رواية بلوة حياتي الجزء الثاني الفصل الخامس 5 بقلم سارة

مكالمة تليفونية بين خليل (الزعيم) والمجهول

المجهول: إيه آخر الأخبار عندك…اديته مهمة جديدة

خليل: أيوة يا ريس…جه امبارح وطلب خدمة واديته مهمة جديدة

المجهول: وايه هي المهمة دي

خليل:هيخطف عيل صغير ابن عمر الصياد

المجهول:ابن مين يخويا؟

خليل:مالك ابن عمر الصياد

المجهول.بصوت كله غضب: ازي انت اتجننت… إنت ازاي مقولتليش علي المهمة دي

خليل: إنت اللي قولتلي اخيله في مهمات بعيدة عن القتل

المجهول:خليه يبعد عن الصياد الغي المهمة دي أتصرف

خليل:مش هينفع يا ريس هيشك فينا كده..!

المجهول:طب أقفل هفكر وبعدين اكلمك

وانتهت المكالمة

المجهول: لأ مش لازم يحصل كده مش لازم مالك يقرب من حياة عمر…عشان مفيش غير نهايتين …هي إن عمر هيخلص علي مالك عشان حاول يقرب من عيلته من غير ما يعرفه… أو مالك هيعرف حقيقته لازم أبعد مالك عن عمر…ثم أصلا محدش عرف يقرب من مرات أو ابن عمر من زمان….اي حد كان بيحاول كان عمر بيكشفه…ف دلوقتي أكيد عمر هيعرف إن مالك عايش وده مش وقته مالك مش لازم يظهر دلوقتي مش لازم عمر يعرف…انا لازم اتصرف…

~~~~~~

في المساء يوسف رجع البيت وكان مقرر إنه يكمل خطة التجاهل

بس سمع شهد في الاوضة بتعيط …قلبه ما استحملش اكتر من كده

يوسف.في نفسه:لا انا مش هستحمل أكتر من كده…مش هستحمل حزنها…كنا في البداية بنتخانق وننكد علي بعض بس كنا في الآخر بنتصالح ونضحك ونهزر مش كده…انا مستعد استحملها بكل حالاتها مهماً كانت لكن مش هفضل بعيد…هي أكيد فهمت انا قصدي إيه ببعدي لكن انا مش هسمع نصايح عمر… وأصلا مش هسمح للمشاكل دي تنكد علينا

يوسف.دخل عليها:انا آسف

شهد.وبتحاول تكون طبيعية:آسف على إيه…انا اللي مفروض اعتذر إني دائما بفتح الموضوع وبزعلك

يوسف.راح قعد قدامها:بصي يا حبيبتي افتحي الموضوع براحتك كتير ازعلي وكل حاجة بس خليكي عارفة إني بزعل مش عشان إنتي حاطة موضوع الخلفة في دماغك وكده لأ انا بزعل عشان بشوفك زعلانة انا مش متعود اشوف التافهة بتاعتي زعلانة…انا متعود من لما عرفتك نتخانق ونبقي تافهين سوي… يعني انا مش بحب اشوفك زعلانة…والله لما بتكوني بحس إن روحي بتتحرق مقدرش أشوف في عنيكي الحزن وآسف عشان خدت قرار غبي إني أبعد واتغير عليكي… عشان تفهمي إن في حاجات في حياتك أهم من موضوع الخلفة…وتحسي إنك هتفقدي الأهم…مش عارف إذا كان القرار كان صحيح ولا لأ لكن حاسس إني غلط…انا مش قصدي ازعلك أو اتسبب في حزنك أكتر…انا أصلا بتعذب معاكي… ودلوقتي اظن حبيبتي التافهة فهمت الدرس اللي كنت عايز اوصله ليها ولا إيه…ومسح دموعها… وبعدين كفاية عياط بقي دموعك دي غالية عليا… وبعدين بتبقي طماطم اوي لما تعيطي

شهد:الطاطم مش حلوة يعني

يوسف: أيوة كده انا عايزة التافهة الهبلة ولو نكدتي علينا تاني هسكر رقبتك… إنتي فاهمة،،والطاطم هو فيه احلي منها

شهد:بحبك…وانا آسفة إني دائما بزعلك…بس والله مابيكونش قصدي انا دائما مش بفكر في الموضوع عشان إنت جنبي…بس فاجئة كده بخاف اوي…بخاف إنك تبعد عني عشان يكون عندك إبن…مع إني واثقة إنك عمرك ما هتبعد عشان عارفة إنك بتحبني بس بردو بخاف دائما بتخانق معاك عشان ارتاح وببقي واثقة إنك هتفضل جنبي…لكن وعد دلوقتي والله مش هفتح الموضوع تاني واللي عايزه ربنا هيكون خلينا في عالمنا التافه مش عايزة عيل زي مالك يجنني

يوسف.حضنها هو عارف إن هي هتبقي صعب تعمل كده او متفتحش الموضوع لكن كفاية عنده إنها هتحاول متفكرش ومتنكدش:مالك…الواد مالك ده بقي طير الباقي من عقل عمر اخوكي… عمر قرر يكون بارد

شهد.خرجت من حضنه:ده إزاي يعني

يوسف:هو المتخلف أو ممكن العبقري اللي نصحني اعمل كده معاكي عشان تفهمي شوية… دلوقتي هو قرر إنه يتبع خطة البرود عشان يفهم فريده التغير اللي هو حاسس بيه من بعد ولادة مالك…هيقعد كده أسبوع لحد ما يسافرو سوي … يعني يجننها وبعدين يصالحها لحد ما تكون اتعلمت الدرس

شهد.بصوت مش مسموع:ده لو مشكتش فيه

يوسف: بتقولي حاجة

شهد:هااا…بقول بما اننا اتصالحنا يلا نكمل هاري بوتر

يوسف:انا هقوم اعمل فشار وانتي شوفي وقفنا عند انهو سيزون

شهد: هعمل الفشار انا طيب

يوسف: لأ يا حبيبتي مش مستعد اكل فشار محروق تاني شوفي إنتي السيزون يا روحي

يوسف دخل يعمل الفشار

شهد: آخر سيزون سمعناه كان

Harry Potter and the Prisoner of Azkaban مش كده ؟

يوسف: تقريباً اللي بعده

Harry Potter and the Goblet of Fire

شهد:ذاكرتك قوية يا حبيبي والله

يوسف: وإنتي بتنسي بسرعة وشكلك هتخرفي بدري يا حبيبتي

شهد: ميرسي يا روحي

نسيبهم في عالم التفاهة بتاعهم والحب ونخرج برة مصر

~~~~~~~~~~

ماشي في طرقات المانيا وحد مراقبه

جاله.مكالمة رد عليها

سام: Und ich sage, warum Deutschland heute aufgeklärt ist

(الألمانية~وانا بقول المانيا منورة ليه)

سارة:اوووووف

سام: ¿Qué pasa, cariño, estás triste?

(الإسبانيا~في إيه يا حبيبتي إنتي زعلانة ولا إيه)

سارة:بكرهككككك يا سام

سام:Почему дорогой, я в основном хороший

(الروسية~ ليه يا حبيبتي ده انا لطيف بردو)

سارة.بغيظ: إنت ليه كده حرام عليك كان يوم أسود يوم ما حبيتك كان يوم أسود لما عرفتك كان يوم أسود يوم ما شوفتك حسبي الله ونعم الوكيل فيك يا سام تقعد تكلم بمليون لغة إني أفهم كلمة ابدا إنت ليه بتعمل فيا كده ليه بتبعد عن العربي والانجليزي والفرنسي تقعد تتكلم معايا بلغات مش عارفها عشان تستفزني…علي فكرة إنت كده بتخليني اكرهك واشك فيك والله

سام:Damn Sarah, I only understood the word black day. Speak slowly, sweetheart

(الانجليزية~يالهوي يا سارة مفهمتش غير كلمة يوم أسود اتكلمي براحة يا حبيبتي )

سارة:This is how I feel when speaking languages ​​that I do not understand to provoke me

(الانجليزيه~ايوة بقي ده اللي بحس بيه وإنت بتكلم ب لغات غريبة عشان تستفزني)

سام:بحبك يا زوجتي العزيزة ⁦⁩

سارة: أيوة خليك جدع واتكلم عربي يا زوجي العزيز

سام:علي فكرة بحبك وإنتي متعصبة اوووووي

سارة:قدامك كتير لما توصل البيت

سام: دقيقة واكون عندك قربت أوصل اهو ⁦⁩

سارة.خرجت من الشقة:وانا هستناك برة

بعد أقل من دقيقة وصل سام قدام العمارة وكانت سارة مستنياه

سام.حضن سارة وشالها ولف بيها:وحشتيننننننيييي

سارة: وإنت اكتر يا مستفزي الحبيب

سام:طب إيه هنفضل برة كده كتير

سارة.باسته:ممنوع الدخول يا زوجي العزيز بابا هيقتلك وياخد اعضائك ويبيعها

سام.تمتم بالروسية:Я ненавижу твоего отца, моя дорогая. Почему мы на тебе женились ?!

(بكره ابوكي اوي يا حبيبتي اومال اتجوزنا ليه)

سارة:اوف بقي…بتقول إيه

سام:بقول مفيش مشاكل هنقعد هنا في الجنينة…ولو أننا متجوزين بس يلا هستحمل ابوكي حقه بردو

سارة:بحبك وإنت فاهم كده

وكان في حد بياخد ليهم صور طبعاً الصور دي لمالك

*نوصف سام شاب متوسط الطول جسمه رياضي شعره بني عينيه لونه فيروزي ولون بشرته حنطية مع اللون الاحمر في الخدود ودقن خيفية وعواجبه عريضة والفم والانف متناسقين واسمه الحقيقي سامر بس اتعود علي سام* (مز من الاخرررر)

*وصف سارة بنفس طول سام وده بالنسبة لبنت تبقي طويلة شعرها لونه اسود وعنيها بلون حبة القهوة بشرة شرقية سمراء رفيعة شوية*

سام:يلا اقعدي

سارة.مسكت ايديه: إنت زعلان

سام.بيحاول يخلي ملامحه طبيعية: أيوة انا كويس

سارة:سام بالله عليك قول اللي مزعلك

سام.بص في عنيها وبهدوء:انا كنت مفكر إن إحنا لما نكتب الكتاب هقدر اخدك وتعيشي معايا بس ابوكي طلع عمل كده عشان مصلحتك… وعشان لو حصل حاجة ميروحش كبريائه في الآخر…انا لما كتبت كتابنا كله عشان تكوني بتاعتي وملكي ومعايا في أي مكان اروحه سارة انا بحبك بجد مش حب تعود زي ما ابوكي مفكر لأ انا بحبك وبعشقك…مش لمجرد إني لقيت حد شبهي ف اتمسكت بيه… لأ والله بحبك وتعبت من ابوكي اللي مفرقنا عن بعض وواقف لينا علي كل حاجة

سارة: حبيبي والله بابا بيحبك من زمان بس هو مشكلته إنه مش بيثق في الناس وهو مش قادر يقتنع إنك بتحبني ومش متعلق بيا عشان قضينا اغلب وقتنا مع بعض ومن بلد واحدة وعاداتنا زي عادتكم…بابا مش في مكانا عشان يفهم مشاعرنا هو محتاج وقت عشان يطمن ويثق أن إنت بتحبني مش موضوع وقت وتمل مني وتسبني…هو شايف عشان إنت متربي في الغرب بتميل للأجانب أكتر… وعشان إنت كل مرة في بلد شكل بعيد عن اهلك وكده فهو مش قادر يثق فيك…لكن أنا عارفك كويس يا حبيبي وعارفة داخلك كويس…من رأيك مش كفاية ثقتي انا ومعرفتي ليك…نصبر شوية وبالمرة تكون استقريت ⁦⁩

سام.بحركة سريعة وخدها في حضنه وبعد عنها وقبلها بشوق:اهو انا عادتي زي الغرب في دي بس

سارة:الله يخربيتك يا سام افرض حد شافنا

سام:متخافيش ده عادي هنا

سارة:ومالك بتقولها وإنت منشكح كده

سام:عشان هعملها تاني

سارة:اياك يا وملحقتش وهو سبقها وقبلها قبلة اطول من الأولي وهي استسلمت ليه

والشخص خد الصور ومشي

سارة:انا همشي من هنا كان يوم أسود يوم ما جيت ليك

سام:هتروحي فين يا بنتي

سارة:متخافش جنبك انا قايلة لبابا إني جاية لميساء ف مقعد في الشقة اللي كانت قاعدة فيها مع البنات

سام:طب ابقي خلي الشباك مفتوح… واستني اما اوصلك مش هتمشي لوحدك طبعاً

سارة: طبعاً اومال

………………………………………..

مالك كان قاعد بيفكر في ميساء وموضوع سام ومستني علي نار إنه يعرف عن سام كل حاجة

مالك.رايح جاي في اوضته:طيب لو هي فعلاً بتكلم جد وحبت غيري انا هعمل إيه…وحط أيده علي شعره بغيظ… اكيد مش هسمح إنها تكون لغيري…انا بحبها أوي ومش هسمح إنها تكون لغيري انا بقيت مستعد دلوقتي أدخلها حياتي المظلمة ولا إنها تبقي لحد غيري ده مستحيل… اووووووف الحب ده حاجة غريبة بيخلي الواحد مش عارف يفكر ولا عارف هيتصرف ازاي…بس حلو لما بشوفها سعيدة… وروحي بتحترق لو لمحت حزنها والاصعب لما أكون عارف إنها حزينة بسببي… وقعد وحط أيديه الاتنين علي وشه…مكنش لازم اعمل اللي عملته عشان متعترفش بحبها ياريت الزمن يرجع وكنت هسيبها وهعترف ليها انا كمان…انا محتاج حد يساعدني اطلع من العالم إللي انا دخلت ليه غصب عني انا عايزها معايا في حياتي…مش هستحمل بجد إنها تتجوز غيري…وخد نفس عميق…انا لازم أتصرف عشان ترجع تحبني من جديد هي لازم تنسي سام ده لو هي كانت بتحبه هي لازم تعرف إني بحبها

وشوية وجاله إتصال

خليل:مش كنت عايز تعرف معلومة عن سامر**

مالك.بفضول:أيوة

خليل:تعال في معلومات مهمة وكمان تغير في المهمة اللي هتعملها

مالك:طيب شوية واكون عندك

مالك.خرج وراح لخليل

خليل:امممم دلوقتي عندي المعلومات اللي هتريحك

مالك:طيب انجز بقي

خليل:وانجز ليه خد شوف بنفسك

مالك.خد منه الظرف اللي فيه معلومات كتير أوي عن سام وكمان الصور اللي كانت متاخدة ليه وهو وصورة والعقد اللي يثبت إنه متجوز هو وسارة

مالك:اممم مكنتش متوقع إنك هتنجز المهمة دي بسرعة

خليل:لسا معايا الاحلي

مالك:مش فاهم !

خليل: آخر مكلمات عملها وكده

مالك: أيوة وبعدين

خليل.بمحاولة ينقي كلامه عشان يتفادى غضب مالك: يعني كان في مكالمات ومن ضمنهم رقم مصري…ف قولت ممكن يكون الأمر يهمك يعني ولا حاجة

مالك.بغضب مسيطر عليه:هات المكالمة مستني ايه

مالك.خد منه التسجيل اللي فيه المكالمة وطبعاً عرف إنها لسا بتحبه زي ما هو بيحبها من كلام سام وعرف إن كل كلمة اتقالت مش هي اللي قايلها وفرح من جواه جدآ

مالك.خلص التسجيل:تمام دلوقتي المهمة إيه التغيير اللي فيها

خليل:المهمة هي إنك هتخطف الولد بس متحاولش إنك تعرف اي معلومات عن أبوه لأن عمر الصياد دائما مصحصح ولو عملت كده وحاولت تعرف عنه معلومات هتكون بتغلط خالص لأن عمر هيعرف وياخد كل احطياتطه…فهو الولد بس وطبعاً المهمة هتم بعد رجوع عمر ومراته من السفر لأنك لو خطفته صعب ترجع بيه لأنه مش ابن أي حد وعمر ليه ناسه في كل مكان إحنا عايزين الواد في مصر ياريت تكون فهمت

مالك.في نفسه:انا لو قولت للحيوان ده انا بقي عندي فضول عشان اعرف عمر ده وكل حاجة عن حياته عشان ارضي فضولي هيتصدم ما علينا انا كل المهم اخلص المهمة دي وعهد علي نفسي هتكون اخر مهمة مهما كانت العواقب حتي لو هضطر انهي حياتي بعدها لكن كل اللي انا عايزه اعترف بحبي للانسانة اللي بحبها…انا عايزها تعرف إني بحبها تماما زي ما هي بتحبني… إن شاء الله تكون آخر مهمة ومهما كانت النتائج

خليل:متفكرش كتير يا مالك وخليك عارف إنك مهما عملت مش هتعرف تخرج من العالم ده غير ب أذني انا لو انا سمحت إنك تخرج هتخرج إنت فاهم

مالك:ابقي قولي ايمتا أنفذ المهمة وانا هنفذها ومشي

خليل.رن علي المجهول

خليل: أيوة يا ريس انا قولتله المطلوب…تمام كده يا عادل بيه *أيوة المجهول هو عادل مش فادي ولا فارس “فارس مات يا جماعة فادي اللي عايش”وطبعاً هو بيعمل كده ليه هنعرف بعدين*

عادل: عارف يا خليل الكلب لو حصل حاجة للاتنين حتي لو خدش واحد هقتلك مالك الصياد ميوصلش لايد فادي الصياد ابدا لما الواد يجيلك هتجيبوه ليه واي خدش فيه مش هرحمك وطبعاً مش هوصيك علي حماية مالك الادهم وتامنه لحد ما يخطف الواد

خليل:طالما إنت عايز سلامة الاتنين ما كنت خليني اقوله المهمة انتهت ومش عايزين ننفذها…بدل الهم ده

عادل:ما هو لو مالك الصياد ما تمتش مهمة خطفه مش بعيد الوسخ فادي يكلف حد تاني عشان يخطف الولد وانا مش عايز فادي يقرب من حد أصلا…وزي ما قولتلك راقب حركات فادي كويس وابقي اعلمني بكل جديد

خليل:تمام ياريس

وانتهت المكالمة

خليل: والله انا ما بقيتش فاهم حاجه منه يقولي ادخل مالك الادهم العالم المظلم ده ومنه يقولي ابعده عن القتل والجرائم وبردو يجي اي مشكلة تبقي هتحصل مع المدعو عمر الصياد ينقذه انا مش فاهم الريس بيفكر في إيه (والله وانا يا خليل)

…..

عادل:انا طبعاً مش هسمح لفادي إنه يقرب من عمر وابنه فادي مفكر نفسه ذكي ومفيش حد كاشف خطته…يمكن عمر مش عارف إنك عايش لكن أنا عارف يا فادي ومش هسمحلك تخرب المخططات بتاعتي خالص

~~~~~~~

ميساء.بتكلم مع حازم:حازم بجد لو حاولت إنك تقول لحد حاجة هتزعل مني إنت فاهم

حازم:يعني إنتي زعلتي ولا إيه انا كنت بهزر معاكي ومش هقول لحد مهما كان دي أسرار بينا وبين بعض يا ميسو متفكريش إني اخوكي الصغير واهبل وطايش…لأ انا وقت الجد راجل وانا لو شايف في حاجة غلط في حبك لمالك أو حتي علاقة وكلام وكده بينكم كنت كسرت رقبتك… فاهمني ؟

ميساء.فتحت بوقها بصدمة:واد إنت بتكلمني كده ازاي علي فكرة انا الأكبر مش إنت

حازم.قعد قصادها:ميسو بصي انا أهبل وبهزر وكده بس طبعاً أنا شوفتك بتغلطي مش هسيبك انا في النهاية اخوكي ومش فارقة إذا كنت صغير ولا كبير بس في النهاية راجل ولو حد اتعرضلك مش هرحمه ولو إنتي غلطي مش هرحمك

آسر كان وقف وسمع اخر كلام لحازم: الله الله الكلام ده والحساب المفروض انا اللي اعمل كده مش إنت يا صغير

حازم عندي 21 سنةةةةةةةة مش صغير يجدعان بقييييي انا راجل بشنبات

آسر.بحب:ومين قال إنك صغير لا إنت راجل وكبير بس انا مبسوط عشان شايفك كده يا اميري الصغير كبرت… إنت وهي مش اخواتي وبس لا إنتو ولادي كمان وانا دائما موجود في حياتكم فاهمين

ميساء:انا محظوظة إنكم في حياتي

حازم: محظوظة أكتر بوجودي واعرفي إني وقت الهزار هزار ووقت الجد جد فاهمة انتي

آسر:لا متكلمش بالالغاز يا حبيبي محسوبك فاهم

ميساء.بخجل: لأ بجد

آسر.قعد جنبها:يا بنتي انا عارف من وأحنا صغيرين…بس عايزة اقولك فكري وشوفي مشاعرك كويس ممكن يكون تعلق عشان إنتي متعودة عليه من وانتوا صغيرين والوحيد اللي شوفتيه شبهك وكده…نصيحة يا تعملي بيها يا بلاش محسوبك مش مجرب

حازم: لأ نصيحة مني ماخديش بكلامه إنتي بتحبي الدور والباقي عليه… إحنا ممكن عادي نثبته ونجوزكم غضبا عنه

آسر:انا بقول تطلع برة يا حازم

حازم:انا أصلا ماشي من غير حاجة …بس علي فكرة يا آسر إنت طلعت اجمد من ما كنت متوقع

آسر:طب يلا طير انت عشان هقولها حاجة وطالع

حازم:تمام سلام ومشي حازم

آسر:بصي مش مالك مهندس وكده بس مش متوظف وتقريباً بنت عمه بردو ف دلوقتي محتاجين عمال في فرع الجيزة وكده ممكن تشوفيهم

ميساء:تمام هقول لاسراء بالنسبة لمالك مش هضمن إنه هيوافق بس اسراء كانت عايزة شغل وبتدور من زمان كانت وضحت قدامي لما رجعت

آسر:علي العموم شوفيهم…تصبحي علي خير

ميساء: وإنت بخير

**************

عند عمر وفريده

عمر.رجع وعلي غير اما بالنسبة لفريده كانت قاعدة وماسكة في ايديها الفون وبتبص فيه بعدم تصديق

كانت بتشوف صور عمر وهو قاعد مع واحدة في فندق

ومكتوب رسالة”اظن الصورة كفاية تثبت إنه بيخونك معايا محبتش ابعتلك صور غير واحنا قاعدين بناكل سوي انا مش عايزة ازعلك اكتر…لكن لو عايزة غير كده تمام معنديش مشكلة مفيش اكتر من الصور معايا*

فريده.بصت لعمر وفعلاً اللبس اللي هو لابسه نفس اللي في الصور بس هي مش مصدقه إنه ممكن يكون بيخونها هي واثقة فيه…بس اللي محيرها هو ليه قاعد معاها في اوضة فندق لوحدهم ؟!

فريده.بهدوء: حمدالله على السلامه يا حبيبي…طلعت النهاردة بدري

عمر.وهو لسا ماشي في خطته وهي البرود: أيوة اصلي الفترة دى مشغول أوي

فريده:طيب يومك كان عامل إيه ؟

عمر: عادي زي اي يوم

فريده:كان عندك اجتماعات النهاردة ولا حاجة

عمر.ب استغراب ومش قادر يفهم هي بتفكر في ايه مش زي ما متوقع كلامه مش زي ما هو متوقع وبيحاول يعرف بتفكر في ايه زي كل مره لكن مش قادر: أيوة كان عندي اجتماعات…خير

فريده: لأ مفيش بسأل عادي…فيها حاجة لما أسمع يومك كان عامل إزاي

عمر:كان عادي اليوم وكان فيه اجتماع برة الشركة كان المفروض ارجع بدري بس أخرت شوية *بالرغم من إنه متبع قاعدة التغيير والبرود بس بردو بيسرح في الكلام لأنه مش متعود يعاملها كده ومتعود أنهم يتكلموا علي طول أهبل مش عارف يكمل خطته*

فريده~ من جواها عايزة تسألها الصور دي إيه لكن مستني هو يحكيلها وهي مازالت متأكدة إن الصور دي ليها أسباب تانية وهو مستحيل يخونها~

“طيب يا حبيبي تصبح على خير”

عمر.كان رايح يقبل جبينها زي كل يوم بس أتراجع عشان خطته: وإنتي بخير

وكل واحد منهم في جنب

فريده في نفسها”انا واثقه في عمر ومش صور هي اللي تخليني اشك فيه اكيد ده شغل بس في حد عايز يبوظ علاقتنا…بس عمر متغير…انا مش هسمحله يتغير …وقامت وقبلت وجنتيه

ورجعت ركضت تاني

عمر.في نفسه”اجمد يا عمر مش كده كمل في برودك مش جملتين وبوسة يخلوك تنهار إحنا لسا قدامنا اسبوع في المعاملة دي…بس انا حاسس إني في حاجة غلط يعني انا شايف تأثير التغيير عليها عامل أعراض جانبية…مش ده اللي متوقعها انا كنت متوقع تبقي متغاظة عشان خرجت من غير ما نفطر سوي زي العادة كنت متوقع تتخانق معايا واتصرف معاها ببرود بس انا شايف إن هي اللي بتتصرف ببرود…طب أقوم اسألها في إيه…ووقف تفكير شوية… ورجع قال في تفكيره….لما كانت ماسكة الفون كان فيه في عنيها صدمة هو في إيه انا هقوم اشوف الفون”

كان عمر هيتحرك ويقوم يشوف الفون ويستفسر منها هي مالها وينهي موضوع التغيير والبرود اللي كان ناوي عليه بس وقف بعد ما حضنته من ضهره وهو راكض ومديها ضهره

فريده.حضنته من ضهره ودفنت رأسها في ضهره وفي نفسها”انا واثقة فيك يا عمر وصور الدنيا مش هتكسر ثقتي فيك ابدا وانا واثقة إنك مشغول عشان كده خرجت بدري وإنت تعبان من ضغط الشغل عشان كده متغير وكمان بتحاول توريني إنك متغير عشان احس بشعورك بعد ما اتغيرت عليك بعد ولادة مالك”

عمر.بعد ما حضنته قال وهو مش حاسس بنفسه:بحبككك ⁦⁩

فريده:وانا كمان بحبك ⁦⁩