رواية بداية حياتي معاك الفصل السابع عشر 17 بقلم داليا أحمد
رواية بداية حياتي معاك الجزء السابع عشر
رواية بداية حياتي معاك البارت السابع عشر
رواية بداية حياتي معاك الحلقة السابعة عشر
لينا خرجت من اوضتها و هي نازلة قابلت ادم و عمر في الدور
ادم بصدمة : ليناااا
لينا بصتله لحظات و مستغربة
عمر : انت تعرفها ؟!
ادم : لينا انتي ازاي ازاي موجودة
لينا كانت سرحانة ف شكل آدم و مبتتكلمش كانت حاسة أنها شافته قبل كدا حاسة أنها تعرفه لكن عقلها مس قادر يفتكر اي حاجة
ادم لمس ايديها : انا مش قادر أصدق انتي متغيرتيش من اخر مرة مشيتي بس ازاي ردي عليا
عمر: شيل ايدك بس و فهمني في ايه
لينا بعدت عنه و وقفت جنب عمر و هي مش فاهمة مين ده
ادم :اوعي انت كدا دي اختي انتي كنتي بتشوفي غلاوتك عندي صح ردي عليا حرام عليكي
لينا : انا مش فاهمة انت مين و عرفت اسمي منين
ادم : انا آدم يا لينا مش فاكراني مش فاكرة ادم وحشتيني اوي كل حاجة فيكي وحشتني وحشني حضنك اللي كان بينسيني اي حاجة من الدنيا
عمر بعصبية : انت هتتكلم و تفهمني في ايه ولا يكون اخر يوم في عمرك
ادم : لينا انتي ازاي عايشة
لينا : انا مش فاهمة حاجة
عمر : ما تردي تعرفيه منين ده
لينا : مش عارفة بقولك مش عارفة
ادم : دي اختي انت اللي تعرفها منين
عمر : اختك اختك ازاي
لينا : اخويا …. و لما انا انت أخويا مدورتش عليا ليه كنت فين كل السنين دي و الفترة دي ده لو كنت أخويا اصلا
ادم : لينا لا انا مصدقت الاقيكي عشان خاطري خليكي معايا دي ماما هتفرح اوي لما تشوفك وحشتيها اوي يا لينا عارفة مش هخليها تزعقلك خالص و هخليكي تروحي اي مكان عايزة تروحيه بس تعالي معايا يلا نمشي انتي مبترديش عليا ليه
لينا دموعها نزلت منها و استخبت ورا عمر :عمر انا مش عايزة اروح معاه انا مش عارفة مين ده يا عمر مش فاكراه
ادم : مش فاكراني ازاي ازاي مش فاكراني انا اخوكي اخوكي
حبيبة : في ايه صوتكم عالي في ايه يا آدم
لينا : انا مش عارفاك حرام عليك سيبني بقا دماغي بتوجعني مش قادرة مشيه يا عمر خليه يمشي
عمر : اهدي يا حبيبتي بس نفهم منه
لينا : لا ده مش أخويا و مش عارفاه انتو اللي اهلي مش هو انا مش عايزاه ااااااه راسي بتوجعني
عمر : مالك بس اهدي طب
لينا وقعت علي الارض اغمي عليها
حبيبة : لينا … ايه اللي حصل في ايه ما حد يفهمني بقا
عمر : لو سمحت انت ممكن متلمسهاش لحد ما افهم منك انت مين
_____________________
سليم:اسف ع اللي حصل بجد
هالة دخلت في اللحظة دي:قولتي ايه يا تقي ع كلام سليم
تقي ابتسمت وهي باصة ف الارض
تقي : انا … هو انا مش بحلم ….
سليم : لا مش بتحلمي انا بحبك بجد و اكتشفت اني بحبك فعلا دلوقتي
تقي : وانا كمان بحبك
____________________________
جاسر دخل ل يمني مكتبها في شركة
جاسر : مفاجأة مش كدا
يمني : جااسر خير عايز ايه
جاسر مسك موبايله : لينا طلعت عايشة صح
يمني بتوتر : لينا ازاي يعني دي ماتت و اتدفنت انت لسة فاكرها
جاسر : بقولك ايه ؟؟؟ هتقولي الحقيقة ولا ادم يعرف بنفسه
يمني :وطي صوتك احنا في مكان شغل
جاسر : لينا عايشة ازاي
يمني : معرفش قولتلك هعرف منين يعني
جاسر : يمني مش هعيد كلامي مرتين لينا عايشة ازاي
يمني : قولتلك معرفش انت ايه مبتفهمش
جاسر : متعرفيش ازاي انتي مش فاكرة ولا تحبي افكرك الكلام القديم عارفة يا يمني اقسم بالله لو آدم عرف ان انتي اللي ورا الحوار ده انتي عارفة ممكن يعمل فيكي ايه ده غير اني هقوله يعمل تشريح للجثة و وقتها يقدر يوديكي في 60 داهية
يمني بخوف : و هو هيعرف منين اني ورا الحوار ده
جاسر: انا هقوله
يمني : علي اساس انه هيصدقك و حتي لو قولت هقوله انك شريك معايا في كدا و وقتها مش هيصدقك اصلا و فوكك بقا من الحوار ده يا شاطر
جاسر : قصدك ايه
يمني : قصدي ان مش معاك دليل تثبت ان لينا مماتتش و اني عملت كدا
جاسر : عندك حق بس البنت الحقيقية عايشة و هحاول اوصلها عن أذنك يا يمني هانم
__________________________
حبيبة : يا عمر سيبها انا هقعد معاها و انزل انت دي شكلها تعبانة جدا
عمر : مش هينفع يا حبيبة انزلي انتي لاختك و قولي اني تعبان بس مش تقولي قدامهم قولي لماما بس و خليهم يخلصو بقا و نخلص و اندهي محمد بس من غير م حد يحس
حبيبة : حاااضر يا عمر حاضر انا نازلة
عمر : يعني انت اخوها
ادم : أيوة يا عمر انا اخوها بس اللي اتدفنت دي تبقا مين
عمر : مش عارف ما يمكن دي شبهها مش اختك انت عملت تحليل DNA طيب للبنت اللي اتدفنت
ادم : اه و طلعت اختي
عمر : طب يبقا اكيد لينا دي مش اختك
ادم و هو قاعد علي الكرسي شاف علي الكوميدينو سلسلة أخته اللي كان جايبهالها و مسكها
ادم : دي لينا مش ممكن دي اكيد لينا
عمر : مش فاهم
ادم : السلسلة دي كانت آخر حاجة جبتهالها
عمر : ازاي ده ياربي ايه اللخبطة دي
ادم : دي اختي اكيد دي اختي
عمر : ادم اهدي عشان هي راسها سخنت جدا و شكلها تعبت
حبيبة خبطت الباب و دخل معاها دكتور محمد صاحب عمر
عمر : محمد شوف لينا مالها
محمد : مين ده
عمر : ده ادم المفروض انه اخوها
محمد باستغراب : اخوها هي لقت اهلها
عمر : لا هحكيلك بس شوفها الأول
_____________
هاجر : ماما اومال عمر و لينا و حبيبة فين
اميرة: ها لا اصل لينا تعبت و عمر معاها
هاجر : هي جاية تبوظلي خطوبتي كمان مش كفاية عايشة معانا
اميرة: يا حبيبتي دي تعبانة حرام عليكي بقا انا عايزة اشوفها و حبيبة منعتني
هاجر : ماشي يا ماما ماشي خليكي فاكراها
___________
لينا بدأت تفوق و تعيط
محمد : لينا اهدي اهدي خالص
لينا بصوت ضعيف متقطع: عمر فييين
عمر : حبيبتي انا جنبك بس اهدي
محمد : لينا فاكرة ادم ده
لينا : لا معرفوش انا مش عايزة امشي يا عمر ده اكيد كداب
ادم : حرام عليكي بقا انتي ليه بتعملي كدا
محمد : ادم ممكن تهدي مش كدا
لينا : خرجه يا عمر خرجه برة ده بيضحك عليك عشان تسيبني صح مش عايزة اجي معاك انا مش فاكراك
ادم قعد جنبها و بيعيط : انتي لو جربتي دقيقة واحدة من الوجع اللي انا فيه مش هتقولي كدا انا اختي راحت مني في ثانية و مرجعتش وانتي اختي افهمي بقا
لينا : أفهم انت انا مش اختك مش أختك
ادم : مش قادر افهم عشان لقيتك انا مش هتوه عنك يا لينا حرام عليكي فوقي والنبي و افتكري
محمد : ممكن تهدي يا آدم انت كدا بتتعبها اكتر و ممكن نتكلم برة خليكي انتي معاها يا حبيبة
عمر : اتفضل تعالي في اوضتي
_______________
لينا : حبيية ده كداب صح
حبيبة حضنتها و دموعها نزلت منها : لينا ده ادم ادم الللي بيشتغل معايا
لينا : ااييه هو ده
حبيبة : اه هو يا لينا
لينا : هو بيكدب صح
حبيبة : حبيبتي مش عارفة بس بكرة يبان الحقيقة
__________
ادم بعصبية : انت اكيد مجنون انت عايزني امشي من غير ما اختي تروح معايا
محمد : أستاذ آدم اولا احنا اصلا مش متاكدين اذا كانت اختك ولا لا … ثانيا بقا حتي لو اختك هي مش فاكراك و صعب تروح معاك
ادم : ايه اللي بتقوله ده انت اكيد اتجننت
عمر : ممكن تهدو بقا و فهمنا قصدك ايه يا محمد
محمد : ادم ااه آخر لبس اختك كانت لابساه كان ايه فاكره
ادم : معايا اخر صورة ليها من بنت خالتي كانت مصوراها
محمد : عمر انت فاكر يوم الحادثة لينا كانت لابسة ايه صح
عمر : اه فاكر
ادم : الصورة اهي
عمر : فعلا نفس اللبس اللي كانت لابساه بس انا عايز افهم مين اللي ماتت و ااتدفنت
محمد : فعلا حاجة تحير بص حل الموضوع ده لينا تعمل تحليل DNA و نتاكد فعلا و حاجة كمان لينا اعصابها تعبت ف لو سألت مين ده قولها ان ده واحد شافك شبه أخته اللي ماتت و انتي فكرتيه بيها لحد ما نحاول نعمل التحليل
ادم: يعني ايه يعني همشي من غيرها
محمد : يا آدم لازم تفهم ان ده صعب علي لينا هي مش مصدقة انك أخوها
عمر : ادم عنده حق هي اخته باين من الصور بص يا محمد انا عندي فكرة بس مش هنفذها الا لما اعمل تحليل ليها حتي لو كانت و هي نايمة و مش حاسة بحاجة تاني حاجة بقا ادم هيعيش معانا لحد ما تفتكر ازاي دي بقا بعدين لما نتاكد بس لازم تعرف سر لينا متعرفوش
ادم : سر ايه
_____________
الساعة 1 بالليل
عمر وضع راسوا علي المخدة و غمض عنيه و يرتاح من اليوم الصعب ونام وهو خايف لينا تفتكر و تسيبه
في الوقت ده النور قطع و لينا كاانت نايمة و قلقت و خافت وقفت عند اوضة عمر و خبطت عليه
لينا : عمرررر يا عمرر اصحي بقا
عمر فتح عينيه شاف أن النور قطع و لينا بتخبط الباب
عمر : ده صوت لينا في ايه
قام من علي السرير جري عليها و خرج من الاوضة كانت قاعدة علي الارض و خايفة من الضلمة و لما الباب اتفتح لينا جريت عليه
عمر بحنية: ما تخافيش يا لينا
لينا : انا خايفة
عمر : متخافيش يا حبيبتي انا جمبك ولله
لينا : ممكن متبعدش عني
و مسكت في التيشرت بتاعه جامد و هي خايفة
لينا : مش عايزاك تسيبني و تمشي
لينا كان جسمها بيترعش و قلبها بيدق جامد
عمر : انا اللي مش عايزك تسيبيني و تمشي
لينا : انا مش هسيبك مهما حصل هو الولد ده بجد أخويا
عمر : طب تعالي ننزل الجنينة احسن
لينا : ماشي
لينا نزلت مع عمر الحديقة و قعدت جنبه عند حمام السباحة و راسها مالت علي كتفوا
لينا : عارف ي عمر حسيت اني اعرف الولد ده
عمر : بجد
لينا : بس فجأة حسيت اني مش فاكراه و خايفة عمر : طب ايه رايك تتعرفي عليه لحد ما تفتكري يمكن اخوكي
لينا : لا يا عمر لا
و بعدت راسها من علي كتفوا
عمر : طب ممكن تهدي انا بقول يمكن يعني
لينا : عمر انا مش عارفة بس انا خايفة اوي خايفة ميطلعش اخويا و خايقة يطلع أخويا
_____________________
ادم كان قاعد في الشقة و بيفكر في اخته و ازاي عايشة بيفتح موبايله كان عامله سايلنت شاف 40 ميسد كول من رقم غريب
اتصل بالرقم
ادم : الو
…. : …..ا
ادم : مين
…… : ادم انا جاسر بس بالله عليك م تقفل يا آدم
ادم : عايز ايه انت كمان سلام
جاسر : ادم بالله عليك استني عايزك في موضوع بخصوص موت اختك
ادم : موت اختي انت تعرف حاجة
جاسر : اختك مش ماتت يا آدم
ادم : مش فاهم انت بتقول ايه
جاسر : مش هينفع في الموبايل لازم اقابلك انا معايا معلومات لازم تعرفها
ادم : انا مش في دمياط
جاسر : طيب انت فين
ادم : في 6 أكتوبر
جاسر : خلاص هجيلك الصبح
ادم : طيب سلام
جاسر : ماشي سلام
_________________
وليد : ايه يا عمري
هاجر : ايه يا وليد
وليد : ساكتة يعني
هاجر :مش عارفة اقول ايه
وليد : كنتي زي القمر انهاردة
هاجر : بجد يا حبيبي
وليد : بجد طبعا
هاجر : وانت كمان
وليد : اه صحيح هعدي عليكي نخرج بكرة
هاجر : اكيد طبعا موافقة بس هقول لماما و ارد عليك
وليد : اوكي يا عمري ..
___________________
تاني يوم
ادم قابل جاسر في كافيه في أكتوبر
ادم : اتفضل قول بس استني في حد جاي دلوقتي
جاسر : مين
ادم : هتعرف …. اهو ايجا اتأخرت ليه يا عمر
عمر : الطريق كان زحمة
ادم :قول يا جاسر
جاسر : احكي قدامه عادي
ادم : اه عادي
جاسر : طيب يا آدم اسمع الريكورد فويس ( تسجيل صوتي ) ده و ده وانت هتفهم كل حاجة
ادم : ماشي
_______________
وليد : ايه يا مزه القمر دا كلو .. الفستان .. هياكل منك حتة بجد
هاجر : وانت كمان زي القمر يا حبيبي
وليد : طول عمري
هاجر : لا ولله لا متتغرش اوي كدا
وليد : تعالي نقعد ع الترابيزة اللي هناك دي لحد ما العيال يجو
هاجر : ماشي
________________
عمر : يعني كدا ممكن تكون البنت اللي كانت خطيبتك جابت جثة تانية و بدلتها
جاسر : مش ممكن ده اكيد
ادم : بس انا هتجنن ازاي التحليل طلع صح
عمر : ما يمكن تكون متفقة مع الدكاترة
ادم : بس جاسر جاب دكتور تاني
جاسر : مش مهم دلوقتي المهم ان يمني اعترفت في الريكورد أنها عملت كدا ازاي دي بقا مش مهم دلوقتي المهم ان اختك تفتكر
عمر : محمد قالي ان وجود حد كانت تعرفه هيساعدها تفتكر بسرعة يعني معناه ان ادم لازم يكون قاعد معاها
جاسر: ايوة بس ادم هيقعد معاها ازاي
عمر : ماهو ده اللي كنت انا بفكر فيه من امبارح
جاسر : اللي هو
عمر : ادم هيجي بحجة أنه مهندس شاطر و هو اللي هيصمملنا الفيلا بتاعتي انا و لينا و هيقعد معانا في الفيلا عشان مثلا السكن بتاعه في مشكلة او حصل مشاكل معاه كدا يعني
ادم : طب تمام ياريت جدا
_________________
هاجر : ايه ده وليد .. انت مقرب كدا ليهمني
وليد بنرفزه : في ايه يا هاجر احنا مخطوبين ودي احلى فتره في حياتنا
هاجر : انا اسفه مش قصدي والله ازعلك .. بس انا مش فاهمة
وليد : انا عايز امسك ايدك بس ولله
هاجر بكسوف : ماشي اتفضل
وليد مسك ايديها و باسها : الله ايديك حلوة اوي و ناعمة جدا
هاجر : وليد بس بقا انا مكسوفة اسكت ممكن
وليد : مش قادر اسكت .. مش سامعة قلبي بيدق ازاي
وليد مسك ايديها و حطها علي صدره عند قلبه بحجة أنها تسمع قلبه و هو بيدق
هاجر : بس انا مش سامعة حاجة
وليد : انا سامع و حاسس بجد نفسي نتجوز من بكرة ولله
هاجر : ايه ده لسة بدري اوي ده قدامنا سنتين كمان
وليد : انا نفسي أفضل ماسك ايدك كدا علي طول
هاجر : يا وليد انا مكسوفة الناس هتبص علينا
وليد : يا حبيبتي سيبك من الناس
هاجر : انا مش عارفة ده صح ولا غلط انك تمسك أيدي كدا
وليد بصعبية: انتي ليه مصممه تزعليني احنا مش بنعمل حاجه عيب ولا حرام ولو خدتك دلوقتي في حضني محدش يقدر يقولنا حاجه
هاجر : ايه لا طبعا حرام
وليد : بقولك ايه فوكك مفيش حاجه اسمها حرام .. في حاجه اسمها اتنين مخطوبين و بيحبو بعض
هاجر : مممممممممبس يعني
وليد : مفيش بس و كلمة كمان هحضنك
هاجر : وليد متهزرش
وليد شدها لحضنه و هاجر اتخضت و خافت
هاجر : وليد اوعي كدا
وليد : في ايه انتي مش مبسوطة
هاجر : لا مش مبسوطه و متقربش مني تاني
انا مش بحب كدا
وليد : وانا قولتلك اننا مخطوبين يعني من حقي و من حقك نعمل اللي نعمله
هاجر : لا يا وليد لما نكتب الكتاب و نتجوز
وليد : و تقدري تقوليلي لما نكتب الكتاب و نتجوز هناخد علي بعض ازاي
هاجر : عادي يعني زي الناس
وليد : هاجر انتي لو فاكرة انك هتفضلي كدا وهنتجوز و لما اجي أقرب منك تبعدي تبقي بجد غلطانة لاني مش هقبل ب كدا
هاجر : انت زعلت
وليد : معرفش
( نصيحة : خدي بالك انا من فترة شوفت علي بيدج سوسيتي بروبلمز بتاع المشاكل ان بنات كتير بتقرب من خطيبها بحكم ان خطيبها و عادي مفيش حاجة اسمها حقي و كدا حرام طبعا لان دي خطوبة مش مكتوب كتابها و الخطوبة مجرد وقت بيتعرفو بيه علي بعض مش معاكي العمر كلو لان ممكن في اي لحظة يسيبك ف خدي بالك و متسلميش نفسك لخطيبك لانه لو سابك هتخسري نفسك قدام نفسك طبعا كل الكلام ده غلط محدش يعمل كدا )
_____________________
عمر دخل الفيلا و معاه ادم و شنطة هدومه
لينا : مش انت اللي
عمر : الباشمهندس ادم ده يا لينا اللي هيعملنا تصميمات الفيلا بتاعتنا و هو للاسف حصل عنده مشاكل في السكن عنده ف قولتله يقعد في الشقة الصغيرة اللي في الجنينة هتبسطك جدا يا آدم الديكور تحفة فيها
لينا : اااه طيب
أميرة : طيب يا حبيبي تنورنا
ادم : انا اسف بجد لو هتقل عليكم يعني
حبيبة : لا طبعا يا آدم متقولش كدا
_____________________
تاني يوم كانو كلهم قاعدين علي السفرة بيفطرو
ادم : ممكن شاي مبعرفش افطر الا وانا بشرب شاي
عمر :انا لازم اشرب هوت شوكليت فكرتك بتحبه طب ممكن يا لينا توري آدم مكان الشاي اعمل بنفسك بقا يا معلم البيت بيتك
لينا : ايه … اه اتفضل المطبخ من هنا
دخلت لينا المطبخ و ادم معاها
ادم : لينا ممكن تساعديني
لينا : حاضر
ليا : اعمل معاك ايه
ادم ضحك : حطي الماية علي الشاي
لينا : اه حاضر
ادم : ميرسي جدا
لينا : هو انا فعلا شبه اختك اوي كدا
ادم : جدا نسخة منها
لينا : اممممم
___________________
مر ايام و لينا اتقربت من ادم جدا و تقريبا بقا اصحاب
في يوم
ادم كان قاعد مع لينا في الشقة اللي قاعد فيها و بيحكيلها عن أخته و هي بتسمع
لينا : عندك لاب توب
ادم : اه ثواني هجيبهولك
ادم قام جبلها الاب توب
ادم: اتفضلي
لينا : ممكن تجبلي حلقات مسلسل حب للايجار
ادم : حاضر
لينا قاعدة بتتفرج علي المسلسل و ادم معاها بيتفرج
لينا : بحب المسلسل ده اوي
ادم : اه جميل
لينا : بس عمر ده مززز اوي يخربيته
ادم : ما تتلمي كيس جوافة قاعد قدامك يعني و بعدين مش اسمه عمر
لينا : انا عارفة اسمه كدا
ادم : المهم تتلمي
لينا : ايوة بس المز ده
ادم : لينااا
لينا : خلاص بهزر
ادم :و الله هقفل اللاب
لينا : خلاص ولله
ادم : متبصيش غير عليا انا
لينا ضحكت : عارف يا آدم بحس اني شوفتك قبل كدا بس مش قادرة افتكر
ادم : بجد
لينا : انا جعانة اوي
ادم : طب تيجي نعمل اكل
لينا : انا مش بعرف اعمل اكل
ادم : خلاص هطلب دليفري
لينا : اووك
ادم : اطلب KFC ولا MAC
لينا : KFC انا بعشق كنتاكي جدا
ادم : لينا برضو كانت بتحبه اوي
___________________
تاني يوم
ادم كان داخل الحديقة و مخبي حاجة ورا ضهروا
ادم :مالك
لينا : مفيش
ادم : مش اتفقنا نكون صحاب
لينا : اه
ادم : مالك بقا
لينا : طب قول انت مخبي ايه ورا ضهرك
ادم : حاضر اتفضلي
ادم كان جايبلها بوكيه ورد أحمر و علبة في شوكولاتة ديري ميلك بابلي
لينا : الله ده ليا
ادم: اه
لينا بصت في عينيه دقايق بتحاول تفتكر اي حاجة كل اللي حساه أنها مبسوطة و هي معاه
ادم بحنية : ها بقي يا لينا مالك
لينا : عمر مبقاش يحبني
ادم : ليه بتقولي كدا
لينا : …….
__________
هاجر كانت قاعدة مع وليد في كافيه و صاحب وليد و خطيبته قاعدين معاهم
فؤاد : طب يلا نرقص يا مي
مي : يلا
( وليد غمز لصاحبه و بدأ يرقص مع خطيبته و كان بيقرب منها و بيحضنها و بيبوسها )
هاجر : ايه دا
وليد : ايه يا حبيبي
هاجر متنحة: شفته مقرب منها ازاي
وليد : ياحبيبتي ماهو انتي لو تصدقيني .. انا قولتلك ان كل المخطوبين بيعملو كدا و اكتر .. صممتي ان انا اللي وحش وزعلتي
هاجر : يعني بجد الناس كلها بتعمل كدا ..
وليد : اه يا حبيبتي ممكن تبصيلي
هاجر : مش عارفة
وليد في سره : دا ايه النيله السودا دي ياربي
وليد : عشان خاطري
هاجر : مكسوفة اوي مش عارفة
وليد : هاجر انا بجد زهقت اوي كل حاجة لا و مكسوفة
وليد قرب منها و كان هيحضنها
هاجر : يوووه بقا في ايه و بعدين متقربش مني كدا ولله اصوت و الم عليك الناس
وليد : بس يا مجنونه في ايه ؟؟ انا مش عارف انتي ازاي فكرتي فيا التفكير الوسخ دا
هاجر : يا وليد ما انت الي بتقرب مني جامد يلا روحني بقا
________________
سيرين راحت لعمر المستشفي
سيرين : دكتور عمر ازيك
عمر : سيرين صح
سيرين : اه بالظبط
عمر : خير في حاجة
سيرين : اه يا دكتور عمر
عمر : ها ايه طيب
سيرين : هاجر و وليد انت عارف وليد كان يعرفها ازاي
عمر :اه في عيد ميلاد صاحبتها و كان اخو صاحبتها
سيرين: طب و يا تري قالتلك بقا أنها كانت ماشية معاه
عمر بصدمة: اييييه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بداية حياتي معاك)
