رواية بلا عنوان الفصل الثاني 2 بقلم أيات عاطف
رواية بلا عنوان الجزء الثاني
رواية بلا عنوان البارت الثاني
رواية بلا عنوان الحلقة الثانية
“صحيت تاني يوم الصبح ع صوت زعيق في البيت كالعاده بصيت ف الساعه لقيتهاا 8..!
من الواضح انهم قرروا يبدأو وصله النكد بدري النهارده..!
مع اني كنت مخططه اني مش هروح الجامعه النهارده بس الجامعه ارحملي من القاعده معاهم..
قومت اتوضيت و صليت و غيرت هدومي لبست هدوم مريحه لأني بتخنق من الجينز و لميت شعري ع شكل كحكه فوضاويه زي ما بحب ما حطتش ميكب غير اني بس حطيت مرطب ع شفايفي و خرجت..
قولت ل ماماا اني راحه الجامعه بصتلي بقرف و ما ردتش..
ف روحت قولت ل بابا اني راحه الجامعه و اصبح عليه..
_صباح الخير ي باباا اناا راحه الجامعه..
لقيته بيقاطعني-ششش مصروفك ع المكتب خديه و امشي يلااا..
مع اني ما كنتش عايزه فلوس بس سمعت كلامه و خدتهاا و مشيت..
روحت الجامعه و كالعاده سمعت بقاا همس الكل من حوالياا و التعليقات الي باخدهاا زي..
*شوفو عامله ازاي ما بتضحكش..
*آيات المكتئبه جت..
*المتوحده هناك اهي..
و كلام كتير من ده لأني من ساعه ما دخلت الجامعه واناا بعيده البعد تماما عن أي حد ولا كنت بحب اني اكون صداقات حتي من قبل ما ادخل الجامعه واناا كده ف عادي خدت من الكلام ده كتير اوي..!
حضرت محاضراتي و خلصت قولت هقعد ف كافيترياا الجامعه شويه لأني مش عايزه اروح..
روحت قعدت ف مكاني الي بقعد فيه علي طول طلعت دغتر مذكراتي و حطيت الهاند فري ف ودني و شغلت أغنيه لكاريوكي حزينه الي عمر اغانيهم ما فشلت انهاا تخليني اكتأب اكترر و اكترر..!
و ف عز ما اناا حاسه بالهدوء ده كله مره واحده الاقي الهاند فري بيتنزع مني بعنف و ابص الاقيهاا ملك اكتر انسانه بتكرهني في الدنياا و دايماا بتضايقني من أيام ثانوي هي و شلتهاا و من حظي السئ يدخلو معاياا نفس الكليه كمان..
هي باستهزاء-اهلاً بالمتوحده ي تري قاعده بتعملي اي كده..؟!
بصتلهاا ببرود كالعاده و ما ردتش و دايماا الحركه دي بتنجح ف تعصيبهاا..
-انتي خرسه ولا ايي ما تردي..
قالت كده و هي بتزقني ف كتفي..
_خير عايزه اي..
اتكلمت ببرود-وائل عايز يقابلك بكرا في الكافيه الي جمب الجامعه هيستناكي..
اتكلمت بخنقه_هو أنتي عايزه مني ايي قولتلك ميه مره ابعدي عني انتي وسي وائل بتاعك ده اناا مش هقابل حد و ابعدي بقاا..
جيت امشي لقيتهاا هي و اصحابهاا بيمسكوني جامد و تضربني بالقلم علي وشي..
اتكلمت بحقد..-ما تخلنيش اوريكي وشي التاني ي آيات انتي عارفه ان كلمه مني ل باباكي عن ان سمعه بنته تحفه وانتي عارفه باباكي بيصدق عنك اي حاجه و خصوصا لو سمعهاا مني شوفي بقاا هيعمل فيكي ايي..!
-ف احسنلك تيجي بكرا ع المعاد..
بقرف-اه و ياريت ما تروحيش بلبسك المعفن ده بجد مش عارفه عاجبه فيكي ايي..
سابتني و مشيت واناا قعدت مكاني لميت حاجتي ومشيت من المكان من غير ولا حرف..
فضلت ماشيه زي التايهه حتي مش عارفه اعيط حاسه ان دموعي نشفت..!
روحت البيت و اترميت ع السرير فضلت باصه للسقف و بجد مش عارفه فضلت كده قد اي باصه للسقف مش بتحرك ما فوقتش غير لماا حسيت بدموعي بتنزل ع خدي و كل ما امسحها تنزل تاني..!
اعترف اني كائن ضعيف ما عندوش القدره حتي انه يدافع عن نفسه..!
لماا ابقي في السن ده و لسه بتعرض للتنمر ده ضعف ولا مش ضعف..؟!
و لا لماا حد يضربني و اسكت ده ضعف ولا مش ضعف.؟!
فوقت من صوت افكاري ع رنه تليفوني لأني شكلي نسيت اعمله صامت ببص ع الإسم لقيتهاا ملك كنت بفكر ما اردش بس اناا عارفه هي هتعمل اي ف استسلمت و رديت عليهاا..
-اعملي حسابك المعاد اتغير هيبقي النهارده بليل و هتبقي حفله عيد ميلاد واحد صاحبناا هاجي آخدك ع الساعه 9..!
_بس..
ما لحقتش حتي اتكلم لأنهاا قفلت ف وشي السكه..
اتخنقت و رميت الفون جمبي و قومت غسلت وشي و غيرت هدومي و طلعت اقعد ع السطح شويه بماا ان مفيش حد في البيت بابا في الشغل و اكيد ماماا راحت تعمل شوبينج او عند حد من صحباتهاا كالعاده..
عمات شاي بالنعناع و طلعت ع السطح..
قعدت اشرب الشاي و شغلت اغنيه قديمه بحبهاا اوي لي مياده الحناوي..
“كان ي مكان الحب مالي بيتناا و مدفيناا الحنان”..
ماخدتش بالي اني اندمجت اوي و بقيت بغني مع الأغنيه وصوتي غير لماا لاقيت حد بيتكلم وراياا..
-لا بس صوتك حلو..!
اتخضيت و اتلفت ع الصوت لقيته نفس الشخص الي قابلته امبارح..
هو بيراقبني بجد ولا ايي..؟!
-هو انتي لي بتسرحي كتير..؟!
بتوتر_هاا.. لا ولا حاجه عادي عن اذنك..!
جيت انزل لقيته اتكلم بهدوء.
-اهدي بس خليكي قاعده اناا هنزل اهوو كده كده..
-اناا بس كنت عايز أسألك ع حاجه..؟!
بتوتر_اتفضل..
-انتي فعلاا ما كنتيش ناويه تنتحري امبارح..؟!
اتوترت اكترر_لا مكنتش ناويه و عن اذنك بقاا..!
قولت كده و سيبته و جريت ع تحت حتي ما استنتش اسمعه هيقول اي
دخلت البيت و اناا ضربات قلبي بتدق جامد مش عارفه لي بس اناا مبحبش ابقاا زي الكتاب المفتوح لأي حد كده..
فضلت قاعده لحد ما بابا جه من الشغل و ماما جت من بره و حضرت الغدا و اتغديناا و ع الساعه 8 لقيت باب البيت بيخبط بفتح لقيتهاا ملك زقتني و دخلت وقفلت الباب و راهاا ولا كأنهاا صاحبه البيت بس عادي حقهاا تعمل كده ما بابا و ماما بيحبوهاا لأنهم عارفينهاا و بابا يبقي صاحب بابا جداا و مامتهاا كذلك صاحبه ماما..
دخلت سلمت ع ماما..
ماما حضنتهاا جامد كان المفروض ابقاا مكانهاا بس ما بقتش فارقه.!
-ملوكه حبيبتي وحشتيني..
-انتي اكترر ي طنط والله..
-معلش بستأذنك اناا هاخد آيات و نخرج شويه ما اصحابناا ف الجامعه..
-اتفضلي ي حبيبتي معنديش مانع..
-حبيبتي والله هندخل نجهز بقاا..
خدتني و دخلناا اوضتي ف طلعت فستانها و لقيتهاا بتلبس غ اناا روحت اطلع لياا هدوم من دولابي لقيتهاا بتوقفني و بتديني فستان..
انا بأستغراب_اي ده..
-ده الفستان الي هتلبسيه يلاا بسرعه مفيش وقت..
طلعته من العلبه و اتصدمت منه الفستان اسود ستان بحمالات رفيعه و نازل بضيق و فتحه من عند الرجل هو تحفه بس اناا عمري ما لبست كده او خرجت كده ولا ده استايل لبسي اصلاا..
_بس ي ملك انا عمري ما لبست حاجه زي كده و ده كمان مكشوف اوي..
ببرود-معلش اتعودي و يلاا البسي عشان اتأخرناا..
قالت كده و سابتني و اناا استسلمت و لبست الفستان و ملك عملتلي شعري ويفي لأنه طوبل و ناعم ف عملته ويفي حطتلي ميكب جريئ و روج نبيتي غامق مكنتش اتخيل في حياتي اني اخرج كده بفستان زي ده او بميكب زي ده..!
و ماكنتش اتخيل اني لأول مره هشوف نفسي جميلة كده حتي ملك بصتلي بصدمه لأنهاا كمان ما توقعتش اني هبقي حلوه كده..!
خرجناا من البيت و استغربت ان حتي ماما ما علقتش ع الفستان او اني ازاي خارجه كده بس ما اهتمتش و خرجناا و وقفت مع ملك اشتريت هديه ل محمود صاحي وائل عشان عيد ميلاده..
ووصلناا لعيد الميلاد..
اول ما دخلناا كنت متوتره من نظرات الكل لياا..
*دي آيات..!
*هي ازاي بقت حلوه كده..!
*معقوله كل الحلاوه دي و كانت مخبياهاا..
و بجد عن كميه التوتر الي حاسه بيهاا دلوقتي مش قادره اوصفهاا..
روحناا عند وائل و شلته الي اول ما شافوني اتصدمو و اولم وائل..
اتكلم بصدمه-آيات..! يخربيتك اي الحلاوه دي انتي ازاي حلوه كده..!
ابتسمت بتوتر_هااي وائل..
بصيت لمحمود و ابتسمت و اديته هديتي..
_كل سنه وانت طيب ي محمود..
ابتسم-وانتي طيبه ي آيات بس بجد انتي جميلة اوي النهارده..!
ابتسمت بتوتر_شكراا..!
محمود اتكلم و هو بيوجه كلامه للكل معلش ي جماعه احناا مش هنبدأ العيد ميلاد عشان مستني شخص معين..اهو وصل اهوو..
بتلفت عشان اشوف مين الشخص ده و اتصدمت…!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بلا عنوان)
