رواية انكسار الياسمين الفصل السادس عشر 16 بقلم أمل مهدي
رواية انكسار الياسمين الجزء السادس عشر
رواية انكسار الياسمين البارت السادس عشر
رواية انكسار الياسمين الحلقة السادسة عشر
انا الشمس هاي
مرات اعتقد ماعدهه عفه
من تطلع عليج اتصفن الناس
هوه الترف ينضم
انتي ترفه
***************
ياسمين _تفاجأت
ما كان أبالي يطلع ولا حاسبتله اصلا ولا أريد اذكره
ماكو بگلبي اي شعور غير الكره
اختنگت تخيلته يرجع مثل قبل ما ينسجن….
ظليت متفاجأه وساكته حتى شكله متغير وسمنان
محمد _ اشلونج ياسمين
ياسمين _…..!!!
_ هذا اكيد علاوي ودنگ عليه وشالله يبوس بي
تعال حبيبي اني بابا
بجه علاوي مستغرب…
رجع باوعلي…. حقج تتفاجأين اني ما ردت احد يدري
ردت افاجاكم
يبا وعلى مركز كانه اول مره يشوفني
طلعت إيمان….. صاحت
_ محمددددد
ياعيوني ركضت عليه وحضنته حبيبي الحمد لله على سلامتك
غير اتگول تحجي حتى نتلگاك
محمد _ وين أمي…
إيمان _ تعال فوت جوه ارتاح هسه تجي راحت تودي الخبز
سحبته من ايده وأخذته للهول وهو عينه ظلت عليها
ياسمين _شلون يربي راح ارجع مثل قبل لو اعرف ليش رافع ما قبل اطلك منه وهو بالسجن جان ارتاحيت
محمد _ دخلتني إيمان للهول رافع يتغده الصينيه گدامه
اشلونك ابو حسن انشالله زين ومديت أيدي اصافحه
رافع _ تفاجأت بي…. من شفته گدامي
اكلني بالسلام
يصور هاي الثلاث سنوات الانسجن بيه كفرت اخطائه بحق ياسمين
تجاهلت ايده مستحيل احط أيدي بايده لو ينگلب ملاك…. گلتها قبل وهسه هم اگولها ورجعت اكمل الاكل كأنه ما شفته
محمد _ رجعت أيدي ودنگت راسي… بفشله
حقك وادري ما مسامحني
على راحتك بس والله تندمت وتغيرت اني مو ذاك محمد
طلعت من السجن غير شكل ندمان
واني مطلوبلك اعتذار عن كل الاذ يه السببته الك
رافع _ رجعت أكل مجاهل وجوده بس من اعتذر جان لازم ارده
اذا اتغيرت النفسك اني بالنسبه الي اعتذارك ا مرفوض وجوه نعالي
ما اسامحك العمر كله
اذا صدك تغيرت اثبت لأمك وللناس انته تغيرت وشيل حملهم
محمد _ الايام راح تثبتلك اني غير ذاك محمد التعرفو
راجحه _ رجعت من السوگ علاگة المسواگ على راسي
ياسمين هاج هذا حقج
ياسمين _ خاله فوتي جوه محمد طلع
_ شهگت والعلاگه وكعت من راسي….. يمه محمد
تلكاها من سمعها وحضنها هيه تبجي وهو يبجي ويبوس بأديها وراسها ونزل على رجليها بوسهن ويتعذرله
ياسمين _ واكفه اباب الغرفه صدك انقهرت اول مره اشوف محمد يبجي
ويتاسف ويتعذر ويلوم بروحه
ما ادري اشوفه صدك متندم مثل ما كال اكيد الايام راح تبين
متغير لو لا
ثاني يوم واكفه اني وخالتي نخبز الصبح
محمد _ صباح الخير
ياسمين _ التفتت باوعتله هلا
راجحه _ هله يمه يا هله ومرحبه… اشلونك ارتاحيت
محمد _ الله اشلون راحه واني بين اهلي الله لا يردها من ايام
راجحه _ اي والله يمه لا يردها انشالله
محمد _ اخذت خبزه قسمته واكل بيها
راجحه _ اشو مبدل وين رايح…..؟؟؟
محمد _ طالع ادور شغل وبس الكه بعد ما ريدجن تخبزن اني اصرف على البيت
ياسمين _ سكتت متفاجأه معقوله هذا محمد
راجحه _ ارتاحلك يومين وبعدين اطلع…..!!!
محمد _ لا يمه صار سنتين وثمان أشهر وخمسه وعشرين يوم اني مرتاح كافي… عيب عليه اخليج انتي تصرفين علينه
اني وعلاوي ننام بغرفة خالتي
وهوه إيمان نظفت الغرفه مال زواجنه بالطابق الثاني حتى يستقر بيها
اشتغل عماله استمر اسبوع ورجع كعد ما كو شغل
ووراها هم طلع اربع ايام ورجع كعد اسبوع
من يشتغل يصرف على البيت
وخصوصا علاوي كسبه بهتمامه ودلاله بحيث ينتظره بالباب ابموعد رجعته حتى ياخذ كيس النساتل والحلويات
وامي ما بطلت الخبز لان ما ثابت بشغله رغم هو يحجي عليها يريدها تبطل شغل
من يرجع من شغله يسبح ويصلي
يعني شفنه محمد ثاني
معقوله السجن غيره…..
لليوم ما اجاني وحجه وياي كأي اثنين متزوجين عدى نظراته التلاحقني بكل مكانن
حسيته ندمان وخجلان من السوى وياي
صار شهرين من طلع إفراج اشتغل كلشي يوميه يطلع ما يرجع الا مشتغل ومرات ما يحصل يبقى كاعد بالحوش وساكت
يحش جگاير
محمد _ اليوم طلعت للمسطر ماحصلت شغل رجعت اخذتلي فره بالسوگ هم ما حصلت
رجعت للبيت من وكت ما لكيت احد بس ياسمين بالمطبخ
وياها علاوي أخذته العبه هاي الفتره تعود عليه شويه ويعرفني بس ما يصيحلي بابا
يگولها الرافع….
اتألم من اسمعه ينطقها بس مو أليه احس بروحي أشكد فاتتني اشياء حلوه وشگد قصرت ويا وويه ياسمين
أخذته اشتريتله من ابو زين ورجعت لكيت صينية الاكل كامله
محضره على الطبله
محمد _ هذا الاكل الي
ياسمين _ ما جابته بس هزيت براسي وأخذت علاوي ودخلت الغرفه
لمت نفسي لان حضرتله الاكل
هسه شيگول عليه اريد الصالحه……!!!
شكد غبيه اني بسرعه انقهرت عليه
وارجع ابرر النفسي… وشنو يعني جاي تعبان شكو بيها واذا احظرله الاكل
جنت راده الباب من دكه ودخل وكف بالباب يبا على
محمد _ اشكرج ام علي الله يقدرني واعوضج عن كل الفات
ياسمين _ سكتت مجاوبته هو طلع من الغرفه وصعد الدرج
ام رغد بين فتره وفتره تدزلي فلوس ويه العرف اليجي للعراق
تساعدني تعرف ضروفنه بالبيت
هالمره من اتصلت سالت على محمد
گلتلها طلع خلص محكوميته
ام رغد _ الحمد لله االله فرجله بلكت ترتاحين من الخبز والتعب
ياسمين _ ما اضن ارتاح
ام رغد _ ليش اقلها يشيل الحمل بمكانامه خطيه
ياسمين _ ماكو شغل يوم يحصل عماله وسبوع گاعد
بس عايشين الحمد لله
_ زين اذا يحب يفتح مشروع بسيط اني ادزلج فلوس
_ حتاريت شنو اجاوبه من جها اني للان ماعندي ثقه بمحمد
ومن جهه ثانيه احنه فعلا محتاجين مساعده خالتي تعبانه كلش لشوكت تظل تخبز ومن يجي الليل تون من اديها وجتافها
واني افركلها يالله تنام خطيه
ياسمين _ كيفج ام رغد اني ما ريد اكلفج
ام رغد _ الله يرحم امج شكد جانت طيبه وانتي مثلها
ياسمين _ اشكرج والله متقصرين
وفعلا بعد أقل من شهر اجه رجال للباب كال اني من طرف ام رغد
ونطاني ضرف من فتحته بي خمسه وثلاثين ورقه
خالتي راجحى جانت ويايه وعرفت ام رغد دزتلي فلوس بس ما عرفت أشكد ولويش
كلتله الرافع شنو الصار بيني وبين ام رغد ولويش انطتني الفلوس
رافع _ حاليا ضميهن خلي نتأكد منه ما يضيعهن يالله تنطي
ياسمين _ محمد يوميه يثبتلي هو تغير فعلا من خلال تصرفاته وتعامله بالبيت
محمد _ ضايج والدنيا طافره من عيني صار اسبوع مخليت مكان يعتب عليه ادور على شغل ومالكي ومن ادخل البيت واشوف امي وياسمين يخبزن اتأذا
باوعت بغرفة امي لكيته اصلي وحدها
دخلت وكعدت يمها اجر حسرات مخنوك
راجحه _ اسم الله عليك حمودي شبيك يمه
محمد _ راح انجن اريد اشتغل
راجحه _ العالم كلها عطاله بطاله اصبر يمه والفرج من الله
محمد _ باجر اروح الابويه اطلب منه حتى لو يدايني
راجحه _ عباس ……!!!! اووووو ميت عليك ينطيك
محتار بمرته وولدها
محمد _ مايخالف يبقى ابويه ولازم يساعدني شوفي اديه أكلها الجبنتو ويا ريت مستمر الشغل هم راضي…..
ادعيلي يمه بلكت الله يفتحه بوجي والله من طلعت من السجن لليوم ماشي عدل ما اريد ارجع مثل قبل
ابني علاوي وياسمين وانتي گبال عيني
راجحه _ الله كريم يمه الله يختبرك ويشوف صبرك انشالله يفتحه بوجهك ويرزقك
لا اشيل همنه احنه عايشين من رزق الخبزات
محمد _أخجل من رافع وياسمين هواي اذيتهم وفوگها لا شغل ولا عمل وهيه تصرف علينه عيني مكسوره گدامها حتى ما اگدر احاجيها
راجحه _ ياسمين طيبه واصيله وحنينه يجي يوم تسامحك
ياسمين _
اسمع ونقهرت عليه احس نفسي دا اتعاطف ويا معقوله السجن غير ه
ورحت للفلوس اطلعهن وانطيهن اله بس الوكفني رافع أخاف ميقبل
اساله اول
هواي سالت نفسي هم يجي يوم واسامح محمد على كل السوى بيه
وبكل مره الكه الجواب مستحيل اغفرله اعتدائه عليه
ما أكدر انسه ذاك الموقف من اتوسله يعوفني وهو يشگگ بملابسي
ما انسا شلون ضربني وسلب اعز شي عندي
ما ممكن انسا شكله المقرف وهو مثل حيوان هائج يجردني
من ستري ويغتصبني
رجع گلبي امتلئ غيض وكره بمجرد ما رجعتلي كل ذكرياتي ويا
عباس _
شعجب اليوم مبين علينه
محمد _ انته تدري أفرجو عني ليش ما اجيتني
عباس _ والله فرحت من طلعوك بس
ماريد اجي واشوف امك وسمعني حجي وتغثني
محمد _ عوفنه من امي
اني جايك اريد ساعدني اريد فلوس اشتري تكسي حتى لو تديني
شغل ماكو وامي تعبت وهيه تخبز وتصرف علينه
عباس _ منين انطيك اني اشعندي ماتشوف كوم لحم بركبتي
محمد _ بس گولي اني وايمان مو ولدك
من جنت ويانه ما تصرف علينه وهسه كبرنه ما يوم حنيت علينه سألت اشبينه ما بينه
عفتنه مثل اليتامه ورحت ازوجت وما سالت محتاجين جوعانين
عريانين
احنه نجيك ونسأل عليك
گلي ذوله ولدك واحنه لا… واشرت على ولده الثلاثه من مرته
عباس _ هاي راجحه دزتك عليه مو
خوش ملقنتك
محمد _ اني مو طفل ويلقنوني امي اصلا ما راضيه اجيك
بس اني گلت ابويه يدري توني طالع من السجن مهلس كلشي ما عندي اكيد ما يعوفني راح يساعدني
عباس _ منين….. انطيك دشداشتي حتى ترتاح راجحه
محمد _ ليش منين عندك هذا البيت والمشتمل المأجره وسياره ومحلك يشتغل احسبهن دين وارجعهن الك
عباس _ اني كل شي ما عندي البيوت والمحل كلهن مال ام الجهال
الله وكيلك ما املك غير هاي الدشداشه العليه
محمد _ وتحجي على امي وهي لليوم معيشتنه وتصرف علينه
حرامات نسميك ابونه وانته ما عندك ذرة ابوه اتجاهنه
رجعت من أبويه ايد وره وايد گدام دخلت صارت بوجهي ياسمين وامي
صعدت گبل الغرفتي والالم يعصر گلبي
اتمنه اقترب من ياسمين اگله تسامحني واطلب منها نعيش سويه بس اشلون املي عينها واني فلس ماكو بجيبي
وهيه تصرف على نفسها وابنه…..
راجحه _ اكيد عباس ما نطا فلوس اني ادري وكلتله لا تروح ما سمعني
ياسمين _ هذا الخبز جيسته ودي خاله
راجحه _ جيبي يمه جيبي مناك اروح اسوك
راحت خالتي واني اخذت علاوي اسبحه واسبح الجو كلش حار
إيمان _
شنو خاتون اظلين تتعذرين بأمي والشغل براسي
ياسمين _ ليش مو يوميه انظف البيت
إيمان _ گومي شوفي المطبخ وغسلي الحوش
شمحصله منج اشو تاخذين من امي وتلميهن على گلبج
ياسمين _ شتردين اطيج تعبي
إيمان _ هذا يا تعب ام تعب أشو امي تخبز النهار كله واديها ووجها محرگه وانتي خللگ تحسبين بالجيس
ياسمين _ غير هيه ما تخليني اقترب من التنور تخاف عليه بس اني اعجن العجين واشنگه واجيسه
انتي اشو متحمله عليه اشعدج وياي
إيمان _ متحمله عليج شنو ومنو انتي اصلا وتحمل عليج ولج انتي نعال برجلي ما اخليج
ياسمين _ لا تغلطين ما اسمحلج لا عبالج ذيجه ياسمين الزغيره
تره كبرت وصرت وأكد ارد عليج
إيمان _ الكبرتي والما كبرتي تبقين ذيج الحقيره المستغله طيبةگلب رافع وامي
ها ولا عبالج تتماوعين وتدللين حتى تغرين محمد شايفتج ومراقبتج
تره ما يشتريج بنعال لاستيك مگطع
ياسمين _ رغم الضغط عليه واتعب بس امشيها واسكت من تحجي بشغل البيت بس من اتهمتني اني اغريي لمحمد ما تحملت
انتي شتحجين اني اتماوع واغري أخوج ليش ما تسكتين
إيمان _ ليش البارحه منو اكف. بصف الباب وتسمعي يحجي ويه امي
من اجه لليوم عيونج تفتر ورى بس الحمد لله هوه مو يمج ولا اباله انتي
ياسمين _ نرفزتني وخلتني عصبت وصرخت بوجها
انت تتخيلين جوزي مني هذا الحقد لشوكت التهي بحالج شوفي ولدج حتى ما يحترموج ولا يسمعون كلامج لا مدارس ولا تربيه
ساكنين السوك
ومكيفه على كم فلس ينطوج
إيمان _ تحجين على ولدي وهجمت عليها وجريته من شعرها
محمد _ كاعد بالغرفه واسمع إيمان تتعارك ويه ياسمين ما ردت ادخل بالبدايه واني ادري بأيمان تكره ياسمين من زمان
بس من صرخت ياسمين نزلت ركض
لكيت إيمان اجر بشعرها وهيه بيدها علاوي يبجي
سحبت إيمان وصطرتها براشدي…. تفاجأت بيه وهدت شعر ياسمين
يمكن ما تدري اني جاي وبغرفتي
_ شنو هلحقاره تمدين ايدج عليها واني موجود لعد من جنت بالسجن شمسويه بيه
إيمان _ تضربني على حسابها اني اختك
محمد _ احترمي نفسج حتى ما أمد أيدي عليج وهاي اخر مره اشوف تندگين بياسمين
ياسمين _ عم السكوت بينه راحت إيمان الغرفتها تبجي
محمد _ وگفت ابا وع الياسمين ما انكر فرحت بداخلي من عرفت عينه عليه هذا الشي خلا ني تجرأت احاول وياها
ياسمين _ ظليت بمكاني خجلانه يعني سمع كل الكالته ايمان
شكد حقيره هسه شيكول عني
تقدم خطوتين صار مقابيلي… ابتسم
محمد _ اذا حجت وياج مره ثانيه بس گوليلي ومد ايده العلاوي أخذه مني
اني بسرعه دخلت للغرفه مالتي
ما ادري يوم عن يوم يثبتلي ان هو صحيح متغير اليوم فرحني لان اخذ حقي من إيمان الدومها ذالتني
بس لو ادري لشوكت هذا الكره
بعد ما الكل عرف بعباس ما راضه ينطي محمد فلوس قررت اني انطي
حتى يشتغل بيهن بس اشلون ما أريده يعرف هنه فلوسي
اخذت رأي رافع كال بكيفك هن فلوسج وانتي حره بيهن
حسيت حتى رافع لاحظ تغيره
_ خاله هذا الضرف. النطتنيا ام رغد بي فلوس يكفن سياره انطيهن لمحمد خلي يشتري ويشتغل بيه
بس لا تگوليله من ياسمين
راجحه _ اصيله وبت أصول بس ليش ماترديني اكله منج
ياسمين _ احسن گوليله منج او اداينتي ولا تجيبين اسمي
محمد _
فرحت من اجتني امي وبيدها ضرف
راجحه _ هاي الفلوس اشتري بيهن سياره
محمد _ فتحت الضروف كله دولار… سالتها متفاجا
منين جبتيهن يمه
رجحه _ ولاد الحلال هوايه وداينوني
محمد _ يداينوج سعر سياره وين اكو هيج ناس……!!!!
راجحه _ اكو اكو هواي ولد حموله
گالتها وهي تربت على كتفي
بس انت شد حيلك ونجمهن ونردهن من شغلك
محمد _ دنگت على ايدها بوستها
انت بس ادعيلياريد اعوضج تعبج واعوض ياسمين انسيها الراح كله
اشتره محمد السياره كان كل يوم يطلع من الصبح لمن يصير ليل
يالله يجي البيت
اشوفه يون من التعب وفلوسه المشتغلهن يحطهن بيد خالتي
ياسمين _ كاعده بغرفتي وعلاوي يمي امشط بشعري طويل وثخين
كلش يشلع گلبي من امشطه
صدت عيني على الباب اشوف محمد واكف ويباوعلي
_ رايد شي……..؟؟؟؟
_ تقدم دخل غرفتي… مد ايده بجيبه وانطاني فلوس
هذني الج مصرف
_ ظليت محتاره اخذهن لو لا
_ تره انتي زوجتي ومسؤله مني اخذيهن ما ريدج تخبزين ولا تتعبين اني مسؤل على البيت كله
_ مديت ايدي اخذتهن
خالتي هم بطلت تخبز محمد شايل مصرف البيت كله
بده گلبي يلين من جانبه نكعد نسولف ونحجي بس بوجود خالتي وايمان ويجيبلي يشتريلي اني وعلاوي
ولا كأن ذاك محمد القبل ما يدخل السجن
بس رافع رغم لاحظه متغير بس ابد صار بينهم كلام
مرات يرد السلام…
ومحمد الاحظه يتحاشا
بدت تتولد نظرات وبتسامات بيناته ومواقف تجمعنه كونه عايشين ابيت واحد
فتره كان گلبي خالي ومحتاجه لمشاعر حب واهتمام وهو عرف اشلون يوصل الگلبي
بحنيته وهتمامه بيه وبعلاوي كانو الكل يلاحظون وخالتي تفرح
من اشوفه تغير ومهتم بيه
كان عندي موعد لقاح العلاوي تحضرت اريد اروح للمستوصف
تفاجأت من شفت محمد واكف گدامي أخذه مني
_ يله اصعدي بالسياره
_ علويش رجعت اني أخذه مثل كل مره
_ تعبتج هوايه خليني اساعدج اجه الوكت للازم ترتاحين
وتعيشين مثل أي بنيه
كلامه هذا طيرني السابع سما
صعدت بالسياره واني ما اخفي فرحانه نسيت كل الكره والحقد اتجاها
رحنه لقحنه علاوي وظل يفرفر بيه بالسياره ويحجي ويضحك نسيت الدنيا كان يحاول يحسسني ان احنه عائله
أخير شي اخذني المطعم
_ اطلبي شنو تاكلين
_ما ادري كيفك انت اطلبلي
اول مره اطلع خارج البيت حتى بزواجنه قبل ما ينسجن هم ما طلعني خلصناها عرك
طلب گص لحم وعصير
جنت خجلانه اكل احس الناس تباوعلى وهمه كل واحد محتار ابطنه
ما اكلت قليل
بس وكلت علاوي
صاح على العامل كله لف الاكل سفري
شربنه العصىير وطلعنه صعدنه بالسياره راجعين للبيت
محمد _ ياسمين اني ندمان اذيتج قبل واريدج تسامحيني
بس والله لان حبيتج وخفت تروحين مني
ياسمين _ والحب يسوي السويته لو…..
محمد _ عقل ماكو هنا… واشر على راسه
لا تلوميني ممكن تنسين الفات ونبدي من جديد
ياسمين _ ابتسمتله
جنت كلش مرتاحه ما ردت ازعج روحي
اول مره اطلع من سنين شفت كل شي حلو ساعتها
محمد _ ابتسم فرحان والله الا اعوضج كل التعب العشتي
بس انطيني مجال
صدكيني اني احبج وفرحان جبتيلي علاوي
ورفع راسه للسما وباس ايده وجه وگفىه
الحمد لله والشكر
لمن شافتنه إيمان دخلنه سويه گامت عيونه تجادح من الغيره ودردم ويه نفسه تخاف تحجي بصوت عالي من محمد
ياسمين _ خالتي ماكو وين راحت……..؟؟؟
ايمان _ خالي مريض وراحت اتشوفه
ياسمين _ اني عفتها ودخلت للغرفه علاوي جان نايم على أيدي
نيمته بفراشه
صار اليل وما اجت خالتي
نايمه بفراشي وحسيت الباب انفتحت رفعت راسي اشوف منو
_ محمد……!!!!
ما أكدر انام اشتاقيتلج
_ گعدت عدلت نفسي… زحمه اخاف رافع يشوفك
_ واذا شافني بايگلي بوگه زوجتي حلالي كافي ياسمين صار اربع شهور اباوعلج واحترگ اتمنه قربج
يحجي وعيونه هايمه تباوعلى تقرب عليه
وبحذر اخاف اصده حضني
حسيت كانه تكهربت وسرت رجفه بانحائي
هالمره غير حبيت قربه كلشي بيه كان مثل أرض يابسه وحتيت بزخة مطر
صبح الصبح كعدت ماكو محمد طالع جنت متمدده بفراشي واشوف إيمان دخلت عليه
ايمان_ ها اشگال البهلول ارتاحيتي فاخ گلبج
رافع _ سمعت إيمان تصيح على ياسمين حركت الكرسي و ووصلت الباب الغرفه
يعني محمد بايت يم ياسمين……!!!!
ما اگول فرحت بالعكس انقهرت بس هاي حياتها وهيه حره بيها
تسامحه تتقبله بعد هو انفرض عليها وسمى زوجها
ياسمين _ انتي شعليج زوجي واني حره اطلع ويا انام ويا شنو تمنعيني
حجيت هاي الكلمتين بدلع واني متخوصره واضحك اريد اغيضها
التفتت….
وأتفاجأ…..!!!!
رافع اباب الغرفه يخزرني…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
