه امسكت أحدي الأحجار والقتها علي أحدهما فصرخ وهو يمنع دمائه ثم ركض لها دانه بصراخ / انبطحي يا سموره
سمر وهي تنظر لها بجهل / ليه…… احيييييه
صرخت سمر وهي تنحني بسرعه ودانه تمسك أحدي الأخشاب وضربت بها ذلك الذي يقترب منهم فسقط أرضا
صفرت سمر / الله عليك يا دانه يا جامد
دانه وهي تمسح غبار وهمي من علي ثيابها / اقل ما عندي
سمر وهي تنظر خلفها وتبتلع ريقها / شكلك هتطلعي كل اللي عندك ومش هيكفي
نظرت دانه بجهل لها فانتبهت لنظراتها لذا نظرت خلفها ففاحت فمها وهي تقول بنبره توشك علي البكاء / معرفهاش ياباشا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
