رواية اهتديت بحبه الفصل الثالث والعشرون 23 بقلم ريم خاطر
رواية اهتديت بحبه الجزء الثالث والعشرون
رواية اهتديت بحبه البارت الثالث والعشرون
رواية اهتديت بحبه الحلقة الثالثة والعشرون
ومره واحده حور حركت ايديها
سمر بلهفه؛حركت ايديها
زين بفرحه:بجد
سمر؛حووور حوووور اصحي يلا وحشتيني اوي اصحي يلا عشان نلعب سوي حووور اصحي يلا يا روووحي فوقي يلا
زين:يلا يا حور يلا عشان نروح الملاهي اصحي يلا يا حببتي يلا فوقي واصحي يلا يا حور يلااا
حور معملنش اي رده فعل تاني
زبن؛هجيب الدكتور وجابه وقاله
الدكتور كشف عليها:هي حاليا بدأت تستوعب شويه بس هي اكيد مش هتفوق علطول محتاجه وقت بس حركتها الحمد لله أدتنا امل أحب اطمنكم هي هتصحي قريب انشاء الله بس استمروا فكلامكوا معاها ومشي
زين وسمر هزوا رأسهم بمعني تمم
سمر:الحمد لله الحمد لله يارب تقوم بالسلامه وفاسرع وقت
زين:انتي طيبه اوي
سمر بكسوف؛شكرا
زين:تعرفي انتي اول واحده تعلي صوتها عليا فالدنيا كلها
سمر رفعت حاجبها:نعم
زين بضحك:أصدي لما زعقتلي قبل ما تمشي مالبيت
سمر وهي بتجز علي سنانها:ما حضرتك استفذتني اوي صراحه
زين رفع حاجبه:نعم ياختي
سمر:هو حضرتك العشم واخدك اوي كده ليه
زين بتكبر مصطنع:العشم مش واخدني ولا حاجه بس دي ثقه الحمد لله
سمر؛والله طاااه
زين باستغراب:ايه
سمر:طاااااه اختصار لطيب يا جا’هل
زين بغلا’سه؛سبنالك العلم ياختي
سمر بنفس الغلا’سه:أنا مش اختك
زين بمحاوله إغاظتها:انتي متطوليش تكوني اختي
سمر بعصبيه؛ميشر’فنيش اصلا اكون اختك
زين بخ’بث:بس يشرفك تكوني ام لبنتي
سمر برقت وقالت:ده فأحلامك
زين ابتسم ببرود:بكره نشوف،،،،،،،،،
💥اللهم صل وسلم وبارك على سيدنا محمد💥
العايله اتلمت واعدوا كلهم حوالين السفره وبياكلوا ومبصوتين وفرحانين وبيهزروا وبيضحكوا سوي ولكن كالعاده مفيش فرحه بتكمل والبوليس دخل
كلهم اتخضوا وقاموا وقفوا وراحوا
سليم:خير يا باشا
الظابط بص لسما وقال:احنا جاين ناخد المدام
كله أنصدم وبصوا لسما اللي خافت ورجعت ورا سليم
سليم باستغراب:ليه
الظابط:معرفش أنا مأمور بكده
سما بخوف:سليم أنا خايفه
سليم:متخافيش أنا معاكي طب هتغير ونيجي وراك
الظابط:لازم اخدها معايا
سليم:طب معلش هي لسه خارجه مالمستشفي ممكن اجبها بعربيتي وممكن حد مالعساكر يركب معانا عادي
الظابط:تمم ماشي بس بسرعه
سليم:تمم سما اطلعي غيري بسرعه
سما طلعت وخديجه وعلا طلعوا معاها
خديجه:متخفيش يا سما انتي معملتيش حاجه
علا:اكيد خير انشاء الله يا حببتي متقلقيش
سما برعب:أنا مرعوبه اوي مش عارفه في ايه
علا؛خير والله متقلقيش
سما:يارب وغيرت ونزلت وركبت العربيه مع سليم ومالك راح وراه هو وخديجه وعلا أعدت مع سيلا وأبو وام سليم،،،،،،،،
💥سبحان الله عدد خلقه ورضا نفسه وزنه عرشه ومداد كلماته💥
ام ام سمر:انت طلعتني ليه ممكن افهم
الظابط:يا امي سبيهم هما محتاجين يكلموا سوي
ام ام سمر:وده ليه انشاء الله هو اصلا ميحللهاش هو مش رافع عليها يمين
الظابط:هو حضرتك عوزه بنتك تطلق يعني
ام ام سمر بجمود:هو اللي طلقها
الظابط:وبيحاول يرجعها انتي ايه مشكلتك
ام ام سمر:هو كرشها أنا هعلمه ازاي يعمل كده
الظابط:انتي غريبه اوي والله
ام ام سمر بصتله ومردتش عليه
ابو وام سمر خرجوا مالغرفه لقوا ام ام سمر أعده مش طايقه نفسها وهتو’لع فيهم كمان شويه
ام ام سمر:حضرتك كنتي بتعملي ايه جوه معاه هو مبقاش يحللك دلوقتي
ام سمر بصتله وابتسمت:أنا هرجع لجوزي يما
امها بصدمه:ايه
الظابط:كنت متأكد ربنا يخليكوا لبعض
امها؛اسكت انت دلوقتي انتي بتقولي ايه يا بنت الهبله انتي انتي اتخبلتي فعقلك ولا ايه
ابو سمر:اهدي يا حماتي
امها:حماه مين وسو’اد مين مفيش حموات بت انتي مفيش رجوع وحقك هيرجعلك علي داير مليم
الظابط:ايه يا حجه ما تهدي النفوس انتي عامله كده ليه
امها:دور حضرتك خلص ممكن تسكت
الظابط بنبره حده:نعم هو عشان بحترمك زي امي تسوئي فيها لاء متنسيش اني ظابط وممكن اسجنك هنا
ام سمر بسرعه:حقك عليا أنا يا حضره الظابط معلش سامحها أنا متنازله عن المحضر وهرجع لجوزي معلش تعبناك معانا
الظابط:عشان خاطرك انتي بس تمم تعالي امضي انك متنازله عالمحضر
امها بعصبيه:لو رجعتيله انسي اني امك فاهمه ومنتش دخلالي بيت تاني
ام سمر بصدمه:انتي بتقولي ايه يما
امها؛اللي سمعتيه
ابو سمر:ده بدل ما تفرحي أن بنتك بيتها مش هيتخ’رب
امها:متكلمش انت فاهم
ام سمر:انتي لي مش عوزاني ارجع لجوزي المفروض تفرحيلي
امها:لاء مش المفروض افرحلك المفروض أن يعرف أن بنات الناس مش لعبه وأنه مش من حقه يكرشك أو يحلف عليكي يمين طلاق
ام سمر:وده ليه مالبيوت يما فيها والحمد لله حلينا مشكلتنا وهنرجع وهو اعتذرلي
ابو سمر؛وبعدين دي اول مشكله تحصل بنا من ٢٦ سنه
امها:مليش في هي كلمه لترجعي معايا وتنسيه لترجعي معاه وتنسي أن ليكي ام
ام سمر بجمود:هرجع مع جوزي يما
امها بصتلها بغضب وقالت:ماشي انتي اللي اخترتي وسابتها ومشيت
ام سمر عيطط علطول
ابو سمر حضنها وقال:هتروق انشاء الله متقلقيش
ام سمر؛امي غضبا’نه عليه
ابو سمر:يومين وهتروق متقلقيش انتي عارفه امك هنراضيها والله خير
ام سمر:يارب يارب ودخلت مضت انها متنازله عن المحضر وروحت بيتها هي وجوزها،،،،،،،،
💥سبحان الله وبحمده سبحان الله العظيم💥
وصلوا القسم ودخلوا
الظابط محمد:حمدالله على سلامتك يا مدام سما
سليم:هو في ايه يا حضره الظابط هي مراتي عملت حاجه
الظابط محمد:لاء خالص احنا جايبنها عشان تقول أقوالها ونقفل قضيتها
سليم:حضرتك كان ممكن ترن عليا وكنت جبتها قلبنا وقف مالرعب
الظابط محمد ضحك:كنا بنهزر معاكوا اسفين يا عم
سليم ضحك
الظابط محمد:اتفضلوا أعدوا وسليم اعد وسما جنبه ومالك وخديجه
خديجه: اطمني بقا مفيش حاجه اهو بتوقفي قلبنا وخلاص
سما هديت:الحمد لله خير
الظابط محمد:هاتهم يابني
الصول:تمم يا فندم وجاب مراد وهانم
سما اول ما شافت مراد قلبها وقع فرجليها ومسكت ايد سليم جامد وسليم لاحظ خوفها وقالها:اهدي يا سما أنا جنبك
مراد اعد وكانت عينه علي سما وهو لاحظ خوفها فابتسم ابتسامه خبي’ثه
الظابط:هما دول اللي أذو’كي
سما هزت راسها بمعني اه
الظابط:طب احكيلي اللي حصل
سما بدأت تحكي وهي عنيها علي مراد اللي هياكلها بنظراته وسليم كان مضايق جدااا
سما بخوف:أنا يوم الحاد’ثه صحيت ووو حكت اللي حصل فالمرتين وكان كلامها نفس كلام مراد وهانم بالظبط
الظابط:تمم اتفضلي امضي علي اقوالك
سما قامت بس مراد مد رجله عشان يكعبلها وهي اكعبلت ووقعت عليه
مراد بفحيح الافعي:وحشتيني
سما بدأت تترعش ووقعت عالارض وجس’مها اعد يترعش وبدأت تفتكر اللي حصل واعدت تصوت وتقول:لاء لاء سبني بالله عليك سبني متقربليش سبني سبني
كلهم جريوا عليها وسليم حضنها وقالها:سما اهدي أنا جنبك سما سما اهدي
سما أعدت تضر’ب سليم وقالت؛لاء لاء متقربليش سبني سبني
سليم حضنها جامد وعلي صوته:سما اهدي سما أنا جنبك
سما بعد شويه هديت وقامت واعدت بس كانت دايخه وحاضنه سليم جامد ومرضتش تبص لمراد وكانت دافنه نفسها فسليم
سليم بغضب:عملتلها ايه يا حيو’ان
مراد ببرود رفع ايده المربوطه وقال:ايدي مربوطه مقربتش منها
سليم بزعيق:بس انت كعبلتها اصدا
الظابط:سليم انت قاعد فالقسم صوتك
سليم:حضرتك مشفتش هو عمل ايه وهي جرالها ايه
الظابط:هتمضي وتمشي اهه وبعدين هي اكعبلت هو مجاش يمتها
سليم؛انا شفته وهو بيكعبلها
مراد ببرود:حضرتك أنا متحركتش
سليم بصله بغ’ل وقال:ماشي يا مراد ماشي
وبص لسما وقاال:سما امضي يلا عشان نمشي
سما بخوف:أنا خايفه
سليم؛متخفيش وانا معاكي
سما قامت مضت من غير ما تبص لسليم وطارت علي بره
سليم:لينا لقاء أخر بس انشاء الله هيكون وهو بيتحكم عليك بمؤ’بد
مراد بنفس البرود:احلم يا سليم
وسليم مشي هو وخديجة ومالك وركبوا العربيات وروحوا البيت
الظابط:دخلهم يابني زناز’ينهم،،،،،،،
💥استغفر الله العظيم من كل ز’نب عظيم 💥
ابو سمر:خشي برجلك اليمين يا عروسه
ام سمر ضحكت:يوووه يا حج عروسه ايه بس
ابو سمر:أنا رديتك تبقي عروسه
ام سمر دخلت وضحكت
ابو سمربحزن:البيت من غيرك مكنش ليه طعم
ام سمر:الحمد لله انها جت علي اد كده ومطلقناش رسمي
ابو سمر:طب وحشني اكلك اوي مكلتش من يوم ما مشيتي
ام سمر:عنيه ربع ساعه ويكون جاهز
ابو سمر:علي ما اروح اجيب حاجه واجي
ام سمر باستغراب:هتجيب ايه
ابو سمر:مفجأه
ام سمر ضحكت:فكرتني بآيام شبابنا
ابو سمر:مااحنا لسه شباب
ام سمر:خلاص بقا العضمه كبرت
ابو سمر:بس يا وليه دانا يدوب ٥٠ سنه
ام سمر:ربنا يديك طوله العمر
ابو سمر:ويديكي يا حببتي يلا فوتك بعافيه
ام سمر:متتاخرش
ابو سمر:حاضر ومشي
ام سمر:يارب ابعد عننا المشاكل ولم شملنا تاني،،،،،،،
💥لا حول ولا قوه الا بالله العلي العظيم💥
زين:أنا هجيب اكل اجبلك معايا
سمر مردتش عليه
زين بصوت عالي سيكا:انتي مش سامعه
سمر بصتله وببرود:انت بتكلمني
زين بتريقه:لا بكلم امي
سمر:طب خليها ترد عليك
زين بنفاذ صبر:يا شيخه ابو اللي يسال عنك ومشي
سمر ضحكت وقالت:عند بعند وربي لاوريك
وقالت؛تعرفي يا حور مش عارفه ايه حكمه ربنا اني اقابل ابوكي ده ويكون عقله صغير كده بس أنا مبصوته اني معاكي أنا بحبك اوي اوي اوي واتعلقت بيكي مو’ت ربنا يخليكي ليا يارب نفسي تصحي بسرعه عشان وحشتيني وعايزه احضنك والعب معاكي اصحي بقا وفوقي مالعالم بتاعك ده صدقيني مش هسيبك اصحي بالله عليكي
حور مدتش رد فعل
سمر:هوووووووف هقوم اتوضي واصلي وقامت
زين راح يجيب اكل
الراجل:حضرتك تطلب ايه
زين:اتنين كريب شاورما الدجاج
الراجل:تمام
زين:متنساش بقا التحابيش اللي معاه واتنين بيبسي وكيسين شبسي وكده
الراجل:أوامرك وجابله طلبه
سمر كانت خلصت صلاه واعدت حتي حور وبتقرا كتاب
زين دخل وقال:أنا جبتلك اكل
سمر مردتش عليه
زين بم’كر:ماشي متاكليش واعد وطلع الاكل ورصه جنبه
سمر كانت جعانه اوي وريحه الاكل جننتها
زين بدأ ياكل وقال:الله الاكل تحفه يسلم والله اللي عمله
سمر بصتله من تحت لتحت وهي نقطه ضعفها الكريب لأنها حرفيا بتمو’ت فيه
سمر :هو ده كريب
زين ابتسم بخ’بث وقالها:كريب شاورما الدجاج كمان
سمر ريقها جري وقالت:طب ها وسكتت وقالت فسرها:لاء يا سمر اسكتي
زين:بتقولي حاجه
سمر ببرود؛بقول بالهنا والشفا
زين:يعني مش عايزه
سمر بصتله وعنيها كانت عالكريب بس قاومت وقالت:لاء شكرا واعدت تقرا فالكتاب وهي عنيها علي الكريب
زين خد سندوتشه وببسيه وشبسيه وكاتشبه وكل حاجته وطلع وساب منابها وقال:طب أنا رايح وجاي
سمر مردتش وبعد ما هو طلع هي قامت بسرعه وراحت مكانه وشافت الاكل وممسكتش نفسها واعدت تاكل وكانت مستمتعه اوي وقالت:هو عرف منين اني بعشق الحجات دي الله الواحد كان هفتان بشكل
زين كان سايب الباب مفتوح فتحه صغيره وبص منها وشافها وهي بتاكل وفرح وطلع يكمل اكله بره،،،،،،،،
💥صلي علي الحبيب المصطفى💥
سليم وصل البيت وكان مضايق جدااا وطلع فوق علطول وسما راحت واعدت علطول لأنها مكنتش عارفه تتلم علي بعضها
ام سليم:في ايه هو طلع كده ليه
مالك:سبيه يماما هيكون كويس دلوقتي
أبوه:طب في ايه خير
خديجه:هما كانوا بياخدوا أقوالها بس عشان يتم الحكم علي مراد وهانم
ابوهم وامهم عملوا تعبير استغراب (ماهما ميعرفوش اساميهم)
مالك:السبب فدخول سما المستشفي وخط’فها
أبوه:اااااااااه طب الحمد لله أنه مفيش حاجه
علا؛مش قلتلك متقلقييش الحمد لله عدت علي خير
سما كانت أعده مش بتكلم
سيلا هزتها:سما سما
سما مش بترد
ام سليم:سما يا بنتي مش بتردي ليه
سما مش بترد
خديجه راحت ومسكتها وبصتلها؛سما مالك في ايه سما ومره واحده
يتبع..
لقراءة الفصل التالي : اضغط هنا
لقراءة الرواية كاملة اضغط على (رواية اهتديت بحبه)
