رواية بناتي للبيع الفصل الخامس عشر 15 بقلم محمد مالك
رواية بناتي للبيع الجزء الخامس عشر
رواية بناتي للبيع البارت الخامس عشر
رواية بناتي للبيع الحلقة الخامسة عشر
وتذهب رضوي وام نيفين الي الشيخ صلاح وبمجرد ان تدخل صومعته والتي كالمعتاد مع مثل هؤلاء الاشخاص نري رائحة البخور تفوح امامهم وتملأ ارجاء المكان
الشيخ ينظر الي رضوي ثم يرتجف قائلا ..
صلاح .. اووووه ..يا حي يا قيوم برحمتك استغيث
رضوي .. مين الراجل ده يا سهير ؟!
ام نيفين .. دا الشيخ صلاح ادخلي متخافيش
صلاح .. تعالي يا رضوي .. قربي هنا عندي ومتخافيش
رضوي مندهشة .. هو عرف اسمي منين ؟!
هو انتي حكيتي له عني ولا ايه ؟!
ام نيفين .. لا والله ياختي ابدا
رضوي تتقدم الي الداخل وتقترب من الشيخ صلاح في حذر وخوف شديد
صلاح .. تعالي يا شقيانه يا تعبانه !!
رضوي تنظر ل ام نيفين متعجبه من حديث الشيخ صلاح
رضوي .. هي مين دي اللي شقيانه وتعبانه يا سيدنا الشيخ ؟!
صلاح .. انتي طبعا يا رضوي يا بنت نفيسة
رضوي .. هو انت كمان تعرف اسم امي ؟!
صلاح .. من اول ما هليتي عليا وانا عرفت عنك كل شئ !! كتابك مفتوح قدامي وكل حياتك فيه بالخط العريض .. بؤس وحزن وشقا علي هم وغم واسي .. من الحياه للممات .. يا رضوي يا ام البنات !!
رضوي .. انا مش فاهمه حاجة يا عم الشيخ .. حضرتك تقصد ايه ؟!
رضوي .. انتي جاياني تعبانه ومش عارفه سبب علتك ايه ؟!
رضوي .. ايوا فعلا انا تعبانه جداا ومش عارفة ايه السبب ؟!
صلاح .. بس انا عارف ايه سبب آلامك ومين ورا كل احزانك !!
صفحة مصطفي الصعيدي ..تقرا القصة وتكون مع ابطالها
رضوي .. مين يا عم الشيخ ؟!
صلاح .. نجلاء بنت آمنه
رضوي .. تقصد نجلاء بنت محمود النجار مرات محمد شاكر البقال ؟!
صلاح.. ايوه هي الملعونه دي !!
رضوي .. مالها دي ؟!
هي اللي عاملالي العمل ؟!
صلاح .. ومش اي عمل !!
دي عملالك سحر اسود غطيس هتكون نهايتك علي ايده لا محالة !!
ام نيفين .. مش قلتلك !!
اهو طلعت هي بنت المؤذية !!
رضوي .. طب فكلي العمل ده يا سيدنا الشيخ وانا تحت امرك في اللي تؤمر بيه
صلاح .. انا عنيا ليكي يا بنتي من غير اي شئ .. بس يا خسارة مش هاقدر افيدك بشئ!!
رضوي .. يعني ايه مش فاهمه ؟!
صلاح .. يعني السحر اتمكن منك خلاص وباقي في عمرك يدوب انفاس !!
رضوي .. تقصد اني هموت خلاص ؟!
صلاح .. الاعمار بيد الله .. ومحدش بيموت ناقص عمر .. بس زي ما قلتلك السحر عليكي شديد ومدفون في مكان بعيد بينا بينه بلاد !!
رضوي .. يعني مفيش حل ؟!
صلاح .. ربك في ايده الحل وقادر علي كل شئ .. بس اهم شئ.. البنات .. هيروحوا فين بعدك ويجوا منين .. والحياه بقت مليانه وحوش وتعابين !! .. اوووووه
رضوي .. ارجوك يا عم الشيخ متجبش سيرة التعابين !! بقيت اخاف منها صدقني
صلاح .. عشان بتطلعلك مش كده؟!
رضوي .. ايوه ودي كمان عرفتها !! دي اشباح يا عم الشيخ مش كده ؟!
صلاح .. دا الويل اللي مستني بناتك بعد مماتك !!
صفحة مصطفي الصعيدي ..اول اسم في بحث فيسبوك
رضوي .. بناتي !!
لا الا بناتي يا عم الشيخ .. اعمل اي حاجة ابوس ايدك .. انا يحصلي اي حاجة مش مهم .. بس بناتي لا .. بناتي لا يا عم الشيخ
صلاح .. ما قلتلك مش في ايدي شئ .. فات الاوان
رضوي .. طب اعمل ايه قلي .. اتصرف ازاي ؟!
صلاح .. انا فعلا حزين وعشان اكون امين .. شوفي حد بيحبهم ويحبوه وسيبيهم عنده يربيهم بمعرفته ..
رضوي .. حد بيحبهم ؟! زي مين ؟!
صلاح .. اي حد بس يكون امين ؟! انا بجد حزين وزي ما قالوا في الامثال .. يا ام البنات يا شايلة الهم للمات !!
رضوي .. قلي يا عم الشيخ انا هاعيش اد ايه ؟!
صلاح .. يمكن سنه ويمكن اتنين .. بس مش هيزيدوا عن سنتين !!
رضوي .. سنتين !!
يلا بينا يا سهير .. شكرا يا عم الشيخ .. اتفضل
صلاح .. مش عايز فلوس .. حد الله بيني وبينها .. هي سبب شر النفوس !!.. ملعونه .. ملعونه .. ملعونه .. واللي يدور عليها متعوس منحوس .. اوووه
رضوي .. يلا يا سهير .. سلاموا عليكم
صلاح .. خلي بالك اليومين اللي جايين تعبك هيبقي تعبين وهتشوفي حاجات عمرك ما شفتيها هتخلي شعرك يشيب وعقلك يودي ويجيب
رضوي .. يعني هاشوف اكتر من اللي انا شايفاه دلوقتي ؟! الله المستعان يا عم الشيخ ..
صلاح .. وانهارده بالتحديد عايزك تبقي في مكان بعيد .. وتقفلي علي نفسك وتتأكدي ان محدش سامعك !!
رضوي .. ليه ؟!
صلاح .. من غير ليه .. وامشي من قدامي دا انتي سودتي ايامي !! امشي
رضوي مندهشة بشدة من طريقة الشيخ ..
رضوي .. يلا بينا
وبعد ان تنصرف من عند الشيخ صلاح .. يرن المحمول الخاص به والمتصل شخص مجهول
صلاح .. مساء الفل يا باشا .. عملت اللي اتفقنا عليه بالظبط وزمانها دلوقتي حيرانه يا ولداه !!
المجهول يغلق الخط دون ان يعلق بكلمه واحدة ورد فعل علي وجه صلاح ..🙂
وفي الطريق رضوي تحادث سهير ام نيفين
رضوي .. علي فكرة الراجل ده نصاب !!
ام نيفين .. وطي صوتك احنا لسة مبعدناش عن البيت بتاعة !!
رضوي .. انا مش خايفة منه علي فكرة .. بذمتك انتي صدقتي الهبل اللي بيقوله ده ؟!
ام نيفين .. السماح يا سيدنا الشيخ السماح .. ده لو نصاب كان ضحك عليكي وقالك افكلك العمل وكان اخد منك فلوس ياما .. دا راجل مبروك وكل اللي جاله قبلك شكر فيه ..
رضوي .. يعني ايه يا سهير ؟! انا هموت بجد ؟! طب والبنات تروح فين ؟! دول ملعمش حد بعدي !!
ام نيفين .. لا حول ولا قوة الا بالله .. هاتيهم عندي ياختي اربيهم مع عيالي .. دول زي بناتي بالظبط
رضوي .. تربيهم فين بس مع عيالك يا ام نيفين ؟! هو انتي قادرة تكفيهم لما تاخدي بناتي كمان معاهم !!
ام نيفين .. والله مش عارفة اقلك ايه ياختي .. انا حزينة اوي لما سمعت كلام الشيخ .. انا مش قادرة اتصور اني ممكن اعيش من غيرك .. دا انتي صحبتي واختي وكل حاجة في حياتي .. ربنا يخلف ظنه ان شاء الله وكلامه ميتحققش
رضوي .. طب هو ليه انهارده قالي ان اروح مكان بعيد ومحدش فيه يسمعلي صوت ؟! هو انا هيحصلي ايه بالظبط ؟! انا خايفة اوي يا سهير .. خايفة اوي !!
ام نيفين تبكي وتضمها الي صدرها .. تعالي يا حبيبتي في حضني تعالي .. متخافيش ان شاء الله مش هيحصل حاجة
رضوي تبكي هي الاخري بكل اسي وحزن ..
وفي المساء حدث شئ صادم كما اخبرها به الشيخ صلاح ؟؟!!
ايه اللي حصل ؟؟
دا اللي هنعرفة من اللي جاي
بعد التفاعل .. تحياتي ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بناتي للبيع)
