رواية بلوة حياتي الجزء الثاني الفصل الأول 1 بقلم سارة
رواية بلوة حياتي الجزء الثاني البارت الأول
رواية بلوة حياتي الجزء الثاني الجزء الأول
رواية بلوة حياتي الجزء الثاني الحلقة الأولى
في الطائرة
“لم يعد يحتمل قلبي البعد عنك،وها هو قد عاد لك ولرؤيتك،اااه من ذلك القلب الذي احبك،ااااه من هذا القلب الذي أصبح لك،اه من روحي التي اصبحت لك،نعم أصبحت لك منذ أن رأيت عينيك اصبحت لك دون أن يدرك قلبي،مع الأسف أحببتك وأصبحت لك لم أكن أعلم إن وراء وجهك البرئ تلك القسوة،لم أكن أعلم إنك سوف تجرح قلبي يوما دون أن تدرك،لا يسعني سوى أن أقول لعن الله قلبي الذي احبك وأصبح لك،لعن الله روحي عندما أصبحت لك وتعيش لك،لماذا أصبحت لك؟!”
وقفلت بطلتنا “ميساء” مذاكراتها التي تدون بها خواطرها وجروحها
ميساء:يا تري يا مالك بقيت عامل إزاي في السنتين ونص دول دول يا تري زعلت من غيابي ولا لسا زي ما انت قاسي بارد غير مبالي
في مكان آخر مالك بيجري
مالك.بيكلم نفسه: خلاص أنسي إنت بلا ماضي ومعندكش ماضي متجبرش نفسك تفتكر
…يا عالم دم مين بيجري في دمك إياك تربط نفسك بعلاقة إنت هتفضل مالك القوي اللي مستحيل يخضع لمشاعر عبيطة إسمها حب
…ادفن اي دقة وخبي زي ما كنت بتخبي متبقاش زي ما ضعيف يا مالك
…هي دلوقتي بعيدة عنك من سنة ونص اكيد قلبك نسي إزاي يدق ليها هتكون قوي لما تروح تجيبها من المطار
ميساء:يمكن دلوقتي انا بتمني الوقت يعدي بسرعة عشان اقدر اشوفك وإنت بتستمتع مع واحدة ولا حاجة اوووف مش قادرة اكرهك لحد دلوقتي
ميساء غمضت عنيها وافتكرت مشهد مؤلم حرق قلبها…
فلاش باااااااااااااااك
اسراء:مالك هقولك علي حاجة بس اوعدني مش هتقول لحد….
مالك.وهو بياكل:قولي يانيلة النيلة
اسراء: إنت تعرف إن ميسو بتحبك
مالك.ساب الأكل وركز معاها هو عارف إنها بتحبه لكن مكنش متأكد: بتقولي إيه ؟!
اسراء:بقولك ميسو بتحبك …وهي قررت إنها هتعترف بحبها ليك بكرا
مالك!!!!
اسراء.بغيرة:مالك هو إنت بتحبها ؟!
مالك في نفسه:كلمة بحبها دي قليلة انا بعشقها وبموت فيها هي الماضي الوحيد في حياتي هي طفولتي اللي مش فاكرها هي أول كل حاجة حلوة في حياتي انا اتربيت وكبرت علي حبها قلبي ده حبها اتعود عليها انا كلي ليها اصلا
اسراء:مالك إنت روحت فين؟!
مالك: لأ مش بحبها هي ولا حاجة
اسراء.ب ابتسامة نصر:طيب هتعمل ايه دي هتروحلك بيتك اللي جنب البحيرة وتقولك إنها بتحبك
مالك:مالكيش دعوة انا هتصرف …لما ماما تصحي ابقي قوليلها إني هاجي أشوفها ب الليل
اسراء:تمام
*عارفة لسا محدش فاهم حاجة بس استنوا صبركم عليا بس 😂🌚*
~لازم نوصف مالك شوية أيوة نعم هو نسخة طبق الأصل عن عمر لكن مالك دائما شعره لحد عينه ودقنه تقيلة يعني الواد مش باين من ملامحه غير عنيه اللي جايبله الكافية وانفه علي عكس عمر دقن مرسومة ملامحه كلها واضحة شعره قصير شوية عن مالك~
في الوقت نفسه ميساء كانت بتحاول تشجع نفسها إنها تقوله إنها بتحبه
ميساء:انا لازم اهدي خلاص مفيش تراجع هقوله بحبك بكرا وحسم الأمر …وابتسمت ضحكة رقيقة…انا هقوله بحبك عند البحيرة في المكان اللي شوفته فيه لأول مرة في المكان اللي كنت حد تاني قصاد عنيه انا بقيت ليه وقتها….اصبحت لك أيها المالك منذ أن رأيت عينيك ♥️
~نوصف ميساء بقي وصف ميساء هي فتاة جميلة ذات وجه القمر 🌚 ذو بشرة قمحاوية وشعر أسود وعيون بنية وخدود بلون الطماطم وشفايفها ك حبة الفراولة سبحان الخالق الذي أبدع في هذه الشفايف بجد🌚💖 مش طويلة ولا قصيرة وجسمها مظبوط”الوصف حقيقي”~
ميساء:وفرصة بكرا بيقضي اليوم هناك يعني مش هيكون هنا “لفت حوالين نفسها”.. بجد مش قادره فكرة إني اعترف بحبي دي وحدها كفاية انا بحس إني طائرة من الفرحة انا عارفة إن لوكا بيحبني كمان 🥰
كانت ميساء في أحلامها الوردية اما مالك ف كان في افكاره المظلمة وعدي الوقت لحد تاني يوم
ميساء.رايحة عند البحيرة عشان تشوف مالك:هو هيكون صحي دلوقتي ياتري…؟!
… أيوة هيكون صحي مالك بيحب التجديف بدري وكمان يجري أكيد صحي
…بس أفرض مش بيصحي بدري كده في الأيام دي ..
… عادي هروح اصحيه هو انا غريبة عليه ده انا هكب عليه ماية واصحيه زي زمان 😂
ميساء وصلت عند منزل مالك الصغير وخبطت علي الباب
مالك.فتح الباب وهو مش لابس تيشرته
ميساء.كانت داخلة بس شافت واحدة معاه….!!!! “يا وسخ”
مالك.ببرود:خير فيه إيه…
ميساء.بتحاول تكون طبيعية بعد اللي شافته:احم احم …انا ..انا
مالك: إنتي إيه
ميساء.بكسرة:كنت عايزة اقولك إني هكمل دراستي في المانيا بس الظاهر جيت في وقت غير مناسب
مالك.مصدوم مكنش متخيل إنها هتبعد للدرجة دي بس بردو مش بين إنه زعل وبكبرياء:طب حضرتك جاي تقوليلي بصفتي إيه؟!
ميساء:بصفتك صديق…
مالك: طيب يلا بالتوفيق
ميساء:ماشي انا هجهز كل حاجة وموعد سفري هيكون قريب
مالك:انا مسألتش…!!
ميساء:اه معاك حق ومشيت من غير ما تقول كلمة تانية
ميساء.في نفسها بحزن وكسرة:بردو لسا بتحبيه بعد المنظر اللي شوفتيه بردو لسا مفكرة إنه بيحبك بردو لسا مفكرة إن هو ليكي زي ما إنتي بقيتي ليه… إيه يا شيخة مش عندك كرامة للدرجة دي ازاي لسا بتحبي انسان زي ده…ليه بقيت ليه من أول مرة ليه حبيته”لماذا اصبحت لك أيها المالك البارد”
مالك.في نفسها: ابعدي ابعدي اكتر انا مش ليكي وعالمي مش ليكي انا وحش مش استاهلك خالص ابعدي أفضل ليكي 💔
…انا مخونتش حبي ليكي واظن خطتي بدل ما تمنعك إنك تقوليلي بحبك وتبعدك شوية هتبعدك خالص بس ده أفضل 💔
ميساء.رجعت اوضتها وبعياط شديد:مش قادرة اصدق…انا كنت مفكرة إنه بيحبني…بس طلع اهتمامه بيا شفقة مش أكتر…هو انا ليه كنت مخدوعة فيه ليه كنت بشوف الحب في عنيه …عنيه اللي لما شوفتها حبيته ليه كده يا مالك ليه عملت كده …
وكسرت صورة بتجمعها مع مالك وفضلت تعيط وهي مكسورة
باااااااااااااااك
ميساء.بدأت تكتب في مذكراتها قبل هبوط الطائرة: “ألم يمل قلبي من حب شخص لا يحمل في قلبه حبا لي كان حبه خادع واهتمامه زائف لقد كان يشفق علي لا أكثر وماذا حدث لي انا …اصبحت له…نعم أصبحت لك يا مالك قلبي الي الآن والي اخر نفس في حياتي…”
مالك وصل المطار وفي انتظار وصول ميساء
مالك.في نفسه: إنت مش بتحب حد إنت مفيش في حياتك حاجة اسمها حب إنت بلا ماضي إنت مينفعش إنك تربط حد بيك إنت عالمك مظلم اوي وموحش مش لازم يكون حد معاك
ميساء.بتمشي خطواته بثبات وفي انتظار إن عنيها تلمح مالك:انا مش هكون ضعيفة زي زمان انا هكون اقوي وهتندم يا مالك
وأخيراً الاتنين شافو بعض مع إن الاتنين كانو مفكرين إن البعد خلاهم نسيو بعض ولو شوية لكن لما شافوا بعض قلوبهم رجعت طارت في السماء من جديد بعد ما شافت اللي بتحبه كانت قلوب مشتاقة لو كان الوضع يسمح كانو غرقو في عالم تاني في حب بعض …
مالك.بيحاول يكون طبيعي ببرود: حمدالله على السلامة
ميساء.ببرود مماثل:الله يسلمك
مالك خد الشنط ودخلها العربية
ووقف فتح لميساء الكرسي اللي جنبه لكن هي وقفت بكبرياء أمام باب الكرسي الخلفي منتظرة إنه يفتح الباب
مالك.فتح الباب ليها بصدمة هي عمرها ما عاملته علي إنه سائق ليها مش اكتر كان دائما صديقها وعمرها ما قعدت ورا حتي في اصعب الأوقاف حتي لما وصلها اخر مرة مكنتش كده برغم إنها كانت زعلانة منه كان مصدوم من برودها وتغيرها المفاجئ هو دائما كان بيشوف الحب في عنيها وبيحسها مع كل كلمة لكن دلوقتي لأ هي اتغيرت فعلاً وابتدي يقلق لحسن تكون حبت غيره وركب وساق وهو بيفكر
~~~~~~~~~
في فيلا الصياد
فريده:يا عمر وطي صوتك هيخاف
عمر.بيبص لمالك إبنه بغيظ وبصوت عالي:ده هيخاف ده الواد ده يخاف طب قولي غيرها
…وقرب من مالك وبصوت عالي…يا مطلع عيني إنت ياخي من ساعة ما دخلت حياتي وهي منيلة إنت إيه يبني ده انا في مقام ابوك بردو
مالك كان بيبص ليه كأنه بيسمع نكتة مستنيها تخلص عشان يضحك هو لسا مازال عنده كام شهر
عمر:حرام عليك يا اخي قرفتني في عيشتي دائما مبوظ كل حاجة انا بقالي كتير هموت علي شهر العسل بس جدتك وعمتك وانت منكم لله مش عارف اطلع بسببكم
فريده:عمرررر
عمر: إيه في إيه حرام والنعمة يعني بعد ما نتجوز امي تتعب وأفضل جنبها شهرين لحد ما تخف… واخوكي واختي اتخانقو وكان الدم هيوصل للركب قعدنا نهدي فيهم واتاجل شهر كمان…نيجي لسفر مهاب ونقل شغله فضلنا شهر كمان مع زفت مهاب بعد ما خلاص فرجت اعرف إن الزفت اللي راكض ده مينفعش نسافر بسببه هل ده يرضي حد
مالك الصغير بيبص لعمر ويضحك زي اللي فاهم هو بيقول إيه وإن الكلام عليه
عمر.بص لفريده وبغيظ: شوفي بيضحك ازاي زي ما قولتلك ده فاهم كل حاجة بس بيغفلنا تحت مسمى إنه طفل
…اهو ده بالذات يتحط تحته ألف خط أحمر الواد ده بيبقى عارف إحنا بنام ايمتا ويعيط قولت ماشي ناكل ايمتا قولت ماشي لكن لما اكون معاكي أو ننوي نسافر ويتعب ده مش ماشي خالص ارحمني يا اخي
فريده:نسافر وهو يتعب يعني
عمر:ماهو لو تفهمي ونسيبه لامي ودادة مش بتفهمي والله
فريده:عمررر
عمر:نعممممم
فريده:من كل عقلك دادة تاني؟!
عمر:هي كانت مرة واحدة الدادة المسكينة نعست ونامت وهو فضل يعيط زي عادته
فريده:عمررر
عمر:ماشي ومرة تانية كانت الدادة الجديدة بتأكله وهو لسا مش في عمر مناسب…
فريده:عمرررر
عمر: خلاص دي آخر دادة جبناها سابته وراحت تشوف حبيبها التعبان… يعني تسيب حبيبها يرضيكي؟!
فريده: لأ ميرضنيش… واسيب إبني اللي كان هيقطع النفس وحده
عمر:اه من اخوكي ابو دم تقيل لو يرضي يخليني اسيبه مع شهد…بس لأ هو بيكره الواد الرخم ده زييي عارف إنه مفسد كل اللحظات الجميلة
فريده:ملوكي ده قلبي مامي ولا إيه يا ملوكي .
عمر.بصوت عالي ودراما: والله اكون قاتله قدامك انا اتحرمت من الكلام الحلو ده بسببه
مالك.ضحك بصوت عالي ورفع ايده ناحية عمر بمعنى إنه يشيله
عمر.ضحك:بصي بيضحك عليا عشان ما اسمعش الكلام الحلو بتاعي 😂
وراح شال مالك اللي هو نسخة مصغرة عنه هو ومالك بس بنفس عين مالك الرمادية وبشرة فريده البيضاء 🌚
عمر:افندم يا رخم انا المفروض اقولك بلوة حياتي لكن مامي البلوة الأولي والأخيرة
مالك الصغنن بيضحك “عايزكم تتخيلو ضحكه الطفل الصغير الجميلة دي اللي تتطلع اي حد من اي مود 😂”
عمر: عارف يا مالك إيه اللي مصبرني عليك …ضحكتك دي …وانا معتبر إن ضحتك دي موافقة إننا نسافر يا حبيبي خلاص ضربت في دماغي هنسافر يعني هنسافر
فريده: عمر إنت اتجننت؟!
عمر: أيوة اتجننت انا هطلع شهر عسل يعني هطلع انا لو فضلت اخر اكتر مش هنطلع إلا واحنا شايلين عيال الزفت ده 😂
… خلاص ملوكي بتاعك موافق هتزعليه يعني هو موافق جهزي إنتي كل حاجة وملكش دعوة
فريده:هنروح بس مش هسيب مالك هناخده معانا
عمر:ابدااااااااااا مش هيحصل هيدمر كل حاجة
فريده:هنجيبله دادة هناك بس مش هقدر اخليه بعيد عني صدقني
عمر:تمام ولا انا كمان ف موافق وامري لله
فريده:هو إنت ليه مش زي أبيه مش عايز شهر عسل
فريده: وإنتي ليه مش زي اختي اللي خدت اخوكي غصب عنه شهر العسل انا لقيت في خلل في الاعدادات قولت اصلحها واكون انا المصر 😂 “اهم عمر وفريده دول السكر بتاع الرواية الحزينة دي”
فريده:طب والله بحبك اوووووي
عمر: الله واكبر قولتي بحبك ومعيطش الله أكبر
فريده.باسته من خده:بحبك♥️…شوفت إنت ظالمه ازاي 🙂
عمر:طب استني اجرب انا لسا هيقرب بدأ مالك يعيط 😂
“الواد بيتغاظ من أبوه ومستحلف ليه 😂”
عمر.بدراما:خدي إبنك انا هنام احسن
فريده:خدت مالك وقعدت تالعب فيه وعمر راح نام 😂
~~~~~~~~~~
عند مالك وميساء
مالك:هنرجع البلد
ميساء: لأ اطلع على اسكندريه هروح أقعد مع أسر
مالك.اول ما سمع إنها عايزة تقعد مع أسر اتضايق هي فعلاً ناوية تبعد خالص
ميساء.كملت جملتها:وبعدين نرجع
مالك.اتنهد براحة:تمام
وبعد ساعات وصلو علي اسكندريه في المنزل الخاص بعائلة المهدي
مالك:هتفضلي هنا كتير
ميساء.مشيت من غير ما ترد عليه.وطبعا مالك اتغاظ هو عمره ما اتعود منها علي كده
ميساء.دخلت اوضة آسر بخفة عشان ما يحسش بيها
آسر.كان قاعد كعادته مركز في الشغل*آسر المهدي 30 سنة اخو ميساء وهو شاب طوله معقول وجسمه رياضي شعره اسود وعينيه سودا بشرته بيضاء وهو شاب عملي جدا كل حياته عبارة عن شغل مثالي زيادة عن اللزوم*
اسر.مركز مع الكومبيوتر ومن غير ما يبص: متحاوليش يا ميسو…
ميساء.بدهشة:عرفت إزاي!!!!
اسر.قام وسحبها في حضنه بسرعة: يعني تكون اميرتي ام دم تقيل في مكان ومحسش ليه شايفني إيه
ميساء:بس إنت كنت مركز مع شغلك
أسر.رجع خصلات شعره لورا:فكرك اني لما أكون مركز مع شغلي مش ببقي عارف الخطوات اللي حواليا…
ميساء.حضنته جاااامد: وحشتني يا توتي
اسر: وحشتني يا ميسووو والله وبعدين انا كنت عندك من فترة
ميساء.خدت تفاحة:يعم عارفة بس وحشتني بردو
آسر:والله غريبة مالك مش جاي في ديلك 😂✋
ميساء:انا قولتله ينام في اوضة الملحق اللي برا لحد ما اشوف هرجع الفيوم ايمتا
آسر.فتح عينيه بدهشة الملحق؟!!!… إنتي إللي قولتي ليه؟!!
ميساء:اه
اسر: الظاهر إن في تغيير ملحوظ بعد العودة من المانيا
ميساء:سيبك إنت من ده كله…هي لسا عايشة؟!!
آسر:هي مين؟!
ميساء:مرات ابوك
آسر.بغضب واضح:مش إسمها مرات ابوك اسمها ماما ليلي قولت
ميساء.بتحدي:وانا معنديش غير ام واحدة وليلي عمرها ما هتكون امي
آسر:هي فعلاً عمرها ما هتكون امك لأنها افضل بكتير من اللي إنتي مسميها امنا…!!!
ميساء:إنت ليه بتكره ماما كده هي عملت إيه
آسر:مش أم اللي تسيب ولادها اطفال وتمشي…دي حتي عمرها ما سالت علينا…!!
ميساء: لأ هي أكيد بتسأل علينا بس مرات بابا الحية دي مش بتخلينا نعرف
آسر: خليكي في عالم الاحلام براحتك
ميساء: اسر إنت تعرف حاجة ومخبيها
آسر.اتوتر:ااااا لأ مش مخبي حاجة
ميساء: لأ كرهك لماما ده كأنك عندك سبب مقنع للموضوع
آسر.فعلا مخبي لكن هو شايف إن عدم معرفتها أفضل..: مفيش حاجة يا ميسو
ميساء:تمام
مالك.في الملحق متغاظ من تصرفات ميساء: لأ هي اتغيرت جدا انا حاسس إني مش عارفها مختلفة خلاص عن ميسو اللي أعرفها من 18 سنة …هي حد تاني جديد مش عارفه شخصية جديدة غير الشخصية اللي عارفها مش مالك الأدهم اللي يبقي كده ويتعامل كده … الأدهم مين ده انا مش عارف انا مين بما أني طلعت مش ابن عيلة الأدهم…
طبعاً عايزين تعرفوا مالك عايش ازاي… فلاش باااااااااااااااك من 18 سنة
يوم الحادثة تحديدا….
عمر.ركب عجلته ومشي
وبعد ما عمر مشي بكام دقيقة كان في عربية راجعة من الاسكندرية وفيها 3 أشخاص ..
العربية وقفت عند سيارة حسين والد عمر
مجهول:ده حسين الصياد…!!!
السائق:فيه ولد هناك اهو …
المجهول جري بسرعة عشان يشوف الولد
مجهول:صغير عائلة الصياد…وقرب يتأكد من نبضه:عايش
مجهول:يا تري إنت مين من ولاد زينب عمر ولا مالك؟!.
المجهول فتح عنيه عشان يعرف هو مين بالظبط:العينين الرمادية الساحرة زي عنين امك يبقي إنت مالك الصياد
المجهول بيضحك جامد:غريبة النهاردة مات مالك ابن ماذن الادهم ولقيت مكانه مالك الصياد … المجهول بص لمالك… إنت تعرف إن إنت كان ممكن تكون ابن ماذن الادهم لو امك اتجوزته زمان…بس يلا مكنتش ابنه وقت جواز امك منه دلوقتي هتكون علي إسمه عصفورين بحجر واحد مات مالك جه واحد لما اخدك واحرم امك منك هكون انتقمت من زينب بجد وكمان هستفاد منك من طرف ماذن الادهم وعيلة الصياد
المجهول.بص للسائق:هات الواد من العربية …
السائق راح جاب جثة وباين إنها حادثة من وقت قصير وكان هيتخلص من الجثة في أي مكان
كان الجثة طفل في عمر مالك يمكن الفرق سنتيمترات لا أكثر كان بنفس العمر تقريباً
المجهول لبس الطفل الميت لبس مالك ومسك حجر دمر بيه ملامح الطفل بشكل بشع جدا
المجهول.للسائق:خده ركبه العربية عايزين ناخده المستشفى
وحط جثة مالك الادهم مكانه
في المستشفى .
الدكتور:الولد دلوقتي بخير بس غالبا حصل معاه فقدان ذاكره عشان الخبطة كانت جامده
المجهول.بتفكير:في احتمال ترجع؟!!
الدكتور: ممكن كام يوم وترجع
المجهول.في نفسه:وانا مش هسمح إنها ترجع…
… شكراً يا دكتور
المجهول.راح لدكتور نفسي واخد منها أدوية ودي لما ياخدها مالك ب استمرار لفترة طويلة بتأخر من إنه يستعيد ذاكرته
بعد.اسبوع من الحادثة المجهول خد مالك وهو مازال لم يستعيد وعيه وطلع بيه علي الفيوم
في منزل عائلة غنية
المجهول يمشي ب إتجاه الملحق الخاص بالمنزل
محمد *رجل كبير في السن والد إسراء:ازيك يا… ،مين اللي معاك ده؟!!!
المجهول:ده مالك ابن اخوك
محمد:بس ده ..
المجهول:من هنا ورايح ابن الصياد هو ابن اخوك إنت فاهم وإلا صدقني هتشوف اللي عمرك ما شوفته
محمد.بخوف:حاضر اللي إنت عايزه
المجهول:هيعيش معاك بصفته ابن اخوك هاجي استرده منك في الوقت المناسب أو هخليه تحت سيطرتي وهو معاك اصلا
محمد.بص لمالك بخوف عليه وبلع ريقه بقلق: حاضر
عدت الايام ومالك استعاد وعيه بس مكنش بيتكلم مع حد لفترة طويلة
وطبعاً المنزل اللي فيه مالك هو منزل عائلة المهدي ومالك قدام الكل هو ابن اخ محمد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بلوة حياتي الجزء الثاني)
