رواية بلوة حياتي الجزء الثاني الفصل الرابع 4 بقلم سارة
رواية بلوة حياتي الجزء الثاني البارت الرابع
رواية بلوة حياتي الجزء الثاني الجزء الرابع
رواية بلوة حياتي الجزء الثاني الحلقة الرابعة
في فرنسا وبالتحديد باريس في واحد من اشهر الكافيهات موجودة زينب الصياد
كانت زينب قاعدة في قمة الكبرياء والأناقة كعادتها مش بيبان عليها عمر ابدا وهي قاعدة في راجل من الواضح إنه من عمرها وأكبر
عادل:ياربي منك يا صاحبة عنين القطة لسا مش باين عليكي عمر 🖤
زينب.بصتله باستهزاء: وإنت مي…
عادل.غمزها:ياريت تكوني عرفتيني يا صاحبة عنين القطة
زينب.وهي مش مصدقة اللي قاعد قدامها:ع..ا..دل
عادل.ب ابتسامة ومش باين عليه عمر من روعة ابتسامته: أيوة عادل مش عارف تقريباً آخر مرة شوفتك لما كان مالك وعمر عندهم 8 سنين ولا حاجة
زينب: فعلاً من 20 سنة يا عادل
عادل:بس لسا مش باين عليكي سن لسا زي ما إنتي من 20 سنة
زينب: وإنت لسا زي مانت شاب يا عادل
عادل:انا بتعاكس دلوقتي ولا إيه
زينب:ههههه مين يصدق إننا متربين مع بعض
عادل:كنا ثلاثي جامد فاكرة
زينب.بضيق:بلاش السيرة دي يا عادل
عادل.بغيرة:ليه لسا بتحبي مازن الأدهم ؟
زينب:ده كان حب مراهقة انا مش بحب غير حسين الله يرحمه
عادل:علي العموم مازن الله يرحمه هو كمان
زينب:هو مات؟
عادل: أيوة مات وبعدها ماتت مراته ومش عايش غير مالك ابنه ….قاله وهو متقصد يذكر إسم مالك قدامها…
زينب.بدمعة بتحاربها إنها متنزلش:مالك؟
*احم قصة زينب باختصار ومين عادل✓عادل ده ابن خالتها وقضت طفولتها معاه أما بالنسبة لمازن ف كان حب المراهقة بتاع زينب بمعنى اصح الحب الأول واللي عرف زينب علي مازن هو عادل اللي كان عاشق ليها حد النخاع ف في نظره غلطة حياته أنه عرفهم علي بعض وكمان عادل في حاجة كتير مخبيها ولسا هيظهر من وراه حاجات كتير تخص زينب وعمر ومالك*
عادل.بيتصنع عدم المعرفة:احم هو مالك اللي مات في الحادثة من ولادك ؟
زينب: أيوة مالك
عادل:اممم مكنتش أعرف…طيب أخبار عمر إيه وبنتك…هي كان اسمها إيه ؟
زينب:عمر وشهد كويسين
عادل: إنتي هتفضلي هنا كتير ؟
زينب: يعني مش عارفة …بس إنت خرجت ايمتا ؟
عادل:احم احم…اااا انا..خرجت اااا من سنين
زينب:طيب فرصة سعيدة إني شوفتك يا عادل اتمني نتقابل تاني
عادل.بصوت منخفض: لأ إحنا هنتقابل كتير متخافيش …وبعدين بصوت عالي… أتمني يا صاحبة عنين القطة
زينب:سلام
عادل:هنتقابل كتير ههه ده انا حتي أعرف كل حاجة عن حياتك أكتر من مانتي تعرفي معايا أسرار لو خرجت هتتصدمي يلا انا وإنتي والزمن طويل…يبنت خالتي…يا أول حب في حياتي…يا أكبر وجع…يا اكبر غدارة…انا هسترجع كل حاجة كانت حقي من سنين وكمان كروتي الرابحة هتظهر قريب لكن المطلوب من إبنك الغبي إنه يكون عاقل
~مش فاهمين مش كده كنت ناوية افهمكم بس اتراجعت ☺️ مرة تانية~
~~~~~~
عند مالك
الزعيم:مهمتك حلها عندي لكن أنا عايزك تنفذ مهمتي انا بقي
مالك: وايه هي المهمة
الزعيم:مالك الصياد
مالك.تصنم ثواني بعد سماع الإسم في إحساس جواه بيقوله انت تعرف الإسم كويس في علاقة ليك بالاسم ده الإسم ده مش غريب عليك انت ليك ماضي مع الصياد أو الصياد أصلا ماضيك
مالك:قولتلي مين
الزعيم:مالك الصياد…ابن عمر الصياد…عمر واحد من أكبر رجال الأعمال في مصر وكمان ليه مستوى عالمي ومن الصعب خطف إبنه لأنه مش أي حد…عمر شخص ليه سلطة كبيرة يقدر يختفي وقت ما هو عايز ويظهر وقت ما هو عايز كل اللي لازم تعرفه إن المهمة مش هتكون سهلة
مالك:انا موافق اعمل المهمة لكن أهم حاجة مهمتي تخلص بسرعة وفي اقرب وقت مالك ده هيكون بين ايديك
الزعيم: الموضوع محتاج خطة مدروسة بقولك ده ابن عمر الصياد وعمر الصياد معناه الرجل الغير متوقع ومقدور لو نفذت المهمة دي هتكون ملك لو قدرت تتخطي ذكاء عمر الصياد
مالك: خلاص المهمة اعتبرها تمت المهمة دي عبارة عن تحدي ليا
الزعيم:اما نشوف ومشكلتك حلها عندي…بس هي مين المزة
مالك.وبدأت عروقه تظهر وعينيه الرمادية تحولت لسوداء:كلمة زيادة وأقسم بالله يا خليل لأكون قاتلك…وحاول بس تقرب من حياتي الشخصية…مش هرحمك وهقتلك من غير ما اتردد…انا دخلت العالم ده بشرط إنك تبعد عن حياتي الشخصية وعن عيلتي لكن لو فكرت مجرد تفكير تدخل لحياتي مش هتردد وهقتلك…فاهم
خليل(الزعيم): خلاص اهدي يا لوكا مش كده
مالك.مسكه من قميصه:أخرس خلاص إنت أصلا أكتر إنسان ندمت إني عرفته… إنت حولت حياتي لجحيم…ودخلتني العالم المظلم ده…انا عرفت معني صديق السوء ده بسببك إنت…لكن هيجي يوم وهصفي دمك يا خليل وهصفيه بكل برود مش وانا مجبور بالعكس وقتها هكون اسعد إنسان لما اعذبك وأشوف روحك بتطلع قدامي…ف خلي بالك من تصرفاتك وحركاتك *وبعدين سابه ومشي*
خليل: أقسم بالله لو حد تاني مكانك وعمل اللي إنت عملته كان زماني دافنه مكانه…بس هفضل صابر عليك مش ب ايدي غصب عني… إنت تبع الراس الكبيرة ومجبور استحملك عشان خاطر الريس وبس
~~~~~~
في صباح يوم جديد في منزل عمر
مالك.كان بيشد عمر من شعره وهو نايم 😂
عمر:خدي إبنك ده بعيد عني
….
مالك مازال بيشده من شعره
عمر:ياض غور عند ماما سبني انام
عمر.قام: لأ ده إنت رخم بصحيح منك لله
عمر.بص حوالي مش لقي فريده وبعدين بص لمالك:هي ماما فين
عمر طلع الممر لقيها في المطبخ كان رايحلها بس بعدين أبتسم ابتسامة جانبية ودي معناها إنه بيخطط لحاجة !
عمر دخل الاوضة ولبس وبص لمالك:من هنا لاسبوع ماما هتعرف معني التغير اللي انا عارفه والنبي لاجننها 😂
واخد مفاتيح عربيته وتليفونه وخرج من باب الجنينة وطبعاً مش من عادة عمر إنه يخرج غير لما يودعها أو دون علمها
بعد مدة قصيرة
فريده.داخلة الاوضة:يلا يا عمر… إيه ده هو راح فين ؟
دورت عليه في كل مكان مش موجود وعرفت إنه خرج من رائحة العطر بتاعته
فريده.مسكت تليفونها ورنت عليه لكن جرس ومش بيرد
عمر.سايق العربية وبيبتسم ابتسامة لعوبة ومش هامه الاتصال 🙄
في شركة الصياد
يوسف:اي ده إنت مش شايف إنك جاي بدري شوية عن العادة
عمر:ما خلاص المهم إني جاي بدري بقي
يوسف:طب تعالي شوية كده عايزك
عمر:طيب…خير في إيه
يوسف عطي لعمر ملف وعمر بص عليه وبعدين :
يوسف:انا عارف إنك مش بتدخل في مجموعتك الخاصة ب المعمار كتير بس بردو لازم يكون عندك فكرة بالمشروع ده
عمر:ي بني بلاش مقدمات وادخل في الموضوع علي طول
يوسف:بص يا سيدي هي شركة مش معروفة والمالكين بتوعها 4 شركاء وعلي حسب المعلومات اللي عندي… إن الشركة علي وشك إن هي تفلس وفرصة العمل مع مجموعة الصياد حبل نجاة الشركة دي
عمر: وبعدين يعني
يوسف:انا شايف إن المشروع والعمله مش مفيد لينا لكن مدير قسم المعمار رأيه غير
عمر:انا مع رأي مدير قسم المعمار
يوسف: بس
عمر.قاطعه:بس إيه؟
يوسف:انا اللي المفروض هتعامل مع الشركة ومتابع كل حاجة في الموضوع وانا مش عايز المشروع من أساسه
عمر:والسبب وإنت عارف إن المشروع في صالحنا
يوسف.عمل دائرة علي إسم في الملف اللي مع عمر:هو ده السبب
عمر:آسر المهدي…مش فاهم
يوسف:لو انا وهو اتعاملنا مع بعض لا انا ولا هو هنسلك مع بعض والمشروع هيكون حرب بيني وبينه
عمر: ممكن أفهم ليه
يوسف.بحرج:بينا ماضي مشترك…وغمض عنيه ب ألم وكمل…ب اختصار كده أم آسر هي نفسها الست اللي هشام (ابوه) اتجوزها وهي السبب في عذابنا…ونفس الكلام في حياته هشام سبب في عذابهم وكمان حصل تغير كلي في شخصية آسر وانا لو اتعاملت معاه ياما هنكون أعداء ومش هنتفق ياما كل واحد كل ما يشوف التاني هيفتكر ماضي بيحاول ينساه…وانا مش عايز أرجع للماضي ومش عايز اشوف نظرة الحزن والانكسار في عنيه ولا نظرة الكره والاتهام إحنا الاتنين شوفنا كتير سوي وعشنا كام سنة صعب اي حد مننا يقدر ينساها
عمر:مش عارف اقول ايه بس القرار قرارك لو عايز ترفض المشروع والصفقة تمام عايز تكمل بردو تمام المهم تفكر كويس وخد وقتك في التفكير وشوف هتوصل لايه في الآخر
يوسف:تمام…رد علي تليفونك اللي إنت عامله صامت وكل شوية مش بترد
عمر.رجع ظهره علي الكرسي بمتعة:خليها كده تجنن شوية
يوسف:هي مين دي ؟
عمر:فريده…قررت أكون بارد شوية واتغير
يوسف:يا حبيبي إنت عمرك ما عرفت تكون بارد إحنا هنهزر…تعرف إيه عن البرود… وكمان بتعمل كده ليه
عمر:براحة واحدة واحدة مش كده…علي العموم عشت 12 سنة مع مالك اخويا الله يرحمه وهو كان بارد ف طبيعي اكون عارف شوية عن البرود… وبعمل كده لأن يا سيدي هنسافر كمان اسبوع ولا حاجة عايز اجننها واخليها زي حالي كده عشان تفهمني وبعدين هنتصالح أفهم إنت
يوسف:عليه العوض ومنه العوض مش كفاية هتبوظلي جوازي عايز تبوظ جوازك إنت كمان
عمر: هتفضل طول عمرك أهبل يلا انا رايح علي مكتبي عندي اجتماع كمان شوية
…في منزل عمر…
فريده:غريبة والله أول مرة يطلع من غير ما يقول
شوية ووصلتها مسدج من عمر”معلش يا حبيبتي مشغول شوية مش هعرف اكلمك دلوقتي لما افضي هبقي اكلمك”
فريده.بغيظ:طيب علي الأقل رد وقول الكلمتين دول وابقي أقفل…مش كده إنت أصلا عمرك ما عملت كده والله هشك فيك يا زفت إنت (الهرمونات معلش 😂)
~~~~في الفيوم~~~~
ليلى: إنت يا واد يا حازم اصحي بقي .
حازم: خلاص يا لي سبيني انام هبقي اصحي اقعد معاهم ب الليل
ليلى: يلا يا حازم بقي قوم عشان تفطر مع بابا وآسر …طب بذمتك آسر مش وحشك
حازم.بنوم:ليه كان حبيبتي عشان يوحشني…مش آسر اللي يوحشني يا ماما يا حبيبتي يلا بقي روحي افطري وسبيني انام
ليلى.مسكت دورق الماية: حاضر يا حبيبي نام وارتاح…وهوب الدورق كله كان علي الواد…
حازم.قام بفزع:في إيه في إيه انا بغرق ولا إيه
ليلى.ب ابتسامة صافية:صباح الخير يا قلب لي
حازم: صباح الياسمين عليكي يللي مطلعة عيني…برة بقي عشان اغير واصحصح كده
ليلى: لأ إنت هتنام تاني انا هفضل هنا لحسن تنام تاني
حازم.بصوت مضحك:بنت عيب برة 😂
ليلى:هههههه أقسم بالله هتجنني
حازم:طيب يلا برة بقي
وفي الخارج يجلس في الصالون خالد (والد آسر وميساء وحازم)
خالد: يعني أهم حاجة ناوية تعملي إيه يا حبيبتي
ميساء: إن شاء الله هفتح عيادة هنا يا بابي
خالد:شوفي يا حبيبتي اللي إنتي عايزه وانا هعملوه ليكي إحنا عندنا كام ميساء… آسر عايزك تشوفلي مكان كويس وهنتفتحلها فيه العياده
آسر:…..
خالد: إنت معايا يا آسر
آسر:وهو بيدرس ملف:اممم معاك يا بابا
خالد: إنت بتعمل إيه علي الصبح يا بني كده
آسر: ابدا براجع مشروع كده وبضيف أفكار جديدة
خالد: المشروع اللي قدمت يكون مع شركة الصياد
آسر: أيوة
خالد:طب يلا تعالي نتكلم عن المشروع ده علي الفطار
آسر: حاضر
وقعدو علي السفرة من غير ليلى وهما قاعدين دخل حازم عليهم بشكل مضحك خالص وقعد
خالد.بص ليه من تحت لفوق إيه ده هو انا عندي بنتين وانا مش عارف
*كان حازم لابس تيشرت بينك وشورت ابيض ولابس طوق بناتي في شعره 😂 كان شكله بنوتة اوي*
ميساء:ههههه الله يخربيتك يا حازم إنت لابس الطوق بتاعي 😂
حازم.بمرح:بس حلو لما تبقي تشتري لنفسك ابقي اعملي حسابي ده انا زي اخوكي يا ميسو
خالد:طيب مفيش لا سلام ولا كلام كده يبني
حازم: أسلم بتاع إيه إحنا لما بنكون في نفس المكان بيبقي نفس الوضع بنشوف بعض كل فترة
آسر:ماما ليلى فين مش هتفطر ؟
حازم.بص لميساء: إنت نسيت !
آسر: طيب شوية وهاجي
آسر.دخل المطبخ علي ليلى وهي كانت بتعمل حلويات: خير يا ست الكل مش هتفطري
ليلى: لأ يحبيبي افطرو انتو بقالكم فترة مش بتقعدو مع بعض…مش عايزة ميساء تقوم أنت عارف إنها مش بتحب تقعد معايا علي نفس السفرة
آسر: انا بقول إحنا نقولها دلوقتي بقي كفاية كده !
ليلى:اوعي يا آسر بلاش يا حبيبي هتتعب
آسر:مش شايفة أنه كفاية…تعتبر واحدة متستهلش ام ولا كأن في حاجة… إنتي هي الأم علي فكرة…منال عمرها ما كانت ام لينا …مستحيل انسي يا ماما إنها بعد ما اطلقت رجعت وفضلت تهددكم إنها هتاخد ميساء وحازم…هي كانت عارفة إن ميساء نقطة ضعف بابا وإنها اكتر واحدة متعلقة بيها ف كانت بتستغل كده عشان تخوف بابا وتاخد ميساء عشان بس تاخد فلوس…مش هنسي كل مرة كنت بقف قدامها وابص في عنيها علي أمل نظرة القسوة والطمع تختفي وترجع نظرة الأمومة وتاخدني في حضنها…لكن ده مكنش بيحصل كل مرة كانت بتيجي كانت بتطلب فلوس…هي إنسانة مريضة مش أم…كانت سبب عذابنا سنين وهي وهشام اللي راحتله واتجوزتو دمرو ناس عشان يتجوزو تحت مسمي الحب…!…هو ساب ولاده وهي سابت ولادها دمرونا هما الاتنين انا بكرها
ليلى:معلش يا حبيبي بس إنت ترضي إنك تخلي اختك تعرف كل ده وبعدين هي عارفة كل حاجة بس الصدمة خلتها تنسي وإنت عارف إن الدكتور قال إن مش نحاول إن إحنا نقولها هي هترجع تفتكر اليوم لوحدها عشان خاطري بلاش
آسر.ببكاء:لازم نقولها يا ماما إنتي عارفة إني المدعوة امنا دي مازالت بتهددنا إنها تكلم ميساء…وانا عارف ميساء لو شافت منال هتروح ليها ولو قولنا ليها حاجة هتكذبنا وقتها وهتفضل تعيش معاها…وانا مليت من تهديدها لينا طول السنين دي…عقلي مش قادر يستوعب إن دي أم انا بجد خايف تاخد ميساء مننا… صدقيني لو طلعت في حياة ميساء هتخليها تعتبرنا أعداء وإنتي عارفة كويس قد إيه بابا متعلق ب ميساء دي لما كانت بتكمل الدكتورة في المانيا قضي معاها اغلب السنتين دول مكنش بيخليها لوحدها… مش عايز انا اشوف أختي مع منال خالص… يلا نقولها إن الام اللي مستنياها دي اتجوزت من زمان وإنها مش هترجع زي ما في بالها وإن هي بعيدة عننا بمزاجها مش غصب عنها ولو رجعت مش هتجيب غير الالم لحياتنا خليها تعرف إن إنتي هي الأم يا ماما مش منال…خليها تقرب منك عشان تعرفك من قريب زييي كفاية كده
ليلى:طيب مش دلوقتي يا حبيبي خلاص شوية بس وهنقولها مش دلوقتي هقولك علي الوقت المناسب
آسر:طيب يلا هنفطر سوي من هنا ورايح عشان بس ميساء تتعود على وجودك ومتحاولش تهرب من الحقيقة…انا عارف إن هي محتارة وشايفة إنك ام كويسة لكن بتحاول تهرب من حقيقة إنك أفضل من أمها الحقيقة وعايشة في وهم إنك زي زوجات الأب اللي بيتكلمو عنها
ليلى.بمحاولة تغير مزاجه.حطت ايديها علي خصرها:قولي بقي يا سي آسر انا زي زوجات الأب دول 🖐️
آسر.ضحك: لأ ده إنتي اختي يا ليلو 😂…يلا بقي عشان الحاج عايزني برا
ليلى:يلا وامري لله
وطلعت ليلى مع آسر وقعدت معاهم.ميساء اضايقت اول ما قعدت بس محبتش تقوم وتبوظ مزاج الكل وخصوصاً إنها مش اتجمعت مع اخواتها من فترة طويلة جداً
خالد:قولي بقي يا آسر مش عايزة تكمل صفقة المشروع مع شركة الصياد ليه مع إنك كنت بتقول إن المشروع هيكون نقلة لينا بس شايف إنك غيرت رأيك
آسر:احم هما اصلا مش هيقبلو المشروع والصفقة دي
خالد:ليه
آسر.بمحاولة ميساء متفهمش: يعني المسؤول عن متابعة الصفقة دي انا وهو مش علي وفاق من عيلة البحيري عارفها إنت
خالد.وفهم قصده:بس دي فرصتنا يا آسر لو الصفقة دي متمتش هنخسر كتير
آسر:ربنا يسهل يا بابا
خالد:طيب دلوقتي في موضوع تاني
آسر: إيه هو
خالد: إنت هتروح فرع الجيزة وهتفضل هناك فترة كده تتابع الشغل من غير ما حد يعرف هويتك الحقيقة
آسر:حاضر اللي تشوفه يا بابا
حازم.بصله بنفاذ صبر وخصوصاً إنه عارف إن آسر بيكره يكون في الجيزة وبيفضل العمل ب فرع الاسكندريه: إنت عمرك ما بتعترض علي حاجة ليه ي غبي إنت هاااا؟!
آسر: الله يسامحك يا سي حازم
حازم.وقف وراح وقف قدام آسر:يا اخي أنت إيه كتلة اخلاق ماشية ع الأرض انا عمري في حياتي ما شوفتك بتعترض علي حاجة دائما شكراً وحاضر مفيش حاجة اسمها لأ عندك اخلاقك دي مش موجوده من زمان ليه كده
آسر:أقعد مكانك يا حبيبي مش وقته الكلام ده
حازم.قعد قدامه ع الأرض ب كوميديا:طيب بما أنك مش بتعترض علي حاجة ف هطلب منك طلب….ابوس ايدك يا آسر دورلك علي عروسة انا عايز اتجوز بقي ولو فضلنا ع الحال ده انا هعنز جنبك اقسم بالله 🖐️…وشاور علي ميساء…والمسكية اللي قدامك دي قالت مش هتجوز غير ما اخويا حبيبي يتجوز 😂
ميساء:قوم ياض انت هتموتني
حازم.راح وقف جنبها وهمس في ودنها:علي فكرة مالك مز وهيتخطف ف الحقي نفسك عشان لما تجوزي اخدك حجة واتجوز عشان آسر هيخليني اعنز علي فكرة وإنتي بتحبي مالك وهقول للكل …
ميساء.داست علي رجله جامد:قليل أدب والنعمة جرب بس يا زفت وهكون مرتكبة فيك جريمة
حازم:اههههه يا كلبة رجلي…وبكوميديا وصوت بناتي… حاضر مش هقول ده انا ستر وغطي علي يا واختشي 😂🖐️
ميساء:طب الحمدلله انا كلت هطلع اوضتي شوية
خالد:تمام *وطلعت ميساء*
حازم.بص لمالك:اتجوز هنعنز انا واختك يرضيك
آسر:كمل اكل ولا كأن فيه حد بيتكلم 😂
~~~~~~~~~~~
في الملحق عند مالك
اسراء:يلا سلام يا مالك هطير انا…سلام يا والدتي العزيزة اما إستاذ آسر يرجع ابقي قولي متسبنيش ملقحة عند خالتي كتير
أمينة: امشي اخلصي
ومشيت اسراء
مالك: ممكن أفهم ليه بتخليها تمشي لما آسر بيكون موجود وأصلا في حازم هنا علي طول
امينة (ام اسراء): خايفة منها يا مالك يبني
مالك:والسبب يا أمي
أمينة:مش هكدب عليك يا مالك في مرة كانت عايزة تروح رحلة مع أصحابها البنات…وانا يبني مكنش معايا الفلوس اللي تخليها تروح…قعدت تقولي انا ليه مش زي ميساء ومش ومش وكلام كتير يا بني… قولتلها عشان إحنا مش زيهم ولا عمرنا هنكون زيهم…وقتها لقيت عينيها لمعت وقالتلي بالنص “انا هكون زيها يا ماما عارفة هعمل ايه انا هتجوز آسر ابنهم وهكون سيدة البيت ده…هكون زيهم وهعيش زيهم…وهلبس زيهم…انا هتجوز آسر المهدي وهتبقي فلوسه هي فلوسي ومش هحتاج حاجة…انا هعمل اي حاجة عشان أكون مرات آسر هوصل لأي مرحلة هعمل أي حاجة ممكن تتخيليها وهكون سيدة البيت وبكرة تشوفي إني هعمل كده حتى لو…” *مكملتش وأمها ضربتها بالقلم*…ومن ساعتها وانا بخاف إنت عارف اسراء ممكن تعمل اي حاجة عشان تنفذ كلامها … عيطت…انا خايفة يبني تربيني تروح علي الفاضي لازم أبعدها عن آسر ده من وقت كلامها وانا خايفة كانت لسا مراهقة بس بردو خايفة يكون في دماغها اللي في دماغها يا مالك
مالك.قام وحضنها:متخافيش يا أمي مش هيحصل حاجة وبعدين انا موجود مش هسمح ليها تروح اي طريق غلط هي اختي في الأول والآخر
أمينة:خلي بالك منها يبني لو في يوم مكنتش انا موجودة فيه عشان خاطر ربنا
مالك:حاضر يا أمي…
أمينة.هديت:انا واثقة فيك يابني
مالك:وانا هكون عند ثقتك يا أمي…يلا انا هخرج دلوقتي وشوية وهرجع
مالك.خرج وراح عند البحيرة ومن الحظ كانت ميساء هناك مش راحت اوضتها وكانت عند البحيرة
ميساء:عامل إيه
مالك:كويس… وإنتي؟
ميساء:كويسة… خلاص قررت هفضل هنا … وبمحاولة لاستفزاز مالك وتشوف إذا كان بجد بيغير عليها ولا لأ… وكمان سام خلاص هيجي ويستقر هنا وكده ف الدنيا ماشية وكده
مالك.ولسا ملامح وجهه زي ما هي وبصوت كله برود:يلا ربنا يوفقكم في حياتكم…بقي عندي فضول أقابل سام ده…وكمل ببرود أكبر…وانا كمان لقيت الإنسانة اللي هكمل حياتي معاها…!
ميساء:افندم؟
مالك:يعني انا بحب من فترة وكده…وإنتي عشان زي اسراء في حياتي وكده حبيت اعرفك وكده عشان إنتي أختي وصديقة طفولتي في الأول وفي الآخر *اروح انتحر انا احسن 🚶🚶*
ميساء.بغيرة واضحة:ومين دي بقي
مالك.ب ابتسامة وبرود: لأ يا قطة مش دلوقتي هبقي أعرفك قريب عليها وإنتي كمان ابقي عرفتيني علي سام وقتها…يلا سلام عندي شوية حاجات عايز اعملها
ميساء.بتكلم نفسها بعد ما مشي”إيه ده في إيه هو إيه اللي بيحب اكيد بيضحك عليا لأ مش معقول هو انا كنت غبية وحبيتك وحدي مش قادرة استوعب اوقات بشوف الحب في عينيك و اوقات تانية لأ انا ليه بقيت لواحد زيك اللعنة علي ذلك القلب الذي أصبح لك أيها المالك البارد القاسي حقا كرهت تلك اللحظة اللعينة التي اصبحت لك بها”
~~~~~~
مكالمة تليفونية بين خليل (الزعيم) والمجهول
المجهول: إيه آخر الأخبار عندك…اديته مهمة جديدة
خليل: أيوة يا ريس…جه امبارح وطلب خدمة واديته مهمة جديدة
المجهول: وايه هي المهمة دي
خليل:هيخطف عيل صغير ابن عمر الصياد
المجهول:ابن مين يخويا؟
خليل:مالك ابن عمر الصياد
المجهول.بصوت كله غضب: ازي انت اتجننت… إنت ازاي مقولتليش علي المهمة دي
خليل: إنت اللي قولتلي اخيله في مهمات بعيدة عن القتل
المجهول:خليه يبعد عن الصياد الغي المهمة دي أتصرف
خليل:مش هينفع يا ريس هيشك فينا كده..!
المجهول:طب أقفل هفكر وبعدين اكلمك
وانتهت المكالمة
المجهول: لأ مش لازم يحصل كده مش لازم مالك يقرب من حياة عمر…عشان مفيش غير نهايتين …هي إن عمر هيخلص علي مالك عشان حاول يقرب من عيلته من غير ما يعرفه… أو مالك هيعرف حقيقته لازم أبعد مالك عن عمر…ثم أصلا محدش عرف يقرب من مرات أو ابن عمر من زمان….اي حد كان بيحاول كان عمر بيكشفه…ف دلوقتي أكيد عمر هيعرف إن مالك عايش وده مش وقته مالك مش لازم يظهر دلوقتي مش لازم عمر يعرف…انا لازم اتصرف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
