رواية انكسار الياسمين الفصل الحادي والثلاثون 31 بقلم أمل مهدي

رواية انكسار الياسمين الجزء الحادي والثلاثون

رواية انكسار الياسمين البارت الحادي والثلاثون

رواية انكسار الياسمين الحلقة الحادية والثلاثون

بده لوني يتغير
وبده صوتي يتعثر
ويرتجف جفي
احبك……
ما كدرت اخفي
صيري… صيري شتشتهين
صيري ليل الوحدي اسهره
صيري شط ابليل اعبره
يوم غيمه ويوم گمره
صيري يا زرع العمر شتلة ونين
مو عجيبه تموت گطره ندى بخد الياسمين
_________________
سيد علي_
ياسمين……..!!!!
انتي ياسمين
ياسمين _أشرت بعيوني
اي آني ياسمين……
سيد علي _ ضاعت مني كل الكلمات بس عيوني حجت شوگ
ولهفه وگلبي يرجف بين مصدگ وبين مجذب
هاي نفسه ياسمين السكنت روحي حسسيت گلبي
من لهفته طلع من بين ضلوعي وحضنها لحظه
جمعت بيها كل عمري الراح وشوگه وذكرت
الحجيه گالت عدها ولد يعني متزوجه
عيني راحت على اديها ما بيه اي خاتم ما اريد
اصدگ متزوجه
ياسمين _ لحظات احس كلشي توقف من حولي بس ذكرياتي
بدت تجمع وحده فوگ وحده مثل غيوم محمله
ليش بهالوقت الگاك مو نسيتك ….
وبديت اول خطواتي بالحياة اتوترت حسيت روحي
اختنگت والمكان كتم على انفاسي ما اريد اعاني
من جديد
سيد علي _ مرت لحظات سكوت وتأمل واحد للثاني بس مشاعرنه
حجت ابتسمت رغم التوتر…. اشلونج ياسمين
ياسمين _ بفضل الله زينه….
سيد علي _ ورافع شخباره
ياسمين _ عايش…..
سيد علي _ من گالت عايش رمقتني بنظره حسيتها رصاصه
وخترقتني محمله ملامه وعتب وزعل…
ياسمين _ أشرت على الصوره هاي اني بالصوره……..؟؟؟
سيد علي _ اي هاي الصوره الشي الوحيد المصبرني من روحي
يعصرها الحنين
ياسمين _ كان المفروض تبقى عندي مو عندك ………تعديته
بخطوات للحجيه اريد اطلع من هذا المكان لگيت
سيد أركان يسجل وصل والحجيه تحسب فلوس
باوعتلي وضحكت هاااا
ياسمين_ يله حجيه نرجع…
ام حسين _ اللتفتت على السيد…. ها سيد لگيتهم مو…….؟؟؟
وسيد أركان تنتقل نظراته بيناتنه ما فاهم شي
سيد علي _ اي حجيه رحمله والديج
تمشيت للمكتب فتحت المجر اخذت السويج
يله ام حسين العمال يحملوهن ويوصلوهن
الكم…..
ام حسين _ هههه يسعدك ربي يمن كون صدقه على روح
سيد حسين
ياسمين _ بسرعه انتبهت….. من كال ام حسين….. اذكرت
من مات ابني الثاني واني بالبنج اجاني وگال
دلتني عليج ام حسين
اللتفتت افكر واباوع للحجيه صار اشگد…………
اعرفها ولا يوم انتبهت ممكن تكون هيه المقصوده
الحجيه _ ها يمه خيرج مصفصفه بوجهي
ياسمين_ حجيه من يمته تعرفي للسيد
الحجيه _ من ثلاث لو اربع سنين
سيد علي _ عينه عليه وحجه يله حجيه اوصلكم
وقبل ما احجي اي كلمه گال اريد اشوف صديق
عمري
ياسمين _ سكتت طلعنه تمشينه وكل شويه ملتفت عليه جنت امشي خلفه دخلنه كراج وكف
يم سيارة عاليه وراقيه فتح الباب للحجيه صعدت
يمه واني فتحلي الباب ونظراته تتفقدني نفس النظره واللهفه رجعتني الايام زمان من جان يجيني للمدرسه
صعدت متردده يحجي ويه الحجيه وعينه عليه بالمرايه
وكل شوي يتنهد ويگول الحمد لله ويسحب شعره بكفه
اليورى هاي الحركه من زمان كان يسويها
سيد علي _ نظراتها مو ذيج ياسمين النسمه التفيض فرح
يا ترى شنو المر عليج بهاي السنين وهيج صرتي
اذكرت احمد سحبت الموبايل وتصلت عليه
لكيت رافع تعال……..
احمد _ لا بربك وين لكيته……!!!!
سيد علي _ سالفه طويله اني رايح الهم نتلاگه على الشارع
احمد _ تمام اني جاي
ياسمين _ سمعته يگول لگيته شنو جان يدور على رافع
ما فهمت وذكرت القماش لا ختاريت ولا عرفت
شجيب والجنطه والفلوس بعده بيدي… رفعت راسي
للمرايه واجت عيني بعينه ابتسملي وكانه فهم عليه
سيد علي _ حجيه القماش مالتج اليوم يوصل
الحجيه _ جا وام علي السيد نسيبك سجل بس ما لحگت انطي
الفلوس
سيدعلي _ باوعلي محل ام علي هم راح اجهزه ….
وصلنه منطقتنه وقبل ما ندخل من الشارع العام تلاگه ويا
احمد كاعد بسيارته ينتظره…. دكله هورن واشرله يجي ورى
وگف نزلت الحجيه على الشارع….. و اللتفت عليه هسه
دليني الطريق
ياسمين _ أشرتله منين يدخل وظليت اوصفله إلى أن دخلنه
الفرعنه ووگف اباب البيت
سيد علي _ قبل ما ننزل گال تدرين كم مره مشيت بهذا الشارع
واني ادور عليكم
ياسمين _……….!!!
نزلت من السياره وهو هم نزل وعينه تتفقد البيت
طبكت سيارة وره سيارة السيد ونزل منها احمد
سلمت عليه ما متغير هواي بس شعر اكثره شيب
ومثل شكله القديم
دخلت قبله تلگاني علاوي أخذته ودخلت على رافع
رافع _ ها الله يساعدج بشري اسويتي… كان منتظر مني
ابشره القماش صار بالمحل
ياسمين _ ابتسمت…عندي الك غير بشاره
رافع _ خير بويه….. بس لا تگولين الفلوس انباگن منج
ياسمين _ هههه لو ينباگن مني……..!!!
ما ارجع گبل اشمر روحي من فوگ الجسر
تعال اراويك المفاجأه اخذت الكرسي ادفع بي الباب
مفتوح صار السيد مقابيل رافع….
رافع _ بين متفاجأ ومرتبك ظليت صافن وگوه طلعت الكلمه مني
منو سيدعلي
السيد _ رافع يا صديق عمري ونزل عليه حضنه باسف وغرگت
عيونه بالدمع وهو يشوفه على كرسي
احمد _ شعبالك تخلص من عدنه هاي لگيناگ وحضنه مثل طبعه
القديم كل شي عنده مزح وضحك
رافع _ دخلتهم للاستقبال ما مصدك اني من يوم الفارگتهم
احساس الغربه ملازمني سنين واني امنيتي اشوفهم
تعاتبنه وستذكرنه ايامنه وطفولتنه
السيد _ ليش هيج رافع هانت عليك العشره عاد عوف عنوانك
عند الجيران عد احد سنين ما فكرت تدز احد على
أحمد عليه مو تدري اني بالشورجه….
احمد _ اجيت كم مره دورت عليكم ماكو شنو زعلان علينه
قاطعتنه كلش ليش رافع
ياسمين _ سويتللهم جاي وأخذته أقدمه الهم دخلت لگيتهم
ثلاثتهم يبجون يمكن تذكرو شي كان يجمعهم
سوه تركت الجاي وطلعت اعوفهم على راحتهم
احس لقائهم مشحون بالعواطف والذكريات اشوف
متأثرين هوايه الحال رافع
دخل من بره رضى
رضى _ هاي السيارات البابنه النه……؟؟؟
ياسمين _ اي أصدقاء ابوك خطار جايين
رضى_ صفگت ايديا ثنينهن هله هله ابويه أصدقائه طاكين
ذوله وين لگاهم باليانصيب
ياسمين _ هههه دفوت سلم عليهم….
رضى _ رايح…. السلام عليكم وتقدم مد ايده يصافحهم
سيدعلي _ تعال انت اعرفك شكلك مو غريب عليه
رضى _ اي عمو اني هم عرفتك من دفعت العربانه ويايه جنت
محملها طحين
ياسمين _ السيد هز راسه مذكر وللتفت عليه يعني عمتك ياسمين
واشر عليه بدون ما يكمل…
باوعلي بألم وهذا هم دليل اني جنت بسوگكم ادور عليكم
وكأنه يبررلي….
رجعت للمطبخ سالت ايمان على الغده
إيمان _ تمن ومرك يعني اشعدنه قوزي
ياسمين _ صحت رضى دزيت جاهز من بره اخذت السفره وفرشتها
اني ورضى وقدمنا الاكل ورجعت للمطبخ ونظرات السيد
تلاحگني
طلع السيد واحمد بره يغسلون اديهم واسمع السيد
يگول الأحمد احسبلي التكلفه شكد اريد تعيده من جديد
واحمد يگوله عليه العمل وعليك المواد معرفت على شنو
كانو يحجون
كعدو على السفره سوه واصر رافع ينزل للكاع ويكعد وياهم
علاوي كعد بصف السيد
وهم ياكلون كل شويه الموبايل مالته يرن ويفصله إلى أن
اتصل عليه واحد رد عليه مبتسم….. وگال الرافع وصل
القماش للمحل مالتك
رافع _ هذا محل ياسمين مو محلي…..
سيد علي _ يعني محل زوجها…….؟؟؟
رافع _ لا محلها غير انته علمتها على القماش من جانت زغيره
زوجها مات من سنتين
سيد علي _ تفاجات…. واللتفت الياسمين مبتسم جانت غصه بگلبي
من اذكرها مزوجه رغم فرحت من لگيتهم بس جنت
امأيس ومكتفي بشوفها….. باوعت العلاوي باسف
ومسحت على راسه
انت اسمك علي…….؟؟؟
علاوي _ لا اني علاوي
سيد علي _ عاشت الاسامي
كلشي بيها متغير كانت بريئه الضحكه ما تفارگه هسه
احسها متعوبه ومهمومه ملامحها حزينه …. بس بعدها
احسها تمشي بدمي الحمد لله من لگيتها …. ياسمين
ما ترهم الا الي
ياسمين _ بعد الغدا احمد ترخص وراح ووعد رافع بعد ما يعوفه اما السيد ظل للمغرب واصر بنفسه يشرف على المحل وفتتاحه
طلعنه للسوگ ورافع ويانه ما انكر الفرحه الاني بيها واشوف المحل مملي بضاعه بديت ارتب الألوان وكل نوع قماش بصفحه
والسيد ويانه يرتب وكل شويه ينطيني فد نصيحه لو معلومه
واگف قريب عليه يعلمني اني ورضى على الاسعار
اخذتني ذكرياتي للماضي…….
من جنت اساله عن القماش ويگلي ليش تسألين عوفي
القماش ولتهي بدروسج…. ركزت بهيئته هوايه متغير
جسمه اسمن
من قبل وشعره الاشگر مختلط ويا الشيب زايده هيبه
وجمال كفوفه البيض….. ومحبس العقيق المزينهن
لوالساعه الفضيه بيسرته….. ما ادري شنو من احساس
مر عليه….
بيده مبايله رن … رفضه وكمل ويانه شويه واجته رساله
فتحها قراها وعقد حاجبه …
السيد_ اني اترخص واجيكم انشاءلله
ياسمين _ اذكرت الفلوس ركضت بسرعه للجنطه طلعتهن
اشكرك على كل السويته هذا المبلغ مال القماش والباقي
انشالله يمشي المحل واسددلك
سيد علي _ انزعجت من تعاملها وياي بس ارجع واگول حقها
خزرتها… عوفج من الفلوس خليها بعدين ….. سلمت
على رافع وطلعت
رجعنه للبيت اني ورافع ورضى وعلاوي گدامي يمشي وكل
شويه يسالني ليش راح عمو
اشوكت يجي عمو
گال يسجلني بالمدرسه
اني احبه عمو
ياسمين _نترت بي… اسكت علاوي ترى اطيح حظك شخبصتني
بعمو منين صار عمك… وعلاوي برطم
رافع _ اللتفتلي يخزر بعيونه شبيج اكو شي ليش انهديتي
بالمسكين تعال حبيبي سحبه كعده بحضنه ورضى
يدفع بالكرسي
ياسمين _ سكتت لحظه والدمعه بطرف عيني… سالت نفسي
اني شبيه ليش صايره اعصاب
وصلنه البيت لگينه نفس السياره العسكريه الاجه بيها
حسن وجماعته بالباب واگفه
رافع _ شنو راح يلتحق حسن……؟؟؟؟
رضى _ لا بعد خمس ايام وتخلص الاجازه
فتحنه الباب دخل رافع يدفعه رضى واني وراهم باب
الاستقبال مفتوح ونفس الشخص الگال حسن هذا القائد
مالته كاعد هو وحسن والسفره گدامهم يتعشون لاحظت
صارت عينه عليه ورمقني بنظره ابد ما رتاحيتله…
دخلت للغرفه نزعت العبايه وذكرت علاوي زعلان مني
أخذته بحضني
ياسمين _ اني اخذك اسجلك بالمدرسه لا اظل كل واحد يضحك
وياك تحبه وتريد يسجلك اني يومين واسجلك واشتريك
دفاتر واقلام وملابس زين
علاوي _ اي زين… وعمو بعد ما يجي……!!!!
ياسمين _ التالي وياك علاوي راح ازعل….
علاوي _ يله بعد ما احجي لا زعلين
أخذته بحضني يعني شيصير لو ابوك سيد…… استغفر الله
شبيج ياسمين حنيتي….!!! افتحي عينج زين السيد مو الج
متزوج وشفتي مرته اشلون حرگت الموبايل اتصالات ومن
دزت الرساله كبل راحلها الله اليدر ي شنو كاتبتله
حتاري اباب رزقج
قطع تفكيري صياح رافع هو وحسن وإيمان ابنصهم
اني حسن ما اقترب منه ولا يهمني أمره وطول عمره مشاكل
ويه رافع مو جديده بس خوفي على رافع وصحته لان من
ينغث يصعد سكره
ياسمين _ شبيكم تتعاركون …….؟؟؟
ابتسم حسن بوجهي ويأشر بأيده…. اشلون جبتلج عريس
ثگيل يعيشج ملكه عنده ثلاث بيوت
هههههه ضحگت مستهزأه…
ياسمين _ ومنو گلك اريد ازوج……!!!
حسن _ وليش متزوجين عاجبتج هاي عبايتج الجربه هذا يكدر
يجيبلج عشره يوميه تلبسين وحده
ياسمين _ وليش هو ويجيبلي اني اشتري الروحي حجيت وتمشيت
لفراشي اريد انام ما گدرت بيوم واحد الله رزقني
فرحتين فرحتي بحلمي التحقق بالمحل وشوفة الانسان
المايوم گلبي دگ الغيره بس… هو مو الي عنده بيته
وحياته….
لا والله شفت ذيج اللهفه والشوگ نفسها تشع من عيونه
من يباوعلي…. ظليت الليل كله افكر بالصدفه الجابتني يمه
وهو مثل ما يگول اسنين يدور علينه
گوه نمت… كعدت فرحانه متفائله بوست علاوي الى ان گعد
متململ ونعسان…
گمت من فراشي غسلت وجهي وأخذت العبايه البسها…
باوعتلها صدك كاشف لونها حقه حسن يعيرني بيها اخذت
فلوس وخليتهن بالجزدان اليوم اشتري وحده…
بدلت العلاوي وطلعت للهول كلهم ملتمين يتركون
ياسمين _ صباح الخير
رافع _ صباح النور… مو بس الصباح حتى وجهج منور
ياسمين _ حضنته الحمد لله انته هم شوف وجهك يضحك
رضى _ والله خوش الكل مصبحه تضحك يلله بيبي طگينه
بدعوه زينه نستفتح بيها هذا اليوم…
راجحه _ انشالله يفتحها بوجهج يا ياسمين يابنت ابتسام
رضى _ واني شنوتنسد بوجهي
كلنه ضحكنه على سوالفه
راجحه_ انته الله يحفظك ويوفقك ويخليك دوم سند لابوك وعمتك
رافع _ رضى من تروح منا گبل جيب ديج نذبحه اباب المحل
لوجه الله
اليوم اول يوم الله يسترها ويانه ويكتب للمحل الرزق
راجحه _ انشالله يمه ينطيك على گد گلبك الطيب
سيد علي _
زينب خبصتني اتصالات واني الف مره گايللها اذا ما ارد معناها مشغول بس اشلون اتوب وتبطل
اخر شي دزت رساله گالت بيها صورلي بيا مكان كاعد ودزها الي
دخلت البيت تلكتني الوجه معبس ما حاجيتها
سبحت وكعدت اتعشه وفكري كله ويه ياسمين…..
اميمه _ باجر مو عازمينه اهل نسيبك
السيد _ اي يمه على الغده احسبو حسابكم
اميمه _ حاضرين ما عدنه شي
السيد _ صعدت ارتاح بغرفتي لگيت زينب گدامي گبل ما تحجي
استلمتها..انتي اكو عقل براسج گاعد ويه ناس وكل اشويه
داگه عليه
_ وانت ليش ما اجاوب وتريحني…..
_ يعني واذا جاوبتج وكلتلج بالشغل شتستفادين يجوز اكذب عليج
اشلون بلله شلون تعرفين….كافي زينب وحق الحسين مليت
بعدين هاي جديده ترديني اصور روحي وياهم وادزها الج
اعقلي مرمرتيني
_ اذا ابمحل الكاظميه ماكو وبفرع الشورجه هم ماكو وين ذوله
الناس الكاعد وياهم طول النهار وليش تريدني ما اعرف
_ تدرين شنو انت الحجي ضايع وياج واني تعبان ما فارغ
المشاكل الغيره مالتج اروح انام
احسنلي ومشيت طالع من الغرفه….
_ وين هم رايح تنام هناك خوش اتعلمت….
عفتها ادردم ورحت الغرفتي الاهرب منها وقت المشاكل اريح
راسي اليوم بالذات عقلي كله ويا ياسمين ما اريد انغث
فتحت الموبايل وذكرت رقمها ماعندي..
اتصلت على أركان
_ الوا اشلونك ركان
_ بخير سيد اشو ما بينت من طلعت ويه ام حسين
_ بعدين احجيلك… هسه انطيني رقم ياسمين
_ ياسمين منو ما اعرفها
_ البنيه الويه ام حسين
_ انت مو كلتلي لا تگصله وصل بعد ما أخذت رقم الموبايل
_ ها هيه روح
ثاني يوم اخذتهم للبستان مال اهل أركان لگينه نسرين جايه
واام أركان وعائلتهم
اني وأركان وابو رحنه نجول بانحاء البستان كلش عجبني
مساحته جبيره وكل انواع الأشجار بي روعه
ومن محاسن الصدف اكو بستان قريب عليهم يبيعو رحت شفته وتفقت وانطيت عربون
صح مساحته ازغر بس ما شاء الله عامر بكل الأشجار وبي بيت كامل بس محتاج ترتيبات اثاث
واكدت على أركان الموضوع يبقى بيني وبينه
تغدينه وكملنه واني رغم الونسه بس شي بداخلي ما مرتاح اشتاقيت اشوفها
ترخصنه واني تحججت متواعد على شغل تركهم ويه أركان يرجعهم
شغلت السياره وطلعت وره گلبي وين ياخذني
اشلون بيك ياسيد والله رجعت مراهق…
رحت گبل للسوگ للمحل مالتها
لگيت ناس بالمحل وهيه ملتهيه تفصل ورضى وياها
فرحت لان من البدايه مشت عليها الرجل باوعتلها لابسه عبايه
ولافه الشال يضوي وجها بنص السواد مثل گمر يضوي بعتمة الليل
طوله وتقاسيمه واضحه رغم عرض العبايه بكل حركه منها اشتعل
وانطفي واوعد نفسي مستحيل اضيعها بعد ما لگيتها
تلگاني علاوي
_اجيت عمو… هههه
_ ابتسمتله ما اگدر ما اجي….. ياسمين قريبه تسمعنه شنو نحجي
_انته وين رحت البارحه…….؟؟؟
_ رحت البيتي
_انته عندك بيت……..؟؟؟
_اي اكيد عندي بيت
_ وعندك جهال…..؟؟؟
_ اي عندي ليث وياسمين وغيث بكدك
ياسمين _ سمعته مسمى بنته على اسمي تنهدت
اسكت علاوي دوخته العمو…
السيد _ باوعلي وعيونه بعيوني مبتسم عوفي ارتاح من احجي
ويا حتى اسمه نفس اسمي
ياسمين _ سسكتت وكتفيت بس بالنظره يعني يوصلي مسميته على
اسمي…. صحيح سميته على اسمك وياريت اگدر اطلعك
من كلبي
سيد علي _ ظليت گاعد إلى أن اجاني اتصال من أحمد گال اني يم رافع بالبيت
سيد علي _ اشرتلها اريد رقمج
ياسمين _ ترددت انطي…. انطيك رقم رافع…..
سيد علي _ باوعتلها مصر اريد رقمج مو انتي صاحبة المحل….؟؟؟
ياسمين _ الحنين والاشتياق البصدري ما يتقدر بس ما اريد ارجع
النفس الشعور القديم وانخذل مره ثانيه.
ادري عنده زوجه وأولاد وبيت يعني مستحيل ننجمع بيوم
رديتله رقمي وكتب بصفه ما اعرف اسمي او غير اسم
سيد علي _ رفعت راسي من الموبايل شفتها تباوعلي وذيج النظره
البريئه المفضوحه برقتها واحساسها وحنينها رغم
مكابرتها بعدم الامبالات
ابتسمت بمكر….وهمست مقترب العبا زايدج جمال
رايح الرافع هو بالبيت مو…….؟؟؟
ياسمين _ اقترب مني يحجي همس وعطره ترس صدري… رجف
كل جسمي وكأنه فزز كل احساس كان مدفون بداخلي
خزرته….. اي بالبيت…
ابتسم بشماته وراح يتمشه وعيوني تتبعه اختنگت احسه
يلعب على اعصابي شنو جيته وشنو روحته
سيد علي _
اتفقنه اني واحمد على كل ترتيبات تصليح البيت ورافع رافض
الموضوع نهائي…. الا ترجيته وقنعته هاي هدية سلامته وحلفت اذا يرفض بعد ما يشوفنه اثنينه
وافق رافع وثاني يوم بدت العمال تشتغل من الفجر ونتقلنه
للطابق الثاني بس رافع ظل بالمطبخ بسبب وضعه واحمد هم گال
آخر شي راح ابلش بالمطبخ
ما اريد يطول التعمير حددت شهر الأحمد يوميه ١٠ عمال يطلع
حتى الاكل يجيهم بوقته ما كنت افكر بفلوس لو بيدي انقله
المنطقتنه القديمه بس رافع صعب يقتنع بالگوه وبالف يمين يالله
گدرت أقنعه نصلح اله البيت نفسه عزيزه رغم حالته الماديه امبينه تعبانه
وهذا اقل واجب انقدمه الصداقتنه النظيفه
ياسمين _ ظلمت الدنيا وبدت المحلات تعزل احنه هم رتبت اطوال
القماش كل واحد بمكانه
رافع _ رضى افصل الكهرباء وعزل…
رضى _ اي يابه
ياسمين _ حسبت الفلوس الدخلتلي اليوم خير من الله خليته
بالجزدان.. الحمد لله قفلت المحل ورجعنه نتمشه
للبيت ورافع كل اشويه مسلم على احد هواي صارت
عنده معارف من دخل السوگ لليوم
رجعت شكد تعبانه لان ما رجعت للبيت بس مرتاحه الحمد للله
شگد حلو العوض من الله من يجي
دخلنه البيت مو بيتنه بس حيطان باقيه والمواد بكل مكان
صعدت فوگ عدنه غرفتين وحمام تكفينه هاي الفتره
إيمان _ تلگتني فرحانه ها الله يساعدكم
ياسمين _ هله بيج انزلي الرافع تره تعبان
ايمان _ اي اي هسه انزل… اگلج ياسمين هم تحسبين الرضى
يوميه…
ياسمين _ باوعتلها اني متفاهم ويه رافع انتي الج الصافي
راجحه _ ولج مصرف البيت كله شايله وتردين منها بعد انتي
شنو…
إيمان _ شبيج يمه المحل مالتها باجر تزوج شنو تنطينه منه
سمعت رافع صاح نزلت بسرعه
راجحه _ اوف يا ايمان ما صيرلج جاره
ياسمين _ خاله طمنيها اني ما ازوج
راجحه _لا يمه تجيج قسمه زينه ازوجي بلكت ابن حلال يسندج
تبقى المره جنس ضعيف تحتاج حماية زلمه
فرشت وتمددت وكل شي بيه متفائل اباجر وذكرت كم محطه
عسره مرت بحياتي أيست الا من رحمة الله
رن موبايلي رساله… باوعت الساعه فوگ الثنعش
فتحتها
من سيد علي…..