رواية بلوة حياتي الجزء الثاني الفصل الثاني عشر 12 بقلم سارة
رواية بلوة حياتي الجزء الثاني الجزء الثاني عشر
رواية بلوة حياتي الجزء الثاني البارت الثاني عشر
رواية بلوة حياتي الجزء الثاني الحلقة الثانية عشر
الحلقة الثانية عشر
(بارك الله لكم وجمع بينكما في خير)
كانت جملة المأذون بعد ما تم كتب كتاب ميساء ومالك…الجملة دي كانت سعادة كبيرة لقلوبهم هما الاتنين…بعد اشتياق سنين هي بقت مراته وهو جوزها… خلاص هيعرف يعبر عن مشاعره ليها بحرية مش هيخاف من بعدها عنه لأنه أصلا…مش هيسمح بكده حتي لو على موته خلاص مالك ما صدق
مالك:احم تعالي نقف بعيد شوية لحد ما اسراء تكون جهزت…
ميساء بخجل:يلا
مالك ابتسم بهدوء
ووقفو بعيد عن الكل
ميساء:هو بجد ده آسر واسراء هيتخطبو… معقول أصلا آسر هيرتبط
مالك:عمايل أخوك حازم خاطبة العيلة بقي 😂
ميساء:حازم حقق المستحيل
مالك:امممم… إيه بقي
ميساء: إيه!!؟
مالك: المفروض كتبنا الكتاب…هنقول إيه بقي عشان مش عارف هتكلم ولا أقول إيه ولا هما بيقولو إيه في المواقف دي…
ميساء:وانا كمان (+1)
مالك:طيب هسالك سؤال… إنتي ممكن تبعدي عني بسبب عيب فيا ولا حاجة وانا ماليش ذنب فيه…أو سوء فيا…وصدقيني بحاول اتغير
ميساء:مالك في إيه!!؟… إنت من فترة وفي حاجات غريبة بتقولها وعمال تقول هتعرفي في الوقت المناسب…على فكرة مش عايزة اضغط عليك واعرف في إيه بس إنت كده بتوترني على فكرة…!!؟
مالك بنفي كاذب:مفيش حاجة…انا كنت بعمل كده عشان اهيئ الجو واخليك توافقي تجوزيني بس بشياكة!!؟
ميساء:قصدك إيه!!؟
سارة قطعت الحديث: بس كده كتير مش قادرة انا جاية أسأل سؤال وماشية
ميساء: إيه يا بنتي
سارة:من الآخر كده…من ساعة ما حضرتك عرفتيني عليه وانا دماغي هتفرقع…!!؟
ميساء ومالك!!!!!!!!
سارة بهدوء:متبصوليش كده ومتفهموش غلط…!!؟…انا دماغي هتفرقع من التفكير
ميساء:وبتفكري في إيه
سارة بصت لمالك:هو إنت اسمك إيه… وأحنا اتقابلنا قبل كده…!!؟
مالك بدهشة:إسمي مالك…ولا مش اتقابلنا قبل كده…!!؟
سارة: متأكد..!!؟
ميساء بنفاذ صبر:سارة مالك في إيه إنتي غريبة كده ليه
سارة بهدوء: ابدا بشبه عليه…حاسة إنه عمر جوز فريده بنت خالتي… عموماً انا مشوفتش عمر غير مرة واحدة بس لكن…انا واثقه إن ذاكرتي قوية…هو أكيد شبه عمر على العموم مش هرتاح غير لما اتاكد…!!؟
مالك بمزاح عشان يشيل عنها الحرج:طيب والنبي ابقي طمنيني… عشان ابقي اعرف مين اللي قمر ومز زيي كده علي الكوكب ده…!!؟
سارة بمزاح هي كمان: أكيد انا أصلا من لما شوفتك إنت وهو وانا بقول عليكم مزز
ميساء:اااااه يا زبالة بتعاكسيه قدامي!!؟
سارة بغرور:متغريش مني انا متجوزة وعيني مليانة الحمدلله 😂
حازم من وراها:خونتيني واتجوزتي يا خاينة!!؟
سارة: ميسو من الآخر اخوك ده اعيل منه مشوفتش!!؟.
حازم:ميسو سيبك من صاحبتك الخائنة دي وقوليلي رائيك في جوزك الوسيم ده بعد ما حلق كده…مش بذمتك بقي موز ولا كأنه اجنبي (بعد ما حلق بقي عمر رسمي نفس قصة الشعر وملامحه بانت بعد ما دقنه خفت)
ميساء بخجل: كده حلو ملامحه بقت باينة أكتر…
حازم:قلبي مكسوفة…
مالك:يلا يا بيه آسر واسراء هيلبسو الدبل
حازم:يلا بسرعة عشان وأخيراً هطير انا عايز اخرج بقي
كان آسر من جواه خايف جدا… عنده خوف من إن الماضي يعيعد نفسه من جديد…خايف اسراء تكون زي امه… وتعمل زي ما أمه عملت في أبوه…بس طبعاً مش هيفضل خايف…الحياة تجربة وهو مش من حقه يحكم على اسراء من غير ما يجربها أو يقرب منها ويحاول يعرفها…ما هو مش معقول هيفضل يحبها من غير ما يعرف اي حاجة عنها بتحب إيه بتكره إيه…هو لازم يعرفها عشان يحكم عليها…!!؟
اما اسراء…كانت مازالت تحت تأثير الصدمة…هي كانت لسا بتكلم بنت خالتها وبتشوف هتطبق آسر إزاي…لكن الصدمة لما عرفت من أمها إن خالد طلب ايديها لآسر وإنه عايز يعمل خطوبتهم بعد كتب كتاب مالك وميساء…يعني كل حاجة جات لوحدها من غير خطط…هي مش هتنكر إن في حاجة جواها اتغيرت لما إمها قالتها إن خالد بيقول إن آسر معجب بيها من وهو صغير…!!؟…بس بردو مش هتنكر إنها لسا كل اللي فارق معاها الفلوس وبس…!!؟…لسا اللي في دماغها زي ما هو…بس يا تري للقدر رأي آخر واسراء هتتغير ولا بسبب طمعها واحلامها…هتخسر شخص بيحبها بصدق زي آسر…!!؟
وتمت خطوبة آسر واسراء وبعد اللحظة دي حازم طار…طار لقدر اتكتب ليه هو كمان مع اخواته يقابل حب حياته في نفس اليوم حازم راح على النادي على طول عشان يسهر مع أصحابه… عشان في دماغه إن أخواته كل واحد هيسهر مع نصفه الثاني….
…………………………………….
أسيل: بالله عليك يا فريدة قومي بقي كفاية كده!!؟
فريدة بهدوء عكس ما في داخلها: أسيل والله انا كويسة ومش عايزة أخرج… عشان مالك ميتعبش وبس…غير كده انا كويسة…!!؟
عائشه بحنان: قومي يا فريدة وتعالى معانا عشان خاطري يا ضنايا…قومي بقي…انا لأول مرة هكون مع اغلب احفادي تعالي معانا نخرج ونغير جو
فريدة: لأ يا تيتا مش عايزة أخرج والله
عائشة: لأ بقي انا مش هسمح أشوفك زي امك زمان…انا زمان شوفت بنتي في الحالة دي لما أبوك الواطي سابها…بس انا كنت متوقعة كده من هشام…لكن عمر لأ وعلى حسب خبرتي ومعرفتي انا لما شوفت عمر قلبي اتفتح ليه… لأني شوفت في عنيه نفس الحب اللي كنت بشوفه في عين جدك ليا…وانا واثقة تمام الثقة إن عمر بيحبك زي ما جدك الله يرحمه كان بيحبني…وزي ما انا متأكدة إن جدك عمره ما يخوني… كذلك الأمر ثقتي في عمر…!!؟
أسيل بضيق: الكلام سهل يا تيتا…لكن الواقع مختلف وهي معاها حق في اللي بتعمله ده!!؟
عائشة بحدة: أسيل إنتي تسكتي خالص عندك كلمة حلوة قوليها معندكيش تخرسي إنتي مش فاهمة ولا عارفة حاجة…!!؟
اسيل:تمام يا تيتا
عائشة قرصت فريدة:قومي يا مزغودة إنتي مش هنقعد نندب حظنا كتير مكنتش نهاية العالم يختي والعياط والحزن مش هيصل اللي حصل ولا هيرجع الماضي…قومي متعمليش زي امك وخليك قوية كده عشان نفسك في الأول وعشان ابنك…واما ترتاحي ابقي اتكلمي مع عمر واسمعيه…لو اللي حصل مظبوط ف القرار هيكون قرارك…
فريدة:يا تيتا انا عايزة انام إحنا جايين من سفر إذا كانت البعيدة أسيل مش تعبانة خليها تخرج هي انا مالي…وكمان الوقت راح..؟
أسيل:قومي يا أبلة إحنا جايين من امبارح بالليل… وكمان ما يعتبرش خروج ده احنا رايحين النادي اللي قدام البيت ده اللي قدامنا ده… كانك خرجتي قدام الباب يلا بقي
عائشة:بصي متحاوليش ترفضي لأنك خارجة يعني خارجة عشان المحروسة إيمان بنت خالك هي كمان زعلانة هي وجوزها تعالو نكدو سوي على بعض مفيش مشكلة
فريدة:اوووف بقي سيبو الواحد يزعل براحته وبهدوء انتوا ليه مصرين تشغلو دماغي وتنسوني…!!؟
أسيل:طيب كويس إنك بتنسي قومي بقي عشان عايزة أدخل الملاهي مع الواد مازن وحياة عيالك يا شيخة…
فريدة:تمام خلاص 10 دقائق اخرجو وهكون جهزت… وإنتي يا أبلة خدي مالك لحد ما البس
أسيل وعائشة خرجو
إيمان بنت خال فريدة:هاااا وافقت نروح
عائشة ردت عليها بسخرية:أيوة يا قليلة الكرامة وافقت
ايمان:ااااه منك يا تيتا
أسيل بمزاح: والله معاها حق يا حجة إيمان يعني متخانقة مع جوزك… ورايحة النادي مخصوص عشان تشوفيه…يا معدومة الكرامة ده بدل ما تزليه
إيمان:وايش هيعرفه إني رايحة عشانه…انا خارجة مع جدتي واخواتي وبنات خالي…!!؟
مازن أبنها عنده 11 سنة:طيب على الله أشوفك بتبص عليه…هه بقي هنشوف انا ولا إنتي يا أبلة ماما
أسيل:عسل وربنا يا ناس الراجل بتاعنا يا جماعة فاهمين
عائشة: أيوة طبعاً راجلنا
وخرجو كلهم على النادي اللي قدام البيت وكان الأشخاص فريدة واسيل وإيمان وروان ورنا ولاد خالهم…ومالك ابن فريدة…وماذن ومكة وملك ومحمود ولاد إيمان…وبس كده
…………………………
حازم كان بيلعب بلياردو في الجزء الاعلي من النادي…
أسيل:هاااا يا جماعة هتعملوا إيه
مكة وملك الاتنين قلعو
أسيل:هو إيه اللي بيحصل!!؟
ايمان:هينزلو الماية…
فريدة: مينفعش كده الوقت متأخر هيبردو…
ايمان: للأسف هما متعودين على كده
ونزلو البنات على حمام السباحه وحمام السباحة موجود جنب الترابيزات اللي قاعدين عليها عادي…
مازن موجهاً كلامه لاسيل:تعالي إنتي ندخل الملاهي…
أسيل بحزن شاورت عليها:بس دي مقفولة
مازن:وفيها إيه انا بدخل من تحت الحديد..
روان بسخرية: وإنت حضرتك عايزها تعمل زيك!!؟
أسيل بثقة:قوم ياض هندخل من تحت الحديد دول شايفني كبيرة ميعرفوش إني عيلة!!؟
مازن واسيل راحو إتجاه الملاهي…
مازن دخل:بس كده سهلة هتعرفي تدخلي!!؟
أسيل:طيب اطلع كده واقف ورايا لحد ما أدخل عشان محدش يشوفني…!!؟
مازن بالفعل طلع ووقف لحد ما اسيل دخلت(حضرتك انا واخواتي بننزل من تحت الحديد لما يكون النادي فاضي مفيش غيرنا 😂) وحازم كان مراقب كل حاجة من فوق بدهشة أسيل ومازن لعبو قد كده والبت أسيل كانت اعيل منه 😂
أسيل: الحمدلله خلصنا كل اللعب بس بردو الواحد لسا عايز يتسلي
رنا:بس خلاص هنلعب صراحة وجرئه موافقين…!!؟
الكل وافق وبدأت اللعبة
رنا:هيييح اختار يا مازن صراحة ولا جرائة
إيمان:اختار جرائة يا حبيبي عشان خاطر ماما
مازن وافق امه واختار جرائة
ايمان: إبني وانا اللي هطلب منه…وبعدين شاورت على أحمد جوزها من بعيد…شايف يا حبيبي أبوك الملقح هناك في آخر النادي وبيلعب طاولة…روح يا قلب امك وكب الطاولة وتعالى
مازن:تؤتؤ هيضربني…وهو اصلا ما بيصدق يلاقي حاجة عشان يضربني هو بيكرهني أصلا…!!؟
أسيل: لأ يا استاذ مازن مكنتش أتوقع إنك خواف كده
مازن بتحدي:انا مش خواف وهروج اعمل كده…!!؟
وراح بالفعل وعمل كده وطلع يجري لحد ما وصل عند أسيل
مازن:هيضربني خبيني
احمد جه بغضب ووقف قدامهم:ربي إبنك الوسخ ده يا هانم شوفتي اللي عمله ده عيل ***ربنا ياخدك ويريحني
أحمد بيمثل آباء كتير اوووي… معروف إن البنت حبيبة أبوها والابن دلوع أمه…لأن للأسف الاب لما بيجي يربي إبنه غالبا ما بيستعمل معاه الجمود والقسوة وحجته إنه بيعمل كده عشان يكون راجل!!؟…وكذلك الحال مع بعض الأمهات بتستعمل العنف،الضرب،كسرة النفس…بحجة تكون ست بيت شاطره وكمان تكون حاجة في المستقبل…!!؟…مع الأسف دي مش طريقة ولا تربية…هما للأسف مش حاسين خالص أنهم بيدمرو ولادهم نفسياً بيحرموهم من مشاعر ولحظات هما بيتمنوها…!!؟
أسيل:هوب هوب إنت… متخلنيش اغلط فيك وحضرتك اكبر مني…لكن إياك تتعامل معاه كده… إنت مفكر نفسك إيه
فريدة: خلاص يا أسيل …ووجهت كلامها لأحمد…حتى لو غلط وغلطه كبير مش معناه أنك تهزقه قدام حد…حتي لو أمه وأخواته…عايز تبهدله بهدله بينكم مش قدام حد… عشان إنت كده بتجرحه… وإياك تفكر إنه عيل صغير مش بيفهم… لأن دي قمة الغباء إنك تعتبر الطفل اللي قدامك صغير ومش فاهم… لأنه اللي بيحصل هما حاجتين بس…ياما بيفهم كلامك غلط…!!؟…ياما بيفهمه صح…ومن طبيعة الاطفال إن أي كلام بيزعلها بيفضلوا فاكرينه لو مهما عدت سنين… ممكن كلامك وتصرفاتك معاه…تخليه عدواني جداً مع اصدقائه اخواته مع الناس بشكل اصح… اخطر مرحلة في حياة الإنسان مش المراهقة لأ الطفولة… لأنها بينتج عنها المراهق…الشاب…لحد الشيخوخة…والاصعب بقي إن الطفل لو خد فكرة معينة في طفولته…سواء غلط او صح لو كبر بالفكرة دي…حضرتك مستحيل تقدر تغير فكرته… مثلاً إنت قولتله بكرهك…لو كبر بالفكرة دي مهما عملت عمرك ما هتقدر تغييرها ابدا…ف عشان كده حاسب على كلامك وعلى تصرفاتك مع ولادك… لأن ممكن تصرفاتك تقتل طفولتهم…!!؟
احمد بلا اهتمام:ولا يهمني انا أصلا لا كنت عايز خلفة ولا جواز…!!؟ وسابهم ومشي
فريدة: إنتي بتسبيه كده يتصرف معاه عادي بالطريقة دي…لأ وكمان سامحة ليه إنه يكلمك قدام حد كده…!!؟
ايمان: عادي إحنا متعودين على كده
فريدة بحدة: يخربيتك إيه اللي متعودين… إياك تسمحي ليه يتصرف معاك كده قدام حد…ولا يتصرف بالشكل ده مع مازن…حرام عليكم إنتوا كده بتقتلو الواد بالبطىء…بسببكم هيكون معقد
ايمان بهدوء:ابوه بيتصرف معاه كده عشان يكون راجل من صغره…ويكون سند لإخواته… يعني لو دلعه مش هيكون راجل يعتمد عليه…!!؟… يعني لازم يبقي قاسي معاه عشان يبقي الواد ناشف من صغره
فريدة بنفس الهدوء: لأ ده غلط كبير لأنه طفل مش فاهم حاجة من تفكيركم وهو من حقه يحصل على حنان الأب والام في المرحلة دي…!!؟…يعني لو اتصرفتم معاه باللين…وحاولتوا إنكم تشكلوه من صغره بس لما تمنحوه كل احتياجاته… الاحتياجات مش معناها اشياء تشتري لأ… احتياجات عاطفية… مشاعر الأمومة والابوة لازم يحس قد إيه إنتوا بتحبوه… وبعدين هو هيمنحكم كل اللي إنتوا عايزينه واكتر… افهمي الكلام كويس يا إيمان وفهمي جوزك قبل ما يفوت الأوان…!!؟
أسيل بوجع:لما بتاخد فكرة وإنت صغير صعب لما تكبر إنت نفسك تغيرها لأن الطفولة بتكون ادفنت صعب إنك ترجع حاجة من الموت وكذلك الطفولة عند بعض الأشخاص…مفيش حد هيفهم الشعور ده غير اللي جربه…!!؟
ايمان سكتت ومش ردت عليهم…
أسيل همست في ودن مازن:بص يسطااا انا هخلي ابوك وامك يموتو من العياط دلوقتي بس استني نكمل الدور
استمرت اللعبة شوية لحد ما جه الدور على أسيل
رنا بحماس صراحة ولا جرئة!!؟
أسيل بعد تفكير:جرئة عشان لو قولت صراحة هتخلوني افشي ب اسرار الناس
روان:وقعتي في أيدي ولا حد سم عليكي يا أسيل…ده انا هختارلك حاجة هتخليني كلنا نموت من الضحك على اللي هيحصل
أسيل بقلق:يخربيتك قلقتيني…!!؟
روان:هييييح…يلا على راى عمك عصام بنت المدينه… إنتي دلوقتي هتروحي…وشاورة على مجموعة شباب في تربيزة جنبهم وكان حازم واحد منهم…شايفة الشباب اللي هناك دي هتروحي لواحد منهم وتقوليلوا بحبك وشوية كلام كده وهاتي رقم تليفونه…ولو عملتي كده يا أسيل هديك تحويشة عمري…!!؟ولو رفضتي هخليكي تنفذي عقاب وحش
أسيل بتفكير:قوليلي 500 جنيه
إيمان بتشجيع:و200 جنيه مني لو عملتيها
رنا:هي جات عليا و 200 مني انا كمان…!!؟
عائشة بعد تفكير وشافتها فرصة تخرج فريدة من المود وكمان وجودها جنب أسيل:و500 مني…
فريدة:ده بدل ما تبهدلي روان يا تيتة بتشجعي أسيل…عليه العوض ومنه العوض…
أسيل:يخربيتكم ثبتوني…انا موافقة بس استنوا اما انقي واحد…!!؟
أسيل بصت عليهم ووقع اختيارها على حازم (عليا النعمة هي وحازم مجانين ومهزقين)…!!
أسيل شاورت على حازم: أيوة المز اللي هناك ابو عنين خضراء ده…هروح اثبته هستفيد من الموضوع رقم تليفونه… وكمان ال 1400 جنيه 😂
عائشة:ااااه يا زبالة وانا اللي كنت فاكرك محترمة…
أسيل وقفت بغرور:يلا تشاو يا جماعة هروح أنفذ التحدي…
أسيل قربت من التربيزة بثقة وكل ما كانت بتقرب أكتر كل ما كانت بتتوتر
اما حازم ف عنيه كانت عليها لحد ما اتحركت من مكانها ولما قربت منها ونظراته بقت كلها تسائل ومش هو لوحده كل أصحابه كمان بقت نفس نظرات التسائل…!!؟
أسيل خدت نفس عميق وبحرفية شديدة زي اللي بيمثل بالظبط…قربت من حازم… احم احم والله مش عارفة أقولك إيه بس انا مكسوفة من نفسي اووي…بس انا من الناس اللي لما بتعجب بحد مش بتعرف تقعد مكانها وتستني…وكملت بجدية مش مقصودة…وانا اول ما عيني جات عليك وحسيت بشعور غريب أول مرة احس بيه… تقدر تقول إنه حب من أول نظرة…فأنا مش هضيع الفرصة وجيت اخد رقم تليفونك
حازم كان زي المغيب من الدهشة وكمان دهشة مغلفة بالصدمة… لأنه أول ما سمع الصوت عرف هي مين وإنها أسيل…مكنش مصدق نفسه…!!؟
حازم استجمع نفسه وبعدين كمل معاها بنفس طريقتها في التمثيل:يااااه مش معقول بجد هو انا وسيم للدرجة دي…!!؟… والله لو قولتلك أن القلوب عند بعضها مش هتصدقي…يا حبيبتي
أسيل بصوت مش مسموع:ا*يه حبيبتي شكل الواد اتثبت…
حازم:ورقم تليفوني إيه يا قمر إنتي…ده إحنا ندخل البيت من بابه…هاتي رقم أبيه يا قطة
أسيل:أبيه…!!؟…هات رقم تليفونك الأول متبوظش التحدي الله يكرمك ده فيها فلوس هطير
حازم: تحدي…!!؟وبص ناحية التربيزة اللي كانت قاعدة عليها وكان الكل مراقب بقوة …كمل وقال في نفسه…الله يفضحك مفضوحة وعيلة زي حالتي…!!؟
حازم:رقم تليفوني اهو …وخد ورقة وقلم وكتبه
أسيل خدت منه الورقة بسرعة ومشيت بخطوات سريعة لحد ما وصلت التربيزة بتاعتها
فريدة: يخربيتك عملتيها والله لافضحك وابقي شوفي أبيه هيعمل فيك إيه
أسيل بلا مبالاة:المهم الفلوس ونبقي نحل موضوعه بعدين المهم خلصت التحدي
رنا وهي عنيها على حازم: لأ خلصتي التحدي وثبتي الواد بجددد…يااااه بس عسول اوووي شوف عنيه عليك ازاي
أسيل وقفت وبصت على مازن:هو بيبص عليا
مازن:هههه أيون
أسيل:طب قوم يا مازن عشان هنجري سوي خلينا نكون جنب مكة وملك … وبعدين بصت بطرف عينها على حازم ولقيته باصص عليها فعلاً… بعدها عينك ما تشوف الا النور كانت طايرة مع الواد مازن
حازم بقي كان مضايق ومتغاظ من اللي عملته بشكل كبير…تقدرو تقولو غيرة هو مضايق عشان جات وعملت كده وهو لو مكنش يعرفها من فترة عن طريق السوشيال وعارف تفكيرها كان هيقول عنها بنت سهلة…لكن هو محكمش بكدة لأنه أولا عارف انها طفلة خالص وبتصرف على الاساس ده ومش شايفة نفسها آنسة كبيرة… وكمان عارف انها مجنونة وعنيدة وبتحب التحدي ف لما عرف إنه تحدي فهم بسرعة كل حاجة…
بعد ما أسيل مشيت هو راقب هي راحت فين وبعدها بكام دقيقة قام بس مشي من طريق مختلفة عشان ميلفتش انتباه حد وإنه رايح وراها… وطبعاً هو حافظ النادي بكل تفاصيله وعارف هيروح المكان اللي هي فيه إزاي
حازم قدر يوصل ليها وكانت أسيل قاعدة مع مازن وعاطية ضهرها للصور وبتكلم مازن… وطبعاً حازم سامع كل الحديث
أسيل:هااا يا مازن فهمت…!!؟
مازن:قولي تاني كده
أسيل:بص إنت هتستخبي في اي حتة كدة وبعدين انا هقول لماما إنك بتعوم شوية… وإنت قولتلي إن حمام السباحه ده كبير وللكبار انا هقولهم إنك نزلت الكبير…فهما هيفكرو إنك غرقت…!!وهيحسو قد إيه أنهم بيحبوك وكده بقي
مازن:وكده بقي…!!؟يخربيتك إنتي طلعتي شريرة وشيطانة
أسيل:تشكر يا محترم تشكر حد محترم يقول لخالته الكلام ده ماشي يا مازن وانا اللي كنت ابتديت أحبك
مازن بغرور: لأ اوعي تحبيني عشان انا بحب واحدة معايا في المدرسة إسمها اروي…وهي مزة المدرسة وكل الصبيان بتحبها…!!
أسيل ضحكت بقوة:ههههه…يا واد يا جامد…يلا بقي ننفذ خطتنا يا معلم…يلا تعالى اخبيك
وطلعت خبتها في الدور الثاني وهي نازلة من على السلم
حازم قطع عليها الطريق وحط أيده قدامها وكان قريب منها اوي وآسيل اترعبت أوي…وحازم باللي عمله قصده يفهمه غلطها في اللي عملته معاه من شوية مهما كان ف اللي عملته غلط وتبان في نظرة اي حد إنها سهلة
أسيل بخوف:ابعد إنت بتعمل إيه…!!؟
حازم:مش إنتي عايزة كده…مانتي سهلة وجيتي ليا برجليكي…!!؟
أسيل بخوف اكتر ودموع وخصوصاً إن المكان يعتبر فاضي بسبب إن الوقت متأخر: ابعد عني لو سمحت انا مكنش قصدي اللي حصل ده كان تحدي بالله عليك ابعد عني
حازم بهمس مخيف:وانا إيه اللي يعرفني أنه تحدي المهم انتي دلوقتي في نظري إيه ونظر صحابي إيه… ممكن بعد ما امشي يجي حد منهم عادي…مانتي اللي رخصتي نفسك…!!؟
أسيل برجاء:انا مفكرتش كده بالله عليك ابعد عني اعتبرني اختك
حازم قرب منها على أساس هيبوسها وهي كانت هتموت من الرعب… وبعدين بعد عنها بسرعة وقعد يضحك جامد وهي عيطت من الخوف
حازم بصلها وهي بيضحك وبعدين غني بمرح…انا لما بحب بحن بجن…بهدم بحرق…بقلب جن…الروح بغيابتك بتحن…بتنده وينك…انا لما بحب بكفي بدربي…”أسيل ابتسمت بعد ما اتعرفت على صوته وهو فهم إنها عرفته وكمل غني”بموت بلحظة مني تقربي…بتضحك روحي بيفرح قلبي بضحكة عينك…غمزيني بعينك ياروح…بغمزة ببيع الكون وهمو ع ابعد دنيا بنروح
………………………………..
عمر فاق بعد خبطت يوسف بس بعد ما فاق اتصدم من حالته
يوسف كان نايم على الكنبة جنبه
عمر بصوت مرتفع حاد: إنت يا ***إيه اللي إنت عامله فيا ده…وعلي صوته اكتر… إنت يا ***اصحي
يوسف قام بفزع:ايهههه في إيه عمر مات…!!؟
عمر بعصبية: لأ عمر هخليك تقول على نفسك يا رحمن يا رحيم…
يوسف قعد ببرود:متقدرش تعمل حاجة انت مش شايف حالة نفسك
كان يوسف مكتف عمر بمعني الكلمة كان رابط عمر بكذا حبل يعني مكتف الواد من الآخر ولا هيعرف يتحرك …
عمر بصوت غاضب خارج بالعافية:فكني يا يوسف عشان أقسم بالله لو طولتك هموتك
يوسف ببرود:وانا عبيط افكك عشان تتطولني…مش كفاية وشي اللي حضرتك عملت منه خريطة العالم…عايز إيه اكتر من كده…!!
عمر برجاء ضعيف: يوسف لو سمحت بالله عليك خليني أقابل فريدة انا لازم أوضح ليها كل حاجة أرجوك يا يوسف
يوسف بهدوء:مش هقدر افكك غير لما تهدي وتفكر شوية بينك وبين نفسك عشان ما تروحش تهد بعصبيتك دي كل حاجة…
عمر بحدة: إنت عبيط إنت متخيل إني ممكن اكون معاها عصبي مش هادي…صدقني يا يوسف انا حتي لو حاولت اكون عصبي معاها مهماً كانت الظروف عمري ما قدرت…قلبي مش بيطاوعني خالص…
يوسف:وانا إيه اللي يضمن ليا بقي إنك هتكون هادي
عمر:ب اختصار أنتم الوحيدين إللي عارفين الجانب بتاعي العصبي…اما فريدة عمرها ما شافته هي بتسمع عن عصبيتي بس… لأن انا عمري في يوم ما سمحت إنها تشوفها…ولا هسمح ب كدة… وأصلا انا لو حاولت اكون عصبي معاها ملامحي كلامي نبرة صوتي مفيش اي حاجة بترد عليا كلهم بيتصرفو بحب وحنان… إنت ليه مش قادر تفهمني…مكنش فيه غير مرة واحدة واتصرفت بعصبية معاها وإنت كنت شاهد على اللي حصل وقتها في شرم…ومن بعدها عمري ما كررت عصبيتي…زي ما حضرتك بتعاملها كبنتك مش اختك انا كذلك الأمر…مش شايفها مراتي وحبيبتي بس لأ…شايفها بنتي وأختي وأمي…هي كل حاجة ليا…سبني أتكلم معاها بس
يوسف وقف وقال ببرود:انا طالع انام باي يا عمر…اشوفك بخير
عمر اتحول من جديد للعصبي الوقح في ثانية:*************تعال هنا
يوسف لف ليه وبصله بسخرية:شوفت بقي اتحولت في ثانية ازاي…من حركة برود مني وانا عايز اقولك إن فريدة هتعمل اكتر من كده وإنت مهما حاولت تسيطر على نفسك في الآخر اعصابك هتتلف منك وهتتصرف تصرفات غريبة متخلفة زيك مش بعيد تركضها في المستشفى زي اللي عملته مع أمك أو تنزل فيها ضرب زي ما عملت في الدكتور أو القسوة زي ما عملت مع مي… ببساطة وإنت عصبي مبتشوفش قدامك… مبتعرفش مين قريب ومين حبيب…ف إنت لازم تهدي يا عمر إنت فاهم .
عمربغيظ:أولا الدكتور يستاهل ثانياً ماما هي اللي اترعبت وتعبت…انا مالي حد قالها تقف قدامي وانا متعصب اهي جات فيها
يوسف بدهشة:يااااا جبروووووتك يبني الولية وقعت ساكتة ع الأرض من كلامك السم
عمر افتكر اللي حصل واتهمامه لأمه أول ما دخلت ليه…وكلامه ليها
زينب كانت داخلة تطمن على عمر
لكن عمر صدمها بكلامه… لما قال بعصبية
“بتعملي إيه هنا….إنتي هناااااا ليههههه….جاية تشوفي انجازك… إنتي اللي عملتي كل ده انا واثق…لانككك مش ام… وعمرك ما هتتغيررري…تقدرررري تقوليلي…مرررفت عرفت منين…هه …بسيطة انتييي اللي قولتي ليها على كل حاجة… إنتي اللي لسا زي ما إنتي بتهتمي بالفوارق الاجتماعية…انتيي اللي رجع كلام الناس يأثر فيكي بدل سعادددة ولادكككك”
زينب بصدمة منه قالت
“انااا…انا معملتش حاجة يا عمر”
وفقدت الوعي من الخوف
واللي حصل بعدها ضرب الدكتور وخرج من المستشفى غصب…!!؟
…..
يوسف: فاكر ولا افكرك إنك كنت هتكسر دراع اختك كمان
عمر بغيظ:يعني إنت مصدق إني هعمل كده مع فريدة…!!؟
يوسف:يا بني اللي خلاك عملت كده في أمك واختك… استنتاج غبي زيك خلاك تقول كده لأمك وهي من صدمتها تعبت…
عمر بغضب:مش ندمان على اي كلمة لأنها الوحيدة اللي تعرف الكلام اللي قالته مرفت لفريدة…يبقي هي
يوسف:لازم تتأكد الأول يا عمر عشان يمكن تكون ظالمها…!!؟…أقعد مع نفسك وفكر بهدوء انا خارج
عمر:طب فكني وانا هفكر بهدوء طيب
********************
كان مالك وميساء وآسر واسراء كل واحد قاعد مع حبيبته بقي
لحد ما جه تليفون لمالك من خليل
خليل: والله يا عريس مكنتش عايز ازعجك في يوم زي ده لكن أنا آسف بقي!!؟…بس الموضوع مهم
مالك بضيق:نعم في إيه!!؟
خليل: دلوقتي مرات عمر الصياد والواد إبنه جنبك في الفيوم موجودين من امبارح…ودي فرصتك المناسبة عشان تخطف الولد ومفيش اي حراسة…وغير كده العيلة فيها فاسدين كتير ممكن يساعدوك!
مالك بتوتر:عيلة مين!!؟
خليل:عيلة البحيري جنبك على طول مفيش فرق بينكم غير 15 دقيقة وبس
مالك:هي مراته من هنا من الفيوم!!؟
خليل: أيوة ودلوقتي هي عند جدتها ام والدتها الحجة عائشة البحيري اكيد إنت عارفها كويس…مش عايزين نطول كتير لو ابن الصياد مكنش في أيدي آخر الأسبوع ده ف حط في بالك إن مراتك حبيبتك إحنا عارفين طريقها كويس وإنت عارفني كويس يا مالك…انا بقتل ومش بيرف ليا جفن…إنت فاهمني…لو المهمة فشلت يبقي انسي عروستك فاهم كويس!!؟
مالك بخوف:خليل اياك والواد هيكون في ايدك قبل الميعاد اللي قولته…لكن إياك تقرب من حد تبعي اياك
خليل قفل السكة في وشه
مالك شد خصلات شعره بغيظ وقال في نفسه”اهو ده اللي كنت خايف منه…خليل ووساخته مصر إنه يدخل حياتي الشخصية في ام الشغل الوسخ ده…انا لازم اتصرف ما هو في النهاية انا مش هسمح بكده خالص…انا لازم اتصرف…”
…………………………………..
أسيل: إنت مش المفروض في المانيا
حازم بسخرية:مانا في ألمانيا اهو يا فندم…بس طلعت ألمانيا جنب كندا حضرتك…
أسيل بخجل:والله دي الكدبة الوحيدة غير كده كل حقيقي…
حازم:انا كان قلبي حاسس والله إنك في مصر… إحساسي عمره ما يخيب ابدا…يلا المهم الحمدلله طلعتي حلوة انا مبسوط من كده
أسيل بحدة:افندم!!؟..
حازم:انا بقول طلعتي في مصر ودي حاجة حلوة الحمدلله…اوعي تكوني فهمتي صح…!!؟
أسيل:مش معقول رخم زي السوشيال بالظبط
وسابته ومشيت
حازم:طيب ابقي قولي لامك يبنت إني جاي اطلب ايدك (علي وزن الأغنية يعني)
وكمل وقال في نفسه”بس مزة طلعت قمر زييي ولا عنيها… اخيراااااا لقيت حب حياتي…ومش بعيد حب الطفولة بعد ما قابلتها في نفس المكان اللي انا عايش فيه… والله يا واد يا حازم ده كل بسبب الخير اللي عملته في أخواتك المهزقين ربنا بيجازيك بعد ما وفقت رؤوسهم في الحلال…انا هروح اوفق اي اتنين اشوفهم خلي موضوعي يتعجل شوية” (مجنووووون 😂)
أسيل راحت قعدت معاهم وهي مبتسمة من غير سبب وبتفتكر حازم… وطبعاً قالت لايمان إن مازن في الماية بعد فترة
ايمان:انا هقوم اشوف الولاد…خلي بالك من محمود يا روان… تعالي معايا يا أسيل…
ايمان راحت وطلعت ملك ومكة ودورت على مازن ومش لقيتها قلقت واترعبت جامد لما أسيل قالت ليها إنه نزل حمام السباحة الكبير قعدت تدور عليه وهي مش لاقيه…!!؟
أسيل كانت متصنعة الخوف والقلق لفترة وأحمد جه بردو وقعد يدور مع إيمان…كانوا الاتنين في حالة رعب إنه يكون حصله حاجة مثلاً غرق بس اكيد لو كده هيطفو…كانت لحظات عصيبة وفيها خوف وذعر أنهم يخسرو ابنهم…يمكن في اللحظة دي عرفو قيمته بجد…هو الانسان كده للأسف مش بيعرف قيمة اللي حواليه غير لما يفقده…بيبقي قدامنا أشخاص كتير وعمرنا ما فكرنا نقولهم إحنا بنحبهم قد إيه…غير لما تيجي لحظة مش محسوب حسابة وبيجي الموت ياخد الناس دي…وقتها بس احنا بندرك قيمة اللي حوالينا وبنتمني أنهم يرجعوا لحظات عشان نشبع منهم…ونقولهم قد إيه إحنا بنحبهم…ب نندم لو زعلانهم…ف عشان كده دايما عبر لكل اللي بتحبه عن مشاعرك أشبع من اللي بتحبهم عيش معاهم كل يوم على أساس إنك مش هتشوفهم تاني عشان لما يرحوا متندمش…قولهم قد إيه هما مهمين فى حياتك…
احمد بعد يأس نزل الماية يدور عليه ودموعه نزلت منه غصب عنه
أسيل بعد ما شافت حالهم…مدت ايديها لأحمد اللي في الماية:هات إيدك…!!؟
حازم زق ايديها بغيرة ومد أيده هو لأحمد…
أحمد مسك ايد حازم وخرج
أسيل:عرفت قيمة إبنك وقد إيه هو مهم
احمد بصلها بدهشة وإيمان والكل بطل عياط وبصو على أسيل…!
…………………………………………
مالك راح لميساء بعد انتهاء المكالمة
ميساء:خير في حاجة
مالك بتوتر:اممم مفيش حاجة
وفضلوا في حالة صمت لفترة…!!؟
مالك بعد تفكير طويل:تعالي نتمشي برة شوية…!!؟
ميساء:هنروح فين الوقت متأخر…
مالك: تعالي بس
وخدها وخرجوا
مالك فتح باب العربية وقالها بملامح غامضة وحادة:اركبي…!!؟
ميساء بدهشة:مالك في إيه
مالك ببرود:اركبي وهنتكلم في الطريق…!!
ميساء ركبت بهدوء وهي مستغربة من غموضه ده…
مالك ساق فترة طويلة في طريق هي أول مرة تمشي فيه وبدأت تقلق منه
ميساء: إحنا رايحين فين يا مالك
مالك ببرود:هتعرفي لما نوصل…!!؟
ميساء:طب قولي طيب…
مالك:ميساء هاتي تليفونك ثواني كده…!!؟
ميساء ادته التليفون بهدوء
مالك طلع تليفونه من جيبه وطلع الخطوط من التليفونات وقفل التليفونات وكمل في طريقه…
لحد ما وصل على مكان فاضي مش فيه حد واخدها ونزلها وهي نازلة معاه برعب من تصرفاته وغموضه لا واللي زاد الطين بلة هو المكان اللي جابها عليه…
مالك اخدها وطلع على شقة ميساء كانت مغيبة عن العالم من صدمتها من اللي بيحصل ومالك كان بيزق فيها لحد ما فتح باب شقة وزق ميساء بقوة جوة الشفة… وبعدين دخل وقفل الباب…!!؟
مالك قعد ببرود على الكرسي
ميساء بخوف: إحنا بنعمل إيه هنا…
مالك ببرود:تؤتؤ إنتي خايفة مني ليه…ده انا حتي جوزك دلوقتي
ميساء:مالك هو في إيه بالظبط إنت ليه غريب كده انا حساك متغير في إيه…!!؟… واحنا بنعمل هنا إيه
مالك:خاطفك فيها مشكلة…وهتفضلي هنا لحد ما أنا اكرر هتخرجي ايمتا…!!؟
وحركة مالك دي كانت عبارة عن رد فعل بعد مكالمته مع خليل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
