رواية بعت نفسي الفصل المائة وتسعة 109 بقلم نسرين
رواية بعت نفسي الجزء المائة وتسعة
رواية بعت نفسي البارت المائة وتسعة
رواية بعت نفسي الحلقة المائة وتسعة
الكل كان مستنكر الجريمة اللي عملتها
رحيم قاعد مش قادر ينطق
***عصمت هو أنت عايز تتهمني وخلاص عندك دليل؟؟
** أكرم عندي دليل اللي يوديكي حبل المشنقة ما هو أنا مش راجع بعد طول السنين أتفرج عليكي لا أنا نازل اخد حق أهلي وحقي وحق عمامي أنا اللي حاقضي عليكي وبنتك دي انسيها بقت في حمايتي لأنها ضحيتك وكفاية عليها اللي شافتو منك أهو شوفتي اجرامك وصلك لي أية قضيتي علي بنتك فضلت مركزه في كل حاجه حواليكي إلا جوزك وبنتك
بنتك اللي دفعت الثمن وهي مالهاش ذنب أما جوزك اللي مايستهلش وحده زيك عمل حياتو، واتجوز عليكي وحده تستاهلو عارفة هي مين بنت عمو فاطمة والولاد اللي قالك أنهم ولادها دول بقا ولادو ولدين، وبنت يعني طلعتي من المولد بلا حمص بح مافيش حاجه تاخديها كثر خيرو ساعدنا أننا نوقعك في شر أعمالك لا ولسه مكملة روحتي اشتريتي الخدمين أنهم يحطوا سم في الأكل علشان تقتلي ولاد ادهم وخاصة خالد الوريث الشرعي
هنا مليكه شهقت وادهم حضنها
**ادهم اطمني حبيبتي مافيش حاجه حصلت ابننا بخير
**أكرم بس للأسف الشغالة كان عندها ضمير وجات بلغتنا
**أدهم كل حاجة بي دليل فيديو وصوت لما قابلتي الشغالة وايديتيها ازازه السم و مكالماتك دا حتى أبوكي ماسلمش منك كنت عايزة تقتليه ولا تجنينيه علشان تحجري عليه
دلوقتي تتصلي بي البرنامج إذاعي وتبلغبهم إن كل اللي قولتيه على مراتي كذب والا حاسلم كل حاجه البوليس
**فارس لا يا أدهم سلمها البوليس دي لو فضلت بره حاتقتلنا كلنا
**أدهم لا مايرضنيش مهما كان دي عمتنا، وسمعه عيله الشرقاوي تهمنا وخاصة داخلين على افتتاح مصنع كبير
أكرم فهم ادهم عايز يعمل إيه
**أكرم أدهم عنده حق هي خلاص انتهت تسافر بلدها اليونان عند المافيا بتاعتها أووو نسيت اقولك خالك المصون اتقبض عليه بتهمة تزوير الفلوس يعني لسه واصلني الخبر حالا
معلش كميه الصدمات النهارده كثيرة عليكي بس أنت لا دم ولا إحساس مش جديد عليكي قلبك قلب أجرام يلا خلصينا تتصلي وتبرأيني أنا ومليكة، ولو عندك ضمير قولي الحقيقة
أدهم مداهاش وقت تفكر اتصل بسرعة كان منسق مع منتج البرنامج اللي وعدو يديلوا كل إعلانات المصنع الجديد
*المذيع ألو مين معايا
*عصمت وهي في كل ثبات وثقة من نفسها
إلو معاك عصمت الشرقاوي
*المذيع أهلا بحضرتك يا فندم احنا على الهواء مباشرة حضرتك طلبتينا في جديد عايزة تبلغيننا بيه؟
*عصمت أيوه أنا عايزة أنفي التهم كلهم على أكرم الشرقاوي ومليكه مرات ادهم، واعترف أني حزني على بنتي خلاني أقول كلام مش صحيح من غير ما تأكد انتو عارفين السوق والحرب اللي فيه وصلتني معلومات وأنا للأسف تحققت منها و دا سبب خلا مليكه تبعد وهي حامل وأكرم الشرقاوي يغادر البلاد
*المذيع يعني حضرتك بتقولي إنهم معملوش حاجة ؟؟
**عصمت لا خالص أنا مش عارفة أقول حاجة أنا غلطت وتسرعت وتاصلت علي المباشر علشان اعترف بغلطي، واعتذر منهم أدهم من 10 سنين كان متجوز مليكه على سنة الله، وكانت مقيمة معانا في القصر، وكانو في حفلة في شرم اللي أتصورو فيها كانو بحضرو الفرح بتاعهم بس المنافسين في الشغل ما ادوهمش فرصه، واتقلبت بيهم العربية وعملوا حادثة والصحف والمجلات كانت غطت الخبر ومليكة جالها تهديد أنها لو ما سابتش ادهم ممكن يقتلوه هي كانت صغيرة 18 سنة خافت عليه، وعلى نفسها
**المذيع بشكر حضرتك على التصريحات الجريئة يعني على كلام حضرتك الأولاد ولاد أدهم الشرقاوي؟
*عصمت آه طبعا ولادو ولو عايزين دليل في تحاليل DNA، ومن المنبر دا أنا بعتذر لي أهلي وللجمهور
*المذيع معلش حضرتك موقف بنتك إيه؟؟
**عصمت بنتي طلبت الطلاق، وأطلقت إلا كرامتها احنا كنا مفكرين أن الموضوع انتهى وإن أدهم الشرقاوي طلق مليكه بس كان العكس
*المذيع شكرا لحضرتك على التصريحات دي وقفل معاها،
وفضل يتكلم على الشرف وعرض الناس والتشويه اللي بيحصل لبعض رجال الأعمال بسبب نجاحهم
*عصمت أهو عملت اللي أنت عايزو
**أدهم برافو عليكي وكمان قولتي إن طلقت بنتك لانو مايشرفنيش وحده زيها تبقي على ذمتي شوفت الأيام بدور ازاي اتهمتي أمي وأم أكرم ومراتي بي الخيانة وفي اخر طلعت بنتك هي اللي خاينه
هنا تدخل سيف اللي لسه واصل
*سيف لا والهانم كمان خاينه، ورمي الصور على وشها وهي في حضن ابن عمها
*فارس دي احلوت على الآخر
**ياسين كفاية كده يا جماعة يلا بينا ماكناش عايزين الفضائح دي قدامنا
*أكرم ماتقولش كده انتو ساعدتونا أوي
كفاية اللي عملوا يوسف
*صباح ضربت على صدرها يا مصيبتي عملت إيه يا واد؟؟
*يوسف جبت حق أختي ماعملتش حاجة انتو عارفين مليكه قريبة مني ازاي صعب أشوفها كده، واسكت
*ياسين عملت إيه؟؟
**يوسف مافيش شوفت كدا مزة جامدة من اليونان اتصاحبت عليهم و الصدفه طلعوا يعرفوا عصمت، وجابوا ليا الصور كلهم
*سيف أنت طالق طالق طالق
وبنتي كامليا حاتعيش معايا ومع أخواتها حاتتربي صح من اول وجديد
*أكرم حضن كامليا
صح يا كامي روحي مع أبوكي وأنا في ضهرك أي حاجه احتاجتيها أنا معاكي أنا عمري ما كرهتك، ولما عرفت الحقيقة صعبة عليا
أوي انقذي نفسك وانا أوعدك اخلصك من مصطفى والكلام اللي اتقال هنا حايبقي هنا الناس دي أهلنا الطيبين متخافيش ماحدش حايفضحك أستغفري وتوبي لربنا وأوعى تزعلي من اللي حصل دا بداية جديدة ليكي ممكن مرات أبوكي تكون أحن من أمك وبنتك في الحفظ والصون ماحدش يقدر يبعدها عنك ارتاحي واتعالجي من الإدمان وقربي من ربنا وأنا اللي حرجعلك بنتك لما أشوفك أنك فعلا بقيتي كامليا تانية أنت ضحية أمك وابوكي وكمان جوزك
*ادهم أنت بتقول إيه ؟
**أكرم بقول الحقيقة أنت ظلمتها عمرك ما تعاملت معها بما يرضي الله قلبك وعقلك مع مليكه، وحرمت مراتك من أبسط حقوقها الشرعية لو أنت زعلان أنها كانت بتديك منشطات جنسية يبقى أنت السبب لو هي خانتك يبقى أنت السبب وهي ضحية أنت كنت بعيد عنها ماتعرفش كمية التهديد اللي حصلت ليها من مصطفى أنت كنت فين من دا كلو؟
مش هي مراتك المفروض تخاف وتغير عليها لا سيبتها تسهر وتلبس اللي هي عايزاه، وانت طول الوقت تدور على مليكه وحتى ماعرفتش توصل ليها حاسب نفسك يا أدهم قبل ما تحاسبها هي أنت عارف اني كنت ضدها بس لما سمعت اللي عملوا فيها مصطفى اللي اعترف بي لسانه ليا على كل حاجة حسيت قد ايه احنا عيله، واطيه الكل عايز يدوس على الثاني بس كلنا ضحية عصمت اللي شرها طال الكل بس كمان جدي رحيم ليه أيد في دا كلو ساب بنتو تعمل فينا كل حاجة أنت عارف إنها هي اللي قتلت جدتي؟ قوليلو يا كامليا عملت إيه؟
**كامليا كانت بتغير ليها الدوي تخليها تتعب زيادة لحد ما جاتلها سكته قلبيه بمساعدة بنت عمها اللي في أمريكا
**رحيم الكلام دا صحيح؟؟
**عصمت أيوه صحيح مراتك كانت بتكرهني، وأخدت مكان ماما
فضلت وحده من الشارع على أمي بنت الحسب والنسب اللي ماكنتش تحلم بيها كل إمبراطورية اللي انت فيها بسبب فلوس مامي وفلوس جدي اللي انتو سرقتوه ومضتوه على شيكات واخدتو منو القصر وهو ماقدرش يستحمل ومات
*رحيم كل دا كذب أمك أوهمتك بيه إيه رأيك أمك كانت رقاصه في سهرات جدك، ولما خسر كل حاجة في القمار كانت شروه فوق البيعة جدك هداني أمك واتجوزتها بس هي كانت شيطان رجيم حيه أتلوت على عنقي بس كشفتها على حقيقتها لما كانت بتخوني طلقتها وطردتها من مصر كلها، وسابتك مارضيتش تاخدك جوز أمك دا هو دا الحرامي اللي اخد تعبي وشقايا فلوسي كلها حلال اشتغلت ليل ونهار عليهم ورثهم من جدي وأبويا أنت خسرتيني الفلوس كل دي علشان كنت ضعيف قدامك وبحبك حب أكثر من أولادي أديتك كل حاجه، وظلمت ولادي عندك حقاً يا أكرم يا بني أنا السبب في كل حاجة حبي لها خلاني ضعيف، وكنت بصدقها للأسف كانت كل حاجه بتعملها كانت بدليل حتى لما اتهمت أمك وأم أدهم كان بدليل لما اتهمتك أنت كان بدليل لما طردت عمامك كان بدليل وتهديد أنها حاتسجنهم أنا كنت بدافع عنهم هما بعدو بس مطمن عليهم، وحقهم في الحفظ والصون ادهم كبر كل حاجة أنا ما املكش حاجة بعد الخسارة الكبيرة اللي اتعرضت ليها الشركة أنت مش عايزة تفهمي أني ماليش حاجه خسرتيني حياتي وولادي وفلوسي منك الله روحي يا عصمت وقلبي عضبان عليكي ليوم الدين حسبي الله، ونعم الوكيل فيكي
سيبها يا أدهم تغور في داهية عند أهلها علشان خاطري
**أكرم أنت دبرتي الحادث العربية لي أهلي؟؟
**عصمت بهيستريه أيوه أنا قتلت ابوك و امك كنت بكرها وبكره أبوك اللي اخد كل حاجه وكمان أبو أدهم اللي جاب وحده فقيرة تقعد معانا على السفرة وانت عملت زيو انتو ناس، وطين أنا مش حاسكت أنا عندي ورق يوديكم ورا الشمس ولادك يا رحيم حادخلهم السجن بتهمة التزوير
*سيف لا ما دا كان زمان، فاكره الورق اللي ماضيتي عليه بتاع الساحل الشمالي الطمع غلبك، وماقرتيش الورق كويس أنت مضيتي على موتك كل حاجة بقت بي اسمي، والورق كله اللي قاعدة تهددينني بيه أنا وأخواتك بح حرقتو وكمان الصفقة خسرتيها وفلوسك في البنك كلها سحبتها والفيلا والعربيات أنت حاتطلعي من هنا بهدومك، وحانشوف عيلتك الكريمة حاتعمل إيه وانت ماحلتيكيش حاجه وللأسف سجلت ليكي مكالمة وأنت بتتكلمي خالك، وتتفقوا على تزوير مع رجل أعمال أحب أبلغك أن دا من تخطيطي أنا وأكرم وفارس الراجل دا تبعنا سنين عيشتيني في إهانة أني راجل الست واني مش من مقامك حتى بنتي بعدتيها عني ماخلتنيش أربيها صح، واهي النتيجة
**عصمت آه يا واطي يا خسيس سرقتني
*سيف دا حقي أنت سرقت سنين عمري اللي ضاعت تحت التهديد أنت دلوقتي ولا حاجة ومافيش عندك حاجة تهددي بيها حتى الورق اللي خليتي أبوكي يمضيه وسكت طول السنين دي علشان، ولادو حرقتو
عصمت بعد ما حست أنها فقدت كل حاجة بصت في طرابيزة لاقت سكينه بقطعو بيها اللحمة أخدتها وفي لمح البصر ضربة سيف جنب قلبو
الكل صرخ،
وكامليا كانت في حضن أكرم اللي ماسكها كويس ودا خلي سارة حست بي الغيرة
هنا تدخل البوليس اللي كان من الأول بسجل كل حاجة بطلب من ادهم
*الضابط حسام أخيرا وقعت في شر أعمالك
============================
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بعت نفسي)
