رواية بئر كندراش الفصل الثالث 3 بقلم نورهان إسلام
رواية بئر كندراش الجزء الثالث
رواية بئر كندراش البارت الثالث
رواية بئر كندراش الحلقة الثالثة
ادم وصل وعلى وشه علامات الخوف وقال:انا حاولت الف حولين قصر الملك .. لكن ملقتش اى حاجه تدل على ان فيه اى حدث مثير حصل .. الحراس واقفين زى ما هما .. وانا حاولت مطولش لحد يشك فيا
نجمه:ينفع انا اروح
ادم: انتى الوحيده اللى مينفعش تروحى .. انتى مش شايفه وشك ..
ماندريانا: هتقعد فين نجمه؟
ادم: وانا مالى .. انا ما صدقت عرفت اعمل كوخ لنفسي
ماندريانا: مش هتعرف تعيش معانا.. انت. مشابه ليها شويه.. خليها قاعده معاك
ادم بضيق:طيب ..
ماندريانا: انا همشي دلوقتى
____________________
ادم قاعد. وماسك خشبه وبيشكل فيها .. ونجمه قاعده متوتره ومش عارفه تعمل ايه فقالت: ماندريانا قالتلى انك كنت من القريه
للحظه وقف ادم عن اللى هو بيعمله بصلها وبعدين بص للشجره وكمل وقال:اه .. كنت فعلا
الفضول اخدها فقالت بتلقائيه : وجيت هنا ازاى؟
ادم بصلها وقال: موضوع طويل
نجمه: ممكن اساعدك ؟؟
ادم: ولعى النار فى الحطب اللى هناك ده..
نجمه راحت. وقعدت تدور على كبريت و ولاعه ملقتش فقالت بسؤال: هو مفيش هنا كبريت او ولاعه؟
ادم سمع كبريت و ولاعه وقعد يضحك وهو بيقول: يااااه .. كبريت و ولاعه .. انتى عارفه انا مشفتش الحاجات ديه من امتى .. من ١٧ سنه قبل ما اجى هنا .. كبريت و ولاعه …
نجمه: انت ابن مين فى القرية؟
ادم: توفيق الزناتى
نجمه بحزن: عمو توفيق الله يرحمه
ادم وقف تانى اللى كان بيعمله وقام من مكانه وهو بيقول بحزن واضح فى عينه: هو مات؟
نجمه بحزن:اه .. م.. من سنتين
ادم غمض عينه بحزن وهو بيقول: كان نفسى اشوفه
نجمه: كانوا بيقولوا انه دور عليك لحد ما شعره شاب .. ناس قالت انه مات من الحسره على فراقك.. و..
ادم:.. انتى جيتى بنفسك!! صح
اتوترت ودموعى بانت فى عينى مهما حاولت اخبيها .. مقدرتش اقول اى حاجه .. لكن دموعى نزلت … قرب منى بورق شجر .. بس طرى زى المناديل وقالى: امسحى دموعك ..
مسكتها ومسحت دموعى وهو قال: يبقى توقعى صح .. انتى نطيتى هنا
هزيت راسي ولسه دموعى نازله وقولت: كنت نازله البير بارداتى لحد ما سمعت اذان الفجر .. استغربت للى كنت هعمله فى نفسي بس وانا راجعه شوفت مجموعة كلاب واقفه تحت البير .. خوفت ورجعت خطوة لورا .. ومكنتش متخيلة ان الخطوه ديه هتكون لهنا
قال: انا من القريه زى ما انتى عارفه .. لكن منطتش زيك بإرادتى او موقعتش غصب عنى زى ما حكيتي .. انا اترميت
الدهشه والاستغراب زادوا فى عينى وهو كمل. وهو بيقول: انا. كنت عايش مع امى وابويا .. لكن امى بعد ما ولدتنى ب ٥سنين ماتت .. وابويا اتجوز واحده فى الاول كانت بتهتم بيا .. وبعد ما خلفت. بقت تتعصب منى على اقل غلطه اعملها. لحد ما فى يوم وانا نايم. اخدتنى وحدفتنى هنا بدون رحمه .. وبعدين معرفش حصل ايه كنت طفل عنده ٩سنين حياتى ماشيه عادى لحد ما صحيت ولقيت نفسي هنا . حاولت اتعايش مع الأمر .. واهو زى ما انتى شايفه
نزلت نجمه راسها بحزن ومتكلمتش .. .
ادم بصلها وفهم هى هتقول ايه. وهو بيقول:كان نفسي ارجعله … حاولت كتير .. بس معرفتش ..
نجمه: محدش بياخد كل حاجه .. انا مثلا .. حققت حلم بابا واشتغلت فى شركة كبيره واخويا بئا رائد فى القوات الخاصه لكن الدنيا مش بتنصف حد .. ومحدش بياخد منها كل حاجه
ادم: عندك حق .. يس انا ملحقتش اخد منها حاجه .. علشان هى تاخد منى ..
وبعدين كمل بحزن وقال
ادم: زمان كانوا بيحذروا اى حد أنه يقرب للبير .. لاعتقادهم ان اللى بينزل تحت مش بيطلع..
نجمه سكتت وكذلك ادم .. ادم حاول يبدا حوار م تانى وقال:نفسك ترجعى القرية؟
نجمه وهى باصه فى الفراغ: تؤ
ادم باستغراب:ليه؟
نجمه: قولتلك الدنيا مش بتدى لحد كل حاجه ..
ادم:تقدرى تعيشى معايا هنا ممكن اقسم الكوخ ده ما بينا .. مع انى لسه بانيه من. سنه
نجمه:انتوا بتعيشوا هنا ازاى .. وبتاكلوا ازاى … بتعملوا ايه .. بتشتغلوا ايه ..
ادم: اهدى الاول وانا هقولك كل حاجه
اولا .. احنا مش بنموت هنا .. الا. بقطع الراس …وبيكون بامر الإمبراطور
والاكل بيكون محدود على حسب الفرد .. لازم تسجلى فى ارض كندراش ….
نجمه اول ما سمعت سيرة كندراش. عيونها لمعت وافتكرت كل ذكرايتها زمان وقالت: نفسي ارجع لو معاهم.
ادم: متبنيش لنفسك امل ممكن يتهد قدامك وساعتها هترجعى لنقطة الصفر من تانى
نجمه: الارض ديه اتعملت ازاى .. يعنى مين اسسها مين بناها .. فيه اساطير كتير بتتكلم عنها فى القرية .. بس بعد اللى شوفته هنا .. معتقدش ان الأساطير ديه حقيقيه
ادم: سمعت من ساكني الارض الاصليين .. ان لما الساحر كندراش نط فى البير .. الجن اللى كانوا معاه هما اللى اسسوا الارض ديه. .. وعملوا تهجين بين صفات البشر وصفات الجن .. من حيث الشكل .. لكن اختلفوا معاه على شي فحكموا الارض ديه .. اليوم هنا بنص يوم الارض . فمع شروق شمس جديد على ارضنا .. بيكون عدى ١٢ ساعه فى الارض.. .. يعنى اليوم هنا ١٢ ساعه مش ٢٤ ساعه
نجمه: عايزه اتعلم لغة اراسي ..
ادم: لازم تثبتى الاول انك من اهل كندراش .. الساحر قبل ما يموت او يتقتل من الجن .. عمل تعويذه ان اللى يدخل الارض يتهجن .. ويكون نصه جن ونصه انس .. زى الحال اللى عليكى دلوقتى .. ولو حابه تتعلمى لغة اراسي هتتعبى جامد
نجمه:عايزه اتعب …. عايزه انسي اللى حصل
ادم بشك : بس اللى حصل مش هيتنسي يا نجمه
وبعدين بص فى عينها وقال .. ولا نقول قمر!!
نجمه بصتله بصدمه وقالت: لسه عندك شك فى كلامى انى نجمه!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بئر كندراش)
