رواية انكسار الياسمين الفصل الثاني والعشرون 22 بقلم أمل مهدي

رواية انكسار الياسمين الجزء الثاني والعشرون

رواية انكسار الياسمين البارت الثاني والعشرون

رواية انكسار الياسمين الحلقة الثانية والعشرون

اتعثر كبالك بل جذب تمثيل
خاطر بل وجة تاخذني بل احظان
وما جني حظنتك جن ذاك اليوم
حاظن جنس حوى من انخلق للان
تعلى انفاسنا ونعرفها ما انفاس
حمى مخلص صبرها وتنذر بركان
****************
ياسمين_
رجعت للبيت مقهوره شغلي راح مريت بمحل ابو زين انطيته
ال٧٥ الف النطاهن الي بالمستشفى وبقالي ١٥ الف
سالني على وضعي حجيتله الروضه استغنت عني وعينو غيري
لازم ارجع ادور على شغل جنت رغم الراتب قليل بس رتبت وضعي عليهن لو ما مرض علاوي
ماقبل ياخذهن گوه ذبيتهن عليه
الرجال ما قصر يروح ويرجع عليه
علاوي كايدته بأيدي وامشي باوعتله
ابتسملي
الحمد لله عدت سلامات ورجعت عافيته مثل قبل واحسن
يروحلك فدوه الشغل
احجي ويا وهو يضحك كل شي ما فاهم
دخلت البيت..
لكيتهم يتغدون بالهول إيمان ورضى وخالتي الصينيه گدامهم
ورافع الاكل گدامه على الطبله
وحسن عادي ما موجود طول النهار بره ولا ينعد من اهل البيت
بعدني واكفه اباب الهول احجي ويه رافع من سمعت الباب اندفعت
بقوه….. التفتت
تفاجأت مها دخلت بتجاهي وشكلها عصبيه
صاحت عليه بدون مقدمات
_ ياسمين تجوزين من رجلي لو افضحج بين خلك الله
ياسمين _ ليش شعندي ويه رجلج……..!!!!!
مها _ هاي الحركات اني فاهمته بطلوني من شغلي واعذرني
وتشكين وتبجين وهو يجيب ويصرف عليج
شنو نيتج
تتمسكنين لحد ما تاخذينه…..
نجوم السما اقربلج
_ شنو هلحجي ابو زين حسبة اخويه ماتستحين تتهميني
_ انتي الماتستحين كافي سكتت شهر رايح جاي للمستشفى يحمل
علاليك وعديتها……
عايفنه وعايف شغله واگول جيران ومحتاجينه
كافي شكو لاحكته للمحل
اشعندج ساعه تسولفين ويا
ما تنطيني مجال احجي نزلت عليه تهديد واتهامات ماتدري رافع بالهول يسمع
ياسمين _ التفتت على رافع
كذابه والله…….
ام زين _ ليش قبل اشويه مو جنتي يمه …….
_ اي رحت انطيت الدين مالته
ما تحملت خالتي گامت تتلمس الحايط لمن وصلت الباب
راجحه _ ولج ويامن تحجين ويا ياسمين
جان استحيتي تغارين من وحده بكد بنتج هاجمه الباب لاخجل ولا مستحى تعديتي علينه مالج رداد ما عدج رجال اليربطج ويلجم
لسانج
رافع _ تفضلي يمي واحجي ام زين…. شكو اشصاير
ام زين _ اسال اختك صار ساعه يم صاحبك واكفه تشكيله
ياسمين _ والله رافع مريت بطريقي حتى انطي الفلوس الاخذتهن منه بالمستشفى
رافع _ سمعتي راحت تنطي الطلب واريد اگلج شغله
ليلة التخربط علاوي اني خابرته لان ما أأمن على اختي ويا احد ثاني
وما رضيت بعد يروح ما ردت اكلفه بس هو غيرته ما سمحتله يعوفنه بهلضرف
لان رجال ويعامل ياسمين مثل اخته ما راد يعوفها
راجحه _ سمعتي…..!!!!!
امشي اطلعي لابارك الله بيج وبشوفتج حرامات
ملفيج زلمتج
هاجمه علينه بتهايمج ما خفتي من ربج بهاي اليتيمه
رافع _ عوفيها خالتي الخاطر الرجال الطيب نعديها ابو زين
وگفاته ويانه هوايه
ياسمين _ ما ردت بعد عليهم لان فشلوها طلعت وعيونها تخزر وتهدد بيه
ما كان عوزني بس هاي تتهمني وتالف عليه
رافع _ حجه وهو ياشرلي بأصبعه يحذرني
لو شما يكون لا توصلين محل ابو زين بعد فهمتي
هاي مرته غياره هو يشتكي منها واگفتله وره الباب ياهو تحجي ويا
تسويله مشكله…..
اذا خلتج براسها ما تخلصين سمعتي بويه….
ياسمين _ ابتسمت شكد حلوه كلمة بويه من يگولها يحسسني
هو ابويه
هزيت راسي مستسلمه اي سمعت…
سيد علي _
ما معقوله محد يعرفهم ولا احد سامع بيهم المنطقه شارع شارع
مشيته المدرسه مرتين رحتلهم أقرب نقطه داله السوق وتاركه من خمس سنوات
صارت روحي بالمنطقه كل فتره اجي اتمشه بالسوك بلكت
اشوف احد منهم
وما عندي عرف غير ام حسين القماشه تسألي عليهم
أيست وحسيت اني ادور على ابره بكومة قش مثل ما يگولون
دخلت على محل ام حسين القماشه محلها واسع مملي بضاعه
لان معاميلها هوايه وخصوصا النسوان
سيدعلي _ السلام عليكم
ام حسين _ هله بالسيد ومرحبا اليوم بسوكنه جاي
_ حجيه انتي تدرين شنو اليجيبني
_ اي والله ادري سوده عليه تمنيت أند لهم واخذك الهم
هاي النسوان تشهد أشكد سالت عليهم محد عرفهم
اخافنهم شالو منا
_ ما ادري حجيه من ست سنين مفارگهم
_ ست اسنين هواي…….
_واني احجي دك مبايلي…. امي
الو ها يمه خير
_ وينك يمه الحك على مرتك راح تموت واسمع زينب صراخها بالمبايل
_ وگفت شكو شبيها…..!!!!
ام حسين _خير سيد شكو….
طلعت من محل ام حسين ما دريت بنفسي احجي بالموبايل واركض
ؤصلت السياره صعدت وصوت زينب براسي اول مره اسمعها تصيح من الولاده ثلاثه الجابتهم ما يوم حسيت بيها ولا سمعتها
لان ارجع الكه ابنها بحضنها
_ يمه اخذيها للمستشفى….. اخاف اتأخر عليكم
اني بعيد
_ وجهالك يظلون وحدهم مر على نسرين جيبها حتى اظل يمهم
يله ستعجل
_ شستعجل وهذا الازدحام شعندي طياره واجيكم
_ اشلون لعد يا يمه موتدري مرتك على وجه ولاده وكتها تروح مدري وين ……!!!!
_ شغل يمه شغل يعني اشلون اشتم گفه أيدي
واعرف اليوم تولد زينب
_ ديله متانيك كون الله يسترك من الدرب
_ انشالله
سديت الخط واني اتسابق بالشارع اريد بس اوصل
وكل شويه ادك اسمع صراخها وارجع اسده
يارب ساعدها ما اريدها تتاذه ظل بالي معقوله كل مره هيج
اشو جنت عوفها واگفه تشتغل بالبيت ارجع الگه طفل بحضنها
طول الطريق بقلق ظليت
طلعت على نسرين من الباب تلگتني بسرعه صعدت بالسياره هيه وجهالها
السيد _ أركان يدري گلتيله
نسرين _ اي اتصلت عليه گلتله گال روحي
السيد _ ازدحامات گوه ياله
وصلت البيت نزلت بسرعه لگيتها تتمشه بالممر نوبه تون نوبه تصيح
زينب _ الحلكي سيد كاعد اموت
سيدعلي _ اسم الله عليج من الموت هسه تولدين وترتاحين
التفتت على امي
يله بسرعه ناخذها للمستشفى
رفعتها وكعدتها بالسياره صارت ثگيله حتى متمشي
اميمه _ لبستها عبايتها واوصي بنسرين علبيت
اباوعلها انتهت بعد مابيها تصرخ ووجها تغير
استعجل اتخربطت هاي
السيد _ باوعتلها بالمرايه انتهت مو طبيعيه
يمه كل مره هيج زينب من تولد لو بس هاي المره
اميمه _لا والله اول مره هيج تتعب استعجل اشويه
السيد _ ما تحملت انهديت بيها
كم مره گلت ماريد جهال بعد وگت العمر گدامج يازينب ما تاخذين كلام فوگه فوگه عبالك داخله بمسابقه وهاي النتيجه
اميمه _هسه هيه بيا حال وانته تلوم بيها
سيد علي _صدك ليش الومها موهي تمشي وراج
مو انتي الخبلتيها السيد وحيد الحگي جيبيله وخلفيله
اميمه _ يا انوب اندأريت عليه…….
وصلنه أقرب مستشفى اهلي حالتها مو مال تاخير
دخلت وياها الدكتوره شويه وطلعت گالت
_ انت زوجها…
_ اي زوجها
_ وقعلي هاي الأوراق حتى ندخلها عمليه ما عدنه وقت
وصاحت على الممرضه محتاجين دم بسرعه
_رحت تبرعت بطل دم ورجعت
الوحدي واكف وادعيلها واعصابي نار
طلعت وگفت بالحديقه قلق وتوتر
دگ موبايلي مهيمن اخو زينب
الو..
_ اشلونها زينب
_دخلوها للعمليات ادعيلها
_ اني جاي بالطريق وامي وياي
_ ياريت مهيمن اني هنا محد وياي اخاف يصير شي وما اعرف شسوي
_ جايين جايين انشالله
اتاخرت زينب بالعمليات والاتصالات وترتني
كل اشويه ودگ الموبايل وتعال احجي واعيد
خواتي عمامي اخوانها كل اشويه واحد متصل كلهم بالنجف
ما عد ا خواتي الزغار زوجتهن بغداد طيبه ما اعتمد عليه بگد نسرين لان زوجه اركان يشتغل ويايه
محتار الوحدي عقلي يودي ويجيب بالأفكار السوده
طلعت الممرضه
_ تلكيتها بشري اشلونها
_ اشلونها يعني محتاجه دم…. وراحت بسرعه اختفت
قلقتني بالأكثر….
كعدت حيلي مهدود ولسه صوتها براسي من جانت بالبيت تتالم
دعيت الله تكوم بالسلامه سيطر عليه احساس الذنب وبده ظميري
يعذبني
شكد صار عايشه وياي ما يوم سألتها شنو تحب شنو تكره
صح ما مقصر وياها بس اللبس والفلوس مو كلشي
حتى هواي مرات احسه تدري شكو بگلبي بس متحجي
وهذا الخلاها تفكر تخلفلي حتى تأمن روحها وياي
عايش. وياها بس گلبي يم ياسمين
آخخخخخ يا ياسمين اني ضيعتج وين بعد الگاج
فزيت من افكاري من فتحو الباب وطلعت الدكتوره
وكفت … بشري دكتوره…
_ اليوم مرتك طلعناها من حلگ السبع گوه وگفنه النزيف
وضطرينه نعقدلها بعد ماكو خلفه
ومع الأسف ما گدرنه ننقذ الجنين لان وصلتنه متاخره
_ نزلت راسي بقهر الحمد لله على كل حال
المهم تكوم بالسلامه
وانتم مشكورين تلاحگتولها
_ الحمد لله على سلامتها
_ الله يسلمج دكتوره
ياسمين _
يومين وخلصت فلوسي اني ما عندي مصاريف مهمه غير علاوي بس إيمان اكلت گلبي تحاسبني على للگمه الاكلها وياهم
راح اظلين كاعده شوفيلج شغل دشوفين گوه مدبريها منين اجيب ابتليت بهلبيت
ذاك اليوم رافع استلم راتبه وهو راتب رعايه يعني تفاليس انطاني مصرف وشترى علاجه والباقي حطهن بديها
گلبت الدنيا وعركه أشكبرها ويا ليش ينطيني منهن
واني اسمع واشتعل نار اخاف عليه مريض وهيه ابد ما تراعي
ياسمين _نايمه وحسيت على علاوي يدغدغني
ارفع راسي
يختل جوه الغطى….
اني عرفته بس عجبني اشاقه ويا
كشف راسه يباو على…. لزمتك…. هههه
دغدغته وهو يضحك ههههه بصوت عالي
واني اضحك وابوسه
راجحه _ الله يحفظكم ويديم هاي الضحكه عليكم
يمكن السعاده الوحيده اللاحس بيها هيه ويه علاوي
لا مو يمكن شي اكيد….
ايمان_
بدل ما تضحكين گومي دوريلج على شغل مخلصتها اكل ونوم
واني محتاره بالعيشه
_ وين ادور فهميني وصيت الجيران وصيت معلمات الروضه
راجحه _ وانتي شعندج شايله هم العيشه يومية رضى بيدج وحسن ينطيج وعايشين
ظلت على هاي المگروده خافي ربج بت عباس وتذكري خير أخوها الجان يفي عليج لو نسيتي
إيمان _ جان… جان انتي كلتيه جان
والله اشك انج امي الي ما فد يوم وگفتي وياي عيونج عمت وبعدج ما تشوفين غيرهم
راجحه _ من يومي اشوف بگلبي
ما يفيد الحجي خلفة عباس يو لا…..
ياسمين _ اخذت علاوي ورحت للمطبخ گليت طماطه وجاي وكعدت آكل
هاي يوميه تسمعني هذا المقتل من الصبح وخالتي ترزلها ياله
تسكت
صفنت… محتاره وين الگه شغل تعبت واني افكر ما گدامي غير اروح للسوگ بلكت هاي الحجيه لاگيتلي شغل
باوعت العلاوي منو يشغل وحده هيه وابنه
دگ الموبايل على الثلاجه
أخذته ايمان فتحته
الو
مرحبا ياسمين موجوده..
إيمان _ منو انتي…. موجوده
_ اني مديرة الروضه ممكن تنطينياها
إيمان _ هاج هاي المديره تريدج
ياسمين _ اخذت الموبايل وكلي امل ترجعني للروضه احسن من ماكو
_ الو اهلا ست
_ شلونج عيني
ياسمين _ الحمد لله گولي ست
_ شوفي عندي حفله خطوبة بنتي واريدج تجيني تنظفيلي البيت
ياسمين _ معرفت شجاووبه اني عمري مطالعه البيت احد انوب اشتغل خدامه
إيمان تسمع وتاشرلي اي وافقي…
اي ماشي يمته ترديني….!!!
_ تعالي للروضه باجر ويه الدوام
ياسمين _ انشالله…. سديت الموبايل ولتفتت على إيمان
ورافع اشلون…..؟؟
إيمان _ گوليله الروضه عدهم حفله و رادوني انظف وياهم
ياسمين _ واذا عرف اني ما اتحمل ازعله
إيمان _ اهو وووو روحي وسكتي منين يعرف
حصليلج كم فلس احسن من ما مگابلتني وگاعده
ثاني يوم كعدت بكل نشاط بدلت ملابسي وبدلت العلاوي
كلهم عرفو رايحه للروضه مو الغير مكان
راجحه _ عوفي علاوي يبهذلج
ياسمين _ لا أخذه ويايه
وصلت الروضه لكيتها بالباب تنتظرني بسيارة ابنها
صعدت وياهم رحنه البيتها مو بعيد بنفس المنطقه بس بالجهه
الثانيه مالت السوك
نزلت وابني بيدي ودخلت البيت قصر مو بيت عادي الحديقه جبيره
الورود والترتيب
دخلت من باب المطبخ واني وراها
رفل _ اكعدي ماما ارتاحي
_ لا وجهيني منين ابدا حتى اخلص من وكت
_ مستحيل تخلصن اليوم اريد هذا الأسبوع يوميه تجيني وبيوم الخطوبه هم احتاجج
_ سكتت شگول عليج إيمان اليوم كذبت على رافع باجر شلون
رفل _ ها اشوفج صفنتي…
_ وجهيني ابدي منين والله كريم
رفل _ ها لعد ابدي من الاستقبال تعالي ادليج
_ كعدت علاوي گدامي اسولف ويا حتى لا يلعب بشي البيت مملي تحف وورود واثاث راقي
البيت مبين محد بي رفعت بجامتي للركبه ورداناتي وغطيت شعري من گدام وتركت شعري ظفيره
وبلشت ما شاء الله الخير امبين عليهم
ست رفل عدها بنيه وثنين ولد وزوجها طيار هاي المعلومات اعرفه من اشتغلت بالروضه مالتها هيه طيبه وأخلاق بس حديه بقراراته
تعرف عني كلشي وجانت تساعدني بس من تمرض علاوي ماصبرت عليه
البيت اصلا نظيف شي بسيط تراب وتنظيف جام ونثريات وارضيات
بس انهد حيلي وياها لان غيرت بديكور البيت حولت اثاث وقنفات من مكان المكان
اشتغل بسرعه وفكري يم رافع ما اريد اتأخر كملت كلشي طلبته مني
عبالي خلصت رتبت ملابسي ولبست عباتي
گالت بعد وكت روحي الغرفتي نظفيها
هنا هيه عافتني ووحدي
رجعت رفعت بجامتي ورداناتي وتعلگت بالسكف انظف الثريه
صاعده على الدرج…
انظف ملتهيه وحسيت احد واكف بالباب التفتت ولد شاب مرتب
مركز ويايه
ارتبكت احتاريت انزل برداني لواغطي بشعري تحرك الدرج ونكلب بيه
ما حسيت الا اديا لزمتني قبل ما اوكع
أيسر _ الله الله شبيج خفتي مني
ياسمين _ ايدي ترجف مرتبكه وكفت عدلت نفسي واغطي برجليه رافعه البجامه للركبه
ونزل ارداني… انخبصت معرفت شحجي
أيسر _ اني اعتذر يمكن خوفتج
لعد امي وين…..!!!
ياسمين _ ما ادري گلتها برتباك
اجه يركض عليه علاوي حضنته ه
يسار _ هذا ابنج…
ياسمين _ هزيت راسي بدون ما احجي
يسار _ الله يحفظه گالها وعيونه ما رمشت مني
عدل الدرج وگال
كملي هذا الدرج هم رجعته الج طلع من الغرفه وهو يلتفت عليه
رجعت كعدت علاوي اليوم شبع كل اشويه ست رفل تجيبله شغله ياكلها
كملت تنظيف بسرعه لبست عباتي ودكمتها وطلعت
اسمعهم كلهم ملتمين بالمطبخ يتغدون على ميز الطعام
وگدامهم كل واحد حافظه و كارتون يبين ااكل جاهز
ياسمين _ ست رفل كملت
رفل _ تعالي تغدي ويانه
ياسمين _ تسلمين اتاخرت والله اريد ارجع
الف عافيه تغدو
ابنهم الدخل عليه الغرفه كاعد ياكل وياهم وگف
أيسر_ الحمد لله
ابوهم _ ما طولك خلصت اكل روح وصلها بابا
أيسر _ اي… اني اصلا طالع
يحجي ويباوعلي ….. بكلبي كلت هذا شبي…. عيونه راح تطلع
طلعت للكراج قبله
ست رفل طلعت ورايه بيدها حافظتين خلتهم بعلاكه هذا غداج
وانطتني ٥٠ الف باجر هم تجين الطابق الفوك الكراج بعد ترتيبات عندي
ياسمين _ انشالله بالي كله شاگول الرافع
أيسر _ فتحت باب السياره
تفضلي…
ياسمين _ وحدنه
ايسر _ لعد منو ويانه……..؟؟؟ ابتسم اصعدي يابه تره ما آكلج
ياسمين _ لا مو قصدي جان فاتحلي باب الصدر اني فتحت الباب الخلفي وصعدت
ما حجه سد الباب ومشه باوعلي بالمرايه
أيسر _ وين بيتكم….؟؟؟
ياسمين _ وصلني للروضه
أيسر _ عيونه عليه بالمرايه ويحجي ليش مو لبيتكم مو احسن
ياسمين _ ارفع عيني ااباوعله وانزلها ما ادري هو نظرته الي
مو نظيفه لو اني خايفه
مو بيتنه قريب عن الروضه…
أيسر _ هذا شسمه ابنج
_ علاوي
وصلنه الروضه نزلت اني وعلاوي تشكرت منه بدون ما التفت
ومشيت بتجاه بيتنه
دخلت البيت لكيت رافع بالطرمه كاعد ينتظرني بقلق
رافع _ باوعلي عاقد حاجبه
ليش هلكد تأخرتي
ياسمين _ انقهرت ولمت نفسي لان كذبت عليه…..
هسه يالله كملت شغل وبعد تريدني المديره يوم لاخ
رافع _ شدعوه روضه لو مدرسه
ياسمين _ لا بيتها
وقبل ما يحجي….
بيت المديره ست رفل بنته مخطوبه و رادتني اساعدها بتنظيف البيت
رافع _ يعني رحتي تخدمين ابيتها ليش ما كلتلي من الاول
ياسمين _ هوما يدري شنو كان شغلي بالروضه كل ضنه اوكل
الأطفال واراعي الزغار بالحضانه
أدري بيك ما توافق واستحيت اردها بعد ما طلبت مني
رافع _ خدامه ياسمين تالي تخدمين بالبيوت انعل ابو العازه التخليج
ترضين بهذا الشغل شنو جوعانه
ياسمين _ مو مسألة عازه المديره زينه وهن يومين اوگف وياها زحمه ارفض
اني اعتبرتها مساعده رغم انطتني تعبي
فتحت الجنطه وطلعت الخمسين اراوي
دار وجها بعصبيه ما باوعلي بعد
وبعد هذا الأسبوع كله تريدني
رافع ما اريدك تزعل مني….. ما رد عليه
اخذت علي ودخلت للغرفه بدلت ملابسي وفتحت الحافظات
برياني دجاج وكيس بي حلويات كعدت اتغده اني وخالتي
إيمان شاركتنه هيه ورضى عزلت ماعرن الرافع ما قبل ياكل شگد نفسه عزيزه ياربي
ثاني يوم لبست العبايه والحجاب وأخذت ايد علاوي اكودها بس ما هان عليه اطلع ورافع زعلان
ياسمين _ لا تزعل مني هن بس يومين احسبني ا شتغل بالروضه
رافع _ اني زعلان عليج ما كان بودي نوصل الهلحال
ياسمين _ اشبي حالنه احسن من هوايه ناس مالاگيه تاكل
الحمد لله الله ميسرها وعايشين
طلعت للروضه لكيت أيسر ينتظر بالسياره لابس نظارات شمسيه وكاشخ وقبل ما اوصل السياره اشتميت عطره
من شافني ترجل من السياره يباوعلى مبتسم
أيسر _ اشو تاخرتي
ياسمين _ استغربت سؤاله
ست رفل وين
أيسر _ بالبيت تنتظرج…
ما رتاحيتله ابد ظليت محتاره ارجع لولا
فتح الباب الخلفي للسياره
واشرلي اصعد…
صعدت وعلاوي بحضني مرتبكه هذا منين طلعلي
شغل السياره ومشه عدل المرايه وگال
أيسر _ اسمج ياسمين……؟؟
_ اي جاوبت بدون ما اباوعله ظليت مركزه بالطريق مارتاحيت النظراته
ظل يحجي عن روحه ودراسته وكانه يعرفني عليه واني مامهتمه ابد
اطمئنيت من وصلت ولكيت باب البيت مفتوح
وابو أيسر والفلاح يرتبون بالحديقه
ترددت اگول الست رفل عليه لان ما شفت منه فعل يستوجب
هن يومين واخلص بعد وين اشوفه
دخلت تلكتني ست رفل وبنيه شابه
ابتسمت من شافتني
دنيا _ واخيرا شفت ياسمين
ياسمين _ سلمت عليها وهنيتها بالخطوبه من عرفت هيه بنتها الست رفل
رفل _ اصعدي بلشي بالطابق الفوك
اخذيها دينا دليها
التفتت لكيت أيسر بيده السويج ومناظره مصعدها على جبينه ومركز نظراته عليه
ارتبكت……
ولزمت ايد علاوي وصعدت الدرج
رفل _ انت بعدك هنا
أيسر _ لعد وين اروح
رفل _ روح جيبلي المسواك
أيسر _ اي رايح….
صعدت دنيا الدرج واني وراها وبيدي علاوي گوه يصعد
سمعت ست رفل…
رفل _ شبيك مو ربكتها للبنيه ما شايف بنات
ايسر _ لا والله مثلها ماشفت…. هدوء وأخلاق وثگل
بس الجمال الشايلته قضيه
رفل _ خزرته شنو اشو مركز وياها شبيك ماما تره ياسمين بنيه فقيره وارمله وعدها طفل
أيسر _ واني محتاج هيج وحده
رفل _ أيسر شنو هل حجي اكيد تشاقه
بعد ابتعدت مافهمت شنو حجو ظل فكري بالكلام الگاله خفت اكثر
دخلت غرفة دينا….
دنيا بعمري هاي السنه اتخرجت حبابه وبسيطه ما حسيت بالوقت وياها
دنيا _ راح اتعبج غرفتي صايره هوسه
_ واني هنا حتى ارتبها الج
صدك هوسه الملابس بكل مكان والمكياج
مطشر وباكيتات وجنط واحذيه
وگفت صافنه منين ابدي
دنيا _ ها هوسه مو بله…………!!!!
ياسمين _ ولا يهمج خلي نبدي من الكنتور؛
دنيا _ هم صحيح
ساعتين ارتب ملابسها بكنتورها الخمس أبواب من غير العزلتهن
متلبسهن ورجعت على الاحذيه والجنط والساعات والاكسسوارات
وكل اشويه ومراويتني شغله هاي بابا جابليها من مصر وهاي من الصين وهاي من كندا
واني ابتسم واگول الله يحفظه الج
شكد مدللها
خلصت ويه العصر
دينا _ تعبتج اليوم خلصتي كله بغرفتي
ياسمين _ ميهم باجر اكمل باقي الغرف
لبست عباتي ودگمتها ولفيت الشال وتحضرت اروح
نزلت ركضت ورايه دينا بيدها علاگه
دينا _ هاي الج اكسسوارات ما احتاجها
اول مره رفضت بس گالت ازعل والله اضطريت اخذهن
نزلت لگيت علاوي يلعب بلعبه هو ايسر
أخذته وطلعت
ست رفل _ باجر هم انتظرج
ياسمين _ انشاءالله انطتني فلوس وصاحت على أيسر
تعال وصله….
فتح الباب الخلفي صعدت اني وعلاوي وهو حرك السياره
أيسر _ انتي ليش هلگد حلوه…..!!!
_ تره عيب عليك تتحرش اذا متسكت اگول للوالده
أيسر _آني ما متحرش آني حجيت حقيقه انتي فعلا حلوه
تدرين اني ادرس بروسيا مو
_ لا
أيسر _ واريد ازوج…..!!!!
_ واني شعليه… نترت بوجها
ايسر _ اذا اتقدملج توافقين…