رواية انكسار الياسمين الفصل الثالث 3 بقلم أمل مهدي
رواية انكسار الياسمين الجزء الثالث
رواية انكسار الياسمين البارت الثالث
رواية انكسار الياسمين الحلقة الثالثة
الرجفه هاي البيه شيسمونها
ليش اغاني التطلع اذكرني بيك
ودمعي ينزل گبل ما يبدونها
نعمة النسيان اكبر چذبه هاي
+++++++++++
رافع _ باوعت على السيد استغربت تصرفه
ياسمين روحي جوه حبيبتي
ياسمين _ باوعتلي وبرطمت خجلانه ودخلت تركض
احمد _ اجيت بصف السيد وخانكتني الضحكه
اكلك شبيك كله صفنت عليك
ما عرفتك تستحرم
السيد _ وليش ما استحرم اشايفني
احمد _ قصدي انهديت بالطفله خجلتها وحتى رافع يمكن زعل
السيد _ بسرعه التفتت لرافع
اخاف صدك يزعل
رافع خوما زعلت مني
رافع _ لا يمعود اني ادري بيك تحبه وتخاف عليها ما ازعل
بس هيه طفله
اكيد زعلت عليك
السيد _ لا مو طفله عوفها عليه اني اراضيها وافهمها
طلعنه وكل واحد رجع البيته
اني رحت ويه السيد كعدت
يمه إلى أن عزل ورجعت لان وعدت امونه اجيها
دخلت وخالتي حضنتني
راجحه _ بالمبارك ياعيوني الله يهنيك ويسعدك انشالله
رافع _ هههه الله يحفظج خالتي
كعدت يم ايمان وهمه بدو يحضرون العشه
ها ايمان راضيه على الذهب الملابس
ايمان _ الحمد لله خالتي كل شي جابتلي
رافع _ الحمد لله انتي تدللين
شوفي ايمان اني كلش احب امي وياسمين ذوله اعز شي عندي بالدنيا
اذا تحبيني حبيهم وداريهم انطيج عيوني ساعتها
ايمان _ سكتت…. يعني يريدني خدامه خرب حضي وين ما اروح وراي الخدمه والشغل…
رافع _ ها شو سكتي..
ايمان _ لا اشيلهم بعيوني لا توصيني
رافع _ ابتسمت عفيه عليج
امونه الورده… وكرصتها من خدها
ايمان _ لا تسميني امونه ممكن…
رافع _ ها ليش غير ادلعج
ايمان _ ما احب امونه…
_ لا تزعلين ايمان ياحلات هذا الاسم
ابتسام _ يله يمه رافع يله امونه
كومو تعشو
ايمان _ درت وجهي معاجبني
وكمت
ابتسام _ باوعت الرافع هاي اشبيها اشو كلبت وجها
رافع _ هههه ما بيه يمكن لان سميتيها امونه
ابتسام _ شنو عيني اول مره من هيه زغيره نصيحلها امونه
رافع _ تكول ما احبا صيحيلها ايمان
ابتسام _ فريت ايدي ومشيت
تعشينه كلنه ورجعنه البيتنه
ياسمين _ رجعت من المدرسه
ومشيت من يم المحل مال عمو السيد شفته واكف بالباب منتظرني
السيد _ ياسمين
_ ما حاجيته ..
_ ياسمين شنو ما سمعتيني
_ لا سمعتك بس ما اريد احجي وياك
_ هههه ادري زعلانه مني تعالي
انتي عرفتي ليش صحت عليج….
_ اني جنت اريد اراويك ثوبي وشعري
_ واني ادري وشفتج طالعه كلش حلوه وخفت عليج كلهم يباعولج
_ ابتسمت يعني اني حلوه
_ اي وكبرتي عيب تطلعين بنص الزلم
_ امي هم تكلي لا تحجين ويه محمد هذا معذرب
يعني لان كبرت……..؟؟؟؟
_ ليش محمد يحجي وياج….؟؟؟
_ لا بس هو كسلان بالمدرسه ويشرب جكاير
_ ها يعني مو خوش يعني لا تحجين ويا ولا تروحين البيتهم وحدج
_ اي ما احجي ويا
_ عفيه عليج هسه تصالحنه
_ لزمت ايده جريتها وجلبت اصبعي باصبعه
هسه تصالحنه…..
_ هههههه والله عليج سوالف
تعالي اشتريلج
اشتريتلها مثل كل مره وراحت البيتهم….
ابتسام _
عدلنه البيت وصبغنا واشتريت غرفه اخشاب الرافع واتفقت ويه النداف يسويلي فراش
فرشتها للغرفه وكملت باقي بس العرس
حددنه راس الشهر نسوي عزيمه جبيره
ابتسام _ يمه عزمت كل المعارف
ما نريد ننسى واحد ويعاتبنه
رافع _ كلشي حضرت باجر منو ياخذ ايمان للصالون
ابتسام _ راجحه وبنت خالها اني ما فارغه
رافع _ تمام اني هم حضرت الطباخ والمسواك وباجر الولد كلهم ويايه يجون يساعدونه
ابتسام _ فتحت ايدي للسما
يارب يسعدك وويوفقك يا رافع
_ هههه شعجب ما كلتي يرفعك مثل كل دعوه
ابتسام _ لا هاي كافي هههه
ايمان _
رحت للصالون وهاي ياسمين شكد ضوجتني تريد كله مثلي شعرها مثل شعري ولبسوها بدله بيضه مثل بدلتي الا اشويه تطلب عريس هم وتزوج بمكاني
راجحه _ شبيج كالبه وجهج…..؟؟؟
ايمان _ هيه ليش أجت ويانه
واأشر على ياسمين جانت كاعده على الكرسي يسرحون شعرها
راجحه _ هاي اخت رافع المدلله شغاثج منه واذا لبست وسرحت شعرها شعليج
ايمان _ شيسولي تسوي مثلي
ضوجتني
راجحه _ باعي اكلج شغله ياسمين عزيزة رافع اذا تردين تعيشين مرتاحه ارضي ياسمين وبتسام يحطج على راسه رافع ويدللج
اذكري العازه والفكر مالت ابوج رافع ذهب شيلي بعيونج
هو وامه واخته وبربعي بحاله وبماله
لا تعوجين وترديلي تره موتج على ايدي
خليني احتار بخوج المابي خير
_ يله هاي هم كملنه عروستنا الثانيه
اجتي السياره ورجعنه للبيت
اباوع الكراسي صافيه منا ومنا والسماعات وصوت الاغاني تصيح وناس طابه طالع من بيت خالتي
دخلت بيتنه كعدت شويه وبنات جيرانه يركصن ويغنن
ساعه وسمعت السيارات بالباب
دخل رافع لابس قاط اسود طالع حلو مثلي اخذني بايده وطلعنه والفرقه ادك بالباب
صعدني بسيارة صاحبه السيد
ورانه اربع سيارات طلعو على الشارع يم المصور نزلنه صورنه وويانه خاله ابتسام وامي وياسمين ورجعنه صعدنه بالسيارات ومشت للبيت
نزلني رافع ودخلني البيتهم بالاستقبال كعدني جانت الناس هوايه عافني وطلع بره
صبو العشا مواعين جبيره وعليها لحم
اباوع للنسوان كل وحده بيدها ماعون تمنيت اخذلي اني هم واحد
بس مترهم عروس وماعوني بيدي
ابتسام _ شفت امونه تباوع على الاكل عرفتها جوعانه
يله حبيبتي امشي الغرفتج
راح يزفونه الرافع
اخذتني خالتي الغرفتي تخبل
جبيره الأخشاب صاج والكنتور اشكبره
اني جنت خاله هدومي بكارتونه هههه ما عدنه كنتور
والكاع كاشي ومفروشه شكد فرحت
واني افتر وحدي وتفقد بالغراض سمعت هوسه جابو
رافع يزفونه بسرعه غطيت وجهي بالبركع وكعدت
دخل وسد الباب ورى
رافع _ ههههه اسوو بيه مناعيل الوالدين
تقدم وكف يمي ها خوما خايفه
ايمان _ لا ليش اخاف…
رافع _ رفعت البركع وبستها من خدها الف مبروك الله يقدرني واسعدج
ايمان _ نزلت راسي خجلانه
رافع _ تعالي بدلي ولبسي هذا
جان اكو سيت نوم على السرير انطيتهيا…
بدلت القاط ولبست دشداشه بيضه وشحاطه بيضه
التفتت لكيتها بعدها ما نازعه البدله
ليش ما بدلتي
_ استحي من تطلع ابدل
_ اني صرت رجلج ليش تستحين تعالي نزعتها البركع والبدله اباوع حلوه بيضه وجسمها حلو رغم ضعيفه
لبستها على كيفي سيت النوم
و عيوني تريد تأكلها
اني لليوم ما مجرب علاقه ويه مره اروح بدري واجي بدربي همي بس اشتغل واجمع فلوس
راح اطلع شويه وارجع حتى نتعشى
ايمان _ اي …وباوعتله مبتسمه
رافع _ لج منعوله طول عمرج كدامي ولا شايفج هيج حلوه
_ هههههه
رافع _ اضحكي اضحكي راجعلج واعلمج وغمز بعينه
طلع رافع وبسرعه دخلت عليه امي
راجحه _ هاي انتي بدلتي…؟؟
ايمان _ لا رافع بدلي…
_ هههه فدوه لعيونه
بنيتي ديري بالج عليه وطيعي
شيكول كولي تم لا تعاندي
والله الله يحبج وقسملج رافع
رجال من يومه وحنين وطيب
بنيتي ماريده بيوم اسمعه يشكي منج….!!!
سمعتي…..
ايمان _ اففف والله متت شكد توصيني دوصي هو عليه….؟؟؟
_ ماحاجه اوصي ادري بي خوش ولد
انفتح الباب….ابتسام
شايله الصينيه مال العشه
ابتسام _ ها هاي انتي هنا ام محمد زين اسوين لا تعوفيها الا يجي رافع اخاف تخاف
خطيه
راجحه _ لا أمونه سباعيه ماتخاف
ايمان _ يمه لا تسميني امونه اكره هذا الاسم اسمي ايمان
سمعتي شكبره
ابتسام _ ليش ولج اصيحين على امج
راجحه _ سكتت والعبره بصدري بنتي واعرفه قبيحه الله يستر
ابتسام _ من يومج امونه شنو التغير تزمخين بامج ما تستحين
راجحه _ عوفيها بتسام متوتره ومتعرف تحجي
انفتح الباب ودخل رافع
حجه اشويه وياهن وطلعن
سد الباب ورجع قفله…
رافع _ نزعت محبسي والسبحه وخليتهن على الميز تواليت
وتمشيت للصينيه مال الاكل افرك بيدي ياالله جعت
يله ايمان كابليني
ايمان _ كعدت كباله فرحانه
كبل ما أمد ايدي
هو صار يفلس باللحم ويحط كدامي واني اكل
_ اكلي لا تستحين
_ لا ليش استحي جوعانه كلش
_ اي عفيه…
خلصنه اخذ الصينيه طلعه بره
ودخلني للحمام غسلت ورجعت
_ سد الباب وهم قفله وباوعلي
تعالي ايمان
راجحه _ اخبز وشمر كدامي على البطانيه واحسب كم بيت وصوني على خبز
دخل محمد عصبي قميصه مشكوك ووجها احمر
_ ياستار هاي منو مسوي بيك هيج
_ المعاون والله بعد ما اداوم
هاي هيه بطلت
_ نصيت التنور ورحتله
انته تريد اتموتني تبطل شسوي تذرع شوارع
ولك كاسره ظهري الخاطرك
وهاي عيوني راح يعمن
_ أگلها المعاون شاد ويايه
كرهني بالمدرسه
_ اني باجر رايحه واشوفه ليش شاد وياك
_ حتى لو رحتي اني بطلت
ولا تخافين ادور شغل ما اكابلج واكعد
_ وين اكو شغل الناس عدها شهادات وكاعده عطاله بطاله
اخذت الخبز اوزعه على الحبايب الوصني وبكلبي حسره اباوع للسما واشكي همي الربي
لاكاني رافع توه جاي من الشغل
هله خاله اشلونج شبيج تحجين ويه روحج
_ من الهم يا يمه هذا محمد همه ما يخلص وحجيتله عليه
_ خالتي ودي الي يطلع يشتغل وياي بالقالب بلكت يصير براسه خير عوفي من المدرسه ما يحبها وكبر وهواي رسب
_ والله يارافع ما ادري اجيبه واجيك العصر
_ تمام
راحت خالتي واني دخلت البيت تلكتني ياسمين مثل كل يوم بوستني
_ طلعت من جيبي فلوس ونطيته هاج هاي مال القاصه روحي ضميهن
ايمان _ اباوع حتى من يرجع يتلكاها هيه مو اني
_ هاي شنو الفلوس تنطيها الاختك….؟؟
_ باوعلي بخزره
اسمها ياسمين وهاي يوميتها من شغلي امي تجمعه الها
ايمان _ لعد اني هم مثلها سويلي يوميه واجمعها
رافع _ وانتي شناقصج اشو كلشي اجيبلج وهاي اني كلي الج
ايمان _ مو الي
فلوسك كلهن يم امك واختك اني شمحصله
منك
رافع _ فتحت عيني متعجب من لسانها
شوفي هلمره مراح احاسبج بس ثقي اذا حجيتي وياي بهاي الطريقه راح اراويج رافع
الحقيقي
خليني اعاملج عدل احسن الج
ماريد تلاسنيني ولا تحاسبيني
ولا يعله صوتج عليه فهمتي
وهاي اختك وامك بطلي منها امي خالتج واختي اسمها ياسمين
اخذت هدومي ورحت سبحت
وطلعت يم امي تغديت وتمددت بغرفتها
ابتسام _ كوم يمه نام بغرفتك تعبان
رافع _ عوفيني بعد نعست
ابتسام _ نام ياروح امك
اني سمعته يرزل بيها بس ما ادري علويش
اباوع الرافع حبيبي يطلع من الخمسه اصبح
شكد يتعب حتى متغير وجها
وهايي امونه تبين عله وجبتها على كلبه وليدي ما يحجي امبين ما مرتاح
اندكت الباب
ابتسام _ شوفي منو اجانه يمه ياسمين
_ فتحت الباب …خالتي ووراها دخل محمد
راجحه _ مرحبا اشلونكم
ابتسام _ هله بيج ام محمد
تعالي نكعد بالهول
_ هاي شنو رافع نايم بغرفتج ….؟؟
ابتسام _ جريت حسره …
اي تعبان واخذته النومه
_ الله يساعده يتعب خطيه
ايمان _ هلا يمه هلا حمودي
اشعجب بينت
راجحه_ خزرتها جايين على رافع
ايمان _ اروح اكعده….!!!
راجحه _ لا عوفي براحته يمتجه ما يكعد
رافع _ كحيت اني كاعد
باوعت الايمان بخزره …
سويلي جاي….
ايمان _ اي ونزلت راسي وركضت للمطبخ
بس لا يكول الامي شيخلصنه
راجحه _ سوده عليه اخاف كطعت نومتك
رافع _ لا خاله اني ما جنت نايم بس متمدد
اي محمد اشلونك….!!!
محمد _ اني زين
_ هسه انته بطلت من المدرسه
محمد _ اي واريد اشتغل….!!!
_ ماشي تجيني خمسه الصبح
نطلع باجر عدنه بيت انتبه
وشد حيلك وصير رجال
تره امك تعبانه صير انته ابو البيت
لشوكت اظل تخبز
محمد _ هسه دخل اشتغل والله كريم….
رافع _ …..!!!! متعجب من رده
راجحه _ احجي ويه ابن خالتك عدل لا تنتر
فوك ما يشغلك….
رافع _ لا خاله عوفي ابراحته
انشالله من باجر يشتغل ويصير رجال
رافع _ راحت خالتي واني
رحت الغرفتي ابدل..ملابسي
واطلع لان حجز شغلي اكثره العصر التقي ويه الناس
ايمان _ اجيت بهدوء وبسته
من خده
شنو زعلت مني
رافع _ باوعتلها اذا عدتيها راح ازعل وانتي ما مجربه زعلي اشلونه
ايمان _ بعد ما احجي وعد بس اضحك لا اظل زعلان
رافع _ ابتسمت…
جيبيلي ملابسي لعد خل اطلع
ايمان _ الحمد لله رضى ماكو شيخلصني من امي
مرت الايام ارجع تعبان تتلكاني ايمان اريد واريد متخلص طلباتها ومره اجيبلها التريده ومره نتعارك بده صوتنه يطلع من الغرفه ما يفيد وياها لا اصياح لا حجي
ابتسام _ يمه شجاك انته الصوتك ميطلع ليش اصيح
رافع _ وين جانت عايشه بنت اختج راح تخبلني طلباته متخلص يوميه ماخذه للسوك
فهميني كل النسوان هيج لو بس هيه تره اني ما فارغ لازم اطلع من الصبح مو تسهرني اليل تنك براسي
_ على كيفك يمه زغيره وتوها شافت تريد تدلل بجالك
_ واني مقصر ….!!
_ ميهم داريها خطيه محرومه
_ باوعت الامي واحجي بكلبي والله لو تدرين شتحجي بظهرج هاي الخطيه
والله لو مو انتي وياسمين جان هجيت
_ اسم الله عليك وليدي تكبر وتعقل طلعها اخاف ضايجه
_ اطلعه أمري الله واشوف التالي
رافع_ وينج ايمان تحضري الجمعه اطلعكم للمتنزه
ايمان _ شو اطلعكم منو ويانه…!!!
رافع _ امي وياسمين واذا امج تجي هم كوليلها
ايمان _ ويعني صار شهر ميته حتى تطلعني ومن توافق تطلع العشيره كلها ويايه
ملازم أخذهم وروح
_ تره تعبتيني يعني امج خطيه محد يطلعها وامي وياسمين همين شتردين اروح وحدنه حتى انضوج
ايمان _ اني ما اضوج ما اريد احد ويايه….
_ لعد ألغت الطلعه ودرت وجهي وطلعت رحت للسيد
سيد علي _
خيرك امبين ضايج وعصبي
رافع _ اكو غير البلوه الجابتها امي الي يا اخي ما تشبع ولا تقتنع كلشي سويتلها ما يفيد
يعني جانت بنيه بسيطه وعايشه من الماكو هسه شبيها
انكلبت
وحاطه كورها ويه ياسمين
لا بعمرها ولا بكدها
السيد _ هاي اتغار عليك
رافع _ وامي هم اتغار عليه منها… ما اطيقهن
السيد _ الله يعينك…
رافع _ السيد كلشي احجيله
يدري شكو ابيتي ولهذا اجي يمه افضفض حتى ارتاح
رجعت للبيت لاكتني خالتي
_ اشلونك يمه رافع
_ هله خاله
_ اشعجب محمد ما رجع من الشغل
رافع _ يا شغل خاله من الظهر كملنه ونطيته يوميته مال اسبوع ليكدام يكول رايح اسوك للبيت
راجحه _ يا مسواك يا بيت
ليش يايوم جايبلي كيلو طماطه حتى يسوكلي
رافع _ شنو يكذب عليه
تره دايما انطي يوميته وفوكها بخشيش
_ والله يمه ما شايفه منه فلس يصرفهن على روحه
_ لعد من يجي دزي اليه اريد احجي ويا
_ اي بس كون يجي
راحت خالتي ..واني دخلت البيت
تلكتني ياسمين
هلو رافع وباستني متعلمه من هيه زغيره تحس اني ابوها
هاج هاي يوميتج خليها بالقاصه مالتج….
ايمان _ واكفه واباوع اخته اشلون حضنها وباسها وطلع من جيبه فلوس ونطاها اشتعلت بنار رحت للغرفه مالتي
رافع _ دخلت ابدل ملابسي
تلكتني ايمان معصبه
ها خير شبيج…..!!!!
ايمان _اني بعد ما اتحمل لو اني لو امك وياسمين
رافع _ شنو هذا الحجي جديد
يعني شتردين مثلا
ايمان _ اريد بيت ابحدي شنو اظل طول عمري خدامه الاختك وامك
_ كعدت على السرير امي خالتج واختي بنت خالتج
احجي بحترام عنهم
ابتسام _ اسمع وانقهر اني الجبته ودخلتها بيتي عبالي بنت اختي آدميه تالي تريد تأخذه وتطلع …
ظلو مصايح واني اسمعهم تالي اجه رافع سحب فراش وبطانيه ونام
_ يمه بالخمسة اصبح لازم اكعد عندي بيت اصبه
ابتسام _ اي يمه انشالله
ثاني يوم الفجر كعدته ريكته وطلع الشغله وايمان
حتى ما كعدت وريكته
اروح احجي ويه راجحه تعقل بنته
لبست عباتي وطلعت وصلت بابهم
دفعت الباب مفتوحه وراجحه كاعده بالطرمه
_ اشبيج جنج ما نايمه
راجحه _ دبريني ام رافع حمودي من البارحه ما رجع للبيت
ابتسام _ شنو وين يروح
اخاف راح لابو
راجحه _لا هو يعرفه حتى يروحله
ماخذ يوميته مال اسبوع من رافع وطالع وين ما ادري
ابتسام _ تربعت وكعدت كبالها
اجيت اشكيلها من امونه لكيتها تشكيلي من حمودي الله يعينج على هاي الخلفه
عليمن يطلعون وعباس ابوهم….!!!!
اوف يحظك يرافع ….
دك تلفون المحل
السيد _ الو
انته سيد علي …
_ اي اني تفضلو
_ ابوك سيد حسين تخربط وماخذي للمستشفى
_ اشبي يمعود يامستشفى
_ هسه جايكم…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
