رواية اهتمام مؤقت الفصل الثاني 2 بقلم نوران أحمد
رواية اهتمام مؤقت الجزء الثاني
رواية اهتمام مؤقت البارت الثاني
رواية اهتمام مؤقت الحلقة الثانية
طلب العميل لاتيه واستاذن يعمل مكالمه
كان جاسر بيبص في المنيو وابتسم وهو بيرفع رأسه يقول طلبه وفجاه اتحولت تعابير وشه للغضب وقال بعصبيه : انتي بتعملي اي هنا
اتصدمت رنا وبصتله بخوف شديد من ملامح وشه وقالت بتوتر : انا انا
مكملتش كلامها قام فجاه شال المريله اللي كانت لابسها ورماها علي الارض وسحبها بعصبيه قدام الكل ودخلها عربيته اللي كانت اول مره تشوفها دخلها بعنف ورزع الباب بعصبيه وبدأ يسوق بسرعه كبيره
أما هي ف كانت خايفه جدا لدرجه انها كانت سامعه دقات قلبها ومغمضه عينيها وقف فجاه ونزل بسرعه كل ده وهي لسه بتستوعب تفتح عينيها لقته بيشدها سحبها وراه ودخلها البيت وهو بيتكلم بعصبيه
جاسر بغضب : انتي مش قولتي انك هتكوني في الجامعه
كانت واقفه بترتجف ومش قادره تتكلم
قرب جاسر منها وهو بيجز علي اسنانه وبيضغط علي ايديها : بتكدبي عليا يا رنا ما تنطقي
قال اخر جمله ليها بصوت عالي هز المكان
بصتله وبدأت دموعها تظهر علي عيونها وهي بتبلع ريقها بصعوبه وبدأت تتكلم بين دموعها
رنا : انا انا ب بشتتغل ده ده مش مش عيب وو ولا حرام م من ح حقي ا اخد ا اجر ت تعبي م مش ب بالسهوله د دي ا اسمع ك كلامك
جاسر بعصبيه : كان ممكن تقولي كدا بكل بسهوله مكنش في داعي انك تكذبي ممكن اتحمل اي حاجه الا الكذب انتي فاهمه
رنا بدموع وخوف وهي بتبعده عنها : انت انت احرجتني قدام ال الكل
جاسر : لكل فعل رده فعل اوعي تفتكري اللي عملتيه ده هيعدي كدا عقابك لسه جاي
خرج وقفل الباب وراه بعنف وهي جريت علي اوضتها وفضلت تعيط لحد ما رن الفون
رنا : ا ا الو
جنا : مالك يا مزه مين منزعلك
بدات رنا تحكي اللي حصل
رنا : انا بقيت خ خايفه منه ا اوي ا اقدر اتحمل قله ادب ابن عم سلامه الشمام وسخافه الواد البارد ده اللي في الجامعه وقله ضمير الدكتور الا اني اتهان بالطريقه دي ك كمان د ده لو ع عرف اني كذبت ومقولتش اني مش بنت عمته هيعمل اي انا خايفه من كل حاجه حواليا
جنا : يا قلبي أهدي بس كل حاجه هتعدي وتكون كويسه متخافيش هو عمل كدا من خوفه عليكي
رنا : كل اللي عمله مبالغ فيه انا خايفه منه
جنا : اكيد عنده أسبابه سيبك انتي تعالي احكيلك حصل اي النهار ده قابلت قره عيني
بدات جنا تحكي لرنا
رنا : هههههههههه يخربيتك يا بنت المجانين اي الهبل اللي عملتيه ده
جنا : اعمل اي انا عايزه اتجوز بقا كفايه كدا
★★★★★★★★★★★★★★★★★★★★★
وصل جاسر عند حازم وكان باين عليه الغضب
حازم : مالك يا ابني
حكي جاسر كل حاجه
حازم : غلطان يا جاسر مكنش ينفع تعمل كدا
جاسر : انا متضايق من نفسي انت مشوفتش نظره الخوف اللي كانت بتبصلي بيها بدل ما اكون الامان بقيت الخوف اول ما مسكتها رعشه جسمها وصلتلي من خوفها
حازم : انت في غضبك ترعب اجدعها راجل ما بالك هي بقا
جاسر : مكنش ينفع تكذب
حازم : لسه متعرفكش يا جاسر قرب منها اكتر أخرج معاها صاحبها فهمها انت مين روحلها يا عم متسبهاش خايفه في البيت لوحدها بالشكل ده روح
غمض عينه بضيق ومشي
طلع حازم في كافيه مع بنت من اللي يعرفهم
وكانت جنا متضايقه وطلعت تجيب ايس كريم وشافت حازم من بعيد قاعد ما بنت جميله وبيضحك اتعصبت ودخلت بسرعه عليه بصلها باستغراب وقفت قدامه
حازم : يا نعم
بصتله جنا وهي ضما شفايفها زي الاطفال بضيق وضربته قلم سمع المكان كله جنا بضيق : خاين مش عايز اشوفك تاني
وجريت علي بره
وقف حازم مكانه بصدمه وهو مبرق وفمه مفتوح وحاطط أيده علي خده بصتله البنت اللي كانت معاه بضيق وضربته بالقلم علي وشه جامد الناحيه التانيه ومشيت وقف مصدوم وكل الناس اللي في المكان بتبص عليه بقرف
★★★★★★★★★★★★★★★★★★★★★
جنا بضيق : عيل خاين خلاااااااااص خلااااااااااص يا قره عيني هنساك وهعيش علي ذكراك
ابو جنا : ما تبس يا بت الكلب هو مين هيبص في خلقتك اصلا ده هله داعيين عليه اللي هياخدك
جنا : عارفه انك مش قادر تستغني عني يا حج
ابو جنا : يا شيخه غوري بقا
وسابها ومشي
جنا : بيحبني موت
★★★★★★★★★★★★★★★★★★★★★
دخل جاسر البيت لقا الضلمه في كل مكان فضل يمشي بهدوء بيدور عليها طلعت وهي بتجري مسكها بسرعه وحضنها عشان يثبتها
رنا بخوف وهي بتصرخ : ابعد عني انت عايز مني اي
جاسر : اهدي اهدي ده انا انتي كويسه
بصتله وحضنته بخوف وهي بتعيط
رنا : كنت خايفه اوي
جاسر : انا معاكي متخافيش
حاسيت لاول مره أن قلبي بيدق لدرجه اني سمعت دقاته شعور غريب اول مره احس بيه
فضل كدا وهو بيحاول يهديها لحد ما النور جه وبعدت عنه بسرعه ودخلت اوضتها
استغرب تصرفها وطلب اكل من بره
جنا : حصل اي تاني
رنا : النور قطع
جنا بضيق : الحيوان ده حاول يتهجم عليكي تاني
رنا : لا بس طلع عطل وحاسه اني لغبط مع جاسر بالكلام
جنا : احكيله الي بيخوفك شكله انسان محترم
رنا : لا مش عايزه حاجه من حد
جنا : هتفضلي طول عمرك حماره
خبط جاسر وهو بينادي عليها الاكل جاهز
جنا : انبي واد عسل هروح بقا عشان تأكلي براحتك سلام
طلعت رنا وهي باصه في الأرض وخايفه قرب جاسر منها ف بعدت بسرعه قرب بهدوء وجاب كرسي وقعدها عليه وبدأ يتكلم
جاسر : يمكن عشت سنين في امريكا بس انا راجل شرقي جدا ولازم اكون مطمن علي أهل بيتي ولما يكدبوا عليا لازم ازعل ولا اي رايك
رنا بهدوء وتوتر : ر رده فعلك كانت مبالغ فيها
جاسر : انا مبقدرش اتحكم في اعصابي وبكره الكذب ف لو سمحتي متجبرينيش اتعامل معاكي بالاسلوب ده تاني رافضه كلامي مش مشكله نتناقش فيه يا اقنعك يا تقنعيني اي جديد اتصلي بيا انا غيرت الخطه بتاعتي وهروح المكان كذا وهرجع في المعاد كذا اتفقنا
رنا بقتناع : اتفقنا
بدأنا ناكل وبدأت أفهمه شويه وحاسيت بشعور غريب انا كنت خايفه منه ومع ذلك اتحاميت فيه وحاسيت في حضنه الهدوء والراحة لالا فوقي يا رنا مستحيل
دخلت نمت وتاني يوم صحاني وفطرت ووصلني الجامعه قابلت جنا وبعد المحاضرات مشيت علي المطعم اخد باقي فلوسي خلصت وروحت علي البيت
★★★★★★★★★★★★★★★★★★★★★
جاسر : حازم روح جيب رنا من الجامعه معلش اتاخرت عليها
حازم : بقولك اي انت شغلتني 100 شغلانه عندك اكون سواق دي جديده
جاسر : اخلص
حازم : حاضر
★★★★★★★★★★★★★★★★★★★★★
كنت مروحه اتاخرت في وصولي للبيت النهار ده وفجاه ندالي شاب وسيم من الجامعه وطلب نتكلم مع بعض في حاجه ضروريه فضطريت اقعد معاه في كافيه الجامعه بدأ يتكلم معايا وفجاه لقيت الولد اللي ضربته جاي ناحيتي وباين عليه الضيق مشيت معاه بسرعه لقدام عشان متفضحش
حازم بضيق : مين اللي قاعده معاه ده
جنا : زي اي بطله روايه محترمه بعد ما بتجري وري البطل كتير وبيعذبها ويسحلها اخيرا لقيت الطبطبه
ولقيت الطبطبه خلاص يا بشر مبقتش سنجوله
مسكها حازم من قفاها : بتقولي اي يا اختي
جنا : يسطا قفايا ميصحش كدا برستيجي قدام الجامعه انت اي اللي جابك هنا اصلا
حازم بضيق : وزعي الواد اللي هناك ده بدل ما اوزعه بطريقتي وهتزعلي
جنا حست بجنونه : لا يا برنس دقيقه
اعتذرت جنا من الشاب وقالتله يكملو كلامهم المره الجايه
ورجعت لحازم
حازم : بقولك اي تعرفي بنت هنا اسمها رنا
جنا : دي صديقتي الصدوق يا ابو العيال اشمعنا
اقرب حازم منها بابتسامه خبث وهو بيغمز : ابو العيال
جنا : بقولك اي اتلم وافهم بين الهزار والجد عايزها ليه بدل ما ابلغ عنك انت جاسوس
حازم : مش ناقصه تخلف خالص دلوقتي هي فين رنا
جنا : روحت
حازم : ازاي الكلام ده
اتصل بجاسر وبلغه
كانت جنا من وراه بتحاول تمشي بس هو مسكها من قفاها
جنا : والله يا برنس ما اقصد متزعلش
حازم : ده انا هطلع عليكي الجديد والقديم قدامي
★★★★★★★★★★★★★★★★★★★★★
اتصل جاسر برنا واعتذرت انها روحت بدري من غير ما تعرفه وهتقوله بعد كدا وهو عرفها أنه هيتاخر في الشغل النهار ده قفلت معاها ودخلت عملت اكل كلت ونامت
صحيت الساعه 7 راحت تتفرج على التليفزيون وفجاه النور قطع والباب خافت وبعد شويه الباب اتفتح حست بالامان
رنا : كويس انك جيت في الوقت ده يا جاسر
…. : يعني الكلام صحيح عايشه مع شاب
حست رنا بالرعب : ككريم اي اللي دخلك
كريم : اغيب كام يوم عنك يا قطه ارجع الاقي واحد عايش معاكي طب مش كنت أنا أولي
صرخت رنا لما مسكها وحاولت تضربه وتجري مقدرتش والناس بره سامعينها بتصرخ بس محدش يقدر يقرب من كريم لانه معروف باجرامه
كريم : صبرت عليكي كتير يا حلوه المرادي مش سايبك
كتفها علي الارض وقرب منها وو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اهتمام مؤقت)
