رواية بلد احلامي الفصل السادس 6 بقلم جنا ابراهيم
رواية بلد احلامي البارت السادس
رواية بلد احلامي الجزء السادس
رواية بلد احلامي الحلقة السادسة
*تفسير*
«لينا»
صحيت وبصيت علي الساعه لقيت الساعه خمسه نمت ست ساعات حلو… فوقت وروحت اتوضيت وصليت ومسكت تليفوني وقعدت اتصفح فيه شويه بعدين افتكرت الكتاب فتحت شنطتي خدت الكتاب
وبمجرد ما لمسته نَور والنقوشات الي عليه نَورت بألوان جميله برضو….يا ترا اي قصه الكتاب دا….سمعت صوت رنين منبه…صوت الرنين دا جاي من شنطتي فتحت الشنطه ملقتش فيها حاجه بعدين فتحت الجيب الي فيها من جوا لقيت تليفون…اي دا ثواني دا تليفون جين اي الي جابو ل شنطتي.. افتكرت امبارح وانا عند جين قبل ما انام كنت بتصفح تليفونه او بمعني اصح بفتش فيه ولما كبس عليا النوم قفلتو وحطيتو في شنطتي…..اوف زمان جين دلوقتي اتأكد اني حراميه طب دا ارجعله التليفون ازاي….يوووه
رنيت علي جنه وقولتلها تجيلي عشان احكيلها كل حاجه بالتفصيل
*علي الجانب الآخر في كوريا الجنوبيه*
«جين»
نزلت من البيت وروحت عند عنوان الراجل الي جيمين جابلي منو الغلاف واستنيت جيمين عقبال ما يجي اصلي مش هدخل للراجل دا لوحدي بيته ميطمنش بعدين يعني جيمين ساب محلات كوريا كلها وراح جابلي من دا……دا هو لو قاصد يوديني في داهيه مش هيعمل كده.. قاطع حديثي مع نفسي جيمين
شوفت جيمين وهو جاي عليا والابتسامه عندو من الودن للودن:
-جيت قبلي مش من عادتك يعني
قولتله وانا ببصله بقرف:
-طبيعي اجي بدري بسبب المشكله الي انت ورطتني فيها بعدين خد هنا انت سايب محلات كوريا كلها وجاي تجيبلي الغلاف من هنا الدنيا داقت بيك للدرجاتي
جيمين قالي ب ابتسامه هبله:
-هو انا مقلتلكش مش انا جايب جلده الكتاب الي انت حاطط فيه الورق من هنا كمان
قولتله وانا بحاول استوعب هو بيقول اي:
-يعني اي…دا انت مصمم توديني في داهيه….الطم الطم وانا اقول جلده الكتاب شكلها فريده من نوعها وعليها نقوشات اتريها هي كمان ملعونه
جيمين قالي وهو بيدخل ل بيت الراجل:
-يا عم كلو محصل بعضو
دخلت وراه…بيت شكله عادي من جوا عكس بره تماماً بصيت قدامي لقيت راجل عجوز قاعد علي الأرض وقدامه شموع وفيه رف فوقه موجود عليه كتب من الواضح انها كتب قديمه
جيمين:
-اهلا يا عم كيم
رد عليه الراجل الي من الواضح انه اسمه طلع كيم:
-اهلا يبني عامل اي…. اي الي جابك تاني تحب تاخد المره دي كتاب كامل
جيمين رد عليه وقاله:
-الحمدالله انا تمام بس كنت عايز استفسر عن الحجات الي اشتريتها من حضرتك
راقبت كيم وهو بيقوله:
-كل دا كان مكتوب ولازم يتنفز
انفعلت وقولتله:
-يعني اي…..هو اي الي لازم يتنفز
كيم بصلي وهو بيقولي:
-دا قدرك…..وزي ما كتبت الكتاب ب ايدك هيعيد نفسه ويتكتب ب افعالك….وانت هتعرف الباقي بنفسك…انت مش في الرحله دي لوحدك
بصيت له وانا بحاول افهم قصده اي بس انا ملحقتش لأن فجأه لقيت البيت بيتهز وكل الكتب الي فيه بتقع وجدار البيت وقع جيمين سحبني من ايدي وطلع يجري
بصيت للبيت وهو محطم تماماً بس كيم….احنا ملحقنهوش احنا كان ممكن ننقذه كان لازم الاقي تفسير قبل ما يموت
جيمين قالي وهو بيحاول يفوقني عشان اركز معاه:
-جين متيأسش كده كده الراجل ميت والبيت هيرجع يبني نفسه بنفسه بعد شهر وممكن ترجع تسأله تاني
بصيتله وانا مذهول:
-ميت
جيمين:
-اه ميت متلومنيش انا مكنتش اعرف ولسه عارف اول امبارح
بصتله وقولتله:
-هي لو البنت مرجعتش هنا تاني يبقا كله تمام وهنسا الموضوع
تليفون جيمين رن ف رد عليه:
-انا كويس الحمدالله يا سو هي
لقيتو بيبصلي ف عرفت ان هي بتسألو عني
قولتلو هات التليفون كلمت سوهي
سوهي:
-اي يا جين برن عليك تليفونك مقفول
قولتلها:
-اصله تقريبا اتسرق
سوهي:
-اتسرق يعني اي مين سرقه
قولتلها:
-واحده بقا ربنا يسامحها المهم متيجي النهارده عندي نتكلم شويه وجيمين هيبقا موجود عازمكو النهارده عندي
سوهي:
-تمام اوكي… هقفل بقا اصل ورايا شغل وقفلت
بصيت ل جيمين واديته التليفون وقولتله:
-ابسط يعم عازمك النهارده بس اوعا تفتكر اني نسيت الي عملتو
جيمين بصلي وقالي وهو بياخد التليفون مني:
-ميبقاش قلبك اسود بقا
*في مصر*
«لينا»
مسكت تليفون جين وفتحته اصله ملوش باسورد لقيت تطبيق في التليفون ومكتوب فيه مذكراتي جالي فضول اوي اعرف عنه اكتر
عرفت انو عندو 24 سنه وانو متخرج من سنه وكاتب مشهور زي ما كان بيقولي وان والده و والدته ماتو في حادثه بطريقه وحشه جدا بس اي دا….. دا كاتب انهم اتقتلو بس مش كاتب ماتو ازاي….لقيت انو كاتب حجات كتير وانو كانت اصعب فتره في حياته لما والده و والدته ماتو وانو نزل واشتغل شغلانات كتير وان الي وقف جمبو طول الفتره دي صاحبو والي اتضح انو اسمو جيمين وان هو بيحب صاحبته والي هي كانت تبقا زميله في الجامعه وان اسمها سوهي…وفي باقي المذكرات كاتب ايامو كانت بتمشي ازاي وكاتب الحجات الي بيحبها وبيكرها ولقيت انو اخر حاجه كاتبها انو كتب كتاب مخصوص ل سوهي والي استمر في كتابته تَلت شهور وانو صاحبو جيمين جبلو جلده الكتاب وغلاف الهدايه وانو خلاص هيبعتلها الهديه والمذكرات انتهت لحد هنا
عرفت دلوقتي هو بيحب مين بس بجد صِعب عليا اتمني يعيش باقي حياتو في سعاده مع سوهي ويديها الكتاب الي كتبه مخصوص عشانها….. بعدين افتكرت ان اول صفحه الكتابه الي كانت فيها اتغيرت انا لازم الاقي تفسير للبيحصل دا…..سمعت صوت رن جرز الباب دي اكيد جنه
*علي الجانب الآخر في كوريا الجنوبيه*
«جين»
روحت البيت وجبت شويه طلبات عشان العزومه وقعدت اجهزهم وانا سرحان في الحصل اليومين دول انا لازم الاقي تفسير للي بيحصل واي الي كان يقصده كيم لما قالي اني مش في رحلتي لوحدي؟؟!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلد احلامي)
