رواية بلوة حياتي الجزء الثاني الفصل الحادي عشر 11 بقلم سارة
رواية بلوة حياتي الجزء الثاني الجزء الحادي عشر
رواية بلوة حياتي الجزء الثاني البارت الحادي عشر
رواية بلوة حياتي الجزء الثاني الحلقة الحادي عشر
الحلقة الحادية عشر
قاعدة في المستشفى وماسكة رأسها ب ايديها ب ألم… معقول أبنها هيروح من أيديها بسببها هي!!؟…بقاله يومين وضعه مش مستقر… وفجأة عنيها بتحمر !!…وبتمسك تليفونها وبترن علي مرفت
زينب بعصبية:عارفة يا *** لو إبني حصله حاجة انا مش هرحمك… أقسم بالله مش هتردد لحظة وهقتلك… إنتي فاهمة..
مرفت ببرود:إنتي السبب!!؟
زينب:اخرسي يا *** انا الدوا اللي عطيته ليكي كان مجرد مخدر وبس…والسبب في حالته دي وجود نسبة حديد كبيرة في دمه وداخل علي يومين ولسا مش فاق ووضعه مش مستقر
مرفت بتوتر:لا…اااا…انا…حطيت الدوا اللي إنتي عطتيه ليا…شو..شوفي انتي بقي عملتي ايه في إبنك…
زينب بحدة:كل اللي اديته ليكي مخدر بس…وكان المفروض إنها تشوفكم مع بعض وبعدين هو هيفوق ومش هيعرف يوضح لكن مش كده
مرفت بعصبية مصطنعة:يوووه بقي انا الغلطانة اللي نفذت خطتك ضد إبنك!!؟
وقفلت الفون في وش زينب
مي كانت واقفة وراها وسمعت آخر جملة قالتها زينب وفضلت تدورها في عقلها…بس بسرعة نفضت الأفكار اللي في رأسها… لأنها مش متخيلة إن زينب يوصل بيها الشر للدرجة دي… وكمان بالنسبة للكل زينب اتغيرت!!؟
مي:احم طنط زينب… اتفضلي القهوة دي!
زينب بتعب:مش عايزة يا مي اما اطمن على عمر الأول… شكراً ليكي يا حبيبتي…
مي ركنت القهوة على جنب وقعدت في كرسي قدام زينب وقالت بحرج:احم احم هو حضرتك عرفتي ازاي إن عمر تعبان!!؟… وكمان عرفتي الفندق وكل ده إزاي!!
زينب بضعف وتوتر: إنتي عرفتي إزاي!!؟
مي:رنيت على تليفونه وردت عليا واحدة وقالت الحقه قبل ما يموت…وقتها جريت للمكان بسرعة…
زينب بهدوء:وهو ده اللي حصل معايا بالظبط!!
مي بشك: تمام…يلا ربنا يقومه بالسلامة
زينب فضلت تأنب نفسها على اللي عملته وكانت ناوية عليه…لمجرد أنها كانت عايزة عمر يبعد عن فريدة…كانت هتخسره…عدم رضاها بفريدة ك زوجة لابنها كان هياخد ابنها التاني من بين أيديها وتخسره زي ما خسرت الأول…نظرتها للناس عن طريق الفوارق الاجتماعية…بردو رجعت وأثرت عليها من جديد وبعد ما اتغيرت رجعت زينب الصياد بكبريائها وجبروتها وغرورها…زينب الصياد اللي مستعدة تعمل اي حاجة عشان مظهرها الاجتماعي بين أصدقائها…وكلامهم خلالها تخطط لحاجة زي كده…وهي تبعد أبنها عن حب حياته…وهي عارفة كويس ألم الحب…والم الفراق…بس بكل جحود خلت أبنها يجرب الألم ده!!!؟…
خرج طبيب من غرفة عمر وبدأ في التحدث بالفرنسية عن وضع عمر وكان مي وزينب عارفين اللغة كويس
الدكتور”الآن وضعه أصبح جيد وأيضاً كل الفحوصات تثبت أنها بخير الآن لكن ثمة غرابة هو الآن صامت…يبدو أنه مر بصدمة ما لهذا هو بحاجة لدعمكم الآن…لذا كونوا بجانبه”
مي”هل استطيع رؤيته الان؟!!”
الطبيب”نعم لكن من الأفضل دخول فرد واحد فقط”
مي بصت لزينب:تقدري حضرتك تدخلي
زينب بتوتر:اااا…ادخلي إنتي الأول انا هدخل بعدين انا مش مستعدة أشوفه بالحالة دي ادخلي إنتي الأول
مي:تمام…انا هدخل أشوفه!!
مي دخلت وهي مترددة وكان عمر قاعد على السرير سرحان وبس مش عطي اي رد فعل لفتح الباب وقفله!!
مي قعدت جنبه بهدوء ومسكت ايديه: إنت كويس!!؟
عمر مازال ساكت وهو باين للكل عادي خالص لكن من جواه في حرب كبيرة محدش شايفه…حرب بين صدمة وحزن…وانسكار!!!؟
مي:عمر حصل إيه بالظبط اللي يخلي فريدة تاخد مالك في نص الليل وتمشي إيه اللي حصل والصور دي إيه!!؟… إيه اللي بيحصل فهمني!!؟…عمر انا مش عايزة اضغط عليك بس احكي ليا إيه اللي حصل
عمر بعد ما جابت سيرة فريدة وتذكره للي حصل لأنه كان سامع كل حاجة وقتها… بص ليها وعنيه الزرقاء دي بقت داكنة وده يقلق بالنسبة لمي:انا جيت هنا إزاي وايه اللي حصل بعد ما فريدة مشيت…ومرفت بنت***فين!!؟
مي:مرفت!!؟…وكملت بتوتر… يعني اللي قالته فريدة صحيح…
عمر بلهفة: وحياتي يا مي قولي قالت إيه ووضعها كان عامل إزاي!!؟
مي: حاضر…
قبل يومين
فريدة خرجت من الاوضة وسابت عمر وهو غايب عن وعيه ومن غير ما تحس ما عرفتش هي إزاي وصلت عند مي عشان تاخد منها مالك!!!؟
مي فتحت باب غرفتها في الفندق وشافت حالة فريدة وقالت بذعر: إيه ده فريدة مالك في إيه…وبتعملي إيه هنا في وقت زي ده وعمر فين…!!
فريده ببكاء:مي لو سمحتي انا عايزة اخد مالك وأرجع مصر تاني انا حاسة نفسي مخنوقه اوي انا محتاجة ماما لو سمحتي سبيني
مي:طيب استني بس عمر فين الأول .
فريدة وكلمات مرفت مأثرة عليها:متجبيش سيرته قدامي…انا خلاص مش عايزه في حياتي…خليه هو وحياتي القديمة…وقالت بضعف…انا بكره..ه..هه…انا بكرهه…هو خاين!
مي بتوتر:ااا… ق..قص..صدك إيه ب خاين!!؟
فريدة حكت لمي كل حاجة وورت ليها كل الصور اللي كانت مبعوتة ليها…
مي: لأ مستحيل أكيد في حاجة غلط
فريدة بضعف:مفيش حاجة غلط ولا حاجة انا شوفته بعيني…لو كانت صور مكنتش هصدق…ههه هتفرق في إيه صور وحقيقة…انا شوفته بعيني…لكن للأسف لسا قلبي مش مصدق!!؟
مي:طيب اسمعي لقلبك واستني نعرف كل حاجة منه… فريدة انا عارفة عمر كويس ومتاكدة إنها معملش حاجة وفي غلط بالموضوع…
فريده:مش عايزة اسمع لحاجة انا عايزة أرجع مصر وبس مش فارق معايا عمر من النهاردة انا عايزة امشي من هنا بالله عليكي خليني امشي ارجوكي
مي اتنهدت بقلة حيلة:طب استني هجهزلك مالك وهكلم شهد تخلي الطيارة بتاع عمر تجهز كده ولا كده الطيارة موجودة هنا
فريدة:طيب بسرعة بس عشان عايزة امشي ب أسرع وقت!
…………………………………..
عمر:حصل إيه بعد كده!!؟
مي:كلمت شهد وبعدين كلمت يوسف عشان يستقبلها في المطار… عشان كانت هتوصل 6 الصبح بدري أوي…وخليت غيث معاها عشان يبقي عارف كل حاجة ويكون جنبها
عمر: يوسف مرنش ولا حاجة!!؟
مي بتوتر:رن بعد ما وصلت ب ساعة وكان بيسأل عن سبب حالتها…وانا مقولتش حاجة…ومش رن تاني!
عمر مسك خصلات شعره بغيظ وغضب مكتوم:يبقي قالتله وهو هينشف دماغه ومش هيخليني اتكلم معاها
مي ناولته كوباية ماية:خد اشرب واهدي كده عشان إنت لسا تعبان
عمر خد منها الكوباية وقعد يفتكر كل لحظة لما كان راكض على السرير وسامع كل كلمة قالتها مرفت وكل حاجة…وهو عارف كويس قد إيه كانت كل كلمة بتوجعها…كان بيحاول يقوم ويتحرك لكن كان عاجز…حاول يتكلم بردو مش عارف…كان سامع كل كلمة وبيتوجع معاها في كل لحظة…لما لمست أيده كان متخيل إنها هتحس بيه لكن لأ…اتراجعت بسرعة وخرجت…حاول يتحرك ويجري وراها ويلحقها لكن مقدرش وبعد ما خرجت اتشقلب حاله…وعرق جداً وطلع السائل الأبيض من فمه… واستسلم لظلام بعيد مبتعد عن كل الأصوات بعد ما كان في ظلام لكن في شعاع نور…قعد يفكر مين يا تري عارف بالكلام اللي قالته مرفت…وبقي كل همه يوصل لمرفت بأي ثمن…وعايز ينهي حياة كل شخص كان سبب في الموضوع…وبقي يكرر بصوت غاضب وهامس زي فحيح الأفعى
“مش هسمح للحياة إنها تاخد اللي بحبهم من جديد…مش هسمح لأي حد إنها يفرقني عن اللي بحبهم”
قعد يضغط على الكوباية ب أيده لحد ما بقت حتت في أيده…
مي بذعر كانت بتحاول تهديه وهي خايفة جداً لأن الغضب اللي بقي فيه ده ممكن يدمر أي حد قدامه وهو مش شايف قدامه أو في وعيه
مي:عمر اهدي عشان خاطري وهات ايدك أشوفها!!؟
عمر بغضب:ابعدي يا مي بالله عليك…انا مخنوق ابعدو كلكم عني دلوقتي…وقام بغضب انا عايز أرجع مصر حالا
مي: لأ مش هينفع لما تخف خالص
عمر كور ايده بغضب لحد ما بقت أصابعه بيضاء من كتر الضغط عليها…غير الدم اللي بينزل من الكف التاني بعد جرحه:انا قلت هرجع يعني هرجع!
مي بمحاولة إنها تقاومه: لأ يا عمر قلت لأ إنت مش شايف حالتك
عمر مسك أيديها بغضب:ابعدي عني عشان انا بجد مش شايف قدامي ولا عارف حد… متخلنيش ازعلك!!!
*********************
مالك:أقسم بالله اخوك ده لو شوفته هطلع روحه في ايدي
حازم:أيوة انا عايزة كده يا لوكا يا حبيبي…دافع عني عشان انا خليت السيد المثالي يشتم
مالك مسك حازم من ياقة قميصه بغيظ:إنت أخرس خالص كله من ورا جنابك!!؟
حازم:كان قصدي خير والله ايش عرفني أنه هيقلب كده
مالك:يا مصيبة يا بلوة…في حد يقول لأخوه الكبير…تعال بكرا عشان كتب كتاب أختك…الطم ولا اجيب لاطامة
حازم:كويس إني قولت ليه أصلا!!؟
مالك بهدوء:صبرني يارب…هيخرجني عن شعوري أقسم بالله
حازم بص لاظافره بلا اهتمام: متخافش هيجي بابا اقنعه
مالك ببرود:يجي ولا ميجيش المهم يجي يكسر عظمك…
حازم بدراما:بتتخلي عني في نص الطريق يا خاين!!؟
مالك بنفاذ صبر:حازم إنت عندك كام سنة!!؟
حازم:5سنين بلا فخر
مالك:طب قوم يا ******من جنبي…ومش هطلع روح آسر لأ انا هسيبه يطلع روحك إنت سبب كل حاجة
ده ***و*** وانا مش هرحمك يا حازم
كان صوت آسر من ورا حازم
حازم بلع ريقه بتوتر وبص لمالك:قولي إن انا بتخيل بالله عليك قولي بتخيل
مالك قام ببرود وبص لآسر:لحمه ليك وعظمه ليا… اشوفكم بخير
حازم:مالك استني…مش كنت هطلع روحه…ماااالك إنت رايح فين!!؟
مالك:انا شايف إن آسر معاه حق سلام يا زوما إلهي أشوفك متجبس!!
آسر:ده انا هجبسه من رأسه لرجله
مالك مشي وسابهم
حازم:اخزي الشيطان ده انا أخوك بردو!!؟
آسر ضربه قلم:بقي يا *** انا اعرف من صحابي إن اختي هيتكتب كتابها…وانا معنديش علم… لأ وإنت يا بيه بترن عليا وبتقولي متنساش تيجي عشان كتب كتاب ميساء… إنت ***ليه ده كله إن شاء الله
حازم:طب أقعد انا هفهمك…وانا عايز آسر العاقل المثالي يقعد يسمعني!!؟
آسر بنفاذ صبر:حازم انا مش بهزر إيه اللي بيحصل بالظبط…مش بسبب مكالمة تعمل ده كله… لأ وكمان انا آخر من يعلم!!؟
حازم أبتسم إبتسامة خبيثة:آسر أقعد بس أسمع الكلمتين اللي هقولهم 😏
آسر:هتقول إيه…اديني قعدت
حازم: بصراحة هموت واوفق راسين في الحلال من جديد
آسر: حازم بلاش غباوة مكنش سؤال هو
حازم:طب أسمع هقول إيه وبعدين اتكلم
آسر:سامع…
حازم:اهو يبقي اتنين في واحد كتب كتاب ميساء ومالك وقراءة الفاتحة بتاعتك إنت واسراء ولا خطوبة مفاجأة… إيه رائيك
آسر بتفكير قال بوجع:بس انا مش ناوي ارتبط…هو في حد عاقل يفكر في الارتباط!!؟… عشان تخلف وبعدين مراتك تسيبلك عيالك وتروح مع غيرك…ويبقي عندك أهبل ومعقد ومجنون ومثالي و…و..و…دي كانت فكرة عبيطة وقت ما كلمتك لكن دلوقتي لأ…انا فكرت كويس مش هرتبط…حتي لو بحبها من واحنا مراهقين… الافضل أدفن كل حاجة وأكمل حياتي واعيش زي ما انا عايش كده مش عايز الألم في حياتي!!؟
حازم قام وقعد قصاد آسر وقال بمرح…يااااه عندي فرصة انصحك يا سيادة المثالي…وكمل بجدية… آسر بص مش كل الناس شبه بعض كلنا مختلفين عن بعض مثلاً صوابعك العشرة مش زي بعض…بصمة كل شخص فريدة وبصمتك مفيش منها… واختلاف الصوابع ده زي البشر بالظبط…والبصمة دي فطرة كل واحد فين وقلبه من الداخل محدش شبه حد ومش معنى إن في حد مذنب يبقي في نظرنا الكل مذنبين زيه…ما هو مش هتاخد المجرم بجيرانه!!؟
آسر بهدوء: في ناس كتير شبه بعض انا مش هضمن إني مش همر باللي مر بيه بابا!!؟
حازم: لأنك بتحبها ويا مين عالم يمكن هي كمان بتحبك…زي الاتنين المخبولين مالك وميساء اهو حب طفولة يبني اختك بتحبه من وهي صغيرة ويمكن اسراء كذلك بس عشان مش بتتقابلوا كتير…هو اينعم إنتوا الاتنين مش زي بعض بس يلا أفضل إنت مثالي خجول وهي طموحة جريئة…هتشكلوا ثنائي عظيم مزيج بين الهبل والمثالية هتبقي حاجة اللهم صلي على النبي…عسل
آسر:مش هغيررر تفكيري
حازم:طيب انا عندي فكرة…ليه متحاولش تقرب منها مثلاً تحاول تعرفها…يمكن تغير رائيك…وسكت شوية وكمل بعد تفكير… أسمع مني واعملوا خطوبة وخدو وقت زي ما تحبو لحد ما تتعرفو على بعض وصدقني في الفترة دى هتاخد القرار الصح!!
آسر:انا خايف يا حازم أرجوك حاول تفهمني
حازم:عيب عليك متخافش يا عم طول ما انا جنبك هخليك تعدل فيها كل عيوبها على كيفك انا خبير بردو…ولو مش بتحبك انا عارف ازاي هتحبك!!؟… وبعدين بص حاوليك ما كل الناس عايشة حياتها في حب مفيش واحدة سابت جوزها وده يثبتلك إن مش كل الناس زي بعض في ناس عايشة في حب مهما مر عليهم سنين…مهما كبرو لسا بيحبوا بعض والدليل حي قدامك بابا وماما ليلى…الحب والتقدير اللي بينهم لسا زي ما هو…اي مشكلة بتحصل بينهم بيحلوها سوي وعمرهم ما ناموا زعلانين من بعض!!؟…مش كل البنات زي أمنا خالص…في كتير مختلف متحكمش عليهم غلط بسبب واحدة أنانية…عيش حياتك ومتسمحش للي إسمها امنا دي تكون سبب في تدمير مستقبلك زي ما كانت سبب في تدمير ماضيك…متسمحش ليها تقتل المستقبل زي الماضي…اتخطي الماضي وأثبت لنفسك إنها عمرها ما أثرت عليك…عيش حياتك يا آسر لو سمحت…
آسر:هحاول!
حازم:هتحاول!!؟… لأ يا حبيبي انا هقوم أتكلم مع أبوك واظبط الدنيا!!!… وبمحاولة يطمن آسر ويخليه يتشجع…اتعرف عليها كويس الفترة الجاية ولو مش مطمن او مش مرتاح خلاص يا سيدي اعرف انها مش من نصيبك…ونصيبك حد تاني…وقام بسرعة من جنب آسر…هيييييح مش هتقدر تكمل ضرب الحمدلله غرغرت بيك ونسيتك كل حاجة 👅…وطلع يجري
آسر:يا *** عيل مش متربي
حازم وهو داخل البيت:جهز نفسك عشان كلها ربع ساعة وهيتعمل ليك استدعاء ولي الأمر…اصلي هشتغل خاطبة وكده بقي ورايح اوفق رأسك في الحلال…اصل ميرضنيش افضل انا واخويا سناجل بائسة
آسر قام يجري وراه:استني يا متخلف بطل عبط يا حازم
…………………………….
قاعدة في اوضتها ومستنية حد!!
ليلى دخلت:مقولتيش مستنية مين!!؟
ميساء ردتش عليها
ليلى بهدوء:انا عمري في يوم ما طلبت منك إنك تعتبريني امك… دي حريتك الشخصية…لكن ليه مش عايزة تعتبريني صديقة…ليه إنتي بتكرهيني كده!!؟…نظراتك ليا عارفة بتقولي إيه!!؟… نظراتك بتقولي إنتي سبب تدمير حياتي… إنتي خدتي مكان ماما
ميساء بنفس الهدوء:ما ده صحيح!!؟
ليلى: لأ مش صحيح… إنتي مش عارفه امك كويس!!؟…لكن هيجي الوقت وتفتكري أو هتعرفي كل حاجة من جديد!!
ميساء:قصدك إيه!!؟
ليلى:هتبقي تفهمي بعدين…بس نفسي وقتها تعتبريني صديقة وتخليني أكون جنبك…متخليش نفسك تبقي بعيدة ووحيدة…
وخرجت ليلي وتليفون ميساء رن
ميساء:الو…تمام…مستنايكي اوعي تتوهي…طيب تمام!
………………………
حازم دخل على خالد المكتب: والله ابغي اقولك اريد 5 آلاف ارنب هذه المرة لكن استحي
خالد:نعم عايز إيه يا استاذ
حازم: أقسم بالله جاي في خير مرة تانية… إبنك جاي يفرح قلبك تستقبله بالوش الخشب ده!!؟
خالد: معنديش بنات تاني!
حازم: لأ المرة دي ابنك
خالد: إنت لسا صغير مش هينفع جواز دلوقتي!؟
حازم:مين قال إن انا العريس…عمتا كان نفسي أكون العريس لكن مع الأسف لأ
خالد بلهفة: لأ معقول آسر!!؟
حازم:اه وربنا آسر انا جيت افتن عليه آسر إبنك بيحب اس..
آسر دخل بسرعة:كدااااااااب
حازم قال بسرعة:البيه ابنك بيحب اسراء من وهو صغير يعني تقدر تقول كلهم بيحبو من الطفولة وانا اللي هفضل سينجل بائس!!؟
خالد:بجد الكلام ده يا آسر!!؟
آسر بنفي: لأ ده عيل كداب هو بس مش لاقي حاجة يعملها
حازم حط رجل على رجل وقال بثقة:تؤتؤ شايفني عيل للدرجة دي لأ ومفكرني أهبل وجاي من غير أدلة
آسر بدهشة:أدلة ليه اياكش انا متهم دي حياتي وخصوصيتي إنت ماااالك!!؟
خالد:خلص يا حازم فين الدليل!!؟
آسر بصله بدهشة:يا بابا بقول خصوصياتي وكان سر بدل ما تعلم إبنك الأدب…بتفسده!!؟
خالد:اسكت إنت ده انا مهصدق اجوزك…خليني أرتاح!!؟
حازم بهدوء طلع فونه وسمع لابوه حديثه مع آسر برة
خالد بهدوء:زي ما حازم قال ادي لنفسك فرصة في الخطوبة…ولو مرتاحتش تبقي تفركش مش مشكلة ومالكش دعوة بالماضي كل واحد ليه حياة مختلفة عن التاني…طول ما أنت فاكر الماضي عمرك في يوم ما هتارتح!!؟…وانا هكلم أمينة ونشوف موضوع الخطوبة النهاردة مع مالك وميساء!!؟
آسر:هو انا كيس جوافة بتكررو عني!!؟
حازم:هقولك بنكرر عنك ليه… لأني اخوك وعارفك إنت من جواك موافق ومقتنع لكن من برة عايز تعاند وتكابر وعايزنا نقعد نزن عليك لكن لأ إحنا مش فاضين لكده إحنا نفذنا من غير زن
آسر:هوافق بس بشرط
خالد وحازم:وايه هو شرطك
آسر:احم تقدرو تقولو كده مجموعة شروط… أولا كده محدش يدخل ولا يحاول يحلي الدنيا… ثانياً تصرفاتي محدش يبقي يعلق عليها… ثالثاً هي الفترة شهر ارتاحت كان بها ما ارتحاتش يبقي كله قسمة ونصيب ومحدش هيبقي يتناقش معايا…مفهوووم!!؟
مفهوم!
آسر:حيث كده انا خارج…تعال يا حازم عايزك!!
حازم بدراما:استني وحياة عيالك أسأل ابوك سؤال قبل ما استشهد برة!!؟
خالد:ههههه والنعمة عيل مش شاب خالص…سؤالك ياخويا
حازم:بابي حبيبي…هو وانا صغير مكنش فيه واحدة كده ولا كده في سني كنت بلعب معاها حتي لو كنت في اللفة اهو اي حاجة مش معقول اخواتي الاتنين يحبوا اصدقاء الطفولة وانا لأ…فكر كويس كده يمكن تلاقي واحدة…وبردو عايز نمرتها!
خالد: افندم…نمرتها إنت عبيط يبني!!؟
حازم بدراما:ولا عبيط ولا حاجة انا جدع كنت هكلمها دلوقتي !!؟
آسر ربع ايده وهتقول إيه بسلامتك!!؟
حازم وقف وبيستعد للاقاء خطاب:احم احم…هقول…أيوة ازيك بابا قالي إنك صديقة الطفولة…وانا الحمدلله أخواتي الاتنين واحد هيخطب صديقة الطفولة وواحدة هتجوز صديق الطفولة…وكلهم بيحبو بعض…وانا عايز اقلك إني بحبك أيوة اوعي تتصدمي انا قلبي مهزق بيحب اي حد بسرعة(انا لما احب كذا بطل رواية وكذا ممثل 😂)…بما انا اختي هتجوز واخويا هيخطب يبقا مش باقي غير قراية فتحتنا…بس يؤسفني اقولك إنهم هيقرو الفاتحة على روحي مش عشانا لأن أخويا الكبير ناوي يقتلني دلوقتي!!؟…سلام يا حب طفولتي الوداع …
خالد وآسر كانوا ميتين ضحك… والقاء حازم للخطاب كان كله تأثير ودراما اللي هو بيتكلم بجد مش بيهزر 😂
آسر:الله يخربيتك هموت…تعال عايزك في موضوع تاني
حازم:وراك يا كابير 😂
وخرجو الاتنين
آسر:كنت هسألك…
حازم قاطعها وعنيه مركزة على الباب وصفر ب اعجاب:اووووبا دي أكيد صديقة طفولتي ومش هكون سينجل بعد اليوم…مش معقول مزة من الآخر!!؟
آسر غمض عنيه بغيظ من أخوه…
حازم راح ب إتجاه الباب:احم خير يا آنسة اتفضلي عايزة مين… اكيد عايزني مانا حب الطفولة وإنتي جيالي
سارة مسكت خدود حازم بمرح:زوما إنت كبرت اوي يا قطة آخر مرة شوفتك وانت عندك 5 أو 6 سنين…بس مشاء الله لسا مش اتغيرت…لسا أهبل زي ما أنت
حازم: إنتي ماسكني من خدودي ليه ماهو مش معقول اكبر مني!!؟
سارة:انا اصغر من أسر ب سنتين يعني اكيد أكبر منك…انا اكبر منك ب 5 سنين يا قطة
حازم بدراما:مش مشكلة هنرتبط عادي السن مش فارق المهم القلب
آسر جه من وراه: للأسف سارة متجوزة!!
حازم:اه يا خاينة اتجوزتي غيري ما قدرتيش تصبري لما اكبر خاينة صحيح
سارة بصت لاسر:ده طلع اعبط من ما حكيت عنه إنت وميساء…هيييح
حازم:كمان بتقولي عني عبيط… لوما عندي مشوار كنت وقفت ورديت عليكي لكن لازم اظبط العريس لحسن شوية وهيكون رجل كهف بشعره الطويل ده سلام…
ومشي حازم
سارة:هو أهبل كده على طول!!؟
آسر: للأسف اه…يلا يا بنتي ميساء جوا مستنايكي من الصبح
سارة:طيب وريني اوضتها!!!؟
آسر خدها اوضة ميساء
ميساء أول ما شافتها جريت عليها وحضنتها
سارة:حيوااانة كنتي هتكتبي كتاب من غيري…كويس إني اتخانقت مع سام المتخلف وكلمتك وإلا مكنتش هعرف!
ميساء:اعمل إيه كل حاجة حصلت بسرعة ملحقتش اقولك!…بس إيه اللي حصل بينك وبين سام!!؟
سارة:حكاية طويلة هبقي احكيلك بعدين…بس المهم انا عايزة اتعرف على مالك بقي انا هموت واشوفه من زمان
ميساء:استني لحد باليل الله!
سارة بحماس:احكيلي شكله عامل ازاي هااا!!
ميساء:يوووه المفروض حفظتي وصفه انا قولتلك مليون مرة!
سارة:اوووف عايزة أضيع وقت لحد باليل عشان انسي الغبي اللي في دماغي… المستفز…انا بكرهه
ميساء بهمس:شكل موضوعكم كبير !!؟😂
سارة:وريني الفستان يلا!
ميساء: ثواني…وجابت الفستان
سارة: لأ حلو بس مش ضيق خالص كده مالك مش هيتكلم
ميساء:لأ مش ضيق!!
سارة:هو البعيد مش قفل زي الواد ابن خالتي…اوعي البعيد يكون اهطل زي بتاعي ومش بيعلق على لبسك لو موصلش للمستوى ده يبقي مش بيحبك!
ميساء بدهشة:لا والله!
سارة:اه زي ما بقولك كده انا ياما شوفت عشاق الغيرة بتاعتهم وتحفظهم بيبقي كبير… يوسف ابن خالتي انا عارفه كويس كان بيهتم بتفاصيل تافهة… وفريده على حسب ما بتحكي عن عمر كذلك الحال يوسف…
ميساء:اممممم
الباب خبط فتحت الباب ومش لقيت حد!
سارة: إيه مين… وبعدين شاورت على صندوق على الأرض إيه ده!!
ميساء: معرفش وخدته وفتحته كان فيه فستان من مالك
سارة صرخت بحماس أول ما شافته 😂:بيحبك بجنون يا ميسو ارتاحي يا قلبي 😂
ميساء:يلا نجهز مش باقي كتير!
……………………………
يوسف واقف قدام عربيته بثبات قدام المطار عنيه كلها مليانة غضب
وبعد ثواني معدودة خرج عمر وأول ما يوسف لمحه…في ثواني كان قدامه!
يوسف بهدوء: ممكن اعرف رايح على فين!!؟
عمر بغضب مكتوم:اظن الإجابة واضحة رايح اجيب مراتي!
يوسف:وانا مش هسمح ليك يا عمر…انا مش عايز وضعها يبقي اسوء من اللي هي فيه و…
عمر مش استني يوسف يكمل وفي ثواني ومن دون تردد كان مديله بوكس قوي ومن أثره يوسف نزف: محدش يقدر يمنعني هي مراتي وانا اكتر واحد هيخاف عليها خليك بعيد
شهد كانت قاعدة فى العربية ومي كانت واقفة بتعب بعيد وسايبة عمر مع يوسف لعلي وعسي يوسف يعمل اللي هي مش قدرت عليه…ويقدر يهدي عمر لكن هي وشهد الاتنين جريو عليهم لما عمر بدأ يضرب يوسف بجنون مش بوكس واحد
شهد برعب:عمر اهدي…في إيه مالك…سيبه يا عمر ارجوك!.
يوسف بيحاول يتفادى ضرب عمر: إنت إيه معندكش دم عايز تشوفها على أساس إيه بعد ما خونتها…انا مستحيل أسمح لك تقرب منها أصلا…
عمر وهو بيجز على اسنانه:هسالك سؤال واحد…عمرك فكرت تخون شهد
يوسف سكت ومش رد
عمر:زي ما توقعت عمرك ما فكرت ولا عمرك هتفكر أو هتعملها…وانا واثق فيك ولو كنت مكاني مكنتش هقف قصادك وتكون نظراتي ليك زي نظرات حضرتك كده كلها إتهام ومفكرتش حتي تسألني إذا صح ولا لأ…ف عشان كده ابعد من وشي …وزق يوسف بغضب ومشي
يوسف بص لشهد بتحذير:عارفة لو صوتك طلع هقطع لسانك
شهد بعدم فهم:مش فاهمة
يوسف راح ناحية عمر:هتفهمي دلوقتي
وفي اقل من دقيقة كان عمر واقع على الأرض أثر ضربة من يوسف…!!!
شهد حطت أيدها علي بوقها من الصدمة كذلك الحال مي
مي بصدمة: إنت عملت إيه!
يوسف بهدوء:كان لازم اسيطر عليه… لأنه متخلف ولو فعلاً معملش حاجة وراح لفريدة بعصبيته دي هيهد اللي باقي بينهم لازم يهدي كده…
وبعدين شاور للبودي جارد وطلب منهم ياخدوا عمر محدش منهم اتحرك من مكانه… لأنهم في الأول والآخر رجالة عمر… كانوا بيبصو لبعض بدهشة
يوسف بعصبية:لا والله هتفضلو تبصو لبعض كتير…يلا بسرعة شيلوه ولقحوه في أي عربية…لحسن أقسم بالله هطردكم كلكم…البودي جارد نفذو كلامه وشالو عمر بحذر وحطو في العربية!
………………………….
(بارك الله لكم وجمع بينكما في خير)
كانت جملة المأذون بعد ما تم كتب كتاب ميساء ومالك…
سارة كانت واقفة طول الحفلة بتشبه على مالك وإنه عمر…بس هي مشفتش عمر غير مرة واحدة ف مبقتش متأكدة آخر ما زهقت خدت صورة لمالك وبعتتها لفريدة!
وبعد ما الحفلة انتهت مالك جاله إتصال من خليل
خليل: والله يا عريس مكنتش عايز ازعجك في يوم زي ده لكن أنا آسف بقي!!؟…بس الموضوع مهم
مالك بضيق:نعم في إيه!!؟
خليل: دلوقتي مرات عمر الصياد والواد إبنه جنبك في الفيوم موجودين من امبارح…ودي فرصتك المناسبة عشان تخطف الولد ومفيش اي حراسة…وغير كده العيلة فيها فاسدين كتير ممكن يساعدوك!
مالك بتوتر:عيلة مين!!؟
خليل:عيلة البحيري جنبك على طول مفيش فرق بينكم غير 15 دقيقة وبس
مالك:هي مراته من هنا من الفيوم!!؟
خليل: أيوة ودلوقتي هي عند جدتها ام والدتها الحجة عائشة البحيري اكيد إنت عارفها كويس…مش عايزين نطول كتير لو ابن الصياد مكنش في أيدي آخر الأسبوع ده ف حط في بالك إن مراتك حبيبتك إحنا عارفين طريقها كويس وإنت عارفني كويس يا مالك…انا بقتل ومش بيرف ليا جفن…إنت فاهمني…لو المهم فشلت يبقي انسي عروستك فاهم كويس!!؟
مالك بخوف:خليل اياك والواد هيكون في ايدك قبل الميعاد اللي قولته…لكن إياك تقرب من حد تبعي اياك
خليل قفل السكة في وشه
مالك رمي تليفونه بغضب وبقي في أتم الاستعداد إنه يخطف مالك والموضوع بقي سهل بالنسبة ليه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
