رواية بلوة حياتي الجزء الثاني الفصل الثاني 2 بقلم سارة
رواية بلوة حياتي الجزء الثاني البارت الثاني
رواية بلوة حياتي الجزء الثاني الجزء الثاني
رواية بلوة حياتي الجزء الثاني الحلقة الثانية
وقفنا البارت اللي فات لما مالك قرر يعرف مين عيلته وجاله تليفون
مالك.ابتسم بكسرة:عالمك المظلم بينادي عليك يا تري إيه اللي هتعمله تاني
…يا تري هتعمل مصيبة إيه ومهمة إيه … هتاذي مين تاني يا مالك عشان تعيش حياتك
…هتدمر حياة مين عشان نفسك هتخلي مين يعيش تعيس بسببك اااااه الموت الراحة الوحيدة من العذاب ده
مالك.رد علي المكالمة:نعم
……
مالك:طيب المهمة مطلوب تتنفذ ايمتا؟!
…..
مالك:حلو اوي كده تمام هظبط المهمة اللي قدامي الاول وبعدين هفضي المهمة دي
….
انتهت المكالمة
مالك:اووووووف ألم جديد هكون انا سببه وألم صعب من الطرفين…!!! هحرق قلبين مش قلب واحد
~~~~~~~
في اليوم التالي
نيجي للجواز التافهين… اللي الزمن غيرهم ~يوسف وشهد~
يوسف:يا حبيبتي والله انا مش شايف غيرك في حياتي
شهد.بتجاهل لكلامه الصادق:وانا مش هقبل إني اكون أنانية واحرمك تكون اب طول عمرك….
يوسف: يبنتي افهمي ابوس ايدك دي فترة وهتعدي والله
شهد:لأ مش هتعدي
يوسف:طب وربنا انا شامم ريحة غيرة وحضرة جنابك عايزة تنكدي علي اللي جابوني…!!!
شهد.بثبات:لأ مفيش غيرة ولا حاجة انا مش عايزة اظلمك معايا…!!!
يوسف:يا الله يا ولي الصابرين عايز افهم الدكتورة قالت إيه؟!
شهد:انا عارفة إني مش هخلف تاني بسبب اللي حصل لكن إنت اللي خليتها تضحك عليا بالكلام ده..!
يوسف: والله العظيم انا ماليش دخل بالموضوع انا أصلا مكنتش اعرف إنك حامل ولا إنتي كنتي عارفة وقتها يبقي ازاي خليتها تقول الكلام ده
شهد:معرفش بقي…
يوسف:يا حبيبتي انا كنت مسافر واول ما جيت دخلت عندك بسرعة واتصدمت زيي زيك والله كل كلمة بتقولها الدكتورة صح الحادثة اللي حصلت خلت الرحم تضرر احتمال عشان يحصل حمل يطول ممكن ياخد كذا سنة أو عادي علي حسب بقي
… وبعدين إحنا متفقين على إيه يا زفتة إنتي مفيش جو العبط بتاع اهلك ده وموضوع الفراق
~باستفزاز~: يعني عايزني اروح اتجوز واحدة غيرك وأكون لغيرك لو موافقة معنديش مانع 😁😁
شهد: ده انا هروح بيك في داهية حوار إنك تفكر تتجوز ده تنساه خالص خالص أقسم بالله اقتلك يا يوسف 😒
يوسف: طيب في إيه يا قلبي مالك منكدة عليا من الصبح انا عارف إن في حاجة مضايكي عشان كده بتنكدي عليا انا عارف
شهد.مسكت المخدة:اما إنت يا تافه عارف كويس إني بغير عليك ليه تقف قريب من البنات اللي بتشتغل عندك هااا وخصوصاً البت الملزقة بتاع الصبح… وحدفت المخدة عليه 😂😲 “محدش يفكر في موضوع الريش عشان انا مصدومة من سنة لما بنت خالتي قالتلي إنها كانت متخانقة مع جوزها ولسا متصالحين وانا قولتلها أكيد ضربتو بعض بالمخدات ونزل ريش صدمتني إن مفيش حاجة اسمها ريش والحوار ده اشتغالة مسلسلات+انا عايزة ريش 😂”
يوسف:نهار اسود إنتي مراقبني يا بت عرفتي إزاي هااا
شهد:إنت مالك عرفت زي ما عرفت بقي
يوسف: لأ يختي مانا لازم اعرف لحسن تكوني عندك حاسة سادسة زي اخوكي
شهد:انا جيتلك امبارح ولقيتك واقف مع الملزقة السكرتيرة بتاعتك وإنت قريب منها
يوسف:امممم عشان كده منكدة عليا من امبارح ،،وعلي فكرة انا كنت بشوف الملفات ومش واخد بالي إنها جنبي
شهد.بتفكير شوية وبجدية:إنت لو عايز تتجوز تاني بجد طلقني الاول
يوسف.بضجر من المشكلة اللي بقي بيضطر يتعامل معاها في حياته كتير:شكل الخناق هيقلب جد وهنكد علي بعض انا خارج لحد ما تهدي عشان بجد مش عايز اتخانق
شهد.بغضب:انا عارفة إنك مليت وعايز تكون اب وان المشكلة مني لكن أنا مش هتحمل إني اكون سبب في كده ..
يوسف.بهدوء: اقعدي كده بالراحة وفكري والنبي في اللي اتكلمنا فيه بعد الحادثة وفكري بقلبك وعقلك وبلاش ننكد علي بعض الخلفة مش كل حاجة وانا عارف إنك عارفة كده كويس ،،بتقولي إنك ظلماني بس انا مش مظلوم يا ستي لأني عايش معاكي مع اللي بحبها اللي هي عالم خاص بيا بنتي وامي واختي وصحبتي ،،انا عايش مع حبيبتي اللي قدرت تعمل ليا دنيا تانية وانا معاها ،،دنيا مش بكون عايز غيرها فيها انا بكون عايزك إنتي وبس فاهمة…
شهد:…….
يوسف.خد مفاتيح عربيته وخرج
~~~~~~~
عند البحر عمر هناك زي عادته ويوسف كمان راح عند البحر
يوسف:متخانق إنت كمان
عمر.بصله:تعالي شرف ،،ومش انا اللي بتخانق يا بني
يوسف.قعد جنبه:اومال في ايه؟!
عمر:اتخنقت
يوسف:من ايه ؟
عمر:من الدخيل اللي دخل حياتي وغيرها خالص وبقي هو محور الاهتمام الأهم
يوسف: يبني الواد لسا أربع شهور اومال لما يكبر شوية هتعمل ايه ده هيطلع عينك
عمر:انا لحد دلوقتي مش متقبل مسؤولية طفل،،وكمان من ساعة ما اتولد وانا حاسس إني اتركنت علي الرف !
يوسف:هتتعود
عمر:هتعود مين ده انا شوية وهكون أول اب يقتل إبنه 😂
يوسف:محسسني إنك مش بتحبه يبني إنت روحك فيه بس بتكابر
عمر: والله ما اعرف بس كل اللي أعرفه إنه قلب حياتي انا بقيت بغير منه اكتر من ما بغير منك متخيل إنت !
يوسف:هي وصلت لكده يا منيل إنت
عمر:بص والله انا اتنسيت اختك نسيت إنها متجوزة هو أصلا الزفت ده ينسي اي حاجة مرة يتعب مرة يعيط مرة يتزفت ده محتاج يوم 48 ساعة مش 24 ده حتي كده مش هيكفي
،،كان في أول أسبوع بينام طول النهار دلوقتي مش عارف هو إزاي بينام 10 دقائق ويصحي طول اليوم ،،والله لو ما اتظبط لاظبطه انا
يوسف:اهو الدخيل اللي مجننك ده ،،منكد عليا من غير ما يجي
عمر:بص والله نصيحة من مجرب متفكروش تخلفو غير بعد 50 أو 60 سنة استمتع الاول بحياتك يا حبيبي 😂
يوسف: المشكلة إن شهد مصرة إن انا اللي قولت للدكتورة تقولها إنها ممكن تخلف،،وهي حاطة في دمغها إنها مش هتخلف تاني مش قادر أقنعها إنها فترة وهتعدي !
عمر:هو لازم يكون الإنسان كده عمره ما بيرتاح في حاجة خالص
يوسف:انا مش عارف الحل إيه
عمر:تاخد علي دماغها وتعقل
يوسف: ازاي يا فالح
عمر:اختي وعارف اللي هيجيب معاها اسمع*****
يوسف.بصوت منفعل:اه يا عمر إنت كده هتخرب بيتي اكتر ما هو مخروب !
عمر.بص قدامه بثقة:انا قولتلك اللي فيها إنت حر بقي بس خليك عارف إن ده الحل الوحيد عشان تعيشو مرتاحين
يوسف.بتفكير: يعني ده رائيك
عمر: أيوة ،،يلا شوفلي حل بقي بالله عليك
يوسف:لأ إنت مشكلتك مع إبنك روح حلها راجل لراجل لو كنت متخانق مع اختي كان ممكن افيدك
عمر:طيب كنت عارف إن المشكلة دي لازم يتخلص عليها من البداية 😂😂
…انا كنت عبيط اوي لما عرفت إني هكون اب الواد بوظ حياتي والله ايكاشي يتخطف واخلص منه 😂
يوسف.وقف:خليك فكر كده واعقل وخليك عارف إن أول فترة بتبقي كده شهرين كمان ولا حاجة وهيكبر وحياتك هترجع طبيعية وأفضل مع وجوده أصبر شوية يا بني
عمر:مانا صابر اهو…يلا امشي إنت
~~~~
كان في الوقت نفسه بعد ما يوسف راح لعمر شهد خرجت من البيت وراحت لفريده
فريده:ازيك يا شهد
شهد:مش كويسة خالص
فريده: نفس المشاكل؟
شهد: أيوة نفس المشاكل بسبب الحادثة نفسها
…فلاش باك الحادثة
كانت في بداية زواج يوسف وشهد بعد جوازهم بكام شهر كانت شهد متعرفش إنها حامل وكانت لابسة كعب وهي في الشركة عادي وكانت لسا عيلة صغيرة وتافهة *زي حالي*
شهد كانت نازلة من علي السلم وطبعاً مش نزول عادي بتنزل سلمة وتنط 10 ~انا والله~ وكانت مكملة علي نفس النظام لحد ما خدت باقي السلم كله ~حصل معايا أول يوم رمضان 😅😌~
وتم نقلها علي المستشفى ويوسف فعلاً كان مسافر ولما رجع الدكتورة قالت إن فيه تضرر في الرحم واحتمال الحمل يطول لحد ما يحصل
~~~~~
فريده:يا بنتي متوهميش نفسك علي الفاضي
شهد: يعني هو إنتو بجد مش بتضحكو عليا ؟!
فريده:والله كل حاجة قالتها الدكتورة صح بس انتي اللي واهمة نفسك وبتفكري كتير بلاش هتتعبو إنتو الاتنين
شهد:مش قادرة مفكرش 😢
فريده: كده هيحصل فتور في علاقتكم عايزة يحصل كده ؟
شهد: صدقيني مش عايزة يحصل كده انا بجاهد نفسي علي طول إني ما اجبش السيرة لكن فاجئة كده بلاقي نفسي اتكلمت
فريده:انا مش هقدر اقولك إني حاسة بيكي لكن إن الله مع الصابرين …اصبري وعيشي حياتك
…ده عمر خلاص حاسة إنه هيفرقع من مالك والله انا في أوقات بخاف اسيبه مع مالك واحده
شهد.بتضحك جامد:اياكي تسبيه لحسن مش هترجعي تلاقي الواد اساليني انا …ده انا اللي عارفة عمر من ساعة طفولته المشردة
فريده:اشجيتي يا قلبي
شهد:بصي يا ستي عمر اي حد بيحبه بيكون ملكية خاصة… مثلاً إنتي ملكية خاصة ويتحط تحتك ألف خط …انا كنت صغيرة وقتها…بس كل اللي افتكره إن خناقات مالك وعمر كانت دائما لسبب واحد …واحد منهم بتعدي حدوده مع الملكية الخاصة للتاني
فريده: ازاي يعني كل واحد كان ليه إيه ملكية خاصة
شهد:عمر بابا كان هو الملكية الخاصة ليه ومالك كانت ماما وانا كنت بين البينين طبعاً كنت عبارة عن مشاهد مش اكتر …وكان دائما كل المشاكل بتبدا بسبب مالك لأن عمر من وهو وصغير عمره ما جرب يتقرب من ماما اما مالك كان مفتوح علي الكل 🌚
فريده: أيوة كملي
شهد:عمر معروف عنه إنه هادي طبعاً بس لما حد بيقرب من حاجة تخصه دائما منفعل وصوته عالي علي الرغم من حبه للي قدامه بس بردو الخاص بيه دائما خاص ومهما كان مش بيحب يشارك حد فيه
فريده:يالهووووي عمر دائما صوته عالي مع مالك
شهد:ههههه احذري يا اختاه هيقتل الواد…بس معتقدش هو بيحب مالك بس مش مبين مكابر بس شوية ويتعود
فريده.بهم: تفتكري انا مش عارفة بحس عمر بيحاول يكون هادي مش متقبل وجود مالك مكنتش أتخيل إن ممكن يكون كده…غير سي مالك شاغلني معاه واخوكي منفسن من كده 🙂
شهد.بهزار:الحقي نفسك وكبري دماغك من مالك لحسن عمر يرميه ويتبري منه 😂
فريده:انا اتجننت ده بيفضل لاوي بوزه لما بطول وانا بنيم مالك…علي فكرة كان كيوت أوي لما مالك اتولد 😂
شهد:كان كيوت وبعدين شاف إن مالك هيقطع عليه
فريده:عيشي حياتك يا بنتي بدل ما تتهمي كده زيي عمر بيعند ومالك بيعند معرفش هلاحق علي مين
شهد:مشاكلك بتخليني افكر 🙂…ما تجيبي مالك يفضل معايا النهاردة اهو يريح عمر
فريده:الله وتتطلقي علي طول روحي اتصالحي مع أبيه الأول لحسن يشوفله شوفة
شهد.قامت بخضة:هو ممكن يعملها ؟
فريده: معرفش 😌😌
شهد.بتاخد شنطتها بسرعة:باي يا فري ابقي بوسيلي مالك أما يصحي 😂 ومشيت
~~~~~~~
احب انكد شوية مالك وميساء
مالك: إنتي يا ابلة كل ده نوم ومتنيلة مصحياني من النجمة
ميساء.بلا مبالاة: عادي اصحي وقت ما انا عايزة إنت مجرد شغال عندي
مالك.بألم:بقي كده…طيب
ميساء.ركبت ورا ومالك بدأ يسوق
وكان طول الطريق ساكتين
مالك.في نفسه:هي ليه بقي كده انا غلط وقتها لما عملت كده انا عايز ميسو اللي أعرفها عايز اللي كانت أنقي حاجة في حياتي مش عايز الغريبة دي ااااه لو الزمن يرجع تاني
ميساء.في نفسها:انا تعبت من إني أكون بالشخصية دي انا عايزة اتكلم معاه زي زمان ده كان هو الوحيد اللي بتكلم معاه عشان شبهي
مالك:يا تري الوضع في المانيا كان عامل إيه ؟
ميساء:حلو عن هنا بكتير عشان مكنش فيه ناس غير مرغوب فيهم معايا
مالك:قصدك ليلي
ميساء:ليلي وناس تانية
مالك.بضيق:هتروحي علي البحيرة ولا علي البيت علي طول
ميساء:البيت بحيرة بس هو الواحد فاضي
مالك.بصلها بصدمة:نعم ياختي
ميساء:بص قدامك
مالك.وقف العربية:إنتي مستوعبة بتقولي ايه ؟!
ميساء:إنت مين بالنسبة ليا عشان تتدخل في حياتي
مالك.عرف إنها بترد ليه اللي عمله بس بردو فكرة إنها ممكن تكون بتحب غيره بتغيظه جدا.وشغل العربية ومشي وهما ساكتين ووصلو
مالك وميساء الاتنين كانو من جواهم كانو عايزين يروحو البحيرة ويقعدو ويهزرو كالعادة بس كان كل واحد بيكابر
ميساء:انا داخلة
مالك:وانا هدخل الشنط وهمشي
ميساء:تمام
ميساء.دخلت ومالك دخل الشنط
كان جوا في منزل في شاب عمره 22 سنة بيجري ورا سيدة في ال 50 من عمرها
حازم:هاتي يا ليلو بالله عليكي
ليلي: مش هتخرج يا حازم وابقي وريني هتخرج ازاي من غير فون 😛😂
حازم.وهو مخلي صوته جدي:ليلو عيب الكلام ده إحنا مش صغيرين
ليلي: إنت يا واد مش ناوي تكبر وتتلم بقي ؟
حازم:يا ليلي يا حبيبة قلبي أكبر إزاي وإنتي موجودة ده انا بكون عيل معاكي
ميساء.كانت واقفة متابعة الموقف وزفرت بضيق.وفي نفسها:مش عارفه يا اسر ليه إنت وحازم متعلقين بالست دي كده !
~حازم هو اخ ميساء الصغير وبينهم وبين بعض سنة وكام شهر من نفس الام~
~ليلي طبعاً دي مرات أبوها وهي مش بتحبها ابدا ولا عمرها بتسمح إنها تقرب منها~
حازم.وهو بيكلم ليلي شاف ميساء.وطلع يجري عليها وحضنها:ميسو مش معقول إنتي مش المفروض تيجي الأسبوع الجاي !
ميساء: قول بقي إنك مش مبسوط إني جيت مانا عارفك
حازم:مين اللي مش مبسوط اسكتي إنتي ده انا طاير من الفرحة
ميساء.زقته من حضنها:طب ابعد بقي مليييييت
حازم.بعد: اووووووف لسا زي ما إنتي مش اتغيرتي 😒
ليلي.بتحاول تقرب وهي مترددة:حمدالله على السلامة يا حبيبتي
ميساء.بضيق منها:بابا فين يا حازم
حازم.حط ايده علي شعره: الحاج في الجيزة فيه شوية مشاكل بيحلها
ميساء:هيرجع ايمتا
حازم:امممم 3 ايام كده ولا حاجة
ميساء:طيب انا في اوضتي
حازم:وانا هخرج واسيبك ترتاحي النهاردة وبكرا هنخربها سوي
ميساء:هههه ماشي غور بقي 😌
حازم.خد الفون من ايد ليلي وهي واقفة مش واعية وخرج
ليلي: حبيبتي حمدالله على السلامة ♥️
ميساء:مش قادرة أفهم إنتي ازاي بتقدري تمثلي بالحرفية دي !
ليلي: إنتي ليه مش قادرة تفهمي إن كلكم ولادي صدقيني لو كنت أنا إللي ولدتكم مش عارفه كنت هحبكم كل الحب ده…انا روحي فيكم يا حبيبتي
ميساء:لو سمحتي ابعدي عني كفاية عليكى حب آسر وحازم ليكي متستنيش حبي… عشان انا مش بحب غير امي وبس وانا واثقة إنها هترجع عشانا …
ليلي: ماشي انا هكون بعيدة…بس خلي في بالك لما تضيق الدنيا عليكي…وعايزة تكلمي مع حد في ام ليكي تسمعك… الأم مش ضروري تكون هي اللي ولدت وانا امك حتي لو إنتي مش معتبراني كده انا هفضل امك وإنتي بنتي…مش كل العلاقات لازم تكون مبنية ب رابط قلب… المشاعر كفاية …
ميساء:انا في اوضتي
*في نفسها*
“انا مش عارفة ليه بحس إن كلام ليلي طالع من قلبها… لأ أكيد مش صح كل زوجات الأب زي بعضهم كلهم مش بيحبو اطفال زوجهم كلهم عايزين الزوج من غير ولاد…بس هي ربت حازم من وهو طفل صغير…ده حازم ممكن دلوقتي ميكونش فاكر أصلا ماما الحقيقة…حازم اكيد مفكر دلوقتي إن ليلي هي امه الحقيقة مش مرات أبوه”
ليلي في نفسها”مش عارفة ليه يا ميساء بتبعدي عني انا عمري ما عملت حاجة تاذيكي انا طول عمري عايزة سعادتكم إنتو ولادي…مش شرط تكونو من دمي عشان اكون امكم… إنتو ولادي الحقيقين…انا كملت وانا معاكم حسيت بالأمومة والدفة معاكم…عشت في جو العيلة معاكم… إنتو ولادي وانا امكم 😭”
عند مالك
اسراء:مالك مالك هو إنت شوفت آسر ؟!
مالك: عايزة إيه من آسر يا بنتي ارحميني
اسراء.بوضع كوميدي:لك أن تتخيل بقالي 10 سنين كده تقريباً مش شوفته مع إنه كان صديق الطفولة
مالك:اممممم كمل الثانوية في أمريكا وخد الجامعة هناك ونزل مليون مرة إجازة وست الحسن والجمال مش شافته اقتنع انا بالكلام الغير منطقي ده ازاي !
اسراء.بحزن: إنت عارف ماما بقي كانت بتمنعني وبتقولي إني كبرت وميصحش وكمان هما اسيادنا مش لازم نقرب اكتر
مالك:اممممم
اسراء:شكله بقي عامل إزاي بقي ؟!
مالك:لسا مسلوع مفرقش عن الأول
اسراء: خلاص خلاص يا مالك
مالك:اهدي خلينا اركز في المهمة بقي
اسراء:جالك مهمة جديدة!
مالك:اه
اسراء:تمام خلي بالك من نفسك وخليك حذر اوعي تعيد الغلط نفسه من جديد…وخلي بالك لحسن تأذي حد بتحبه
مالك:انا خايف اوي يا اسراء
اسراء: متخافش انا جنبك… وإنت نفذ مهمتك وانا مش هخلي ماما تحس وكده ولا كده هي وبابا مش هنا لكام يوم
مالك:مش عايز ارجع للعالم ده…بس انا مجبور…لازم أحافظ علي مستقبلي… وكمان ..
اسراء:كمان إيه ؟
مالك: لأ مفيش روحي نامي وانا هنام برة مع الشباب يلا تصبحي علي خير
اسراء: وإنت من اهله
~تعالو بقي عشان كلكم ظلمتو اسراء في البداية واغلبكم فكر إنها شريرة ومش عايزة ميساء ومالك مع بعض لكن بالعكس اسراء الوحيدة اللي عارفة عالم مالك المظلم وخافت علي صحبتها…ومالك بالنسبة ليها مش ابن عم لأ هي نسيت علاقة ابن العم هو أخوها وهي بنوتة طويلة بشرتها اقرب إلي السمراء وعيونها عسلي شعرها أسود…وهي عندها طبع الغيرة وحب المال ودي مشكلتها وعائق حياتها*
~~~~~
عند يوسف وشهد
شهد.رجعت البيت ومتوقعة إن يوسف مش رجع بس هو كان موجود في البيت
يوسف.كان قاعد وكان بيغلي من جواه عايز يقوم يزعق ويسأل هي كانت فين وازاي تخرج من غير إذنه لكن كان بيتظاهر بالبرود زي نصائح عمر.وفضل قاعد ببرود
شهد.كانت واقفة ومنتظرة إنه يجي يسألها كانت فين زي عادته بس هي شافته قاعد علي كنبة الصالون ولا حياة لمن تنادي
شهد.حاولت تلفت الإنتباه:احم احم
يوسف:ابقي اطفي النور عشان هنام هنا
شهد.وقفت مصدومة لأنها متعودة بعد اي مشكلة مش بيتحمل وبيجي يصالحها.عشان كده كانت بنتخانق بقلب جامد وواثقة إنه هيرجع يصالحها
شهد:انا كنت هنا عند فريده
يوسف:وانا مسألتش اتفضلي وسبيني انام
شهد:مش هتنام في الاوضة ؟
يوسف.قام وقعد مظبوط: لأ هنفضل كده فترة علاقتنا محتاجة فترة راحة
شهد.بصدمة:فترة راحة !
يوسف:أيوة زي ما سمعتي ويلا طفي النور
شهد:انا آسفة إني اتخانقت معاك
يوسف: الأسف مش بينفع في بعض الأحيان وانا مليت إنتي مصرة تخلي حياتنا كلها مشاكل مش عايزة ترضي بالأمر الواقع
شهد: إنت مفروض تفهمني
يوسف: وإنتي كمان من المفروض تفهمي إنك اهم حاجة في حياتي ووجودك وحده كفاية لكن مصرة تخلقي مشاكل وانا مليت….
شهد.بعياط:معاك حق محتاجين فترة راحة تصبح علي خير …وطلعت تجري على الاوضة
يوسف:منك لله يا عمر… استحمل انا إزاي إنها تنام زعلانة بس لازم إنها تاخد درس عشان نعيش حياتنا من غير مشاكل…كتر المشاكل هتسبب انهيار علاقتنا
شهد.كانت في الاوضة بتعيط بحرقة لأنها عمرها ما فكرت إن مثلاً في يوم ممكن يوسف يبعد هي حاطة في بالها إنه الوحيد اللي هيستحملها في كل حالاتها لكن هو مش جنبها
يوسف.برة في نفسه:انا أكيد متقبلك بكل حالاتك انا بجد بحبك بس انا مش هقدر اسيبك تزعلي نفسك كل مرة بسبب موضوع الخلفة لازم تعرفي إني مش عايز في حياتي غيرك إنتي
~~~~~
ومشاكل الابطال مش عايزة تنتهي عمر وفريده حتي لو بيهزرو وبيتخانقو محتاجين قعدة لأن عمر لسا مش متقبل المسؤولية الجديدة في حياته …لسا محتاج وقت
وكمان فريده لسا صغيرة ومش قادرة تفهمه ومالك الصغير فعلاً بقي واخد كل وقتها
عمر.رجع البيت وكالعادة مالك قالب الدنيا عياط وفريده بتحاول تنيم فيه
فريده:بس يا مالك بقي كفاية نام شوية ..
عمر:اوووف الزفت ده بينام ايمتا عايز افهم بس
فريده:مش بينام والله
عمر:طيب هاتيه وارتاحي إنتي خلينا انا وهو راجل لراجل
فريده.ادته مالك.ك عادة مالك بيسكت مع عمر علي طول الطفل كده في أول مرحلة في حياته بيسكت مع أشخاص مش بتكون معاهم علي طول بس بيكونو سعداء معاهم
عمر ركض علي السرير ب مالك: يلا يا سيدي نام بقي وانا مش هتخانق معاك
فريده:والله ده ظلم أقعد طول النهار اسكت فيه ويجي في ثواني كده يسكت معاك
عمر: والله مش عارف مش بيحبك الظاهر
فريده:يمكن وبعدين بصت لعمر بحب هي بتبقي مبسوطة لما يكون هادي وبيحاول يتقالم مع وجود مالك في حياتهم
عمر:متبصيش كده بضعف والله هقوم اتخانق معاه دلوقتي
فريده: لأ خليكم كده بتكونو كيوت سوي…لما بتكون شايل مالك وقريب منك بشوف قد إيه هو شبهك ده نسخة مصغرة عنك
عمر:هههه اصلك بتحبيني اوي ف قررتي تخلفي نسخة عني بقي
فريده:بحبكككككك اوووووي أكتر ما تتخيل
عمر:اه منك يا بلوة حياتي عايزني اتخانق مع الواد انا فاهم 😂
فريده: عارف يا عمر والله مش بهزر بس انا حاسة إني شوفتك كتير وإنت صغير بس مش فاكرة مين
عمر.بص لمالك:يخربيتك جننت امك وخليتها بدأت تخرف قال شافتني قال
فريده:يا حبيبي والله مش بهزر 🤭
عمر: ارتاحي يا حبيبتي ارتاحي
~~~~
في صباح اليوم التالي
كان مالك خرج من شعوره وراح عند البحيرة في النهاية المكان فيه ذكريات كتير حلوة علي قد ما فيه حقيقة مرة
مالك قعد بيسترجع ذكريات أول لقاء ليه مع ميساء ♥️
وكانت ميساء قاعدة في زاوية تانية من بعيد في النهاية البحيرة هي أهم مكان في حياتهم هنا ابتدو سوي في المكان
فلاااااااااش باااااااااااااااك
بعد مرور فترة من تواجد مالك مع الحاج محمد وزوجته وخلاص بقي خد الوضع معاهم وبقو اهله
محمد: اسراء يا حبيبتي خدي مالك معاكي برة يلعب معاكي إنتي وآسر
اسراء:حاضر يا بابا… تعالي معايا يا لوكا هنلعب عند البحيرة مع آسر يلا
مالك.بحماس.عشان هيتعرف علي أشخاص جديدة غير الوسط اللي اتعود عليه
مالك طلع واتعرف علي آسر ولعبو كتير سوي ومالك استمتع معاهم كتير
بس لفت نظر مالك ميساء اللي قاعدة علي البحيرة وحيدة
مالك.وهو بيهمس في ودن اسراء:مين اللي قاعدة هناك دي ؟!
اسراء:قصدك ميساء
مالك:اه اللي قاعدة هناك
اسراء:دي ميساء اخت آسر بس خرصة من سنة ومش بتقول حاجة
مالك:ليه مش بتكلم ؟
اسراء: عشان امها سابتهم ومشيت من زمان وهي بتحبها وزعلانه عشان مشيت عشان كده مش بتكلم حد
مالك: خلاص العبو إنتو وانا هرتاح شوية
اسراء:تمام باي بقي
مالك.قرب من ميساء الطفلة اللي عمرها حوالي 7 سنين وقعد من غير ما يتكلم
ميساء.بصتله بصة سريعة ورجعت بصت علي البحيرة تاني
صوت مالك وهو كبير بيقطع الفلاش باك “لحظة ما قعدت جنبها كنت عايزة اقولها اتكلمي كلمة واحدة كفاية بس اتكلمي انا عايز أسمع صوتك”
ميساء.بصت لمالك وهو قاعد جنبها وسرحت في عنيه شوية
صوت ميساء وهي كبيرة بيقطع الفلاش باك”انا أول ما شوفت عنيه وقتها برغم من إني كنت طفلة بس معرفش ليه حسيت بحاجة غريبة حسيت إن هو ده الشخص اللي هتكلم معاه حسيت اني بقيت ليه من لما سرحت وشوفت عنيه مش عارفة حاجات غريبة لدرجة إني كنت هنطق لأول مرة بس مسكت نفسي”
كان قاعد مالك جنب ميساء بصمت وبقي يوميا بيروح يقعد جنبها من غير ما يتكلم كلمة واحدة
ميساء.واخيرااا اتكلمت: إنت ممكن تسمعني ؟!
مالك.بصلها بصدمة وقال: إنتي اتكلمتي؟!
ميساء:أيوة انا بتكلم بس مش بلاقي الحد اللي يسمعني ويفهمني 🥺
مالك:طيب انا موجود يا ستي 🥺
ميساء.بصعوبة: ماما مشيت وسابتنا كله عشان بابا اتجوز واحدة تانية وهي ليلي
مالك:ايوة كملي
ميساء:انا عايزة ماما… عشان صاحبتي بتقول إن مرات الأب وحشة وبتخلي الاب يكرهنا ويقعد يزعق ويضربنا
مالك.مسح دموعها:بس هي ممكن متكونش وحشة وصاحبتك بتخوفك
ميساء: لأ هي بتقول إن أبوها عايز يتجوز واحدة تانية وبيقعد يضرب مامتها كل يوم وكمان بيحبسها…بابا هيعمل كده
مالك:بس هو معملش حاجة صح
ميساء:صح
مالك: عشان هو بيحبك ~وشاور علي آسر~ وبعدين انتي عندك آسر اخوكي كبير وهيحميكي من اي حاجة…وانا …انا كمان موجود ومش هسمع لحاجة تحصلك يا جمليتي
ميساء: وعد…انا خلاص عايزة اتكلم وارجع العب انا مكنتش هتكلم غير لما ماما تيجي بس هي شكلها مش هتيجي تاني
مالك:انا موجود معاكي علي طول ممكن بقي تيجي تلعبي معانا ؟
ميساء:طيب انا مش عارفة اسمك ولا حتي إنت مين
مالك:بصي يا ستي انا حكايتي تزعل اكتر من حكايتك…انا عمو قالي إن انا وبابا وماما عملنا حادثة… وهما ماتو وانا زي ما إنتي شايفة انا نسيت كل حاجة…حتي مكنتش عارف إسمي بس اتعودت… يعني انا معنديش اب ولا أم…بس عندي عمو ومرات عمو واسراء هما عيلتي
ميساء.بصتله وعنيها دمعت.وحضنت مالك.وقالت بصعوبة:ي..ي.. يعني….ا…ا.. إنت مش عندك اب ولا أم أنت وحيد
مالك:هوب هوب… براحة مالك …انا أصلا مش زعلان عشان عندي عمي ومرات عمو هما أبويا وأمي وانا أصلا مش فاكر حاجة عن اهلي
ميساء:بس اكيد عايز تفتكر
مالك.شدها من ودنها:ده إنتي مطلعتيش عيلة صغيرة زي ما كنت مفكر إنتي طلعتي بتفهمي
ميساء: وإنت طلعت طيب وجميل زي عينيك
مالك: عندك كام سنة يا اوزعة إنتي
ميساء:7 سنين
مالك:انا كده اطمنت علي مستقبل البلد 🤭
ميساء.بتردد: ممكن متقولش لحد إني اتكلمت …
مالك:بس إحنا اتفقنا إنك هتقومي وتلعبي معانا مش كده
ميساء:بس انا خايفة
مالك:خلاص مش بقي في داعي للخوف وانا موجود
ومسك ايديها وخدها معاه والكل عرف ومن اللحظة دي الأمان بالنسبة لميساء مالك،،ومالك موجود حولها في كل مكان عشان حبه وأمانه والاكيد لسا في ذكريات كتير لمالك وميساء هنعرفهم واحدة تلو الأخرى مع الاحداث
باااااااااااااااك
مالك”اهو يا ميساء معاملتك الزفت معايا اليومين دول كفيلة تخليني أبعد عنك ومش هكون امانك… مش عارف انا عشت الفترة اللي مكنتيش فيها موجودة دي إزاي…يلا خليني احيي شوية ذكريات” وطلع فونه وشغل اغنية ميساء المفضلة من الطفولة
~انا وليلي…لكاظم الساهر~
أول ما اشتغلت الأغنية ميساء قربت من مالك من غير ما ياخد باله وقعدت جنبه والاتنين سرحو في الأغنية
*ماتت بمحراب عينيكِ ابتهالاتي . واستسلمت لريـاح اليـأس راياتـي
*جفت على بابك الموصود أزمنتي . ليلى . ما أثمرت شيئـاً نداءاتـي
*عامان ما رف لي لحنٌ على وتر. ولا استفاقت على نـور سماواتـي
*أعتق الحب في قلبي وأعصره . فأرشف الهـم فـي مغبـر كاساتـي
*ممزق أنـا لا جـاه ولا تـرف . يغريـكِ فـيّ فخلينـي لآهاتـي
*لو تعصرين سنين العمر أكملها . لسال منها نزيـف مـن جراحاتـي
*لو كنت ذا ترف ما كنت رافضة حبي . لكن عسر فقر الحال مأساتـي
*عانيت عانيت لا حزني أبوح به . ولست تدرين شيئاً عـن معاناتـي
*أمشي وأضحك يا ليلى مكابرة . عليّ أخبي عن النـاس احتضاراتـي
*لا الناس تعرف ما أمري فتعذرني . ولا سبيل لديهـم فـي مواساتـي
*يرسوا بجفني حرمان يمص دمـي . ويستبيـح إذا شـاء ابتساماتـي
*معذورة أنت أن أجهضت لي أملي . لا الذنب ذنبك بل كانت حماقاتـي
*أضعت في عرض الصحراء قافلتي . وجئت أبحث في عينيك عن ذاتي
*وجئت أحضانك الخضراء منتشيا . كالطفل أحمل أحلامـي البريئـات
*غرست كفك تجتثيـن أوردتـي . وتسحقيـن بـلا رفـق مسراتـي
*واغربتاه مضاع هاجرت مدني عني . وما أبحرت منهـا شراعاتـي
*نفيت وأستوطن الأغراب في بلدي. ودمروا كـل أشيائـي الحبيبـاتٍ
*خانتك عيناك في زيف وفي كذب . أم غرك البهرج الخداع مولاتـي
*فراشة جئت ألقي كهلى أجنحتي .لديـك فاحترقـت ظلمـاً جناحاتـي
*أصيح والسيف مزروع بخاصرتي . والغدر حطم آمالي العريضـاتِ
*وأنتِ أيضا ألا تبت يـداك ؟؟. إذا أثـرت قتلـي استعذبـت أناتـي
*ليلـى … مـن لـي؟؟ . بحـذف اسمـك الشفـاف مـن لغـاتـي
*إذن ستمسـي بـلا ليلـى . ليلـى . يــا ليـلـى . حكايـاتـي
بينما مالك وميساء في عالم الذكريات عادت أبواب الشر لتطرق الباب علي أبطالنا
~~~~~~
فادي: خلاص عمر مبقاش ليه لازمة في اللي انا عايزه
… دلوقتي صغير الصياد هو اللي انا هستفيد منه كل اللي عايزه دلوقتي مالك وفريده الصياد وعمر مبقاش مهم
…لازم احط خطة مظبوطة لأن لما يكون معايا صغير الصياد ده مش هيبقي فيه حد قدي خلاص هقضي عليك يا عمر يا صياد كل اللي عايزه دلوقتي ابنك وإنت مش مهم خلاص هقتلك بقلب جامد …. يعني دلوقتي خطتي الجديدة ابنك ومراتك إنت مبقتش مهم خالص
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
