رواية بلد احلامي الفصل الثالث عشر 13 بقلم جنا ابراهيم
رواية بلد احلامي البارت الثالث عشر
رواية بلد احلامي الجزء الثالث عشر
رواية بلد احلامي الحلقة الثالثة عشر
*عدو*
«لينا»
صحيت واستوعبت انا فين…طلعت من الاوضه ودخلت المطبخ عشان ادور علي حاجه اكلها…لقيت ورقه علي التلاجه..مكتوب فيها ان في راميون علي الرف…شلت الورقه وجبت الراميون…وعملته وانا باكل افتكرت الرساله الي كانت جاتلي ان عشان اتأكد ان جين قاتل ولا لاء…لو لقيت منشار في دولابه يبقا هو قاتل…مع اني كنت دورت في دولابه قبل كده بس ملقتش حاجه…خلصت اكل وقومت دخلت اوضه جين…فتحت دولابه ودورت فيه…بس ملقتش حاجه…لفت انتباهي صنودق تحت في الدولاب..طلعته وحطيته علي السرير وقفلت الدولاب….فتحت الصندوق….واتصدمت…دا منش*ار فعلا…وكمان عليه د*م…ولفت انتباهي الانسيال بتاعي في الصندوق…بصيت علي ايدي لقيت اني لابسه الانسيال بتاعي عادي…افتكرت ان الانسيال دا عباره عن جزئين…واحد ليا…وواحد لجنه
…جنه..دخلت اوضتي بسرعه وجبت التليفون عشان ارن علي جنه…بعدين افتكرت ان خطي مش هيشتغل…هستني جين…يارب جنه تكون كويسه ومحصلهاش حاجه… سمعت صوت فتح الباب…طلعت من الاوضه لقيت جين
قولتله وانا قلقانه:
-هات تليفونك هكلم جنه واديهولك تاني
جين اداني التليفون وهو بيسألني:
-جنه مين…صحبتك؟
قولتله وانا برن علي جنه ومستنياها ترد:
-اه هي
رنيت عليها كذا مره بس تليفونها خارج الخدمه اصلا
جين سبني ودخل الاوضه بتاعته…بعدين طلع وهو بيزعق وبيقولي:
-يا بنت الناس هو انا مش قايلك متدخليش اوضتي…وكمان فتشتي في دولابي….انتي مبتفهميش
قولتله وانا متعصبه:
-مهو عشان اتأكد اذا كنت قاتل ولا لاء… وطلعت سايكو زي ما المسلسلات…قولي وديت جنه صحبتي فين…قطعتها وطبختها صح…وهتقتلني انا كمان دلوقتي…عارف لو قربتلي بس كده..هعمل فيك اي
جين حسيته مصدوم من الي بقوله وبيحاول يستوعب انا بقول اي…وقالي وهو مصدوم:
-انا…انا سايكو…بعدين جنه مين الي هقتلها انا اعرفها اصلا…وهتعملي اي يعني
طلعت اجري علي اوضتي وجبت المسدس من تحت السرير…وطلعت من الاوضه وانا ماسكه المسدس وموجهاه ناحيه جين وقولتله:
-هقتلك
جين قالي وهو بيبص علي المسدس:
-انتي جبتيه منين….بعدين انتي هبله…انا مش مجرم ولا قاتل… لو كنت كده فعلا…مكنتش استنيت من زمان وقتلتك…وبلاش تخلف… شغلي عقلك شويه…هو لو انا سايكو وقتلت صحبتك زي ما بتقولي…هخبي الدلائل في البيت ليه وانا عارف انك ممكن تلاقيها ف اي لحظه…
قولتله وانا براجع كلامه في دماغي:
-كلام منطقي….بس ليه بقا في حد بيبعتلي انك قاتل وليه جنه شافت مشهد ل واحد مقنع معاااه منش*اااار وحطلي تحت منش*ار دي مليون خط هااا…..شافت المقنع وهو قاتل واحده بطريقه بش*عه…وليه لقيت المنش*ار دا عندك..
جين قالي بستغراب:
-مين دا الي بيبعتلك اني قا*تل
قولتله:
-يعني انت سبت كلامي كله وركزت في دي…معرفش مين الي بيبعت
جين قالي وهو بيفكر:
-الظاهر ان في حد عاوز يلبسني جر*يمه او حاجه…بس هو ممكن يكون الي كاتبه في الكتاب بيتحقق…بس الكتاب بيحققه بطريقه تانيه
قولتله وانا مش فاهمه حاجه:
-ليه هو اي الي انت كاتبه في الكتاب
جين:
-هي روايه عن واحد هيعيش في مشاكل وجر*ايم قت*ل كتيره…ومفروض ان في بنت هتظهر عشان تغير حياته وتبقا مصدر الحظ والسعاده ليه
حسيت ان الامور وضحت ليا وقولتله وانا خلاص حاسه اني هلطم:
-متقولش وانا البنت دي صح….
جين قالي وهو بيبصلي بقرف:
-بس انتي مصدر النحس مش السعاده ولا الحظ خالص
قولتله وانا بشاور علي نفسي:
-انا….ما انت معاك حق…انا بقيت منحوسه من ساعت ما رجلي دبت ام البلد دي….انت الي مصدر النحس والمشاكل
جين مهتمش ل كلامي ودخل اوضته وهو بيقول:
-نحس
قولتله بصوت عالي:
-سمعتك علفكره انت الي نحس
جين طلع من الاوضه وهو بيقولي:
-اه صح المسدس دا مينفعش تمسكيه….
وخد مني المسدس ودخل الاوضه تاني
بصيت علي ايدي الي كان فيها المسدس وانا مدايقه انه خده…دلوقتي كل الي عايزه اعرفه هي جنه راحت فين…..
*في مكان آخر*
«جنه»
صحيت وانا دايخه وبفتكر الي حصل امبارح لما رفعت راسي واتصدمت من الي شوفته….شفت صور ل جر*ايم قت*ل كتير….بش*عه….وصور ل واحد تقريبا دا جين وصوره ل بنت وصور كتير ل لينا…سمعت صوت حد طالع علي سلالم…استخبيت في دولاب كان موجود وشفت من خلال الثقوب الي في دولاب واحد قاعد بيضحك وهو ماسك منش*ار وبيق*طع في جث*ه…وفجأه بصلي من فتحات الدولاب…اتخضيت…وفجأه جري ناحيتي وهو في ايده المنش*ار…وفتح الدولاب وبصلي وقعد يضحك….اغمي عليا من الخوف….استوعبت ان كل دا حصل بجد امبارح بصيت علي نفسي عشان اتأكد اني سليمه بس انا لقيت اثار د*م علي ايدي والانسيال بتاعي مش موجود….قاطعني المقنع الي طالع علي السلم
المقنع:
-شايف انك صحيتي…اي رأيك تختاري تتقتلي ازاي…مع ان مش من عادتي اني اسأل الضحايا بتوعي…بس بما انك صاحبه الي هتساعدني اني انتقم
قولتله وانا خايفه:
-تنتقم من مين…
المقنع:
-من جين…الي دمرلي حياتي وهو عايش حياته ولا علي باله….انا العدو….انا الي هخلي جين يعيط بدل الدموع د*م…مش هقتله بالساهل….
سابني…وانا مقدرتش امسك دموعي وانهارت…مش عارفه اعمل اي…خلاص الظاهر اني هموت…وصرخت وقولت…..ليينا انتي فين
*علي الجانب الآخر في كوريا الجنوبيه*
«جيمين»
كنت مستني جين يجي عشان ياخد الشنط ويحكيلي اي الحصل معاه…سمعت رنه تليفوني….كان رقم مش متسجل…رديت بس مسمعتش حاجه…بس فجأه في صوت صريخ ل بنت بس انا مفهمتش هي قالت اي كل الي فهمته انها قالت اسم لينا….الخط قفل حاولت اتصل تاني بس مكنش فيه رد……كلمت جين وانا بستعجله عشان ييجي…قفلت معاه وسمعت رن جرز الباب فتحت الباب… واتفجأت بالبنت الي ضربتني بالقلم….اتفجأت ان هي ومن غير مقدمات بترمي عليا سائل…غمضت عيني بسرعه…ولما فتحتها ملقتهاش قفلت الباب وانا متعصب ورحت ابص في المرايه لقيت ان هي رمت عليا سائل لونه احمر…..دا د*م…فكرت وبقيت بكلم نفسي وبقول دا اكيد سحر….الله يحرق اليوم الي جبت فيه الحجات الملعونه دي….اهو شكلي انا الي هتلعن…ومين البنت دي؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلد احلامي)
