رواية بداية جديدة الجزء الثاني الفصل السابع 7 بقلم إسراء ابراهيم
رواية بداية جديدة الجزء الثاني الجزء السابع
رواية بداية جديدة الجزء الثاني البارت السابع
رواية بداية جديدة الجزء الثاني الحلقة السابعة
بليل
يوسف كان برا ولسه بيفتح باب الشقة سمع صوت صريخ ليلي
يوسف دخل لقاها مرمية علي الارض: في اي يا ليلي
ليلي وهي بتتكلم بالعافية: جالي الطلق بولد الحقني واغمي عليها
يوسف شالها واخدها علي المستشفي
في المستشفي
يوسف: دكتور عايز دكتور حالا
وفعلا جه دكتور واخدوا ليلي علي اوضه العمليات
بعد شوية كان يوسف قدام اوضة العمليات ومروان اتصل بيه
مروان: في اي يا يوسف ليلي كويسة
يوسف: انا في المستشفي ليلي بتولد
مروان: طب انهي مستشفي ابعتلي اللوكيشين
يوسف: حاضر
بعد شوية
الدكتور خرج
جومانا: اي يا دكتور ليلي كويسة
الدكتور: احنا دخلنا البيبي الحضانه علشان اتولد في الشهر السابع وحاله المدام مش مستقرة
يوسف: طب ينفع ادخلها
الدكتور: اه اتفضل بس خمس دقايق بس
في اوضه ليلي
ليلي كانت لسه تحت تاثير البنج ولسه مفاقتش
يوسف باس راسها ومسك ايديها: انا اسف يا ليلي علي كل اللي عملتوا فيكي بس انا دلوقتي حبيتك ونفسي تنسي كل ده
فلاش باك
من اسبوع
في الجامعة
يوسف كان بيتخانق واتخبط خابطه جامدة في دماغه واغمي عليه
عند الدكتور
كان يوسف فاق والدكتور خيط له ست غرز في دماغه
احمد: يوسف انت كويس هما فين ولاد**** اللي عملوا فيك كده قولي اسماهم بس وانا اجبهم من قفاهم
يوسف: احمد مش فايقلك دلوقتي انا دماغي وجعاني اوي
وفجاءة يوسف تنح وكانه شايف حاجه قدامه
احمد: يوسف انت كويس في اي متنح كده ليه
يوسف: احمد انا افتكرت انا اتجوزت ليلي ليه
احمد: طب اهدي يا يوسف انت افتكرت اي
يوسف: افتكرت كل حاجه يا احمد هو انا فعلا عملت كده في ليلي
احمد: بس انت مكنتش في وعيك
يوسف: مكنتش في وعي!! لا طمنتني يجدع ده ليلي لما بقرب منها بتترعش وانا فاقد الذاكرة امال لو عرفت انها رجعتلي
احمد: في اي يا يوسف وانت من امتي بتفرق معاك ليلي
يوسف: مش عارف بس كل اللي اعرفه اني مش هاين عليا كسرتها
احمد: مش فاهمك بس خلاص خبي عليها
يوسف: عندك حق تولد بس وانا هبقي اقولها
باك#
يوسف طلع من اوضة ليلي
ملك: هي ليلي كويسة يا يوسف
يوسف: لسه مفاقتش
ملك بانهيار: ليه ليه يا يوسف مفاقتش
يوسف: مش هي ولدت في السابع علشان كده
جومانا: سارة خدي ملك وانزلوا اقعدوا في الكافتيريا
يوسف: وانزل انت كمان يا احمد انت وعمر تعبتوا معايا النهاردة تسلموا
احمد: بس ياض مفيش بينا الكلام ده
عمر: ربنا يقومها بالسلامة يا جو
بعد مرور اسبوعين
كانت ليلي حالتها اتحسنت وخرجت من المستشفي هي وبنتها لانا
في مطعم******
ملك: اي لا مستحيل اكذب علي ليلي
احمد: مش كذب انتي ليه مش قادرة تفهمي هو بيحبها ومش عايز يخسرها وهيعوضها عن كل ده
ملك: يعني اي يعني بيحبها وهو علشان بيحبها هيعمل عليها خطط انت بتستهبل يا احمد انا مستحيل اعمل الكلام ده
احمد: يا بنتي بقول حبها حب هيدمر لو سابته
ملك: فا اي يعني اكدب علي صاحبه عمري ما يدمر وقامت تمشي
احمد مسك ايدها: وانتي فاكرة ليلي هتبقي مرتاحه بعيد عن يوسف
ملك وضربته بالقلم: انت ازاي تمسك ايدي كده وسع ومشيت وسابته
في بيت ليلي
كانت قاعده هي وجومانا بيتكلموا
ليلي: يا جومانا ابوس ايدك انا عايزة اطلق اتصرفوا اديني خلاص ولدت طلقيني بقا
جومانا: انتي مجنونة يا ليلي يا حبيبتي مفيش طلاق مين هيتجوزك بعيلة
ليلي بزعيق: مش مهم اتجوز انا هربي بنتي بنفسي
جومانا: ليلي انهي الكلام في الحوار ده مفيش طلاق يوسف هو قدرك
ليلي: لا انا مش هعيش مع واحد زي ده ده اغتصبني يا جومانا الله واعلم ممكن يعمل فيا اي مره تانيه وهو سكران او مش في وعيوا زي ما بيقول
جومانا: ليلي احنا هنستهبل بقا مش انتي كنتي بتحبيه يا بت ولازقة فيه طول الوقت ومش بعيد اصلا تكوني ساعدتيه يعمل كل ده
ليلي: جومانا انتي بتقولي اي انتي بجد بتشكي في اختك انتي ازاي تقوليلي حاجه زي دي
جومانا بندم علي اللي قالته: ليلي انا…..
ليلي: امشي يا جومانا دلوقتي امشي
جومانا مشيت
ليلي قعدت علي الارض: بجد انا رخيصه في عينهم للدرجادي وفجاءة بنتها بدات تعيط
ليلي: اسكتي بقا بس بس مش عايزة اسمع صوتك انا بكرهك بكرهك اه كان نفسي يبقي عندي بنت من يوسف بس مش بالطريقة دي انا بكرهك
ليلي من غير وعي قامت علي المطبخ ودموعها في عنيها وتقريبا مش شايفة حاجه ومسكت السكينه وقطعت شراينها ووقعت علي الارض
عند ملك
كانت ماشية بالعربية مش عارفة هي رايحه فين وكلام احمد بيرن في دماغها واتصلت بسارة وحكتلها كل حاجه
ملك: انا هقول لليلي يا سارة انا مش هكدب علي صاحبه عمري واعمل خطك عليها
سارة: يا بنتي احنا بس هنساعدة يعترف لليلي بحيه مش اكتر اي الخطط في كده وانتي عارفة ان ليلي بتحبه اصلا
ملك: شكلك نسيتي انه اغتصبها
سارة: يوه يا ليلي ما مكنش في وعيوا
ملك: انتي بداتي تتكلمي زيهم بقولك اي اقفلي انا هقول لليلي يعني هقول لليلي انا غلطانه اصلا اني كلمتك
بعد نص ساعه
يوسف كان داخل من باب الشقه
يوسف: ليلي فينك سايبه لانا بتصوت كده ليه انا سامعها من بره
ودخل المطبخ ولقا ليلي واقعه علي الارض وسايحه في دمها
يوسف: يخربيتك انتي عملتي اي
وجري علي الاوضة شال لانا واتصل علي مروان
يوسف: مروان تعالي حالا انت وجومانا ليلي سايحه في دمها ولانا بتصرخ وانا مش عارف اعمل اي تعالوا خدو لانا
مروان: اهدا احنا نازلين ليك حالا
في بيت مروان وجومانا
جومانا: في اي يا مروان
مروان: ليلي سايحه في دمها ولانا بتصرخ ويوسف مش عارف يعمل اي يلا يا جومانا ننزله حالا
(ملحوظه: بيت مروان وجومانا في نفس العمارة اللي فيها بيت ليلي ويوسف)
بعد نص ساعه
في المستشفي
يوسف: دكتور حالا انا عايز دكتور قطعت شراينها
الدكتورة: حطها هنا بسرعه
بعد شويه
قدام الاوضة اللي فيها ليلي
الدكتورة طلعت: الحمدلله لحقناها جت في المستشفي في الوقت المناسب لو كنتم اتاخرتوا شويه كان ممكن تروح مننا بس واضح انها بتمر بفتره صدمات متتالية ياريت تودوها عند اخصائي نفسي
يوسف بلهفه: يعني هي كويسة دلوقتي
الدكتورة: اه الحمدلله
جومانا: طب ينفع ادخلها
الدكتورة: ماشي بس متتعبهاش في الكلام
جومانا: تمام وجريت علي الاوضة
جومانا: بت انتي مجنونة كنت هموت عليكي واخدتها في حضنها
ليلي وبتتكلم بالعافية: مش مصدقة يا جومانا انك بتفكري فيا كده يارتني كنت موت وارتحت
جومانا: بس يا جزنة اللي عايزاه هعملهولك بس اياكي تعملي كده في نفسك تاني
جومانا: بصي بنتك انهارت من العياط
ليلي: ابعديها عني انا مش طيقاها مش طايقة ريحتها حتي
جومانا: حرام عليكي يا ليلي دي زي القمر انتي استحملتي كل ده علشانها
ليلي: ارجوكي يا جومانا مش عايزاها مش طايقها
جومانا: خلاص هخدها عندي كام يوم تكوني هديتي
يوسف دخل عليهم: انا اتكلمت مع الدكتورة وقالتلي ينفع تخرجي النهاردة بس راحه تامه بقا ممكن اودي البنت عند ماما علشان ترتاحي
جومانا: لا انا هخدها عندي متقلقش نفسك
في الشركة اللي بيشتغل فيها عمر
عمر: فاطمة بقولك
فاطمة: اي يا عمر عايز حاجه
عمر: ما تيجي اعزمك علي العشاء بليل
فاطمة: اي ده ليه
عمر: عادي عايز اتكلم معاكي في كام موضوع بخصوصنا
فاطمة: بخصوصنا!! مش فاهمه عايز اي يعني
عمر: بصراحه يا فاطمة انا معجب بيكي وكنت عاوز…..
فاطمة: لا يا عمر انا معتبراك زي اخويا ارجوك متبوظش الاخوة اللي بينا بالكلام ده ومشيت وسابته
فاطمة في سرها: اسفه يا عمر بس انا مش قادرة انسي اللي بابا كان بيعملوا فيا انا وماما
عند سارة وملك
سارة: يا ملك صدقيني ليلي قربها من يوسف احسن ليها بكتير متنسيش ليلي دلوقتي عندها بنت مش بطولها ده الاحسن ليها هي وبنتها فا ليه لا طالما هو بيحبها ده حتي احمد صاحبه اتغير
ملك: لا يا سارة يعني لا
وقاطعهم رنه التلفون وكانت جومانا
ملك: الو يا جومانا عاملة اي
جومانا: ليلي حاولت تنتحر يا ملك
ملك: اي طب هي كويسة انتم في انهي مستشفي
جومانا: خلاص احنا مروحين بس عايزاكم تتكلموا مع ليلي كتير مش هستحمل تعمل كده في نفسها تاني خليكم معاها علطول انتي وسارة
ملك: حاضر
جومانا: سلام
سارة: ااي في اي يا ملك
ملك واتصلت باحمد: احمد تعالي علي مطعم*****بسرعة
عند ليلي ويوسف
يوسف: عملتي في نفسك كده ليه يا ليلي طب وانا وبنتك
ليلي: لارد
يوسف: ممكن توعديني متعمليش في نفسك كده تاني طيب
ليلي: لارد
يوسف: طب هسيبك ترتاحي دلوقتي
عند سارة وملك واحمد
ملك: جماعة ليلي حاولت تنتحر قولولي اعمل اي علشان متحاولش تعمل في نفسها كده تاني
سارة: اي حاولت تنتحر ده ليه
ملك: مش وقته احمد قولي اي حاجه نعملها
احمد: احنا ممكن ننظم سفريه ونطلع معاهم حتي علشان ليلي توافق والبحر والهواء هيهدوا ليلي شويه
سارة: اتفق مع الكلام ده
ملك: طب يلا بينا
سارة واحمد في صوت واحد: علي فين
ملك: عند ليلي ويوسف نقولهم
عند جومانا ومروان
جومانا كانت بتلاعب لانا: اي الحلاوة دي بسم الله ما شاء الله
لانا كانت بتضحك بصوت عالي
جومانا: يا روحي حبك والله انتي حلوه مين هيشرب اللبن الحلو ده مين لولي الشطورة
مروان كان واقف وشايفهم من بعيد: جومانا انا موافق نتبني طفل
جومانا: انت متاكد يا مروان
مروان: اه
جومانا ونطت في حضن مروان: يا حبيبي بحبك اوي يا مارو
بعد مرور اسبوعين
كانو ليلي ويوسف وملك وسارة واحمد وعمر سافروا الغردقة
ملك: ليلي ما تيجي نتمشي انا وانتي ونرغي شويه علي الشط
ليلي: بس الوقت اتاخر انا عايزة انام
ملك: اي يا بت الكئابه دي ده دلوقتي احسن وقت يلا قدامي
وفعلا نزلوا يتمشوا
عند احمد ويوسف
احمد: تمام كده ملك اخدت ليلي ونزلوا يتمشوا روح انت بقا جهز المفاجاة
يوسف: تسلم يا اخويا
عند ملك وليلي
ملك: تفتكري هيجي اليوم اللي تسامحي يوسف فيه
ليلي: مش عارفة انتي عارفة المشكلة فين
ملك: فين
ليلي: اني لسه بحبه بعد كل ده ومن جوا بجبله اعذار لكل اللي عمله بس مش قادرة اتقبل الفكرة اننا اتجوزنا مجبورين علي بعض انا بخاف منه اوي
مازن من وراهم: بتخافي من مين يا وزة ما تيجي انا امحيلك كل الخوف
ملك: انت مجنون ياد انت ولسه هتضربه وليد مسك ايديها
وليد: اموت فيك يا شرس
وليد قرب من ملك ومسكها جامد وبدا يلمس جسمها: اي الحلاوة دي يبت
ملك ضربت وليد بالطوبة وحاولت تشد ليلي ويجروا بس ليلي كانت واقفه متجمدة فملك اضطرت تجري وتسيبها
مازن وبيقرب من ليلي: اي يا خلو واقف متجمد كده ليه
عند يوسف واحمد وعمر
يوسف: بس كده كل حاجه جاهزة فستان الاستاذة ليلي والعشاء علي البحر والدنيا كده روقان
احمد: كده فل الفل يا صاحبي مالك ياض يا عمر
عمر: لا ولا حاجه مفيش مشاكل الشغل بس
احمد لسه هيرد دخلت ملك عليهم
ملك: الحقوا ليلي ابوس ايدك الحقها يا يوسف ليلي لو حصل فيها كده تاني هتموت نفسها فعلا
احمد: في اي يا بنتي براحه فهمينا
ملك: كنا ماشين انا وليلي وفي اتنين طلعوا علينا وبداو يقولوا كلام وحش ويلمسونا بايديهم الزبالة وانا ضربته بالطوبة وحاولت اسحب ليلي بس كانت متجمدة في الارض فجيت علي هنا الحقوها
يوسف: طب تعالي معانا حالا ورينا المكان
ملك فعلا اخدتهم
يوسف مسك مازن وفضل يضرب فيه بغل واحمد مسك وليد وبداوا يضربوا في بعض
بعد شويه
في الاوتيل
في اوضة يوسف وليلي
يوسف: ليلي انتي كويسة
يوسف: متخافيش من حاجه طول ما انا جمبك
ليلي بزعيق: كفاااااية كفاااااية بقا……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بداية جديدة الجزء الثاني)
