رواية بلوة حياتي الجزء الثاني الفصل العاشرة 10 بقلم سارة
رواية بلوة حياتي الجزء الثاني الجزء العاشر
رواية بلوة حياتي الجزء الثاني البارت العاشر
رواية بلوة حياتي الجزء الثاني الحلقة العاشرة
لحلقة العاشرة
عمر:الو…مين
مرفت:انا مرفت يا عمر…انا هنا في باريس…في فندق ***
عمر: وإنتي بتعملي إيه هنا… وعرفتي إني هنا منين!!؟
مرفت.بتمثيل المرض وبصوت تعبان وبتاخد نفسها بالعافية:مش وقته انا بموت إنت عارف إني عندي الرابو ونسيت البخاخ الحقني ارجوك
عمر:طيب اقفلي…اقفلي انا جاي اهو مش هطول
عمر قام من جنب فريده بخفة وكالعادة فريده في سابع نومة مهماً حصل لما بتنام مش بتحس بحاجة…
عمر لبس هدومه وقبل ما يخرج ميل وباس فريده وقال:انا آسف… المفروض اقولك قبل ما امشي لكن مفيش وقت أما تصحي هقولك كل حاجة…
عمر راح بسرعة واشتري العلاج وراح علي الفندق اللي مرفت قالت عليه وسأل عليها وطلع على اوضتها بسرعة
مرفت فتحت الباب بتمثيل التعب وبنفس متقطع: الحمدلله إنك جيت انا بموت…جبت البخاخ
عمر زفر بضيق وادلها البخاخ وكان ماشي لكن مسكته مرفت وقالت بتصنع التعب:استني شوية طيب
عمر دخل وقعد على اقرب كرسي ومرفت اخدت علاجها
عمر:هااا…حاسة نفسك افضل!!؟
مرفت:اه شوية!!
عمر: إنتي إيه اللي جابك هنا!!!؟
مرفت:انا جاية هنا شغل
عمر بشك:متأكدة!!؟
مرفت:أيوة انا هنا على فكرة من يوم ***
عمر سكت لبرهة لأن التاريخ اللي جت فيه قبله ب تلات ايام وقال في نفسه”موجودة هنا قبلي ب 3 أيام…مش عارف هي اللي غبية عشان قالت علي التاريخ وخلتني أتأكد من شكي ياما هي وجودها هنا صدفة…بس انا قلبي مش مطمن للموضوع…!!….هي ممكن تكون عارفة إني جاي هنا من الكشف ف جت قبلي وده معناه إنها هتعملي مشكلة اكيد انا لازم اخد بالي!!؟”
مرفت:انا آسفة بجد ازعجتك في وقت متأخر!!
عمر:مش مهم…المهم عرفتي إني هنا منين!!؟
مرفت بتلقائية مدروسة:كنت شوفتك انهاردة في المول وإنت مع مراتك…!!
عمر:اهاااا…طيب لو حصل معاكي اي مشكلة تاني ابقي كلمي اي حد في الفندق…كل حاجة موجودة هنا…انا جيت بس عشان إنتي تعبانة…لكن لو كلمتيني تاني فانا مش هاجي… مرفت لازم تفهمي لو حصل بينا حاجة ف كانت في الماضي وكل حاجة انتهت بمجرد ما حبيت فريده…إنتي فاهمني كل حاجة كانت ماضي…وانا عمري ما وعدتك بحاجة!!…وانا كان يستحيل اقابلك ولا أشوفك بعد محاولتك للتقرب مني آخر مرة!… فاكرة!!؟
مرفت: عمر انا بجد آسفة على كل حاجة حصلت مني في اليوم ده انا بعتذر منك وياريت تقبل اعتذراي…انا مش عايزك تبقي مضايق مني علي اللي حصل ممكن تسامحني
عمر بهدوء:مسامحك…
مرفت: لأ مش مصدقة…استني أما احط عصير ونشرب سوي
عمر: لأ متشكر…انا همشي انا الظاهر إنك بقيتي أفضل!
مرفت:طب لو سمحت…اشرب حاجة بس عشان ابقي مطمنة إنك مش زعلان مني!
عمر: إذا كان كده ماشي!
مرفت:طيب ثواني
********************
في منزل عائلة المهدي…
ميساء:يا حازم قوم مش معقولة تنام بدري كده ده لسا الساعة 7 المغرب!
حازم وهو بيخرف ويتكلم وهو نايم بنبرة مش مفهومة:ماشي يا أسيل بقي انا تعملي فيا كده وتقري رسايلي من غير ما تردي… إن ما عملت ليك بلوك
ميساء بدهشة:بلوك مين وبتقول إيه ما تقوم يا بني!!
حازم مازل بيخرف وهو نايم وكان باين عليه الإرهاق وهو نايم
ميساء:يا حازززززززم عايزك ضروري
حازم مازال نايم بعمق: أيوة بالظبط يا مالك هطب عليها من الشباك ما هو إنت مش هتستني رضوى الشربيني تفسد عقلها!!!
ميساء قعدت تضحك بشدة على كلام حازم وكان خالد وليلى خارجين الجنينة شافو باب اوضة حازم مفتوح وميساء ميتة من الضحك 😂
خالد هو وليلى: خير في إيه
ميساء بمحاولة السيطرة على ضحكها: الواد حازم نايم وبيعترف ب اعترفات خطيرة
حازم:حسبي الله ونعم الوكيل فيك يا آسر هتخليني اعنز جنبك وادي البت مش بترد عليا منك لله خرط عليا
ليلي وخالد بردو فضلو يضحكوا
وكان مالك برا مستني حازم عشان يخرجوا سوي زي ما اتفقوا
مالك بغضب: اووووووف يا حازم يا زبالة المفروض نخرج على الساعة 6 كده مش هنلحق نشتري المطلوب…اشوفك بس وانا اعمل منك كفتة…وكمل بغضب…وانا استني ليه مانا اروح اجيبه من اوضته من قافه كده ولا كده اوضته في المدخل والدور الأول كمان
ودخل مالك بهدوء ولقي الكل واقف فوق راس حازم وبيضحك
مالك:هو فيه إيه!!؟
خالد:ههههه تعال يا مالك الواد حازم بيقول مصايب وهو نايم…استني يمكن يجيب سيرتك
حازم:ياض يا غبي أفهم انا هطب عليكم وتجوزو بقي عشان الفضيحة…
مالك:ا*يه…ده شكله هيقول كل حاجة
مالك بصوت حاد:يا حازم يلا هنتاخر ع المشوار
حازم نايم لكن كان حاسس بدوشة حواليه فتح طرف عينه وشاف الكل فوق دماغه للحظة اتخض واتفزع وقام بشكل مش كامل:في إيه…انا موت!!؟
الكل يضحك:لا ابدا بس كنت بتخرف وإنت نايم
حازم بصلهم بصة جانبية ورجع حط دماغه ع المخدة تاني:بيته مفيهوش ريحة خصوصية …وبعدها راح في نوم عميق تاني
ليلى: نفسي أفهم بيلحق ينام في ثانية كده إزاي !
خالد:ما علينا نطلع إحنا ونسيبهم يصحوه
وخرج خالد مع ليلى
بعد خروجهم مالك قرص حازم بقوة
حازم قام بفزع:ااااااااه مين الغبي اللي عمل كده
مالك ببرود:انا عندك اعتراض
حازم:ما هو واضح أنه إنت يا ابو أيد تقيلة…عايز إيه إنت وهي
مالك وميساء بصوت واحد :عايزك ضروري!
حازم وهو بيتصنع الغرور: لأ براحة كده… أولا انا مش بفكر في الارتباط…بلاش اكسر قلبكم…انا ناوي أفضل سنجل بائس!… وبعدين انتوا الاتنين كتب كتابكم بعد بكرا!!؟
ميساء وبعد ما افتكرت اللي حصل ابتسمت ابتسامه بسيطة ووشها احمر
حازم بص لمالك:كله بفضلي 😏😌
مالك بصله بغيظ وافتكر هو كمان عمل إيه وخرج بحرج:احم انا خارج …وخرج
حازم مازحا:خرج العريس عايزة إيه بقي يا عروسة
ميساء:بس بقي يا حازم كل ما بنسي تفكرني
حازم وهو سارح بخياله:عبالي 😂🌚
ميساء سرحت تفتكر اللي حصل…
قبل يومين~~~~
ميساء:حبك!!؟
مالك:أيوة حبي ممكن تدي لقلبك فرصة إنه يرجع يحبني من جديد… ممكن تديني فرصة اوضح اللي حصل من سنتين واكتر… ممكن تديني فرصة اعبرلك فيها…عن مدى حبي ليكي!!؟
ميساء قامت وانفاسها مش مظبوطة من صدمة اللي سمعته…مبقتش عارفه اللي بيحصل بجد ولا حلم…ولا بجد ترد وتقوله إنه مش محتاج فرصة وإن هي لسا بتحبه وبتموت فيه ولا تصرخ في وشه على اللي خلاها تحسه من سنين…فضلت واقفة مش بتكلم صوت انفاسها بس العالي…بعد اللي قاله مالك حست بالاختناق…يمكن من السعادة أو صدمة شعور هي نفسها مش قادرة تميزه…مردتش على مالك…هي هربت من قدامه
اما بالنسبة لمالك فهو خاف لحسن متديش ليه الفرصة إنه يوضح ليها خاف من إنها تصده للأبد وترفض حبه…ف راح لحازم بخوف
كان حازم وقتها بيحاول يكلم أسيل لكن بلا جدوي
مالك: ممكن أدخل!!؟
حازم:تعالي اتفضل…هااا احكيلي حصل إيه!!؟
مالك:حصل….وبس كده يا سيدي هربت
حازم:وإنت سبتها تهرب يا موكوس على عينك!!؟
مالك:اومال عايزني اعمل ايه
حازم:كنت اتصرف… اهي زمانها بتتفرج على رضوى الشربيني… وبعدين هطلعهم على جتتك…بس استني
مالك:مين رضوى الشربيني دي!!؟
حازم:دي اللي هتربيك…دي واحدة بتعلم البنات ازاي يطلعوا عنينا وكده!!
مالك:طيب هي بتعلم البنات…إنت حاشر مناخيرك ليه!!؟
حازم بغرور: عشان ابقي عارف وسائل الهجوم بتاعتهم…واجهز وسائل الدفاع (حازم ده مش سالك 😂)
مالك:طب والحل بقي!!؟
حازم بتفكير:امممم… عندي خطة تخليكم تتجوزو حالا
مالك بفضول: إيه!
حازم:انت نط عليها من الشباك…وانا هطب عليكم فجأة…واقول هغسل عاري ب أيدي وكلام من ده وبعدين اجيب المأذون ونخلص الليلة
مالك ببرود: إنت عبيط يا بني!!؟…ده ولا الافلام
حازم: أيوة فيلم سمير وشهير وبهير!
مالك:هو بص بعيد عن الهبل اللي قولته ده…ف انا فيه حتة لفتت نظري!
حازم:هي إيه 🤔
مالك:انا هتشعلق في الشباك وهقولها الكلام نفسه ف هي هتوافق عشان هتخاف اسيب نفسي لحسن اموت
حازم:ما أنت طلعت عيل واهبل زيي اهو!!؟
مالك:طيب انا هروح اعمل اللي قولت عليه…وبص لحازم بتحذير مخيف… أقسم بالله يا حازم لو فكرت تعمل اي تصرف غبي… لأكون جايب اجلك وحط في بالك إن ده مش تحذير ده حقيقي وربنا
في المساء
طلع مالك على سلم خشبي بمساعدة حازم ومسك في شباك اوضة ميساء 😂(عرق الجنون ده مقسوم بالنص بينه وبين عمر 😂)
مالك:بس بس بس
ميساء بملل وهي بتكتب خواطر:بس يا حازم بلاش رخامة
مالك:أخص عليك يا خيانة مش عارفه صوتي!!؟
ميساء قامت بفزع وبصت وراها:ااا…ان… إنت… بتعمل إيه هنا!!؟
مالك:جاي أسمع ردك 😌
ميساء:ردي على إيه!!؟
مالك:هتديني فرصة تانية!!؟
ميساء سكتت
مالك: ميساء انا عايز اقولك على حاجة
ميساء:قول
مالك:انا تعبت من إني اخبي بس انا بحبك…بحبك بجد صدقيني…من وانا صغير وانا بحبك…وكل ما بكبر حبك بيكبر في قلبي…ارجوكي اديني فرصة انا محتاجك جنبي الفترة الجاية…في حاجات كتير عايز اقولها لكن صدقيني هقولها في الوقت المناسب… أرجوكي…حاولي تديني فرصة…
ميساء:بس إنت قولت إنك بتحب غيري!!؟
مالك:انا عمري في حياتي ما حبيت غيرك…وكمل بغيظ…انا قولت كده عشان استفزك زي ما حضرتك بتستفزيني!!؟
ميساء بتصنع الدهشة وعدم الفهم:انااا!!؟
مالك بتقليد لصوتها: أيوة انتي…ده سام حبيبي ومش عارف إيه
ميساء بتوتر:اه صحيح سام نسيت اكلمه النهاردة
مالك:ميسااااا…انا متنيل عارف عنه كل حاجة…وعارف أن كل اللي بينكم صداقة وإنه جوز صحبتك… وكمان صحبتك دي من هنا…هاااا اي حاجة تاني!!؟
ميساء: وإنت… عرفت كل ده منين
مالك:مالكيش دعوة انا مستحيل أسمح لحد يقرب من حاجة تخصيني…!!
ميساء:وانا مستحيل اسامحك على اللي حصل قبل ما اسافر وتصرفاتك معايا و…
مالك بمقاطعة:محصلش بيني وبينها حاجة دي كانت مجرد خطة عشان امنعك تعترفي ليا بحبك…مش إنتي كنتي جاية عشان كده!!؟
ميساء: أيوة عرفت منين
مالك:مش مهم عرفت منين المهم اني كنت عارف إنك هتعترفي بحبك…ودي كانت الطريقة الوحيدة قدامي عشان اتصرف واخليكي تبعدي عني… لأني… لأني
ميساء: لأنك ايه!!؟
مالك: لأني كنت خايف عليكي… وكمان لسا متأثر بموضوع عيلتي وكده… وكمان في حاجات صدقيني عايزة اقولها ليكي…بس…انا مش شايف إن ده الوقت المناسب…وعد لما يجي الوقت المناسب هقولك…بس انا هكون محتاجك جنبي في الوقت ده…هكون محتاج إيدك تساعدني… لأني وقتها مش هيكون عندي قوة اقف من جديد إلا بمساعدتك…ف عشان كده اديني الفرصة دي اقبلي تكوني جنبي…إحنا هنكتب الكتاب بس…مش هنعمل فرح ولا حاجة…غير بعد ما اقولك كل مخاوفي ومش هيكون بينا اسرار… واضاف بمرح…وافقي يا ميسو عشان انا عارف دلوقتي إنك من جواك بيصرخ من السعادة والحب زي حالي تماماً وافقي عشان انا حافظك وعاجنك وخابزك كويس انا اللي مربيكي يعتبر…وافقي يلا تديني الفرصة…يلا بقي خلينا ننجز
حازم من تحت الاوضة لأنه اللي ماسك السلم:هاااا نزغرط ونجيب شربات!!؟
ميساء ربعت ايديها بغرور طفولي:سبني افكر وبعدين هبلغك قراري
مالك فتح فمه بصدمة:هااا قولتي إيه…سمعني تاني كده…بت إنتي اتهبلتي ولا إيه…هو إيه ده اللي هتفكري…ما انا وإنتي عارفين القرار كويس…ميساااء متحاوليش تستفزيني لو سمحتي عشان ممكن اطب عليكي دلوقتي وانفذ فكرة اخوك الاهبل اللي تحت واخليه يمسكنا بفعل فاضح ونبعت نجيب المأذون
ميساء: الله ما تسكت يا جدع إنت سبني افكر ده من حقي!!؟
مالك:طيب انا نازل بدل ما ارتكب جريمة…مش كفاية إني تصرفاتي بقت اشبه بالمجانين بسبب حضرتك…انا بقيت شخص مختلف ومجنون مبقتش مالك البارد… روحي منك لله كله بسببك…اتلميت على أخوك العيل ده وشكلي هتعدي منه
ميساء:ممكن تتفضل لو سمحت
مالك نزل وقابله حازم
حازم:هااا فرحني قالت إيه!!؟
مالك بغضب مغلف بالبرود: إنت تسكت خالص عشان انا مش ناقصك…قال هتفكر قال!!؟
حازم:هي قالت كده…يبقي اللي كنت خايف منه حصل!!
مالك باهتمام: وايه اللي كنت خايف منه!!؟
حازم بهدوء:اتفرجت على رضوى الشربيني…وعملت عليك حركة هجوم…بس انا عندي حركة الدفاع وهنهجم أحنا
مالك اكتفي بنظرة حارقة وسابه ومشي
حازم:طيب بص انا طالع اتكلم معاها وبعدين هرد عليك…تمام!!؟
مالك:تمام
وطلع حازم لميساء
كانت ميساء رايحة جاية في الاوضة…هي كده ولا كده مش محتاجة تفكر… عشان دلوقتي قلبها وعقلها ليهم نفس القرار…لولا كبريائها كانت صوتت في وشه وهي بتقوله موافقة انت مش محتاج فرصة إحنا هنبدا من جديد انا بحبك من سنين وكنت بتمني حبك مكنتش اعرف إنك بتحبني انا موافقة وانا بحبك…كانت وقتها بتفتكر كلامته وهي اسعد واحدة في الدنيا يعتبر!!
حازم.بمزاح قبل ما يدخل:ازيك عاملة إيه…ياريت تكوني خدتي وقتك في التفكير
ميساء بسعادة عمرها ما تقدر تخبيها عن حازم وكمان عايزة تشاركه سعادتها جريت عليه وحضنته: مواااااااافقة ♥️
حازم حضنها بحنان وهو من جواه سعادة أنه قدر يخليها سعيدة بالشكل ده:كنت عارف على فكرة إنك موافقة!!
ميساء بعدت عنه بشك:حازم إنت قولت ملاك…وحبيب واعتراف وسعادة والخ…إنت كنت تعرف حاجة عن الموضوع!!؟
حازم: لأ مكنتش اعرف بس قلبي كان حاسس من تصرفات مالك وبعدين إنتي أختي… يعني بشوف مستقبلك وبووووم اخيراااااااا حد منكم هيتجوز كنت خايف نعنز كلنا مع بعض 😂
ميساء: تصدق إنك رخم اطلع برا عايزة انام 😏
حازم:كنت طالع من غير ما تقولي ورايا حاجة مهمة كده
ميساء:يلا قول لمالك إني موافقة…خليه يروح يكلم بابا!
حازم: لأ ما هو كلمه متخافيش…ده إحنا قولنا لبابا إنك موافقة مقدماً
ميساء:غبييييي…اطلع براااا
حازم خرج ورن على آسر
آسر:الووو… تصدق إنك إبن حلال!!
حازم:طب أسمع انا متصل ليه …
آسر قاطعه:كنت عايز أسألك هي إسراء مرتبطة أو في أي حاجة كده ولا كده خلينا نبقي على نور
حازم فتح فمه بصدمة:اسراء مين!!؟…قصدك إسراء بنت
آسر:أيوة بنت عم مالك…اخلص
حازم وهو مازال مندهش: لأ بس بتسأل ليه… وبعدين إنت مالك!!؟
آسر:يا بني مش إنت نفسك إني ارتبط…انا بقي في نيتي احقق اللي إنت عايزه!!؟
حازم بفرحة:قول والله انا مش مصدق إنك فكرت في الارتباط أصلا…ولا مختار مين اسراء…ده إنتوا الاتنين كل واحد من كوكب بس يلا انا كده هموت مرتاح…
آسر:ههه هفك عقدتك يا اميري الصغير…ثم إنت مالك عاجبني انا الكوكب الآخر… والحديث ده سر بينا يا حازم
حازم:ما كفاية اسرار يا جدعان…مش ناقصة فضايح هي
آسر:مش فاهم قصدك إيه!
حازم: لأ متقدش… أقفل إنت وظبط موضوع الارتباط ده!
آسر:استني يا بني كنت هتقول إيه!!؟
حازم:هبقي اقولك بعدين مش عايز اخدك من عالم الحب…سلام
آسر: سلام
وانتهت المكالمة
حازم في نفسه”سبحان مغير الاحوال… اخواتي شكلهم هيرتبطو قبلي!!؟…وانا اللي هفضل سنجل…وقال انا اللي كنت مفكر إني هرتبط قبليهم لكن أخواتي غفلوني وهيرتبطو…ده حتي مالك البارد وآسر الميؤوس منه هيرتبطو… لأ انا لازم اتصرف!”
وراح حازم قال لمالك على موافقة ميساء
مالك…أصلا كان عارف قرارها…لكن كان جواه خوف وقلق بسيط…بس كان سعيد جداً…وخالد والد ميساء كان سعيد إن مالك نفذ إللي هو عايزه بسرعة وكان ممتن ليه… ميعرفش إن مالك هو اللي ممتن ليه… لأنه كان محتاج كده من زمان…محتاج حد يدعمه ويساعده إنه يتقدم خطوة في الموضوع وكلامه مع ميساء…لو مكنش حصل اللي حصل كان هيطول لما ياخد خطوة…حتي لو كان بعد عن العالم المظلم!!؟
في الوقت الحالي~~~~~
حازم: خلاص كفاية كسوف ها كنتي عايزة إيه!!؟
ميساء:هتيجي معايا عشان توصلني لحد ما اشتري فستان… إنت عارف إن مالك هو اللي كان بيوصلني الاماكن اللي انا عايزها!
حازم: أيوة عارف!
ميساء:طيب يلا لسا بدري شوية يلا
حازم سكت وبيفكر وفي نفسه”طب اتصرف ازاي انا المفروض خارج مع مالك… عشان يشتري الفستان ليها!!…ويشتري كمان حاجة لنفسه وهي مفاجأة أضحك عليها إزاي!!؟”
حازم باسها من خدها:طيب بكرا يا حبيبتي… عشان انا عايز انام… عشان في البيت هنا فيه أشخاص ميعرفوش ريحة الخصوصية وكانوا واقفين فوق دماغي وانا نايم…مش عارف إيه ده افرض بقول حاجة مش لازم حد يعرفها!!؟… إيه عمركم ما شوفتو حد بيتكلم وهو نايم!!؟
ميساء: خلاص يا عم المفركش!
حازم: افندم يا اختي
ميساء:مش إنت بتقول إنك هتعمل ل أسيل بلوك!!؟…يبقي مفركش
حازم: أولا…ولسا مش كمل ولقي إتصال انستجرام علي فونه…بص لميساء وقالها:مش مفركش اهي بترن 👅ورد ع المكالمة
أسيل رنت عليه بعد تفكير طويل في كلام يوسف وهي طبعاً ثقته فيها عنده أهم…في الأول وفي الآخر هو الأب بالنسبة ليها…وثقة الأب أو الأهل بمعنى أصح…ثقتهم اهم حاجة ومفيش حاجة أهم حتي لو كان إيه
حازم بغضب: أيوة يا زفتة ربنا خدك وريحنا ولا المذاكرة واخداكي
أسيل:براحة يا حازم… أسمع هقولك ايه!
حازم بهدوء:امممم سامع
أسيل:بص يا حازم إحنا اصدقاء من زمان وكده…وانا عمري ما فكرت غير في صداقة وبس وطبعاً مش هنكر إنك جزء مهم من حياتي والله…بس طبعاً عندي الأهم في حياتي وطبعاً ده أبيه يوسف وماما واختي وهما شايفين إني اللي بعمله غلط…وانا مش هزعلهم مني أولا انا كلمت كتير زمان لكن إنت الوحيد اللي مطلعتوش من حياتي بعد وعدي لفريده اختي…لكن دلوقتي انا لازم أكون قد ثقة أبيه ومزعلوش…ف
حازم:ف طبعاً مش هنتكلم تاني… أولا إنتي معاكي حق… ثانياً ثقة أهلنا أهم حاجة وانا مش زعلان وبعترف كمان إنك جزء مهم من حياتي…لكن أنا عشان عندي أخت وانا زيي زي اخوكي مستحيل أسمح ليها تكلم حد حتي لو صداقة… عشان كده ما لا ترضاه لنفسك لا ترضاه لغيرك…وانا يا سيتي مش زعلان بس إنتي قوليلي حتي عنوانك!!؟
أسيل: يخربيت كده والنعمة هتوحشني رخامتك..
حازم بمرح:خلصي إنتي تالتة ثانوي وهبقي اكلمك بعدها وابقي اجي ابارك ليك مخصوص بالمرة اتعرف علي اخوك !
أسيل:طيب يلا هقفل بقي وانا اللي هعمل بلوك هاا!؟
حازم: لأ متعمليش وانا وعد مش هتكلم خلاص اشطاااا؟
أسيل:تمام… سلام!
انتهت المكالمة
حازم:فركشت اهو يا اختي…اي خدمة
ميساء:هو إحنا ليه اخوات مش كان زمانا دلوقتي مرتبطين…ده إنت طلعت عاقل قوي مش زي ما بيظهر عليك…والنبي انا محظوظة ب اخواتي الاتنين…عسلات يا ناس
حازم:طيب سبيني انام بقي 😐😐
ميساء:حاضر هسيبك تزعل مع نفسك 🙂🙂
~~~~~~~~~~~~~~~
في احد المطاعم…
يوسف:احم انا آسف لأن المعاد متأخر شوية…لكن صدقني هو ده الوقت الفاضي عندي في الفترة دى وخصوصاً إن عمر مسافر وكده
آسر: لأ عادي مش مشكلة انا سعيد إني شوفتك مر وقت كبير على اخر مرة!!؟
يوسف بص للي قاعدة جنب آسر وهي اسراء
آسر فهم نظرته إن الماضي خاص بيهم وإن اللي قاعدة جنبه متعرفش حاجة!
يوسف:طيب يا بشمهندس آسر يلا نبدأ في مناقشة المشروع
اسراء بصت ناحية آسر بصدمة: إنت آسر!!؟
يوسف!!!!!
آسر:احم أيوة انا بس محدش في الشركة يعرف…وبص ناحية يوسف…انا موجود في فرع الجيزة فترة ومحدش يعرف هوايتي الحقيقة…ودي اسراء بنت عم محمد إنت أكيد عارفه!!؟
يوسف:اه افتكرت…اسراء المشكلجية المغرورة
آسر: بالظبط
يوسف: تشرفنا…فرصة سعيدة إني اشوفكم بعد السنين دي لسا فريق واحد!…
آسر: لأ إحنا نطلع من موضوع الفرق دي عشان ده موال
يوسف: أيوة يلا…
وبدأ يوسف وآسر يناقشو المشروع وكل ده وهما مركزين أما اسراء ف كانت في عالم تاني كانت في دماغها إنها جاية مع آسر على أساس تتقرب من يوسف!!…وهي بتعمل ده كله عشان توصل للفلوس وتكون زي ميساء كان هدفها في البداية آسر لكن شافت إنه بعيد…وهي عارفة كويس إن أمها بتعمل كل ما ب ايديها عشان تبعدها عن آسر!!؟…لكن دلوقتي آسر قدامها وقريب منها!!؟…وهي فرحت من جواها مش عشان شافته من جديد…لاء عشان هتقدر توصل للي هي عايزه وتنفذ الكلام اللي قالته لامها وآسر اقصر طريق عشان توصل للي هي عايزه!
يوسف:خلصنا… وافكارك للمشروع كويسة جدا… والحمدلله عدي اللقاء بسلام!
آسر: احم قصدك إيه!!؟
يوسف:لا ابدا كنت خايف أول ما نشوف بعض نقلب اطفال زي زمان ونتخانق أو كمان نتخانق عشان رجوع اهلنا…واكيد كلموكم مثلاً زي ما والدي كلم أسيل
آسر بدهشة:كلم اختك!!؟
وبعد ما يوسف قال الكلام ده آسر قلق وخصوصاً إن لسا ميعرفش إن أمه كلمت ميساء…ومازال حازم مش قاله اي حاجة
يوسف:امممم…بس الحمدلله جات في أسيل…وانا هتصرف في الموضوع
آسر:وانا كمان انا مش هسمح ليها إنها تيجي تشتتنا وترجع تمشي بعد ما تاخد فلوس…أو تيجي تنكد على ابويا أو عليا وتمشي!!؟
يوسف ملس علي شعره:ياريت لو قدرت توصل لحاجة بردو بلغني… عشان انا زيي زيك مش عايز السلام والهدوء يروح من عيلتي!!
آسر:تمام…وكذلك الحال عندك
يوسف:اوك… والله وكبرنا وعقلنا إحنا كنا بنتخانق كتير اوي وأحنا صغيرين!!؟
آسر ملس على شعره بحرج:انا اللي كنت بتخانق الأول…كنت هادي مع الكل لكن مكنتش هادي معاك
يوسف:عارف…عارف
اسراء: الماضي حلو بردو كنا فرق ضد بعض انا فاكرة… حضرتك وآسر كنتو بتقضوها خناق وفريده وميساء بيقضوها كلام لحد ما إنتوا تخلصوا من ضرب بعض
آسر:هههه… أيوة أختك كانت بتقعد تستناك لحد ما نخلص وفي الآخر تقولك خلصت ولا لسا عايز تتخانق زي المجانين!!؟
يوسف:ياااه يا بني دي كانت أيام!
وقعدو يرغو في الماضي قد كده!
~~~~~~~~~~
في باريس…
مرڤت:اتفضل
عمر خد العصير منها وشربه وهو حاسس إن فيه حاجة غلط
مرفت كانت عنيها مركزة مع عمر وتحركاته لحد ما خلص كوباية العصير
عمر:انا هقوم انا دلوقتي… عشان مش عايز أتأخر على فريده…
ومفيش ثواني وحس بدوخة غريبة وبقي شايف الدنيا مشوشة قدامه ومش عارف يتحرك
مرفت كانت متابعة كل حاجة ب إبتسامة خبيثة وسعيدة من اللي هي شايفه
لحد ما في الآخر فقد وعيه ومرفت بدأت تنفذ خطتها
بعد مرور بعض من الوقت
عند فريده
كانت صحيت وبتدور على عمر قعدت تستني شوية لكن بردو ل جه ولا حاجة رنت عليه
فريده: إنت فين ومشيت من غير ما تقولي ليه!!؟
مرفت ردت عليها بسخرية:مش قولتلك بيخونك بس إنتي اللي فضلتي لازقة فيه!!؟
فريده:مرفت!!؟…وكملت بقلق…عمر فين !!؟
مرفت:عمر هنا معايا من البدري…هو دلوقتي في المكان المناسب معايا… كالعادة
فريده بحدة: إنتي بتقولي إيه…ده مستحيل أكيد في حاجة غلط!!
مرفت:مش مصدقة تعالي شوفي بنفسك!!
فريده: مكانك فين قولي بسرعة!!؟
مرفت قالت ليها علي المكان وفريده لبست وخرجت
خرجت وهي بتتمني إن اللي بتقوله مرفت يكون كل حاجة غلط خرجت وهي بتجر نفسها يعتبر…هي خارجة رايحة تتأكد من خيانة جوزها…حاجة صعبة جداً…كانت في صراع بين قلبها اللي مش مصدق خالص وبيقولها تفضل مكانها وعقلها اللي بيقولها روحي مش هتخسري حاجة!!؟…راحت تتأكد
فريده وصلت ولقت عمر نايم وهو ومرفت على سرير واحد…ومرفت بتسفزها وكانت سايبة الباب مفتوح وقاعدة قدامها على السرير وعمر جنبها وبتضحك ب استفزاز
فريده كانت في حالة صدمة
مرفت وقفت قدامه وهي لافة نفسها بمفرش السرير:ياريت دلوقتي تنسحبي من حياتنا انا وعمر مع بعض من قبلك وإنتي بالنسبة ليه كنتي مجرد تجربة…وهو خاض التجربة يمكن كان مستمتع في الأول لكن مع الأسف…هو حن لأيام زمان والحرية…هو مش بيحب يربط نفسه بحد عارفة هو أصلا كان عايز يسيبك…لكن للأسف وقت ما فكر يسيبك عرف إنك حامل عشان كده مش رضي يطلقك دلوقتي…انتي مش شايفة معاملته لابنك عاملة إزاي أصلا…ده كله لأنه رابطة بيكي إنتي فاهمة…فاكرة لما قولتي ليه إنك حامل… شوفتي وقتها أنه كان مصدوم وباين عليه الحزن فاكرة ولا!!؟
فريده كانت مصدومة منها هي إزاي عرفت أصلا ب لحظة خاصة زي دي إزاي عرفت إن فعلاً عمر كان باين عليه إنه مضايق وحزين… إيه عرفها بمعاملته لمالك وهي حاجات بينهم وفي بيتهم!!؟
مرفت شافت علامة بداية الاقتناع على وجه فريدة…ف حبت تكمل: عارفة عمر كان متغير عليكي فترة… عارفة ليه لأنه كان في الفترة دى معايا!!؟…هو قالك عكس كده وإنه بيعمل كده بس عشان يعملك المفاجأة ويجيبك هنا وكمان عشان تحسي بتغيرك إنك اتغيرتي عليه…ده كله بيعمل ك بداية وبس قبل ما ينفصل عنك إنتي فاهمة كويس!!؟
فريدة بصت ناحية عمر اللي باين عليه نايم بعمق…قربت منه تصحيه…لمست ايديه لكن سحبتها تاني بعد ما افتكرت اللي شافته من شوية وكمان كلام مرفت ف سابت الاوضة وطلعت تجري …
وبمجرد خروجه من الغرفة وخرج من فم عمر سائل ابيض
مرفت أول ما شافت كده اترعبت ومسكت تليفونها بسرعة
&:هاااا عملتي إيه بسرعة شافته معاكي وسابو بعض
مرفت برعب:بس اسكتي حصل زي ما إنتي عايزة بس عمر تعبان خالص وطلع من فمه سائل ابيض
&:إنتي بتقولي إيه… إنتي حطيتي دوا قد إيه!!؟
مرفت:حطيت كمية كبيرة عشان يفضل فاقد وعيه اكبر
&: أقسم بالله لو عمر جراله حاجة لاقتلك يا مرفت انا اللي غلطانة!!
مرفت بعصبية وخوف: إنتي لسا هترغي انا عملت اللي عليا تعالي إنتي الحقيه بمعرفتك…واحصدي اللي زرعتيه بنفسك!!؟…وخليه يموت واخسري عشان كنتي عايزة تبعدي عن حبه اتحملي نتائج عملتك…وادعي ربنا يعيش عشان انا هختفي ومش هتلاقيني!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
