رواية برائة سالي الفصل الرابع عشر 14 بقلم منصور سيد
رواية برائة سالي الجزء الرابع عشر
رواية برائة سالي البارت الرابع عشر
رواية برائة سالي الحلقة الرابعة عشر
سمعوا صوت سقوط سالى فخرجوا ليجدوها على الأرض مغمى عليها حاولوا افاقتها ولكن دون جدوى
فحملها فارس واتجه بها لاقرب مستشفى
وعندما ادخلها فارس للمستشفى وكشف عليها الطبيب
قال الحمدلله فاقت وعدى الامر على خير
سالى اول ما فاقت ابعدوا عنى سيبوا دمي حرام عليكم انتوا عاوزين منى ايه انا عملت ليكم ايه عشان تعملوا فيا كده
وعاوزه تقوم من على السرير وتمشي
فارس :اهدى شويه يا انسه سالى
ونظر للدكتور هي مالها يادكتور
الدكتور:مش عارف كل الحكايه ان أثناء نقل الدم لوالدتك منها حصل عندها هبوط وخفض وتيرة وصل الدم للقلب ودخلت فى حالة إغماء غير طبيعيه واضح انها ما كنتش واكله من فتره او انها بتخاف الحقن او منظر الدم واحنا للاسف بسبب استعجلنا لخوفنا على والدتك أجرينا النقل مباشرة بعد التأكد من فصيلة الدم وسلامته
سالى:انا عاوزه امى عاوزه اروح ليها
فارس:وايه طيب سبب خوفها ورعبها ده يادكتور
الدكتور:بصراحه مش عارف ماعنديش فكره
حاجه غريبه بصراحه يمكن تكون حلمت بكابوس او كانت بتهلوس ولا حاجه
فارس :اهدى يا سالي ايه اللى حصل مالك
سالى:ابعد عنى انت بذات ياغشاش يا محتال انا سمعت كل حاجه
وسكتت قليلا وظلت تنظر حولها وماكنتش مستوعبه انها كانت فى حلم طويل من بعد مادخلت تتبرع بدمها لولدت فارس
فارس :انا مش فاهم حاجه يا سالى ايه اللى قولتيه ده ومين اللى محتال وغشاش وايه اللى سمعتيه انتى من وقت ما دخلتى عشان تتبرعي بالدم لوالدتى وانتى اغمى عليكى مش عارف من ايه
سالى بكت وقالت هى تبكي:اصلى بصراحه بخاف من الحقن وشكل الدم اوي دا انا عندى فوبيه منهم
فارس:طب لما انتى كده اتبرعتى ليه وماقولتيش كده
سالي:بصراحه انا من خوفك ورعبك على والدتك قولت اتشجع واتماسك وفضلت اقنع نفسي انها مجرد شكة ابره بس فجأه ماحستش بنفسي لما شوفت الدم وهو بيتسحب منى وما تنساش انى ما اكلتش طول اليوم كل ما اجى اكل تيجى حاجه تقومنى
ضحك فارس وقال ليها الف سلامه عليكى دا انتى قلبك خفيف اوى
الممرضه بتقيس ليها الضغط وبتطمن عليها وقالت ليها ياريت تقومى تطلعي فى الهواء شويه والأفضل تنزلى جنينة المستشفى
فارس:طب سبيهالى انا وانا هرجعها احسن من الاول
وراح ماسك ايدها اتفضلي قومى معايا
لما انتى جبانه كده بتعرضي خدماتك ليه
سالى:ياسلام يعنى الحق عليا يعنى ماشي وبعدين كنت عاوزه ارد.جميلك انا مابحبش حد يكون ليه جمايل عليا
فارس:بصراحه جميلك ده انا مش هنساه ابدا انتى انقذتي حياة والدتى
سالى:ووالدتك عامله ايه دلوقتى
فارس:الحمدلله خرجت من غرفة العمليات والدكتور طمنى عليها بس لسه مانع الدخول ليها
انا لازم أول ما تفوق اخدك ليها تشكرك بنفسها
سالى:تانى
فارس:هو ايه اللى تانى مش فاهم وايه صحيح الكلام اللى قولتيه ليا اول ما فوقتى ده كنتى تقصديني انا ولا حد تانى
ابتسمت سالي وهى تقول لا ما تاخدش فى بالك هبقى اقولك بعدين
فارس:تعرفى ان ابتسامتك بتعبث الفرح داخل نفس اللى أمامك
وليه تأثير عجيب
سالى:اعتبر دى معاكسه ولا ايه
فارس:لا بجد انا اول مره ابتسامت حد يكون ليها تأثير مريح على نفسي كده انا طول عمرى انسان جد وعملى واول مره احس بقيمة الابتسامه وتأثيرها
سالى:فين جد ده دا انت شويه وهتقول شعر
فارس:الفضل ليكى
انا مستغرب نفسي بصراحه تفتكرى هو ده الحب اصل بصراحه عمرى ما جربته والحاجه الوحيده اللى خبرتى فيه صفر وماكنتش متصور انه يجي بالسرعه دي
سالى:وبتسألنى انا ليه هو يعنى انا اللى بحب كل يوم
فارس:افهم من كده انى دخلت قلبك زي ما دخلتى قلبي ومرتحالى زيي بظبط
نظرت سالى للارض :بقولك ايه مش هتطلع تطمن على والدتك
وانا كمان اروح ابص على والدتى
فارس:بتتهربي من السؤال ليه
سالي:خلاص بقى يافارس انت كده بتحرجنى الحدق يفهم لوحده ولا انت مش حدق
وهما طالعين للدور اللى فيه غرف والدتهم
سالى:الا صحيح ونانسي بنت عمك أخبارها ايه
فارس :مش فاهم قصدك
اه تقصدى هعمل معاها ايه
لا انتى ماتعرفيش فارس لما يعوز حاجه مافيش حاجه تمنعه لا يفرق معايا نانسي ولا عمى ولا اي حد انا اللى اقرره انفذه
دا فى الأمور العاديه فمباليك لو حاجه متعلقه بقلبي ومستقبلي
سالي:ياخوفي
فارس:انتى مش مصدقانى ولا ايه
سالي:لا مصدقه دى حاجه بس جت على بالى
انا رايحه لوالدتى ابقى طمنى على والدتك
اتجهت لوالدتها وهو اتجه للدكتور يسأله ينفع يدخل يشوف والدته
الدكتور:ايوه ممكن
دخل فارس لوالدته واتجه لها ومسك يديها وقبلها
فارس:حمدلله على سلامة القمر بتاعى كده تخضينى عليكى
والدة فارس :الله يسلمك ياحبيبي
فارس :تعرفى انا كنت منتظرك تفوقى على نار عشان اقولك على حاجه تخص قلبي
والدة فارس بصوت منخفض :سلامة قلبك ياحبيبي ماله قلبك
فارس:انا بحب ياماما تصدقي اتحققت أمنيتك
كنتى ديما تقولى لى انا مش حابه انك ترتبط بننسي لمجرد ان والدك عاوز كده وعشان المجموعه والكلام الفارغ ده وان الفلوس والنجاح فى الحياه العمليه مش كل حاجه وان الحب حاجه تانيه ودنيا تانيه وان هو السعاده الحقيقيه وان كان نفسك انى احب وقلبي هو اللى يختار شريكة حياتى
اهو حاصل ياست الكل
والدة فارس:بجد يافارس اخيرا
فارس:وتعرفي ان البنت اللى بحبها هى اللى اتبرعت ليكى بدمها بعد ما كنا مش عارفين نتصرف فى فصيلة دمك النادره ياجميل
يعنى دمها بيسري فى عروقك دلوقتى لا ورغم انها عندها فوبيه من منظر الدم والحقن الا انها مااترددتش لحظه وكانت هتروح فيها
والدة فارس:وهى موجوده دلوقتى عاوزه اشوفها اللى خطفت قلبك دى
فارس:عنيه ثوانى وتكون هنا
خرج فارس واتجه لغرفة والدة سالى واستأذن بالدخول
اتجهت له سالى وامسكته من يده واقتربت من والدتها وقالت اهو هو ده ياماما اللى انقذنا من الورطه اللى كنا فيها واتحمل مصاريف المستشفى كله
والدتها:متشكره اوى يا ابنى جميلك فوق راسي
فارس:على ايه يا ماما انتى زي والدتى وبعدين ما انتى يا ست سالي اتبرعتى بدمك لوالدتى ورديتى الجميل وزياده بلاش كلام فى المواضيع دي هو احنا بنا كده وبعدين بعد اذنك ياماما هخدها منك خمس دقايق
ومسكها من ايدها واتجه بها لوالدته
سالى:واخدنى على فين فهمنى
فارس:ابدا كلمت والدتي عنك وعاوزه تشوفك
دخلوا على والدته
فارس:اهى دى يأست الكل اللى خطفت قلبي ابه رايك فى الجمال والرقه دى
والدة فارس؛بسم الله ماشاء الله انا قولت بردو ان فارس قلبه مش هيتشبك بسهوله
انا متشكره يا بنتى على انقذك حياتى
سالي:على ايه يا ماما دا واجب وانت ماعملتش حاجه اى واحده مكانى كانت هتعمل كده وكفايه جميل فارس عليا
فارس:احنا ايه هنفضل نشكر فى بعض خلاص بقى
بقولك ايه ياست الكل انتى تشدى حيلك وتقومى كده بالسلامه
انا عملت اللى عليا وحبيت ناقص اللى عليكى انتى مش كنتى ديما بتقولى طب شاور انت بس وقول لى قلبي عاوز دى وسيب الباقى عليا
والدة فارس:ان شاءالله يافارس سيب والدك عليا
فارس:يعنى اتطمن
والدة فارس:اتطمن احنا ايه اللى يهمنا غير ساعدتك
فارس مد ايده وجاب وارده من ورد موجود بالغرفه ونزل على ركبته أمام سالى وينظر لعيناها وهو بيقول تقبليني اكون شريك حياتك
لسه هتتكلم سالى
انفتح باب الغرفه ودخل عليهم والد فارس وهو بيقول حمدلله على سلامة حبيبة قلبي
بس ماكملش كلامه واتفاجىء بوجود سالى ووضع فارس امامها
والد فارس:فى إيه يافارس وانت عامل كده ليه ومين دي
والدة فارس :خد سالى واطلع يافارس وانا هفهم والدك
فارس:مش وقته كلام فى حاجه دلوقتى يا ماما انتى لسه تعبانه
والد فارس :حاجة ايه مش فاهم
والدة فارس:اسمع الكلام يافارس واعمل اللى قولتلك عليه
فارس؛حاضر ياماما
اخد سالى وخرج
ووقفوا شويه بالخارج ورجع فارس قال ليها والدتى دي بقى تأثيرها مش عاوز اقولك فى المفاوضات مع بابا
والد فارس قعد بجانب والدة فارس :فى إيه تفهميني ايه ومين دى اللى مع فارس
والدة فارس:دى سالى اتعرف عليها فارس وزي ماتقول كده وقع فى حبها من اول نظره
والد فارس:ايه الكلام الفارغ ده وده حصل فين وامتى ان شاء الله وبنت عمه هنعمل فيها ايه انتى ناسيه ولا ايه
والدة فارس:انا مش قادره اتكلم ياعاصي سبنى اقول اللى عاوزه اقوله من غير ما تقاطعني
اللى عاوزه اقوله ليك سيب فارس قلبه اللى يختار زي ما انت قلبك اختار والحمدلله احنا عشنا أجمل سنين عمرنا وماتنساش ان اللى خلنا اتخطينا كل اللى مرينا بيه ووصلنا للى احنا فيه هو اننا اختارنا بعض عن حب وانا ماصدقت ان فارس قلبه اختار انا ماكنتش حابه ان بنت عمه مفروضه عليه وهو بالنسبه اى واحده والسلام وان كان على الفلوس والمجموعه احنا مش محتاجين فلوس والمجموعه زي ما ترسى دا بالعكس احساس نانسي انها زيه زيها هيخليها ديما وضعه رأسها براسه وكأن فى راجلين فى البيت وده عمره ماهيسعد ابني
فارس ابنك طالع ليك وهيقدر يكمل المشوار سواء نصيب عمه معاه او مع غيره فارس طالعلك وراسه ناشفه ومابيتنزلش عن اللى هو عاوزه ماتخسروش يا عاصي عشان خاطري ودى اخر حاجه هطلبها منك
واحست والدة فارس بتعب
والد فارس:طب ارتاحي انتى بس ونكمل كلامنا بعدين
والدة فارس :اوعدني ياعاصي لو جرالى حاجه ماتوقفش فى طريق سعادة فارس عشان خاطرى وخاطر كل لحظه عشناها سوى بحب وتفاهم
والد فارس:اوعدك بس عشان خاطرى ريحى نفسك انتى وماتشغليش بالك انا قلقان عليكى
والدة فارس:ماتقلقش عليا انا كويسه بس اهم حاجه تريحني عاوزه اموت وانا متطمنه على سعادة فارس
والد فارس :بعد الشر عليكي ربنا يخليكى لينا
دخل الدكتور يتابع حالة والدة فارس
وقال لوالد فارس بعد اذن حضرتك نسبها تستريح شويه كدا كفايه عليها
اخد فارس سالى ونزل
خرج عاصي وجلس بالانتظار وهو يفكر فى كلام زوجته
وبعدين بقى فى ست سالى اللى طلعت لينا فى البخت دى ما فارس كان راضي بنانسي والأمور كانت ماشيه تمام هتعمل ايه ياعاصي هتغصب ابنك على الزواج من بنت عمه وحالة والدته اللى مش هتستحمل زعل ابنها
فارس تحت بقولك ايه تعالى لحسن انا هموت من الجوع نروح اى مطعم واهو نقعد نتكلم شويه
سالى:وانا كمان بجد جعانه موت
خلاص يالا بينا
دخلوا مطعم
فارس:تحبي تاكلي حاجه معينه ولا اختارلك
سالي:لا اختار انت
بعد ما أكلوا ايه رايك انا هطلب ايس كريم
سالى :لا ايس كريم لا يالا نقوم انا مش هقدر اكل حاجه تانى
فارس:فى إيه بس طب اقعدى هشرب اقهوه
سالى :قهوه ماشي مش مشكله
وبعدها اتمشوا شويه ورجعوا
تانى يوم الصبح اتكتب لوالدة سالى على خروج وصلهم فارس للمنزل
سند فارس والدة سالى وطلعها فوق وأدخلها هو سالى لغرفتها
وريحت على السرير وخرج وبعده خرجت سالى
فارس عينه تتجول فى الشقه وقال لسالى شقتكم جميله اوى وشيك
سالى:امال ايه يا ابنى احنا بردو بنات ناس بس الزمن بقى هنعمل ايه
فارس تجول بالشقه
سالى ايه هتشتري الشقه ولا ايه
فارس:بصراحه كده عاوز اشوف غرفتك قبل ما انزل
سالى:اشمعنا غرفتك
فارس:لا ابدا بس غرفتك هتدل على شخصيتك اكتر وانا الانسان اللى بحبه ببقى حابب اعرف عنه تفصيل اكتر
سالى:طب اتفضل ياسيدى أدى غرفتى وفتحت الباب ورجعت قفلته
فارس:فى إيه
سالى:لا ابدا هدخل بس ثانيه الغرفه قبل ماتدخل ودخلت شالت بعض الملابس والاغراض التى تخصها وليست فى مكانها وعادت وفتحت الباب
دخل فارس ونظر بالغرفه وقال كنت متاكد من ذوقك غرفتك جميله اوى ورقيقه زي صاحبتها
ورجع خرج فارس من الغرفه طب همشي انا بقى. وهبقى اكلمك لما اوصل
وفى نفس اتصل على والد فارس مدير أعماله وقال له ماتنساش حضرتك الاجتماع مع احد العملاء الكبار نزل والد فارس وباله مشغول فى كلام زوجته له وهو سايق اتصل عليه اخوه واول مافتح عاصي زعق فيه خوه ازاى ياعاصي بنتي ترجع من عند فارس وهى جايه تزور والدته بتبكي ومنهاره
والد فارس:وبتبكي ليه ايه اللى حصل
والد نانسي:وهى مع فارس فى غرفة المرافق تدخل عليهم بنت ماعرفش فارس اتلم عليها منين ويحرج بنتى بسببها ويطردها بالذوق دى بنتي ياعاصي عارف يعنى ايه بنتى وايه حكاية البنت دى
عاصي:انت عرفت
والد نانسي:عرفت ايه
عاصي:دى بنت اتعرف عليها فارس وقال ايه بيحبها
والد نانسي:انت بتقول ايه ياعاصي انت بينك اتجننت انت وابنك هو مش ابنك خاطب بنتى دا انا هقلب الدنيا على دماغك انت وابنك
اندمج عاصي معاه فى الكلام ولسه بيقول له انت بتهدد اخوك
ونسي انه سايق وفجأه مقطورة بتلف وقطعت الطريق وهو مش مركز واخد باله متأخرا وحاول تفاديهل ولكن دخل بالسياره فى مؤخرتها
ونقلته الاسعاف إلى أحد المستشفيات ليتفاجىء فارس بتليفون من المستشفى
فارس:الو مين معايا
احد الأشخاص:ايوه يافندم حضرتك فارس العاصي
فارس:ايوه مين معايا
احد الاشخاص:مع حضرتك المستشفى اللى اتنقل والدك ليها بعد ما عمل الحادث
فارس؛ايه والدى عمل حادثه وهو عامل ايه
احد الاشخاص:هو .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية برائة سالي)
