رواية بطل روايتي الفصل الرابع 4 بقلم فونا
رواية بطل روايتي الجزء الرابع
رواية بطل روايتي البارت الرابع
رواية بطل روايتي الحلقة الرابعة
_أنا بحبك
وقفت مكاني بصدمة من اللي اتقال
كنت مدياله ضهري وقفت مصدومة متكلمتش
اتنهد بحزن_عارف اني زعلتك وضايقتك بكلامي الاهبل بس أنا لما عرفت أن في حد تاني متقدملك أنا أتجننت وللأسف معرفتش اتحكم في غضبي وطلعته عليكي
كنت ساكتة تماماً منكرش أن جزء مني فرح أنه أعتذر وأعترف برضو بس مش هسامح بالساهل…..كرامتي!
إلا كرامتي يا شيماااااء!!
حاولت أهدي نفسي وأتكلمت من غير ما ألف_وانا مش بحبك
يا كذابة يا مريم الكذاب بيروح النار!!
_لفي قوليها في وشي وهصدقك!
بتزنقني!!طب مش لاعبة
=أنا نازلة
_أقفي عندك
=ملكش دعوة بيا وأنا هقابل العريس ولو مناسب هوافق
أتكلم بغضب_نعم يا روح خالتك
يا عم بهزر أنتَ مبتهزرش ولا ايه!!!
معروفة في المواقف دي الجري نص الجدعنة!!
_واحد اتنين تلاته اجراااااااااي
نزلت جري علي السلم وهو جري ورايا ايه شغل العيال ده!!!
_اقفي عندك….بقولك اقفي يا مريم
كنت بجري بسرعة عشان لو وقفت معاه هسامحه بسرعه وأنا مش عايزة أبقي طيبة توء توء أنا شريرة
جريت بسرعة علي شقتي والحمدلله دخلت قبل ما يوصل
سمعت صوته من ورا الباب وهو متعصب_طب أشوفك بتقابليه يا مريم وهكسرلك دماغك!!
كنت مبسوطه أوي بس طبعاً عمري ما هبين
التقل برضو!!
حقيقي الحب ده غريب!
قادر يطلعنا لسابع سما وقادر ينزلنا لسابع أرض!!
كنت بخلص شغل أون لاين
خلصت بتعب ودخلت عملت آيس كوفي وطلعت البلكونه كنت بقرأ رواية
_بالك رايق بعد ما حرقتي دمي
بصيتله واصطنعت البرود وحاولت أكتم ضحكتي_وأنا مالي
بصلي بغضب_متعصبنيش يا مريم
بصيتله ببرود ورجعت بصيت في الرواية
كنت حاسه بيه كان عمال يفرك بغضب فضحكت بانتصار
فجأة فوني رن وكان يوسف!
لقيته بصلي ومستنيني أرد
انتهزت الفرصة عشان اعصبه أكتر!
_ألو
=أيوة يا يوسف
برقلي بغضب ويا ماما الحقيني
_أيوة يا مريم معلش لو ينفع تخلصي الشغل بكرة وتبعتهولي
أبتسمت بلطف قاصده استفزازه_ينفع طبعا حاضر
خلصت مكالمة مع يوسف وهو كان واقف شايط قدامي حقيقي كنت عايزة أضحك بس مقدرتش
فجأة وبلا مقدمات لقيته راح ماسك مشبك وبكل غل رماه علي الشيش بتاعي
أتخضيت وبصيتله بأستغراب_ايه اللي عملته ده
_كان عايز ايه منك!
=وأنتَ مالك
مسك مشبك تاني وحدفه عليا بس صديته بالرواية اللي في ايدي
اتنرفز_أنتَ مجنون
اتنرفز هو كمان_وهو يرن عليكي في الوقت ده ليه يعني مش فاهم
اتنهدت_أنتَ عايز ايه
=قالك ايه
_عايز ابعتله الشغل بكرة ارتحت
ملامحه ارتخت شوية وهمس_اخر مرة أن شاء الله
_بتقول ايه
=بكرة هنيجي نتغدي عندك أنا وماما ولولو
بصيتله بأستغراب_ده ليه
أبتسم وغمز_يبقي البسي الفستان الأزرق
دخل وأنا ببص لأثره بابتسامة
تاني يوم
لبست الدريس الأزرق فعلا مكنتش هلبسه الصراحه بس لبسته في الآخر وحطيت ميكب هادي جدا عشان يكمل من الفستان وعملت شعري ويڤي
طبعاً هتقولو ليه كل ده يا مريوم ده مجرد غدا هقول معلش نعمل احتياطاتنا عشان لو حصلت حاجة كده ولا كده
أنتم فاهمين بقي
الباب خبط روحت فتحت
دخلت طنط ولولو وهو كان واقف وراهم بصلي نظرة شملتني كان لابس بنطلون أسود وقميص أزرق كان شكله تحفة
وهو داخل قرب من ودني وهمس_شكلك سكر مسكر
أبتسمت بخجل
اتغدينا وقدمتلهم عصير
طنط أتكلمت_بصي بقي يا بت يا مريم من الآخر كده أنا عايزاكي تتجوزي الواد المدهول ده
بصلها بصدمة_مش كدة يا أمي
_اسكت
=حاضر
ضحكت عليهم وبصيت للولو اللي قربت حضنتي وهمست_علي فكرة انبارح كان بيتكلم وهو نايم وبيقول مش هسيبك تكلميه تاني يا مريم
ضحكت لدرجة صوتي علي شوية وبصيتله
كان باصصلي بأستغراب
بص للولو بخوف_قولتي ايه يا شبر ونص
ضحكت وبصتلي_سر ها
ضحكت_أكيد
قام وقف فجأة وبصلي_يلا بينا
بصيتله بأستغراب_علي فين
غمز_هنخرج شوية
بصيت له ببرود_أنا موافقتش لسه
أتكلم بثقة_عارف أنك واقعة فبلاش فرك وفرهدة بقي
سكت شوية وبعدين قومت فجأة_فعلا وأنا بقول كده برضو
طنط ضحكت بعلو صوتها_مجانين
نزلنا وركبنا عربيته فضل يسوق لغاية ما وصلنا عند كافيه قدام البحر
نزل وقرب من الباب بتاعي فتحلي الباب ومد ايده
بصيتله باستفزاز_بعرف انزل لوحدي شكراً
نزلت وأنا بضحك وهو كان باصصلي بنرفزة _انسانه فصيلة بجد
دخلنا وقعدنا علي ترابيزة
كان باصصلي بابتسامة وساكت
_خدتني كام صورة
=أنتِ عايزة تاخدي ضربة علي دماغك يا مريم
ضحكت وفجأة لقيت ويتر قرب مننا وشايل بوكيه فراشات لونها أزرق
أنا فاكره البوكيه ده!
كنت عملاله شير علي فيسبوك من كام شهر
أبتسمت لما افتكرت وبصيتله
_هاتي ايدك
=ليه
_انجزي
اديته ايدي اليمين فلقيته طلع علبة صغننة فيها خاتم شكله تحفة أوي ولبسهولي
باس ايدي بحب_تقبلي تكوني شريكة عمري ورفيقة دربي إلي مماتي
أبتسمت وهزيت راسي بهدوء
ومن ساعة اليوم ده وحياتي اتغيرت للأحسن
كنا طول فترة الخطوبة قط وفار مع بعض
_خلصت هي خلاص مش هكمل وهقلع دبلتك
=طب فكري يا مريم اقلعيها وأنا هكسر عضمك
مش معقول يعاملني بطيبة وإحساس!
مرت الشهور وانهاردة فرحنا!
لفيت وأنا علي وشي ابتسامة هادية
لقيته واقف لابس بدلة تحفة وشعرة أتحف وعلي وشه إبتسامة جميلة
قرب مني بحب_شكلك سكر مسكر
=حبيبي تسلم
بصلي بصدمة_تسلم ماشي ماشي يتقفل علينا باب واحد وهطلع…
بصيتله بتحذير_هاا
أبتسم_هطلع كل الحب اللي في قلبي عشانك
تمت
لقراءة الرواية كاملة اضغط على : (رواية بطل روايتي)
