رواية بلوتي القمر الفصل الخامس 5 بقلم لؤلؤه محمد
رواية بلوتي القمر الجزء الخامس
رواية بلوتي القمر البارت الخامس
رواية بلوتي القمر الحلقة الخامسة
هناء/ ياااااه ياض ياحُس الأجازه خلصت والواحد هيرجع للشغل والمرمطه من تاني وأحمد ابن عمك اللي بيدي أوامر مبتنتهيش وروحي وتعالي واعملي وسوي وفين ورق صفقة مش عارف مين أنا أصلاً طالبه ومليش أشتغل دلوقتي قعدوني في البيت تاني 🥺 عاوزه أصحى براحتي مش اصحى من الساعه 6 الصبح واجي تعبانه مفرهده انام من الساعه 8المغرب شبه الفراخ البيضه مش الفراخ البلدي ده الفراخ البلدي بتسهر عني والله ياجدع
حسام/ يااااه قصه قصيره حزينه ماكلنا قعدنا نتحايل على سيادتك تقعدي في البيت وانتي أبدا لازم أعمل لنفسي كرير
هناء/ كرير 🙂 ده انا بقى حلم حياتي أقعد على السرير تاني
حسام بضحك/ لأ لأ مش قادره أنسى شكلك لما بتخلصي شغل وترجعي شبه رغيف العيش اللي مدغه كلب ورجعه 😂😂😂😂
هناء/ اه والله برجع كتع كسح كسل عاوزه حد يشيلني يحميني ويغيرلي ويأكلني وينيمني منه لله ابن عمك اللي بيمرمطني في الشغل ويكأني دُرته والا مرات أبوه صدق اللي قال كل أحمد توكسيك وليس كل توكسيك أحمد
حسام/ ياسلام بقى لو سمعك وانتي بتقولي كده عليه هيعمل منك فراخ شاورما
هناء/ أقسم بالله ياحُش اوي مابغلط في حاجه في الشغل بتحسه بيتحول وفجأه بيبقى عامل زي مرات أبو سندريلا ويبدأ يزعق ويعمل كده استنى والله لهقلدهولك وقفت هناء ولبست بليزر حسام اللي زي بليزر أحمد ورفعت حواجبها وبرقت ورفعت كتافها عشان تبان بطول وعرض أحمد وحاولت تتخن صوتها وبان منظرها كوميدي جدا / يعني ايه ورق صفقه مهمه زي دي تزودي حرف في اسم العميل ده تسيب ده استهتار هو انا مشغل معايا عيال والا ايه أقوله حضرتك ده مجرد حرف بس وهصلحه يقولي وليه الغلط من الأول يا انسه هناء التسيب ده مينفعش في شركه كبيره زي شركة الحناوي قال شركة الحناوي قال كركر الحناوي سيادتك يعني ده حتى كركر دمه خفيف وانت دمك سم يا توكسيك
حسام بضحك على شكل هناء/ يخرب عقلك قلدتيه بالظبط وربنا بس والله دمه خفيف برا الشغل هو بس في الشغل بيحب الجد والعمليه مش بيحب الهزار وانتي وقتك كله هزار يانؤه
هناء/ على نفسه يا حبيبي انا هدخل أنام بقى عشان أستعد للبهدله والمرمطه على ايد ابن عمك اللي يارب يجيله شفص في معاميعه معموع معموع
بتبرطم هناء وهي ماشيه قال جد قال ومش بيحب الهزار ده عند أمه يا ادهم
عند حسام بيفضل قاعد يفكر مع نفسه / طيب ازاي هتجوز واحده مبحبهاش …..؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوتي القمر)
