رواية بلوتي القمر الفصل الثالث 3 بقلم لؤلؤه محمد
رواية بلوتي القمر الجزء الثالث
رواية بلوتي القمر البارت الثالث
رواية بلوتي القمر الحلقة الثالثة
هناء / العيد فرحه وأجمل فرحه يجمع شمل غريب وسعيد سعد نابيهه أموت وأعرف مين سعد نبيهه ده أنا روقت البيت أهو يا ماما وخليته فله شمعه منوره
ماما/ شمعه منوره ايه يا جايفه غسلتي التلاجه يابت
هناء / يا ماما هو يعني الضيوف هتقعد في درج الخضار وتقول علينا معفنين
ماما/ ما انتي لو بنت عدله زي باقي البنات مكنتيش سيبتي التلاجه تبقى زباله كده
هناء / ما انتي لو أم عدله زي باقي الأمهات مكنتيش سيبتيني سيبت التلاجه زباله كده
ماما/ هقول عليكي ايه ماهو على رأي المثل جايفه يابنتي وراحه بيت عيله متخافيش ياما ما انا عندي لسان قومي يا بايره روقي التلاجه
بعد ساعتين هناء/ روقت التلاجه يا ماما عاوزه حاجه تانيه
ماما/ امسحي المراوح بقى
هناء/ ياماما هو اسبايدر مان هيجي يعيد علينا يعني
ماما/ بت انتي البيت اللي فيه بنت يتلحس من على أرضيته العسل
هناء/ ليه هو الطبق قصر معاكي في حاجه يا وليه
بعد ساعتين تانيين هناء/ مسحت المراوح يا ماما كده تمام
ماما/ اكنسي تحت السراير بقى وامسحي
هناء/ ياما هو عينكبوت اسبايدر مان جاي معاه والا ايه وبعدين يا وليه فوقي من أحلام اليقظه دي محدش بيجيلنا أصلاً مش عاوزه تصدقي لييييييييييييييه
حسام / ماما أنا جيت أهو وجبتلك اتنين كيلو لحمه ب٢٠٠ج
ماما/ هي اللحمه رخصت والا ايه ياولا
حسام/ ياماما أنا روحت أشتري كيلو لحمه والراجل قالي ب٣٥٠قولتله خليهولك مش عاوزه راح قعد يزعق ويقولي طب ومقولتش ليه قبل ما اقطع واوزن قولتله معلش الزقه في العجل تاني وسيبته وانا ماشي لاقيت عربيه بتبيع لحمه مجمده الكيلو ب١٠٠ج بس جبتلك اتنين ياست الكل
ماما/ وجبتلنا بقى لحمة كلاب والا لحمة عجل عيان ياخيبة عمري
هناء/ عيان والا شقيان ياما احنا مالنا أهم حاجه انه مدبوح على الشريعه
ماما/ روحوا وكلت ربنا فيكوا يجيبلي حقي ويخلصني من الشلل ده أنا راحه أنام على الله ألمح كلب فيكم جاي ناحية اوضتي منكوا لله
حسام/ هو انا عملت حاجه غلط يانؤه
هناء/ أبدا ياحسحس انت زي البفته البيضه هات بقى ١٠٠ج لزوم الصواريخ والشيبسي بقى بكره عيد وكل سنه وانت طيب
حسام/ لأ يا نؤه ده عيد لحمه بس انت خدي مفرش افرشيه على العتبه واستني الأضحيه اللي هتيجي واللي ربنا يكرمك بيه بعيه وخدي حقه اصرفيه تصبحي على خير يانؤه
هناء/ عيد لحمه واستنى الأضحيه هي بقت كده يعني
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوتي القمر)
