رواية بداية حياتي معاك الفصل الثاني عشر 12 بقلم داليا أحمد
رواية بداية حياتي معاك الجزء الثاني عشر
رواية بداية حياتي معاك البارت الثاني عشر
رواية بداية حياتي معاك الحلقة الثانية عشر
عمر :ماتتكلمي يا حبببة هاجر عملت ايه
حبيبة : لا دي الآنسة هاجر اختك يدوب بس ..
( هاجر حطت ايدها على دماغها ومش مستوعبه العقاب اللي هيحصلها و خصوصا أنها عارفة اخوها كويس !!! )
عمر : يعني عملت ايه يعني ؟؟؟
حبيبة : تحبي تقوليلهم انتي ولا اقولهم انا ؟؟
( هاجر باصه على الشباك ومكسوفه تحط عينها في عين امها واخوها .. )
حبيبة : يعني اقول انا صح ؟ على فكره هتبقى احسن وأخف وأهون لو قولتي انتي .. ولا جرائتك مبتطلعش الا من ورانا ؟؟
اميرة : اخلصي وقولي حصل ايه
لينا :قولي يا حبيبة في ايه
عمر بيوشوش لينا : تراهنيني على 100 جنيه ان الموضوع هيطلع تافه ؟؟
لينا ضحكت ضحكة صغيرة و بترد عليه بوشوشه : اتنين جنيه بس
عمر : Done
عمر بصوت عالي : ها احكي حصل ايه
حبيبة : الست هاجر دخلت عليها الأوضه وكانت بتتكلم ف التلفون .. عارفه كانت بتكلم مين ؟؟؟ بتكلم سيرين صاحبتها وبتقولها أنها مبتحبش لينا
عمر في ودن لينا : انا ليه وافقت على الاتنين جنيه ؟؟
عمر : طيب وايه الجديد يعني ؟؟؟ مامعروفه ان هاجر مش بتطيق لينا من ساعت ما ايجت هنا .. نعمل ايه احنا بقى ؟؟؟ هتجرجرينا كل شوية عشان تشكيلنا منها ؟؟؟
لينا اتضايقت و خصوصا انها صدقت هاجر لما صالحتها
حبيبة : بس متوصلش انها تقول كدا للغريب .. تقولنا كدا ماشي
عمر : البنات و دلعهم بقى انا نازل تحت اعمليلي العشا يا ماما
اميرة : مقولتليش عاوز تاكل كريب بالشاورما ولا بطاطس محمرة و بانيه محمر ؟؟
عمر :كريب و شاورما
حبيبة : تصدقو انا غلطانه اني خايفه على مشاعركم .. انا غلطانه ولله …… ماما انا عايزة بانيه
لينا بصت لهاجر بحزن و نزلت معاهم
___________________
( حبيبة قفلت باب الاوضة من هنا .. و هاجر جريت عليها حضنتها من هنا )
_____________________
آدم : قومتوا ليه
ريم : معرفش تقي قا
تقي قطعت كلام ريم :اصل انا
سليم ايجا عندهم و استغرب أنهم قامو من مكانهم
سليم :ايه انتو رايحين فين انا طلبت الايس كريم
ادم:معرفش تقي قامت
تقي: مفيش يا ادم انا تعبانه اووي يلا نروح
سليم:طب مش هتاكلو الايس كريم
تقي :لا يلا نروح
سليم و آدم استغربو ايه غير تقي كدا
ريم بصت لادم ورفعت كتفها : صدقنى معرفش حاجه
تقي مشيت وهي سرحانه ومش مصدقه اللي شافته و آدم و سليم ركبو عربيتهم و ريم ركبت معاها
ريم : يا توتا في ايه مالك
تقي : ولا حاجه ولا حاجه
ريم:يعني انا مش عارفاكي
تقي :مفيش يا ريم مفيش
____________________________________
هاجر و هي في حضن حبيبة : انا اسفه بجد والله مش هعمل كدا تاني
حبيبة بهدوء : احنا من امتى يا هاجر بنكلم ولاد في التليفون ؟؟ انتي في ثانوية عامه والمفروض انك تركزي في دراستك وبس
هاجر: خلاص والله توبه .. لو اتصل تاني هقوله يقطع علاقته بيا وميكلمنيش تاني
حبيبة : انتي فاكره الموضوع بالساهل ؟؟ عملتي كدا ليه ؟؟ ماهو لو انا بكلم ولاد هقول اني قدوه سيئه ليكي حتي عمر مبيكلمش بنات و بيركز في شغله بس .. بس اديكي شايفه !! عملتي كدا ليه ؟
هاجر دموعها نزلت : انتي عمرك ماكنتي جمبي في اي حاجه .. و لما لينا جات دايما مع لينا في اصغر واتفه التفاصيل انما انا ولا كأني اختك .. فمتجيش تعاتبيني على حاجه بعملها من وراكي .. انتي معودتنيش ابقى صاحبتك واصارحك بكل حاجه .. كل صحباتي اللي عندهم اخوات بيكونو قريبين منهم وبيقفو معاهم ضد كل الناس .. وانتي بتقفي مع لينا ضدي ..
(هاجر ب عياط اكتر ) عاوزاني اقلدك ليه بقى ؟؟
حبيبة حضنتها تاني : متكلمتيش ليه من زمان .. انا بشوفك دايما متسلطه على لينا وكلنا قايلين ان دا طبعك وشخصيتك فعشان كدا بنتحامى ل لينا اديكي شايفة لينا ملهاش حد غيرنا منعرفش حاجة عنها
هاجر بعصبية : هتكلم اقول ايه والبيت كله مبيعديش يوم الا ويجيبو سيرة لينا اكتر من مره ..و دايما تقارنوني بيها .. متزعلوش بقى لما ابص برا البيت واعرفلي ولاد واعرف بنات مش كويسه
حبيبة : يعني سيرين هيا اللي عرفتك على الولد دا ؟؟؟
هاجر : أيوا .. واصلا هوا جاي يخطبني بس مستنيني اخلص ثانوية عامه عشان متقولوش عليا عيلة وعاوزه تتجوز
حبيبة : وانتي عرفتي منين انه عاوز يتجوزك .. ؟؟؟؟؟؟ دا بيضحك عليكي
هاجر : لا مش بيضحك عليا .. هو فضل كتير اوي اوي يجري ورايا لحد ماوصلي مع سيرين انه جاي يخطبني بس عاوز يتعرف عليا اكتر الأول ..
حبيبة : طب عشان خاطري متكلميش معاه تاني لحد ما تخلصي ثانوية عامه ويجي يخطبك رسمي .. وهو لو بيحبك مش هيقدر على بعدك وهتلاقيه يوم نتيجة الثانوية العامه متقدملك .. انما مدام بتقضيها حب ف التليفون يبقى عمره ماهيتقدم .. ماكدا كدا واخد اللي عاوزه
هاجر : ممممممم
حبيبة : بصي انا هقولك حاجه .. انا عاوزاكي تعرضي على وليد العرض دا وشوفي رأيه ايه .. لو بيحبك زي ما بيقولك يبقى هيستناكي .. مش بيحبك هتلاقيه بيخلق مشاكل من الهوا ..
هاجر : خلاص ؟ خلصتي كلامك ؟ ممكن انزل اكل بقى عشان جعانه ؟
حبيبة : ربنا يهديكي يا هاجر .. بس قبل ماتنزلي اوعديني انك مش هتتكلمي معاه تاني .. عشان لو شوفتك بتتكلمي معاه مش هغطي عليكي زي ما عملت من شوية .. وعد ؟؟؟
هاجر : ماشي وعد
حبيبة : خدي تعالي هنا
هاجر: ايييييييه عاوزه آكل
حبيبة : هاتي حضن وبوسه حلوين من بتوع زمان
هاجر ضحكت : ماشي
و حضنتها جامد
حبيبة :صدقيني يا هاجر مفيش ولد بيكلم بنت و خصوصا في سنك و يكون بيحبها بجد الا نادر جدا اللي بيكونو صادقين هو وليد عنده كام سنة و في سنة كام
هاجر :25 سنة في تانية كلية تجارة
حبيبة :شوفتي يعني لسة بياخد مصروف من ابوه و كمان في 2 تجارة و 25 سنة ازاي
هاجر:بيعيد و اوقات مبيدخلش الامتحانات بس هو قالي هيدخل السنة دي
حبيبة :يا حبيبة قلبي الولد ده بيلعب بيكي و بمشاعرك بيستغل الفراغ العاطفي اللي عندك صدقيني انا حاسة انه مش صادق ولا هيقدر يفتح بيت وهو لسه طالب بياخد مصروفه من اهله ربنا يهديكي يا هاجر و يبعده عنك انا مش هاخد منك التليفون بس انتي وعدتيني انك مش هتكلميه
_________________________
تقي روحت البيت و هي مصدومة من اللي شافته و مش قادرة تصدق
رحمة :مالك يا حبيبتي من ساعة ما رجعتي مو برة وانتي متغيرة
تقي:مفيش يا ماما ابدا
رحمة :يعني انا مش عارفاكي
تقي:لا يا ماما صدقيني مفيش بس مصدعة شوية
رحمة :هسيبك يا تقي دلوقتي بس هتحكيلي لما تكوني عايزة تحكي
تقي:يا ماما مشكلة واحدة صاحبتي بس هحكيلك بعدين
رحمة :طيب مش هضغط عليكي بس وقت ما تحبي تحكي انا موجودة
تقي:ماشي
______________
لينا كانت قاعدة في الحديقة و متضايقة من هاجر
هاجر :لينا
لينا بصتلها :ايوة
هاجر:لينا انا اسفة صدقيني انا
لينا قاطعتها:مفيش داعي للكلام يا هاجر عن إذنك انا طالعة فوق
هاجر مسكت ايديها و حضنتها و مثلت أنها بتبكي
هاجر :انا اسفة يا لينا صدقيني انا بحبك ولله بس حصل مشكلة و حبيبة اضطرت تقول كدا لكن ولله ولله انا ما قولت كدا
لينا :مشكلة ايه
هاجر :هحكيلك كل حاجة بصي يا لينا انا فيه شخص بيحبني و عايز يخطبني و لما قولت لحبيبة زعقتلي و قالتلي ابعدي عنه و هقول لعمر و لما عمر و ماما ايجو حبيبة خافت تقول الحقيقة لاحسن عمر يضربني
لينا :بجد يا هاجر
هاجر :والله العظيم دي الحقيقة حتي اسالي حبيبة بس اوعي تقولي لحد ع الموضوع ده
لينا:هو انتي بتكلميه يا هاجر
هاجر:اه
لينا :بس حبيبة عندها حق تخوفك بالطريقة دي انتي متأكدة أنه بيحبك
هاجر :اه يا لينا بس مستنيني اخلص ثانوي
لينا :يجي يكلم عمر حتي
هاجر :حاضر هشوف كدا
لينا :طيب
هاجر :ماما خلصت الاكل يلا عشان ناكل
لينا :ماشي
____________________
تقي غيرت الخط بتاعها من الموبايل و اتصلت علي يمني و حاولت تغير الصوت عشان يمني متلاحظش
تقي:الو
يمني : الو
تقي : انا صحبه حنين ..معلش ممكن اكلمها
يمني : صحبه حنين بتكلمينى انا ليه ولا انا السكرتيره بتاعتها
تقي :اصل رقمهـا ضاع منى وهي كلمتنى من عندك قبل كده
يمني : طيب خدي رقمها عشان انا مش فاضيه دلوقتى
تقي : طيب شكرا اووي
تقي قفلت و حمدت ربنا ان يمني معرفتش صوتها واتصلت علي حنين
_____________________
عمر كان بيتكلم في الموبايل و هما قاعدين علي السفرة بياكلو
عمر بسعادة:بجد الف مبروك يا محمد اخيرا بقا
محمد :هتيجي طبعا من بدري
عمر :طبعا يابني و هجيب معايا ماما و حبيبة وهاجر و لينا
محمد :ماشي يا عمر مستنيك ياحبيبي
عمر :ماشي هكمل عشا و اكلمك تاني
محمد :ماشي سلام
بعد ما عمر قفل معاه
اميرة:محمد حدد فرحه خلاص
عمر :اه يا ماما الحمدلله بس هيعمله في الصعيد بلدهم
اميرة :لا انت عارف مش هقدر اروح خد لينا و اخواتك و روحو ده مشوار و تعب عليا يا عمر
عمر:يا ماما محمد هيزعل كدا
اميرة:هبقي اروحله بعد الفرح ان شاء الله في بيته
حبيبة:هو الفرح امتي
عمر:بعد يومين
حبيبة :لا مش هينفع عندي امتحانات ميدتيرم
هاجر :وانا برضو مش هينفع و ده مشوار طويل
لينا :ليه يا هاجر تعالي معانا انا نفسي اوي احضر فرح و اخرج
اميرة:روحي انتي يا لينا
لينا :لا مش هينفع خلاص
عمر :ماما عندها حق تعالي معانا يا لينا و هجيب شمس معانا
لينا :بجد ياريت
_____________________
حنين كانت قاعدة بتذاكر :ايه الرقم الغريب ده اما ارد و خلاص
حنين:الو
تقي : انسه حنين
حنين : ايوه مين
تقي : لو سمحتى بس لو انتى جمب يمني ياريت تقومي
حنين : يمني بره ..مين معايا
تقي : انا تقي بنت خالة ادم
حنين : اها اهلا يا توتا ازيك
تقي :تمام الحمد لله
حنين :بس انتى جبتى رقمي منين
تقي : اخدته من يمني قولت انى صحبتك ..عشان متتلخبطيش قدامها ولا حاجه
حنين: خلاص تمام هو فيه حاجة حصلت
تقي : بجد انا معرفش انتى مستحمله يمني ازاي
حنين : اختى بقي وقدري
تقي : حنين انتى بجد طيبه اووي..وانا بحبك اووي والله
حنين : ربنا يخليكي يا توتا ..
تقي : انا اتصلت عشان عاوزه اقولك حاجه
حنين :اه اتفضلي
تقي : آدم مش بس ابن خالتي ده كمان أخويا آدم متعلق بيمني اووي وانا عارفه ان كلامي هيضايقك بس صدقينى خوفي علي آدم هيخلينى اقف قدام يمني
حنين : مش فاهمة وضحي اكتر
تقي : انا شوفت يمني مع واحد في كافيه قدام مطعم كنت فيه وطلع الواحد ده صاحب آدم .. يعنى يمني بتخون ادم و هو بيخون صاحبه
حنين (بتنهيده): اانا عارفه ان يمني بتكلم صحاب آدم بس انا مينفعش اتكلم يا تقي انا مره عليت صوتى عليها ضربتني جامد وكنت هموت..صدقينى محدش بيسمع في البيت ده غير كلام يمني بس يعتبر هي اللي ممشية البيت
تقي : انا خايفه علي آدم اووي..انا عارفه انك خايفه علي نفسك بس آدم هيضيع مننا لو فضل مخدوع كدا
حنين : بصي عشان انا برضو مهما كان دي اختى انا عارفه ان يمني مش هتتغير بس آدم محترم اووي وراجل بجد و صعبان عليا اللي بيحصله احنا دلوقتي هنفكر ازاي نقول لادم ان خطيبته بتخونه بس بالراحة عشان ميتصدمش اوي
تقي : يعنى موافقه
حنين : اللي غلط لازم يتعاقب
يمني دخلت علي حنين و حنين اتخضت : مش تخبطي
يمني : بتكلمي مين كل ده
حنين : صحبتى
يمني : ممممم طيب خلصي وتعالي اغسليلي الطقم ده عشان هلبسه بكرة
حنين : حاضر يا يمني
خرجت يمني من الأوضة
تقي : الله يكون في عونك بجد
حنين: فكري في اللي اتفقنا عليه وقوليلي نعمل ايه
تقي : شكرا ليكي بجد ..وياريت نبقي صحاب اعتبريني اختك بدل يمني
حنين : اكيد احنا خلاص بقينا صحاب
حنين قفلت وضميرها انبها اووي يعنى هي خايفه علي ابن خالتها وانتى متخافييش علي اختك
جواها حاجه بتقولها انها غلطت لما تجرح اختها كده ..وحاجه تانيه بتقولها ان يمني مبيفرقش معاها لو راح آدم هيجي كتير غيره
——————————
تقي كانت قاعدة في اوضتها و بتفكر تتصرف ازاي بعد كدا
تقي:سليم ازيك
سليم :تمام يا تقي وانتي اخبارك ايه
تقي :تمام الحمدلله
سليم:مال صوتك
تقي :لا ابدا مفيش حاجة
سليم :تقي يعني انا مش عارفك مالك في ايه
تقي :مفيش يا سليم بس كنت
سليم :ها قولي
تقي :لالا مفيش خلاص
سليم :من يوم ما خرجنا و مشيتي و قولتي انك مصدعة وانا حاسس ان فيه حاجة و قولت اسيبك شوية و بعدين اكلمك
تقي دموعها نزلت من الخنقة اللي فيها و كأنها منتظرة حد يضغط عليها و تحكي
سليم :تقي
تقي:معاك
سليم :عايز اقابلك ممكن
تقي :ماشي ممكن بكرة
سليم :اوك تمام هعدي عليكي بكرة بعد الجامعة اخدك
تقي :ماشي
سليم :تمام انا هقفل عشان داخل الفيلا دلوقتي و هكلمك بكرة
تقي:اوك
___________________________________
في مدرسة هاجر ..
هاجر : سيرين اسكتي مش قادره اقولك حصل ايه امبارح معايا
سيرين : ايه اكيد حاجه تخص يور لاف ( your love)
هاجر : ايوا هو في حد راعب حياتي غيره .. انا اتقفشت امبارح و حبيبة اختي لمت عليا البيت كله ورعبتني بجد
سيرين : اوبس .. بجد ؟؟ وعملو معاكي ايه
هاجر : اختي غيرت الموضوع وقالتلهم حجه تانيه .. وقعت قلبي بجد .. بس اوف بعد ما مشيو فضلت تديني محاضره طويله عريضه واضطريت اريحها .. وقالتلي انا ناديتهم عشان تعرفي الرعب اللي بيحصل لما واحده بتكلم ولد وتنكشف .. بجد رخامه ملهاش حدود !!
سيرين : اوف بقا حركات الاخوات دي ملهاش لازمه .. ها على معادنا بكرة ؟؟
هاجر ضحكت : اكيد على معادنا .. بس مش عارفه البس ايه
سيرين : البسي طقم ضيق كدا عشان توريله انوثتك و جمالك
هاجر : ماما و عمر مش هيرضو يخلوني انزل بلبس ضيق
سيرين : مش مشكله تعالي بأي حاجه وانا هلبسك من عندي اوكي ؟ بس متتأخريش عشان وليد متفق معايا انه هيرنلي ونطلع احنا الاتنين من الباب التاني ويشوفك وتتكلمو وكدا اوك .. مستنياكي ..
هاجر : اوك
_____________
في كلية تجارة انجلش ( دمياط )
ريم :بت انتي مالك متغيرة كدا ليه
تقي:ها لا مفيش
ريم :طيب ياختي
ريم و هي بتكلم تقي شافت جاسر واقف بعيد عنهم
ريم :طب يا توتا دقيقة و راجعالك
تقي :رايحة فين
ريم :ثواني و جايالك
تقي و هي بتبص ريم ماشية ناحية مين اتفاجات انه جاسر و اتضايقت
________________________
ريم :يا كابتن
جاسر بيبص قدامه شاف ريم ضحك
جاسر :جاية تتخانقي معايا تاني
ريم :لا
جاسر:عاملة ايه
ريم:الحمدلله امسك كدا
و أخرجت من شنطتها 50 جنيه و وضعتها في يديه
جاسر باستغراب:ايه دى
ريم :دي خمسين جنيه
جاسر :أيوة مانا عارف أنها 50 جنيه بتاعة ايه
ريم :انت هتستعبط يا جاسر مش انت دفعتهالي يوم ما غرقتني
جاسر ضحك :هو انتي لسة فاكرة و بعدين انتي جايباها ليه امسكي يا ريم كدا روحي هاتيلك بيهم مصاصة او عصير
ريم رفعت احدي حاجبيها تعبر عن اعتراضها لكلامه
ريم :ايه مصاصة دي شايفني طفلة
جاسر :تقريبا كدا
ريم :جاسر لو سمحت امسك الفلوس بتاعتك دي انا محدش يدفعلي حاجة
جاسر :يا بنتي مفيش حاجة انتي زي اختي و غير كدا انا اللي كنت السبب في اللي حصل
ريم :ولو برضو ده مش يديك الحق تعمل كدا و تدفعلي
جاسر :أيوة المطلوب ايه دلوقتي
ريم :انك تاخد ال 50 جنيه دي كدا و خلاص
جاسر :وانا مش هاخد حاجة تمام
ريم :لا ما انت هتاخد يعني هتاخد
جاسر :هو عافية
ريم :اه عافية
جاسر :طيب يا ريم انا مش هاخد حاجة و عيب علي فكرة انتي كدا بتعملي فرق ما بينا
ريم بعصبية :انت مين اصلا عشان اعمل فرق بيني و بينك
جاسر :مقصدش بس انتي زي اختي عادي يعني
ريم :طيب خدهم بقا
آدم وصل عندهم و استغرب صوتهم العالي
آدم :ايه في ايه انت و هي صوتكو عالي
ريم :الأستاذ جاسر مش راضي ياخد فلوسه
آدم :فلوس ايه
جاسر :ده حوار عبيط كدا يا ادم
____________
تقي كانت واقفة و مستغربة ان ريم طولت عنده و كانت مخنوقة من جاسر
تقي :ماشي يا ريم لما تجيلي بس هعرفك ازاي تقفي مع الحيوان ده تاني
في اللحظة دي سليم رن علي تقي تخرجله
_____________________________
ريم : بس كدا يا آدم مين الغلطان بقا
آدم :انتي
جاسر ضحك :شوفتي
ريم :انا يا آدم
آدم :يا ريم هو أي حد مكان جاسر هيعمل كدا عشان هو اللي غلطان و دي جدعنة منه
ريم :ايوة بس هو مش أخويا عشان يدفعلي
آدم :معلش يا ريم اعتبريني انا اللي دفعت انتي زي لينا مش كدا ولا ايه
ريم :اكيد طبعا يا آدم انت أخويا ولله ربنا يعلم بس برضو مينفعش
آدم قاطعها :تاني خلاص بقا يا ريم روحي دلوقتي او شوفي هتعملي ايه و انت يا جاسر شوف هتروح فين انا مروح
ريم :بس علي فكرة الراجل ضحك عليك ب 30 جنيه
جاسر ضحك و قال في سره :مجنونة ولله البت دي بس عسل
_______________________________
سليم قابل تقي بعد الجامعة و خرجت معاه و دخلو نفس المطعم المفضل لسليم و سليم طلب اكل و تقي قاعدة و سرحانة مش بتاكل
سليم : انا مش جايبك عشان تسكتي مالك يا تقي مش عجباني حاسس ان فيه حاجة احكي
تقي : انا مخنوقه وعاوزه اتكلم معاك
سليم : طيب ما تتكلمي ..احنا فاضيين اهو
تقي : طيب
سليم :طيب ايه احكي
تقي : يمني بتخون آدم
سليم بصدمة : نعم !!!!
تقي : مش وقت استغراب
سليم : براحه كدا وشوية عليا
تقي : يوم ما كنت انا وانت و ريم و آدم في المطعم كانت يمني قاعدة مع واحد والولد ده صاحب ادم
سليم : يمكن كانوا بيتكلموا في حاجه مش لازم خيانه
تقي :لا بتخونو انا متوقعة من يمني كدا
سليم:مين اللي كانت قاعدة معاه ده
تقي:جاسر
سليم : مممممم طيب ما يمكن يمني قاعدة معاه عادي اصل جاسر محترم يا بنتي انا عارفه
تقي:لا يا سليم يوم ما روحت البيت ..بالليل كلمت حنين وهي كمان قاللتلي كده قالتلي أيوة يمني بتخون آدم
سليم : انتى عبيطه ..في اخت هتقول كده علي اختها
تقي : انت متعرفش حنين دي مستحمله جبروت يمني ازاي صدقنى يمني دي مريضه نفسيه
سليم : لالالا بصي بقي الموضوع ده ميتحلش كدا لازم الأول نراقب يمني و نسأل كويس و يكون معانا دليل عشان لما نقول لادم يكون معانا دليل و كمان بشرط اننا منفضحاش لانها في الاول وفي الاخر بنت
تقي : معاكي حق يا سليم ..انا بليل هكلم حنين واشوف هنعمل ايه صعبان عليا آدم اوي خايفة عليه من الصدمة
سليم :آدم بيحب يمني جدا و احتمال لو قولناله ميصدقش
_________________
بعد مرور أسبوع
في الجامعة
ريم و هي خارجة كان في شابين بيعاكسوها لكن ريم مسكتتش و كان الحوار :
ريم :جرا ايه يا ياض منك ليه انتو ايه معندكوش اخوات بنات
الشاب 1:عندنا بس الصراحة مينفعش نشوف العسل ده و منقولش رأينا
ريم:ما انتو مش رجالة اصلا روح عاكس أختك ولا امك
الشاب2:لا اتلمي يا بت انتي ايه لسانك فالت منك اوي و الا ولله اعرفك ازاي تتكلمي معايا كدا
في شخص وقفه و مسكه من ايديه
الشخص :مين اللي تتلم يا روح امك
ريم بصدمة:جاسر
الشاب 1:أيوة بقا الأستاذ ده حبيبك و كدا يا عم تلاقيها ماشية معاه و بتتنك علينا و عاملة نفسك محترمة
ريم عينيها دمعت لكن بصتلهم بثقة و قالت:لا دي اختك اللي ماشية مع ولد مش انا
جاسر شده من قميصه و ضربه بقوة
ريم:كفاية يا جاسر هيموتو في ايدك كفاية بقا
الناس :خلاص يا استاذ كفاية هما عرفو غلطهم
جاسر لما سابهم جريو بسرعة منهم
_________________
خالد دخل الفيلا هو و شمس و لينا كانت قاعدة عند حمام السباحة و فاتحة اللاب توب بتذاكر شمس جريت علي لينا و حضنتها
لينا:وحشتيني اوي اوي ولله
شمس:وانتي كمان أومر فين
لينا:يعني انتي جاية عشان عمر بقا
شمس :لا بس هو وحسني اوي
لينا :ماشي يا قلبي هو جوة ادخليله
شمس :ماسي
لينا قامت من مكانها و كانت لسة هتمشي خالد وقفها
خالد : لينا
لينا بابتسامه : ايه ؟
خالد:عايز اتكلم معاكي ممكن لو مش هضايقك
لينا :اتفضل
____________
شمس :يا اومر ركز معايا و سيب الورق ده
عمر :معاكي اهو ولله اومال فين خالد صح
شمس :قاعد مع لينا برة
عمر أتضايق :طيب يا شمس خليكي هنا بس متلعبيش في حاجة و جايلك تاني
شمس :اووف ماسي مس تتأخر
___________
خالد :لينا انا بحبك
لينا اتفاجات :ايه بتحبني
خالد :تتجوزيني
لينا:خالد انت فاجاتني
خالد :لينا انا مش هقولك تقضيها كلام و ارتباط معايا انا كلمت بنات كتير بس محبتش حد فيهم انتي الوحيدة اللي حسيت اني بحبها و عايز ارتبط بيها بجد ها قولتي ايه
لينا :خالد انا مش عارفة بس
خالد :طيب اسيبك تفكري مثلا و تردي عليا بعدين
لينا:طيب
عمر وصل عند مكانهم لكن مسمعش حاجة
عمر :خالد ازيك
خالد :الحمد لله تمام
عمر :لينا
لينا :نعم
عمر :ماما عايزاكي جوة شوفيها
لينا :عايزاني ليه
عمر :معرفش أدخلي شوفيها هي قالت اندهلي لينا
لينا بصت لخالد و ابتسمت :خالد هشوف ماما عايزة ايه و ارجعلك نكمل كلامنا
عمر :لا تشوفي ماما و تذاكري
لينا : طيب
_________________
لينا دخلت لاميرة المطبخ
لينا :ماما
اميرة :ايه يا حبيبتي
لينا:كنتي عايزاني
اميرة :لا يا لينا
لينا :ازاي ده عمر قالي ماما عايزاكي
اميرة ضحكت :قالك كدا بجد
لينا:اه ولله ام محمد يعني ابنك بيضحك عليا بقا
اميرة :شوفتي بقا
_______________________________
ريم :جاسر انت كويس
جاسر بعصبية :ينفع كدا تتخانقي معاهم ليه انتي
ريم بعصبية:يعني اسيبهم يعاكسوني و اسكت
جاسر بنفس اللهجة:أيوة تتنيلي تسكتي
ريم:انت ازاي تكلمني كدا اصلا
جاسر :يووووهه مقصدش بس انتي غلطانة مينفعش تتكلمي معاهم كدا
ريم :ماشي
جاسر :يلا عشان اوصلك
ريم :لا طبعا انت
جاسر :يلا يا ريم مش هينفع اسيبك تروحي لوحدك كدا انتي شوفتي حصل ايه من شوية
ريم:لا مش هينفع صدقني اصل
جاسر :قومي بس و اركبي و بعد كدا نتفاهم بعدين
و بعد محاولات ركبت ريم مع جاسر عربيته و هي متضايقة
_________________________________
في المساء
عمر كان قاعد علي الارجوحة و بيفكر في لينا
لينا :ممكن اعرف اللي بيكذب بيروح فين
عمر بصلها و ضحك:بيروح النار
لينا :ماما ولا كانت عايزاني ولا حاجة يا عمر
عمر :وانتي كان ينفع تقفي مع خالد كدا و تهزري
لينا :وانت مالك انا معملتش حاجة غلط علي فكرة عن أذنك
عمر شدها من ايديها و عينيها جات في عينيه و سرح لحظات في عينيها و لينا كان قلبها بيدق في اللحظة دي
عمر :بعد كدا كلامي يتسمع ماشي و نتلم شوية
لينا :طيب يا عمر اوعي كدا ايدي بتوجعني
لينا بعدت عنه و دخلت جوة و هو ضحك
_________________
بعد يومين
عمر :يلا يا شمس يلا يا لينا جاهزين
لينا :اه جاهزين
شمس :سيلني اومر (شيلني )
عمر :قلب عمر حاضر
عمر و لينا و شمس ركبو العربية و عمر أتحرك و كان المشوار طويل اوي و كان عمر بيشغل اغاني عبدالحليم حافظ و لينا مبسوطة و حاسة انه الاغاني دي ليها و شمس بتراقب نظراتهم في صمت
____________
عمر :أيوة يا محمد انا وصلت بس مش عارف البيت فين
محمد :انت فين دلوقتي
عمر :عند مستشفي كدا تقريبا و جنبها جنينة و عيال بيلعبو كورة
محمد :اه ده قريب بص انا بيتي بقا ورا الشارع بتاع المستشفي
عمر :ماشي
عمر وصل عند البيت و خرجله محمد و والدته و عمه
محمد :اهلا يا عمر نورت الصعيد كلها
ام محمد :نورتنا يا دكتور عمر
عمر :نورك يا حاجة ولله
عم محمد: كيفك يا دكتور عمر ولله زمان ما شوفناك
عمر :الحمدلله بخير يا حاج عبدالله
ام محمد :مين دي يا عمر
عمر :دي لينا بنت عمي و دي شمس بنت خالتي
ام محمد بصدمة:وااه كيف يا دكتور عمر تجيبها معك لوحديكو عيب جوي ميصحش يا بينتي
لينا :ماهي شمس معانا يا طنط
ام محمد :ولو برضو
محمد قاطعها:ياما ياما الآنسة لينا تبقي خطيبة عمر
لينا بصت لعمر باستغراب و عمر أتضايق من اللي قالو محمد
عبدلله:اه معلش يابني متاخذناش ماعرفش ولله
ام محمد :بس مش جولتلي يعني يا محمد ان عمر خطب
محمد :ياما ده لسة الاسبوع اللي فات وانا انشغلت بالفرح بتاعي
عمر :دقيقة يا حاجة بس تعالي يا محمد عايزك
محمد :ماشي عن اذنكم
___________
في بيت سيرين :
وليد : الو
هاجر : الو
وليد : ازيك يا قمر
هاجر : تمام ياحبيبي انت عامل ايه
وليد : انا واقف برا بيت سيرين اهو مستنيكو
هاجر : ايه بسرعه كدا .. اه مممممم ماشي
وليد : يلا متتأخروش عليا اوك ..
هاجر : اوك
______________
عمر :ايه اللي عملته ده ياغبي
محمد : يا عمر انت مش عارف امي و اهلي و مكنش ينفع تجيب لينا معاك لوحدكم
عمر :اومال شمس مش شايفها
محمد :يابني شمس ايه بس
عمر :تقوم تدبسني
محمد :يا عمر ده مجرد تمثيل بس لحد ما اليوم يعدي و بعدين انت تطول دي لينا زي القمر
عمر بعصبية:ما تحترم نفسك يا محمد
محمد ضحك و غمزله:ايه يا عمر انت صدقت ولا ايه لا ده كدا و كدا
عمر :يلا نرجعلهم
محمد :يلا
____________
سيرين : ها واقف برا ؟؟
هاجر : اه وصل
سيرين : طب استني يا هاجر هبص على ماما و مصطفي بصه اشوفهم فين .. عشان نعرف نخرج من الباب الوراني اوك
هاجر : اوك ربنا يستر
سيرين : بطلي بقى التوتر اللي باين عليكي ده
هاجر بتلعب في صوابعها : خ خ خايفه يا سيرين مش عارفه ليه قلبي مقبوض
سيرين : مقبوض ايه انتو هتشوفو بعض بس وتسلمو على بعض وندخل تاني .. الحكايه كلها على بعض تو مينيت (دقيقتين )
هاجر : مممممم ماشي يلا بينا
سيرين : لا انا هقف عند الباب هنا عشان اراقب ماما وانتي روحي وتعالي وخلي عينيك عليا عشان لما اشاورلك تعرفي ان حد جاي ماشي
هاجر : يوووه بقى هيا ناقصه توتر .. اوك ماشي
( وليد اول ما شاف هاجر طالعه من الباب الوراني .. فتح شباك العربيه .. و شغل أغنية اليسا اجمل احساس و علي الصوت بتاع الكاسيت :
اجمل احساس فى الكون انك تعشق بجنون وده حالى معاك
خليتني اعيش ايام مليانة بشوق وغرام دوبني هواك
عاشقاك بجنون روحى انا، قلبى المفتون كله منى
وياك بيعيش احلى هنا، حبيبى انا يا روحى انا
يا ويلي يا ناري قولي ازاي اداري
شوقى ولهفة قلبي ف قربك حتى واحنا سوا
بتنور سنيني وبيكبر حنيني
قرب مني تعالى ف حضني واملا حياتي هوى
اما هاجر فوقفت عند الباب وسندت عليه .. وضمت شفايفها وسرحت في كلمات الأغنيه.. واول لما خلص الكوبليه .. وليد وطي الصوت شوية .. وشاور ل هاجر تيجي ..
وليد : انا مش مصدق نفسي .. انا حاسس ان القمر نزل من السما واقدر ألمسه وأتملى في جماله ..
هاجر ضحكت: يا سلام
وليد : تعالي قربي من العربيه اكتر .. محتاج اشبع قلبي منك
هاجر وقربت عليه : ها كدا كويس
وليد : كمان
هاجر : ها .. كفايه كدا عشان محدش يشوفني
وليد : طب قربي كمان هديكي حاجه .. قربي متخافيش الطريق كله فاضي مفهوش صريخ ابن يومين
هاجر نزلت رأسها و هي مكسوفة : آآآآآمممم هتديني ايه بقى
وليد : ارفعي راسك بس وبصيلي .. نظره واحده بس .. خلي عنيا تيجي في عينك ..
( هاجر حطت عينها في عين وليد .. لأول مره تسرح في عنين حد .. )
وليد : انا مش عايز حاجه من الدنيا دي غيرك .. مش عايز حاجه غير اني كل يوم الصبح الاقي العينين دي نايمه جمبي وكل ما ابصلها احس انها بتحضني
هاجر : ياسلام كل دا عشان شفت عيني
وليد : انتي مش حاسه باللي حاسه دلوقتي .. انا لو اقدر حالا حالا اخدك ونهرب ونتجوز ونعيش حياه جميله بعيد عن الناس وبعيد عن العالم كله .. حته مفهاش الا انا وانتي وبس
هاجر نزلت راسها بخجل : ياريت .. ربنا يخليك ليا
وليد : اتفضلي .. دي هديه بسيطه مني … اتمنى انها تعجبك
هاجر : ليه كدا كلفت على نفسك .. انا هديتي اني اشوفك
وليد : خديها بقى عشان متتأخريش
هاجر : ميرسي
(دخلت هاجر البيت و وليد مستني هاجر تدخل البيت عشان يمشي .. و هاجر راجعه على بيت سيرين وبتتلفت وراها عشان تبص على وليد .. اتكعبلت بس موقعتش .. وقعدت تضحك لوليد من بعيد .. وشاورت لوليد بـ باي باي .. و وليد ردلها ال باي باي
ودخلت هاجر بيت سيرين .. وقفلت الباب ووقفت وراه وهيا عاضه علي شفتها اللي تحت .. )
هاجر : هيغمى عليا يا سوسو بجد .. ايه الرقه دي يخربيت عينيه .. غرقت في نظراته اللي في عينيه
سيرين بتشد ايد هاجر : تعالي ندخل اوضتي وبعدها تحكيلي بالتفصيل اللي حصل ..
____________
تقي :مش ده جاسر اللي بيشاورلك
ريم بابتسامة :ايه ده بجد فين يا تقي
تقي :ريم في ايه احنا وقعنا ولا ايه
ريم :ايه اللي بتقوليه ده يا تقي ما انا حكيتلك اللي عملو معايا و بصراحة استجدعته اوي
تقي:مش انا اللي بقول ده نظرتك و وشك اللي ناقص يخرج قلوب لما يشوفه اتغيرتي اوي يا ريم حبيتيه صح
ريم :مش عارفة يا تقي بس اول مرة احس اني مشدودة لحد كدا عارفة إحساس ان لما تشوفي حد بتفرحي اوي و تحسي ان الدنيا كلها بتضحكلك و الحياة جميلة
تقي :لا ده احنا حبينا فعلا المهم ابعدي عن جاسر عشان مش كويس
ريم :نعم مش كويس ازاي انتي شوفتيه عمل ايه عشان تقولي كدا
تقي:معملش يا ريم بس خالد
ريم :جاسر لو مش كويس مكنش آدم صاحبه
تقي :انتي مش عارفة حاجة
ريم :عن أذنك هشوف جاسر و هرجعلك
تقي:لا انا مروحة و لينا كلام تاني مع بعض
______________
سيرين : طيب فتحتي الهديه ؟؟ طلعت ايه ؟؟
هاجر ضحكت : تصدقي نسيت افتحها
سيرين : يااااااااه بجد انتي بارده …. هاتي انا افتحها
هاجر : الله
سيرين : وااااااااااااااااااو .. ايه الجمال دا
هاجر : حتى في هداياه رومانسي
سيرين بتضحك : هو ايه محدش غيرك بيحب ولا ايه .. اصلا الدولاب الصغير دا فيه كل هدايا حبيبي
هاجر : بس بس .. هاتي الدبدوب دا اما أشم ازازة البرفان اللي ماسكها
سيرين : امممممممممممم .. برفان جولد جيرل كمان .. آميزينج بجد
هاجر حاضنه الدبدوب : نفسي أخد الهديه للبيت .. بس مش هقدر .. انا هاخد البرفان بس كأني اشتريته .. اما الدبدوب خليه عندك عشان حبيبة هتشك فيا لو لقتني داخله بدبدوب ماشي
سيرين : ماشي يا هارتي ..هاتي بقى الدبدوب دا هتفطسيه .. ياعيني دا اتعجن في بعضه
هاجر : يوه بقى مش من حبيبي لازم افعصه في حضني
سيرين : طب قومي قومي روحي .. انتي اتأخرتي اوي كدا ومش عاوزين اختك تطلعلنا بمشاكل تانيه
هاجر : عندك حق .. يلا اشوفك بكرة ف المدرسه ..
سيرين : ماشي
___________________________
جاسر :عاملة ايه
ريم :الحمدلله تمام
جاسر :دايما يارب
ريم :انت جاي ليه الكلية بتاعتي
جاسر:ابدا جاي اشوف واحدة كدا صاحبتي مطلعة عيني
ريم :مين دي
جاسر :بس بس الغيرة هتنط من عينك
ريم :نعم غيرة ايه دي ان شاء الله
جاسر :انا عارف اسالي نفسك انا اصلا جذاب و اي بنت بتعجب بيا
ريم :ليه ان شاء الله كنت مهند ولا توم كروز ولا يكون فاكر نفسك بوراك بيك
جاسر :ايه ياما كل ده و بعدين انا احلي
ريم ضحكت :لا طبعا
جاسر :ايه ده
ريم:ايه
جاسر :ده انتي طلعتي بتضحكي زينا
ريم :انت فاكرني مبضحكش
جاسر :اصل انتي الدبش بيخرج منك دايما و مبتضحكيش بس سيبك ضحكتك حلوة اوي
ريم بكسوف:ميرسي
_______________
عمر :اتبسطتي انهاردة
لينا :اه اليوم كان حلو جدا
عمر :أسف يا لينا علي التدبيسة اللي حصلت بس كان لازم نبان اننا مخطوبين
لينا :ها اه فهمت
عمر :شمس نامت
لينا :اه
_____________
مر أسبوع و لينا بدأت تعاند عمر و تلبس قصير و تهزر مع خالد و طبعا دي أوامر هاجر ليها
هاجر دخلت مكتب عمر و قفلت الباب وراها
هاجر :عمر ممكن اتكلم معاك شوية
عمر :اتفضلي يا حبيبتي
هاجر :عمر انت بتحب لينا صح
عمر وقع منه الملف اللي كان ماسكه
عمر :ايه اللي بتقوليه ده يا هاجر
هاجر :عمر انا اختك يعني اكتر واحدة تحس بيك في الدنيا دي
و قربت منه و حضنته
عمر :مش عارف يا هاجر بس اوقات بحس أنها بتحبني وانا كمان بحبها و اوقات بحسها مش بتحبني او بتغيظني
هاجر:لا يا عمر لينا مش بتحبك
عمر بصدمة:انتي بتقولي ايه
هاجر :لينا صاحبتي وانا عارفة هي بتقولي انا عايزة أتجوز خالد و بعمل كدا عشان اغيظ خالد
عمر :انتي متأكدة
هاجر:أيوة متأكدة طبعا بذمتك لو بتحبك كانت هتتكلم مع خالد ولا كانت هتلبس ضيق تاني و قصير ولا كانت هتهزر مع زميلها بالجامعة ولا حاجات كتير تثبت أنها مش بتحبك
عمر :عندك حق يا هاجر انا ازاي غبي كدا انتي مين قالك أنها بتعمل كل ده
هاجر :يا حبيبي لينا مش بتخبي عليا حاجة خالص عشان كدا يا عمر لازم تفهم أن لينا مش بتحبك و لازم انت تتغدا بيها قبل ما هي تتعشا بيك
عمر :بمعني
هاجر :قبل ما هي توافق علي خالد قول ان انت هتخطب و اخطب مثلا
عمر :اخطب لا مستحيل انا اصلا مفيش حد في حياتي
هاجر :مريم صدقني يا عمر مش هتلاقي حد كويس و عارفينها كويس و انت بترتاحلها و هي كمان بترتاحلك جدا فيها ايه لما تخطبها
عمر :انتي شايفة كدا
هاجر : يا حبيبي انا لما قالتلي كدا قولت لازم اجي اقولك علي طول و تجرحها انت قبل ما هي تجرحك
عمر :ماشي
______________
هاجر :برافو عليكي يا لينا انك عرفتي تنفذي كل كلامي كدا بقا عمر هو اللي هيجري وراكي و هو اللي يعترف
لينا :بجد متشكرة ليكي اوي يا هاجر انا مش عارفة من غيرك كنت عملت ايه
هاجر :متقوليش كدا انتي اختي
لينا :ربنا يخليكي ليا يا قمر
_______________
تاني يوم
اميرة : يﻻ يا لينا افطري عشان عمر خلص لبس و فطر قبلكم انا داخلة اجيب العصير
هاجر :لينا ايه الفستان الطويل ده
لينا :مالو وحش
هاجر :مش اتفقنا نلبس قصير عشان عمر
لينا :بس انا يا هاجر حاسة انه مش بيحبني البس كدا
هاجر : يا حبيبتي ده كدا احسن حاجة و احنا وصلنا لمرحلة كويسة
اميرة:العصير يا لينا
هاجر غمزتلها تطلع تغير هدومها
لينا : حاضر يا ماما بس ثواني هطلع أعمل حاجة و هاجى عطول
طلعت لينا و ابدلت مﻻبسها و ارتدت فستان يصل الى فوق ركبتها لونه اصفر و نزلت تحت
اميرة : ايه يا لولو غيرتى ليه ؟
لينا : مش كدا احلى يا ماما
عمر :مش شايفة ان الفستان طويل بزيادة
لينا حاولت تستفزه :اه عندك حق انا حاسة انه طويل جدا و عايزة اقصره شوية
اميرة : اقعدى افطرى بقى
جلست لينا و تناولت فطارها و انتهت من فطارها
ثم نظر لها عمر و قال : يﻻ
قامت معاه لينا و خرجت ركبت السيارة
وخرج وراءها و ركب جانبه و نظر للفستان القصير التي ترتديه بعدم رضا و نظر فى الاتجاه التاني و قال فى نفسه (و أنا مالى هى حرة بس هاجر عندها حق هي فعلا لو بتحبني هتسمع كلامي )و اتحرك عمر بالسيارة
نظرت لينا لعمر و قالت : ايه ساكت ليه …؟
نظر لها عمر بخنقة و قال : مفيش كﻻم اقوله لو انتى عندك قولى
لينا بقلق : مالك …. ؟
عمر : مالى يعنى ما انا كويس اهو
لينا : عمر أنت متضايق عشان وصلتنى
عمر : ﻻ مين اللى قال كدااا انا لو مش عايز حاجة محدش يقدر يجبرني عليها
لينا : ماشى يا عمر هحاول اصدق
عمر : قصدك انى بكدب
لينا : ﻻ يا عمر
عمر و هو يوقف السيارة امام الجامعة
عمر بابتسامة : يﻻ باى أبقى اتصلى بيا لما تخلصى
لينا : اوك
دخلت لينا الجامعة
و قابلت إسراء و بسام
لينا:هاي يا ايسو ازيك
اسراء:تمام يا لولي شوفتي الإعلان الجديد بتاع الحفلة بتاعة الجامعة طبعا هتشتركي انتي صوتك روعة
بسام:و اللحن و التنظيم عليا
لينا :اوك هي امتي
اسراء:بعد أسبوع
بسام : مالك يا لينا في قمر يكون زعلان كدا
لينا : و الله يا بسام انت رايق
بسام : و مبقاش رايق ليه محدش واخد منها حاجة
لينا :عندك حق ولله
اسراء :بس ايه الفستان الحلو دااا
لينا :بجد
بسام:جامد جدا عليكي
فوجد أحد يمسكه من لياقة القميص و يقول بغضب : هو ايه داا اللى جامد يا روح امك انت
لينا بخوف:عمر
عمر ضربه بالبوكس في وجهه
لينا بخوف : خﻻص يا عمر كفاية
نظر لها بغضب و تركه و قال له بغضب : عارف لو شوفتك وأقف معاها تانى هيبقى أخر يوم فى عمرك وانتي قدامي يلا
نظرت لينا بغضب و قالت : أنت ايه اللى أنت عملته دا
نظر لها بغضب و قال : هو انتى لسه شوفتى حاجة …. انتى فاكرة نفسك فين و ازاي اصلا تتكلمي معاه كدا
مسكها عمر من ايديها بقوة و شدها لحد العربية
و فتح باب العربية و دخلها بعنف و قفل الباب جامد
______________
ادم : انا هنزل يا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بداية حياتي معاك)
