رواية بعت نفسي الفصل التاسع والعشرون 29 بقلم نسرين

رواية بعت نفسي الفصل التاسع والعشرون 29 بقلم نسرين

رواية بعت نفسي الجزء التاسع والعشرون

رواية بعت نفسي البارت التاسع والعشرون

رواية بعت نفسي الحلقة التاسعة والعشرون

ادهم اتاخر بره ومليكه كانت خايفه عليه
كانت لابسه بيجامه ستان في ابيض واسود
واقفه في البرانده
ولمحت حد من الحرس
**مليكه لو سمحت
**الحارس في حاجه يا مدام مليكه ؟
**مليكه تعرف ادهم بيه فين؟
**الحارس والله يا مدام هو راح مع اكرم بيه علي المخزن ومعاه العيلين اللي قلو ادبهم معاكي امبارح

**مليكه يا نهار اسود
**الحارس ماتخافيش شويه ويكون داخل هنا

رجعت الشاليه

بعد نص ساعه جا ادهم ومعاه اكرم
مليكه ماحستش بنفسها راحت تجري عليه اترمت في حضنو بتعيط

**مليكه ماتسبنيش لوحدي تاني انا كنت خايفه حد يجي يقتلني

اكرم ضحك

**ادهم يقتلك ايه والبودي جارد اللي بره دول لازمتهم ايه؟
**مليكه انا كنت خايفه منهم خايفه حد يدخل عليا هنا
**ادهم ابتدا يطبط علي ضهرها خلاص انا هنا ماتخافيش
**اكرم تصبحو علي خير انا ماشي يا ادهم اوعي تنسا بكره الاجتماع في اوتيل

مليكه انتبهت لصوت اكرم واتخضت

**مليكه انا اسفه
وجريت علي الاوضه

**اكرم هي مالها جريت؟
**ادهم كانت مفكراني لوحدي ماشفتكش واتكسفت عشان كانت واخدا راحتها في اللبس
**اكرم معقول في كده بس هي مش محجبه
**ادهم اه بس محافظه لبسها محترم جدا ومابتلبسش عريان
**اكرم ربنا يبارك فيها و اوعدنا يا رب بي وحده زيها
يلاه مش عايز ابقا عزول

**ادهم احسن بردو
**اكرم بس قبل ما امشي هي بجد خايفه لدرجه دي دي كانت بتترعش وبتعيط ؟
**ادهم شوفت قد ايه أنا حقير وصلتها للمرحله دي خايفه اكيد عملت سيناريوهات في دماغها اني حاهرب ولا الحرس اللي بره يعتدو عليها
**اكرم خش طمنها يا ادهم
**ادهم يارب الرحمه من عندك

دخل ادهم الاوضه

**مليكه بخوف والله العظيم ماشفتو معاك انا اسفه والله اني طلعت كده
**ادهم راح عندها حط ايديه علي وشها
مافيش حاجه اهدي كده اكرم اخويا وبثق فيه وعارف انك ماشوفتيهوش وحتي لو شوفتيه مافيهاش حاجه انت ماكنتيش لابسه عريان اهدي بلاش تجلدي في نفسك ارحمي مليكه من تفكيرك الغلط ماحدش يقدر يقرب منك هنا

**مليكه الحمدالله انك هنا
**ادهم تعالي ننام اصلي عملت مجهود فضيع
**مليكه هو انت مش قولت مش حاتعمل حاجه حرام؟
**ادهم ضربها في دماغها ضربه خفيفه وضحك فهمت ايه ؟ انا ضربت الاثنين اللي ضايقوكي امبارح عشان يتعلمو ويعرفو انك انضف منهم
**مليكه انت اخدت حقي؟؟
**ادهم ايوه
**مليكه انا مبسوطه اوي اوي من ساعه ما مات ابويا ماحدش اخد حقي ولا دافع عني
ادهم سرح في فرحتها و كلامها

**مليكه في ايه بتبص كده ليه؟
**ادهم في كلام حاقولو بس من دلوقتي مافيش مناقشه ولا رفض انا جوزك ولازم تسمعي كلامي
**مليكه خير
**ادهم اكيد خير
بصي انا قررت اخد ليكي شقه تقعدي فيها مع اخواتك بدل اوضه السطوح دي واصرف عليكي وانت لازم تخلصي دراسه فاهمه مش عايزك تعملي اي حاجه حاعمل مشروع صغير لي امك اي حاجه تساعدها تصرف عليكم لازم تطلعي من الحاره اللي انت فيها
امك لازم تعرف اني اتجوزتك علي سنه الله ورسوله
عشان لما نطلق توقف معاكي اوعديني انك تحافضي علي نفسك وتكملي دراسه

**مليكه انت مش ملزوم تعمل كل دا
**ادهم مليكه انا اذيتك كثير وبعترف كنت قاسي معاكي دخلتك القسم واتهمتك بي السرقه واتهمتك انك ….استغفر الله
افرضي كانت شخصيتك ضعيفه و وافقتي تيجي ليا الشقه كنت حاضيعي نفسك لان انا كنت معمي كنت عايز انتقم منك بي اي طريقه بس لما جيتي مع اخوكي واشترطت اني اتجوزك احترمتك خليكي كده زي ما عرفتك
**مليكه انت طيب اوي اوي انت جبت ليا هدوم عمري ماكنت احلم البسها روحت البيوتي سنتر دا اكثر من مره بحس نفسي ملكه وانا جوه انت مش وحش بس فيك حاجه مخلياك كده انا عارفه انو مش من حقي اسأل
بس مهما عملت مش عارفه ليه مش بكرهك ممكن في الاول بس بعد عشرتي ليك عرفت انك مجروح اوي اوي وانك انسان جواه طيبه ونقاء
انت كان ممكن تاخذني غصب من غير جواز حتي اول ليله بينا انا كنت مرعوبه ومش عارفه ايه اللي بيحصل بس اللي قلبي بقولو ليا انك عاملتني كويس كلامك كان بطمني حتي لما ….
وردت فعلك كانت طبيعيه لانك حسيت اني ضحكت عليك اظن اي راجل كان حايعمل كده
ادهم انا مش عايزاك تقول اني بستغلك من ساعه ما مات ابويا عمري حد ماصرف عليا ولا ساعدني

**ادهم كفايه يا مليكه كلامك بعذبني دا قراري حاخد ليكي شقه في مكان كويس مع مشروع لي امك وكملي حياتك
وبعدين دا حقك انا لا ايديتك مهر ولا شبكه ولا اي حاجه
خليه تعويض علي الحاجات الوحشه اللي شوفتيها معايا
وكفايه كلام بقا وتعالي عندي عايزك تنسيني اللي حصل خلينا نعيش الفتره دي كويس مع بعض تفضل ذكري بينا

ثاني يوم
**ادهم مليكه البسي انا عندي اجتماع وحاخدك معايا عشان ماتفضليش لوحدك هنا
**مليكه شكرا كنت عايزه اقولك كده بس قولت لا هو رايح شغل
**ادهم يلا بسرعه علشان ماتاخرش

وصلو اوتيل

**ادهم بصي خليكي قاعده هنا شويه اكرم يجي يقعد معاكي متخافيش هو ثقه اقرب انسان ليا اخلص الاجتماع وحافسحك

فضلت مليكه قاعده

وجا اكرم
**اكرم تسمحيلي اقعد معاكي
**مليكه اه اتفضل حضرتك
**اكرم شكرا
**مليكه هو ادهم بيه حايتأخر ؟
**اكرم ضحك في وحده تقول لجوزها ادهم بيه؟؟
**مليكه العين ماتعلاش عن الحاجب
**اكرم انا لسه مافطرتش تحبي نفطر سوا ولا تستني ادهم بس هو ساعتين علي ما يخلص
**مليكه بصراحه انا جيعانه

اكرم طلب فطار وابتدو يفطرو

**مليكه ادهم قالي انك اقرب واحد ليه
**اكرم اه هو ابن عمي واتربينا سوا
اسألي عايزه تعرفي ايه عن ادهم ؟
**مليكه عرفت ازاي اني عايزه اسأل
** اكرم عيب عليكي انا بفهمها وهي طايرا
**مليكه ايه سر حزن ادهم عينيه فيهم حزن كبير جدا وبحسو انو موجوع اوي

**اكرم بركاتك يا شيخه مليكه شاطره انك عرفت دا بس اوعي تسأليه عن حاجه
**مليكه اكيد لا لو حاجه خاصه اوي ماتقوليش
**اكرم بصي ادهم اتربي يتيم ابوه وامو ماتو في حادثه عربيه مع اخوه الصغير
بعد ما جدو رحيم باشا طردهم من القصر واتهم ام ادهم بي الخيانه
الكل مات حتي اخوه اللي اصغر منو فضل هو عايش بس جدو مالا دماغو بي كلام غلط عن امو كل ذنبها انها بنت فقيره مش من مستوي عيله الشرقاوي
كبر ادهم وبقا الحفيد المدلل لي جدي وكمان اهلي ماتو في حادثه عربيه سبحان الله كنت في المدرسه مع ادهم اليوم دا
كبر ادهم واتعرف علي بنت حبها من كل قلبو
الكل كان ضدو لانها بنت فقيره ادهم من كثر حبو ليها اهلها كانو حايجوزوها ادهم بعد ما جدي رفض حاول ينتحر وانقذناه في اخر لحضه جدي راح خطبها ليه ومن هنا ابتدت تضهر علي حقيقتها هي واهلها طماعين وطلبات في ادهم صرف عليها من ورثو اشترا ليها شقه كتبها بي اسمها علي اساس حايتجوزو فيها وشبكه الماز ياما حضرتو منها بس هو كان الحب معمي عنيه مش شايف غيرها وهي طلباتها ما تخلصش كان محترم معاها جدا بخاف يغلط معاها عشان عايزها في الحلال ادهم متحفض شويه
في يوم وصل ليه فيديو وهي في حضن صاحبو في شقتهم اتصدم وكان عايز ينتقم وبرضو مكانش مصدق فكر إن صاحبو غدر بيه لحد ما وصلت ليه مكالمه بي انهم مع بعض راح الشقه وكنت معاه فتح الباب وشافهم في اوضه النوم بس مش صاحبو راجل ثاني اكتشفنا إن دي شغلنتها استغفر الله
من يومها ادهم اتغير 180 درجه بقا شخص عنيف وكل ست في نضرو خاينه وحشه لحد ما جيتي انت في طريقو
والحمدلله ربنا ليه حكمه في كده

**مليكه ياه دا هو عاش حاجات وحشه عشان كده اول ماشفني طلب مني اروح الشقه عندو
**اكرم للاسف كل مايقرب لوحده ماترفضش لانهم عارفين هو مين وحايدفع كام بس انت كنت جدعه وبصراحه لحد دلوقتي مصدوم ازاي اتجوزك لان ادهم ممكن يعمل اي حاجه ومش بهمو حد دا احيانا بحس ان جدي بخاف منو

__________________________________

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية بعت نفسي)