رواية بائعة الورد الفصل الثامن 8 بقلم إسراء محمد

شمس :صباح الخير

زين :صباح النور يالا قومي عشان تفطري

شمس :حاضر وهدخل الحمام وهطلع ونفطر سوا

زين :اوك

شمس طلعت وقعدوا فطروا وزين بيلبس ورايح علي شركته وقالها :حبيبي انا هروح الشغل متخافيش والخدامه معاكي وانا مش هتاخر

شمس بزعل ‘ماشي بس مش تتأخر

زين :علي عيني ي روحي باي

شمس :باي

زين راح علي شركته واشتغل واليوم عدي حلو وروح البيت لقاا شمس قاعده مستنياه

شمس :اخيرا جيت كنت قاعده زهقانه اوي

زين :معلش ي حبيبتي ده شغلي ولازم تتعودي علي كده

شمس :زين احكيلي عن نفسك انا معرفش غير اسمك بس حتي معرفتوش الا بعد ماتجوزنا????????

زين بسرحان فأول مره اسمه يطلع حلو كده قال: قوليلي تاني زين اول مره اعرف اني اسمي حلو كده

شمس بخجل : يالا بقاا ي زين احكيلي عن نفسك

زين:حاضر ي ستي هحكيلك انا عندي 24سنه رجل اعمال مشهور وغني اوي مسميني اصغر ملياردير وحكالهاعن نفسه وعن كل حاجه تخصه حتي قالها علي عقدته واي ال خلاه قاسي وخاصه مع النساء بس هو جواه طيب قالها علي عقدته بسبب مرات ابوه فنعم هو كان قاسي بس هي طلعت الحنيه اللي جواه وغيرته لشخص تاني مبقاش عارف حاجه عن القسوه وطلعت الحنيه اللي جواه اللي هي مطلعتش غير ليها اصلا وهي اللي طلعتها وطلعت الشخص الطيب الحنون اللي فيه بس طبعا محكلهاش عن أسر صاحبه وعن اللي عمله في ومحكلهاش اي حاجه تخص المافيا محبش يخوفها يعني

زين :احكيلي بقاا انتي عن نفسك

شمس بحزن:احكيلك اي ولا اي

زين حس بوجع فقلبه

شمس :انا عندي ١٦سنه وماما ماتت وانا صغيره وعايشه مع بابا طول عمره بيضربني لدرجه اني جسمي كان بيبوظ زي مانا ورتلك علامات الضرب وكان بيخليني انزل ابيع ورد ومناديل فالاشارات وكنت بروح همدانه مكنش بيحس بيا وكان بيخليني انام علي الارض زي ماقولتلك وكنت بشتغل فالمطعم بسببه بسبب أنه حارمني من كل حاجه وانا كان نفسي ف حاجات كتير اوي من ضمنهم اني اشتري فستان زي ماكنت بشوف صحابي بيلبسوا ده كله وانا بنزل برضوا فالاشارات وبلف علي رجلي وفالاخر حتي بعد التعب ده كله وكنت بروح مهدوده مش قادره وكنت بنام علي الارض مع الشغل طول اليوم ضهري ده كان بيوجعني اوي والله فالاخر كنت باخد فلوس قليله وكمان بعد ما اشتريت الفستان هو قطعهولي بعد ماكنت بحوش فتره عشان أجيبوا وتعبت ده كله عشان اجيبه واجيب اللي نفسي في فالاخر قطعهولي خيب املي ف كل حاجه مبقاش عندي اي امل هدومي كانت بتبقي مقطعه وصحابي بيتريقوا عليا وعلي شكلي وعلي لبسي وكانوا بيقرفوا مني كان ببقي نفسي اكل الاكل اللي انا بشوفوا فالتلفزيون وبشوفوا معاهم وهما ميرضوش ويذلوني ويروحوا يرموا فالزباله ويقول لي روحي كليه من الزباله كان ساعات بيحرمني من الاكل اصلا ويضربني ويقولي مش هتاكلي حتي الاكل ال انا كنت باكلوا كل يوم هو هو الاكل وكنت بأكله غصب عني من الجوع والأكل اللي كان بيسندني كان بيحرمني منه تمام كنت بقعد بالايام ماكلش خالص عارف ساعات كانت باكل من الزباله فالشارع بواقي الاكل (متستغربوش أو تقولوا اني مافوره بس حقيقي فعلا ف كده وف ناس كده ????)

حتي المدرسه طلعني منها خالص كنت بشوف الأمهات والابهات مع يعالهم بيحضنوهم كان بيصعب عليا نفسي ماما ميته وبابا عمره ماكان حنين معايا ولما صحابي كانوا بيتعاملوا معايا كده كان بيصعب عليا نفسي كل اللي كان بيحصل معايا كان بيصعب عليا نفسي اوي عمره ما طبطب عليا ولا حن عليا ولا حسسني بحنيته ولا حسسني أنه ابويا حتي الحنيه وإحساس الابوه اني احس أنه ابويا وانا بنته حرمني منه كنت بطبطب علي نفسي وبحضن نفسي و كنت بقعد اتكلم مع ربنا عشان مكنش في حد جنبي مفيش حد معايا محدش حاسس بيا قالت ده كله بدموع وحزن وكسره

زين بدموع :قلبه كان بيتقطع عليها وحضنها جامد وطبطب عليها وهي عيطت بعزم ماعندها وطلعت كل اللي جواها وهي حاضنها جامد وبيطبطب عليها وبيقولها عيطي ي حبيبتي طلعي كل اللي جواكي وبعد فتره كانت طلعت من حضنه وقالتله اول مره حد يحضني كده وياخدني ف حضنه ويطبطب عليا

زين قلبه وجعه قالها :انا هعوضك عن كل حاجه وحشه انتي عشتيها ومش هسمح انك تتوجعي تاني ابدا

شمس حضنته وبعد كده نامت زين جاله مكالمه قام خرج يتكلم بره

مجهول:………………

زين :اييييييه…………????????