رواية بداية حياتي معاك الفصل الثالث عشر 13 بقلم داليا أحمد
رواية بداية حياتي معاك الجزء الثالث عشر
رواية بداية حياتي معاك البارت الثالث عشر
رواية بداية حياتي معاك الحلقة الثالثة عشر
آدم مسك الفون و بيفتح الكاميرا يصورها و في نفس الوقت فتح سجل المكالمات اتصدم لما شاف رقم صاحبه سكت لحظات و ابتسم و نظر اليها ثم قال :زي القمر يا حبيبتي الصور حلوة جدا اتفضلي الموبايل
يمني:ميرسي يا روحي
بيبتسم قدامها لكن من داخله اتوجع و بيحاول ميظهرش انه اكتشف خيانتها ادم كان حاسس انه عايز يقتلها لكن قدر يسيطر على نفسه
_____________
لينا بعصبية :ممكن توقف العربية بقا
عمر :وطي صوتك
ثم نظر لها بسخرية : حسابك معايا لما نروح مش هنا
لينا :وانت مالك اصلا تحسابني ليه اخويا ولا ابويا ولا جوزي انت مجرد واحد قاعدة عندك لحد ما ارجع لاهلي يعني ملكش دعوة بيا فاهم و بعدين انت رجعت ليه
عمر نظر إليها باستغراب من كلامها لان لهجة لينا اتغيرت لأول مرة صوتها يعلي و تتكلم بالطريقة دي اتغيرت 350 درجة
عمر :فعلا انا مقربلكيش حاجة بس انتي مسئولة مني لحد ما ترجعي لاهلك و لازم ترجعي لاهلك زي ما جيتي عندنا اما بقا موضوع رجعت ليه حضرتك نسيتي الكتاب بتاعك واضح أنه مش فارق معاكي اي حاجة و ناسية حاجتك
لينا بنظرة حزن و ندم :ممكن تفتح الباب عندي محاضرة مهمة يا عمر
عمر بعصبية :تولع المحاضرة بكل اللي فيها
لينا :افتح الباب يا عمر
عمر بنفس الطريقة :مش فاتح زفت انا
لينا دموعها نزلت اكتر و خافت من طريقته و شعرت بالندم لأنها سمعت كلام هاجر
___________________
آدم وصل يمني لحد البيت
يمني :باي يا بيبي كلمني لما تروح
آدم :ماشي يا قلبي
يمني نزلت من العربية و طلعت العمارة و آدم اتصل بجاسر
جاسر :ايه يا آدم
آدم :انت فين
جاسر :انا في الشغل
آدم :عايز اشوفك
جاسر :ماشي في حاجة ولا ايه
آدم :لا ابدا بس محتاج منك ورق مهم جدا بخصوص المشروع اللي هنفذه بتاع الكلية
جاسر :ماشي انا قدامي 10 دقايق و اخلص
آدم :هستناك في الكافيه اللي جنب شغلك
جاسر :ماشي سلام
________________
عمر طول الطريق و هو ساكت مبيتكلمش و لينا بتعيط في الوقت ده موبايل عمر رن
عمر :ايه يا سامي
سامي (موظف الاستقبال في المستشفي ):دكتور عمر في حالة مستعجلة لازم حضرتك تيجي تشوفها ضروري
عمر :لازم مفيش اي دكتور مكاني
سامي :هي رافضة أي حد يعمل للحالة غيرك
عمر باستغراب :ماشي جاي يلا باي
سامي:باي
______________
جاسر قابل آدم في الكافيه و آدم كان منتظره على التربيزة
جاسر :ايه يابني ورق ايه اللي عايزه
آدم :اقعد بس الأول نشرب حاجة
جاسر :اديني قعدت
آدم :ثواني هتصل علي ماما
جاسر :ماشي
آدم :يوووه ده وقته تفصل انت كمان
جاسر :الموبايل فصل
آدم :انا مش عارف ماله بيسرب شحن ليه
جاسر :طب خد كلمها من عندي
آدم :ماشي معاك الرقم
جاسر :تقريبا ثواني كدا
جاسر بيقلب في الموبايل و شاف رقم نجوي
جاسر :لقيته
آدم :ماشي هكلمها و راجعلك ثواني
جاسر :ماشي
آدم :انا طلبت اكل
جاسر :اشطا
__________
عمر وصل المستشفى قابله سامي موظف الاستقبال و وقفه
عمر :خير يا سامي مين دي حالتها خطر
سامي :في أوضة 102 الدور الثالث
عمر :طيب
لينا :هو فيه ايه يا عمر
عمر :مريضة حالتها خطر بقولك ايه خليكي هنا اما اشوف فيه ايه و جايلك
لينا :طيب
عمر :متعمليش اي حاجة و لا تتحركي من هنا بصي اقعدي في الإستراحة دي
لينا:ماشي
__________
جاسر :كلمتها
آدم :اه قولتلها اني هتاخر و متعملش حسابي في العشا
جاسر :ماشي يلا يابني الاكل هيبرد
آدم :يلا ناكل
_____________
عمر دخل الاوضة و كانت بنوتة صغيرة عمرها حوالي 5 سنين و معاها والدتها
عمر :مدام شيماء ازيك
شيماء :الحمد لله يا دكتور عمر
عمر :خير في حاجة ولا ايه
شيماء :يا دكتور نانسي حالتها مش مستقرة نهائي و كل يومين بتتعب
عمر :مالك يا نانسي طب بتاخد الدواء
نانسي ببراءة :باخد كل يوم
عمر :طب تعالي يا نونا هكشف عليكي
نانسي :ماشي
___________
آدم :تمام احنا كدا اتفقنا هنفذ المشروع ازاي
جاسر :اه كدا هنجيب الحاجات المطلوبة هنفذه انا وانت و نبيل
آدم :و يمني
جاسر بتوتر و آدم لاحظ:اشمعنا يعني ما هي ممكن تنفذه مع أصحابها البنات
آدم :ما هي يمني خطيبتي عادي ولا رايك ايه
جاسر :اااه عندك حق
آدم :تمام انا لازم امشي
جاسر :وانا كمان اشوفك بكرة في الجامعة
__________
عمر بعد ما انتهى من الكشف علي نانسي
شيماء :خير يا دكتور بنتي كويسة
عمر :نونا ثواني هقول لماما علي الدواء بتاعك و نرجعلك
خرج عمر و شيماء برة الأوضة
عمر :نانسي محتاجة عملية قلب مفتوح
شيماء بصدمة:ايه للدرجة دي لا مستحيل
عمر :مدام شيماء بنتك محتاجة تعملها في أقرب وقت للأسف حالتها اتأخرت جدا
شيماء بحزن :أيوة يا دكتور بس حضرتك عارف الظروف المادية متسمحش نهائي و عمها مستحيل يعملهالها طب هو حضرتك تقدر تساعدني أعملها في مستشفى حكومة بالمجاني حضرتك عارف الموضوع ده بياخد وقت هما اه مش بيهتمو زي هنا بس خايفة اوى
عمر :نانسي هتعملها ان شاء الله
شيماء :بجد طب ايه الحاجات اللي هتكون مطلوبة ورق و كدا
عمر :نانسي هتعملها عندنا هنا
شيماء :أيوة بس حضرتك دي مستشفى خاصة ده انا يوم ما جبتها هنا المرة اللي فاتت كلفني كتير اوي ما بالك بقا عملية
عمر ضحك :هتعملها مجاني
شيماء :اكيد حضرتك بتهزر صح
عمر :انا عمري ما ههزر في حاجة زي كدا انا عارف ظروفك و هتعملها مجاني كل التكاليف عندي
شيماء :انا مش مصدقة بجد ربنا يريح قلبك و يسعدك دايما يارب علي قد نيتك انا عمري ما انسي المرة اللي فاتت لما جبتلي كل الدواء بتاعها مجاني علي حسابك
عمر :متقوليش كدا ان شاء الله هتقوم بالسلامة
شيماء :طيب انا هاجي امتي
عمر :ممكن تقعد هنا في المستشفى يومين لحد ما نجهزها للعملية لو حابة تقعدي معاها مفيش مشكلة
شيماء :اه طبعا اكيد طيب انا هنيمها و هرجع البيت اجيبلها لبس
عمر :ماشي وانا هنبه علي الموظفين ان الحالة دي مجاني
شيماء بابتسامة و عينيها فيها دموع :انا مش عارفة اشكر حضرتك ازاي بجد انت إنسان جميل جدا في زمن مفيش فيه دكتور كدا ولله
عمر بابتسامة :انا لازم امشي دلوقتي و بكرة ان شاء الله هطمن علي نانسي
عمر بينظر امامه شاف لينا واقفة قدامه
عمر :لينا انتي جيتي ليه هنا
لينا :انت اتأخرت عليا قولت اطلع
عمر :طيب يلا عشان نمشي عن أذنك يا مدام شيماء
شيماء :اه طبعا اتفضل يا دكتور
______________
آدم ركب عربيته و كان حاسس بخنقة جامدة كان حاسس ان حاجات كتير اوي اتصدم فيها مش قادر يصدق اللي عرفه و شافو مش قادر يصدق ان أقرب اتنين ليه خانوه مش قادر يصدق عينيه و لا اللي شافه مش قادر يصدق ان صاحبه و حبيبته يخونوه و يوجعوه
آدم لنفسه و دموعه نزلت منه :ياااه للدرجة دي انا استاهل كدا شوفتي يا لينا سيبتيني و اتوجعت من بعدك اوي اخوكي اتوجع اوي حاسس اني محتاجك دلوقتي محتاج اشتكيلك من حاجات كتير ياريتني سمعت كلامك يا ريتني
(الخيانة … الخيانة دي موجودة في حياتنا كتير مش شرط خيانة يمني لآدم لا فيه أمثلة كتير للخيانة اللي عايزة اقوله ان بلاش نخون او نوجع شخص ميستاهلش بلاش نجرح حد ميستاهلش مننا كدا كل بنت فكرت تخون اللي بتحبه و فاكرة انه بالطريقة دي مش هيعرف تكون غلطانة اكيد هيجي وقت و ربنا هيكشفها آدم لو ربنا مش بيحبه كانت يمني هتفضل تخدعه وهو مش عارف كان هيتجوزها و هو مش عارف لكن الحمد لله ان ربنا كشفها بدري للاسف بقينا في زمن ضاع فيه الحب و الكدب و الخيانة ابداع منهم اللي بيحبه بصدق و منهم اللي بيحبه بخداع و كدب صعب اوي انك تحب إنسان و هو كان لابس قناع انه بيحبك إنسان كان بيتسلي و بيحب شيء معين فيك صعب اوي انك تنخدع في أقرب ناس ليك بلاش نثق في حد اوي معظمهم خاينين لو أتاحت ليهم الفرصة )
آدم فاق من تفكيره باتصال من تقي اتردد لحظات لكن قرر يرد لانه كان حاسس ان دماغه هتنفجر من كتير التفكير
آدم :ايه يا تقي
تقي:آدم انت فين
آدم :برة
تقي :عايزة اتكلم معاك بس يعني
آدم :بس ايه يا تقي في ايه
تقي:آدم مال صوتك انت كويس
آدم :يعني الحمدلله
تقي :طب ينفع اشوفك دلوقتي
آدم :ماشي انتي فين انا كمان محتاج اتكلم معاكي
تقي قلقت عليه اكتر :انا في البيت هغير هدومي و نتقابل
آدم :ماشي خلصي و تعالى علي المطعم اللي روحناه قبل كدا مع سليم
تقي:ماشي سلام
____________
لينا كانت راكبة مع عمر و هو مبيتكلمش و متضايق منها و مرة واحدة وقف العربية و نزل و هي بعد دقيقة نزلت وراه
عمر كان واقف و حاسس بالخنقة منها و من تصرفاتها كان حاسس انه وهم نفسه بحبها لكن طلعت محبتوش اخرجه من تفكيره صوتها و هي بتكلمه
لينا :عمر انت زعلان مني
عمر :يلا نرجع البيت
لينا :طيب انا كنت
عمر قاطعها :كل اللي حصل ده حسابك معايا لما نرجع مش في الشارع
لينا بعصبية: أنت ليه محسيسنى انك جايبنى من شقة مفروشة ولا كبارية كل دا عشان بسام عجبه الفستان و قال رأيه فيه
عمر بسخرية و ضحك : فستان .. قولى كدا تانى معلش دا أنا أول ما شوفته افتكرته قميص نوم و بعدين انهارده قال رايه فى الفستان بكرة يقول رأيه فيكى ولا شكله قال رأيه أصﻻ
لينا ضربته بالقلم علي وجهه لغيظها من كلامه و اتهامه ليها بالظلم
لينا دموعها نزلت :ممكن تسكت بقا كفاية ظلم من الصبح بتغلط فيا وانا ساكتة صدقني انا مفيش بيني و بينه كلام و مدام أنت مش شايف ان الفستان قصير و مش محترم مقولتليش ليه كنت هغيره و الله العظيم كنت هغيره
عمر كان مصدوم من رد فعلها و كلامها مش قادر يصدق ان في حد ضربه بالقلم لأول مرة في حياته شخص يمد ايده عليه و البنت اللي بيحبها
لكن هو ميعرفش ان كل تصرفاتها بأوامر من أخته بغرض ان لينا تكون جميلة في نظره و انه بالطريقة دي هيحبها
نظر لها بصدمة ثم امسك شعرها بقوة و قال بغضب : وﻻ عاشت وﻻ كانت اللى تمد اديها عليا يا لينا الظاهر انك ادلعتي بما فيه الكفاية لكن من اللحظة دي فيه معاملة تانية خالص انسي عمر القديم نهائي من انهاردة فيه معاملة تانية خالص
لينا بوجع:حرام عليك سيب شعري
عمر ترك شعرها و ركبها و اتحرك بالعربية
_____________
آدم كان قاعد في المطعم مستني تقي قطع تفكيره سليم و هو بيكلمه
سليم :ايه يابني
آدم :ها سليم انت هنا من امتي
سليم :بقالي ساعة يابني بكلمك انت مالك يا آدم شكلك متغير
آدم بوجع بيحاول يخفيه:مفيش يا سليم
سليم :آدم انت مش بس ابن عمتي انت أخويا وانا يعني مش عارفك لما بتكون متضايق
آدم :عارف يا سليم بس صدقني مش قادر اتكلم
تقي في اللحظة دي وصلت المطعم و عند تربيزة آدم و سليم
سليم :تقي ايه المفاجأة الحلوة دي
تقي باندهاش:انتو جايين مع بعض
آدم :لا ده سليم كان هنا
تقي :امممممم اصل انا آدم كلمني انه عايزني
سليم :اه عشان كدا
آدم نظر لتقي معناه انه محتاج يتكلم معاها لوحدهم و سليم فهم
سليم :طيب انا هقوم
تقي:رايح فين
سليم :مفيش هقعد علي الترابيزة بتاعتي لحد ما تخلصو كلام
تقي :لا ابدا بس
ادم قاطعها :خليك يا سليم انا محتاجك برضو أتكلم معاك
تقي:قلقتني عليك يا آدم في ايه
ادم :انتي قولتيلي انك عايزاني في موضوع برضو ايه هو
تقي نظرت لسليم و اتوترت:ها لا اصل
ادم :انتي بتبصيله ليه هو انتو مخبيين عليا حاجة
سليم:لا ابدا يا آدم قول بس انت عايز تحكي ايه
ادم :يمني
تقي لما سمعت اسم يمني اتنهدت و كأنها خافت آدم يكون عرف حاجة
سليم نظر لتقي و قال:مالها
آدم :خانتني
تقي ردت بسرعة بتلقائية و دون تفكير :انت عرفت
آدم بعصبية :يعني انتي كنتي عارفة و خبيتي عليا
تقي :لا ولله يا آدم انا لسة عارفة من اسبوع و مقولتش لحد غير سليم و كنا بنفكر نقولك ولله
آدم بسخرية :بتفكرو و كنتو هتقولو امتي بقا ان شاء الله لما اتجوزها و اتخدع اكتر
سليم :لا يا آدم احنا بس خوفنا نقولك وقتها وانت متصدقش
تقي:انت عرفت ازاي يا آدم أنها خانتك
___________________
عمر شد لينا من ايديها بقوة و دخل الفيلا
لينا بالم : اه سيبنى يا عمر
عمر بعصبية :اسكتي خالص
اميرة فتحت الباب و كانت هاجر قاعدة في الريسبشن و حبيبة كانت في اوضتها و نزلت علي صوتهم
اميرة بخضة: مالك يا لينا في ايه يا عمر انت ماسكها كدا ليه
عمر بنرفزة :هي لسة شافت حاجة انا هربيكي من هنا و رايح
حبيبة :عمر في ايه فهمنا
هاجر طبعا كانت مبسوطة من جواها
هاجر :عملتي ايه يا لينا بس
لينا كانت بتعيط و جسمها بيترعش من خوفها منه و من كلامه و طريقته اللي اتغيرت معاها
عمر :الهانم مش رايحة عشان تتعلم بس لا دي مقضياها واحد زميلها بيقول رأيه في فستانها و يهزر معاها
هاجر بسخرية :ليه كدا يا لينا ده حتي عيب اوي و بعدين ماهو ليه حق يعاكسك و يقول رايه ماهو الفستان قصير اوي بصراحة
حبيبة :هاجر ملكيش دعوة متدخليش في اللي ملكيش فيه
لينا دموعها نزلت اكتر مش مصدقة ان هاجر تعمل فيها كدا و كمان بيتغلطها قدام عمر
اميرة شدت لينا من عمر و لينا اترمت في حضنها
عمر :ماما لو سمحتي متدخليش في الموضوع ده
اميرة بعصبية :عمر اسكت بقا انت مش عاملي اعتبار و عايز تضرب البنت ايه محدش مالي عينك طب حتي استنى لما اموت الأول و بعد كدا أعمل اللى أنت عاوزه
عمر :بعد الشر عليكي يا ماما ربنا يديكي الصحة و طولة العمر
اميرة: اسمع يا عمر طول مانا عايشة اوعي تفكر تعامل لينا بالطريقة دي فاهم حتي لو عملت ايه
عمر :حاضر
اميرة :لينا اطلعي علي أوضتك اسبقيني اطلعي معاها يا حبيبة
لينا :حاضر يا ماما
______________
تقي :طب وانت شكيت فيها ازاي يا آدم مش المفروض انك بتحبها
آدم :مش عارف يا تقي ده دايما موبايلها بيرن و هي معايا بس في اللحظة دي سبحان الله كلام بابا لما قالي راقبها و شوفها بتروح فين و حرص ولا تخون ايجا في بالي وقتها و بيني و بينكم الفار لعب في ديلي كلامها مكنش مقنع هي طلعت غبية و ادتني الموبايل علي اساس أنها لسة فاكرة اني غبي و بثق فيها
ادم دموعه نزلت و اكمل كلامه :عارفين كنت قاعد معاها و بعدها مع جاسر كنت بقرأ النفاق و الكدب و الخيانة في عينيهم و بتبسم و بضحك صعب اوي لما تمثل انك كويس وانت من جواك بتموت
تقي:انا من الأول مكنتش بحبها ولا برتاحلها متزعلش مني يا آدم انت كنت دايما شايف يمني دي ملاك أختها ذات نفسها قالت أنها خانتك
آدم بعصبية :كنت بحبها يا تقي كنت مش بثق في حد غيرها كنت فاكرها هي كمان بتحبني
سليم : ربنا بيحبك يا آدم انا مستغرب انت ازاي مش ضربتها ولا رميت الدبلة في وشها ولا واجهتها
آدم :سبحان من صبرني وقتها كنت عايز أتأكد منه هو كمان أنه بيخوني
__________________
اميرة دخلت الأوضة اللي كانت فيها لينا و حبيبة أخداها في حضنها و بتعيط
اميرة بهدوء :ينفع اللي عملتيه ده يا لينا انا بهدلت عمر عشانك عشان هو مياخدش علي كدا و لا يمد ايده عليكي لكن الصراحة هو عنده حق
لينا :يا ماما انا غصب عني
حبيبة :متزعليش مني بس انتي غلطانة يا لينا ده مش لبس يا حبيبتي تروحي بيه الجامعة و بعدين ده احنا مصدقنا ان عمر كان قرب يعترفلك دلوقتي اكيد كرهك
اميرة :حبيبة عندها حق انتي غلطانة يا لينا يا حبيبتي احنا في مصر و مينفعش انك تتعاملي مع الناس بحسن نية يعني زميلك ده ممكن يكون نيته مش كويسة و هو بيقول رأيه في الفستان احنا بقينا في زمن ما يعلم بيه الا ربنا ولله
لينا :يا ماما انا مكنش قصدي كل ده يحصل
حبيبة :اومال ايه يا لينا بصراحة يا حبيبتي ده مش لبس يتلبس و انتي رايحة الجامعة و بعدين مش انتي كنتي بتلبسي لبس كويس غيرتي استايلك تاني ليه
اميرة :لينا انتي ليه غيرتي الطقم الطويل اللي كنتي لابساه قبل ده
لينا بتوتر:عشان كنت
اميرة :عشان عمر يشوفك جميلة صح
لينا :لا يا ماما
اميرة :حبيبتي ده غلط الولد عمره ما هيشوف البنت اجمل لو لبست ضيق أو غيرت لبسها للاسوء هو هيحبك زي ما انتي
حبيبة :فعلا و أخويا مش بيحب العند
لينا :مش ده السبب بس يا ماما
حبيبة :اومال ايه
لينا :هاجر قالتلي ان لو عملت كدا و مسمعتش كلام عمر في اي حاجة و بدأت اغير طريقة لبسي و كل ده هو هيعترفلي بحبه
حبيبة ضحكت :طب ولله كنت حاسة ان الحوار ده وراه هاجر مش تصرفاتك دي اصلا
اميرة :وانتي ساذجة للدرجة دي عشان تصدقي الكلام ده بالعقل كدا هيحبك ازاي وانتي بتغلطي أحمدي ربنا انه مضربكيش بعمايلك دي
لينا :انا صدقت كلامها و لما صالحتني و قالتلي انتي اختي و بعدها سمعت كلامها
حبيبة :ماخدتيش رأيي انا ولا ماما ليه
لينا :قالتلي متقوليش لحد فيهم
حبيبة :طيب انا هروح اشوف اللي هاجر هببته ده اما عمر بقا
لينا :لا يا حبيبة بلاش تقولي لعمر مش هو صدق اني كدا مش كويسة خلاص بلاش تبرري موقفي قدامه ده غير أنه هيقول عليا طفلة عشان سمعت كلام هاجر
اميرة :حبيبة متقوليش لعمر حاجة بعدين نعرفه اما هاجر حسابها معايا
_________________
تقي:ناوي تعمل ايه يا آدم
آدم :مش عارف
سليم :هو ايه اللي مش عارف يا آدم انت مش خلاص اتاكدت أنها بتخونك مستني ايه تاني فركش معاها طبعا
آدم :مش مستني حاجة بس مش قادر ياسليم مش قادر اسيب يمني
تقي بعصبية :مش قادر ايه يا آدم معلش مش قادر تسيب واحدة خاينة ايه للدرجة دي بتحبها
آدم :بحبها اه بحبها حتي بعد ما عرفت أنها خانتني يمني طيبة و اكيد هتتغير انا عارفها
تقي :ماهو انت مش راجل اصلا عشان تفضل مع واحدة زي دي وانت عارف أنها كدا
اتفاجأت تقي بقلم قوي علي وجهها من آدم بعد ما قالت الكلام ده اتصدمت من رد فعله
تقي دموعها نزلت منها :انت بتضربني يا آدم كل ده عشان الست يمني بتاعتك
آدم كان مصدوم من اللي عمله :لا يا تقي عشان انا راجل مش زي ما قولتي
تقي اخدت شنطتها و مشيت و هي مصدومة من رد فعله
آدم :تقي استني انا اسف صدقيني مكنش قصدي
سليم:ايه اللي عملته ده يا آدم حرام عليك ده بدل ما تتشطر علي اللي عملت فيك كدا انا رايح اشوف البنت اللي ملهاش ذنب اللي ضربتها مش هينفع تمشي و هي بالحالة دي
تركه سليم و ذهب وراء تقي ليلحقها لان حالتها من الصدمة كانت أصعب بكتير من صدمة آدم بيمني
(رد الفعل أحيانا ممكن في وقت صدمتنا نعمل رد فعل يزعل أقرب ناس لينا بنكون خايفين نفوق من الصدمة خايفين نعرف الحقيقة مع اننا عرفناها خلاص لكن ممكن برد فعل بسيط نجرح أشخاص مش ليهم اي ذنب في اللي حصل بنكون مش عارفين هما اللي غلطانين عشان بيفوقونا ولا الغلط كان مننا من الأول لأننا مفوقناش بدري دايما أي قرار بناخده ممكن يطلع صح… وممكن يطلع غلط …لكن بنحس بعده براحة لانه خلصنا من الحيرة … لكن قرار ادم كان اكبر غلط عمله لما قرر انه يتصرف كدا)
_______________
اما آدم كان قاعد و سرحان في أصعب و أسوء قرار هياخده انه هيستمر مع يمني لحد ما تتغير لأنه بيحبها و بسببه خسر أقرب واحدة ليه بعد اخته
______________
حبيبة نزلت تحت و كانت هاجر بتسخن عمر علي لينا اكتر و حبيبة اتاكدت ان هاجر وراء كل المصائب اللي حصلت
حبيبة :هاجر عايزاكي اطلعي ورايا
هاجر :طيب حاضر عن أذنك يا عمر نكمل كلامنا بعدين بقا
_____________
سليم :تقي يا بنتي استني بقا هتجريني وراكي ولله كدا
تقي منهارة من البكاء : لو سمحت يا سليم ارجع اقعد معاه انا عايزة اكون لوحدي ممكن
سليم :مش هينفع يا تقي مش هينفع اسيبك وأنتي في حالتك دي
تقي :مش مصدقة ان آدم يضربني و عشانها لا و ايه كمان عايز يفضل معاها
سليم :متنسيش انك قولتيله كلمة تضايقه انا عارف ان عندك حق فيها بس برضو يا تقي هو بيحبها
تقي :دي خانته يا سليم خانته و عايز يفضل معاها و ينسي هو ايه مبيفهمش ولا ايه
سليم :اركبي معايا بس و نروح اي مكان تهدي بس عشان عمتو متلاحظش انك بتعيطي
تقي :طب و عربيتي
سليم :انت هخلي سواق يروحها لحد البيت
_________
حبيبة شدت هاجر بقوة من ايديها و دخلتها عرفتها
هاجر بألم :براحة بتشديني جامد كدا ليه
حبيبة :ممكن اعرف ايه اللي عملتيه ده
هاجر :عملت ايه
حبيبة :لا ولله دلوقتي مش عارفة عملتي ايه
هاجر:ما تنجزي يا حبيبة حصل ايه
حبيبة :ايه اللي عملتيه ده يا هاجر في لينا بقا بتضحكي علي البت و تفهميها ان بالطريقة دي عمر هيحبها اهو كرهها اكتر
هاجر :هي اشتكتلك
حبيبة:طبعا ما انتي مفهماها أنها متقوليش عشان لو كنت عرفت كنت لحقت اللي حصل ده كلو كان قلبي حاسس ان الحوار ده انتي هتطلعي وراه
هاجر :أيوة انا عشان هي غبية و بتصدقني ليه ايه هي صغيرة عشان تفهم كدا
حبيبة :ليه يا هاجر حرام عليكي ولله
هاجر :عشان لينا كل حاجة ليها حتي عمر حبها لكن بعد كل تصرفاتها دي كرهها اصلا
حبيبة :انتي برضو مش هتبطلي تغيري منها
هاجر :مش فارقة اصلا انا بدعي ربنا ترجع لأهلها و تفتكر بسرعة بقا عشان زهقت
حبيبة :مفيش فايدة فيكي للاسف بس ولله يا هاجر ده اخر تحذير ليكي لو حاولتي توقعي لينا في مشاكل تاني وقتها بقا انا هقول لعمر و ماما علي وليد و وقتها بقا انتي عارفة تصرفهم هيكون ايه اظن مش محتاجة اقولك
هاجر بخوف :حاضر خلاص انا هبعد عنها خالص
_______________
مر أسبوعين
و آدم بيتعامل مع يمني زي ماهو و تقي مبتكلموش لكن كانت قريبة هي و سليم من بعض و خالد لسة علي امل ان لينا توافق و بيتحجج بشمس عشان يشوف لينا …. اما هاجر و وليد كل يوم بيتكلمو زي ما هما … و ريم و جاسر كل يوم بيتقابلو و يتكلمو لكن آدم بيحاول يبعده عنها … اما ابطالنا لينا كل يوم بتحاول تصالح عمر و تحاول تكلمه لكن تفتكر انه اهانها و اهان كرامتها لكن بتضايق اكتر لأنها هي اللي غلطانة و هو متضايق لأنها مش معاه ولا بيتكلمه لكن هي اللي غلطانة مش قادر يكلمها
و في يوم كانت لينا قاعدة في الحديقة و عمر كان لسة راجع من برة لينا قررت في اللحظة دي تكلمه و تعتزرله
لينا :عمر
عمر نظر لها بيحاول يظهر أنه مش مهتم :نعم عايزة ايه
لينا سكتت لحظات و قالت :انا سمعتك لما كنت معاك في المستشفي وانت بتقول انك هتعمل العملية مجاني لبنتها
عمر :قصدك نانسي
لينا :اه
عمر :الحمدلله بقت كويسة
لينا :بجد يا عمر انت طلعت شخص جميل جدا من جواك
عمر ببرود:شكرا عايزة تقولي حاجة تاني
لينا :انت هتفضل تكلمني بالطريقة دي
عمر :انتي ايه غيرك كدا و مش شايفة اللي عملتيه ده غلط
لينا :يا عمر انت ليه مش عايز تفهم ان مفيش اي حاجة بيني و بين بسام ده و دي اول مرة والله يقول رأيه في لبسي
عمر :ماهو لازم يقول رأيه من اللي شايفه هو ده فستان يتلبس اصلا مش شايفة انه قصير جدا
لينا : عمر انا اسفة
عمر :الفستان ده ميتلبسش تاني ده نصيحة ليكي يعني
لينا بابتسامة :حاضر
عمر :عاملة ايه في الامتحانات
لينا :الحمد لله هو السواق ده هيفضل يوصلني كل يوم
عمر :ليه هو ضايقك
لينا :لا بس وحشني انك كنت بتوصلني
عمر :ايه
لينا بكسوف:قصدي يعني نفسي توصلني انت تاني
عمر ببرود :أن شاء الله
لينا :زعلان مني
عمر :لا عادي انا داخل جوة عايزة حاجة
لينا بحزن:لا
دخل عمر الفيلا لكن ترك لينا في وجعها و ندمها
لينا :انا غبية ولله غبية اوي بجد
______________
وليد داخل البيت بتاعه و هو داخل بيتسحب بالراحة والده شغل النور و وليد اتخض
وليد بصدمة :بابا
والده:انت شرفت يا بيه
وليد :كنت سهران مع مراد و العيال شوية
والده بعصبية:قصدك الصيع بتوعك
وليد :يوووه يا بابا عايز ايه
والده :انت امتي هتعقل بقا بذمتك مش مكسوف من نفسك وانت عندك 25 سنة ولسة في تانية جامعة مش مكسوف من نفسك وانت لسة بتاخد المصروف مني مش مكسوف من نفسك وانت بتكلم بنات و تضحك عليهم و مش عامل اي حساب لأي حاجة ولا بتركعها حتي
وليد :اوووف بقا ما هما اللي عايزين كدا ووفيه بيتسلو زي ما انا بتسلي هخاف من ايه انا اصلا معنديش اخوات بنات أخاف ليه
والده:يا اخي خاف من ربنا خاف علي اي حاجة فاضلة ليك أمك الله يرحمها كانت السبب في بوظانك كانت دائما مدالعاك متضربوش متشدش عليه يا صابر و ادي النتيجة عيل فاشل
وليد :خلاص خلصت كلامك
صابر:اسمع يا وليد هما كلمتين مالهمش آخر يا تشوف بنت الحلال و تتجوزها و تتغير و تدخل الامتحانات و تتغير و تنزل الشغل معايا يا اما بقا لا فيه مفاتيح عربية ولا مصاريف ولا اي حاجة
وليد :يوووه بقا انت عايز مني ايه هو كل يوم نفس الاسطوانة دي و بعدين انا هلاقي فين بنت حلال و محترمة مفيش حد محترم دلوقتي
صابر :عايز تفهمني ان كل البنات اللي كلمتها مفيش فيهم واحدة محترمة
وليد:اديك قولت يا حاج كلمتهم يعني اكيد كلمو غيري فوكك بقا منهم و النبي و ادخل نام
صابر :وليد قدامك فرصة شهر واحد بس يا تتغير و تلاقي بنت الحلال المحترمة يا اما هتتحرم من كل حاجة و خلي بقا صحابك الصايعين يصرفو عليك
وليد لنفسه :اووف بقا ايه المصيبة اللي وقعت فيها دي
______________
حبيبة هتصحي من النوم تلاقي لينا مش نايمة جنبها و قاعدة في البلكونة بتعيط
حبيبة :حبيبتي بتعيطي ليه بس
لينا :انا تعبت يا حبيبة بقالي أسبوعين كل يوم بحاول أكلمه و يوم ما اكلمه و اصالحه يكلمني بكل برود انا عملتله ايه عشان ده كلو ده ربنا بيسامح اومال لو كنت اتكلمت و هزرت مع بسام بجد
حبيبة :لينا حبيبتي انتي غلطتي و عمر ميعرفش ان الغلط ده غصب عنك بصي نامي و بكرة تتحل ان شاء الله
___________
تاني يوم
لينا هتكون رجعت من الجامعة و هي داخلة كان عمر و هاجر و حبيبة قاعدين و كانهم خارجين
لينا :ايه يا ماما انتو خارجين
اميرة :اه يا حبيبتي رايحين لمحمد نزوره في شقته الجديدة
هاجر :انا اصلا مش عايزة اروح هو عافية يعني
لينا :لا مش قادرة روحو انتو
حبيبة :لا طبعا مينفعش نسيبك لوحدك
عمر :معلش يا لينا دول ساعة بالكتير و هنرجع
لينا :حاضر هغير هدومي و هاجي
________________
آدم مع يمني في النادي كانو قاعدين علي ترابيزة جنب حمام السباحة
آدم كان لابس شورت و تيشرت كات و يمني كانت لابسة شورت نبيتي و تيشرت ابيض نص كم
آدم :حبيبتي بقولك ايه
يمني :ايه يا روحي
آدم :تعالي كدا قومي نتمشي شوية
يمني :انا مستغربة اوي تغييرك ده يا آدم انت مكنتش كدا
آدم بيضحك :يعني كدا وحش ولا الأول
يمني :لا دلوقتي طبعا الأول كنت خنيق اوي و مكنتش بتخليني البس براحتي لا و بقينا نخرج نروح night club (ديسكو ) كمان مستغربة اوي يا دومي و بتمسك ايدي الأول مكنتش كدا خالص بليز خليك زي ما انت
آدم :مش كدا احسن عشان ميبقاش نفسك في حاجة و تشوفيها برة
يمني :مش فاهمة
آدم :ولا حاجة يا قلبي المهم انك تكوني كدا مبسوطة معايا كدا
يمني :جدا
آدم :تعالي كدا
آدم مسك ايد يمني و نزل حمام السباحة و نزلها معاه و بيعومو مع بعض و هي بتضحك و حضنها في الماء لما آدم شاف جاسر في النادي و جاسر كان مستغرب تغييره
____________
عمر وقف السيارة فجأة و قالهم :بصو هننزل نجيب حاجات من المول ليهم هدايا يعني
كلهم نزلو معاه و طلعو المول لينا كانت مخنوقة جدا لأنه مطنشها من اول اليوم ولا معبرها اول ما دخلو المحل كان محل مجوهرات و لينا استغربت أنه هيجيب هدية مجوهرات لصاحبه بعد دقايق من سرحانها اتفاجأت بعمر انه ماسك ايديها و بيلبسها خاتم
لينا :ايه ده
عمر قبل ايديها و قال :ايه رايك حلو
لينا متنحة:ده بجد صح
عمر ضحك :تتجوزيني
لينا من صدمتها تنحت لحظات و عينيها دمعت من الفرحة مش مصدقة ان ده بجد
لينا :عمر انا مش بحلم صح
عمر قرب منها و حضنها :بحبك
لينا حضنته اكتر :وانا كمان بحبك اوي يا عمر
عمر :ياااه أخيرا قولتيها
لينا دموعها نزلت :حبيبة اقرصيني انا مش بحلم صح
عمر ضحك:لا مش بتحلمي
حبيبة :بصراحة اه انا و ماما بس
هاجر اتضايقت :مبروك
لينا :الله يبارك فيكي
اميرة حضنتها :مبروك يا حبيبتي الف مبروك
لينا :انا زعلانة منك يعني كنتي عارفة و ساكتة اخس عليكي يا ماما يعني كنتي شايفاني بتعذب كل ده و انتي عارفة و ساكتة
عمر :انا متفق معاها علي كدا و بعدين انا لسة متفق معاهامن يومين بس
لينا :بحبك اوي يا عمر
عمر :وانا بموت فيكي
لينا ضربته علي كتفه :انت اصلا معندكش دم حرام عليك وجعت قلبي و جرحتني
عمر :كان لازم اعمل كدا عشان تتعلمي الأدب و متهزريش مع ولد تاني و لا مع خالد
لينا :بحبك اوي اوي انا مش مصدقة بجد
هاجر متضايقة و متغاظة من اللي حصل لأنها توقعت ان كان خطتها نجحت
عمر لبس لينا الخاتم و كلهم فرحو و شغلو اغاني في المحل و لينا فرحانة جدا
____________
في كافيه
مراد :مالك ياسطا مش بتتكلم معانا ليه
وليد :انت مش عارف المصيبة اللي انا فيها ابويا يابني
مراد :ياسطا ابوك كل مرة كدا و في الاخر بيروق
وليد :المرة دي بجد يا مراد ابويا فعلا عايزني اتغير و غير كدا هيحرمني من الفلوس و العربية و كل حاجة
مراد : لا ياعم كله الا الفلوس و العربية هنعيش ازاي من غير فلوس الحاج صابر
وليد : يالا يابن ال**** هنشوف اي صرفة
مراد :طب ما تتجوز واحدة محترمة كدا و خلاص
وليد : بذمتك هو فيه في الزمن ده بنت محترمة
مراد:يا وليد فيه ولله بس قليلين و بعدين انت وليد يعني عايز تفهمني ان دستة البنات اللي كلمتها مفيهاش ولا بنت محترمة ماتشوف بنت من اللي تعرفهم تكون على نياتها و هبلة و طيبة
وليد : مفيش ياعم كلهم ولاد ***** مينفعش اتجوزهم .. إلا
مراد : إلا مين ؟؟
وليد : الا البت هاجر صاحبة البت سيرين دي
مراد : ايه معرفتش تاخد منها حاجهلسة
وليد : مخدتش الا بحبك وبموت فيك وخسارة رصيد علي القاضي
مراد بيضحك : شكلها بنت مش سهله علي فكره
وليد : ياعم دي هبله وعامله زي العجينة ممكن اشكلها بإيدي
مراد : خلاص لو شايفها هبله ما تتجوزها ياعم بدال ماتخسر فلوس ابوك وابقى طلقها ياعم وقول المشاكل كتيره .. مش اول ولا اخر واحد يعنييطلق
وليد : مممممممم خليني أأجل الموضوع دا شويه لحد ما اتأكد انها متلمستش و محترمة مش بتمثل عليا انها محترمه ..
مراد : قشطه يا شقيقي .. لف يا معلم الحشيش خلينا ننسىياسطا
(طبعا اللي زي وليد ده كاءن متخلف عندهم مبدأ اتجوز اللي كلمتها لا لكن اللي كلمت غيري ماشي للاسف يا بنات الولاد شايفينكم كدا طبعا مش كلو لكن معظمهم كدا و للاسف معظمكم بيتوهم بأنه بيحبك لكن هو في الاخر تسلية و مش حب اللي بيحبك بجد هيجي يتقدملك مش هيحكي لاصحابه عنك ممكن اه يكون فيه ناس بتحب بجد لكن دول قليلين اوي تقريبا 2 % و الباقي بيتسلو خلينا مقتنعين ان الشخصية اللي زي وليد ده موجودة كتير اوي وسطنا و دايما بنسمع عنهم و شخصية هاجر موجودة في بنات كتير وسطنا البنت الهبلة الطيبة اللي وثقت في شخص و حبته بجد لكن هو بيتسلي باسم الحب يا تري نهايتهم ايه هنعرف بعدين لكن نهاية هاجر و وليد مختلفة عن اي قصة تانية )
____________________
مر أسبوعين و عمر و لينا عايشين اسعد أيام حياتهم من سعادة و فرح و حب و مفاجآت و خروجات دايما خلينا فاهمين ان مهما كان امبارح مليان حاجات بتوجع …ومهما كان بكره مليان حاجات تخوف ,الحياة , لازم تستمر بحلوها و مرها لان بكرة كان بالنسبة لعمر و لينا اجمل بكتير اوي
في يوم كان عمر و لينا خارجين معزومين علي العشا مع صحاب عمر
عمر :يلا بقا يا حبيبتي هنتاخر على صحابي دي حتي اول خروجة لينا معاهم
لينا :نازلة يا عمر خلاص شكلي حلو يا بيبا
حبيبة :قمر يا روحي
لينا :يلا انا نازلة باي يا روحي
نزلت لينا لعمر و اول ما شافها انبهر بجمالها بالفستان الأزرق الطويل و شعرها العسلي و عيونها الجميلة كأنها اميرة فعلا
عمر :انا كدا شكلي هغلي الخروجة
لينا ضحكت:لا ولله بكاش يا روحي يلا بقا لاحسن نتاخر عليهم
عمر :يلا يا روحي
________________
تقي و سليم كانو قاعدين في مطعم علي البحر جميل جدا و شيك
سليم :تقي تحبي ترقصي
تقي:اوك مفيش مانع
رقصت تقي مع سليم سلو و عينيها ايجت في عينه كانت أول مرة تبص في عينيه و تسرح فيهم و هو كمان كانت فرحانة جدا أنها معاه كل مرة بتكون معاه بتحس بسعادة كبيرة لكن في لحظة بعدت عنه و اخدت شنطتها بدون اي سبب و خرجت من المطعم
______________
حبيبة :يوووه اللاب مهنج كدا ليه اما اشوف اللاب بتاع هاجر
دخلت حبيبة اوضة هاجر و كانت هاجر في الحمام بتاخد شاور اخدت اللاب بتاعها و هي بتشيله
( موبايل هاجر بيرن … رقم غريب )
حبيبة أخدت الموبايل وردت تشوف مين …
وليد : مساء النور لعيون قمري …
( حبيبة فضلت ساكته مردتش … بتفكر ان الرقم غلط )
وليد : ايه يا جوجو ياحبيبتي .. مفيش مساء النور ل وليد حبيبك؟ ؟؟؟
حبيبة قفلت السكه في وش وليد .. وصرخت على هاجر
____________________
سليم:تقي ممكن افهم اللي حصل
تقي :سليم انا عايزة امشي
سليم :ممكن افهم ايه بقا
تقي :فيه ان مش هينفع
سليم :مش هينفع ايه بالظبط
تقي :مش هينفع اكون معاك وانا كدا وانا بحبك
_________
عمر : مالك يا قلبى ساكتة ليه
لينا : ولا حاجة مش عارفة اقول ايه
عمر : قولى اى حاجة
لينا : مفيش حاجة أقولها
عمر : لينا
لينا : نعم
عمر : بحبك ااوى
لينا بكسوف : احم احم و انا كمان
عمر : و انتى كمان ايه
لينا : و انا كمان يعنى بحبك
عمر ضحك : ايوة بقى ما تيجى نخلع من الخروجة دى
لينا : عمر اتلم و ركز فى السواقة عشان مضربكش مااشى
عمر : و أهون عليكي
لينا : طبعا متهونش عليا يا قلبى
عمر غمزلها: ما قولنا نخلع من الخروجة دى بقا
لينا : انت مش ناوى تلم نفسك بقى صح
عمر : لا
لينا ضربته على كتفه جامد
عمر : ااه ايديك تقيلة يا بت انتى ااه
لينا : تستاهل عشان تلم نفسك و تبطل قلة أدب و معاكسة فى بنات الناس
عمر : بنات ناس مين و معاكسة ايه انتى خطيبتي يا هبلة
لينا : طيب اسكت بقى
عمر : أيوة بقى الناس المكسوفة دى
لينا : عمر
عمر : حاضر حاضر هركز فى السواقة اهو
لينا :و سيب ايدي مش هطير
عمر قبل ايديها في اللحظة دي لينا مسكت ايد عمر جامد
عمر بقلق : في ايه يا لولي
لينا : قلبي وجعنى اووي
عمر : ليه بس كده
لينا : معرفش اااه يا عمر الحقنى
عمر : طب نروح البيت ولا ايه
لينا : مش عارفه قلبي وجعنى اووي
لينا من الوجع بدأت تعيط
عمى : لينا في ايه متقلقنيش عليكي
و فجأة عمر وقف العربية فجأة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بداية حياتي معاك)
