رواية بلد احلامي الفصل السادس عشر 16 بقلم جنا ابراهيم

رواية بلد احلامي البارت السادس عشر

رواية بلد احلامي الجزء السادس عشر

رواية بلد احلامي الحلقة السادسة عشر

*شك*
«جنه»
حكيت ل لينا كل الي حصل معايا….بس لين قاطعتني وهي بتقولي:
-انا مشوفتش تاي دا قبل كده….انا اعرف جين وجيمين بس
قولتلها:
-مش عارفه بس انا شاكه فيه….انا علي حسب ما فهمت ان هو الي جابني….بس الي كان خاطفني دا راح فين لما تاي جه ولقاني….دا غير ان تاي مذكرش اي خناقه مثلا حصلت معاه…..والي خلاني اشك اكتر…اني لقيت بقع د*م علي قميصه وانا كنت دلقت علي المقنع دا حاجه لونها زي الد*م ان مكنش د*م حقيقي يعني…..
لينا:
-هبقا اسألك جين عليه….المهم ان انتي كويسه… اه صح انتي مشفتيش وش المقنع دا
قولتلها بنفي:
-لاء….
لينا افتكرت حاجه وقالتلي:
-طب صح صوتو….فيه شبه بين صوت المقنع وتاي ولا لاء
قولتلها وانا بفتكر صوت المقنع:
-لاء مفيش اي شبه….
لينا قالتلي وباين علي وشها التعب:
-طب انا عاوزه نام…..
وشاورتلي علي الاوضه وهي بتقول:
-هدخل انام في الاوضه دي
قولتلها:
-تمام وانا شويه وهدخل انام….تصبحي علي خير
*في بيت تاي*
«جين»
نزلت علي السلالم وانا بنادي علي جيمين وبقوله:
-خير اي الي حصل تاني
بصيت علي تاي الي واقع علي الارض من كتر الضحك وبصيت علي جيمين الي ماسك رجله وبيتنطط
… قولت ل جيمين وانا بضحك:
-هي جت ضر*بتك تاني ولا اي
جيمين قعد علي الكنبه وهو ماسك رجله وبيقولي:
-ااااه…..اشمعنا انا… هي مستقصداني لييه…..انا مش فاتح ابواب تاني
قولتله وانا بحاول مضحكش:
-دا انت موعود…
بصيت علي تاي الي لسه بيضحك وهو بيقوم من علي الارض ولفت انتباهي بقع د*م علي كم قميصه ف قولتله:
-اي الد*م دا…..هو انت اتخا*نقت مع حد ولا اي
تاي بص علي كم قميصه….حسيته ارتبك شويه بعدين بصلي وقالي وهو بيبتسم:
-لاء….دا انا لما كنت شايل البنت دي كان علي ايدها د*م مش عارف من اي ف نقط عليا بس
بصتله لثواني وانا بحاول اعرف هو بيكدب ولا لاء وقولتله:
-اوكي….طب وانت مقابلتش حد في البيت غير جنه
تاي:
-اه ملقتش غيرها وكان مغمي عليها
قولتله:
-اوكي….طب انا هطلع انام بقا..
طلعت علي السلالم وانا بقول لنفسي:
-انت اهبل ولا اي يا جين هتشك في تاي
قاطع تفكيري صوت جيمين وهو بيقولي:
-بتكلم نفسك ولا اي…
جيمين كمل كلامه وهو بيقولي بتفكير:
-خدت بالك من توتر تاي لما سألته علي بقع الد*م الي علي قميصه
قولتله وانا بدخل الاوضه:
-خدت بالي….وشاكك فيه الصراحه… وبرضو من امتي وتاي بيلفت انتباهه الاماكن المهجوره او المر*عبه… انا حتي فاكر لما كنا في ثانوي ولفت انتباهي بيت مهجور وقولتلكم ندخل نستكشفه هو سابنا ساعتها وقالنا مش ناقص تفاهه
جيمين قالي وهو بيقعد علي السرير وماسك رجله وقالي:
-اهااا صح….خلاص هبقا ابعت حد يعرف اخباره من سنتين واتأكد من كلامه
افتكرت الرساله الي بعتها ل سوهي وخدت التليفون من علي السرير بلهفه وفتحته بس عقدت حاحبي ب استغراب لما لقيت ان الرساله اتمسحت من نفسها…..جيمين لاحظ استغرابي وقالي:
-في اي
قولتله وانا برفع نظري من علي تليفوني وببصله:
-بعت ل سوهي رساله بعترفلها فيها ب حبي بس الرساله اتمسحت من نفسها
جيمين قالي وهو بيريح جسمه علي السرير وبيستعد للنوم:
-عادي…ابعتلها الرساله تاني مش حوار
حاولت ابعت الرساله كذا مره بس كانت بتتمسح رميت التليفون بعصبيه ورجعت شعري لورا وانا بقول:
-دا اي دا….كل شويه تتمسح
جيمين قالي وهو مغمض عينه:
-خلاص فكك…..ابقا قولها لما تقابلها نام بقا
*في بيت جين*
«لينا»
صحيت علي صوت جنه وهي بتقولي:
-اي يا لينو كل دا نوم….اصحي يلا…دا جين وجيمين بره…اه ودي شنط فيها هدوم جين جابها…..قالي ان دي الهدوم الي كنتي جيباها انتي وسوهي… البسي حاجه منهم واطلعي عشان نتكلم….اه بصي انا خدت بنطلون وتيشيرت ولبسته عشان معييش هدوم….البسي واطلعي بقا
جنه سابتني وطلعت….وانا قومت ولبست بنطلون اسود علي هودي بنفسجي….وطلعت شوفت جنه قاعده علي الكنبه وقصادها جين وجيمين
قعدت جنب جنه وانا مخططه هسأل واقول اي زي ما جنه قالتلي عشان هي مش عارفه تكلم بالكوري بطلاقه
ورجعت نظري ل جين وقولت:
-هو مين تاي دا…..وازاي لقا جنه
جين:
-هو قالنا ان هو لفت انتباهه بيت مهجور ف دخل يستكشفه ولقا فيه جنه مغمي عليها
قولتله:
-طب والمقنع الي كان خاطف جنه….راح فين…مكنش موجود؟
جين قالي ب استغراب:
-مقنع….هو قال ان ملقاش حد غير جنه وكان مغمي عليها
قولتله:
-طب جنه شاكه فيه…. ومن كلامها انا برضو شكيت فيه
جيمين:
-انا بعت واحد عشان اعرف اخباره من سنتين عشان هو كان مختفي من سنتين…
بس فجأنه واحنا بنتكلم… كلنا اتفجأنا ب نور قوي من جنه….وانا غمضت عيني من شده النور وفي نفس الوقت سمعنا صوت رن جرز الباب
بصيت علي جنه بس اتفجأت عشان ملقتهاش….قولت بصوت مسموع:
-جنه اختفت زي ما كان بيحصل معايا
جيمين قام يفتح وهو بيغمض وبيفتح عينو عشان يعود نفسه علي النور
اتفجأت ب جين الي بص ناحيه الباب وقال:
-تاي
لما دا تاي…..يبقا جنه اتنقلت ل مين؟؟