رواية بلوة حياتي الجزء الثاني الفصل الثامن 8 بقلم سارة

في الجيزة….

آسر:تمام فهمت… محدش هيعرف هويتي وهكون مشرف علي قسم المحاسبة وكمان هاخد فريق تدريب العمال الجديدة

محمد: تمام يا آسر بيه…بالنسبة للبنت اللي عينها والدك هي برة دلوقتي…

آسر:اممممم… إسراء…!!؟

محمد: أيوة…هو دلوقتي إحنا مش عارفين هتكون في فريق مين لو عايزها مع حضرتك تمام

آسر:خلاص خليها معايا وهي كده ولا كده مش هتفتكرني ف هتفضل هويتي الحقيقة مخفية لحد ما تلاقي الشخص اللي بيسرق في المحاسبة

محمد: تمام حضرتك كده…اتفضل عشان تتعرف على المتدربين

آسر:يلا

محمد:ريان ومنار واسراء

آسر.بصدمة: إنت بتعمل إيه هنا يا ريان… شركة ابوك راحت فين

ريان:اووووف علي حظي…هو اي مكان اروحه يجيبلي سيرة ابويا قصر يا عم آس…

آسر.قاطعه:هششسس… تعالي معايا ثواني

آسر.خد ريان علي جنب:شششش يا متخلف… محدش يعرف هنا إني آسر المهدي…تمام ف خلي بالك

ريان.بضيق:وانا محدش يعرف إني ريان السيوفي ف خلي بالك إنت كمان…انا هنا ريان معتز محمد…فاهم

آسر:فاهم يا معقد…بس يا بني إنت شركتكم تفوق شركتنا بمراحل وازي بشمهندس معتز سامح إنك تتدرب أو تشتغل برة مش فاهم

ريان.بحنق:آسر إنت أكتر واحد عارف إن الأولوية عند بابا مراد مش انا ومراد هو اللي مسيطر على الشركة عندنا…وانا مش قليل كرامة عشان استحمل اومر مراد إنت فاهمني…

آسر:ثواني بس إنت أكبر من مراد ب تلات سنين إزاي هو اللي مسيطر هو بشمهندس معتز بيهزر…؟!!

ريان:هه…إنت نسيت إني ابن البطة السودة ومتحمل ذنب…انا ماليش دعوة بيه ف كبر دماغك يا كبير وفكك مني والنبي …ومشي ريان وساب آسر…

آسر.في نفسه:الواد ده لازم يتعالج نفسي وإلا هينتحر من اللي عايش فيه… مش فاهم أبوه ده بيتصرف كده ليه… وبعدين مراد مين اللي يسيطر ده المعقد ده دماغه توزن بلد…!!!

(تراني والله اموت بهل المعقد الجدير بالذكر إنه أحد ابطاا رواية بتتكتب والحلقة الأولي منها خلصت ومنار بردو واحدة من الابطال لسا محتارة في إسم الرواية )

منار.بصت لريان بعد ما رجع: إنت كويس ؟!

ريان:اووووف يا منار انا كويس…انا جايبك تتطمني عليا انا جايبك تشتغلي لأنك صديقة طفولتي واختي…يعتبر إنتي عيلتي وخلي في دماغك إن مستحيل يحصل اكتر من كده ومتحلميش بعيد يا منار…فهمتي…!

منار:هااا…فهمت يا ريان بيه… هيفضل طبعك كده…مانت ريان السيوفي

اسراء.كانت رامية ودنها معاهم ماهي فضولية وفي نفسها:ده باين ريان ده حد تقيل أو من عيلة تقيلة…فرصتك يا بت اسراء…أما ابحث عنه وأعرف هو مين…

اسراء.بحثت عن ريان وبعد البحث بلعت ريقها بصدمة وفي نفسها”ده مش ريان السيوفي…ده شوية ويكسر العدد القياسي ف اكتر حد حاول ينتحر… إيه ده…بس بردو ده ميمنعش إنه ريتش مان …ريان الغني…لأ لا ريان انتحار…

آسر:احممم…نكمل يا جماعة خليني اعرفكم على نفسي طيب…انا بشمهندس…احمد وكلنا كده مع بعض وعايزين نقدم أفضل ما عندنا وانا عارف إن كلكم كنتو متفوقين في الجامعة وانا معايا عباقرة…

اسراء:طيب حضرتك عبقري زينا…!؟

آسر.رفع حاجبه:ما هو انا لو مش عبقري مش هكون في المكان ده بدرب بعض الأشخاص الغبية…!!!

اسراء:امممم…وفي نفسها…انا ليه شاكه إنه آسر ؟!!

آسر:العباقرة ريان ومنار امكانكم هنا…وفيه شوية مشاريع ورسومات بصو عليها…أما بالنسبة للغبية إسراء ف إنتي تعالي ورايا يختييي

اسراء:كمل متخافش…قول تعالي ورايا يختييي ليلتك سودة قول متتكسفش

آسر.بصلها بضيق ومشي من غير ما يتكلم

آسر.خد اسراء وراح مكتب محمد وكان فاضي

إسراء:خير يا استاذ عايز إيه!؟

آسر بياخد نفسه بهدوء وبيحاول يكون هادي …وفي نفسه…”لسا زي ما هي عيلة متخلفة…ما بتصدق ترفع مناخيرها والموكوسة شايفة إنها جاية بواسطة من واحد من المدراء…ف محدش هيعرف يفتح بوقه معاها…اصدمها واقولها إني آسر واجيب أجلها من الصدمة ولا اكسر شوفة نفسها دي إزاي”

اسراء:هستني كتير حضرتك

آسر:بصي يا آنسة اسراء …مش معني إنك جاية واسطة عن طريق بشمهندس خالد وبشمهندش آسر… إنك تشوفي نفسك …وتتصرفي علي هواكي… صدقيني أقسم بالله ما هتردد لحظة وأكون طاردك…ومتتغريش اوي لأن البشمهندس خالد مش المالك الوحيد للشركة…ف خلي بالك من تصرفاتك…فهمتي…!؟!

اسراء.بتوتر:لا حضرتك…والله انا مش شايفة نفسي ولا حاجة…بس انا طبعي كده دمي خفيف وبحب الهزار…وبحب افرفش الجو وكده اوعي تكون زعلت ولا حاجة لو سمحت

آسر…في نفسه…”دمك خفيف!!؟…ده انا اكتر واحد عارفك…هتروحي من ربنا فين يا كدابة “

اسراء: ممكن أخرج… عشان اشوف الرسومات والمشاريع مع زمايلي !؟

آسر:اتفضلي…

وخرجت إسراء…أما بالنسبة لأسر فهو ابتسم ابتسامة…ومعناها إنه بيحب اسراء من لما كانوا مراهقين…واما نشوف حبهم هيستمر إزاي… خصوصا إن آسر مثالي وطيب جدآ…واسراء العكس تماماً بتغير جدآ كل اللي يشغل بالها الفلوس وبس الفلوس عندها يمكن اهم من الحب نفسه عندها…!!

*************************

في الفيوم…

حازم قاعد في اوضته ودي بقت عادته في الاسبوع الأخير قاعد في جنب بعيد عن الكل بعد ما آسر حكي ليه عن أمه…وبعد اللي اتعرض ليه في النادي… كمان كان في صراع مع نفسه يرجع الادمان ولا لأ خصوصا إنه معاه قطعة من المخدرات…محتفظ بيها من وقت ما عبدالله ادها ليه في النادي…

ليلي.دخلت عليه الاوضة وقفلت الباب:حازم إنت كويس!؟

حازم:اممممم كويس…خير فيه حاجة

ليلي:حازم عشان خاطري…قولي يا حبيبي فيك إيه…احكيلي مالك إيه اللي شاغل بالك واللي مغيرك إنت مش كده أكيد فيه حاجة

حازم:مفيش يا ماما…بس محتاج اكون وحدي شوية… ممكن تسبوني وحدي المرة الجاية

ليلي.بتردد:حازم…ه…هو اللي مغيرك… إن آسر حكي ليك عن والدتك الحقيقة…وكملت بحزن…حازم انا عارفة إني مهماً عملت مش هغير حقيقة إنها امكم الحقيقة وإن كل واحد فيكم سواء إنت وآسر أو ميساء…كلكم جواكم الرغبة والتمني إنها تكون معاكم… لأن في الأول وفي الآخر دي غريزة حب من ربنا في قلوبكم ومستحيل تتغير ومهما حصل… لأن دي سنة الحياة…وحبيبي إنت لو عايز تشوفها أو تتعرف عليها قولي…وانا هكلم ابوك إنت من حقك تعرفها وتشوفها…وكملت بهزار…هي أصلا أما تشوفك كده هتحبك علي طول ده إنت مز يا واد وتخطف قلب اي حد حتي لو امك مانت خاطف قلبي

حازم:ماما بصي خليك عارفة إنك إنتي أمي مش هي… إنتي هتفضلي أمي وهي عمرها ما كانت ولا هتكون ام…انا اللي مضايقني… إن دمها بيجري في دمي…دم واحدة زيها بيجري في دمي…يمكن هي اكتر واحدة انا كرهتها من غير ما اشوفها…!!!

ليلي:مفيش حاجة اسمها بتكرها يا حازم… إنت بتخدع نفسك…!!

حازم:هو في حد بيحب حد من غير ما يعرفه أو يعرف بوجوده…انا لا أعرفها ولا شوفتها ولا اتكلمت معاها مرة عشان احبها…هي زيها زي اي حد عايش الكوكب ده وانا مش عارفه… إنتي أمي…كل اللي مزعلني هو آسر يعني انا مجرد إني حطيت نفسي مكانه حاجات بسيطة تعبت…هو عارفها…عارف شكلها اتكلم معاها كانت أم ليه في يوم من الايام…لكن أنا لأ… كمان ميساء اللي بتحبها حب أعمي و….

ميساء.دخلت فاجئة وقالت بدهشة:هي مين دي اللي بحبها حب أعمي…!!؟

حازم.وليلي سكتوا

حازم.بعد عدة ثواني صمت:هي البعيدة ما بتسمعش كويس ولا نسيت العربي…!!

ميساء:اوووف اخلص مين ؟!

حازم:انا كنت بقول إنك بتحبي مالك حب أعمي وماما ليلي عارفة كده من زمان

ميساء.بصتله والشرار بيطاير من عنيها:حسابنا بعدين مع بعض…المهم الشاحن بتاعي بايظ ف خلي الفون بتاعي عندك علي الشاحن شوية لحد ما أجيب شاحن

حازم:طب جربي تشيلي تليفوني من علي الشاحن وانا ارتكب فيكي جريمة كده

ميساء:حازم بالله عليك خليه يشحن ده 5% وخلاص هيفصل

حازم:ابدااااا إلا الشاحن… ممكن تاخدي حياتي إلا الفون والشاحن

ميساء.شالت تليفونه من علي الشاحن:علي فكرة تليفونك 90%…بلاش رخامة بقي

حازم:مش مسامحك يا ميسو ع ال 10%

ميساء:سلام يا زوما اشوفك كمان ساعة إياك تقرب من الفون… ومشيت…

ليلي: الحمدلله يا حازم عرفت تحل الموضوع

حازم:انا مش اي حد يا لي لي بردو يلا بقي إنتي كمان برا انا مش فاضي عندي حاجات مهمة….يلا برااا هو مفيش شوية خصوصية في البيت ده…؟!!

ليلي:خصوصية…لأ انا كده اطمنت إنك كويس سلام يخويا

وخرجت ليلي

اما بالنسبة لحازم فقام ورمي المخدرات اللي معاه وقال في نفسه

“انا مش هدمر نفسي وخلاص عشان واحدة زي ما قولت مشوفتهاش ولا أعرفها…يمكن كنت مدمن في فترة عشان كان عندي فضول أجرب…لكن دلوقتي كنت ضعيف…وانا عمري ما كنت ضعيف…انا لازم أكون جنب آسر ماهو مش معقول هيتحمل هو كل حاجة وحده…هو محتاج حد يكون جنبه”

*********************

في مكان ما

هشام: إحنا مش هنظهر قدامهم فاجئة كده… إنتي عليكي تخوفي خالد وآسر وانا هخوف يوسف إبني وبس… إحنا كده ولا كده مش عايزين حاجة من العيال… إحنا عايزين فلوس وبس وهنرجع نمشي تاني

منال: يعني هنعمل ايه المرة دي ؟!

هشام: إنتي شوفي حد من عيالك تكلمي معاه عشان خالد يقلق منك ويديك فلوس عشان يبعد…أما أنا هكلم فاطمة خليني اعرف اخد قرشين من الواد يوسف

منال:طيب خلاص…انا هرن على…ميساء

هشام:وانا زي ما قولتلك هرن على فاطمة (مراته السابقة)

منال:طيب رن واتكلم انت وانا هدخل الاوضة اللي جنبك اتكلم

هشام كان رن أصلا!

هشام:الو… السلام عليكم

أسيل:الو… وعليكم السلام…مين معايا !

هشام:ده تليفون فاطمة البحيري

أسيل:اهااا…انا أسيل بنتها وهي غيرت رقمها اقولها مين…؟!

هشام.بعد صمت ثواني:قولي ليها بابا

أسيل.بعدم فهم:بابا…!؟

هشام: أيوة انا ابوكي يا أسيل…

أسيل.بثبات:احم بس انا معنديش اب…انا ابويا ميت…يوسف أخويا هو الأب… الرقم والوجهة غلط…ياريت متتصلش تاتي

وقفلت في وشه

أسيل.كانت مصدومة ومش عارفه تعمل إيه وصوت انفاسها بدأ يعلي…ف فتحت الواتس وكتبت حالة “بابا؟!”

………………………….عند منال

منال رنت علي رقم ميساء

تليفون ميساء رن وطبعاً الفون موجود في اوضة حازم

حازم خرج من الحمام وشاف رقم غريب خد الفون وراح عشان يديه لميساء…بس ميساء مكنتش موجودة…رجع اوضته وساب الفون يرن وقعد مسك فونه يلعب فيه لحد ما ميساء ترجع وتبقي ترد وفضل الفون يرن

حازم.في نفسه”اووووف كل ده رن…مين المزعج ده…أما أقوم أشوف مين”

حازم.قام ورد علي الفون

حازم:الو…نعم خير مين؟!

منال:احم…مش ده تليفون ميساء خالد؟!

حازم: أيوة بس هي مش موجودة دلوقتي…أما ترجع هبقي اخليها تكلمك

منال: استني… إنت آسر

حازم: لأ…ثم حضرتك عارفة آسر منين…وكمل بشك… وحضرتك مين أصلا؟!

منال:طيب يا حازم أما ترجع ميساء خليها تكلمني!

حازم.بعد ما قالت أسمه شكه زاد وبقي متأكد يعتبر…وقال بنبرة مهزوزة: إنتي مين…!!؟

منال: إنت عرفتني مش كده…!!؟… إنت لسا فاكرني صح؟!

حازم.بثبات:وانا هعرف حضرتك منين من غير ما تقولي أسمك… مكنتش بشم علي ضهر ايدي انا !!

منال:طب حاول كده تحذر انا مين يا حبيبي

حازم: لأ إحنا شكلنا هنلعب مع بعض وانا مش فاضي اصلا !

منال:طب علي فكرة…كلكم وحشتوني

حازم.بحدة: ممكن حضرتك تقولي… إنتي مين عشان انا زهقت

منال:انا…انا امك يا حازم يا حبيبي… وحشتني اوي يا بني

حازم:هااااا… إنتي منال؟!

منال: أيوة انا

حازم:طب عايز اصححلك شوية حاجات كده… أولا إنتي مش امي وأصلا لا يصلح إنك تكوني أم…!!!…. ثانياً بقي ابعدي عن ميساء وابعدي عن آسر واتقي ربنا بقي حرام عليكي…. ثالثاً انا مش هسمح ليكي إنك تتدمري التوزان في عيلتنا… رابعاً إحنا عندنا ام وهي ليلي هي امنا وافضل منك بمليون مرة…واياك تتصلي تاني إنتي فاهمة مالكيش ولاد… وحاولي بس تقربي مننا وانا اللي هقف ليكي فاهمة؟!

منال:بس..

حازم:مبسش…ابعدي عننا… الوداع مفيش سلام عشان مفيش امل نتكلم أو نتلاقي!

وقفل الفون

حازم.وقف وقال بغيظ”هه قال امك قال ووحشتني قد إيه هي بجحة إيه ده في إيه…لأ وبترن علي ميساء***اوووف مش هسمح إنها تكلمها…ولا هديها أصلا الفرصة تبعد ميسو عننا سواء بمزاج ميسو أو غصب عنها…انا لازم اروح اتكلم مع بابا”

وخرج حازم وراح لخالد اوضته

حازم:فاضي…يا بابا

خالد: أيوة يا حازم فاضي خير في حاجة

حازم:كل خير…ده انا حتي جاي أوفق راسين في الحلال

خالد:حازم لو فاضي وجاي تضيع وقت معايا ف انا عندي مشاكل تكفيني

حازم.قعد:أخص عليك ده انا بقولك هنوفق راسين في الحلال!

خالد:حازم هو إنت نويت تتجوز ولا إيه؟!

حازم:أقسم بالله يا حج نفسي بس اخويا الكبير منه لله موقف حالي

خالد: اومال إيه آسر ربنا فك كربه وحب ولا حاجة

حازم.بضحكة رقاصة:هيهيهيهي…لأ ده بقي إنت هتموت قبل ما تشوفه عريس… قصدي كلنا هنموت قبل ما نشوفه عريس

خالد: اومال جاي تصدع أمي في إيه!!؟

حازم:يعم جيلك عشان ميساء

خالد:لا بنتي حبيبتي لسا صغيرة

حازم:اخص…بقي يا راجل عايز تخلص مني انا وآسر وميسو لأ…طول عمرك بتكرهنا…طب والله لانا قاعد على قلبك يا خالد يا مهدي ومانا متجوز اهو يانا يانت…وكمان هجوز ميساء وابقي وريني

خالد:ياض يا زفت إنت انا مش قايل بلاش هزار وكلام فاضي بما أنك فاضي غور قوم أخرج…بلاش تشتغلني انا

حازم:صبرني يارب بقولك جاي اوفق في الحلال…ما تسمع بقي !

خالد:ارغي…

حازم.بجدية: دلوقتي هي رنت علي ميساء !

خالد:هي مين!!؟

حازم.بتصنع عدم التذكر عشان ميديش ابوه الصدمة مرة واحدة:هي مين يا واد يا حازم هي مين…بص كده خلينا علي بلاطه انا ليا 5 آلاف جنيه بعد اللي هقوله

خالد:اتفو عليك قوم من قدامي

حازم:هما 5 آلاف جنيه ادلع بيهم نفسي بعد اللي هقوله وإلا مش هقول والله وإنت حر…اتفقنا

خالد:اتفقنا انجز بقي

حازم:منال… اللي المفروض امنا وكانت رانة علي ميساء بس من حسن الحظ إن التليفون كان في اوضتي وكده

خالد.مسك رأسه بايده:لو اتكلمت مع ميساء ممكن تاخد ميساء…وهي أصلا ما هتصدق عشان كانت متعلقة ب أمه وهي صغيرة….اوووف مش عارف اعمل…الحل إيه

حازم:امممم الحل عندي !!

خالد: وايه الحل؟!

حازم:بص يا بابا ميساء دلوقتي راشدة… يعني عندها الحق إنها تختار تعيش معاك أو مع ماما…اقصد منال…وعلي حسب ما حضرتك وآسر بتقولوا إنها متعلقة بيها وممكن تبعد عننا… والإختيار عندها ممكن يكون منال بنسبة كبيرة…وانا عندي الحل اللي مش هيخلي الاختيار في ايد ميسو لأ في ايد حد تاني…والحد ده حضرتك تقدر تقوله يعمل إيه وهكذا

خالد.بحيرة:والحل ده إيه؟!

حازم:طيب حيث كده…اسمع من غير ما تقاطعني…الحل هو أنها تتجوز لما تتجوز هتبقي في عصمة راجل ومش هيبقي عندها الخيار إنها تختار تكون مع منال في يوم… لأنها متجوزة ومش هتقدر تبعد عن جوزها… فاهمني ؟

خالد:فاهمك…بس انا مش هجوز ميساء لأي حد ويلا بالسلامة ولا هجبرها علي كده لازم نشوف حل تاني

حازم:لا ما تقلقش مش هتجوزها اي حد ولا هتجوزها غصب عنها لأ بالعكس ده حضرتك هتجوزها وهيكون على قلبها زي العسل…مانا سبق وقولتلك انا جاي اوفق راسين في الحلال…ومن الآخر كده بنتك…بتحب الواد مالك…لأ بتحبه إيه دي بتعشقه وبتموت فيه!!

خالد.بدهشة:من ايمتا…وعرفت منين؟!

حازم:هو كان سر بيني وبينها…بس انا في سبيل مصلحتها وساعدتها قولت لحضرتك…وانا متأكد كمان أن مالك بيحبها…ومالك شاب كويس…ودي هتكون سعادة ميساء وتقدر حضرتك تجيب مالك وتتكلم معاه الأول…قبل ما تكلم مع ميساء

خالد…سكت يفكر شوية وهو من زمان أصلا وهو بيثق في مالك…وهو شايف إن مالك وميساء في بينهم رابط قوي… وكمان خالد مدين لمالك إن ميساء رجعت اتكلمت من جديد وهو بيحبه ومعندوش اعتراض منه هيوفر حماية بنته ومنه هيمنحها الحب والسعادة وده لو اتاكد من حب مالك لميساء…!!

خالد:حازم…تعال يبني رأسك ابوسها

حازم:لأ يحج بلاش انا قولتلك عايز 5 آلاف جنيه… ايدك بقي…عايز ادلع نفسي الله

خالد:وانا هبعتهم ليك على حسابك…طير انت

حازم:تمام…تشكر يا كبير وانا هبعتلك مالك

************************

في حديقة منزل عائلة المهدي

مالك:ازيك؟!

ميساء:بخير وإنت إيه أخبارك؟!

مالك:كويس…كنت عايز أسألك سؤال؟!

ميساء: أسأل

مالك:هو مثلاً لو اتنين متجوزين وبيحبو بعض…وفي كتير حاول يفرقهم…بس كان حب الاتنين اقوي…بس حصل وفيه خطة قذ*ة هتفرق بينهم…وهيعملو سوء فهم بينهم وكده…هل ممكن تسامحه؟!

ميساء:مش فاهمة…سوء فهم ازاي ؟

مالك: مثلاً كانت بتثق فيه وهو خان الثقة وكده وعمل حاجة عمرها ما توقعتها منه يوم هل ممكن تسامحه؟! …كان يقصد عمر وفريده ونفسه في نفس الوقت لما عمل خطة عشان يبعدها عنه وكان جايب بنت وكده…

ميساء سكتت فترة…وافتكرت لما كانت رايحة تعترف بحبها ليه وشافته مع بنت ووقت ما ثقتها اتكسرت فيه.وقالت بحزن:مش هتسامحه…ولو الظاهر ليه إنها سامحته وبتتكلم معاه…ف ده الظاهر ليه بس… لأنه مش قادر يشوف الجرح اللي سببته كسر ثقته أو خيانته ليه بعد ما كانت واثقة فيه… تعرف إن أصلا الشعور مؤلم جداً لو كان مثلاً حب بالصمت…ما بالك بقي وأنهم متجوزين وبينهم حب كبير…كسر الثقة بينهم هتكون موت بالبطيئ حاجة صعبة جداً

مالك.في نفسه”انا آسف على الجرح اللي كنت سبب فيه لكن اوعدك إني هرجع اصلح كل حاجة… وكمان مش هسمح لأي حب إنه ينتهي… لأن فكرة الخطة دي صعبة عليا لمجرد إني اتخيلت إنها حصلت معايا…مش هسمح للألم ده يدخل حياة حد… لأن مفيش عشاق يستاهلوا الالم”

مالك: معاكي حق موت بالبطيئ…

حازم:سلام يا قوم

مالك وميساء في نفس الوقت:سلام

حازم:مالك…بابا عايزك جوا…

مالك: خير…

حازم: مش عارف الموضوع قوم شوف بنفسك يا بني

مالك:تمام انا رايح وقام مالك ومشي

حازم:بسسس…انا عندي موهبة غير عادية لسا مكتشفها حالا

ميساء:موهبة إيه يابو المواهب

حازم.بدراما:انا بعرف اشوف المستقبل…انا بعرف اقرأ الكف!!

ميساء:اووووه….وده من ايمتا

حازم:من دلوقتي حالا…هاتي ايدك

ميساء:اتفضل يا أهبل

حازم.مسك أيدها وبص في ايدها وقال اللي عارفه:عندك ملاك في حياتك…ربنا باعته ليكي الملاك ده من شوية ساعد إنه يمنحك أكبر سعادة في حياتك…اووووه الملاك ده هيخليكي تجتمعي بحب حياتك في اليومين دول…وتكوني مع حب حياتك للأبد…وخلال الأيام الجاية حب حياتك هيطلب ايدك للجواز…. (يقصد بالملاك نفسه )

ميساء: إنت اوڤر اوي ياض يا حازم والله

حازم:مش مصدقة…طيب الأيام جاية وهتقولي حازم قال…سلام يا قطة

*************

خالد:مالك إنت بتحب ميساء بجد؟!

مالك: افندم؟!

خالد:انا عايزك تعرف أنك لو فعلاً بتحبها انا هجوزها ليك عشان منال رجعت… وإنت اللي هتحمي ميساء منها فقولي بصراحة يبني إنت بتحب ميساء؟!

مالك.بعد صمت وتفكير:ااااااااه…انا مش بس بحبها…انا عمري ما اتخيلت حياتي من غيرها…نفسي اخد خطوة من زمان عشان أعترف ليها بحبي…لكن عندي خوف متسألنيش منين…بس انا أيوة بحبها من لما كنت صغير وعمري ما حبيت ولا هحب غيرها

خالد:بجد؟!

***************

في مكان آخر…

فادي:هاااا إيه الاخبار

مرفت:انا موجودة في نفس الفندق اللي هما فيه… ودلوقتي عمر قاعد بيتغدي معاها

فادي:طيب عنيكي مع عمر والخطة زي ما اتفقنا اكيد!

مرفت: اكيد انا أصلا عايزة حضرتك تقول إني أنفذ دلوقتي قبل بكرا

عمر:مش دلوقتي سيبيه يتبسط شوية وبعدين نبقي نجيب اجله

مرفت:تمام…انا هفضل اوصلك كل جديد بيحصل سلام