رواية بنات للحراسه الفصل الثامن عشر 18 بقلم نوران أحمد

رواية بنات للحراسه الجزء الثامن عشر

رواية بنات للحراسه البارت الثامن عشر

رواية بنات للحراسه الحلقة الثامنة عشر

بصه ليهم ببرود ولسه عباس بيضربها بالكرباج لفته بسرعه حوالين ايديها وسحبته ليها وبصت ليهم بشر
عباس : مش معقول يا بنتي مش معقول يا بنتي هتضربي عمك اخو ابوكي هتضربي حد كد ابوكي يا بنيتي
ميرا : ما بحبش اعيد كلامي مرتين بحبش امد ايدي على حد الا لو بدا وبما انك قربت فشوف النار اللي جوايا من ناحيتك نزلت بالكرباج علي عمها ضرب وجريت ورا مرات عمها نزلت فيها ضرب فضلو يصرخو اتفرج عليهم القصر كله بالخدم والحراس وهما مبسوطين من اللي ميرا بتعمله خرجو يجرو وهما بيصرخو حد يوقف ميرا فضلت وراهم هما بيجرو ومجاهد بيجري معاهم طلعو بره القصر والناس كلها والفلاحين كلهم بقى بيبصوا بصدمه معقول معقول الطاغي الظالم االلي واخد اراضي ناس كثيره قوي في البلد جت اللي تربيه معقول الكبير بيتضرب في الشارع
وقفت ميرا وبصيت لهم بقرف وقالت : من هنا ورايح اي حاجه ملكي انا هرجعها تاني ملكي ولو حد فيكم فكر بس يفكر انه يتحرك ويعمل حاجه غلط من ورايا انا هاذيكم ومش هكتفي بس اني اضربكم بالكرباج لا لا لا لا لا لا في حاجات تانيه كتير فاكرين كنتم بتعملوا فيا ايه زمان لو مش فاكرين افكركم بس بطريقتي لما اعمل ده فيكم بصت حواليها ولقيت ناس كثير قوي بتبص لها بصدمه فقالت بصوت عالي يا اهل البلد اللي ليه حق هياخده واي حد اتظلم يجي لي وحقه هياخده وسابتهم ورجعت ثاني القصر دخلت اوضتها بعد ما قفلت الباب كويس جدا والشباك ودخلت تنام
وقبل ما تنام سمعت صوت خبط على باب اوضتها فتحت الباب ولقيتهم الخدم وهم بيعيطوا وبيقولوا جيتي في وجتك يا ست هانم يا بنتي عمك ظلمه زاد وطغيانه ملا البلد وعشان اكده مهما عملتي ما حدش هيجف جصادك وكلنا وراكي ومعاكي وفخورين بيكي انك جدرتي تعملي اللي ما جدرش اتخن كبير في البلد يعمله
ابتسمت ميرا وطبطبت عليهم وقالت : انشروا في كل البلد ان اي حد ليه حق عند عباس يجي القصر وانا هجيبه له اتفضلي
عدت ساعات بس والبلد كلها عرفت باللي حصل اما عباس فكان نايم على سريره بيتوجع هو ومراته وابنه مش عارفين يعملو ايه دخلت عليهم
ميرا وقالت : جبت لكم دكتور اصل مش معقول هتفيصوا كده من حاجه بسيطه لا لسه مشوارنا طويل قوي لازم تكملوا معايا الطريق اه في حاجات كثير انتوا عملتوها في ناس كثيره فلازم تترد ليكم صعبت عليا يا عمو عشان كده انا ممكن اخليك تعمل حاجه حلوه لو بقيت كويس هخليك تجيب لي اتخن واحد واشطر واحد في الفنون القتاليه خليه يجي ونقف قدام بعض وفي وقتها نشوف مين الافضل
طلعت ميرا وسابتهم مع الدكتور وهم بيتوعدوا لها باشد انواع العذاب مسكت التليفون واتصلت بسيف
سيف : انتي كويسه انا قلقت عليكي انا عايز اجيلك انت فين بالظبط عرفيني مكانك انا لازم اجي
ميرا : سيف ممكن تهدى شويه انا كويسه انا بجد مبسوطه قوي من اللي حصل ده مبسوطه قوي ان قدرت اعمل حاجات كثيره قوي كان نفسي فيها كسرت خوف كان مالي قلبي بجد عشان كده انا مبسوطه من اللي حصل مش زعلانه ممكن تهدى شويه انا بخير
سيف : عمري ما ههدى طول ما انتي بعيده عني قولي لي مكانك يا ميرا
ميرا : بص هو انا انا عايزه ده بس مش وقته انت وحشتني قوي بس مش هقدر مش دلوقتي لسه في حاجات كثيره عايزه اعملها مش عايزه ده يحصل بص انا انا بحاول ارتب شويه حاجات حاليا في القصر وفي البلد فاول ما ارجع الحقوق لاصحابها واول ما اعمل كل حاجه انا هكلمك هبعت لك المكان وهتجيلي اكيد صح لازم اعرفك على الناس هنا بس انا كويسه متقلقش عليا
سيف : كلميني على طول لما بسمع صوتك برتاح ممكن تبقي تعملي كده
ميرا : حاضر ما تقلقش عليا انا كويسه وما تنساش ما حدش بيقدر يقف قدامي الا لازم اكسبه
سيف : يا خوفي يا خوفي على الغرور ده في الاخر تكسفينا
ميرا : لا لا لا لا لا انا هنا بقيت سيده المنزل ودلوقتي بعد ما خليتهم نايمين على السرير مش قادرين يتحركوا من الوجع هدخل على مكتب عمي واقرا كل مستندات واوراقه واشوفه هقدر استفاد منها بايه وهقدر اعمل ايه عشان كده هضطر اقفل معاك بس هكلمك هكلمك ثاني اكيد
سيف : تمام بالتوفيق خلي بالك من نفسك
ميرا : هخلص اللي في ايدي واتصل بيك نرغي طول الليل مع بعض طمن الكل عليا انا كويسه واحكيلي ايه اخبار مايا وفارس
سيف : اه لا ده دول لسه زي ما هما دول ولا اي حاجه جديده فارس بيحاول يقرب بس دايما مايا بتمنعه
ميرا : اممم تمام انا هشوف الحوار ده بس اخلص الورق اللي في مكتب عمو واكلمك بالليل واكلم الفريق كله في مكالمه جماعيه ونبدا نتفق نشوف هنعمل ايه معاهم اما دلوقتي لازم اقفل خلي بالك من نفسك
ودخلت مكتب عمها تفتش في كل الاوراق لقيت اوراق كثير جدا اراضي وملكيات باسماء ناس كثيره قوي وكل ده في ايد عمها واخده بالغصب وبالقوه استغربت انه ليه بيعمل كده ده مش بس اذاها وهي بنت اخوه اذى ناس كثيره قوي جمعت كل الاوراق اللي بتقول ان الناس دي اصحاب الاراضي والبيوت وبدات تدور تاني في شويه اوراق واكتشفت ان هو مختلس من شركات كثير وانه عليه ديون كثير وانه بيعمل حاجات كثيره قوي غلط وماشي في حاجات كثيره قوي ممنوعه واتصدمت من اللي هو بيعمله وان ابوها سايب لها شركه كبيره باسمها وسايب لها بيت كبير باسمها عشان تقدر تعيش وتشتغل وتصرف على نفسها وعمها بسبب الديون اللي عليه واللي هو عامله في نفسه قرر ان هو يدور عليها عشان تتنازل عن كل ده ويقدر يبيعه ويستفاد منه عشان ما يدخلش السجن حاست ميرا بالقرف من كل البلاوي اللي هي بتشوفها في الورق ده عشان كده قررت انها هتساعد الناس وانه فعلا يستاهل الحبس وفجاه خبط باب المكتب سمحت ميرا ان اللي خبط يدخل دخلت
الخدامه وقالت : يا ست هانم في ناس كثيره قوي جايين على البوابه وعايزين يتحدثوا معاكي اسمح لهم يدخلوا ولا ايه راي سيادتك
هزت راسها بالموافقه
دخلت اول واحده وكانت بتعيط وهي بتقول :
انا ما حلتيش غير بنتي الوحيده وباكلها وبشربها من اللبن اللي بتعمله الجاموسه وعباس بيه اخذ الجاموسه بتاعتي وانا ما اعرفش اعمل ايه
ميرا : اطلعي يا حاجه افتحي الزريبه وخدي جاموستين
الحجه : بجد يا بنتي بجد اخذ جاموستين
ميرا : خدي جاموستين يا حجه مش خسارة فيكي
مشيت الست وهي عماله تدعي لميرا وتتمنى لها حياه سعيده ويكفيها شر شياطين الانس والجن بعدها دخل
راجل : الارض بتاعتي عباس بيه خد مني الارض بتاعتي
ميرا : تمام اسمك ايه
الراجل : سعيد يا ست هانم
دورت ميرا في الاوراق لحد ما جابت له الارض وده الورق اللي بيقول أن الأرض ملكه
ودخل اكتر من 10 أشخاص وادتهم ميرا اوراق ملكياتهم للأرض بدأت ناس كتير ييجو كانو بيشتغلو ومش بيديهم فلوس وبيشغلهم زي العبيد عنده ادتهم ميرا حقهم وخيرتهم لو حابين انهم يشتغلوا هنا او لا
وفجاه في اخر الليل بعد ما ميرا تعبت وجت خلاص جابت اخرها خبط راجل على الباب وهو بيعيط بكسره موجوع سالته
ميرا : انت كويس يا حاج مالك كل حاجه ممكن تتصلح متقلقش هساعدك
الراجل : اللي انكسر عمره ما هيتصلح يا بنتي انا ما ليش غير بنتي بنتي اللي ضحك عليها مجاهد ضحك عليها وما اعرفش ما اعرفش اجتلها ولا اعمل ايه ولما جلت لعباس بيه جالي ابني راجل ما يعبوش حاجه وقال لي اللي عنده معزه يربطها وبنتك اللي غلطانه وغوت ابني اطلع بره وانا ما اعرفش ما اعرفش اعمل ايه
ميرا : انا اسفه بس ممكن حضرتك تيجي لي بكره هكون صلحت الموضوع ده اكيد بس تعالى بكره اما دلوقتي انا انا مش هقدر اعمل حاجه انا اسفه
الراجل : وانت بيدك ايه يا بنت تعمل ايه كنت عارف ان معلجيش حل
ميرا : لا الحل هتلاقيه بكره بكره هحل لك كل مشاكلك صدقني خلي عندك ثقه فيا يا حاج هستنى حضرتك بكره ان شاء الله اما دلوقتي الوقت اتاخر عن اذنك
الراجل : اتفضلي يا بنتي طلعت ميرا بتعب على اوضتها وهي مش قادره رجعت كل المستندات لاصحابها وطلعت فوق وقبل ما تنام حست بحد دخل الأوضه بتاعتها وفجاه هجم عليها ووو