رواية بريئه في عالم الاشرار الفصل الأول 1 بقلم علياء أسامة
رواية بريئه في عالم الاشرار الجزء الأول
رواية بريئه في عالم الاشرار البارت الأول
رواية بريئه في عالم الاشرار الحلقة الأولى
المأذون:قولى ورايا يا بنتى وأنا قبلت هذا الزواج
“فى اللحظه دى انتبهت انى فى كتب كتابي لأ ومش كتب كتابي على أي حد دا أكبر بلط*جى فى المنطقه كلها”
*أحب أعرفكم بنفسى أنا ملك محمود كانت حياتي سعيده لحد ما والدي مات وماما اتجوزت الشي*طان دا، كنت كل يوم ضرب وإهانه من الرجل ال أمى متجوزاه علشان يحمينا كان أكتر واحد ظالمنا وانتهى بيا الأمر انه عايز يجوزني لأكبر بلط*جى فى الحته علشان عليه فلوس وأنا هبقا مقابل انه يسيبه في حاله*
بصيت فى وشوش الناس ال حوليا جوز أمى كان بيبصلي بتحذير وطبعا أمى عيونها فيها حسره لكن مش هتقدر تتكلم وجابر *خطيبي العزيز* بيبص ليا بطريقه مرعبه ومقززه
المأذون:اتكلمي يا بنتى وقولى ورايا وأنا قبلت هذا الزواج
ملك:لأ لأ أنا مش هعمل فى نفسى كده لأ (قمت بسرعه وقلبت الترابيزه وجريت علي بره البيت على طول وهما كانوا بيجروا ورايا، فضلت أجرى وأجرى وأدخل من شوارع أنا أصلا مش أعرفها وفجأه بعد ما تعبت وقفت مكانى أخد نفسى لقيت انى فى حته مقطوعه وضلمه، خفت اوى من المكان وخفت أكتر لما سمعت صوت ورايا بصيت قدامي لقيت مكان مهجور دخلت فيه من غير تفكير علشان أهرب منهم)
“بعد ما دخلت حطيت ايدى على قلبي علشان استريح من الجري شويه وقعدت مكانى وغمضت عيوني وفجأه سمعت صوت كأن صوت خناقه، قمت استخبيت ورا السور ال كنت واقفه وراه علشان أشوف فيه ايه، لقيت رجاله مسكين واحد مش قادر يقف من كتر الضرب وفيه شخص تاني واضح انه القائد بتاعهم وماسك مسدس حطه على راسه”
_وأخيرا جيت تحت ايدي وهاخد حقي منك خلاص
=أرجول لأ أرجوك أنا عندي عيال أنا ممكن اديك فلوسى كلها ممكن أعملك اي حاجه بس بلاش تقتلني أرجوك
_تؤ تؤ تؤ ليه كده بس ما أنت عارف ان قلبى رهيف ومش هستحمل تتذللي وهسامحك
=أبوس ايدك بلاااش
” رفع المسدس وحطه على دماغه وضربه بالنار بمنتهى البرود وساعتها لقيتني بصرخ بصوت عالي”
فجأه لقيت الأنظار كلها موجهه ناحيتي وأنا كاتمه صوتي بايدى وبعيط بهيستريا ومش قادره أتحرك من مكانى ولا عارفه أجرى وساعتها الشخص القا*تل قرب مني بابتسامه بارده وفى ايده المسدس و*****
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئه في عالم الاشرار)
