رواية انكسار الياسمين الفصل الثاني والثلاثون 32 بقلم أمل مهدي

رواية انكسار الياسمين الجزء الثاني والثلاثون

رواية انكسار الياسمين البارت الثاني والثلاثون

رواية انكسار الياسمين الحلقة الثانية والثلاثون

حجي عندي ويه گلبك وين اودي
تعال وخلسولفلك وبجيك
انامن گمت مو محتاج للنوم
اگولن خل انام وبلكي الاگي
_____________________
ياسمين _
رن موبايلي رساله
باوعت للساعه عبرت الثنعش… فتحت المبايل
سيد علي
ترددت افتحه شعنده يراسلني نص الليل… خايفه من افتح الرساله تنفتح وياكها جروحي القديمه واني ما صدگت لگيت الدرب الاكدر امشي بي وما اتعثر
گلبي يرفرف لو سمع اسمه وعقلي قافل ما يدخل رجل بيوم الحياتي واني مرتاحه هيج كافيني حب رافع وعلاوي الاحسهم مشاركيني روحي ما اريد غير حب يشاركني وياهم
حاولت انام ما گدرت فضولي ما ادري گلبي جبرني افتح الرساله
وياريت ما فتحتها…
سيد علي _ من جنت طالب ابويه ماكان يقبل نسمع اغاني يگول
حرام واني من يوم شفت عيونج وتعلقت بيهن گمت
اسمع اغنيه لهيثم يوسف بس بالخفيه ولليوم ما انام الا اسمعها
احلفج بكل عزيز عندج اسمعيها وياي ولو بس هلمره
أضعف گدامك بس انت……. وتمالك نفسي بهلسكته
نظراتك تحرجني وانسا……. وين توديني اليا مرسا
ضايع عمري القبلك عشته…..كل عمري ضايع انه عشته
حبك خله العالم وردي……… غير عيونك اني شعندي حبك غيرني وخلاني ……… حبيتك وحدك بس انته
حبك ضيعلي عنواني ………. عشت وياك بعالم ثاني
عالم نساني خلاني ……….. جنه تنور بس بيك ان
ياسمين _ اني عمري ما عشت مثل البنات اسمع اغاني واطرب
عليها من فتحت عيني على الدنيا شايله الهم وافكر
بغيري…
فتحت الفديو وسمعت الاغنيه ودموعي ما بطلت وكانه
اول مره اسمعها أثرت بيه وطيرت النوم من عيني عدتها
أكثر من عشرين مره ودموعي على خدي
رجعتني الذكرياتي ويا من عافني للايام تلطش بيه
وين يالله غفيت
فزيت ثاني يوم على بوسات علاوي دائما يصبحني هيج
كعدت نحلان جسمي ونفسيتي تعبانه لمت نفسي لان
دا انجرف وره عواطفي
وكانه معوزه هم طلعت رقمه حضرته اتواصل ويا عن طريق
رافع افضل
رحت غسلت وجهي اباوع بالمرايه عيوني وارمه من البجي
غسلت ولبست عباتي ولبست علاوي وكل اشويه يسالني
اروح انسجل…
_ لاء لاء كافي كل اشويه تسأل شخبصتني بالتسجيل…… زعل وراح الرافع يشكيني
طلعت وصوت العمال هوسه جوه يشتغلون تريگت ونزلت
لگيت علاوي ياكل ويه رافع
رافع _ باوعلي… شبيها عيونج……؟؟؟
ياسمين _ البارحه ما نمت…
رافع _ خيرج بويه تشكين من شي يحجي ويتفقدني…
ياسمين _ لا بس ما جاني نوم
يلله اروح
رافع _ اخذي رضى وروحي واني اجي وراكم اريد ابقى شويه
ويه احمد والعمال
ياسمين _ كيفك اخذت علاوي اگوده زعلان هد أيدي ولزم ايد
رضى ابتسمت على عقله
فتحنه المحل وبديت انظف وارتب فتحت موبايلي قرآن اني كل يوم
هذا نظامي بدت النسوان تدخل المحل وقسم بس يباوعون وما يعجبهم شي وقسم يشترون بس مو مثل العصر يصير زخم قوي كعدت على الكرسي اليوم طافيه كلش ورضى سريع ولبق يحجي ويضحك النسوان ويرغبهم باوعت الساعه دعش ورافع ما اجه اكيد التهى ويه صديقه احمد
علاوي – ماما جوعان
ياسمين ـ يخسه الجوع ياعمري تعال
رضى روح اشتري لفه العلاوي والك ولا تتاخر
راحوا واني ظليت عيني على الرايح والجاي
وفجأه يدخل عليه المحل
سيدعلي – السلام عليكم
ياسمين – نزلت راسي اتهرب من نظراته عليكم السلام
تمشه شويه بالمحل امبين جاي ومحمل عتب
اذا جاي علئ رافع تلگي بالبيت
– لا ما جاي على رافع جاي عليج ليش حضرتيني اني ما ردت
منج شئ
– حجيت بگلب تعبان ارجوك انت ما تدري شنو مر عليه
وشنو عانيت هسه يالله بديت اعيش
ابتعد عني لا ترجع الماضي لأن ما منه فائده لا اني ياسمين
قبل ولا أنته نفسك السيد خلي تعاملنه عن طريق رافع
– كان يباوعلي مهتم
طلع جگاره ورثها وسحب نفس بعصبيه ورجع كتف ايدي ورى
ظهره تصورين اسنين ادور عليج لويش
– درت وجهي عنه…
– خلي عينج بعيني لا تتهربين مني تصورين بهلسهوله اگدر
اعوفج بعد ما لگيتج… مستحيل
– عندك زوجه واولاد لا تنجرف ورى ماضي تهدم بي بيتك
– اقترب مني وحجه بترجي
الماضي التحجين عنه هو انتي ربيتج وعلمتج وزرعتج
بگلبي ورده
_ قاطعته… ومن فتحت هاي الورده تركتها وعفتها الغيرك
يدوس عليها
كان بيده الجداحه يفتحها تشتعل ويسدها بحركه لااراديه
اشوف النار من تشتعل تمس أصبعه بس ما حاس..
_ اعترف من يوم الضيعتج اني ما مرتاح
_ روح سيد إنساني لان اني نسيتك…
_ ما اصدك….!!! ولا الي اي ذكرى بگلبج…….؟؟؟
_ اللتفتت عليه بنتر اريد اكرها بيه
كل ذكرياتك تخليت عنهن بالدرب المشيته وحدي بكل مره
انسلب مني شي ادوس عليهن
مره شرفي ومره نفسي ومره كرامتي ومره احترامي
انته المستحيل بالنسبه الي لا تفكر بيوم اصير الك
_ واگف وعيونه بعيوني ما مصدگ اليسمعا… أصبعه احترگ وما
حاس… شنو گلتي اشلون انسلب شرفج…….؟؟؟
اني منين جبت هاي القوه ما ادري … انتهى الكلام بينه من
وصل رافع ورضى يدفع بالكرسي
وظل السؤال بدون جواب
رافع _ هاي انته هنا عبالي تجي للبيت….؟؟؟
السيد_ حجه محرج وسحب شعرى بكفه اليورى
هسه جايكم…
رافع _ ذكي باوعلي وباوع للسيد حس اكو توتر
اكو شي شبيكم
ياسمين _ بسرعه غيرت الموضوع
رافع السيد ميقبل ياخذ فلوس القماش
رافع _ لا هشكل نتخارب اذا تريد نظل من معاميلك اخذ الحساب
كامل
سيدعلي _هههه اخذهن بس مو هسه اجمعهن عدكم
رافع _ اشعندي بنك واضمهن لا بويه خلي شغلنه حار
بحار جيبي الفلوس ياسمين
ياسمين_ طلعت علاگه من الجنطه ونطيته اله
رافع _ تفضل هذا حلالك واذا بعد گول حتى المهن الك
سيدعلي_ انحرج ما كدر يرفض اخذ الكيس وطلع منه مليونين
ورجع الباقي… هوايه ذني… هذا حقي وهذني مالتكم
رافع _ لا ما معقوله دجاملني
سيدعلي _ ليش اجامل هذا حقي باوعلي مبتسم ترى اني
بالفلوس ما اعرف أكبر واحد
البيت كمل الداخل كله الاستقبال والهول وغرف النوم لو الحمام
كلشي جديد الكاشي السيراميك الاضويه حنفيات المي شي كلش حلو نظفنه البيت ورتبنه غراضنه البسيطه كل شي بمكانه.
رجع احمد صلح غرف الفوگ وكمل المطبخ طلع شكله وترتب
حسن من التحق لليوم ما رجع ولا حتى يتصل اشوف القلق بعيون رافع بس ما يحجي
وإيمان من تسمع باسم بيجي تبجي وتون عليه
المحل ما شي تمام والسيد مره وحده اجه كعد ويه رافع وشاف البيت
كان كلامه وياي قليل بس نظرته هيه هيه گال اجتني نوعية قماش راح ادزلج منها
وراح بعد ما شفته من اتصل على الوكاله يطلعلي سيد اركان
اتفاهم ويا…
كل ليله ما أكدر انام الا اسمع الاغنيه اليسمعها هو صارت ادمان وتجي على بالي كل ذكرياتي ويا كذب ما ضيعتهن لان عايشات بصدري ويه النفس….
سيد علي _
هواي اتاذيت من كلام ياسمين متغيره هوايه… شنو تقصد من انسلب شرفها ما فهمت عليها
طلعت بطريقي سلمت على ام حسين
_ هله ومية هله اليوم منور السوگ
_ اشلونج حجيه
_ انه بخير بس جن انته مو بخير….
_ حجيه اريد اسالج وياريت تجاوبيني بكلشي تعرفي
_ من عيوني سيد…. گول شلشتني
_ شتعرفين عن ياسمين…….؟؟؟
_ ياهي ياسمين ام علي…..!!!
_ اي منو غيرها……
_گبل سنتين اجتني ووليدها بيدها تريد تشتغل وصتني وراحت
ورى سنه بينت هم تريد تشتغل ومن سالتها گالت عايشه عند
أخوها
_ يعني ما تدرين رجلها متوفي……؟؟؟
_ يا يمهه خطيه والله توني عرفت منك
_ سكتت حاير
_ اشوفنك حاير شغلتك مو خاليه احجيلي الصدك شتعودلك
ام علي….
_ جريت حسره…. سالفه طويله حجيه اني اترخص
_ الله وياك بس بالمره اللاخ لازم تحجيلي
سيد علي _ رجعت للبيت كل شي بيه تعبان ياسمين سدت كل
الأبواب بوجهي ما ادري شنو الصار لها بهاي السنين
ما توقعتها تصدني احسه شايله بگلبها هواي عتب
خليها على راحتها المهم اكون قريب منها
دخلت البيت تلكتني امي
اميمه _ هله سيد
سيد علي _ هله يمه اشلونج… لعد زينب وين….؟؟؟
_ فوگ تنظف غرفتها
التالي اشلون وياك اظل نايم بذيج الغرفه
_ خليني مرتاح من النگ مالتها
_ انت ترتاح واني وجهالك واگعين بيها… راضيها يمه ترى ثابره البيت باعصابها
_ يمه تدرين زينب مريضه نفسيا
_ لا مريضه ولا شي تغار عليك
_ والغيره من توصل هلحد شنو يعني
_ الخاطر جهالك راضيها وكافي مشاكل
_ صار لعيونج انتي راح اعدي واشوف تاليها بست راسها وصعدت
وصلت للباب اريد افتحها سمعتها تحجي بالموبايل وگفت اسمع
هاي اسب منو ظليت اشويه اسمع اريد اتأكد
عادتها خرب لشتك سيد حسين وسولفت شويه ورجعت حترگ
يگبره جابلي شلاع الگلب
احس حراره صعدت الراسي اسب ابويه ردت اعرف ويامن
تحجي
فتحت الباب من شافتني ارتبكت اشرتلها بيدي….. متسد الخط
أخذت الموبايل واسمع اختها استبرق تگوللها
ولج اگص أيدي اذا ما عنده وحده ظلي انتي يكفخ بيج
سيد علي _ ىعني انتي الطلعتي تدفعين بيها وهاجمه بيتنه…
استبرق _ ها منو…. ونسد الخط
زينب _ انته شنو تجسس عليه
سيد علي _ لاوالله بس هاي حوبة سيد حسين جابتني للباب
انتي اشلون تجراين وتسبين ابويه
صرخت بعلو صوتها كل ضنها تخليني أتراجع ما احاسبها
زينب _كافي انييييي مليت منو ابوك ملاك اسبه ونص….
سيد علي _ انتي مامربايه ولازم اربيج واعلمج منو سيد حسين
ضربتها راشدي تهسترت گامت اتكسر بالغرفه
سحبتني من قميصي شگته
وغلطت على أبويه تستفزني….. ضربتها الثاني
صايره تجاسر وكعت على حافة
الكومدي انشگ راسها والدم نزل على وجها
اميمه _ سمعت صياحهم بيه ما بيه صعدت الدرج اريد اسكتهم يوميه هوسه وياسمين صايره بيه خوفه من المصابيح
والعرك… دخلت شفت زينب مدمايه
مدري اصار بيه حيلي انهد واعصابي تشنجت اريد انطق
كلمه ما گدرت وگعت ما حاسه بشي
سيد علي _ على صياحها نويت اخلصه بس بختها بأمي احتاريت
بيهاحاولت اصحيها بعطر بمي ماكو عيونها مفتحه
بس
فاقده سحبت الموبايل خابرت نسرين بلغتها تجي للبيت
وأخذت العبايه لفيتها بيها وشلتها واني اهدد زينب….
اذا صار آلامي شي الانهايتج على ايدي
نزلتها الدرج ومحد وياي غير ليث طلعت للمستشفى
زينب _ من خالتي وگعت خفت حتى ما هتميت الراسي اخذت
موبايلي وتصلت على أبويه حجيتله الصار لازم ياخذوني
اذا خالتي صارله شي لا سامح الله الا يموتني اني ادري
بي شگد يحب اهله
گمت حضرت ملابسي لكيت مبايل علي ناسي على الميز
اول مره عفته بس اذكرت هاي الاسمها ام حسين
گلبت بي لكيت رقم ام حسين
صورت الأرقام وحساباته ودزيتهن المبايلي ومسحت كلشي
نسرين _ دخلت البيت صنطه بس غيث وياسمين كاعدين جوه
يتفرجون تلفزيون وياسمين بعدها الدمعه والنشغه بگلبه
لان كلش حساسه من اصير مشكله اتخاف
حضنتها وبوستها اطمنها
سالتهم على امهم گالو فوگ صعدت لگيتها متحضره
منتظره ابوها يجيها والغرفه صايره هوسه مري التواليت
متكسره ومراية الكنتور والعطور والمكياجات مطشره
كل ضني علي جارم بالغرفه
شكو عليمن تعاركتو……..؟؟؟
زينب _ اخوج ضربني هاي ثاني مره اني رايحه عندي أهل
يصرفون ويا
نسرين _ جان نزلتي شفتي جهالج وحدهم وياسمين ترجف خايفه
زينب _ …….!!!!
نسرين _ حتاريت بين امي وجهال علي وگلبي نار كل اشويه اتصل
على علي يگول جلطه ولازم تبقى تحت المراقبه للصبح
أركان تركني وراح للمستشفى واني ظليت
وگفت سيارة عمي باقر ومهيمن ويا ابابنه نص الليل من الباب
صاح عمي على زينب… طلعت احجي ويا
عمي استراح تره علي ويه امي بالمستشفى…
ما رضى وظل يشمر بالحجي اشگايلتله زينب ما ادري
گلتله
عمي احنه لحد الان ماندري سبب المشكله انتظره واسمع
منه…. ولا أهتملي ولاحتى قدر امي بالمستشفى
طلعت زينب والجنطه بيدها رادت تاخذ ياسمين وغيث ما قبل
عمي گاللها عوفيهم عليه يحتار بيهم صعدو بالسياره وحتى
سلام ما سلمو… سديت الباب ورجعت يم الجهال افر بايدي
عود عمنه اسم الله
دگول اروح للمستشفى اوگف ويه ابن اخويه من عابت هيج
عم تحركه النسوان…..
ثاني يوم للظهر يالله طلعت امي تحتاج راحه وهدو اضطريت
ابقى يمها لان البيت وجهال علي محد الهم وأركان محتار
بولدنه يوديهم ويجيبهم للمدرسه
سيد علي _ اتصلت على زوج استبرق سيد عامر هم من گرايبنه
وفهمته على تدخل زوجته بحياتنه وان كانت اختها بس
هذا ما ينطيها الحق تخرب بينه ولو ما سامعه بنفسي
ما اتصل واحجيلك
الرجل ماقبل وتعذر ووعدني بعد اي اتصال ويه اختها
يمنعها منه
سيد عامر محترم بشكل وابو يعرف ابويه استذكرنه بعض
المواقف ومن ضمن الحجي عرفت مصطفى مزوج على آلاء
وكل اهله يدرون ما عدا آلاء و البنيه من العموم
ياسمين _سجلت علاوي بالمدرسه ونزلت جهزته هو ورضى
جهزتهم ملابس وقرطاسيه احس كل شي اسوي
براحه واستمتع من اسوي…. السيد يدزلي الباب المحل
أرقى الاقمشه واحسه هو يختارلي ويدز لي ما يقبل
اوصل الشورجه والحساب گوه وبضغط من رافع ياخذ
نص قيمتهن
المحل صارت عليه رجل ومعاميل هوايه كسبت من خلال تعاملنه ويا الناس بضرف شهرين كلشي كلش تغيرللأحسن
حياتنه وبيتنه
خصوصا رافع شگد جان منطوي على نفسه تغير وبده
يضخك ويجامل
جهزت علاوي للمدرسه وتسوگت ورجعت للبيت بقى
رضى ورافع بالمحل
دخلت بشارعنه اتمشه اني وعلاوي ودخلت وراي السياره
اليجي بيها حسن ووگفت بصف بابنه
نزل حسن من يمي سلم رديت عليه حسيته كبران مو ذاك
ابن الثمنطعش لحيه وشوارب وطولان تعديته ومن الباب
الثانيه نزل القائد ابو فاطمه ردت ادخل صار گدامي
باوعلي مبتسم وگال السلام عليكم
رديت السلام ودخلت گبل للبيت
حسن دخل ورايه فتح الاستقبال متعجب اشلون صار البيت
والفضل للسيد والاحمد
دخل ابو فاطمه هم ويا … وإيمان انخبصت احتارت شنو
تسوي وتقدم فرحانه رجع حسن سالم من بيجي
والصراحه كلنه رتاحينه لأن بيجي جانت مطاحن بيها مو معارك راحو بيها هواي شهداء
بس الحشد والجيش بالاخير كدرو يحرروها وهاي كانت القشه الكسرة ظهر داعش في بقية المعارك بحيث
في اي معركه بعد بيجي كانت تلاحقهم الهزيمه والعار الى أن تحررت الموصل واعلنه تحرير كل اراضي العراق من داعش وتوجت
بالنصر المؤزر
من سمع رافع سدو المحل ورجعو هو ورضى يومها شفت بعيونه فرحه
ما شايفتها قبل جنت ماراضيه على خالتي من عمت عيونها من البجي على محمد وهو طول عمره عاق ما فادها بشي
بس عرفت الولد عزيز مهما يكون سلوكه وتصرفه حسيت رافع فرحان بي من شافه صاير رجال تغدو سويه وطلع ابو فاطمه راح
واني تهيأت هم اروح افتح المحل ذروة الرزق العصر السوگ
يزدحم وهواي اصير رجل بالمحل
طلعت اتمشه اني ورضى وعلاوي صار أكثر من أسبوعين السيد ماكو حتى اتصال ما يتصل برافع تعودت اشوفه حتى لو من بعيد
ولو اجه الليل الله يليل تجيني كل ذكرياتي وتهيج شكو هموم
واحساس وما انام الا اسمع هيثم ودموعي بعيني
كم مره ردت افتح الحضر واتراجع اخاف يحاجيني وارجع اتعلق
بي واني ما صدكت نسيته
نسيتي ياسميتي…….!!!!
ليش هسه بيش تفكرين والله ياالله گمت احجي ويه روحي
فززتني ام حسين…….
خايبه وين صافنه على هاي حسبتج يشيلون المحل وانتي ما تدرين
ياسمين _ ههههه لا مو الهاي الدرجه
الحجيه _ الهاي ونص انتبهي بتي لاعبالج ما تنباگين ديري بالج
ياسمين _ وينج حجيه اشو ماكو
الحجيه _ تباوع للقماش وتحجي انه موجوده بس انتي الگطعتي
تعاليلي هذا منين القماش….؟؟؟
ياسمين _ من السيد غير
الحجيه _ هله هله ينطيج من ورايه
ياسمين _ ليش قابل مستورده بس الي
الحجيه _ اشاقه وياج اني ما رايحه ومسوكه صار شهر وازود
شنو ما يمركم السيد اشو ماكو
ياسمين _ لا والله ما جاينه وحتى ما يتصل
الحجيه _ دخلت ايدها بجيبها وطلعت مبايلها… احنه نخابره
ونشوف اخاف بي شي مريض
يدك ومحد يجاوب جا شو حتى سيد أركان مايرد
ياسمين _ هسه ماتلكي عزلت الوكاله من اروح اگول الرافع
يتصل عليه
الحجيه _ جا گليله ام حسين تسلم عليك
ياسمين _ تمام راحت الحجيه واحنه سدينه المحل راجعين
دخلت البيتسمعت رافع وحسن يتجادلون
اهوووو اجه حسن واجت هوسته بس لو ادري يرتاح
من يجادل ويه رافع عجيب هلولد ميخاف على ابو
من دخلت سكتو استغربت حسيت كانو يحجون عليه
سلمت ودخلت غرفتي وعلاوي طشر الدفاتر والهدوم
فرحان يشوفهن
بدلت ملابسي واجيت يم رافع صافن
ياسمين _ رافع اتصل على السيد اسال عنه ام حسين تگول ماكو
هاي الفتره
رافع _ اي والله عيب منه ما نسال عليه سحب مبايله وتصل عليه
كعدت يمه وملهوفه اسمع صوته
رافع _ الو السلام عليكم
السيد _ اجه صوته مثل مريض تعبان…. اهلا رافع شخبارك
رافع _ عاش من سمع صوتك اشبيك مريض…..؟؟؟
السيد _لا والله بس مشاكل اجيك واحجيلك
رافع _ مشتاقلك هوايه
السيد _ واني هم والله يارافع باجر اجيك انشالله
سد الخط واني گلبي يدگ ويه كل كلمه اسمعها يعني باجر يجي
واكحل عيوني بشوفته ياربي شكد اشتاقيتله
ردت اروح الغرفتي…. رافع گال اكعدي عندي حجي وياج
ياسمين _ خير گول رافع….
رافع _ حجه وعينه على حسن كأنه يسمعه
جايتج قسمه رجال مقتدر ومجاهد بس أرمل وعنده
ثنين بنات كبار شتگولين
ياسمين _ موضوع حسن من كال جايبلج عريس عنده ثلاث بيوت
اني نسيته ما اصورت كان جدي بكلامه
انته تدري اني رافضه الزواج من اي واحد
حسن _ وليش يابه رافضه اظلين طول العمر مگابلتني وگاعده
ياسمين _ اللتفتتله …. ماگاعده ابيتك ولا ماكله من جيبك
انتبهت ليش محروك دمه حسن ورافع كال مجاهد
هسه فهمت يعني العريس ابو فاطمه……………….؟؟؟؟
حسن _ اي هو بعينه رجال صايم مصلي ومجاهد وعنده خير
لو شايفه بيته عبالك مدرسه شكبره
ياسمين _ حتى لو ما ازوج اني جزت روحي من اي رجال فاهم
شنو سد الموضوع جايه تعبانه
حسن _ تقدم عليه وغير نبرة صوته يتوسل
فدوه اروحلج عمه وافقي اني رايد فاطمه بنته الجبيره
ومن حاجيته گال انطيني عمتك ياله تاخذ فاطمه
ياسمين _ لا انته اكيد اتخبلت تريد تنطيني حتى تاخذ بنته
بمكاني….. احجي شي رافع عاجبك حجي ابنك…..!!!
رافع _ شوف حسن مو شفت نفسك صار عندك راتب عبالك
هاي هيه اول شي بعدك سباطعش سنه….
حسن _ قاطعه ثمنطعش عمري
رافع _ ثمنطعش مثل ما تريد تره الزواج مسؤليه وانته بعدك زغير
بعدين وين فلوسك ما يراد فد خمس ست ملايين تزوج
بيهن والشي الأهم طلع عمتك من اي اتفاق ياسمين اني ما
انطيها فهمت……!!!!
ياسمين _
ثاني يوم طلعت للمحل راسي مصدع ونفسيتي مكسوره كل ما اگول حسن تعدل يصدمني بتصرف اتعس من قبل الله يعينك
يارافع عليه
اليوم اول يوم بالمدرسه رضى داوم صبحي واني حضرت علاوي يجي رضى من دوامه بمكاني بالمحل واني أخذه يداوم خبصني
القميص ابيص والبنطلون والجنطه والدفاتر واهم شي المطاره من
البارحه بالفريزر مجمدها
تفاجأت وگلبي خفق من لمحته بين الناس متجه على المحل
ركض عليه علاوي هلو عمو
سيد علي _ ههههه هلو اشلونك ورفع عينه عليه
اشلونج ياسمين
ياسمين _ ابتسمت وتلاگت عيني بعينه
الحمد لله انته اشلونك
سيد علي _ تنهد وگعد على الكرسي وللتفت العلاوي
اشلونك يابطل زييييين
علاوي _ جاوب بعفويه…… لا اني مو زين
سيد علي _ ههههه ليش مو زين منو وياك….
علاوي _ صفن لحظه والعبره بصدره
ماما راح تتزوج…