رواية بداية حياتي معاك الفصل الخامس عشر 15 بقلم داليا أحمد
رواية بداية حياتي معاك الجزء الخامس عشر
رواية بداية حياتي معاك البارت الخامس عشر
رواية بداية حياتي معاك الحلقة الخامسة عشر
عمر :لينا انتي جيتي امتي
لينا بعصبية :ينفع يعني كدا
عمر :انا اسف ولله كنت لسة
لينا :بقالي ساعة بدور عليك مش لاقياك وانت قاعد هنا
عمر :انتي زعلانة عشان كدا يعني
لينا : عشان كدا هو ده عادي يعني مالك يا عمر انت متغير كدا ليه
حبيبة : لالا يا حبيبي مفيش حاجة ده عمر بيهزر بس
لينا :انا خارجة واضح انك مش طايقني اصلا
حبيبة :يا لولو استني بس ده عمر بيهزر لينا …. ينفع كدا يا عمر
عمر :انا كنت خايف تكون سمعت هخرج اصالحها
_____________
ريم و تقي و يمني صرخو من صوت المسدس لكن الطلقة اتخبطت في الحيطة
تقي بخوف : الحمد لله مجتش في حد صح …. هو محدش بيرد ليه
سليم :الحمدلله مفيش حاجة سيب الزفت ده يا آدم ممكن نتفاهم بقا اقعد و اتفاهم الحمدلله محصلش حاجة كنت هتضيع حد فينا و تضيع نفسك يا اخي
ادم :عايز ايه
سليم : ممكن نتفاهم بالراحة
__________________________________
ادم اتحرك من مكانه و قرب من يمني و شدها من ايديها بعنف و القاها علي الارض فجأة و نظر لها بقسوة و عنف
يمني بخوف:في ايه
ادم ببرود : لا خالص مفيش
و بدون تفكير آدم صفعها علي وجهها صفعة قوية و دموعها نزلت
ادم : كنتي عاملالي فيها انك بنت ناس و محترمة و في الاخر طلعتي ****
سليم :كفاية بقا يا آدم كلامك ده مش هيعمل حاجة سيبها بقا انا قولت نتفاهم كلها بهدوء مش بعنف كدا
ادم :ممكن تسيبني اتكلم معاها لوحدنا يا سليم ممكن
تقي: سليم سيبهم بقا ب
سليم : ماشي انا برة بس متعملهاش حاجة
يمني كانت مبتتكلمش ولا بترد عليه كانت بتعيط و هي ساكتة
ادم: أمي كان عندها حق لما قالت ما اتجوزش واحدة زيك و مش هي بس كلهم تقريبا ماما و بابا و تقي و لينا و كلو
يمني :آدم انا مخونتكش
ادم بيضحك : و كمان هتطلعيني كداب يا بنت ال ******
يمني :كفاية بقا يا آدم كفاية حرام عليك
ادم : خونتيني مع كام واحد ؟؟؟ ها ؟؟ انطقي ؟؟ مع جاسر بس ولا كان في قبله مكنتش اعرف انك **** كدا بجد كنتي اخر حاجة اشك فيها
________________
في مكان تاني في الشقة جاسر قاعد علي الارض و مبيتكلمش بيبص قدامه و جانبه ريم و بتبصله و هي ساكتة
جاسر : ريم انا مخونتكيش صدقيني انا قطعت علاقتي ب يمني من يوم ما عرفتك
ريم : حرام عليك ليه ليه عملت كدا
جاسر : ريم انتي لازم تسمعيني بقا حرام عليكي كفاية اللي انا فيه
ريم : تقي كانت دايما تقولي بلاش جاسر بس مكنتش بصدقها كنت بقول جاسر مش كدا حبيتك بس للاسف كسرتني كسرتني اوي
جاسر :انا فعلا زبالة كنت يا ريم كنت زبالة بس اقسملك بالله اني اتغيرت اوي اتغيرت من بعد ما عرفتك و حبيتك
ريم : ليه عملت كدا فيا و فيك ليه ليه ضيعتني منك
جاسر مسكها من كتفها :ريم انتي متضيعتيش مني ولا هتضيعي فاهمة انتي معايا و هتفضلي معايا لازم تفهمي كل حاجة
ريم : انت ايه الانانية إلي انت فيها دي حرام عليك بقا سيبني مش كفاية كل اللي سمعته
و تركته و نزلت
_____________
لينا كانت واقفة في البلكونة و متضايقة من طريقة عمر في الكلام
عمر :ايه ده انتي واقفة كدا ليه هتبردي
لينا :هيهمك يعنى خايف عليا
عمر :اكيد طبعا خايف عليكي كدة هتتعبي افرضي حصلك حاجة هتبهدل انا بقا معاكي و أدوية و كدا
لينا : خايف علي نفسك يعني
عمر :وعليكي
لينا : عمر هو انت مش بتحبني صح انا حاسة انك مبتحبنيش ده انت بتعاملني وحش و كمان مش خايف عليا خايف علي نفسك لو عايز نسيب بعض قول يعني متكسفش
وقبل ماتكمل كلامها قاطعها عمر
عمر :انتي ازاى تقولي كدة انتي فاكرة انى هكون مبسوط من غيرك
عمر قرب منها و طبع قبلة خفيفة على راسها
عمر :بحبك
لينا : طب و كل ده كان ايه
عمر :بعشقك
لينا : عمر بتكلم بجد بقا
عمر : وانا بحبك بجد انا اسف مكنش قصدي اضايقك خالص
__________
ادم ب حزن و ضعف : إنتي قتلتيني ودبحتيني وخلتيني أحبك حبيتك بجد حبيت كل حاجه فيكي كنت بقول دي اللي تستاهل اني اعمل كل حاجة عشانها بس معرفش إنك إنتي إللي ف الأخر إللي هتكسريني كنت بحس انك انتي الللي بتعوضيني عن لينا الله يرحمها امي كان عندها حق كانت تقولي مش برتاحلها وانا أدافع عنك حتى لينا كانت بتقف معايا
يمني :آدم انا اسفة انا عارفة اني غلط بس ولله يا آدم انا بحبك انا محبتش حد غيرك
ادم بعصبية : بتحبيني هو اللي زيك اصلا يعرف يحب ولا كنتي اخداني تسلية بقا
جاسر دخل في الوقت ده عندهم
جاسر : كدابة انتي لسة عايزة تكملي في كدبك برضو انتي عمرك اصلا ما حبيتي آدم لا حبيتي شكله فلوسه اكتر لكن آدم لا يا يمني ولا حتي انا
ادم : مش صعبان عليا غير صحوبيتنا مش مصدق ان انت كمان يا صاحبي تعمل كدا فيا ليه يا جاسر انا ليه حصلي كدا هو انا وحش يارب عشان يحصلي كدا
جاسر : لا يا آدم انت انضف حد في الدنيا كلها
يمني :آدم متصدقوش ده كدااب انا بحبك يا آدم ولله
ادم بعصبية : انتي لسة عايزة تنكري تاني و تكدبي إحمدي ربنا إن مقتلتكيش علشان هترتاحي و انا مش عايزك ترتاحي ولا نسيتي انتي معايا هنا ليه اصلا من الأول مش عايز اشوف وشك قدامي خالص فاهمة
تقي : آدم طب ممكن تهدي يمني روحي انتي دلوقتي
______________
ريم كانت خارجة من الكلية هي و تقي مروحين و جاسر وقف قدامهم
تقي : طب ريم انا هجيب حاجة و جاية
و بصوت هاديء : اتكلمي معاه يا ريم و اسمعيه عشان خاطري
بعدت تقي عنهم و ريم كانت لسة هتمشي جاسر وقفها و مسك ايديها
جاسر :ريم استنى
ريم بعدت ايده :ابعد عنى
جاسر :للدرجادى بتكرهيني و مش طايقاني
ريم :وانت اللي عملته يستحق ايه غير اني اكرهك انت خلتني اكرهك اوي بعد ما كنت خلاص
جاسر :بعد ما ايه
ريم سكتت و متكلمتش
جاسر : بعد ايه ها …… بعد ما حبيتيني صح
ريم : ………..
جاسر : سكتي يعنى
ريم:انا عمرى ماحبيتك اصلا
جاسر :يبقى بتكدبى على نفسك ولا ناسية يوم ما قولتيلي انك حبيتيني ولا فاكراني مش عارف …. ريم انا عارف انى غلطان واستاهل اى حاجة بس ارجوكى بلاش تبقى ساكتة كدة صرخى واضربينى اشتمينى بس بلاش نظراتك دى بتقتلنى
ريم :انا لازم امشي اتأخرت اوي ع البيت و علي تقي كمان عن أذنك
___________________
هاجر اتصلت علي وليد
وليد : ايه يا جوجو
هاجر :ايه يا وليد كل ده معرفش عنك حاجة
وليد :مش انتي قولتي متصلش عشان اختك
هاجر : و كل ده بتفكر في موضوع الجواز بتاعنا
وليد :طب يا حبيبتي ممكن بس بعد امتحانات الفاينل بتاعتي عشان بابا يوافق و كمان يبقا راضي و موافق و بعدين ما انا دخلت الامتحانات السنة دي عشانك
هاجر : بجد يا وليد
وليد : بجد يا قلبي
هاجر : طيب ي حبيبي انا هقفل عشان حبيبة و هكلمك تاني بقا
وليد : ماشي ي حبيبي باي
________________
تقي : يا بنتي ولله دي حفلة صغيرة كدا عاملينها تبع الكلية بمناسبة الاجازة و اننا عدينا اول سنة بتقدير كويس يلا بقا يا ريم تعالي انتي الوحيدة اللي لسة مجيتيش
ريم :طيب يا تقي خلاص ربع ساعة و اكون عندك باي
جاسر : ها وافقت ولا ايه
تقي :اه الحمد لله جاية جاية
جاسر :طيب تفتكري هتسامحني يا تقي
تقي :بص يا جاسر مش عارفة بس هي بتحبك و اكيد هتسامحك انت هتعتذرلها قدامنا
جاسر : طب و ادم
تقي : جاسر انا وافقت اساعدك في موضوع ريم لكن آدم مش هقدر آدم اتخانق معايا اخر مرة و مش قادر ينسي اللي حصل منك و بيقولي لو جبتي سيرته متتكلميش معايا تاني
جاسر : للدرجة دي مبقاش بيحبني
تقي : معلش يا جاسر هو اكيد هيسامحك بس اللي انت عملته ده مش شوية هنشوف موضوع ريم ده و بعدين ادم و بعدين يلا بقا ريم زمانها جاية يابني
_____________
بعد دقايق
ريم دخلت الحفلة و كان فيه كتير من صحابها و ناس تانية متعرفهمش و كانت بتتصل علي تقي و مبتردش عليها جاسر ايجا من وراها و مسك المايك و اتكلم
جاسر : ريم ريم استني متمشيش انا عايز اعتذرلك قدام الناس دي بس عايزك تفهمي اني مخونتكيش وانا معاكي انا غلط بس غلط قبل ما اعرفك انتي الحاجة الحلوة اللي عرفتها و الحاجة الصح اللي بجد في حياتي ريم انا عايزك تسامحيني محدش فينا ملاك و كلنا بنغلط
تقي قربت منها و وقفت جنبها
تقي : وافقي بقا عشان خاطري وافقي ده بيحبك
ريم :جاسر … بحبك
كل الموجودين صفقوا تصفيق جامد و كلهم مبسوطين وخصوصا تقي كانت فرحانة لصاحبتها
و في الوقت ده اشتغلت اغنية عمرو دياب _ وحشتيني
عيونك شايفها وحاسس اني انا عارفها
سبيني براحتي اوصفها مكسوفه ليه
كأنك معايا بقالك عمر ويايا
بنفس جوايا من قد ايه
سنين شايفك في أحلامي
بنادي عليك ضميني
ليالي كنت مش عايش
ومستنيك تحييني
وحشتيني وحشتيني
سنين بعدك على عيني
ليالي كنت مش عايش
ومستنيك تحييني
سنين بعدك على عيني
ليالي كنت مش عايش
ومستنيك تحييني
يا أجمل هديه بعتهالي القدر ليه
يا قمري في عز ليالي أوصفلك ايه
والله والدنيا بقت في عينيه حاجه تانيه
هواكي قابلته وفي ثانيه جريت عليه
خلصت الأغنية و جاسر و ريم وقفوا لوحدهم
جاسر و هو باصص لعيونها و هي بتلمع من الفرحة
جاسر :عارفة انا مش بحبك بس انا بعشقك وبتمني نفضل مع بعض العمر كلو
ريم: مكنتش اعرف انك بتحبنى اوى كده يا جاسر
جاسر : علشان انتى مكنتيش بتديني فرصة و مش عايزة تسمعيني يا ريم
ريم حطت ايديها على فمه ..
ريم :ما تيجي نقفل على اللى فات وبلاش نفتح فيه تانى خلينا فى النهارده
جاسر : انتى تأمرى يا حياتي …. توعديني
ريم: اوعدك بايه
جاسر : متبعديش عني
ريم :اوعدك بس لو خونتني بجد مش هسامحك
جاسر : وانا اوعدك مش هعمل اي حاجة تضايقك
ريم ضحكت : انا فرحانة اوي
جاسر : بقولك ايه يلا بينا
ريم: هنروح فين يا جاسر الحفله مش خلصت
جاسر : بفكر اخدك و نهرب بعيد عن الناس دي
ريم ضحكت : يخربيت جنانك ايه شغل الأطفال ده يلا بقا نرجع لصحابنا
جاسر :يلا بينا
_______________
بعد مرور ايام
ادم كان داخل الفيلا شاف كل صحابه و قرايبه ما عدا جاسر و كلهم مبسوطين
تقي: كل سنة وانت طيب يا دوما
ادم : ايه ده انهاردة عيد ميلادى صحيح
سليم :أيوة يا عم اللي ناسي
ادم سرح لحظات و افتكر لينا يوم عيد ميلاده و هي بتصحيه من النوم
فلاش باك
لينا : قوم بقا يا آدم
ادم : عايزة ايه يا بنت المجنونة سيبيني انام يخربيتك
لينا : كدا يا دومي يعني انا ليا مين غيرك يعني اطلب منه حاجات
ادم : خير عايزة ايه
لينا : مفيش اصحي عشان صحابي تحت و عايزين يسلمو عليك
ادم : مالي انا بيهم هما مش صحابك
لينا : بقا كدا خلاص يا آدم انا زعلانة منك و مش هكلمك تاني
ادم : خلاص خلاص بعد ايه صحيت هقوم اخد شاور و نازل
لينا : قاعدالك برضو
________________
يوسف :ايه يا حبيبي مالك مش هتطفي الشمع بقا
ادم : اه طبعا يلا
بعد ما ادم اخد شاور و غير ملابسه اللي لينا اختارتهالو نزل مع لينا و النور كان مطفيء و فجأة النور اشتغل و كلهم بصوت عالي : كل سنة وانت طيب يا آدم انهاردة عيد ميلادك
ادم : يا بنت الايه عملتي كل ده وانا نايم و عزمتي صحابي ازاي
لينا :كلمت جاسر و هو ساعدني الصراحة المهم بقا بالمناسبة السعيدة دي هغنيلك اغنية قبل ما نطفي الشمع
و قربت منه حضنته و مسكت المايك و بدأت تغني 👇👇
كل سنه وانت طيب ومن قلبي قريب
والسنة دي معايا واللي جاي ويايا
يا اغلى الحبايب يا سكر ودايب
يا كل الحبايب حبايب كلك خير وطيب
…………………………….
وعمري اللي جاي هشيلك بين عيوني شيل
ولو هقدر يا روحي هجبلك نجوم الليل
حبيبي معاك الحب طعمه جميل
…………………………….
عيونك حبيبي رموشك يا عيني
خدودك يا سيدي يا سيدي الله عليك
وعيدك ده عيدي وحبك نصيبي
وقلبك حبيبي حبيبي انا عمري ليك
باك
ادم في سره : وحشتيني اوي يا حبيبتي وحشني كل حاجة فيكي من يوم ما مشيتي و روحي كانها مشيت معاكي ااااه يارب صبرني يارب
______________
نبيل : تقي ازيك
تقي : ازيك يا نبيل صح
نبيل : برافو عليكي فاكراني
تقي : اكيد طبعا مش صاحب ادم
نبيل :بقولك متعرفيش جاسر مجاش ليه و لما سألته قال مفيش و كدا
تقي : اصل جاسر و ادم مش بيكلمو بعض
نبيل :بجد ليه
تقي : مش عارفة ….
نبيل : امممم طيب انتي واقفة بعيد ليه تعالي نكمل احتفال مع آدم
تقي : حاضر بس بتصل علي ماما لأنها مجتش معايا ف بطمن عليها بس
نبيل : طب تمام انا داخل
____________
سليم :تقي
تقي :ايه يا سليم
سليم :انتي ايه خرجك برة الحفلة
تقي : مفيش
سليم : مقولتيش … ايه الي خلاكي تسيبي الحفله وتطلعي بره ، وايه الي موقفك مع نبيل ده و بتضحي ومبتسمه كده معاه
تقي بأستفزاز : أظن ده شئ يخصني ، وانا حره
سليم :انتي بترني علي مين هو اخد رقمك
تقي : وانت مالك
سليم : مفيش حاجة اسمها انا مالي وريني كدا الزفت الموبايل ده
تقي :ايه ده يا سليم هو ماخدش رقمي دي ماما برن عليها
سليم :يعني ايه
تقي : يعني بقولك كدا عشان مبحبش حد يسألني كدا و بعدين انت بتزعقلي كدا ليه
سليم : انا اسف بس انتي استفزتيني بطريقتك و بعدين بتضحكي و تكلمي معاه ليه اصلا
تقي : انا مضحكتش علي فكرة انا كنت مبتسمة عادي عن أذنك انا داخلة
_____________
في مطعم
عمر : لولي
لينا : عيوني
عمر : غنيلي
لينا :نعم ازاي ده هنا
عمر :أه يلا..غنيلي عشان خاطري محدش اخد باله
لينا : طب اغنيلك ايه
عمر : ……….
لينا : خلاص خلاص عرفت احم احم ….
-ذهب الليل ..وطلع الفجر…و العصفو….
عمر : بسسسس بس ذهب الليل ايه انتي بتغني لابن اختك
لينا ضحكت علي عصبيته
عمر : بتضحكي علي ايه ي مجنونة انتي
لينا : اصل شكلك حلو وانت متعصب كدا
عمر :طب غنيلي بس بلاش اغاني اطفال والنبي
لينا : حاضر حاضر ههههههه … ثانية واحدة
عمر :رايحة فين
لينا : ثواني هجيب حاجة
لينا : لو سمحت ممكن المايك هغني اغنية معاكم تمام
… :اه طبعا اتفضلي
لينا : عمر الاغنية دي ليك
عمر : مجنونة ولله
لينا : حقيقه وباينه زى الشمس اقولك ايه
اكيد انا اللى عشت سنين بفكر فيه وجوة قى قلبى حب كبير وحاسس بيه
سامحنى ان كنت مش عارف اوصل ليك
ساعات بنحس بحجات ولما ييجى النور يروح كل الكلام مننا وسكوتنا يطول
عينيك هيا اللى بتخلى كلامى يتوه اقولك حاجه طيب غمض شويه عينيك
الحب مش عادى ولما تكون هنا قصادى بكون يا حبيبى انا راضى وبكون مبسوط
يا اغلى من عينى يا اجمل حاجه فى سنينى معاك يا حبيبى خلينى اعيش واموت
والحب مش عادى ولما تكون هنا قصادى بكون يا حبيبى انا راضى وبكون مبسوط
يا اغلى من عينى يا اجمل حاجه فى سنينى معاك يا حبيبى خلينى اعيش واموت
هواك بياخدنى من الدنيا لحلم بعيد وكل الوقت ما بيمشى هواك بيزيد
وبنسى حياتى من نظره ولمست ايد مافيش ولا حاجه نافصانى وانا وياك
تصدق وانت ويايا نسيت انا مين وعدى علينا يوم ولا اللى عدو سنين
مدام مع بعض مش فارقه نروح على فين كفايه عليا يا حبيبى انى ابقى معاك
بعد لينا ما خلصت الاغنية الكل أعجب بصوتها جدا و صفقوا ليها و عمر كان مبسوط اوي
________________
ادم :بابا انا قدمت ال C.V بتاعي في شركة في القاهرة و الحمد لله بعتولي ع الايميل بتاعي أنهم وافقو عليا و عايزيني اجي اعمل انترفيو معاهم
يوسف : القاهرة ليه يا آدم م تشتغل هنا يابني و بعدين اشتغل عندي في الشركة
ادم :ي بابا مينفعش حضرتك تخصصك غير تخصصي انا خريج هندسة مدني مش هندسة طبية
يوسف : و مالو يا آدم كنت هشوفلك شغل عندي هعملك مشروع صغير خاص بيك
ادم :يا بابا دي شركة عالية و مش بيقبلو اي حد و مصدقت أنهم وافقو عليا و بعدين انا هاجي كل أسبوع و اقعد كام يوم معاكو انا ليا 3 ايام اجازة كل اسبوع
نجوي : هتسافر يا آدم ولا ايه
ادم : ماما لا يا حبيبتي بس يعني ده شغل
نجوي : انت عايز البيت هيفضي علينا يابني مش كفاية اختك الله يرحمها مبقتش معانا وانت كمان
ادم : يا امي يا حبيبتي ده شغلي وانا ولله هقعد هناك 4 ايام و هنا 3 ايام و هتابع معاهم الشغل من هنا و هيظبطولي كل حاجة
نجوي : م تكلم يا يوسف
يوسف : ده شغله و مستقبله و منقدرش نقف قصادهم وانتي عارفة رايي
ادم : ماما ولله هكلمك دايما و هجيلك و بعدين م انا ايام الكلية كنت بسافر
نجوي : بس ده كان غصب عنك لكن
ادم : ماما عشان خاطري بقا و بعدين يا هتقبل يا متقبلش ادعيلي بس يا ست الكل
__________________
مراد : ايه يا وليد بتفكر في ايه ياسطا
وليد : الحوار بتاع هاجر ده ياعم … البت ماشيه عدل ومبتغلطش .. لولا بس اني كلمتها في الفون مكنتش اترددت اني اتقدملها
مراد : طب وماله ياعم فون فون .. مافي بنات بتدخلها من الباب وفي الاخر بيطلعو شمال .. مش انت بتقول محترمه .. خلص الحوار يابني عشان ابوك يظبطك و يرضي عليك
وليد : طب ابويا لما يسألني عرفتها ازاي يا غبي
مراد: عادي ياعم قريب واحدة صحبتها ولا صاحب اخوها وشوفتها في اي فرح ولا عيد ميلاد
وليد : انت رأيك كدا
مراد : اه ياعم عادي فيها ايه
وليد : خلاص هتصل عليها و اقولها و اقول لابويا
مراد : ايوا بقى يا عريس
وليد : عريس ايه انت كمان .. انت مسمي دي جوازة بجد
مراد : ياعم افرح يومين .. واتصل بيها بقى دي اكيد هتطير من الفرحه .. و اضحك ياسطا عشان يبان عليك انك فرحان من صوتك
وليد ضحك بسخرية :ها لا في الحتة دي متقلقش هتصدق اني فرحان
مراد : اشطا يا صاحبي
__________________
في الشركة في القاهرة
…. : انسة حبيبة
حبيبة : أيوة يا باشمهندس اشرف
أشرف : في ميتنج ( اجتماع) انهاردة خاص بالناس الجديدة و القديمة عشان يفهمو طبيعة الشغل
حبيبة :تمام هما ايجو
أشرف :لا لسة
حبيبة :طيب تمام شوف هتختار مين فيهم عشان هنبدا معاهم المشروع الجديد
أشرف : مش كدا يا حبيبة واحدة واحدة ده الناس لسة مش هتكون اخدت نفسها يا بنتي ارحمي شوية يلا انا هسيبك و هروح مكتبي لو احتاجتي حاجة قوليلي
_______________________________
وليد اتصل علي هاجر و ردت
وليد : ازيك
هاجر : ايه يا وليد لسة فاكر ده الامتحانات خلصت و النتيجة ظهرت كمان
وليد : طيب ولو قولتلك اني حكيت ل بابا عليكي وهنيجي نقابل اخوكي يوم الخميس .. هتخليني اقفل ولا ايه
هاجر : بجد يا وليد قول والله العظيم
وليد : بجد يا روحي .. اخيرا خلاص هتبقي ليا و اختك مش هيبقا ليها حق تزعلك
هاجر : ياااااااه دا كان حلم جميل اوي بالنسبالي بجد
وليد : اهو اتحقق وهيبقى واقع كمان كام يوم خلاص
هاجر : الله ايه ده بس استنى … طب انت هتقولهم ايه ولا انا هقول ايه
وليد : بصي انا هقول ان انا شوفتك في عيد ميلاد واحدة صاحبتك و اني صاحب أخوها و سألته عليكي و قالي العنوان و صاحبتك قاللتك
هاجر : خلاص تمام ماشي
وليد : يلا انا هقفل بقى وانتي ظبطي الموضوع مع اختك و مامتك وكلمي اخوكي وانا هاخد رقمه منك اما يوافق واحدد معاه ميعاد
هاجر : خلاص ماشي .. وليد
وليد :روح وليد
هاجر :انا بحبك ولله
وليد : وانا كمان يا روحي بعشقك اصلا يلا باي بقا
هاجر :باي
______________
دخل آدم الشركة و هو قلقان و باين عليه التوتر و وقف أمام مكتب حبيبة
خرجت حبيبة من مكتبها و نظرت أمامها و رجعت التفت مرة تانية
حبيبة باستغراب : آدم انت بتعمل ايه هنا
ادم بدهشة : ايه ده حبيبة
_____________________
عمر كان قاعد في مكتبه في المستشفى دخلت السكرتيرة عنده
…. : دكتور عمر
عمر :أيوة يا دعاء
دعاء :دكتور كاميليا عايزة حضرتك هي برة منتظراك
عمر : طب دخليها طبعا
دعاء : حاضر دقيقة واحدة …. اتفضلي يا دكتور
عمر :ازيك يا دكتور كاميليا اتفضلي
كاميليا :دكتور عمر انا اسفة جدا ياريت تسامحني علي اللي هقوله بجد
عمر : اسامحك على ايه انتي مالكيش ذنب في اشعة لينا دي حاجة بايد ربنا و انا بحاول اوصل لحل كويس ليها حتي هي متعرفش
كاميليا : دكتور عمر مش قصدي كدا الموضوع مش كدا خالص
عمر : خير طيب فهميني
كاميليا : انسة لينا …..
تفتكره كاميليا عايزة تقوله ايه ؟؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بداية حياتي معاك)
