رواية ايسل الفصل الأول 1 بقلم شيماء ناصر

رواية ايسل الجزء الأول

رواية ايسل البارت الأول

رواية ايسل الحلقة الأولى

انا بطلب ايد ايسل لي خالد ابني هاا نقول مبروك
=كلامك علي راسي ياخويا انا معنديش مانع بس ناخد راي البنت الاول
قدام معندكش مانع وانت موافق يبق نقرا الفاتحه هي ايسل هتلاقي زي ابن عمها يحبها ويخاف عليها
=معاك حق هو اولاء بيها من الغريب
يبق علي خيرت الله يوم الخميس هاجي واجيب الجماعه ونقرا الفاتحه
=ان شاء الله
مبروك عليك
=الله يبارك فيك وعلى خير ان شاء
يلا امشي انا بقي عشان مصالحي والناس لوحدها في الشغل
=طيب
نتجمع يوم الخميس باذن الله سلام عليكم
=وعليكم السلام ورحمة الله
بعد ما مشي قعد وبدا يفكر ويعيد الكلام في عقله ويقول لنفسه….
طب والله معاه حق بدل ما اجوز بنتي وتطمرمط وانا بشوف حالات الطلاق الي ملت البلد وكل واحده بتبق معاها عيل ومن غير سند ليها انا كده ضمنت لي فيروز انها هتعيش مطمنه وخالد كويس برضو مش محتاج اسال عليه
قطعت تفكيره صوت أية: هو ابو خالد مشي ولا اي؟
=اه مشي
طب والعصير الي حضرته ده انا جهزت الاكل فكرته هياكل معانا
=سيبك من العصير دلوقتي واقعدي عايزك في موضوع
أية بستفسار: خير ان شاء الله موضوع اي؟
=اسلام كان جاي يطلب ايد ايسل لي خالد
أية بفرحه: بجد وانت قولتله اي
=هيجي يوم الخميس يقرو فاتحه
أية:بس انا شايفه ان ايسل لسه صغيره علي الجواز
=لا طبعا البت ٢٢سنه صغيره اي بق وبعدين احنا بنجهزها لي مش علشان نجوزها ولا هنقعدها جنبنا
أية: مسيره هيجي اليوم الي تتجوز فيه
=بس اديكي قولتيها اندهالي علشان اعرفها
أية: حاضر
راحت وقفت علي السلالم وبتنده عليها وهي كانت في الدور التالت بتغسل المواعين
#بقلم_شيماء_ناصر
ايسل بانتباه: لي حاسه اني سمعت حد بينده عليا…. ركزت شويه في الصوت
أية: بت ياايسل
ايسل سابت الي في اديها وطفت الاغاني:يالهوي ماما…. نعم ياماما
أية:انزلي كلمي ابوكي عايزك
ايسل: حاضر اهو نازله….. انا كل شويه انزل واطلع تعبت لي مفيش اسانسير ياربي….. نعم يابابا اعمل قهوة
جمال: مش دلوقتي تعال اقعدي عشان عايزك
ايسل قعدت: في اي يابابا
جمال بسعادة:يوم الخميس قرايت فتحتك علي ابن عمك
ايسل ابتسامتها اتغيرت:بس انا مش عاوزه يابابا
جمال: انا مش باخد رايك انا بعرفك بس الي هيحصل ولو لفيت مش هلاقي زي خالد شاب كويس وشغال في بنك وعنده شقه وعربيه وراجل يعتمد عليه انا مش هجوزك لي اي حد كده وخلاص
ايسل: وانا مش حابه اتجوز انا كنت بفكر يعني اني ارجع اكمل تعليمي واروح الكليه
جمال:مفيش مرواح في حتة انتي كده كويسه وتمام قوي وبعدين انتي مش هتتجوزي دلوقتي لسه هيبق في فتره خطوبه تتعرفو علي بعض اكتر
أية: خالد مش عاجبك ولا اي
ايسل:انا وهو منشبهش بعض خالص
جمال: من الاخر انا مش هلاقي جوازه احسن من دي ليكي دي مناسبه ليكي يلا روحي شوفي كنتي بتعملي اي واعملي القهوة
ايسل قامت من مكانها وطالعت لفوق: هما لي مش مدركين ان انا وهو مننفعش لبعض وبعدين في ورده تبق جنب بركان انا عاوزه اكمل الي مبداتهوش لي بابا مصعب عليا حياتي كده لزم اتصرف